2009 年 3 月 16 日 星期一 【陰晴不定】

依家日日放工都回歸睇警察叔叔．．．真係寫意～
如果有埋住家飯就正ｌｕ～好懷念九王抄旦，茄汁大蝦，炆牛腩，芒果布甸～KAAKAAAA
岩岩去左馬交公幹～感覺多麼多麼之好～
仲去左一個令我"哇）））"一聲既莊嚴宏偉大教堂......就係 - 聖約瑟教堂
除左松山燈塔係我第一最愛之後，非聖約瑟教堂莫屬了＊v＊
我都好想繼續編埋我去做野啊＊v＊啦啦啦～～～
同工場經理傾計先知我公司除左大學生外，仲有好多個"萬事達"人
真係睇唔出，估都估唔到＊0＊
我對自己既學歷真係感到羞愧........只是有心冇力.......
我既理想係摺埋心水嫁個勁錫我全心全意愛我一個的好男人，所以我認為唔需要讀太多書養自己
但.....我仲未接受到自己冇幸福線既事實．．．唔通真係要嘔筆錢出黎養自己？唉～～～～

呢排HIT講咩"港男"又"港女"～哈～自問係中女！
由拍拖以來，我都絕不要男友拎手袋！男人拎手袋真是勁大恐怖既一回事！似咩丫～
更不會遲到，就算遲都會一個電話講聲，因我都好憎人遲！守時是一種美德～
買名牌手袋？更加NOWAY！絕對係"容"俗既感覺，一ｄ都唔襯自己～
自拍扮Ｑ？更加救命！！！
岩岩今日睇報紙，一個男作家講時下"港男"
佢話時下仍有好多賢熟既女仔，唔好一wall粥打一船人，
佢反而係叫"港男"檢討一下，究竟自己係爭取唔到定係自己冇力能去追求！？
而冇能力去追求果ｄ只唯有貪就手揀左"港女"，之後又大呻跌入"港女"圈套～
哈哈哈哈哈哈哈..........XD XD XD XD XD

她始終不能盡信他，因他的行為，曾經的行為，令她卻步；一而再，再而三的說話或態度，亦令她難於信服；時常都對他感到疑惑，時常都感不到坦承的認識，完全看不通摸不透，她對他的猜疑，亦感到很累很累..........很辛苦的感情......好朋友，放手吧～生活是應該充實而又精彩的

>>March 17, 2009 at 7:07:31 AM GMT+8

2009 年 3 月 10 日 星期二 【暴雨】

又寒又冷又濕又"lup"～好鬼討厭的天氣！
洗左既衫又唔識乾！乾左既衫又感覺濕濕地～！

琴日出左去其中十一間分店進行品質審核！滿懷興奮雀躍既心情......
都係我揀呢間公司其中之一最感興趣既環節～
撞鬼丫～雖然係有車坐，但我又搭到暈車浪＠﹏＠" 直頭係香港東南西北遊！
最難頂係由元朗去銅鑼灣果程！簡直想嗌出口叫佢地停停車比我抖抖＝.＝" 幸好冇失禮係到ur ur ur .......
食完一間又一間，好似快閃黨咁，一團人殺入去，閃下眼一台都係野食，琴琴六每樣試一口，比完分又即走
食到第三間......大家已投降了.........喊晒口＞＜.........我唯有係每間店都嗌一杯熱茶消消滯！
我已知道未來兩三個月都唔會幫襯返自己舖頭！xyz@#$%u！

今日比好離譜既中銀(BANK OF CHINA)激到全公司上上下下既同事到震！
我首次同佢合作我已經媽聲四起，佢次次黎既保險單一定有錯漏！十次九次都有野錯！
做得銀行唔係樣樣野都跟足？唔係樣樣野都會謹慎處理？完全係離Ｑ晒大譜！！！
依家仲過份！唔知老闆同佢地傾左Ｄ咩野啦～搞到依家"法定"用中銀做出糧戶口～
問題係.....出糧戶口要有十萬蚊最底？痴ｑ左咩線？
唔好講前線員工啦～我都冇十萬啦！如果唔係扣你六十蚊！賤！！！
仲有，提款咭有年費！五十蚊！！！唔拿係呀馬！！！xzy!@#$%u！！！＝..＝凸
唔係出糧咁簡單，有埋外幣買賣，投資買賣，全部不動戶都收你費用！
問左勞工處，咁算唔算mok sirt 僱員又或者合唔合法，點之..................只要同僱員agree就冇問題＝.＝即係幫唔到手
呢間中銀手段賤到爆！！！！
八達ｄｏ公司，中銀已經Bad List In My Heart ！！！凸＝..＝凸

今日公公入院大搜查．．．
婆婆，公公都係住係法國啊～
一出LIFT，望見熟悉既環境，那張會令人哭既ｓｏｆａ，打開房門既電動門聲，再經過婆婆在世最後的一間房816B.......又是那班姑娘.........
我知道大家心裡都不好受.........
現在都只係將公公交上，唯有天父帶領．．．
公公真係越黎越搞笑～望住佢既一舉一動每一句說話，都令我發笑～
佢係請教問大舅父個電話點key lock and unlock......舅父一而再，再而三講已經教了好百萬次，佢仍唔識仍忘記
點之公公又搞笑又不忿咁講左句："車～～你唔比我依家精左架"
依家回想佢既答法，佢既態度，佢既神氣，我真係可以笑十年！
佢又諗埋ｄ無聊野，咩相撲手扎法！ｋａｋａｋａａ.....XD
感恩，我有一個好可愛既公公，亦有一個好美麗又企理既婆婆^v^

>>March 11, 2009 at 4:18:59 PM GMT+8

2009 年 3 月 7 日 星期六 【乍雨乍晴】

今日去左探婆婆～
果種感覺又湧出黎～好多好多好多回憶同感慨～
冇了婆婆好像已習慣了，是．．．接受了
依家見到公公都幾ｃｕｔｅ丫～成鬼日講埋ｄ爛ｇａｇ～
另一方面．．．可能真係好耐冇關心家人了
明明日日有睇新聞，都完全想唔起家中有老人家可能食緊果隻受感染既藥物
唉～我太唔細心，可能．．．．．．我真係自私 =(
有個叔叔叫我多ｄ回家陪下家人，唉～我都好想好似從前咁，係星期日搵媽咪飲下茶傾下計
可是．．．依家冇人陪而且我唔想一個人回去面對另外果個人麻～
今晚食完飯，回左娘家同媽咪傾左個半鐘頭計

想講下女明星淫照果件事～唔知時下年青人吸唔吸取到教訓？
定係仲係用說話去欺騙自己？在我立場認為這種行為絕對不是愛
男女朋友之間不應有這可恥既事發生，男哄騙這是愛的行為？而女認為是為青春留下回憶？
我想統統都是不可接受／不可理喻的行為，更甚的是把自己的尊嚴完完全全的散盡
為何能夠如此不保護自己？什麼情到濃時？什麼二人真心相愛？
就算係夫妻間，大家已有一生一世既承諾，也不能容許此種荒謬行為發生
愛裡是要有尊重！有道德！亦有尊嚴.......
女士們不懂尊重自己身體或尊嚴，就是自甘墜落，不能怨
就像現今既少女，拋波露PAT晒腳，是驕傲嗎？
這種打扮不是fashion，只是用身體去吸引異性去進行不道德交易既本錢吧了
還記得上當年見到ｄ女仔姣屎鄧篤會比人排劑，依家......好似係一個風氣
希望我第時個女純純品品，簡簡單單，生生性性

父啊～我把公公既健康交上，我亦為自己成日冇緣冇故既頭痛交上，求父神帶領～阿們

>>March 8, 2009 at 4:18:58 PM GMT+8

2009 年 3 月 6 日 星期五 【乍雨乍晴】

個天痴左線＠﹏＠" 得果十四度又大風～
今日一早約定北上骨骨sorfu團～ｋａｋａｋａａ(男賓止步)
終於人齊啦～四個女人由火車嘈到去關口，由關口嘈到去骨場，由更衣室嘈到沖涼房，再由沖涼房嘈到去清蒸房..............
清蒸完果一刻好好好好好正～整個人感覺輕了很多～一身累氣突然消失左＊v＊完全忘記自己生存係地球～
血液運行得極好～面色紅卜卜～愛上清蒸啊～～～～～～好想有個太空型清蒸房係屋企啊！
之後再ｆｕ個急凍媽屎～ｈｅｈｅｈｅｅ真係女人既天堂～～～～啦啦啦～～～
清蒸完終於可以去sorfu了～
揀左我愛上既日式香薰油推拿～玫瑰味丫唔該 ^v^ V
可惜遇上一生人第一次極差手勢既ｃｆｕ！xyz@#%u！！！全程用死力！痴左線！！！
比人"鍊"完，再貢多次清蒸～～ｈｅｈｅｅｅ～～不捨得離開個清蒸房啊～～～～～
一身重力，壓力輕了五十公斤！
可是．．．一上到火車冇位．．．ｄ老骨頭又累，又痛起來！

～哈～現正期待一星期後既澳門公幹之旅～哇ｋａｋｋａｋａｋａ）））））

>>March 7, 2009 at 3:15:37 PM GMT+8

2009 年 3 月 2 日 星期一 【陰】

dull dull轉轉....重臨舊地～
行李又多了四大袋，執屋(房)執左我兩日＝.＝" 很很很很很很累～～～～～～～～～～～～
仲質爆左個衣櫃～明明當年走時唔係咁架～仲有位架～個衣櫃細左既？
我決定今個夏季唔買衫(如非必要) .＼～／.

琴日睇左套五星戲＜一百萬零一夜＞！超正！
活生生由最基層睇出印度，有印度既色彩，有印度既音樂，有印度既特色(洗衣房)，有印度既貧窮........好簡單又好細膩既戲～
係，好多殘忍既位，有好多令我睇到心痛既位，但這就是落後國家既"真"～

冇心返工～好想中六合彩呀））））））））））））

>>March 3, 2009 at 3:17:22 PM GMT+8

2009 年 2 月 28 日 星期六 【暴雨】

最後的六小時屋村生活～真的很捨不得～
嘻嘻～琴晚第一次係二月份開冷氣～亦係最後一次開辛辛苦苦fight回來的新冷氣～
唉～討厭搬家～可是三年搬三次！
哼！.＼～／. 你米俾我中六合彩！我三樓連天台都買起你！
琴晚專登行小橋，可是天氣唔好，星星又冇，阿ｍｏｏｎ更加冇～
搬屋先黎落魚～魚魚魚魚魚魚．．．．．

BABY.....因我遇上一班有問題的roomates，她們break commitment又無教養
她們食煙不在話下，我洗廁所佢地都唔執廳，仲串講"咁大個廳佢一個人打掃唔黎～"

>>March 1, 2009 at 2:07:14 AM GMT+8

2009 年 2 月 22 日 星期日 【暴雨】

最後一個星期係村屋生活ｌｕ～
曾幾何時都ｕｐ過，係結婚前都希望有過自己搬出黎住既生活，
但是……我冇要求有咁多年呢！
亦曾幾何時都ｕｐ過好想住村屋，又有車又有汪，但是，冇想過咁快又要搬呢！
DULL DULL轉轉又要搬回那處了～
今晚繼續同d老朋友聚聚～老班底衰人啦，天拿啦，泰利啦同埋孫耀威！
哈～仍有機會接四大封利是ｗｏｒ＊v＊ gegegeee…geeeeee..geee…
聽左一班"專家"意見～哈哈～我的觀念與堅持是正確的 .\~/. @
人家不明白或不會改變的事，我也不再說什麼，反正也沒用，心中有數
講講下又講回舊公司，真的變了很多，有部門同部門既鬥爭，亦有內亂
～哈～感恩，我走得徹！
自己想通左一ｄ野～好鬼勁～就算再有幾多"菜農瓜""菜農瓜""菜農瓜""菜農瓜""菜農瓜"菜農瓜"……我都不再理會，不會嬲，不會介懷，不會上心
因為經歷多了，感受到的也受過了，知道的事也都知道了，唯有心境轉
轉轉下……就會tum tum轉到再轉轉轉囉～慣了吧～
究竟我有咩魔力令人認為打機緊要過我呢？又有咩法力令人do do我呢？
結論或者可能就係……T A N M C O T / I M N T C O T

婆婆～唔記得講你知，你係我第一個同人剪指甲既人，依家每次自己剪指甲，
我都仍想起那個最後的星期六下午，我為你的右手指甲bok bok bok～
你話唔好剪得太入ｍａ～我依家都學唔會剪到掘雷鎚呀～

感恩～每日主與我同行

>>February 23, 2009 at 4:25:24 PM GMT+8

2009 年 2 月 20 日 星期五 【陰晴不定】

工作量，感情，搬竇所有都令我筋疲力竭
朋友既嘻哈飯聚就是我依家唯一放鬆既做法

>>February 20, 2009 at 5:27:56 PM GMT+8

2009 年 2 月 15 日 星期日 【暴雨】

～哈～今日好開心好開心同好感動～
琴日情人節跟上年一樣”照舊”同”例牌”，日光先黎個抄大大鑊飯，湯丸晚間才上～
仲瘋狂玩X-GAME！有令我狂心跳既賽馬！有打到我手抽筋既打鼓達人！有踩到我差ｄ缺氧既踩單車！有草地滾球式既碌LING！仲有日本果ｄ九格大挑戰！最令我勁興奮既賽車！一百蚊成個鐘抵到爛呀！！！
今早，貢左上去上水～ST. ROSE 1C 班GATHERING！＊v＊ 有阿莫，SUKI，同”唔笑林”，主角當然係阿莫既B女啦～
超可愛！係十級無敵可愛既ｂｂ女！！！我都要生個咁可愛既ｂｂ女！！！
大家都係一年班矮得得既同學仔～呵呵呵～好開心好開心～
由酒樓嘻嘻哈哈到佢家都係充滿嘻嘻哈哈，ｂｂ女聲同狗汪汪聲～真係好快樂～＊v＊
阿莫由拍拖結婚到生ｂ，SUKI拍左八年打算出年結，”唔笑林”一係唔拍拖一拍就出年結婚，真係聽到我好開心～好感動～
我又要再說一遍（（（我真心誠心衷心祝福我身邊的每一位朋友啊）））））））））））

喪傑講我知佢做業主了～ｗｏｗ～真係十萬分替佢高興同興奮！
今晚去左個飲宴，節錄我聽到一位中年老女人同一個鬼佬既對話：
女人：” SEE YOU LATER”
鬼佬：”下次飲杯茶”
真係想起身拍手！ｋａａｋｋｋａｋａａａａａ……………

感恩

>>February 15, 2009 at 5:15:06 PM GMT+8

2009 年 2 月 11 日 星期三 【晴】

好唔開心好唔開心.....好屈住屈住.....好chok氣好辛苦 :T﹏T:
老媽子生日，佢包括我都想一家人一齊食個便飯
奈何又係有人做到"不能同不為"！
個心已經好唔開心，亦聽到mummy既失落......不停用說話安慰自己，令自己冷靜下來．．．
因為知道佢怕出面野貴，好少機會出去食唔同既野，所以帶左佢地去食<小南國>........
事源零七年生日，珍珍健力士同TAZD為我慶祝生日既地方，第一次已經愛上了這地方
今次老媽子生日都一早表明想食中菜，嗌了STAR WAR雲吞雞, 鮑菇扒小棠菜, 蟹粉小籠飽, 蝦仁旦抄飯同埋糖醋排骨
點之......頂條死爛坦個大臭肺丫！咩都食一啖就唔食！嫌三嫌四！又左彈又彈！
"條渠撈米"丫！！！我依家同mummy食生日飯，我都唔想你黎架！！！
大ｏ至好！大ｏ咩蘭野都最好！大ｏ舊屎你都嗌好味！！！井底之蛙的on夠夠！！！
食到大家鞋口鞋面為咩？你老婆最想見到咁？
你真係好叻咩？婆婆都係我地面前講你只識認屎認屁ｊａ！結婚都係問公公婆婆借ｊａ！
你叻咩呀？叻在識問人借錢呀？！

今日最激氣最唔開心就係"保姆"永遠對我既態度
係人前人後永遠都好似嘲笑我！我的男友佢又彈！我的衣著佢又彈！做什麼佢都係彈！
我深信大家都視對方係好朋友，我都忍左去，唔會同佢嘈，咩都就佢，定係我ｏｎ夠？
佢既說話同待人態度就知道佢有幾多朋友ｌｏｒ
但今日真係過份，令我好傷心
二月我會好忙，schedule都排得密密，佢今日先講月底佢仔擺滿月
但我一早都約好左舊同事既gathering......如果係普通gathering我當然識推人改時間啦！
但今次係因為舊同事就我，而已經調動左時間次，加上都推左人大家都係左夾右夾先夾這一日！
而且我都應承左人在先～所以我係會推佢既滿月酒～
係唔係我都要學人爽約？然後講世事多變！切合你就唔會世界亂啦！
佢把口即時唔收地傷我，叫我咁大個人自己衡量！叫我唔識問下我媽媽！
咩事呀？要咁講野？你即係唔係邀請我啦？！即係命領我去？
係唔係要我既朋友同朋友既朋友都就晒佢時間？
又講咩一生人一次滿月，我都提議過兩日我settle好再搵佢食，佢都嗌唔可以！
結婚都係人生大事，都係一生人一次，如果真係有事去唔到，米預早比禮人或者前前後後日子食個飯囉！乜蘭野咁大個人衡量？乜蘭野問下媽媽？
係唔係個個都可以對我唔客氣？！！！！！！！！！！！！！！！！！

最後一樣令我火上火！
鑊蘭鑊一有同事同朋友就冇尾飛佗！尤其餐餐北上咁！咩蘭野事呀！
咩蘭野都唔講！！！唔問唔講！！！只會問人咩都唔蘭講！！！！
行開左走左都唔蘭講！！！！一定荷蘭安全？！
咩都唔好講啦！！！！有咩事唔好搵我！！！！！

好想收埋自己..........

>>February 12, 2009 at 1:30:44 PM GMT+8