2008 年 11 月 4 日 星期二 【陰】

秋意了嗎？日日都天陰陰～
琴晚好好彩，仲見到娥媚阿ｍｏｏｎ～
今晚，咁大個人第一次買左件成人褸～又名乾濕褸？漁夫褸？
一直都覺得呢ｄ款唔太襯自己，故一直都幾抗拒；今日呢件QQ地，因為係公主袖，姑且一試
＊v＊啊～～好令啊～～～不停聽見"買我啦～""買我啦～""買我啦～"
左試試右試試，搵埋人幫下眼，結果買了回家！係就係貴左ｄ...但我知自己好襟著，鐘意既野，過左時都會照著，著足四五年 .＼／. @ 呵～～

星期日阿麻生日，返左入大澳食生日飯
入到老家門口....就因為又一次大大大水浸.....整間老家統統唔同晒....好可惜～
首先，我地ｄ掛牆BB仔相全都冇晒了；果個殘殘地既古老噹噹鐘都冇左了；
由ｂｂ仔見到大既神主櫃都冇埋了；仲有果個古老電視機櫃又冇埋........
從前有一種老家鄉村味既老家，依家好似變得不文不類...........
都係鐘意從前既大澳老家果種風味都氣味～
食飯途中聽見二嬸講左句好幸福既說話："我老公撈得起，即係我都好掂"
聽完個心都幾震，幾觸動我心.........呢句說話，依家唔係個個女人都可以咁有自信心去講
依家既人....撈得起的，都會撈多個女人回來；
再唔係....就各自各經濟獨立，更甚的是，要受老公三分面色接受"家用"......
眼見阿爺好錫阿麻，行到邊扶到邊，去到邊拖到邊
而婆婆.....只會冇情冇理喪鬧公公........拖？從未見過...........
食飯咁岩坐左係阿麻身邊.....不嬲唔食蝦既我 (只因唔識食，又再冇人mok比我食)阿麻mok左隻比我＊.＊"有ｄ唔好意思～～～好似都唔知幾耐.....冇受過阿麻既夾送，今次仲係mok蝦～！
本人一直好認同"家有一老，如有一寶"！

今日同媽咪傾左陣電話，知道婆婆最新既消息
醫生宣佈藥力冇效 :T﹏T: 而且....情況唔太樂觀.......
果舊衰野仲養大左佢，醫生話大得幾快.........所以要做第二個療程........
本來平靜受控的我，又再一次眼淚流出來...........
今晚行過條大坑橋，陣陣涼風，眼水又洶湧而流.........
父啊～求您叫婆婆唔好受太多痛苦，我真的真的好唔捨得佢，自私心，好想好想好想佢睇到我地大........父啊～求您比力量，精神佢～我地真係冇力了～求加添～阿們

>>November 5, 2008 at 4:28:03 PM GMT+8

2008 年 10 月 31 日 星期五 【晴】

岩岩發左老媽子一個好勁秋好勁秋荷蘭大勁秋既脾氣........
內疚又後悔了......................
事源堂細佬結婚果日，大姑姐都已經講左阿麻幾時食生日飯
果時我都即時拎本"PDA"出黎mark底左，兼且都系預左去先mark既姐～
當晚我都即時匯報佢知個日子，當時佢仲問我去唔去，我都答左"去"；
某日跟婆婆一起飲茶，佢又係用佢至鬼乞人憎果蕉，當住婆婆面問我去唔去
我已經火火地，但都忍得住，扮平靜答佢"去"，搞到婆婆好嚴厲咁以為我唔去而教訓我，我即時澄清我係去，家姐唔去！；
又到左某日家庭大聚飯，佢又當住九萬幾人問我去唔去，我實在忍唔住了，火火地答佢一句"都話去略仲問！"
好喇～琴日我miss左佢call，今晚又miss左佢call，我都估到佢"籠"野！
真係冇估錯，又係當住果條廢柴問我去唔去
我發盡喉嚨，扯晒筋大大聲答佢"都話去啦！問完又問！第三次喇！都話左去啦！！！想點呀！！！"
唉～～～～～～～岩岩聽佢收線果一刻，佢好唔開心，而我......因為一下激動，又頭痛了.........
從小開始，佢一直灌輸一ｄ野比我同家姐，令我同家姐對麻麻爺爺冇咩感覺
到左某一段時期，佢都表態過唔鐘意返入去，只係迫住返
好幾次新年佢地借頭借路返大陸，而冇入 / 遲左入去拜年
做咩依家成日係廢柴面前扮自己鐘意佢兩老人家呢？
從前跟佢地一齊住，都已經成日係廢柴面前扇風點火！想點姐！！！

>>November 1, 2008 at 2:47:54 PM GMT+8

2008 年 10 月 30 日 星期四 【陰】

琴日睇左套戲，睇到我一頭霧水．．．
返黎即刻上網搵睇下係講咩......原來係話「高智商、愛無能」
呢六字真言，真的完全總括晒套戲既內容～
但.....唔太好睇，只係一般既小品～都好既，大肚婆岩睇～
弟時有機會大肚，我一定會睇Keroro...功夫熊貓....海底奇兵.....小丸子.....再唔係就係周星星！笑到個ｂ一出世唔係喊係對住ｄ姑娘笑！

今日放工搭LIFT，搭到我嗌晒救命失晒儀！
幸好有令女同我同LIFT，又借隻手仔比我捉住，但一出LIFT雙腳發軟蹄，周身冷汗～
真的好驚....好驚.......狂心跳.....真係面都青埋！
發覺同事唔多like我，可能一上任就好多節省資源既計劃啦～令到ｄ同事微言 =(
工作上真係好忙....好忙......勁忙...............幸好助手真係好幫得手
點先可挽回民望呢？？？ =(
父啊～又要靠你出馬喇～

>>October 31, 2008 at 2:08:31 PM GMT+8

2008 年 10 月 30 日 星期四 【陰】

不放手是不快樂
放手，就一定會快樂了嗎？
個腦不停自動播住呢首歌......repeat....repeat....又repeat.......

"你總是心太軟　心太軟　獨自一個人流淚到天亮
你無怨無悔的愛著那個人　我知道你根本沒那麼堅強

你總是心太軟　心太軟　把所有問題都自己扛
相愛總是簡單　相處太難　不是你的　就別再勉強

夜深了你還不想睡　你還在想著他嗎
你這樣癡情到底累不累　明知他不會回來安慰

只不過想好好愛一個人　可惜他無法給你滿分
多餘的犧牲他不懂心疼　你應該不會只想做個好人

喔　算了吧　就這樣忘了吧　該放就放　再想也沒有用
傻傻等待　他也不會回來　你總該為自己想想未來"

>>October 31, 2008 at 1:29:51 AM GMT+8

2008 年 10 月 28 日 星期二 【晴】

由始至終都是給人家睇死....甚至咀咒....(每年每次都係....)
不爭氣的我
這報應我早該有了

但願你真的看見 現在我天天抱緊這布公仔去睡眠
但願我天真未變 孩子很好騙 為了不死的信念
仍然信 你狡辯 若我聽教你便回來我身邊

>>October 29, 2008 at 12:04:56 PM GMT+8

2008 年 10 月 28 日 星期二 【晴】

就似吸毒一樣．．．．．．．
辛苦 / 心跳 / 手震 / 透唔到氣 / 眼水
白白的過了一年..........

>>October 29, 2008 at 5:15:50 AM GMT+8

2008 年 10 月 27 日 星期一 【晴】

父啊～如果我真係做左．．．袮會原諒我麻？
我知道答案的～
父啊～我j真的很痛很軟弱，我不知道，不知道，什麼都不知道

>>October 28, 2008 at 3:43:33 PM GMT+8

2008 年 10 月 26 日 星期日 【晴】

食過生日飯冇幾日又要進多次醫院
真的很擔心..........
今日唔知聽日事既感覺真係好難受～還有多一年麻？不知道，不知道，真的不知道.........
公司很忙很忙......忙得tum tum轉又過了一日........
分店又被人爆格、又要搞Insurance、新舖既野又要打點、閂舖既野又一連串跟各政府部門Supplier Contractor既聯繫、依家....Operation仲要"質"多樣食品測檢比我地跟！
我十萬個不明白何解唔係採購部做？！
唔通佢買原材料回來時就唔洗理果ｄ料有冇問題先買？？？
買左回來之後比其他部門去驗證有冇問題？？？
我打死力撐唔會跟～！

現在深深的知道自己冇本事去實現了
冇啦啦發現望人地好的，都已經從心笑了出來～夠了～已經滿足了～

冇啦啦回想０４年既周姐倫演唱會！無敵正！
買左頭唔知第幾行既４００蚊位，結果由JAY JAY一出場就企到走，個位全程放手袋！
"追不到的夢想 換個夢不就得了" ～稻香～

離開，不要怕，亦不用怕
明天還有很多的離開要去面對........
父啊～我又累喇～很累喇～不論工作，身體，心靈.....統統都累得我很低沉喇.....
真的很軟弱......我需要護庇同支持.....需要力量同精神......可唔可以送多ｄ小天使比我啊～阿門

>>October 27, 2008 at 4:08:21 PM GMT+8

2008 年 10 月 19 日 星期日 【晴】

難逃一劫
不怕...不要怕......不用怕.............
雨後仍有不測之風雲...仍要生活..........
多次既磨練就是要你不怕而又能勇敢地企返起身去面對它..........

SaMMi同劉德華既戲！真係套套都頂呱呱！
多年前既<龍鳳鬥>．．．
從前睇時都已經會眼濕濕，現在人大了，感覺又多了又深了，睇完又睇亦還會流得出淚來
今晚抽起條筋不停狂聽令我死得既舊歌
真的很辛苦！我又跌返入ｃｃ世界．．．．．．

今晚"TATA"同"天拿"都同我ｍ左陣ｓｍ～
雖然離開左CP LAND近兩年既時間，可是每件有關舊公司既事我都好像一份子似的
許do do同李嘉欣既新聞我又會追，佢地有咩公司活動我又有興趣知，
邊個離開升職又會同我講下，好似今年既RAT RACE我直頭睇埋佢地既片！
仍替佢地開心同興奮！
五年既時間........
以我極念舊既人黎講........真係唔會忘記呢五年既工作生活～

唔開心哭出來是舒服一點，可是以我現在身體健康來看
哭，並不是一件好事

>>October 20, 2008 at 3:57:41 PM GMT+8

2008 年 10 月 18 日 星期六 【晴】

點解仲係咁熱架？！
我既秋天同冬天快ｄ出黎同夏天FIGHT過啦！！！

琴日終於去骨骨喇．．．骨左個玫瑰香薰推拿～
ＷＯＷ～舒服到丫～～～＊V＊
深圳物價指數瘋狂升！一件油占多都要１３蚊？一個生果盤要５８蚊？忽左咩？！

回覆Ｄ君既留言：
1/ 一個人北上工幹，去左邊都沒有一個電話或短訊報平安？
2/ 我家陣要你係開會,GROUP DISCUSSION時打比我咩？
3/ 開完會到食晚飯中間冇時間咩？
4/ 食完晚飯到去飲酒SOSO中間冇時間咩？
5/ 等我打比你時，你電話卻飛晒去香港留言信箱，即係仲收到香港電話網絡.....
6/ 要等到晚上十一點幾，有同事係身邊先有電話到？

>>October 19, 2008 at 3:31:55 AM GMT+8