2004 年 1 月 27 日 星期二 【晴】

本來今日有節目的....點知....又落空了....
要幫自己諗過o的節目....做咩好呢.............>.<
我想做的，唔會一個人做o架喎......不過，又無人陪我去.................

唉....做咩好呢......

>>January 28, 2004 at 5:09:31 AM GMT+8

2004 年 1 月 26 日 星期一 【晴】

今日好悶呀.....又係留係屋企...都唔係無o野做o既，不過好快又悶返......自從初三之後，我都無做o野(原來都係隔o左兩日咋喎...)今日終於都做o左少少，少少地，計了四班的分......原來，咁不停"禁"計數機都幾悶o架喎....諗起之後要覆計就煩啦........唉.........真係悶死人啦!!!!
點解我成日都覺得悶o架？有人話我唔定性喎....係咩？定係我o地生活真係好悶，所以....一無o野做我就覺得悶....................

悶死o左啦，快o的做完o野同我玩啦!!!!>.<


>>January 27, 2004 at 3:54:39 PM GMT+8

2004 年 1 月 25 日 星期日 【乍雨乍晴】

一早起身去了看展覽---香港故事，是工作的一部份呢...不過，這份工作都ok啦....之後，同公公去了看電影---最後武士....你成日話我唔鍾意，都唔算o既...ok啦，無你睇得咁雀躍o羅...但都幾好啦!!!見到你睇到目定口呆的樣，反而有點好笑...=p記得下次同我睇埋熊之歷險呀.... :)
今日都幾開心，揚枝金露都唔差!!!真係要謝謝你呀....快o的俾心機做o野啦!!!

條頸，舒服點了!!!^v^

天文台騙人的，又話今日凍....熱到塊面紅卜卜o羅.....-_-

>>January 26, 2004 at 2:36:07 PM GMT+8

2004 年 1 月 24 日 星期六 【乍雨乍晴】

今天如常的返崇拜，會後，與emily組一同去了mr tam家團拜，我們好開心的唱詩歌、玩遊戲、食年糕...!!!謝謝winnie為我們預備了這麼多美味的年糕，今年我才第一次食年糕、馬蹄糕同芋頭糕...好好味呢!!!!!
今年的遊戲仍舊是willium負責，係佢負責o既，當然係諗佢唔到啦...哈哈!!!!我們玩了...我都唔記得幾多個遊戲啦，有財神到啦、恭喜發財啦、世界之最啦、仲有一個我都唔知叫咩名，係每組每人寫低一件昨天做的事，而這件事必須要同組之中只有自己一個有做的，之後要別組的組員猜誰人做了那件事.....我們組好勁呀，大家只猜到一個吧...但點解，佢o地個個都估十點半訓o個個係我？似咩？我返工o既時候都唔會咁早o架喎，最早都十一點啦........??????還有，大家知道原來煎蘿蔔糕的是佩儀，大家都大為震驚呀...哈哈......連willium都問，乜你識煎糕o架咩...笑死人啦.....大家都估係小龜o羅...呵呵....而我o地組估人都一樣咁勁呀，都估到唔少o架!!!!!之後，我們玩世界之最時，又是笑死？乜我同willium有心靈相通咩？點解我估到晒佢o的題目o既？搞到個個選人之前都問o下我今次係鬧咩....哈哈...我都係撞彩之o麻.....哈哈.....不過，估就估中個問題啦，但都係輸呢...heeehee....仲後一題，係講得最多聖經人物，要講埋邊卷書出現.....神學生曾志澎竟然話掃羅係創世記出現....笑到我o地死晒.....hahahaahaaa.......不過，點解今日成日peter都話我o地污染佢/教壞佢o架？我o地明明都無...定係我o地有都唔知？？我o地係mr tam屋企玩，都唔會壞得去邊掛......peter...或許還是回去食紅蘿蔔才不被污染吧........-_-
我們還約了月尾去BBQ，好o野^.^

團拜之後，去了找豬妹，終於都送出了份新年禮物了，我們又再去看一次激光煙花...不過，仍然都係睇唔到喎.....始終都係無緣.....算啦!!!!今晚同豬妹講o左好多道理....希望，豬妹早日唔煩啦.....

今日，玩得好開心呀!!!!!好o野!!!!!....不過玩得太癲，扭親條頸呀.... :(


>>January 26, 2004 at 2:12:13 PM GMT+8

2004 年 1 月 23 日 星期五 【晴】

剛看回前幾天的日記.....特然發現....我有點掛念我的學生們了.....工作以來，我生活的趣味，很多很多都來自她們，或者是她們的頑皮，令我生氣得不得了，是他們的天真，令我會心微笑了，是他們的可愛，令我不得不喜歡他們....我很想念他們呢....只是，原來我只放了四天假吧...還有一個星期，我才可以再見他們呢，但....我想見他們，又不代表我想返工喎=p heehee...假，還未放得夠，還未想工作，更何況，四天假期裡，有三天我都留在家工作，沒有真正的放假，所以，我想念我的學生，但我仍未放夠假，之後幾天，我要好好的放假了!!!!!

現在剩餘的而可以在假期做的工作還有︰一個課外活動進度表、一個共同備課教學計劃、同埋九班的美勞分.....但開課後，我要立刻開會，又要立即趕起埋個反思表同專研下學期進度表了.....加油呀!!!!!

點解這幾天成日用面紅紅公仔？因為這幾天天氣乾燥，我的面都爆晒"冊"o羅.......所以個面咪紅紅的o羅!!!!!

>>January 24, 2004 at 3:53:03 PM GMT+8

2004 年 1 月 23 日 星期五 【乍雨乍晴】

最終只是坐了兩天半，晚上已經去街了.....終於都出街了，真好!!!!!!!!!.....thx豬妹打電話來約我去街，我知妳知我唔開心所以打來約我的，謝謝妳個個電話都唔聽只係聽我電話呀....今年的煙花，又是和妳看呢!!!!真好!!!是的，我們今晚去了看激光煙花，本來諗住咁樣晚晚放，一定唔會多人啦，而且煙花一定好少，但點知都唔少喎，總比上次(應該是...前年了...)我們去看元旦煙花多，人也不少呢，大部份都是遊客...(咁政府這個show都ok成功喎)....文化中心的海旁，竟然不覺得凍，反而有點焗呢.....皆因人太多了!!!!.....今晚最可惜的，是我們只看到一部份，看不到全部，相機又沒有電....過兩天，要再看過!!!!這次要看晒全部!!!!

今年聖誕沒有看燈飾，新年時補看了新年燈飾，也不錯吧，兩個傻婆在海旁逗留了兩個小時，變了條雪條了，還要吃雪糕.....真傻呢.....^v^

今朝的電話....竟然變o左今晚.........-_-......不過!!!謝謝你的關心!!!!!^v^

>>January 24, 2004 at 3:36:21 PM GMT+8

2004 年 1 月 23 日 星期五 【晴】

又話今朝打俾人.......
騙人的騙人的>.<


呆坐了三天，悶到發癲啦............

>>January 24, 2004 at 7:32:28 AM GMT+8

2004 年 1 月 23 日 星期五 【晴】

眼痛....


胃痛................


如果..............................

>>January 23, 2004 at 4:09:38 PM GMT+8

2004 年 1 月 22 日 星期四 【乍雨乍晴】

太悶了!!!初一初二，街上沒有鋪頭開門，又沒有朋友得閒陪我玩....結果，兩天變了訓覺天，訓呀訓呀訓.....除了訓覺外，就是工作了，好勤力呀，第二天假期(初一)就開始工作了.....昨天寫了個會議紀錄，今天到而家為止，已經寫了兩個進度表了.....雖然兩天都有工作，但這個假期的工作排山倒海般來，我總共要寫五個art進度、一個門徒計劃進度、一個專研進度、專研反思表、共同備課教案、一個會議紀錄、同埋九班的美勞分......要找最高的十次八次加埋佢再除返開....三伯幾條平均數呀....救命呀!!!!!!!!!!!!!!!!!!!!!!!!!!!如果大家好鍾意計數，不彷幫我計一兩班呀.........多謝!!!!!!.........又是工作.......-_-

>>January 23, 2004 at 10:03:27 AM GMT+8

2004 年 1 月 20 日 星期二 【乍雨乍晴】

終於都放假了......大家都問，為何我會這麼遲才放....我都想知...還是因為教統局的190上課天o羅...激氣!!!!誰說老師假期多？？好在，年假放到初十二，都總算過得去啦!!!!!

今年是猴年，今年的年宵必定有好多好多馬騮仔，身為馬騮仔的我，當然要去看看我的好同伴，買返一兩隻得意馬騮仔回來吧，所以，今年的年宵我非去不可!!!!!

幸好，今年的年宵仍有人陪我癲，約了karen行半夜年宵，佢o地話，都未試過約人早上一點出街喎.....又係喎，係少o的o既....我、karen、karen堂弟、chris、eric同jeanie一齊去行，點解一點都仲係咁多人o架？我o地行到五點，但....好似都無咩點少人到咋喎，o的人真係諗住行天光o架？唔洗訓咩？？！不過，咁多人，我o地一行六人竟無走失過喎，多得人拉人戰術啦!!!哈哈，總之見到我o地是但一個，就拉住唔放!!!!!!由於我身型時細，成日俾人迫到個身同對腳唔係同時前行，個頭四面都俾身夾住....多得chris成晚拉實我，又俾位我企o羅......heehee........最搞笑係chris拉住我，但中間俾人夾開了...結果.....我被拉著衝破夾住的人，走過去了.......大家看著這個樣...笑到合唔埋口....行過去後，還要聽到有賣o野的人說︰二十蚊個風"爭"，好抵買呀....之後，我問︰風箏？？....哈哈，笑到透唔到氣，咁twins首歌係咪要改做風車與風呢？最後，我都買了一個馬騮仔風"箏"回家....哈哈哈^0^...還有好多搞笑玩意︰摺衫機啦、彈彈馬騮啦、白痴口號啦、無人買神洲五號啦.....真係笑死!!!!就係咁，我o地就由一點行到五點啦.......返到屋企，已經係朝早七點了......好好好眼訓呀........-_-

>>January 23, 2004 at 10:02:05 AM GMT+8

這是魚魚的日記簿，記載了魚魚的生活、感受。願來光臨的人能從我的生活，我的改變，看出上帝的大能!!! 廣告 讀者留言 |  路人留言   | 仲有我記得來呀… <br>雖然遲 >>January 28, 2011 at 5:19:52 PM GMT+8 仲有我~~ >>December 17, 2010 at 1:27:55 AM GMT+8 看到妳的日記, 我也感受到一篇出 >>March 16, 2010 at 2:09:20 AM GMT+8 很久沒有看你的blog了, 因為 >>March 11, 2010 at 8:33:30 AM GMT+8 好野 ~ 到你la ~ <br> >>March 3, 2010 at 12:34:20 AM GMT+8 B姐,對象當然係我啦,佢成日話我 >>February 17, 2010 at 1:35:13 AM GMT+8 「敬拜由新郎領，司琴由新娘做，訓 >>February 15, 2010 at 3:27:48 PM GMT+8 wa~ 你好靚喎~ 兩條裙都好靚 >>February 12, 2010 at 11:15:28 AM GMT+8 魚哥哥仍會講"半夜三更，捨得訓未 >>February 11, 2010 at 12:29:06 PM GMT+8 半夜三更，捨得訓未呀？？！ <b >>February 10, 2010 at 9:34:18 AM GMT+8 做咩唔開心呀.. 有咩打電話俾我 >>February 5, 2010 at 3:03:42 AM GMT+8 今天突然想起妳的日記, 到來看看 >>January 20, 2010 at 6:45:28 AM GMT+8 加油阿!cherry! <br> >>September 13, 2009 at 2:54:51 PM GMT+8 共勉之喔，雖然我都覺得很累!!! >>September 10, 2009 at 2:45:34 PM GMT+8 暉暉︰有錢，並不代表受高等教育， >>August 9, 2009 at 1:10:48 PM GMT+8 我以為你&#21707;個D高級 >>August 8, 2009 at 12:14:35 AM GMT+8 哈哈，通常醉了的人都說自己沒有醉 >>August 4, 2009 at 5:08:49 PM GMT+8 暉暉︰想不到，後來更喜出望外啊~ >>August 3, 2009 at 3:57:06 AM GMT+8 哈哈，沙灘日...真係好"喜出望 >>July 30, 2009 at 3:12:48 PM GMT+8 咁幾時有得食呀~~~ >>July 13, 2009 at 3:55:07 PM GMT+8 我地都好耐無食過你整既湯圓喇~~ >>July 12, 2009 at 10:46:17 AM GMT+8 哈哈，又俾我找番你條日記link >>July 12, 2009 at 12:51:15 AM GMT+8 請問彈彈湯圓是什麼東東?? >>July 11, 2009 at 6:15:30 PM GMT+8 我個名都串錯，唔開心0羅!! < >>June 19, 2009 at 12:02:46 PM GMT+8 嘩!~ <br>轉會都收到咁多禮 >>June 16, 2009 at 3:50:01 AM GMT+8 妳要保重身體哦~~ <br>宜家 >>June 10, 2009 at 3:46:31 PM GMT+8 其實我自己有時也會消一消失呢!所 >>May 30, 2009 at 4:45:11 PM GMT+8 咁Mark姐話你cool嘛，咁你 >>May 27, 2009 at 3:35:38 PM GMT+8 Yeah~ Cherry,歡迎你 >>May 21, 2009 at 2:36:24 PM GMT+8 翠翠好叻丫! 妳真低調啊! 也不 >>April 5, 2009 at 11:51:42 AM GMT+8 翠翠好叻女丫!!!!!!!!!拿 >>April 4, 2009 at 2:27:57 AM GMT+8 叫魚嫂嫂,蛋嫂嫂又或者笨蛋嫂嫂都 >>April 2, 2009 at 6:12:22 AM GMT+8 take care翠翠！！！ < >>March 23, 2009 at 4:30:49 PM GMT+8 保重丫! 快d好返星期四回5同我 >>March 22, 2009 at 2:40:33 PM GMT+8 I miss Mei too~~ >>February 26, 2009 at 11:36:03 AM GMT+8 這陣子,我也常常想起她,十分十分 >>February 21, 2009 at 11:21:38 AM GMT+8 甚麼？難以置信！！ <br>可以 >>December 10, 2008 at 9:42:41 AM GMT+8 酸薇薇, 雖然我唔認識妳.. 知 >>December 10, 2008 at 3:48:09 AM GMT+8 哇哇哇！！！！我好喜歡那兩幅外星 >>November 9, 2008 at 5:31:15 AM GMT+8 我都好享受考試週每日都有半天假丫 >>November 5, 2008 at 2:17:41 PM GMT+8 to:pp <br>係喎~差點唔 >>November 2, 2008 at 5:31:04 AM GMT+8 對上一次應該沒有10年吧!去Li >>October 27, 2008 at 2:23:33 PM GMT+8 Cherry,唔好放棄!!!因為 >>September 23, 2008 at 11:17:29 AM GMT+8 翠翠,妳真是一個好老師喔! <b >>September 20, 2008 at 4:15:32 PM GMT+8 take care 碎碎 <br >>September 8, 2008 at 3:25:23 PM GMT+8 我和妳一樣打敗仗哩! 一同保重丫 >>September 7, 2008 at 2:23:21 PM GMT+8 Te amo. >>September 2, 2008 at 6:09:38 PM GMT+8 你當年那一班真的有好多經典人 < >>August 26, 2008 at 10:27:22 AM GMT+8 哇~~~~~~~~~~原來你和碧 >>August 21, 2008 at 3:42:37 PM GMT+8 好耐無用房電腦..好耐無上來留言 >>August 20, 2008 at 5:26:11 PM GMT+8

人氣: 107091

Design & Scripting by ShowHappy.Net