2003 年 8 月 26 日 星期二 【晴】

今日，又係開會....八點鐘就返到學校，超級勁眼訓呀!!!!!!係地鐵度都頂唔順訓著o左，醒來仲以為比一個同校的老師發現了，後來才知認錯人，真係未諗醒，今日個會係絕對唔可以洽眼訓的，因為今日兩個會我都係負責會議紀錄的，所以又要出我的絕招---奶荼。喝了兩口，要去開會了，又不敢帶埋上去開，所以都無咩點飲過。
八點半準時開始訓輔會，嘩....講得好快呀，又有好多唔明講咩，點take呀？明得o黎又miss o左啦，點算？第一次交的工作，做得這個樣子，以後還怎樣被人相信？唯有盡take吧，之後讓組長再刪改啦。十點半，準時完會。休息還不夠五分鐘，就是宗教會了，我不是這組的成員，不過因為我要做會議紀錄，所以我要留低開埋會.......唉......超眼訓呀!!!!!!!!!不過開會前都好開心，因為有個分享時間，宗教組的老師都分享了一次在校內被人關心的經歷，有些老師分享被學生關心的經歷，很感動。有些老師分享被其他同事關心的經歷，這個更感動，有兩個老師都分享到流眼淚，連校長也有分享呢。到現在為止，崇真俾我的感覺仍是像團契多於工作的地方，希望以後都會係啦，我好希望這裡係一個彼此支持，彼此關心，彼此代禱的地方。我們在分享前還抽了一個關心對像，在今年裡都為抽到的人寫在紙上的目標代禱，我抽到的是馮sir呀，一個好有親切感的老師.......heehee....因為佢個樣好似教會的基仔呀，唔係唔同姓，我一定會問基仔有無哥哥的!!!
一點鐘....終於都開完了，遲了一小時，這個會比之前一個take得更差，因為實在唔知咩要take咩唔洗，又唔知咩會俾返我抄咩唔會......好在美華老師(其實佢係主任)好好，好nice呀，佢開完會問我會唔會一齊食飯，又話佢講得好快，有咩漏o左佢會幫我加返.........希望佢唔會覺得我咩都做唔到啦......不過同唔到佢o地食飯lu，因為我約o左Ms chan chan o麻，遲o左一個鐘啦.....好在無約實時間o即，都預o左會遲!!!!!!!本來諗住開學後好難約到Ms chan chan，所以早一點請她食飯，點知，佢又唔俾我請啦，佢話今餐要佢請，慶祝我找到工作，要我出糧後先請她呀!!!!!!最後，都係佢請我，我o地仲傾o左好耐添........佢話，我係佢教出來的第一個老師，佢話而家好似我咁有心的老師好少.....我好想話佢知，我做老師影響我最深的人係佢，令我咁有心的人都係佢呀(唔計上帝，因為上帝唔係人).......不過都係無講度.......

整個上、下午都好開心的，一切都好順利，不過....到o左晚上，我就唔開心lu，為o左好多o野.......不過唔係度講啦，仲俾人放飛機，超級唔順氣!!!!!!!!!
今晚要趕好多o野呀，不過我好眼訓
這一兩個星期要出好兩個會的minutes、要寫四個進度表(上學期)、要寫拔尖班的大綱和計劃書.......這些只是這兩天累積回來的工作，宗教組開學還有會要開，又要寫minutes，美勞科未開科會，又係我take........死得啦!!!!!!!!!!!!!累......

原來我前日記錯人名，那個係美華唔係敏華呀......=p一時間記咁多名真係好易錯!!!!!!!

>>August 28, 2003 at 7:11:52 AM GMT+8

2003 年 8 月 25 日 星期一 【陰】

Joe，生日快樂，幾比面你o丫，係我日記同你講生日快樂!!!!!!!!!!!快o的食o左我送俾你罐貓糧啦....哈哈哈哈...................

今日第一日正式返學開會，開的是拔尖會(即資優學生的培訓會)，原本三點的會，竟然等到四點半先開.......因為之前個會over run o羅............不過就係因為遲o左，之後其他同事又仲有一個會開，所以我o地個會以勁快的速度開完呀，五點半就開完了。開完會後，我的工作就正式開始了，其實都有點壓力的，因為未接觸過，唔識帶，又未教過，連學生都唔識去選，還要開始寫計劃書，下星期要交大綱了，但我甚麼頭緒也沒有......九月中就要出到計劃書啦...我這個新老師，咩都唔識，要早一點開始預備，上網看多些資料才可以!!!!!這是我工作的其中一個重要部份，有壓力，但我覺得好有意義呀，我好想做得佢好好，真係幫到這幾個學生。這個計劃叫做門徒計劃，主要係好似師徒關係咁，我係師傅，在學生中選八至十個對藝術有興趣而又有這個面才能的學生出來作我的徒弟，為他們提供更多的的機會，發展他們的長處(即是拔尖計劃)這幾個徒弟就跟足我一年，這年裡面，我會在課堂外有特別多的時間和他們一起，去睇展覽、外出寫生、訪問藝術家，總之係我想得出可以幫到他們的都可以去做。我和他們的相處時間都比其他學生長.........所以，我第一個目標係我可以對這班徒弟最少講一次福音，甚至令他們信主!!!!!我要努力呀!!!!!我會比心機做好這一個job的!!!今日在等開會的個多小時裡，看了上年美勞科的計劃書和會議紀錄，還有一些勞作的書，好靚呀，我對未來工作，又清晰一點啦.....我相信，我今年將會學到好多好多o野。雖然我份工比某些TA的人工還要低，不過，這些學到的是TA不會學到的，而這些經驗對我的教學來說，係無價寶..............好開心呀!!!!!!!!!!!!

放學後，因為是Joe的生日，我們這班O Camp的組仔們又聚首一堂為他慶祝了，哈，每年他的生日都係用來俾藉口我o地約出來玩的......今晚無上年咁盡慶lu，可能因為時間短啦，不過咁耐無見佢o地，見到都好開心呀......不過唔知點解，我同Joe佢o地一齊，會諗起DOG Power o既？我諗，如果DOG Power可以咁樣出o黎玩一日就好啦.........好掛住你o地呀.............

今日Karen打電話俾我，話我知一個好消息，就係823當晚的入場人數.......開心到我o丫，好勁呀!!!!!原來有千二人入場呀!!!!!!!千三人的座位，竟有千二人，起過九成入場呀...............係DOG Power的突破，係祈禱的能力!!!!!!!!!.....還記得我們在開show前一個星期為入場人數擔心，為入場人數祈禱......估唔到一個星期的轉變咁大.........哈利路亞!!!!!!!我諗起彼得打魚的故事，彼得他們整夜打魚，但空手而回，但當耶穌再一次叫彼得把船開到水深之處下網打魚，魚滿得令船都快下沉了......我們的show，算不算水深之處故事的現代版呢？實在叫人興奮!!!!!!!!!!!!

豬妹，小兒這些加入了個人意見的說話都可信o既？
小韻，未係全校，九成多啦，有兩個唔係，不過真係好有親切感，感覺非常好!!!!!!神預備點止豐富呀，直頭係信實到唔相信啦!!!
yy，今個星期六係學校的新生日，不過我唔洗返，我諗班主任或者要!

明天八點半開會，即係要六點半起身啦......還要負責take minutes..........................唔可以洽眼訓呀.....早抖!!!!!!

>>August 26, 2003 at 6:03:03 PM GMT+8

2003 年 8 月 24 日 星期日 【雨】

今日放工本來已經寫了日記，點知個網頁無啦啦死o左，無晒....>.<我寫埋個html碼就寫完o架啦!!!!!!!
今日係第一日返工，其實嚴格o黎講都唔知算唔算返工，因為今日係返去退修呀!!!!!!
今日，係我人生的另一頁，因為係我正式出來工作的新開始，感覺.......好特別!!!
今日的退修好有意義呀，一返到去有認識的時間，之後係詩歌分享、荼點、講道!!!!!好正，感覺極之好!!!!!!!學校的老師們都好nice，好照顧我們這幾個新人，當她們見到我們坐著沒事做時，就會主動走過來，孫主任還過來和我分享了一些教學的趣事和心得，多謝你呀，孫主任!!!!之後團契的另一位負責老師(美華)又走來問我係咪有興趣帶團契，仲講o左o的有關團契的事俾我聽。到食飯時間，美鳳(修art但無教art的一個老師)又好主動咁同我傾計，話俾我知佢係這裡教o左幾多年，當年找工的事.....個個老師都好nice呀!!!校監講道時，我又好感動，如果真係可以做到咁，這間學校是我的理想，佢講的係團隊精神，肢體關係，教學事奉等......如果這間學校真係無鬧爭，無爭上位，那就好了，但....會有我想得咁理想嗎？還是不要抱太高期望，免得自己失望!!!
不過，我好想早日可以融入崇真的大家庭，真係好似今日分享詩歌個老師咁講，我o地係除o左屋企人見得最多，最親密的親密戰友，在主內相愛，互相支持代禱鼓勵!!!!我好想，我好想崇真的老師們，會好似一個團契咁，要充滿愛的團契!!!!!!!!!!!!令我最感動的，係最後的代禱時間，竟然可以同其他老師一齊代禱，好開心呀，o的老師仲不斷咁幫我o地這幾個新人代禱添，在這個開學前的時間可以一齊祈禱，我真係覺得好幸福呀!!!!!!!!!!!!!!

我今日仲去了教協買新文具開學，哈.....唔知點解比做學生時開學興奮十倍!!!!買o左好多好得意的文具，因為教小學，唔怕俾學生笑低B o麻.....哈哈!!!!!

之前太忙了，無時間覆留言添
布布，謝謝你呀!!!!!!!!那是上帝的信實，只要你相信，你都一樣可以經歷到佢!
小朋友，謝謝!!!你都好叻仔o丫!!!
yy，睇相仲清楚啦!!我最後都係無食飯呀，買o左個麵包食，不過唔太食得落
sally，係呀，我撘地鐵呀，我三點幾放學，不過放學洗唔洗開會就唔知啦!!!
小蟲，點會唔記得呀？？哈~~~或者其實我係訓導的天才呢，呵呵呵呵~~~~~~~
豬妹，咩呀，彈塗魚唔係唔嚇得，係佢好識保護自己，有人嚇佢佢會轉入o的沙度!!!!係佢叻呀!!!唔知叫佢上網search啦，米埔個網頁有介紹o架啦~~

最近咁鬼多人留言，好開心呀!!!!!!

>>August 28, 2003 at 7:07:03 AM GMT+8

2003 年 8 月 23 日 星期六 【雨】

YEAH~~~~今朝返到崇拜，好開心!!!!!!可以俾我好好咁去敬拜神(雖然認為帶的人帶得唔係咁好，但....個心好想時，總會投入到的!!!!!)......原來今日我要收奉獻呀，返到去先知，好在有返o即，不過，都差o的收唔到呀，仲要麻煩小龜幫我點奉獻添!!!!可惜o既係今日講道聽到o的聽唔到o的，唔係洽眼訓呀，而係勁肚痛，搞到不斷行出行入......唔制呀，今日講o既內容係找工作.....事奉.....我都唔太知，因為聽得一節節....激死，咁辛苦返o左去，但肚痛喎..........>.<
崇拜之後本來諗住去唱k的，但因為heidy要上主日學，去唔到，而且落大雨，所以無去度了，同小盼行o左一陣，唔得啦，真係好眼訓，仲咁大雨......結果行o左出旺角之後撘的士回來....真係o丫...陪唔到小盼添!!!!!!!!!

AP完o左整整一日啦，但我今日全日個腦都不段出現返AP的片段.......好多好多感受想分享，但今天仍是很累呢，遲些有時間再回想起就再寫吧!!!!!!!!

今日回家就是大睡，昏迷的睡...................heehee.......好滿足的睡

明天返學了，教職員退修日，yeah~~~~~~

>>August 24, 2003 at 4:38:52 PM GMT+8

2003 年 8 月 22 日 星期五 【晴】

<<梨C最巧dar>>舞蹈佈道會
...............感動的一晚!!!!!!!
累得很，昨晚三點才睡，今早七點便起來了，前晚睡了兩小時，昨晚睡了四小時，幸好，昨晚睡得很好!!!!不過起來仍是累得很，眼皮像睜不開似的!!!!八點二十分到達BU，在開始所有採排和演出前，我們有個祈禱會。祈禱會...真的令我很感動，當我想到完成今晚的演出後，我就離開D.O.G.-Power了，我捨不得，真的很捨不得。回想起這一年在D.O.G.-Power所經歷的，回想起當中好多好多隊員在我生命中的影響，回想起上帝在一開始如何呼召我，在這一年我所經歷到的，上帝的神蹟如何透過我在這事奉崗位章顯的，讓我看到一個又一個的神蹟、奇事，讓我有機會為祂去工作。我感動得流淚，除了感謝，我還可以說些甚麼？接著，想起昨天剛找到的工作，下星期就開始返學了，回想學校請我的理由，回想上帝奇妙的安排，回想上帝給我的恩待，回想上帝在我身上的作為，除了感謝，我甚麼也做不到，一切都是我不配得的，但上帝就這樣叫我得著，除了感謝，我還能說甚麼？想到明天的工作，就想到今晚以後，我就真正脫離大專的生活了，連最後的一個大專身份(大專基督徒舞蹈員)都完結了，再加上唱著"十架的冠冕"，令我回想到初入ied的一切，這兩年，經歷多得難以形容，但我回看，是一幅多麼漂亮的圖畫，是一幅滿有色彩的圖畫，因為當中我經歷過很多很多的甜酸苦辣.....這兩年，除了感謝，我還可以做甚麼？當我一件一件事的回想過來，當我想起這一切，眼流就禁不住的流下，感恩得連說話也說不出，除了多謝之外，我不懂得第二句可以對神說的話了。就這樣哭了差不多整個祈禱和敬拜的時候。原先累得要命的眼睛，哭過了，比之前更累。但我期待今晚的佈道會，一個單單為上帝而做的佈道會。
經過一連串的綵排，演出終於開始了，未出台前，還有少許緊張的，出台前，我簡單對神說，上帝，你同我一齊跳o丫，你陪住我，企係我隔離o丫，之後，出到台，一點緊張都沒有了，很快很快的跳過jackie舞，很快很快的又過了亞基舞，更快的完結了然仔舞........我比之前每一次都跳得好，不是因為平日不認真，正常來說正式演出必定會比平日甩得厲害的，但竟然不是，我看這個是一個神蹟，是一個上帝與我同在的神蹟，直至最後然仔舞，我甩了整整四拍，四個動作，好在，還可以兜得過，希望並不太覺吧，相信不少人以為是pattern的一部份來的，感謝主!!!!!平日必甩的地方都沒有甩了!!!!!真好!!!!!今晚的show，實在很感動，可能因為我是參與其中的一個，但D.O.G.-Power做到了!!!!一個以舞劇帶出福音訊息的show，做到了!!!!!D.O.G.-Power在每年的進步，由純舞蹈表現，只是加插了少許福音成份的舞天理，到進了一大步，福音成份貼很大部份的3D Life，到今年終於正式以舞蹈帶出絕大部份的內容，是一個完完全全的佈道會的"梨C追巧dar"舞蹈佈道會，每一年都跨進一大步，成績、表現一年比一年好，我相信會越來越多人相信，原來舞蹈真的可以用來傳福音的，D.O.G.-Power是一班真真正正以舞蹈來傳福音的團體，並不是鬧著玩的。今晚，實在太美麗了，是上帝實在送了一份很美麗的禮物給我們，這份並不是我們送給上帝的禮物，而是上帝送給我們每一個的神蹟，我們的夢想︰舞劇、佈道會，真的做到了，之前的一切擔心，今天證實都是枉然的，我們，都該對神有最大的信心，對嗎？
今晚其實感受多得很，每分每秒都有，又怎能全都盡錄於此呢，只願我不會忘記上帝是如何的帶領，如何的與我同在!!!!!!!!!

累了，明天還要返崇拜，因為好想好想可以敬拜上帝，所以，累極了都要返!!!!!!!!四點了，要睡了!!!!!今晚慶功宴有好多好值得寫下的東西，不過，明天才寫了!!!!!!

哈利路亞
.......除了這句，還可以有別的嗎？
今晚其中一個小神蹟，外面掛著一號風球，本應會下雨的天氣，但雨到我們整個show完晒，還高高興興的去慶功，慶功回來才下，還閃起電來呢!!!!!Amen!!!!!


>>August 23, 2003 at 8:17:25 PM GMT+8

2003 年 8 月 21 日 星期四 【晴】

昨晚只睡了兩小時，今日一天沒有停過，現在.......累得想死，但我又怎能閉口不說呢？？！
哈利路亞，將一切榮耀歸給最疼我的天父!!!!!!!!
我都未寫日記，已經有咁多人留言了....
無錯，我找到工了!!!!!!

我係一個小學老師
我係筲箕灣崇真學校的美勞科老師
我係拔尖課程的美勞科負責老師
我係十幾班學生的老師
我係公益少年團的負責老師
我係訓導組的訓導老師(這個最奇怪，校長咁睇得起我呀，我個樣....似咩？？)

我係譚老師!!!!!!

今日晨早十點半去到柴灣interview，真的不敢有期望，因為真的不敢盼望自已第一間in的學校就成功，我只敢在途中不斷的禱告，求上帝給我平安，將最好的交給我，無論這工作見成與否，都能讓我接受，求上帝整個過程與我同在......。去到，見到兩個來interview的人，好似好pro喎，畫袋o的畫....好似好多喎......唔准驚，上帝同在!!!!!入到去，校長越講越無笑容..唉.......副校長間中都會點點頭.....不過，當我開始講我的作品，講我的信仰，我甚麼緊張都忘記了，就盡情的說，去講上帝在我身上的作為，去講我有多想在教學中服事神，連我自己都覺得好像說得太多有關信仰的東西，不過，信仰就是我的生命，這是我不能否定的，說呀說.........校長好似唔多耐煩了，我用最短的時間將我想講而未講完的作品都講過了，問了幾條不知有沒有關係的問題....interview就完了，原來不經不覺我in了半小時了!!!!!!!走出會議室，才驚覺自已原來剛才已忘記了緊張了.....在校務署.......圓圓？？原來我們都in了同一份工，不過，我先走了。走到出學校門口，我才記得緊張，好驚呀，校長話，快則這幾小時就會打電話通知，慢則一兩天....由柴灣撘地鐵，沿路沒有停過講電話，因為，真係好驚呀，打給不同的人告訴他們，我已經in完了......途中不斷有電話入，每一次都好驚好緊張呀，不過原來都係打來問我in成點的人。直到我回到屋企的樓下，call2???誰呢？............係校長呀............真係請我啦.....我開心到覺得自己在發夢....校長話︰三點前你趕得及回來開會嗎？.....可以.....一切都忘記了，開心得忘記了.........只是立即打電話給相關人仕，份工成o左啦................直至開會前，我仍然覺得自己是在發夢，一切都來得太快了。緊張還沒有完，就變成了興奮...........我可以怎樣辦？我現在要幹甚麼？立即回家拾好明天所有的服裝道具，pack入箱，飯也沒時間吃了，也興奮得吃不下任何食物。便再一次撘車到柴灣了，成個下午，我都high high地。開會開會開會，一切越來越真實了，因為所談的內容也太實在了......之後，楊主任帶了我們總共五位新同事去參觀校舍，對我來說，沒有甚麼特別，因為我知道學校是沒有美勞室的，即是說我所有堂都只會在課室上，唯一感興趣的只是課室和教員室。入到課室，好開心呀，一班得二十多人咋，小班教學.....實在太好了!!!比起實習時四十多人一班，輕鬆多了。之後入到教員室......當我第一眼見到自己的桌子時，我興奮得難以形容，我有自己的桌子呢，好開心呀，是我夢寐以求的，我立即想，我的桌子要放些甚麼好呢？一定要放的是小蟲情人節送給我的事主蒙福，我要提醒自己要做一個為主作工的老師.........^v^我真係好開心，直到晚上，我只睡了兩小時的精力已經耗盡時，我的興奮才開始減低.........我只知，我累..累....累....累得要命!!!!!!!!但仍待在BU的平台等rehearsal..........好累了!!!!!

真的很累了，明天八點半要到BU，要有足夠精神，再一次迎接美麗的一天........上帝，我要再看你的神蹟，在我身上顯明!!!!!!!!!願你同在!!!!!!

多謝小朋友、家瑤、YY......每一個恭喜我的朋友仔、弟兄姊妹們.........
今晚有些東西令我好失望，不過，我實在太開心了，那失望完全影響唔到我呢

明天︰DOG POWER GOOD SHOW...........因為，耶穌基督勁勁勁!!!!!!!!!!!!!!

>>August 24, 2003 at 7:36:40 AM GMT+8

2003 年 8 月 20 日 星期三 【雨】

好夜了，但唔可以唔寫日記。因為今日我收到電話，明天去interview呀，今次係我第一次in學校的工，亦都只係我第二次interview，好緊張，係屋企搞o左成晚，都好似未搞掂咁，今日又要四出打電話comfirm埋AP o的飛，所以忙得要命。明天去位於柴灣的筲箕灣崇真學校interview，真係好想可以做到這份工，希望可以啦，將一切交上，求上帝掌管。謝謝小朋友，一聽到我interview，四出幫我找資料，又問了好多有關那間學校，那個校長的資料。謝謝你呀!!!!!!

本來好多o野想寫，不過而家心情又急又緊張，係因為找剛發現剛才漏了jackie舞的紗紗裙係酒樓......好急呀，如果唔見o左點算？要整過，整唔整得切？好整喎，明天還要interview.....點算呢，今晚實訓唔著啦......

擔心!!!!明天六點去酒樓，找返條紗紗裙
希望找到啦

>>August 21, 2003 at 6:14:28 PM GMT+8

2003 年 8 月 19 日 星期二 【晴】

又是累得要死.......工作時間由中午一時到零晨一時，由中午一時到達深水埔，行呀行....行呀行，我們三人(卓華、格格和我)終於領悟到為何男孩子陪女孩子去行街是這麼的辛苦，當你對買的東西並不感興趣，卻要行上數小時，不知幹甚麼的，就是行行行....又熱、又累、又悶....的確是一件非常之討厭的事，我們今天都總算有個目標，知道要買些甚麼，買完就可以走...但女仔行街，永遠都無話行完的，即使不買，都要看個飽才夠，沒完沒了的行，又熱又累，我是男孩子也討厭這樣，有些更要拿著重重的一袋二袋，的確討厭.......選定了然仔褲後，就是買jackie舞紗紗裙的紗，走來走去，行完深水埔又行佐郭，終於在佐郭買到了，但開始的時間比完定的時間遲，而又沒有計算買紗的時間，終於，我們五點多才開始製作紗紗裙........當然做不起吧，留下了手腳給媽媽，我和daisy就飛奔去黃大仙排然仔舞了，心裡不斷的急，然仔舞只有半小時吧，也是我最想mark的舞，因為後面的實在太甩了，而且我跟本不記得，想自己練都不可以，但計計到達的時間，我們最少遲二十分鐘.....好燥.......終於，在預期的時間到運動場，真的遲了二十分鐘，不過，去到時，夢華舞還練習中，原來因為太不齊人所以無mark然仔舞.....唉.......今晚，無時間再mark然仔舞啦，好唔開心呀!!!!好在，亞道舞時Annie在後面和我們一起mark返然仔舞，總算知道那些忘記了的step是甚麼吧，但沒有了所有人一起mark，實在差得太遠了.....唉....還天真的想，可能亞道舞可以準時十點完，我們還有一小時mark然仔舞.....點知.....白等了...累得要命...............
今天，又是累得要命的一天，這樣累，一天的休息真的夠嗎？明天真的有得休息嗎？

昨天跌傷了的手，今天更痛了，無表面傷痕，不過，仍然不能發力，按下去好痛......我都不知它有沒有事，只知有很多動作都會令它痛.......AP前，可以康復嗎？上帝呀，為何在AP前我會這樣多問題，傷風康復了，又來咳，咳也未好又跌傷.....唉.......

MAY家姐明天走了，她來住了一個星期，晚冕練舞，連傾計的時間也沒有...唉....晚晚回到來，她不是已睡就是差不多要睡了......................她今晚送了份禮物給我呀，係一個相架，入面仲放O左我同德正張相的，咁傻O既，係我晒俾佢O架O麻....=P(今晚終於知小德正的英文名串法了，是sebastian呀)

累...眼訓......睡了，明天要補習


>>August 20, 2003 at 6:00:30 PM GMT+8

2003 年 8 月 18 日 星期一 【雨】

好累.......日日都係好累，今日連報紙都無睇，十二點多就出了去買衫，去了奧海城、旺角中心、花園街同新世紀.....好耐無試過行新世紀了，在新世紀不停的找，行過很多鋪頭，不知為何今天行過那些鋪頭時想回很多以前的事，回想起常去的明將....懷念入面的午市定食，懷念坐在我身旁飲意大利咖啡的人，回想起牛奶妹專門店，想起我們在牛奶妹入面夾糖，好貴，不過因為我鍾意，所以有人買俾我，想起我拿著那包糖，滿足的數著入面有幾多種色，邊糖要留給誰.....想起也覺得自己天真得有點可怕....回想起貼紙機鋪，第一次返office，穿得很成熟，把握機會影了將貼紙相，想起jollibee，吵架後和好的地方，想起....想起.....想起.....為甚麼今天會想起這麼多？......在新世紀行了很久，最後也找不到要買的東西..結果，在花園街找到了。真的找了很久才找到要買的衫(原來係咁難找o架)，好在最好買到的都很合心意......好!!!之後，回家放下些不需要的東西，拿了些需要的東西，又再一次去花園街，今次是拿然仔舞的衫，好重好大袋，如果要格格拿，我想她真的拿不到的了。拿著那重重的衫和一個大大的背包(入面是我的所有舞衣)，去到黃大仙...竟然下起雨來，我還在天穚跌了一跤，跌到連起身的能力也沒有了，在地上坐了數分鐘，才有一個好心的太太來把我扶起....唉，香港人...望就多................我跌到半邊身發軟，真的很痛，坐在地上隻眼已經紅起來了，起來後，本想打電話給卓華，請她過來替我打那大大袋的衫搬過運動場，點知，找不著......我的眼淚就禁不住流出來了!!!因為我的右手右腳都無晒力了，連行也困難，結果，企了一會兒就拖著那大大的袋一步一步的走過運動場，在運動場的樓梯上，我終於見到可以幫我的人了，Tracy，妳的出現就如天使呢......一去到運動場就衝進洗手間了，因為我的眼淚還未停過的流出來，趕緊進去打眼淚擦乾......真的很痛!!!!!!!!!右手和右腳都rehearsal完了仍是軟軟的......不過，今晚聽了很多次Eric對我說"很擔心妳呀!!"，其實有時有人擔心自己，係一件開心的事，因為最少知道自己不是無人理吧.......除了Eric，還有可愛的Tracy呢，她今晚替我施法術，叫我快o的好返呀....好開心呀，我會好快好返o架啦!!!!!!!!!

其實我好眼訓，已經無精神組織自己寫了些甚麼了，只知到現在，我的手和腳係用不到力呢....要快點好返呀!!!!!!!!!

YY，好呀，AP過後才睇戲o丫!!!!!!!我已經好返好多o架啦，仲有少少咳，放心啦!!!!!!!!!!

好眼訓...............

>>August 19, 2003 at 5:50:34 PM GMT+8

2003 年 8 月 17 日 星期日 【晴】

今日行o左一日街.....不過，行得好"文"，因為今日係去買亞基舞的衫，行o左好耐都揀唔o岩，鬼咩，去rave party的衫我都唔會著o既，點揀都唔o岩o架啦，不過好在，最後都係買到，但然仔舞條褲，攪o左鬼咁耐，傾o左鬼咁耐，最後都係唔夠，搞到遲晒去祈禱會......激氣!!!!
祈禱會加o左我少少力，不過，加o左幾多.....唔知喎，我仍然都唔太有力，不過，代禱的時間竟然有人記得我病，我真係好感動呀!!!!!!這個時間病，真係好辛苦呀.......但仲有人記得，真係好感動，多謝你呀花花........不過，今次的病都算好得快啦，幾日就好得七七八八，可惜，由傷風變了咳，希望可以係AP之前好返啦，我的傷風都係好傳奇咁訓醒一覺之後好的，唔知咳可唔可以呢？
好境不常，祈禱會回家，還未了解甚麼事，一踏進家門就發覺屋企又發生大件事了，好驚，坐在房中，本來也不太驚的，因為都習慣了，以為只是平常的吵鬧，但見哥講o左咁耐，越講越大聲，就知不妙了，接著肥仔腸打電話來叫我不如回家睇住情況，..........我最後都無去，一來，客觀因素我去不了，去了會有很多問題。二來，我不想去。我並不是不關心屋企的事，而是我怕回到去第一個崩潰的會係我，屋企對我來說已變成我的陰影，只是好少事，我的自然反應，就會叫我緊張得好緊要，我好驚，就係好驚，我唔敢返去，因為找怕自己會崩潰....其實，甚麼都試過，照理我甚麼都不怕，不過，那份恐懼....就是止住了我回去的腳步.......我不孝，因為我不敢回去，但.......我想沒有人會理解我的恐懼會有多大，沒有人會理解為甚麼我連這麼少事也做不到，如果屋企真係發生o左咩事，我擔當得起嗎？....................總之，我最後都係無返度去。今晚祈禱會，eva講到sophia的情況，我理解呀，我明白呀.....因為我曾是她的角色，她的位置。不過，我已經無法再行去這個位置，因為....我怕...........

沙灘上的你，謝謝你在我最怕時沒有留下我........

Alec，多謝你呀，看見你的留言，我好開心呀!!!真係好多謝你!!!.....
咁你記得AP之後約我啦!!!!!!

我很累了，很想睡........

>>August 18, 2003 at 6:24:56 PM GMT+8

這是魚魚的日記簿，記載了魚魚的生活、感受。願來光臨的人能從我的生活，我的改變，看出上帝的大能!!! 廣告 讀者留言 |  路人留言   | 仲有我記得來呀… <br>雖然遲 >>January 28, 2011 at 5:19:52 PM GMT+8 仲有我~~ >>December 17, 2010 at 1:27:55 AM GMT+8 看到妳的日記, 我也感受到一篇出 >>March 16, 2010 at 2:09:20 AM GMT+8 很久沒有看你的blog了, 因為 >>March 11, 2010 at 8:33:30 AM GMT+8 好野 ~ 到你la ~ <br> >>March 3, 2010 at 12:34:20 AM GMT+8 B姐,對象當然係我啦,佢成日話我 >>February 17, 2010 at 1:35:13 AM GMT+8 「敬拜由新郎領，司琴由新娘做，訓 >>February 15, 2010 at 3:27:48 PM GMT+8 wa~ 你好靚喎~ 兩條裙都好靚 >>February 12, 2010 at 11:15:28 AM GMT+8 魚哥哥仍會講"半夜三更，捨得訓未 >>February 11, 2010 at 12:29:06 PM GMT+8 半夜三更，捨得訓未呀？？！ <b >>February 10, 2010 at 9:34:18 AM GMT+8 做咩唔開心呀.. 有咩打電話俾我 >>February 5, 2010 at 3:03:42 AM GMT+8 今天突然想起妳的日記, 到來看看 >>January 20, 2010 at 6:45:28 AM GMT+8 加油阿!cherry! <br> >>September 13, 2009 at 2:54:51 PM GMT+8 共勉之喔，雖然我都覺得很累!!! >>September 10, 2009 at 2:45:34 PM GMT+8 暉暉︰有錢，並不代表受高等教育， >>August 9, 2009 at 1:10:48 PM GMT+8 我以為你&#21707;個D高級 >>August 8, 2009 at 12:14:35 AM GMT+8 哈哈，通常醉了的人都說自己沒有醉 >>August 4, 2009 at 5:08:49 PM GMT+8 暉暉︰想不到，後來更喜出望外啊~ >>August 3, 2009 at 3:57:06 AM GMT+8 哈哈，沙灘日...真係好"喜出望 >>July 30, 2009 at 3:12:48 PM GMT+8 咁幾時有得食呀~~~ >>July 13, 2009 at 3:55:07 PM GMT+8 我地都好耐無食過你整既湯圓喇~~ >>July 12, 2009 at 10:46:17 AM GMT+8 哈哈，又俾我找番你條日記link >>July 12, 2009 at 12:51:15 AM GMT+8 請問彈彈湯圓是什麼東東?? >>July 11, 2009 at 6:15:30 PM GMT+8 我個名都串錯，唔開心0羅!! < >>June 19, 2009 at 12:02:46 PM GMT+8 嘩!~ <br>轉會都收到咁多禮 >>June 16, 2009 at 3:50:01 AM GMT+8 妳要保重身體哦~~ <br>宜家 >>June 10, 2009 at 3:46:31 PM GMT+8 其實我自己有時也會消一消失呢!所 >>May 30, 2009 at 4:45:11 PM GMT+8 咁Mark姐話你cool嘛，咁你 >>May 27, 2009 at 3:35:38 PM GMT+8 Yeah~ Cherry,歡迎你 >>May 21, 2009 at 2:36:24 PM GMT+8 翠翠好叻丫! 妳真低調啊! 也不 >>April 5, 2009 at 11:51:42 AM GMT+8 翠翠好叻女丫!!!!!!!!!拿 >>April 4, 2009 at 2:27:57 AM GMT+8 叫魚嫂嫂,蛋嫂嫂又或者笨蛋嫂嫂都 >>April 2, 2009 at 6:12:22 AM GMT+8 take care翠翠！！！ < >>March 23, 2009 at 4:30:49 PM GMT+8 保重丫! 快d好返星期四回5同我 >>March 22, 2009 at 2:40:33 PM GMT+8 I miss Mei too~~ >>February 26, 2009 at 11:36:03 AM GMT+8 這陣子,我也常常想起她,十分十分 >>February 21, 2009 at 11:21:38 AM GMT+8 甚麼？難以置信！！ <br>可以 >>December 10, 2008 at 9:42:41 AM GMT+8 酸薇薇, 雖然我唔認識妳.. 知 >>December 10, 2008 at 3:48:09 AM GMT+8 哇哇哇！！！！我好喜歡那兩幅外星 >>November 9, 2008 at 5:31:15 AM GMT+8 我都好享受考試週每日都有半天假丫 >>November 5, 2008 at 2:17:41 PM GMT+8 to:pp <br>係喎~差點唔 >>November 2, 2008 at 5:31:04 AM GMT+8 對上一次應該沒有10年吧!去Li >>October 27, 2008 at 2:23:33 PM GMT+8 Cherry,唔好放棄!!!因為 >>September 23, 2008 at 11:17:29 AM GMT+8 翠翠,妳真是一個好老師喔! <b >>September 20, 2008 at 4:15:32 PM GMT+8 take care 碎碎 <br >>September 8, 2008 at 3:25:23 PM GMT+8 我和妳一樣打敗仗哩! 一同保重丫 >>September 7, 2008 at 2:23:21 PM GMT+8 Te amo. >>September 2, 2008 at 6:09:38 PM GMT+8 你當年那一班真的有好多經典人 < >>August 26, 2008 at 10:27:22 AM GMT+8 哇~~~~~~~~~~原來你和碧 >>August 21, 2008 at 3:42:37 PM GMT+8 好耐無用房電腦..好耐無上來留言 >>August 20, 2008 at 5:26:11 PM GMT+8

人氣: 107084

Design & Scripting by ShowHappy.Net