|
2004 年 2 月 3 日 星期二 【乍雨乍晴】
又冷又痛....不停被問︰到底你是凍定係痛呀？？
我係又凍又痛呀.........膊頭的痛一天比一天痛!!!是因為工作太多，令它一日比一日痛，還是因為天氣冷了，令佢更痛？我只知今天連向左望的能力都沒有..........好痛!!!!!
今天的堂，堂堂也上得不好....是因為我本身不夠訓嗎？
胃又繼續的痛.....或者，剛開課的壓力實在太大了..........
>>February 4, 2004 at 2:42:44 PM GMT+8
2004 年 2 月 3 日 星期二 【晴】
又冷又痛....不停被問︰到低你是凍定係痛呀？？
我係又凍又痛呀.........膊頭的痛一天比一天痛!!!是因為工作太多，令它一日比一日痛，還是因為天氣冷了，令佢更痛？我只知今天連向左望的能力都沒有..........好痛!!!!!
今天的堂，堂堂也上得不好....是因為我本身不夠訓嗎？
胃又繼續的痛.....或者，剛開課的壓力實在太大了..........
>>February 4, 2004 at 2:41:56 PM GMT+8
2004 年 2 月 2 日 星期一 【陰】
今日登入好辛苦呀，入了成十分鐘才能進入，可惜我還未有時間去銀行搞VIP吧!!!
真的太耐沒有上課了，昨天不夠氣，食完飯回家，已經覺得腳很軟，因為站得太耐了，今天，上完了第一堂已經聲沙了.......那是太耐沒有上堂的後遺症.....我幾時先可以習慣返呢....這把沙沙的聲，實在太難聲了.....我的聲音....比平日溫柔很多了-_-".....因為，沒有氣，說話很細聲，還要帶點沙沙的....唉..........今天不多堂，但工作仍是趕呀趕，趕著計好所有分，還多計了兩班(原來唔洗入分的)，空堂都用了來計分了，還有兩堂，便用來改學生的專題研習題目........救命呀....等如我和靜儀兩個人做了七八份..............低著頭計分計得太久了，兩個膊頭都痛得叫救命.....昨天，公公幫我按了一會，肌肉的痛好了點，不過，可能公公太大力了，反有少少瘀傷的痛!!!!不過，昨天消除了的點點肌肉痛，也抵不了今天計了一天分的疲勞................好累、好痛呢!!!!
放學----開會-----眼訓.............真的差點兒睡著了，但我是紀錄的人呢.....要打醒十二分精神....好累好累.....開了個半小時會，同事開完會都離開了，但我仍未備明天的課呢，留在學校，大約六時，全校所有老師都走了，其實我也差不多，只是還有明天的課外活動要備，因為大家都走了，唯有好趕好趕的完成(因為惠玲話等埋我一齊走，我唔好意思要人等，都唔好意思要工友等我一個關門吧...)，點解，同事們都比之前早走了，平日六點半都還有人的啊......每次開新學期，我都忙得七彩，因為太多會開了，開完會，我還要做會議紀錄呢........算吧!!!早點回去，反正今晚還要跳舞，早點回家也好的，明天才做吧!!!!
離開學校，便收到karen電話，告訴我今期的堂取消了.........唔開心呀，這兩個月無得跳舞啦，除非自己去take啦......今晚無得跳，我又沒有帶工作回家，又已經離開學校了.........今天晚上，就這樣浪費了.........唉.........
胃又痛了....這幾晚，晚晚都痛.....搞咩呀？？>.<
>>February 3, 2004 at 3:44:49 PM GMT+8
2004 年 2 月 1 日 星期日 【陰】
<<開課篇>>
兩個星期沒有上堂，今日在等上堂時，心情突然好緊張呢.....沒見他們也有兩個星期了，今天第一堂便是一年級，第二堂是六年級、接著---三年級、四年級!!!我真的很掛念他們呢，上完三堂，真的覺得他們天真、可愛、活潑、鬼馬!!!!總之，討人喜歡吧!!!很享受今天的課堂，不過，也正因為很久沒有上堂，今日的七堂，竟令我有不夠氣的感覺，平日這七堂是很輕鬆的，今天上到第六堂，已經不夠氣了!!!!!!!!!!不過.....實在很喜歡他們，還有6B的幾個，她們今天特意入到來教員室，問了我幾個問題，之後對我說，因為很掛念我，所以特登入來探我的......妳們真懂討人喜悅呢，咁識tum人，想唔鍾意妳o地都唔得啦......
課堂後，又是開會....今天開的是視覺藝術會，其實，我都很想也很享受參與這個活動，不過，開完會，知道我要將五個年級的進度大調動時.....又有點無奈.....不過!!!!我會努力的，也希望能享受這個展覽。
<<晚飯篇>>
很期待今晚的聚會，五點半開完會，其實已經很想走的了，不過，工作實在不能不做，所以還是留低一小時，完成部份工作才離開!!!!
今晚的聚會，很享受，也很愉快，當然啦，見到了很掛念的奇雲(蟲仔唔准kok我個頭呀>.<)、又見到很久不見的winnie、還有快飛走的公公，可惜，kelly不能來吧....很美味的一餐，吹過了很多水，有生活上的、有信仰上的、有教會上的，當然少不了dog power的事吧。雖然今晚所談的，都令我很頭痛....(真的不懂怎辦o麻>.<)不過，我很享受去聽大家去討論，因為大家所說的，令我想多很多很多東西....我很享受!!!真的很享受...但我不懂形容，也不懂表達..............好想好想....大家永永遠遠都咁緊張dog power呀!!!!!!!!
奇雲︰祝福你o黎緊的工作，有上帝的安排，能夠大大被神祝福。
winnie︰聽到你咁enjoy你的工作，我好開心呀!!!!不過，有朝一日妳真係做校長，千祈唔好請我呀......係一個修art的校長的學校教art，相信是一件好痛苦的事呢!!!
公公︰唉....唔知點解...真係有點擔心你呀!!!!你真係要小心呀，禽流感無得醫o架....你一定要健健康康咁返o黎呀.....你仲要陪我玩o架....最多我應承你，每晚為你代禱啦.............>.<
kelly︰下次你一定要出o黎一齊食o架啦!!!!
乜放榜時唱過咩？我唔記得lu....我只係記得....我單單在哭吧!!!你說得對呀...估唔到你睇很出喎，我講好感動的那句"你破碎我一切 卻換上更多恩惠 榮耀路徑必有淚涕"咪就係同你差唔多的那個經歷o羅...=p，不過，肯定的係，恩惠比破碎的，必定更多更多!!!!
>>February 2, 2004 at 3:37:55 PM GMT+8
2004 年 1 月 31 日 星期六 【晴】
<你許可>
挫折有你許可 要讓祝福漫過 至死痛楚 要將生命加多
你破碎我一切 卻換上更多思惠 榮耀路徑必有淚涕
誰肯放棄自救 才將救思識透 葡萄被壓才得釋放 釀出新酒
人生到了絕處 才知道愛的深處 才能盛載神恩豐滿傾注
好久沒有在崇拜敬拜時很感動過了!今天，再一次被感動...上帝....我聽到一點聲音，不過....我並不確定...讓我繼續清楚細聽你的聲音!!!
今天崇拜，志祥真的回來了!!!好感恩呀!!!雖然昨天我也是滿有信心，知道今天志祥一定能夠回來，但我相信，對志祥來說，今日真係好大經歷o黎o架啦......希望此能成為志祥堅定信仰的其中一次經歷吧!!!志祥，加油呀!!!!
崇拜後，回家工作......是的，明天開課了.....要工作了........但......我還是想放假呢.....想起.......兩個月沒有一日假期呢............但我會看得遠一點.....兩個月後，又有一個頗長的復活節期假了.....期待期待!!!!!!!
>>February 1, 2004 at 10:07:04 AM GMT+8
2004 年 1 月 31 日 星期六 【晴】
又試要排隊寫日記，真係唔好玩....要快o的走去做會員先得啦!!!
今日玩足一日呀，好開心呀!!!
一早，約o左公公睇早場，公公應承o左陪我睇返熊之歷探o麻...不過擺烏龍，佢係樓上等，我係樓下等，最後，遲o左五分鐘入場呀...睇唔到開場>.<有人會買vcd記得借俾我睇返個開頭喎.....熊之歷探，都ok啦，我笑了個幾鐘......很白痴的，單單是隻熊熊好肥，我已經笑o左好耐啦....還有隻熊話自己唔係熊，之後o個兩隻鹿的對話啦、那個估我看到甚麼的遊戲啦、隻熊仔同熊的白痴對話啦、同埋我愛"lon"啦，都笑死o左我.....夜晚見到隻蟲仔時，仲不停係度同佢玩我愛"lon"添!!!!我覺得好好睇喎.....早知唔洗諗咁耐啦....yeah yeah!!!!!hahahaaaa....(謝謝公公.....)
晚上，我的小組同敬拜小組聯組活動BBQ，沿路就同蟲仔係到玩熊之歷探同埋講織頸巾，去到....燒o左一陣.....突然諗起karen喎，又好想karen見到我個樣係佢電話出現喎，就打o左俾佢啦.....自從那刻開始，蟲仔就成晚單打我啦....哇哇哇.....奇雲奇雲....我係唔會向惡勢力低頭o架....之後，我就開始發癲啦....其實，我係因為覺得好悶，所以係度發癲，好在，還有蟲仔係度陪我癲，我o地係到玩留頭啦(不過係o的kk、雪糕、屎屎)，仲有呢，係到玩z字型行落山啦，同埋快過bon bon架車落山o羅，bon bon係我o地後面呀...哈哈....勁呀!!!快過車呀!!!!!仲有，佢o地禁止我同o的馬騮仔講o野o羅....佢o地係我o的friend o黎o架o麻，仲咩唔俾人傾計喎!!!!!=_=
食完糖水之後，我仲坐o左bon bon o架車返屋企添....唔該晒詠詩(要唔o岩詠詩先o架)，仲有唔該bon bon o羅....行o左一日，好累啊...........
我件小玩意送出了，哈哈，知o既人就知啦，估到o既人就估啦....收o既人，笑得好開心o羅.....我都好開心你收得咁開心o架，每次送這些手造的東西給人，我都會講一句，唔准掉o架，唔准唔要佢o架!!!!好在，你話一定唔會掉，唔係我會咬人o架，多謝你讚佢靚呀hehee....記得幫我貼返個角喎!!!!!......開心!!!...charge足電再陪我玩啦......^_______^
今日全日最有意義的事就係同志祥的一個祈禱，其實，我真係好擔心你呀...志祥......
YY，幾日都唔記得reply添，sorry呀!!!我o地o個日睇九點九早場呀!!!
>>January 31, 2004 at 5:33:31 PM GMT+8
2004 年 1 月 29 日 星期四 【晴】
寫到差不多寫完時無o左.....>.<
小盼回來差不多兩星期了，今天才見了兩個多小時，唔夠呀唔夠呀!!!!不過，今日可以同小盼坐情侶位.....heehee...好開心!!!四個傻婆，一出戲院，異口同聲的說....好靚仔呀!!!!!(其實係戲院到，每當小飛俠出場時，都已經大叫...好靚仔呀!!!)，真係好靚仔，雖然我看戲，一向都唔睇靚仔，上次盼最後武士，都未叫靚仔啦，不過，小飛俠的眼神、笑容，實在殺死人啦!!!!有機會一定要叫牛女看，佢見到咁o既鬼仔，一定大叫足兩小時o即=p有靚仔睇，戲情都唔錯，有些都好搞笑的，搞笑他們都很白痴...我對小盼說...點解可以成間屋搬走？點解...咁搬法個底都唔爛？哈哈...白痴的...到最後，鐵勾死時，我還問...點解死得咁順灘??!!!除o左搞笑，都幾sweet sweet o架!!我都想要個針頂呀....特別係小飛俠那個^______^
睇完小飛俠後，還上了小兒屋企睇假如愛有天意...不過...唔知係係屋企睇o既原因，定係用電腦睇o既原因，我一滴眼淚也沒有流過......我這個大喊包，竟然看這套人人說大喊的戲卻沒有流眼滴，是我浪費了套電影嗎？？......
今日，最唔好o既，係肚仔痛，明天可以唔痛嗎？明天有一天的節目呢，我等了一個假期，都只是等去玩吧，如果明天肚仔痛要待在家，我一定會好唔開心o即!!!!!!唔要肚仔痛啦>.<
今日有人讚o左我好多次可愛、cute同埋得意....heehee...雖然你個定義好搞笑.....不過...我都好開心喎...=p(如果你係我學生我就唔會開心o架啦!!!)
小玩意搞掂了!!!!heehee....對住佢....我又笑了.....真係好白痴....hahaaha......唔知收的人收到，會點呢？？！
>>January 30, 2004 at 3:04:52 PM GMT+8
2004 年 1 月 28 日 星期三 【晴】
終於都有節目....heehee....今天去了拜年，收利是...本來都諗住買o野上去o架，點知遲到買唔切...真係衰啦....=p
我們十幾個同事，一齊入到亞詩東埇的屋企(我諗我唔敢再話我返工遠啦....)，真係幾靚喎....亞詩所佈置的都是宮廷式的設計....不過，如果俾我，我會選偏向自然簡單的佈置，各有各靚，只是取向不同吧!!!55樓.....走出露台，有點似跳樓的感覺，真係好驚o架!!!!坐下來，一輪美食後，我們就開始看亞詩的結婚帶....一邊看，我一邊只是想.....二十五歲結婚，真的好細啊......想起幾年前，我也曾想過二十五歲結婚很理想，不過現在再想想，我已經二十三歲了，如果二十五歲結婚，那即是兩年後的自己吧....我相信，兩年後的自己和現在相差不遠，都只是一個大細路....實在....太細了!!!!......二十五歲，搞自己的婚禮、有自己的住宅、有自己的生活、有自己的伴侶、過一個完全是成人的生活.....那對我來說....太遙遠了!!!!也太沒可能了.....二十五歲的我.....應該.....不能自己處理這麼多東西....好難想像一個大細路已經結o左婚....再加上我o個樣....二十五歲的我，可能仍像未成年.....=p太細了太細了.....當一切都未夠成熟去處理時，便沒有了幸福的感覺.....原來，以前的我覺得二十五歲結婚好幸福，到長大了，想法已經不再一樣了.......或者，再過多幾年，三十歲我也覺得太細了=p .....或者，我永遠也是個長不大的小孩，永遠也不適合談婚論嫁.....=p
看完了亞詩的結婚dvd後，再看了聖三一堂中學的校慶紀念dvd，好笑之餘同樣讚賞拍攝的那位老師十分專業，是的，自己貼了萬多元做學校的事，簡直係......."傻o架-_-"......
今日唔知搞咩，勁撞衫呀，點會撞得咁緊要o架????同敏儀撞裙(我o地係唔同地方的同一間鋪度買o羅....間鋪明明話自己design，唔會一街都係...但我係旺角買，佢就係銅鑼灣買......咁叫唔叫一街都係呀？？！-_-")，之後，又同前美勞老師亞佩撞褸....乜得咁多o野撞呀？？好在，我唔太介意撞衫o架o即...heehee.....有時我都鍾意同人一齊買同款衫o既.....heehee......=p
>>January 29, 2004 at 10:59:26 AM GMT+8
2004 年 1 月 28 日 星期三 【晴】
今日真係超級無聊，如果唔係都唔會一日寫三篇日記啦.....
好悶呀好悶呀....又整親條頸、又胃痛.....又悶o左一日..... :( 唔開心呀!!!!
返工o既返工、返學o既返學、做o野o既做o野、加班o既加班......無人陪我玩....好唔開心呀!!!!
全日最開心的一段時間就係係度玩小玩意的時間、其次就係玩公公Send過來的遊戲時間....但全部都係唯持得一陣.....悶死我啦!!!!
收到牛女電話，知道佢找到份半年代課，終於可以搞返教育，我都替佢開心o架，學o左兩年，唔好浪費o麻，半年，總算有得教，都好明白佢覺得好似實習咁o既感覺....事實上都係，一個星期上十四堂、又要堂堂寫反思，就係好似實習咁......希望佢做得開心，長做長有啦.....(我都希望自己長做長有喎....)
好悶好悶...好在明天有節目，唔係我又叫救命啦!!!!
唉......個個都唔陪我玩....我自己玩啦>.<
今日，有好多菇菇做收成.......-_-
>>January 28, 2004 at 4:10:42 PM GMT+8
2004 年 1 月 27 日 星期二 【晴】
悶悶的係屋企
終於找到件玩意，為個朋友預備o左件禮物...你估o下....會唔會係你?????????
哈哈....估錯晒!!!!.....唔係你、唔係你、都唔係你.....係o個個....先唔會估係自己呀.....哈哈......
慢慢估o下啦.......=p
不過，未送得住喎....^0^
搞完我自己都係度笑.......又會整埋o的咁白痴的玩意o既......heehee.....收o個個呀，唔准唔要佢o架!!!!!!!!!唔係我會咬人o架.\_/. " 知o麻......heeheee
玩o左一個鐘.....又玩完啦....再悶過.......做咩好呢？=_=''
>>January 28, 2004 at 6:53:05 AM GMT+8
|
這是魚魚的日記簿，記載了魚魚的生活、感受。願來光臨的人能從我的生活，我的改變，看出上帝的大能!!!
廣告 |
|
|
讀者留言 |
| 路人留言
|
 仲有我記得來呀…
<br>雖然遲
>>January 28, 2011 at 5:19:52 PM GMT+8
仲有我~~
>>December 17, 2010 at 1:27:55 AM GMT+8
看到妳的日記, 我也感受到一篇出
>>March 16, 2010 at 2:09:20 AM GMT+8
很久沒有看你的blog了, 因為
>>March 11, 2010 at 8:33:30 AM GMT+8
好野 ~ 到你la ~
<br>
>>March 3, 2010 at 12:34:20 AM GMT+8
B姐,對象當然係我啦,佢成日話我
>>February 17, 2010 at 1:35:13 AM GMT+8
「敬拜由新郎領，司琴由新娘做，訓
>>February 15, 2010 at 3:27:48 PM GMT+8
wa~ 你好靚喎~ 兩條裙都好靚
>>February 12, 2010 at 11:15:28 AM GMT+8
魚哥哥仍會講"半夜三更，捨得訓未
>>February 11, 2010 at 12:29:06 PM GMT+8
半夜三更，捨得訓未呀？？！
<b
>>February 10, 2010 at 9:34:18 AM GMT+8
做咩唔開心呀.. 有咩打電話俾我
>>February 5, 2010 at 3:03:42 AM GMT+8
今天突然想起妳的日記, 到來看看
>>January 20, 2010 at 6:45:28 AM GMT+8
加油阿!cherry!
<br>
>>September 13, 2009 at 2:54:51 PM GMT+8
共勉之喔，雖然我都覺得很累!!!
>>September 10, 2009 at 2:45:34 PM GMT+8
暉暉︰有錢，並不代表受高等教育，
>>August 9, 2009 at 1:10:48 PM GMT+8
我以為你哋個D高級
>>August 8, 2009 at 12:14:35 AM GMT+8
哈哈，通常醉了的人都說自己沒有醉
>>August 4, 2009 at 5:08:49 PM GMT+8
暉暉︰想不到，後來更喜出望外啊~
>>August 3, 2009 at 3:57:06 AM GMT+8
哈哈，沙灘日...真係好"喜出望
>>July 30, 2009 at 3:12:48 PM GMT+8
咁幾時有得食呀~~~
>>July 13, 2009 at 3:55:07 PM GMT+8
我地都好耐無食過你整既湯圓喇~~
>>July 12, 2009 at 10:46:17 AM GMT+8
哈哈，又俾我找番你條日記link
>>July 12, 2009 at 12:51:15 AM GMT+8
請問彈彈湯圓是什麼東東??
>>July 11, 2009 at 6:15:30 PM GMT+8
我個名都串錯，唔開心0羅!!
<
>>June 19, 2009 at 12:02:46 PM GMT+8
嘩!~
<br>轉會都收到咁多禮
>>June 16, 2009 at 3:50:01 AM GMT+8
妳要保重身體哦~~
<br>宜家
>>June 10, 2009 at 3:46:31 PM GMT+8
其實我自己有時也會消一消失呢!所
>>May 30, 2009 at 4:45:11 PM GMT+8
咁Mark姐話你cool嘛，咁你
>>May 27, 2009 at 3:35:38 PM GMT+8
Yeah~ Cherry,歡迎你
>>May 21, 2009 at 2:36:24 PM GMT+8
翠翠好叻丫! 妳真低調啊! 也不
>>April 5, 2009 at 11:51:42 AM GMT+8
翠翠好叻女丫!!!!!!!!!拿
>>April 4, 2009 at 2:27:57 AM GMT+8
叫魚嫂嫂,蛋嫂嫂又或者笨蛋嫂嫂都
>>April 2, 2009 at 6:12:22 AM GMT+8
take care翠翠！！！
<
>>March 23, 2009 at 4:30:49 PM GMT+8
保重丫! 快d好返星期四回5同我
>>March 22, 2009 at 2:40:33 PM GMT+8
I miss Mei too~~
>>February 26, 2009 at 11:36:03 AM GMT+8
這陣子,我也常常想起她,十分十分
>>February 21, 2009 at 11:21:38 AM GMT+8
甚麼？難以置信！！
<br>可以
>>December 10, 2008 at 9:42:41 AM GMT+8
酸薇薇, 雖然我唔認識妳.. 知
>>December 10, 2008 at 3:48:09 AM GMT+8
哇哇哇！！！！我好喜歡那兩幅外星
>>November 9, 2008 at 5:31:15 AM GMT+8
我都好享受考試週每日都有半天假丫
>>November 5, 2008 at 2:17:41 PM GMT+8
to:pp
<br>係喎~差點唔
>>November 2, 2008 at 5:31:04 AM GMT+8
對上一次應該沒有10年吧!去Li
>>October 27, 2008 at 2:23:33 PM GMT+8
Cherry,唔好放棄!!!因為
>>September 23, 2008 at 11:17:29 AM GMT+8
翠翠,妳真是一個好老師喔!
<b
>>September 20, 2008 at 4:15:32 PM GMT+8
take care 碎碎
<br
>>September 8, 2008 at 3:25:23 PM GMT+8
我和妳一樣打敗仗哩! 一同保重丫
>>September 7, 2008 at 2:23:21 PM GMT+8
Te amo.
>>September 2, 2008 at 6:09:38 PM GMT+8
你當年那一班真的有好多經典人
<
>>August 26, 2008 at 10:27:22 AM GMT+8
哇~~~~~~~~~~原來你和碧
>>August 21, 2008 at 3:42:37 PM GMT+8
好耐無用房電腦..好耐無上來留言
>>August 20, 2008 at 5:26:11 PM GMT+8
|
|
人氣: 107090
Design & Scripting by ShowHappy.Net
|
又冷又痛....不停被問︰到底你是凍定係痛呀？？
<<開課篇>>
悶悶的係屋企