2008 年 12 月 9 日 星期二 【炎熱】

收到電話後什麼也不能集中精神去做
只有一路心跳手震震的趕忙做埋少少事務
見到婆婆才安心下來.............很多高濃度氧氣儀器.........
只見她的意志很強！完全看見她心全盼望！
每當她小休一陣子，就會扎醒嗌要食藥，可見她仍全心相信藥物能幫助她；
每當她感到氣管有ｄｄ順暢時，她便立即拿開，嚷著飲水食野，可見她努力為自己身體吸取多一點點營養；
可是，平常人的小動作，如蓋被或整理衣履，卻能使她氣促缺氧，含氧量立時下降；
最可怕的是......婆婆已經唔肯比人幫........每次她都堅持自己要做........什麼動作都能使她缺氧........
更甚的是.....飲一啖水既一秒......亦是辛苦........
救佢？或是拖延她的痛苦？
我們看到她辛苦，她卻努力求存！很矛盾............................
今日婆婆很激動發晒紫的罵我和姐姐，因受家人所託，希望得知婆婆心願......
委派了我同家姐辦.......很惡很惡.....頭都發紫激動邊說邊哭:"係唔係想我早ｄ走呀！！！"
婆婆即時氣咳，不敢了．．．不敢了．．．．

>>December 9, 2008 at 5:21:11 PM GMT+8

2008 年 12 月 7 日 星期日 【颳風】

很多朋友msn既問候同關心～真的很多謝～
婆婆病情反覆得很，連日來都高燒...退燒....又再高燒.....又再退燒........
今日嚇傻了大家.......婆婆心跳竟高至１４０.....心跳氣促，完全透唔到氣，橫隔膜跳動得很厲害....
當時公公一個人不知所措.......婆婆公公眼見四個護士圍住她，她心裡更害怕更不安
媽咪飛的出去，簡直係拍戲既情節．．．大塞車 ！！！
過了五個鐘後，婆婆心跳又高至１３０．．．
唉．．．．．．現在唯有派家姐留守醫院，看守著婆婆
大家都心中有數.......婆婆已經去到....隨時會走既地步 :T﹏T:
我仍好深刻為婆婆沖涼抹身擦牙洗面剪手甲既畫面......
我真的會很不捨得妳）））））））
父啊～求您醫治婆婆，叫佢唔好咁痛苦既離開.....叫佢唔好咁害怕，叫佢有平安～阿們
自私的想法，希望婆婆在我地人齊時才離開.......

>>December 7, 2008 at 4:26:03 PM GMT+8

2008 年 12 月 2 日 星期二 【晴】

琴晚有個天文現象～有幸我能一睹奇景～真的想尖叫出來）））
可惜是....我冇相機係身呀！！！口古月！！！
真係"月亮的微笑"！！！＊v＊

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
全國大部分地區的西南方天空，包括本港夜空，昨晚出現了一幕「雙星伴月」（又稱「雙星拱月」）的奇景，明亮的金星、木星及新月，罕有地近距離接觸，排列成三角形「︰）」，遠看猶如一張哈哈笑笑臉（金星在左邊，較大及較亮；木星較暗，有如大細眼，甚為趣致）。

本港天文愛好者昨晚聯群出外觀看及拍攝這罕見的天文現象。香港天文學會副會長彭栩怡表示，金星、木星與月亮互相輝映的天文現象，分別稱為「金星合月」或「木星合月」，每隔數年，兩種現象會同時出現，但要三者排列成笑臉圖案，「有如中六合彩」，非常罕有，視乎星體運行位置而定。

若錯過了笑臉，市民今日仍有機會一睹3星化身「二郎神」奇景，因為今晚新月會移至上方，排列成「）︰」，有如額頭多了一條新月疤痕，只要身處空曠地點，抬頭便可看到這項天文現象了。
＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊

今晚我同家姐都拿出勇氣，跟婆婆一起的禱告～
婆婆哭了，她不停的說好感動，好感動～
父啊～我地何等渺小，只有您既大能，我地才有勇氣跟婆婆一起禱告；
有好既開始，明天起就可以跟婆婆再一起的禱告～

係工作上，真的很唔開心，強烈既針對，萬眾既排斥........
真的很氣餒...........
是忠是奸我都冇力氣去分辨..........

>>December 2, 2008 at 4:16:34 PM GMT+8

2008 年 11 月 30 日 星期日 【颳風】

每日我都會不辭勞苦去ｅ院一趟，真的一ｄ都唔辛苦，還充滿期待～
星期六的下午，我沒有給自己懶惰，原本打算放工回家睡個午覺先到ｅ院
我卻突然轉了行程，因叫自己去睡個午覺都睡得不痛快，始終個心都心掛掛ｍａ～
反正到了ｅ院我都可以伏係婆婆既床邊小睡～
星期六的下午，婆婆很累，很冇精神，佢訓時我又訓
佢卻一路訓一路眉頭心鎖，雙手不停在找東西，是握實的，口中還發開口夢．．．
因當時只有我一人，很恐怖，令我很驚的場面，因為感覺真的不好．．．
後來，聽到婆婆夢中發火的一句："出去"，更令我心寒，我就催促ｍｕｍｍｙ快ｄ到，因為我都很怕..............................
到了晚上，各人都到了，她才精神過來～
到了星期日，我同家姐一齊幫婆婆沖白白抹身，換衫
果一刻 :T﹏T:婆婆很感觸的說了一句："你地細個時我就同你地沖涼，估唔到依家輪到你地幫我"
哇）））想喊死人咩～我個心即時震震，而婆婆就眼濕濕起來，我已經不懂回應她的話了........
現在跟婆婆每日的相處，就是我自己跟婆婆最後的回憶............:T﹏T:

今日，婆婆嘔水，到了晚上還發起燒來，真的令人很擔心
細舅父更加唔放心......夜夜都唔走.........
感恩，天父比左好多日我地跟婆婆相處既時候.......父啊～我同家姐明天打算跟婆婆一起祈禱，求父賜給勇氣同力量，只有您的大能我地才成事～阿們～
今晚阿妹同我講佢有帶麻麻爺爺返星期日，哇）））我聽完個心十級感動！
父啊～您既力量如此大～所以既然阿妹一個人都可領麻麻爺爺回教會
父啊～希望靠您既能力可以令我同家姐可以跟婆婆一起祈禱～誠心交託～阿們～

>>December 1, 2008 at 4:19:42 PM GMT+8

2008 年 11 月 25 日 星期二 【乍暖還寒】

醫生既建議就係見得一日得一日，陪得一日得一日，協助或引導佢講出有咩心願未了............
琴日終於嗌埋五舅公同六舅公黎，結果引來一dull人都雙眼通紅，眼濕濕.......
今日見婆婆既面色比琴日好好多，又或是琴日既情況真是太嚇壞人
前幾天，我好強烈感受到她很記掛屋企；還記得果晚我負責"運送"公公回巢，婆婆千叮萬囑我要睇住公公，唔好比佢唔換衫走上床又或是將件去街放上床.......
即係婆婆仍好緊張同記掛家裡既整潔......回到家....公公真係將婆婆既說話銘記於心......
結果．．．佢係將件去街衫放左係餐台囉 ＝.＝"
琴日問起婆婆，洗唔洗幫佢拎ｄ野黎，點之佢既答案令我心酸到不之得了...."唔洗啦，過幾日都出院"
充滿期盼的簡單一句說話．．．真的教我很難忘 :T﹏T:
幾天了，幾天她都完全沒有進食，水都只係一日半杯都唔知有冇.........
今晚.....佢忍著痛，在我地面前食一隻手指may長度既飽飽......
我當時心裡好開心好想大叫......可是再睇真d.....就知道......
各人都知婆婆既目的，佢想食返野，佢咩都忍痛扮精神，只因佢好想出院 :T﹏T:
由於佢多日冇食野.....全身在發抖......輕撫佢背部同雙手，很瘦很瘦........
父啊～感恩～感恩您給婆婆每日既恩典，我全心交託～阿們

>>November 25, 2008 at 4:24:49 PM GMT+8

2008 年 11 月 23 日 星期日 【炎熱】

星期五本來約好ＴＩ幾個好姊妹大聚輕鬆一番........
可是......婆婆既情況唔太樂觀.....最終決定放工後去見一見.....唔想做一d會令自己後悔既事......
琴日星期六，下午探過婆婆後就約左雀屎同衰人參加ROY哥既婚宴～
好耐冇見雀屎了....自從佢受浸到依家lu........佢瘦左好多...但仍然好令女～
下年佢仲同拍左兩年既男友結婚添～真係美滿～
真係神既安排.......就算拍左五年拖，始終唔係天父揀選的，神一定有佢既旨意～
所以我真係好羨慕大家都係基督裡既成長，生命同家庭
父啊～我都衷心交託～

今天，都到了醫院一趟～真的嚇了一跳，打左個突:T﹏T:
後來人多了，才好轉過來……..熱熱鬧鬧的～
會出院回家ma……………?????

>>November 23, 2008 at 4:52:12 PM GMT+8

2008 年 11 月 20 日 星期四 【颳風】

北大人一ｄ都唔勁.....
琴日食完個lunch回位時....見到個電話miss左家姐同muummy既call～
個心即刻震一震，開始心跳～好驚好驚好驚...........
跟手打比家姐，冇接電話；再打比mummy，都冇聽電話；咩事咩事咩事......更心急更心跳........
mummy打回來．．．．．．我聽到呆了 :T﹏T:
點解會咁既？？？明明星期一跟佢食飯時很好的！
食藥又冇效！做埋電療都冇唔得既？！咩菌咁惡死呀！！！:T﹏T:
點解醫生批得咁靈呀！
我返工第二日，就輪到佢入院，醫生當時講三四個月，即係等如我過probation......
依家醫生又講咩比預期快！！！:T﹏T: 咩可能一星期！痴線架！！！
感恩，琴日返早，才可放早一個鐘便衝去見佢～
一見面，個心安樂好多好多......跟她說笑，逗佢笑..........
一見到佢雙腳甩皮爆冊....心是酸的，哭不出來的淚...........
每次探婆婆，婆婆都要指定我跟她一起share食一個飯，一來婆婆食唔晒，二來知道我為食～
好怕....好怕失去........好怕第時上婆婆家望住婆婆坐開既位是空空的.......
好怕....好怕.....好怕以後叫"婆婆"會冇人應........
好怕....好怕.....好怕......果個場面成了遺憾.........
好怕.....好怕.......好怕她捱著很痛很辛苦咁離去........:T﹏T:
父啊～我地好軟弱喇，我地無能喇，求憐憫及醫治並賜力量給各人，阿們～

>>November 21, 2008 at 5:25:27 AM GMT+8

2008 年 11 月 17 日 星期一 【微冷】

一切準備就緒.......ｗｏｗ熱切期待北大人大駕光臨～！
冬天你要加油啊～夏天就快恰到你冇"訂"企ｌｕ～

15 Nov 2008 (Sat)
呢日同左喪傑喪行尖沙咀SOGO！今次宗旨係我唔會買野～
一去到，有人喪左＊.＊"橫掃三盒eye cream～呵～我卻忍手成功！
第二檔摷襪，我都唔多有用，都係協助摷摷摷～
哇）））好令＊v＊似burberry又有格仔又有，全都好有日本feel架～
我摷左一對冇理由唔摷多兩對架～($50三對ｍａ）呢round....輸左..........
第三檔～平頸巾～好令～紫紅色閃令令～新年必"cool"佳品～＊v＊......呢round....都輸埋............
第四檔，掃ｃ襪，我一對都冇買～嬴返，平手～呵呵呵～
男裝既件件都睇唔上眼，呢條簡直係康莊大道，嬴埋！ｙｏ～
行到腳都"bike".....................................
之後再去埋老威.........一支peeling...＄９８個大洋！筍！再入多條型女時下羊毛頸巾～
真係心滿意足了～＊v＊～
之後喪傑帶我去食十點後半價壽司，餓到胃穿窿............蟹捧壽司！正！

16 Nov 2008 (Sun)
去左大埔半日遊．．．sideｇａｓ～去到都唔知有冇半個鐘，閂門ｗｏｒ！！！
個大嬸仲要超串！唔制呀））））山長水遠車費又貴睇唔晒！
都話郊遊要ｐｌａｎ架啦～口古月～

17 Nov 2008 (Mon)
琴日貢左上去婆婆家dinner....感覺很好，婆婆亦見精神了許多～
還有講有笑．．．這晚的一頓飯很好～很開心～

18 Nov 2008 (Tue)
今日係火車站見到有個坐輪椅既人，聲嘶力竭咁嗌:"幫我買支花丫～～～"
佢好大聲，嗌得好大聲．．．我個心都好拿好痛好震好想喊......
佢把聲係沙晒.....面部可能受過傷...所以面部扭埋......
可是冇一個人有幫襯.............
過了一陣子，我又走回轉頭望下去......
這次佢出盡力"附"了半身於輪椅外，用花欄截路人，希望有人買下一支花
都是沒有人領情．．．而我更怕他翻倒輪椅..........
我每聽到佢把聲大力一嗌時，我就好同情他......心入面真係好難過..........

>>November 18, 2008 at 4:15:32 PM GMT+8

2008 年 11 月 12 日 星期三 【颳風】

事事都唔如意既～～～～～～
阿ｍｏｏｎ呀～你出左黎都唔係TUM我開心既 =(
呢兩日你好圓dum dur 又好鬼光猛～搞咩黎啊～

返工返到我好氣餒.......從未如此咁樣返工法 =(
從未試過返工冇朋友，冇朋友都算，依家仲係唔滿意我的.....
我知道我要轉我既思想，返工唔係搵朋友既地方
唔會再有阿TWO，衰人，雀屎，喪傑既出現.........
我已經成了從前既米高同V姐既倒模.....我知道自己依家有幾令人討厭.........
因我是一個非非非非非非非非常on QQ 既膠層！好憫自己咁拿死白痴on QQ！！！

呢兩日冇覺好訓，成日痛醒！
今早仲離譜！清晨凍冰冰四時半起身洗床！女夭！
星期日先換左被單咋！激鬼死我！

依家最令我困擾係婆婆同工作，希望唔好再有其他煩事吧～
我真的冇力冇心冇惱再去處理..........已經耗盡了我.........
竟然已經癲到唔係去想果ｄ行為，而係果ｄ行為之後我會係咩樣，會有幾恐怖
我怕．．．我真的怕．．．．我自己越想越怕會成真
父啊～我真的很累很累很累喇.........懇切的祈求帶我到有倚靠的地方讓我躺一躺......阿們

>>November 13, 2008 at 3:12:44 PM GMT+8

2008 年 11 月 6 日 星期四 【晴】

起風～秋涼了～
琴日出到尖沙咀，各商場已經搞緊聖誕佈置ｌｕ～
還記得零五年既海運係好令好令係最令，有我最鐘意既顏色，有我鐘意閃令令既decoration......
今日行過商舖，亦已經推出聖誕物品～
從小我就知道聖誕係因為耶穌而唔係聖誕老人，所以聖誕出門既地方我想去神聖ｄ既地方
唔知幾時開始我就好鬼鐘意聖誕節～可能由幼稚園開始.........

唔知幾時開始鐘意聽劉德華既歌，好似係上年開始......
我唔太鐘意生生死死，情情塔塔既歌，令人好唔正面思維
今晚就搵返呢首歌出黎鼓勵下自己.......

"未見得一切都要公平 成敗也總要問究竟
亦未見得得失影響心情 難道你天生很好勝

全部靠即興 只會不得要領 凡事要心中決定
行捷徑心領 崎路更要冷靜 沒有輸 怎會勝
用努力來往上調整

以後前途反覆要鎮定 以後迷途不需找算命
以後沿途危難總要企定 學會張一張開一雙眼睛

未見得光陰一退需要停 無用去一再望背影
人沒有一生 揮不去的慘情 自會好心好報應"

再聽另一首......卻不慎令自己眼淚洶湧出來.......................................

"我已沒有這力氣一生一世撐下去缺乏你
精心計盡了算盡了生死怎可以逃避
你接受了信命理 愛昨日仍有效突然又過期
狠心的你累了的我仍掛著你

如常背靠你 深知一失去剩下了半臂
人若然行開了 連對罵亦無期
為何你要我去信那麼些枉生的歪理
什麼世上人間天與地 在某一天又再一起

如你若有事我會很寂寞
我獨個行樂怎可快樂
我沒你的運氣能先走 畢竟能早登天國
但你若有事 我要孤獨做人就從頭再學
學習到天邊海角 一人拼搏
我這主角沒有襯托

如常背靠你 深知一失去剩下了半臂
人若然行開了 連對罵亦無期
為何你要我去信那麼些枉生的歪理
就算世上人間天與地 在某一天又再一起

如你若有事我會很寂寞
我獨個行樂怎可快樂
我沒你的運氣能先走 畢竟能早登天國
就算是有事我也不讓別人再做我主角
但是我都希望那一場寄託
是你先走令我發惡"

>>November 7, 2008 at 4:09:58 PM GMT+8