2003 年 11 月 9 日 星期日 【微冷】

這兩晚回到家都累累的，所以沒有寫日記，今天，本來也沒打算寫.....因為，都好累o羅.......
昨天是dog power的會議，也是和dog power隊友們影畢業相的日子，本來是教會的會員大會，由於我是新會員，昨天不出席，就要等到明年了....但我仍是選擇了影相..........真的好想同大家影相o麻~~~
拍照後是開會了，改選委不夠人，dog power要多等半年了.......有點害怕dog power從始消失，我實在不捨啊.....但我知各人不做改選委都各有原因.......雖然我並不是領導人材，也不是開荒的材料，但因害怕dog power從始消失，竟有點衝動加入改選會....讓我想想吧!!!
之後，我們五人(karen、kelly、chris、alec同我)去了食飯，上天下地，甚麼都說，擇偶條件、理想、又平又快追女仔方法、男女對愛情、婚姻的看法，全都拿來說一餐，當中，當然少不了chris的搞笑事吧.....太多了，單是他的擇偶條件，我們已笑了餐飽，還有我的小女人性格....不懂分女人和女仔、男人和男仔......都笑了一餐了........多謝karen用個咁靈活的方法話我知o羅.......-_-
最後不得不謝謝alec呀~~唔該晒!!好耐無人送我返屋企lu......哈哈....還用十秒時間看了示範單位，我覺得個哥哥俾我o地激死呀，竟然同佢講，我o地睇多十秒就夠.......呵呵......哥哥，我o地個樣唔係似買樓o下o麻？？！

今天，又要返學了，身體很痛，或者因為星期六跳舞太累了，今天整個人都很累，又有點發燒和頭痛，或者昨晚太夜訓了…..不過，加起來，又或者有點感冒的跡象…………
今天天氣轉涼了，不喜歡冷冷的天氣，因為冷冷的感覺會令我覺得孤單和寂寞……….幸好，今天晚上有你!!

亞翠，歡迎光臨啊!!!
昨晚沒有說，因為大家不是在說那些東西o麻，而且，唔多唔少都有講少少的，只係無話你知我唔開心到喊就係昨晚同你o地講那些吧，而且，我無好重點咁講過o羅………..記得我說過係學校唔開心的東西嗎？？


>>November 10, 2003 at 4:06:58 PM GMT+8

2003 年 11 月 6 日 星期四 【晴】

大喊了一場，好了點.........不過..................

唉~~~~~
竟有一刻的衝動放棄這個理想......但我知我是一時衝動的......希望啦~~~~


>>November 7, 2003 at 4:22:54 PM GMT+8

2003 年 11 月 6 日 星期四 【晴】

今日好唔開心.....
日記係我一個發洩的地方，平日有咩唔開心，咩感受，第一時間都係想係日記記低......
但今晚.......咩都唔想寫........

如果.....今晚有人陪我喊就好啦........


>>November 7, 2003 at 2:43:06 PM GMT+8

2003 年 11 月 5 日 星期三 【晴】

九堂的日子捱過了，今天真的沒停過手，由第二堂開始(9:20am)，一直忙到五時多六時才停下來，連食飯時間也不夠。........累累累.......九堂接住上，無停過.....連小息，lunch time都被學生佔據埋，放學當值，當值之後五分鐘就開會了，會議完結，立即完成六年級呈分試的批改(趕著交分呀).....趕趕趕.......五點多，終於搞掂了......
其實，或者是件好事來的，lunch time忙得開交，除了因為要罵人外(這個最唔好，但慶幸這次我沒發火)，就是要應付好多好多好多學生的要求，有來問我拿材料的(這代表他們昨晚已經開始回家做了，進步了吧!!)，有欠我功課來補做的(來補做其實也好，唔識的可以即時教返)，最後，最開心的是來問我東西以及一些明顯只是想來找我，之後隨便找些藉口來問我東西的學生，這些叫我最開心~~~~
今天的九堂好激氣呀~~~~~6B班，難得一有堂唔洗俾我罵(以為).....點知，最後三分鐘還是發火了......生自己的氣，為何EQ不能高一些？用別個方法？生學生的氣，為何只差三分鐘都不能做好？57分鐘都ok了，但三分鐘都不可以...........難為了接著要上的3C班，太生氣，要點時間安靜下來~~~~~
LUNCH後，或者是吃得太趕了，加上又被4C激.........嬲得自己也胃病了，好病呀，連坐下來休息的時間都沒有，就上1C了，堅持的站著，堅持的走到學生坐位指導，不過，痛得說話也說不到了，莫說要行，站在老師位上，以為一陣無事........點知，無停到，仲加劇了....最後，實在站不到了，還是要站著下來..........本來上得很舒服的1C班，不知何解今天都不能聽聽話話，但.....我還喝止的氣力也沒有了.........終於到下課了，有十分鐘時間可以坐一坐，但..........九堂後的桌面.......根本連休息的位置也沒有.......唉.................好痛呀~~~~~~~~

夜鬼老師，.........我都知道遲o的會好o的.........不過.........好難咁.....其實勞氣，咪又係自己辛苦.....不過，控制唔到.............我咁鬼惡，又成日發火.....佢o地只會好憎我............唉.....


>>November 6, 2003 at 3:18:01 PM GMT+8

2003 年 11 月 4 日 星期二 【晴】

我的工作...........
其實，我好喜歡我的工作........
其實，我好喜歡我的學生.............
不過，每當我忙碌時，我感到疲累、無力........有多喜歡的工作都無心機做了.......一切......變得馬夫.......
每當被學生激得扎扎跳，總是禁不住的失去耐性，有時會發惡，有時會發火...........其實，我好喜歡他們的........
好想.......好想我的脾氣可以好少少.....好想我的耐性可以多少少........好想我的時間可以多少少.....好想我的學生可以乖少少.........好想........好想.......好想..............
面對現實吧~~~~~

>>November 5, 2003 at 3:17:16 PM GMT+8

2003 年 11 月 3 日 星期一 【晴】

再一次的起心肝，預備好每一堂，今天一日之內寫了三個教案(但尚欠一個.....明天上四班呢...)，不過，就好似一次過用晒o的精力咁......好累呀........唔知點解，又一次感到返學的壓力.....可能因為我又累積了很多的工作了，cyc的繪畫比賽、門訓的繪畫比賽、做不了的壁報(做到都唔知差幾多個啦...)、尚欠約八疊畫未改.....仲日每日都要備的課、要做的示範作品、教材..............快死了.......點解感覺上我應該比人得閒，但我卻怎也做不完我的工作的？？好累............今早，唔知醒，遲了半小時起床，還傻傻的，記錯了要當值，飛一般的趕出門口...半跑地行回學校，回到學校，才發現自己原來不用當值........真是太蠢了~~~~~~唉..........

>>November 4, 2003 at 3:50:56 PM GMT+8

2003 年 11 月 2 日 星期日 【晴】

回想起昨天，如果向好的一面想，或者是開心的.....昨天，可以陪到豬妹買入宿的東西(這個要多謝你的提醒，我才醒起這是一件好事)，一天內我竟收到了兩隻winnie the pooh.....一隻是多肥肥送的，我叫牠做科學怪頭，一隻是龜送的，士多啤梨pooh，兩個驚喜，其實，是開心的......我也不明白為何昨晚會感到不快，或者，就只是悶悶的感覺......不過，最後都俾隻夜鬼搞到我開心返，多謝多謝!!!!!最多謝係昨晚睡前你的一番話，一個提醒!!!!!~^v^~

今晚又排舞，無論在甚麼時候再跳喜悅，仍是十分累的..........累累累......還帶著一天的睡意去排舞，真係好眼訓呀~~~~~前了個小朋友頭，今天俾好多人問我個頭係咪自己剪啦....咩真係似自己剪咩？？>.<快o的長返啦，我唔想這個小朋友頭影畢業相呀...........還有一件好事，就是現在上堂，越來越不勞氣了!!!!!真好~~~比開學時，好得多了，到底是學生適應了我，還是我適應了工作？？我不知道呢......只願未來做得更好........但.........做咩可以令我做得更好呢？..................

>>November 3, 2003 at 3:03:07 PM GMT+8

2003 年 11 月 1 日 星期六 【晴】

回家了，今天好累啊，因為同君行了一日，同佢買入宿的東西......不過，我都洗o左唔少，因為我都買了條牛牛褲o麻，還有其他濕碎東西........咁又用o左三百蚊啦........昨天和今天，是今個月的頭兩天，我已經洗了一千蚊啦.........唉.....看來，我今個月可用的資金已經所餘無幾啦.........今個月開始，還多了很多洗費......因為，今個月開始，我的地鐵乘車證已到期了..........昨天就是因為咁，用了百五蚊買張成日八達通......以後每天的車費，將會是之前的一倍.......唉......好好好貴呀!!!!!!而且，快進入冬季了......又要買衫啦.......未試過冬季實習，所以冬天大部份返工的衫都要買過.....買衫、買鞋、買褸..........冬天的衫仲要特別貴添.......點算.....相信這一兩個月，我份糧將會洗得乾乾淨淨......
今天...........悶悶的....不是實際上生活好悶，因為今天我出了街.....不過，個心好悶.....又無啦啦有點down......都唔知點解......一個人食飯.....心情唔多好，這兩天，胃口也差了，昨天以為是因為暈過車浪，但看來不似了，因為今天也不太吃得下.........我想，是因為我心情悶悶的，所以吃不下了.....豬妹，有我陪你悶悶的，有我陪你食唔落啦............今天幫小蟲做了份問卷，雖然並沒有甚麼分析，但我可以肯定我屬於壓力極大的一群，因為它列出來的徵狀，我大部份都有了......其實，這個我也知的，我一向都係一個不懂減壓的人，之前突然跳返舞，好像好了很多，但繼續下去，又好像減不了甚麼，或者，其實已經減了一些，如果現在沒有跳，或者我根本捱不下去...........又或者，最近的靈修差了，少了親近神，以致我的生活變得枯燥呢？？........今晚......好想有人陪我食飯......可惜，找不著人..........豬妹本來話同我食o架....其實，我並唔係唔想佢同我食.....只係，我知道入宿花費甚大呀，要陪我食飯又花一筆....算啦，還是讓她回家食飯吧....之後，我便獨自走進超市，看看有甚麼想食.......今天，又是沙律.......不過，之前整沙律是因為自己想食，但今次，只是因為............無咩選擇............當減肥吧............
想起來，原來我都幾煩........成日鬧情緒........情緒起伏的人通常都不太討人喜歡的.......幸好現在身邊沒有人，否則，便辛苦了身邊人了.......

>>November 2, 2003 at 1:42:07 PM GMT+8

2003 年 10 月 31 日 星期五 【晴】

今天整天都趕過不停，早上起來便係教院取袍......原來無o左授權書都可以取到的，早知可以叫佩儀取啦.....等我晨早入去浪費了三小時..........激死......
一朝早答了四轉巴士，再加上離開教院後好耐無撘過長途巴士，唔暈有鬼啦，撘72X返屋企時，暈到早了三個站下車，由旺角行返大角咀，好暈呀，差點嘔了，很痛苦、很漫長的路......回到大角咀，車浪仍在，沒胃口也沒時間吃午飯，就去了整頭了，今個星期再不整，就不用整的了，平日放工絕對花不起數小時的時間，下星期又整天約滿，所以，今個星期非搞不可了.......最後，搞了四小時.....遲到小組添..........唉......又話兩三個鐘得o既？？！
之後，立即就趕去美孚會合我的組員了，今天，是十一月的第一天，我的學生八達通已正式宣告過期了........又花了佰五元....唉，十五分鐘內花了差不多七佰元啊.......真的好貴......從今天開始，要坐貴地鐵了.....還是學生時都不覺這麼貴的.............
開完組，打埋邊爐，終於回家了，實在太眼訓了........
剛剛好，用了七佰元..........
今天的打邊爐不太投入，唔知係咪今日暈過車浪，沒有胃口，又好眼訓..........不過，好耐無咁大班弟兄姊妹一齊玩過啦.....(昨晚的算不算呢？都是主內弟兄姊妹喎.......ar.....但.....算唔算玩呢？)

小星星，咁你有無出街玩呀？.....o的學生見到我咁就會唔驚我o架啦....不過好在那個是一年級學生..........~^v^~


>>November 1, 2003 at 5:12:09 PM GMT+8

2003 年 10 月 30 日 星期四 【晴】

日記終於都好返啦....yeah~yeah~yeah~~~~
今晚街上好多鬼呀.....因為今晚係halloween o羅....^v^
今日係學校測驗週的最後一日，學生當然high high地啦，測完驗啦o麻，中午仲有學生入來教員室問老師拿糖食......我都派o左四粒...heeheeheeeeeeee.......
中午，學生放學後，是我們的教師聯誼日，我們十多位老師連同校長一同去了赤柱行街、行沙灘同食飯.......其實，每一次來赤柱都係BBQ，係這裡食飯、行街，都係第一次咋(上次好快咁行過o的鋪頭，無入過去睇o野，咁算唔算行過？)......我們四隻為食貓，走埋一齊，一到達赤柱就不停嚷著要買o野食了....^0^......行著行著，赤柱的風景真的不錯!!!!!我還影了些日落照片呢，不過，今次影的並不是太理想呢.....不過，校長讚我喎.....=p其實我都唔識影相o既，特別係最近睇得多夜鬼老師的相，睇返自己o的相就更加覺得無味道....不過，我成日拿著部機係度影就真o既.....因為我鍾意o羅....哈哈......(校長話我好有藝術氣質喎.....呵呵....係咩?????多謝校長!!!!)之後，我們去了x辣屋食飯(唔係唔想賣廣告，只係我唔記得o左叫咩名)，環境超靚呀，都唔算好貴(其實係湯主住包底，我都唔知幾多錢，估計每人百多元啦)，向著海，另一面又向著赤柱的大街，燈光閃閃的映在海面......只可識我們在吃飯，我沒時間可以影低美麗的夜景，不過，環境真的很舒服呢~~~
食完飯，大約已經八點多了，赤柱大街的大鬼小鬼開始出來了，小鬼特別可愛，以我的性格，當然會走去撩那些小鬼影相吧，但由於還早，街上只有很少的鬼，打扮也只有幾個......看見數隻小天使在廣場附近，終於忍不住要去影相了，連大隊也不跟，停下來和小天使影相，之後，聽到有個小朋友大叫劉老師.....叫劉老師，咁即係我們的學生？回頭看看......原來是一年級的林子榆.......好可愛的她，胖胖的小天使，當然走過去看看她吧，她也立時很精乖可愛的叫了我一聲︰譚老師..........笑得很甜很可愛....(老實說比教會恩恩更得人喜愛!!!)......原來，剛才我在一邊拉著的，正是她的妹妹.....哈，我和敏儀就拉著她影相了..........好可愛，也好開心見到佢呀~~~~~
今晚，最開心的莫過於和那些小鬼們拍照了.........還有和斌斌、亞詩同敏儀四個一齊發揮我們的為食本能了........哈哈.....
如果......如果今晚有人陪我留在赤柱玩就好了!!!!!!

平日在學校很cool的我，被學生看見我熱情的一面添=p

>>October 31, 2003 at 2:21:35 PM GMT+8

這是魚魚的日記簿，記載了魚魚的生活、感受。願來光臨的人能從我的生活，我的改變，看出上帝的大能!!! 廣告 讀者留言 |  路人留言   | 仲有我記得來呀… <br>雖然遲 >>January 28, 2011 at 5:19:52 PM GMT+8 仲有我~~ >>December 17, 2010 at 1:27:55 AM GMT+8 看到妳的日記, 我也感受到一篇出 >>March 16, 2010 at 2:09:20 AM GMT+8 很久沒有看你的blog了, 因為 >>March 11, 2010 at 8:33:30 AM GMT+8 好野 ~ 到你la ~ <br> >>March 3, 2010 at 12:34:20 AM GMT+8 B姐,對象當然係我啦,佢成日話我 >>February 17, 2010 at 1:35:13 AM GMT+8 「敬拜由新郎領，司琴由新娘做，訓 >>February 15, 2010 at 3:27:48 PM GMT+8 wa~ 你好靚喎~ 兩條裙都好靚 >>February 12, 2010 at 11:15:28 AM GMT+8 魚哥哥仍會講"半夜三更，捨得訓未 >>February 11, 2010 at 12:29:06 PM GMT+8 半夜三更，捨得訓未呀？？！ <b >>February 10, 2010 at 9:34:18 AM GMT+8 做咩唔開心呀.. 有咩打電話俾我 >>February 5, 2010 at 3:03:42 AM GMT+8 今天突然想起妳的日記, 到來看看 >>January 20, 2010 at 6:45:28 AM GMT+8 加油阿!cherry! <br> >>September 13, 2009 at 2:54:51 PM GMT+8 共勉之喔，雖然我都覺得很累!!! >>September 10, 2009 at 2:45:34 PM GMT+8 暉暉︰有錢，並不代表受高等教育， >>August 9, 2009 at 1:10:48 PM GMT+8 我以為你&#21707;個D高級 >>August 8, 2009 at 12:14:35 AM GMT+8 哈哈，通常醉了的人都說自己沒有醉 >>August 4, 2009 at 5:08:49 PM GMT+8 暉暉︰想不到，後來更喜出望外啊~ >>August 3, 2009 at 3:57:06 AM GMT+8 哈哈，沙灘日...真係好"喜出望 >>July 30, 2009 at 3:12:48 PM GMT+8 咁幾時有得食呀~~~ >>July 13, 2009 at 3:55:07 PM GMT+8 我地都好耐無食過你整既湯圓喇~~ >>July 12, 2009 at 10:46:17 AM GMT+8 哈哈，又俾我找番你條日記link >>July 12, 2009 at 12:51:15 AM GMT+8 請問彈彈湯圓是什麼東東?? >>July 11, 2009 at 6:15:30 PM GMT+8 我個名都串錯，唔開心0羅!! < >>June 19, 2009 at 12:02:46 PM GMT+8 嘩!~ <br>轉會都收到咁多禮 >>June 16, 2009 at 3:50:01 AM GMT+8 妳要保重身體哦~~ <br>宜家 >>June 10, 2009 at 3:46:31 PM GMT+8 其實我自己有時也會消一消失呢!所 >>May 30, 2009 at 4:45:11 PM GMT+8 咁Mark姐話你cool嘛，咁你 >>May 27, 2009 at 3:35:38 PM GMT+8 Yeah~ Cherry,歡迎你 >>May 21, 2009 at 2:36:24 PM GMT+8 翠翠好叻丫! 妳真低調啊! 也不 >>April 5, 2009 at 11:51:42 AM GMT+8 翠翠好叻女丫!!!!!!!!!拿 >>April 4, 2009 at 2:27:57 AM GMT+8 叫魚嫂嫂,蛋嫂嫂又或者笨蛋嫂嫂都 >>April 2, 2009 at 6:12:22 AM GMT+8 take care翠翠！！！ < >>March 23, 2009 at 4:30:49 PM GMT+8 保重丫! 快d好返星期四回5同我 >>March 22, 2009 at 2:40:33 PM GMT+8 I miss Mei too~~ >>February 26, 2009 at 11:36:03 AM GMT+8 這陣子,我也常常想起她,十分十分 >>February 21, 2009 at 11:21:38 AM GMT+8 甚麼？難以置信！！ <br>可以 >>December 10, 2008 at 9:42:41 AM GMT+8 酸薇薇, 雖然我唔認識妳.. 知 >>December 10, 2008 at 3:48:09 AM GMT+8 哇哇哇！！！！我好喜歡那兩幅外星 >>November 9, 2008 at 5:31:15 AM GMT+8 我都好享受考試週每日都有半天假丫 >>November 5, 2008 at 2:17:41 PM GMT+8 to:pp <br>係喎~差點唔 >>November 2, 2008 at 5:31:04 AM GMT+8 對上一次應該沒有10年吧!去Li >>October 27, 2008 at 2:23:33 PM GMT+8 Cherry,唔好放棄!!!因為 >>September 23, 2008 at 11:17:29 AM GMT+8 翠翠,妳真是一個好老師喔! <b >>September 20, 2008 at 4:15:32 PM GMT+8 take care 碎碎 <br >>September 8, 2008 at 3:25:23 PM GMT+8 我和妳一樣打敗仗哩! 一同保重丫 >>September 7, 2008 at 2:23:21 PM GMT+8 Te amo. >>September 2, 2008 at 6:09:38 PM GMT+8 你當年那一班真的有好多經典人 < >>August 26, 2008 at 10:27:22 AM GMT+8 哇~~~~~~~~~~原來你和碧 >>August 21, 2008 at 3:42:37 PM GMT+8 好耐無用房電腦..好耐無上來留言 >>August 20, 2008 at 5:26:11 PM GMT+8

人氣: 107084

Design & Scripting by ShowHappy.Net