2004 年 3 月 19 日 星期五 【晴】

今晚....開會後，同我的大包包去了傾偈，真係好好好好好鍾意同大包包一齊o既時間，每次同大包包一齊時，都好舒服，好開心!!!今日，都有面抽筋呀...不過，多了正經地傾偈的時間，好享受好享受好享受這段時間......好鍾意我的大包包，而且，同大包包一齊，唔會有誤會......感覺，好舒服，好有安全感.......大包包，我愛你!!!!!>3<....包包.........其實，甚麼也沒有解決到，但.....講了，是否好了？但願如此!!!^v^.....同包包傾完，我也帶走了問題.................

剛答了的.....我以為甚麼也沒有，不過....原來有分別的，到一個人時，我就會想了..........我唔知我唔知我唔知我唔知我甚麼都不知道.....我只想，這個世界簡單一點，可以嗎？簡單的東西，為何會變得複雜的呢？？心裡面....一陣的恐慌.....但我怕些甚麼？不知道.......真的是不知道？還是不想面對？是的，不想面對，但...是因為不想面對而不知道？.......很怕複雜....我想哭了.....可以當沒有聽過嗎？不可以，聽了就是聽了.....曾經，也有想過，但.....原來分別很大的.......太真實了，我不想知..........我.....很怕去面對，也很怕失去............想得到的，如果失去了，會怎樣？但得到了，是否變了另一種東西？現在的，正確的，是幾個鐘之前，是最好的感覺.....不想有變，不想改變.......................但....現在，就是現在了.......我唔知點唔知點唔知點唔知點呀.........我想哭，可以好像小朋友一樣，哭了，爸爸媽媽會來替我解決問題嗎？？....正想問天上爸爸時....我知道佢o既答案.....爸︰囡囡，妳今天，就是要學這東西了，放心，我在，我看著妳去面對，跌倒了，其實，都有我在保護著妳的，妳知道嗎？放心的去試吧....我︰爸爸，我知道，不過，我怕....可以哭嗎？.....爸爸︰可以，不過，這是我要妳去學的，哭了，還是要學......我︰爸爸，我知道了，但這刻...我想哭了.......


爸爸...我..............

>>March 20, 2004 at 7:36:25 PM GMT+8

2004 年 3 月 19 日 星期五 【晴】

起來...又試肩膊痛了....昨晚....睡得不好.....是甚麼原因？是這個原因嗎？.....hehee...昨晚仍是等不到呢，不過同小君icq，又八到o的o野，做o左八婆仔呢...=p
今天又開會了，一陣又見到我的大包包......昨晚無聊睇返o的畢業相，睇返同大包包影的畢業相，包包笑得好開心，而我，都笑得好開心呀!!!!突然，好掛住大包包.....如果大包包真係男仔，我諗我一定會鍾意o左佢....heheee.....有咩人可以令我每次見到時都咁開心呢？可以成日都令我咁開心，仲唔係理想對象？哈哈.....(想起早陣子又被問到我的擇偶條件....這個，算唔算都係一個呢？唔知喎，始終包包係女仔=p)
好悶添.....做咩好呢？.......又唔想做o野......
我都未公佈......我4月22日睇堂啦(學校每年都會睇一次堂，個個都要睇，連副校都要俾人睇)，今次睇我o既係......我日記之前提及過的鍾sir呀....好驚呀好驚呀，我知道o左之後，個個都替我驚呀.....因為.....鍾sir.............嚴肅，要求好高o架>.<....好驚呀!!!睇o既係6B班，這班學生.....一般啦....不過，如果睇4B、4C或者3C都會好O的，睇1C、1A就更加perfect啦....不過，好在唔係2C同5B o羅.......

>>March 20, 2004 at 3:24:56 AM GMT+8

2004 年 3 月 19 日 星期五 【晴】

今日四堂，但好似好多好多個星期五我都寫埋同一樣o既o野....逢星期四我梗會寫，又是九堂的日子；逢星期五我都會寫︰今天得四堂/六堂，不過，又是最痛苦的2C堂....是的，今日命運沒有改變，氣人的威小鴨，又是氣得我七竅出煙!!!!結果，我說要留他放學，他在課室找著課室的門不企走，邊哭邊說︰「譚老師，我下次唔敢啦，俾次機會我啦....最後一次啦....」譚老師生氣的說︰「唔得呀，今次一定要留，你次次都話最後一次，但都唔改善.....無得傾，今日一次要留，喊都無用o架啦.....快行!!!!」威小鴨繼續的哭︰「唔好呀...唔好呀....俾一次機會o丫...」譚老師繼續生氣地說︰「無啦，今日曳，今日罰....成日都話俾機會，點解你做之前唔諗o下後果？無得傾呀!!!一定要留!!!再唔行，罰多兩個鐘呀!!!」.....如事者，這幾句對話講o下大約十次以上.....威小鴨終於俾我、馮sir同埋路過的黃sir捉了上教員室，但他很大力，我的手也差點整親了.....今次，真係一心決定了要罰o架啦，不過......最後都係罰唔到....原因係，校車叔叔福哥話，今日無團契喎，四點半無校車喎......又因為我趕住當值，打唔切電話俾威小鴨媽媽叫佢o黎接威小鴨，最後.....都係放過威小鴨一馬了..........不過，真係好激氣，當完值返返學校，都過o左成半個鐘啦，但我仍然嬲到想噴火......生氣的樣子，回到教員室都收唔到.....好嬲好嬲，激到想喊呀!!!!條氣頂住頂住，等o左好耐都下唔到火............好激氣....不過，由於工作堆積如山，而我今晚也約了人食飯，不能立即回家，所以，埋首工作...做做做......勁呀，結果，今日我用了三堂空堂加放學時間，一共衝了十一疊畫....嘩!!!勁呀!!!好似破o左紀錄了，改完第十疊時，真係好累，好唔想改落去，不過，因為仲有一定的數量，唔想下星期咁辛苦，又未夠鐘，所以堅持埋第十一疊，改完第十一疊，已經唔想再改落去了....積存的作品，總共仲有...一.....二.....三(這份收得一半，未改到).....四(這份欠三副未收，想等埋先改).......份作品未改.....(唔知數齊未呢，因為可能有o的會留o左係班房唔記得o左)....下星期繼續追..........好累了.....

放工時，在地鐵看報紙(我通常都係放工那程地鐵先睇一日的報紙的)，看見了今早略有所聞的交通意外，看著報紙，看著描述交通警的死況、傷勢....心裡一陣陣的震顫...眼眶一熱...差點哭出來了.....真係好慘......傷亡已經是慘，傷到這個樣子，連眼球都飛脫了...恐怖....慘不忍睹!!!!醉酒駕駛害人不淺呀.......醉酒的人，反而輕傷也沒有.....搞錯!!!!有點激動!!!!

到了，今晚約了小熊維尼和跳跳虎食飯，久久沒有和小熊維尼食飯了，對上一次，已經是五六月的時間了....嘩，都差不多一年前了.....跳跳虎雖個個星期都見，不過，說話都不出兩句....今晚可以一齊食飯，我們笑笑笑的，笑得瘋癲了...可惜，我太累了....真的很累，勞氣很累，工作了五天很累....而且，夜了.....好累........不過，今晚食得好開心呢......下次再食過....好飽呀......

眼訓了....不過....我還想等多一會....但我知道....等到的機會好細喎............等多一陣啦，十二點半啦，反正明天不用返學!!!!


>>March 19, 2004 at 4:57:16 PM GMT+8

2004 年 3 月 17 日 星期三 【晴】

壓力問題剛剛好了一點，今天，又差過......肩痛(那是因為上了九堂，還是壓力？但我上九堂，即係無時間坐在位改簿啦..)，胃痛，幾日都有痛，剛剛昨天沒有痛了，今天...又再痛.....同埋，今日個人好燥好煩咁呀，全日都好想找人o黎咬(掛住提子味添....>.<咬咬咬咬咬咬咬!!!!!!).....個心好煩呀，但又唔知煩o的咩.....

好煩呀好煩呀!!!!!好在明天得四堂.....終於捱過了一星期，又可以休息了!!!!
今天在地鐵上碰見了一個ied的同學，她不是我一屆的，我想，她應該實習中呢，看見她拿著相機在看，我猜她是看實習學校的一些照片，想起了上年這個時間，我也是實習中呢，那時，每天都好驚，好緊張，不過，每一堂都好珍惜，好期待.......如果，現在的我仍可以期待每一次，珍惜每一堂，一定會更享受我的工作....不過，我感到疲累、緊張、壓力大..............好辛苦呀!!!!其實工作唔係真係好辛苦，不過，壓力令我透不過氣了....>.<
估唔到搞封e貓搞o左咁耐.....訓啦.....煩煩煩!!!

>>March 18, 2004 at 4:03:20 PM GMT+8

2004 年 3 月 17 日 星期三 【晴】

又是九堂的日子，今天比之前的九堂更累，因為昨天打完波，今天手手腳腳都在痛呢....大久沒有運動了....加上....腳軟軟的....徐老師今天又話我面青青啦.......真係好累.......學校又到了病的高峰期啦，今日，一共有三個代課老師來了，即係話，已經有三個請三日假的老師啦(仲要係同時喎)，明天，靜儀都請三日啦....還有抱病但仍工作的美鳳同鍾sir....好多人病呀!!我的範圍又試包圍住病人啦....靜儀、鍾sir坐對面、美鳳坐後面.....我要努力，唔可以病o架.........

今日係學校，又做錯o野啦>.<唉...好內疚呀!!!算啦...唔想提......

hahaa.....傻豬....傻豬豬......快o的食o野啦....食o左藥未呀???hahahaaaa.....heheheee....haha....死啦，想收口都唔得添....hahahaaa....以後，你係我日記的代號，就變成傻豬啦...hahahaaaa........笑死我啦!!!好玩!!!


>>March 18, 2004 at 3:07:48 PM GMT+8

2004 年 3 月 15 日 星期一 【晴】

今日心情靚靚!!!!

靚靚一︰收到一個電話^_____^

靚靚二︰個幾星期無訓過一覺好o既，昨晚終於都有覺好訓啦

靚靚三︰打了場羽毛球，真係好耐無玩過啦.....突然又諗返以前o既o野，不過，無唔開心喎....大大的減了壓!!thx!!

靚靚四︰今日全日係度玩隻超醜樣彈塗魚，玩得好開心，一見到佢就話︰真係勁樣衰呀...hahahahaaa....似足我...好正!!!愛死佢啦!!!未同佢改返個名添!!

靚靚五︰學校福音週.......學生玩得好開心，見到佢o地有機會聽福音覺得好開心

靚靚六....靚靚七.....唔知呀.....總之開心啦!!!!

<以上排名，係真係分先後o架喎....唔係時間，而係開心指數....^_____^>

>>>>>>>>>>>>>>>>>>>>>>>>>>>>>>>>

昨天已經好想講，但唔記得講，福音週的主題曲係︰我是主的羊....如果，我識跳返這隻action song就好啦.....可惜係最後都無學啦，如果可以教o的小朋友跳，佢o地一定好開心，同埋可以記實o的歌詞啦......而家，每朝同每日lunch都係度播這首歌，每次播都令我好掛住dog power呀!!!..........掛死人啦......^_______^


>>March 18, 2004 at 3:03:44 PM GMT+8

2004 年 3 月 14 日 星期日 【晴】

好興奮呀好興奮呀!!!!!即刻打俾豬妹，不過...打唔到-_-""..到佢打返俾我時，估錯o左啦....

好興奮係因為我竟然買到個彈塗魚鎖匙扣呀...哈哈哈....好醜樣o架!!!勁正呀!!!!一見到佢就即刻買o左...送俾人好定自己要好呢....heheee......勁鍾意佢!!!!夠醜樣，似足我!!hahahahaaa.......

今日又試病病地啦....一起身就暈暈咁....一路暈到返到學校，食完早餐(今日個早餐好趕呀，因為福音週開幕禮，學生早會早了十五分鐘呀...)，都仲係好暈，食了粒糖...但都仲係好暈...暈住咁上堂，真係好辛苦o架...還要彎腰去教...差點係課室暈低呀...............一直暈暈暈....暈到中午才好一點....放學時，都唔知點解今日累得咁緊要.....好想即刻返屋企，但都要做埋o的o野先走得o架...做到五點鐘，頂唔順....返屋企....返到屋企，想訓一陣o架，不過仍然都係訓唔到....係o既，今日的確有o的擔心的事...不過，過o左啦...真好!!!!

今日係學校福音週的第一日，哈哈，成個星期的主題，都會圍繞一隻走失o左o既羊仔，o個隻羊仔係由一個二年級的學生扮o架，基本上，佢係神秘羊身份，無人知邊個係羊仔(當然，佢有o的同學仔已經知道晒啦)....好佩服諗這個活動的亞me...我覺得佢真係好叻o架，低年級的同學仔，真係好興奮咁，每個小息都落操場到找羊仔....好好笑.....因為調堂，今日有機會調o左去羊仔o個班(我無教佢o個班o架)，佢係度練緊o的對白呀，我仲幫佢練o左幾次，佢真係好得意，笑死我啦，班主任話佢真係好投入角色，當o左自己真係隻羊仔，而家講親o野都係度咩咩聲...哈哈...笑死我啦!!....

以利蟲︰我哥昨晚回來都幫我分享o左啦，不過，要一齊食先算分享o架喎，你快o的上o黎食啦...heheee......
以利包︰......傻包傻包...我好鍾意這個名添.....hehee....因為妳，我好鍾意自己係個包呀...hahaa....包包.................hahahahaa.......

>>March 15, 2004 at 3:38:35 PM GMT+8

2004 年 3 月 13 日 星期六 【晴】

吃完雪糕回來了...心情好，因為有雪糕食....hehee...為食!!!

以下，是好多好多個星期前的靈修文章
以利亞一生的事蹟是在北國惡王亞哈的統治下發生。當時北國偶像林立，道德淪亡，人心荒蕪，如同天久未雨。以利亞性如烈火，信息亦如火灼人，熱心如火，能力如火，甚至升天時神亦以火車火馬接他上去，所以他的外號是烈火先知。他預言若自己不禱告便無雨，結果三年半無雨;他以神蹟使寡婦之油和麵不缺，使她的兒子復活;他以勇氣迎亞哈，並以一人之力敵四百五十個巴力先知，在迦密山上戰勝他們，顯明只有耶和華是真神;他一禱告，久旱的天就降雨在地上。然而，在遭耶洗別追殺時，以利亞亦會膽怯逃避而求死。他需要同伴、同工，他亦需要糾正自己的價值觀，毋須與列祖比較，不一定要出人頭地。從此，他揀選了以利沙與他一起同工。
無論一個人有多少恩賜、能力，他仍是一個人，他需要足夠的時間安靜在神面前，他也需要一個支持系統-----小組、團契生活，否則便會枯乾。你目前之個人獨處、與神相交及團契生活又如何？
雖然，文章內容和以利蝦、以利蟲同以利包的關係不太大，而實在的，文章只是與那天和以利沙傾談的內容有關，但以利沙這個名字，係令以利蟲、以利蝦同以利包的名字出現的原因，而以利X所代表的，就是我的一個支持系統，一個屬靈上的同工!!!!
謝謝我的以利沙、以利蟲、以利蝦同以利包呢^________^

>>March 14, 2004 at 4:03:11 PM GMT+8

2004 年 3 月 13 日 星期六 【晴】

本來今晚好唔想食飯，咩都唔想食，但見你咁好，做緊o野都online，又想起應承過你的，所以，還是落去買東西吃，免得又胃痛了.......差點忘記了我的承諾...sorry!!!!=P

落到樓下，用了一個好唔健康的減壓方法，就是買東西...算啦，在無可選擇的情況下，間中一用，也無妨吧!!而且，去也只是超市吧!!!!不過，買的也不全是健康東西，買了一點零食，其實不健康的....不過也買了....=p看見了雪糕，為食的我，也禁不住買下來了，想起了上次去食雪糕添.....今次，無人同我分享，一個人食晒=p，還買了香蕉，只是聽說香蕉有減壓的療效，即管也試試看吧......買漏了鮮奶，我想，睡得不好，是壓力的惡性循環，壓力大，睡不好，睡不好，叫壓力更大，所以，最好還要處理我的睡眠問題，睡前的一杯熱鮮奶該也有點作用的.........

最近有好多以利X出現，以利蝦啦、以利蟲啦、以利包啦...不過，除o左以利沙之外，我並沒有分享過為何我稱你們是以利X，其實，是一篇靈修來的，轉頭再分享，現在，去享受美味的雪糕和不太好味的香蕉了.....買東西來減壓，好像有一點作用呢...心情好了^____^

>>March 14, 2004 at 2:21:18 PM GMT+8

2004 年 3 月 13 日 星期六 【晴】

今天的崇拜，回了沙崙....感覺....仍是一般，但最後的三分鐘行動，是三個月以來，我覺得最有義意的，沒有了那些沒義意行為，沒有了那些跟本不是愛的行動，反而這個代禱，才是愛的行動!!!!
午飯後，和以利蟲玩o左一陣，係大頭牛手上搶走以利蟲....不過，唔敢啦，即時交還...我就一個人行了去旺角中心了，其實，只是見悶悶地，唔想咁快返屋企，所以想行一陣，點知，真係一陣，去到旺角中心唔夠十五分鐘，突然一陣陣失落的感覺....我都唔知點解，總之突然好失落，咩都唔想睇，咩都唔想行，只係想快o的返屋企，最好俾我一個人躲起來.........之後，我就立即回家了，回家的路上，除了想快點返到之外，我意識到這是我的壓力、情緒作怪.....很離奇，為甚麼會無端端感失落？為甚麼無端端想躲起來？這陣子，壓力真的有點不尋上，從晚上不能安睡就知道了，成個星期，都不斷的發夢，雖不是惡夢，但都是一些令人好緊張的夢，而且整晚醒過來，昨晚仍是一樣，中間都不記得醒了多少次，只知道，差不多每次醒來時，雙手都是握著權頭的，我知我很緊張呢..........今天醒來，好累，好像整晚的肌肉都拉緊了，所以很累.......
累累累........還是去睡一會吧!!!!!

>>March 14, 2004 at 7:58:11 AM GMT+8

這是魚魚的日記簿，記載了魚魚的生活、感受。願來光臨的人能從我的生活，我的改變，看出上帝的大能!!! 廣告 讀者留言 |  路人留言   | 仲有我記得來呀… <br>雖然遲 >>January 28, 2011 at 5:19:52 PM GMT+8 仲有我~~ >>December 17, 2010 at 1:27:55 AM GMT+8 看到妳的日記, 我也感受到一篇出 >>March 16, 2010 at 2:09:20 AM GMT+8 很久沒有看你的blog了, 因為 >>March 11, 2010 at 8:33:30 AM GMT+8 好野 ~ 到你la ~ <br> >>March 3, 2010 at 12:34:20 AM GMT+8 B姐,對象當然係我啦,佢成日話我 >>February 17, 2010 at 1:35:13 AM GMT+8 「敬拜由新郎領，司琴由新娘做，訓 >>February 15, 2010 at 3:27:48 PM GMT+8 wa~ 你好靚喎~ 兩條裙都好靚 >>February 12, 2010 at 11:15:28 AM GMT+8 魚哥哥仍會講"半夜三更，捨得訓未 >>February 11, 2010 at 12:29:06 PM GMT+8 半夜三更，捨得訓未呀？？！ <b >>February 10, 2010 at 9:34:18 AM GMT+8 做咩唔開心呀.. 有咩打電話俾我 >>February 5, 2010 at 3:03:42 AM GMT+8 今天突然想起妳的日記, 到來看看 >>January 20, 2010 at 6:45:28 AM GMT+8 加油阿!cherry! <br> >>September 13, 2009 at 2:54:51 PM GMT+8 共勉之喔，雖然我都覺得很累!!! >>September 10, 2009 at 2:45:34 PM GMT+8 暉暉︰有錢，並不代表受高等教育， >>August 9, 2009 at 1:10:48 PM GMT+8 我以為你&#21707;個D高級 >>August 8, 2009 at 12:14:35 AM GMT+8 哈哈，通常醉了的人都說自己沒有醉 >>August 4, 2009 at 5:08:49 PM GMT+8 暉暉︰想不到，後來更喜出望外啊~ >>August 3, 2009 at 3:57:06 AM GMT+8 哈哈，沙灘日...真係好"喜出望 >>July 30, 2009 at 3:12:48 PM GMT+8 咁幾時有得食呀~~~ >>July 13, 2009 at 3:55:07 PM GMT+8 我地都好耐無食過你整既湯圓喇~~ >>July 12, 2009 at 10:46:17 AM GMT+8 哈哈，又俾我找番你條日記link >>July 12, 2009 at 12:51:15 AM GMT+8 請問彈彈湯圓是什麼東東?? >>July 11, 2009 at 6:15:30 PM GMT+8 我個名都串錯，唔開心0羅!! < >>June 19, 2009 at 12:02:46 PM GMT+8 嘩!~ <br>轉會都收到咁多禮 >>June 16, 2009 at 3:50:01 AM GMT+8 妳要保重身體哦~~ <br>宜家 >>June 10, 2009 at 3:46:31 PM GMT+8 其實我自己有時也會消一消失呢!所 >>May 30, 2009 at 4:45:11 PM GMT+8 咁Mark姐話你cool嘛，咁你 >>May 27, 2009 at 3:35:38 PM GMT+8 Yeah~ Cherry,歡迎你 >>May 21, 2009 at 2:36:24 PM GMT+8 翠翠好叻丫! 妳真低調啊! 也不 >>April 5, 2009 at 11:51:42 AM GMT+8 翠翠好叻女丫!!!!!!!!!拿 >>April 4, 2009 at 2:27:57 AM GMT+8 叫魚嫂嫂,蛋嫂嫂又或者笨蛋嫂嫂都 >>April 2, 2009 at 6:12:22 AM GMT+8 take care翠翠！！！ < >>March 23, 2009 at 4:30:49 PM GMT+8 保重丫! 快d好返星期四回5同我 >>March 22, 2009 at 2:40:33 PM GMT+8 I miss Mei too~~ >>February 26, 2009 at 11:36:03 AM GMT+8 這陣子,我也常常想起她,十分十分 >>February 21, 2009 at 11:21:38 AM GMT+8 甚麼？難以置信！！ <br>可以 >>December 10, 2008 at 9:42:41 AM GMT+8 酸薇薇, 雖然我唔認識妳.. 知 >>December 10, 2008 at 3:48:09 AM GMT+8 哇哇哇！！！！我好喜歡那兩幅外星 >>November 9, 2008 at 5:31:15 AM GMT+8 我都好享受考試週每日都有半天假丫 >>November 5, 2008 at 2:17:41 PM GMT+8 to:pp <br>係喎~差點唔 >>November 2, 2008 at 5:31:04 AM GMT+8 對上一次應該沒有10年吧!去Li >>October 27, 2008 at 2:23:33 PM GMT+8 Cherry,唔好放棄!!!因為 >>September 23, 2008 at 11:17:29 AM GMT+8 翠翠,妳真是一個好老師喔! <b >>September 20, 2008 at 4:15:32 PM GMT+8 take care 碎碎 <br >>September 8, 2008 at 3:25:23 PM GMT+8 我和妳一樣打敗仗哩! 一同保重丫 >>September 7, 2008 at 2:23:21 PM GMT+8 Te amo. >>September 2, 2008 at 6:09:38 PM GMT+8 你當年那一班真的有好多經典人 < >>August 26, 2008 at 10:27:22 AM GMT+8 哇~~~~~~~~~~原來你和碧 >>August 21, 2008 at 3:42:37 PM GMT+8 好耐無用房電腦..好耐無上來留言 >>August 20, 2008 at 5:26:11 PM GMT+8

人氣: 107092

Design & Scripting by ShowHappy.Net