2003 年 12 月 6 日 星期六 【晴】

好胃痛呀.......數落，已經第五日啦，之前幾日，每天的十點多就會開始痛，但今日，八點幾就痛了，痛到連飯都唔想食......=..(
不過，無得好怨....鬼叫自己衰，唔肯食藥又唔係睇醫生......
到底，我唔肯食藥係真係我自己唔鍾意食藥定係同自己鬥氣？？！

今晚上網好開心呀，因為有好多人同我icq o羅...heehee....

karen，我睇o左你日記啦...又會咁o岩o既，不過事實上除了係ied那次我係公開咁邀請大家來同我影之外，我都無時間俾人同我影lu....不過，今日最後都同到妳影o丫，真係好啦!!

>>December 7, 2003 at 3:51:49 PM GMT+8

2003 年 12 月 6 日 星期六 【晴】

終於都回教會影相啦.....又是那句..."嘩!!好pro呀....幾錢請返o黎？？"ar....我諗呀....似係Gavin俾錢同我影o羅，佢同我影相，車出車入，又要泊車，又要時間.......真的不得不讚他一句︰好好人!!!....同教會的弟兄姊妹影相，等o左好耐啦，終於都等到一日Gavin得閒過來^v^好開心o羅.....不過，影完晒，大家都走得七七八八時，才醒起我影漏了一幅...就是曾是少青的弟兄姊妹....我真係好掛住以前少青的日子呀....越講...就越想可以好大班少青的人影一張....不過，到我想起時，大家都走得八八九九了.....以前，崇拜完o左，大家會留係office吹吹水，說說笑，放假日子，中午還會留在沙崙...沒事做的，只是留在教會，找些玩意來玩玩....而家，無lu...有些還會一齊食飯的....主日學的主日學，拍拖的拍拖.....再沒有以前少青的影子了.....懷念....懷念....懷念...
>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>
中午，拿著Gavin的相機影呀影，好正.....雖然，只係數碼相機，不過，我諗對我o黎講分別唔太大，因為，我係唔係都唔識影o架啦....好正!!!還有eva這個靚靚model...yeah!!第一次拿o架咁正o既相機影相，感覺好好feel喎.....數碼相，唔洗"負責任"....可以亂咁影.....heehee......不過，真係好想學o羅....而家知多o左，但又唔識影，成日睇埋o的靚相，但係又影唔出....好鬼激氣o架o麻....而且...論公論私，視覺藝術的一種o麻....夜鬼夜鬼，咪吊人引啦，快o的教啦...我要學呀!!!!.\_/.(兇你都無用o架啦...... -_-)
除了影相外，還和亞公、karen、becky影了相，等了亞公好耐啦，去o左個幾月.....還有karen同becky....唔制呀，eva約就o黎，我約就唔o黎>.<算啦，事實上我都無咩約到時間同大家影....還有一星期就還袍了!!不過唔緊要啦....最想影的人，除了小盼，都影晒了.....小盼，好掛住你呀，點解你咁遲o架....
<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<
成日都唔記得多謝Gavin，這個月來，無論睇相、影相，都有人送我返屋企，真係多謝晒你呀!!!你架車實在太舒服啦...唔想落車o羅.......=p

好心急呀，好想快o的睇相o羅....e...成日玩考耐性!!!!唔制呀!!!

>>December 7, 2003 at 11:39:31 AM GMT+8

2003 年 12 月 5 日 星期五 【晴】

正在品嘗哥從九龍塘特登買回來的糖水......^v^
想起年多前有人因為我唔食o野所以成日買宵夜/糖水迫我食，又特登去大埔買飯俾我食....好感動!!!

>>December 6, 2003 at 4:08:00 PM GMT+8

2003 年 12 月 5 日 星期五 【晴】

唔知點解，每一日都好忙錄，但.....一停下來....失落的感覺便出現..到底，我是為了甚麼原因覺得失落？？即使早上沒有甚麼不愉快的事發生，甚至是有點點開心的事發生了，但到晚上，一個人在房時，失落的感覺便再出現。到底，我在追求些甚麼？？我想，我是有些東西得不到滿足，以致失落的感覺經常出現，但...未能滿足到我的是甚麼？？我有一份理想的工作，學生，有時會勞氣，但普遍來說，也很討人喜歡，同事，相處融洽，他們都待我很好很好，食飯、去玩，都總會預我一份，只認識兩三個月，其實，已經很好了!!!朋友，雖不算多，但仍未算是沒有。家人，其實待我也不錯，雖然有時留在家，仍有點不耐煩的感覺....不過，那是長年累積回來的反應，失落不應因為此而出現，也不應現在才出現........那...到底....是甚麼令我失落？？？我還有甚麼不滿足？？

>>December 6, 2003 at 3:02:13 PM GMT+8

2003 年 12 月 5 日 星期五 【晴】

又影相....連續三天都影相，三天都是畢業相...星期四同同事影、星期五同kcmc miss影、星期六同多肥影(一齊去，不過影單人).....明天，繼續影....期待很久了，教會的弟兄姊妹們也問了很多次，明天，一次過影.....中午....同花花影....今次唔做model，係玩Gavin的相機...哈哈...死啦死啦... 中毒啦......好彩我無錢，百毒不侵o即!!!
今天一次過去了兩個地方，香港公園...之後赤柱...本來，香港公園並不是主菜，不過，最後在香港公園影得比赤柱還多，因為今天的太陽精神非常好，大大發放他的光茫....所以....影唔到啊....又會咁o既.....預o左影o個日，總係影唔到....之前去柏麗灣的一次就唔見o左佢，今日去赤柱又見得太盡.....不過算啦....或者，整定o既...哈哈...其實我都好好彩啦，畢業禮那天陽光剛剛好!!!
今日雖然見到花花，不過，比起之前兩次的瘋癲程度低了，可能因為我太眼訓，或者係暈車浪，又或者今日太多人了....癲不出.....所以，今日無面抽筋，都無笑到好累好累....明天又見了!!花花!!!!!
影相之後，回家坐了一會，之後去了行街，勁悶呀，一個人行街.....不過，要買衫換季，無計...唔知點解，今日成日對眼都好痛，如果明天不是影相，我一定會唔戴con o即...好痛呀，搞到今日對眼都掙唔大呀.....或者，我太累了....今晚要早一點睡了!!

要紀錄今天最搞笑的笑話︰一個符號-------------
－V－


>>December 6, 2003 at 1:50:37 PM GMT+8

2003 年 12 月 4 日 星期四 【晴】

聯校進修日.....
不用教學的一天.....
做回學生的一天.....
比平日遲了少少起床，因為今天返九點，又約了幾個同事食早餐，還有斌斌到地鐵站來接我......很久沒有吃過麥當當的早餐了，因為，價錢貴，但又不怎樣好吃.....但今天，相約在麥當當吃過早餐後一同去進修的學校....難得的機會和同事悠閒的坐著吃早餐，大家都說很滿足呢...我...印象中....我好似都係輕鬆和愉快的....
早上第一部份聽了一個好有意義的工作坊....是有關學校的拔尖補底的....可惜，那個工作坊的講者只有教中文和數學.....美術科上，沒有很具體的事例....
第二部份的，實在有點..........講學校自評...雖然很切身，但實在...實在又不太有心機去聽，最後，那些時間就用了來構思學校的聖誕佈置...也算是有意義呢......-_-
工作坊完了後，想不到也有這麼大班的同事和我的想法一樣....回學校工作....哈哈，大家都很忙，半日假期，都回校繼續工作.....我們還吃了一頓好美味的午餐......間鋪頭ok貴呀....不過....大家share來食，最後都ok啦!!^^....不過，一切也不值得很很很開心....或者，是現在的心情令自己失去了開心的感覺.....
晚上，在葵循等了一小時，終於都等到和miss chan,miss chiu影相了，對我來說，她們對我的畢業也有著不少的意義....特別是我真正能成為一個老師...都受著他們的影響....還和miss chiu同豬妹食了個晚飯....本來是我想請她們的，不過，最後仍是miss chiu俾錢了.....
食完飯.........
失望.....不過............唔識講...唔想講.......
灰灰的心情下，收到嘉華的電話，問及我下年小組的事.....灰色....變成了黑色......明知無幸福，卻是無路可行......到底，我可以點？？鍾生，你真的幫到我嗎？？.......好煩呀....唔開心......一個晚上，這樣的無mood，今天早上，是喜是悲還是沒甚麼特別....我都忘記了....只是現在的心情是.......提不起勁.....不如.....不去想吧........

>>December 5, 2003 at 4:33:38 PM GMT+8

2003 年 12 月 3 日 星期三 【晴】

又捱過了一天九堂的日子，九堂的日子真的很辛苦...加上，明天學生放假，他們興奮非常...到達失控的狀態......超勞氣.....今日成日都好燥...或者，加上唔夠訓，個人係燥o的......打完一天的扙，還來個校務報告，痛苦!!!!搞到五點幾，先開始做o野，但今日，就等如咩都無做過，因為去了幫他們焗陶泥，就係咁坐係課室等...等....等.....三分鐘轉一批....又要望住會唔會燒焦了.....唔行得開...唉...燒完都六點啦，才想起今天約了嘉儀影相....去換袍影相，不過同事都走得七七八八了......最搞笑的一幅，都算是和朱氏夫婦的一幅了.....同事都笑到死....因為...真係好似一家人o羅，好似佢o地個女畢業咁呀...哈哈....
同了幾個同事影相.....不過，唔多呢....還在考慮帶多一天，可以同多o的同事影....我還未同校長---畢業的第一個老細--影相。
今天，慳妹一o的都唔慳呀....因為無帶飯，中午要叫外買，夜晚，又同了同事去打邊爐.....好貴呀，不過，亞me請了少少，平o左好多啦!!多謝亞me...幾個老師聚首，離不開的，當然是學生，知多o左好多學生的背境，明白他們更多........無奈..但可以怎樣？？
昨天的腰酸背痛，今天，發展成大腿痛了....>.<
明天教師發展日，唔洗對住班學生，同事們感覺上已經好似放假了...哈哈，明天還約了一齊食早餐添!!!heehee.....

>>December 4, 2003 at 3:10:48 PM GMT+8

2003 年 12 月 2 日 星期二 【晴】

電腦還沒有整好，不過，我的小小sony回來了.....好久沒有和它玩了，今天，用它一連寫了兩個日記，好似回到半人前，坐在宿舍房間的窗邊打一記般，不過，不一樣的是現在這裡不用受著窗外的寒風和心境的孤獨!!!!
今天，腰酸背痛.....腳不痛，肩膊、腰卻痛得要命!!!!救命呀!!!還要帶我的小門徒去藝術館看雙年展....真的很累o麻，全程還要打醒十二分精神，因為，他們真的太細了，很怕走失了，或是出了甚麼意外......到達藝術館，他們也難掩內心的興奮，隨了有少少不受控制，想自己去看想看的外，還是十分的聽話，最少沒有在館內大叫我追逐，也算差不多了!!!!帶他們出一次去，的確很辛苦，壓力又大，不過，看見他們興奮的樣子，不斷追問這個怎樣做，那個怎樣做，為甚麼要這樣，左猜右猜作品所表達的是甚麼......辛苦也覺值得.....我的目的，也是擴闊他們的藝術眼光，以及增加他們對藝術的興趣，我的目的，全都達到了，我覺得很有成功感呢....好開心，好開心!!希望他們喜歡今次的參觀吧!!!.....回程時....相信是最辛苦的了.....由尖沙咀送他們回筲箕灣，陪他們等家長來接，之後，有一個住柴灣的竟然不懂落車和出閘，又要在筲箕灣上車，之後送她回柴灣，送他出閘，再送最後一個到灣仔，再回大角咀.....嘩...勁累呀...我差點兒在車上睡著了....回到家......睡......回家吃飯時，差點邊行邊睡著了，累到越行越慢，都試過回家的路可以行這麼久......好眼訓呀，今晚要早點睡了!!!明天影相^v^ yeah!!

>>December 3, 2003 at 2:35:12 PM GMT+8

2003 年 12 月 1 日 星期一 【晴】

很久沒有學舞了，今天再學舞，感覺好興奮呢!!!!!好期待學舞的一天。
不過，工作仍要做，堂仍要留......很多人說，那麼傻呢，罰人留堂，即是罰自己留堂....我知道呀，我也不想留，不過，當得一個老師，我能因為一自之私，放棄令學生改過的方法嗎？？這個根本不用想，我也知留他堂我付出的是連自己也要留堂，即使仍可繼續我的工作，但效率一定會低，不過，不用考慮，我的決定仍是留堂....去找一個空間讓他慢慢的去想，到底甚麼是該做的，甚麼是不該做的.....已經是第二天罰他留堂了，今天，態度終於比昨天好，真好，明天不用留堂，不過即使要，也留不到，因為明天要帶我的小門徒去藝術館呢.....本來，四點九便可以讓他離開了....不過，走前還要發脾氣....真激氣，又搞多半小時.....
因為罰他時並不能專心工作，所以要做的還未做完，還要留下來繼續我的工作才能離去，做呀做，不經不覺又個半小時了，不能不走了，今晚還要學舞呢...........
趕快的回家，換衫，吃過東西，便去太子上堂了，好緊張呀，第一次跟Billy學舞，唔知佢係點o既呢......緊張、期待.....而且，今晚還有靜欣和我們一起學呢，唔知.....佢見到咁大班唔識o既人會唔會唔慣呢......
時間到了，上堂了.......不過..........原來Billy係咁鍾意講笑的....不過，點解講笑的對像係我??!!!!
面皮很薄的我，每逄做運動和天氣冷時，面總是紅卜卜的，有點像飲醉酒般.....今天，天氣涼了，再加上運動........Billy笑人呀....問人係咪"爆冊".....無呀無呀....講完仲紅過之前....>.<......今日的舞好深呀，佢都教得好快.....跟呀跟呀跟呀....努力的跟.....哈哈...諗都諗到啦，我喎....點知跟到呢.....heehee..........不過我好努力去跟o架啦!!!!雖然跟唔到，不過都係勁開心呀....跳完之後，我就好似飲醉酒咁----high o左.....真係好high喎，傻傻地咁係度亂講o野...哈哈....好爽呀!!!!那代表跳舞真的可以令我減壓.....yeah!!!玩到癲o左，仲跳到頸抽筋添.....哈哈........勁正!!!
落堂後，仲同花花同夜鬼去睇相，好眼訓呀.......對住花花，好鬼累o羅..........特別係塊面!!!!!

不過....今日最唔開心o既，應該係.....電腦壞o左呀......哇哇哇..............唔制呀>.<


>>December 3, 2003 at 2:43:37 PM GMT+8

2003 年 11 月 30 日 星期日 【晴】

昨晚失眠.......上了床，個多兩小時仍未睡得著.....藉此機會，同上帝傾o下計啦.....昨晚都唔知有無兩小時入睡..........今天唯有飲奶茶啦~~~~今早起來，好像沒有睡過般，才想起......該是昨晚的一杯綠茶了.................-_-
早上回校，星期一雖不少堂，但也不辛苦，因為上的班都不太頑劣，可以很舒服的完成一天的課堂，怎料....今天不知發生甚麼事......連6C都過度活躍......救命呀~~~上到最後一堂，聲嘶力竭.....好在4B生性，見到我不停講兩句透透氣，即刻唔出聲，知我把聲好辛苦......抵錫~~~
放學要留堂，又是那個頑皮仔.....激死我啦~~~同佢傾佢又唔睬我，鬧佢又駁咀.....救命呀~~~我真係唔識教佢啦~~都抵咩方法先可以搞掂佢呀!!!!!!!迫於無奈，又留多佢一日......無計，點都唔可以咁易放過佢，最少，都要佢肯同我傾為止.......好激氣呀~~~~今日放學仲咁多o野做，趕住出星期三去展覽張回條俾學生.........出回條，我都係第一次咋，俾校長改了三次，林姑娘話....少啦，平時一張改十次八次都唔出奇......梗係啦，今次張回條，有鍾sir幫我手，又有林姑娘幫我，都改咁多次就死得啦........不過，真係好想帶佢o地出去睇o下咩叫藝術呀........個頑皮仔搞到我鬼咁唔得閒，仲搞到另一個留堂學生miss了校車，要我送佢返屋企，激死人啦，搞到我咩都做唔到，用晒o的時間來留佢，之後仲無得留係度做o野~~~~~~衰人o黎o架~~~~~
今晚........有點寂寞的感覺!!!!咩原因呢？？！
算啦~~~~~~
明晚係三個月以來，第一次再學舞啦......好緊張呀，唔知，我會唔會比ap前甩step甩得仲勁呢？？我記舞一向都差o架o麻.....今次仲要跟新老師........Billy有無然仔咁好人o架????!!!!!

>>December 1, 2003 at 3:56:39 PM GMT+8

這是魚魚的日記簿，記載了魚魚的生活、感受。願來光臨的人能從我的生活，我的改變，看出上帝的大能!!! 廣告 讀者留言 |  路人留言   | 仲有我記得來呀… <br>雖然遲 >>January 28, 2011 at 5:19:52 PM GMT+8 仲有我~~ >>December 17, 2010 at 1:27:55 AM GMT+8 看到妳的日記, 我也感受到一篇出 >>March 16, 2010 at 2:09:20 AM GMT+8 很久沒有看你的blog了, 因為 >>March 11, 2010 at 8:33:30 AM GMT+8 好野 ~ 到你la ~ <br> >>March 3, 2010 at 12:34:20 AM GMT+8 B姐,對象當然係我啦,佢成日話我 >>February 17, 2010 at 1:35:13 AM GMT+8 「敬拜由新郎領，司琴由新娘做，訓 >>February 15, 2010 at 3:27:48 PM GMT+8 wa~ 你好靚喎~ 兩條裙都好靚 >>February 12, 2010 at 11:15:28 AM GMT+8 魚哥哥仍會講"半夜三更，捨得訓未 >>February 11, 2010 at 12:29:06 PM GMT+8 半夜三更，捨得訓未呀？？！ <b >>February 10, 2010 at 9:34:18 AM GMT+8 做咩唔開心呀.. 有咩打電話俾我 >>February 5, 2010 at 3:03:42 AM GMT+8 今天突然想起妳的日記, 到來看看 >>January 20, 2010 at 6:45:28 AM GMT+8 加油阿!cherry! <br> >>September 13, 2009 at 2:54:51 PM GMT+8 共勉之喔，雖然我都覺得很累!!! >>September 10, 2009 at 2:45:34 PM GMT+8 暉暉︰有錢，並不代表受高等教育， >>August 9, 2009 at 1:10:48 PM GMT+8 我以為你&#21707;個D高級 >>August 8, 2009 at 12:14:35 AM GMT+8 哈哈，通常醉了的人都說自己沒有醉 >>August 4, 2009 at 5:08:49 PM GMT+8 暉暉︰想不到，後來更喜出望外啊~ >>August 3, 2009 at 3:57:06 AM GMT+8 哈哈，沙灘日...真係好"喜出望 >>July 30, 2009 at 3:12:48 PM GMT+8 咁幾時有得食呀~~~ >>July 13, 2009 at 3:55:07 PM GMT+8 我地都好耐無食過你整既湯圓喇~~ >>July 12, 2009 at 10:46:17 AM GMT+8 哈哈，又俾我找番你條日記link >>July 12, 2009 at 12:51:15 AM GMT+8 請問彈彈湯圓是什麼東東?? >>July 11, 2009 at 6:15:30 PM GMT+8 我個名都串錯，唔開心0羅!! < >>June 19, 2009 at 12:02:46 PM GMT+8 嘩!~ <br>轉會都收到咁多禮 >>June 16, 2009 at 3:50:01 AM GMT+8 妳要保重身體哦~~ <br>宜家 >>June 10, 2009 at 3:46:31 PM GMT+8 其實我自己有時也會消一消失呢!所 >>May 30, 2009 at 4:45:11 PM GMT+8 咁Mark姐話你cool嘛，咁你 >>May 27, 2009 at 3:35:38 PM GMT+8 Yeah~ Cherry,歡迎你 >>May 21, 2009 at 2:36:24 PM GMT+8 翠翠好叻丫! 妳真低調啊! 也不 >>April 5, 2009 at 11:51:42 AM GMT+8 翠翠好叻女丫!!!!!!!!!拿 >>April 4, 2009 at 2:27:57 AM GMT+8 叫魚嫂嫂,蛋嫂嫂又或者笨蛋嫂嫂都 >>April 2, 2009 at 6:12:22 AM GMT+8 take care翠翠！！！ < >>March 23, 2009 at 4:30:49 PM GMT+8 保重丫! 快d好返星期四回5同我 >>March 22, 2009 at 2:40:33 PM GMT+8 I miss Mei too~~ >>February 26, 2009 at 11:36:03 AM GMT+8 這陣子,我也常常想起她,十分十分 >>February 21, 2009 at 11:21:38 AM GMT+8 甚麼？難以置信！！ <br>可以 >>December 10, 2008 at 9:42:41 AM GMT+8 酸薇薇, 雖然我唔認識妳.. 知 >>December 10, 2008 at 3:48:09 AM GMT+8 哇哇哇！！！！我好喜歡那兩幅外星 >>November 9, 2008 at 5:31:15 AM GMT+8 我都好享受考試週每日都有半天假丫 >>November 5, 2008 at 2:17:41 PM GMT+8 to:pp <br>係喎~差點唔 >>November 2, 2008 at 5:31:04 AM GMT+8 對上一次應該沒有10年吧!去Li >>October 27, 2008 at 2:23:33 PM GMT+8 Cherry,唔好放棄!!!因為 >>September 23, 2008 at 11:17:29 AM GMT+8 翠翠,妳真是一個好老師喔! <b >>September 20, 2008 at 4:15:32 PM GMT+8 take care 碎碎 <br >>September 8, 2008 at 3:25:23 PM GMT+8 我和妳一樣打敗仗哩! 一同保重丫 >>September 7, 2008 at 2:23:21 PM GMT+8 Te amo. >>September 2, 2008 at 6:09:38 PM GMT+8 你當年那一班真的有好多經典人 < >>August 26, 2008 at 10:27:22 AM GMT+8 哇~~~~~~~~~~原來你和碧 >>August 21, 2008 at 3:42:37 PM GMT+8 好耐無用房電腦..好耐無上來留言 >>August 20, 2008 at 5:26:11 PM GMT+8

人氣: 107084

Design & Scripting by ShowHappy.Net