2002 年 12 月 12 日 星期四 【晴】

今日都唔知點解咁乖女
竟然同呀龜一齊番左中大溫書
不過好明顯係唔係點溫書啦...
輕輕溫左少少啦
點都係溫唔入腦...
不過番到中大有d唔開心...
因為好似成個中大都無人咁...
好冷清...影都唔多隻...考試就係咁架喇...好似對中大好陌生咁...
無乜人既圖書館
無乜人既眾志
無乜人既校巴
唔似中大既中大...

入到牟拉溫書
又係坐o個d位(唔係自閉位)
對面無人好唔開心
又諗起以前一班人一齊溫書,一齊響牟拉玩,一齊食tea(仲要去美心)...一齊並肩作戰既風光不再喇....
anthony再唔會坐響對面響條隙縫度用隻紙船傳d明冶果汁橡皮糖比我喇...
溫得支力唔可以騷擾人地喇
唔會再一大班死野臨考之前o個晚勁拗底
好似有六個並肩作戰既朋友,晚上9:00前響牟拉,之後響謝昭杰...大家都係崇基既朋友...
唔會再可以響shaw屈蛇等第二朝一早考試喇
更加唔洗再響試場門口呆站等人放喇...
而家溫書都唔好玩既...真係唔想番去溫書lu...

最後一年既生活...
都唔開心既!!!!!!!!!!!!

算啦
乜都唔好諗
比心機溫書啦
人地考完我都未開始溫...
考完試又做d咩好呢?
我又辭左職喇...
個人好似好頹添...乜都唔想做
可唔可以比我抖多d呀??

希望龜龜真係可以無事啦
只要諗通左咪得law
唔好再為d咁既人而唔開心啦!!
女仔其實又真係會成日因為呢d野而唔開心既...
邊度會好似男仔咁丫...
原來呢個世界上真係可以有咁多唔同既愛情故事
而每一個都係咁刻骨銘心
每日有幾多人會為左呢d野而唔開心呢....
突然間記得有套戲叫西雅圖的天空....
個感覺...好奇怪....

>>December 13, 2002 at 4:21:27 PM GMT+8

2002 年 12 月 11 日 星期三 【晴】

今日係我既last day番駕駛學院
仲要係一早就要番,真係差d起唔倒身
今日都好順利,終於我覺得自己係開始上手喇
咁當然中間都會有d野要問下人既,咁講真有d野真係我唔識做架...
不過都係有d好唔友善既大肥婆響度串串貢咁
anyway我都走啦大肥婆
可能你響呢方面比我叻,但係你到底都係一個醜陋既肥婆
仲要媽媽到添...唔怪得之啦

到最後我好叻呀~!又做岩數喎!今日真係好叻女呀!
last day...都有d唔捨得
之前日日好忙既時候都成日要番工,當對一個陌生既環境有d認識既時候就要走喇
都有d唔捨得...入面同事都唔係咁易會見倒啦...臨走既時候...回望呢個工作既地方...再見喇
雖然曾經比客人鬧過,做錯事比super話過,問人野問到比人怒目而視
不過都有客人好攪笑既...
雖然唔係話賺好多...不過咁既experience都唔差丫...

放左工之後就同mkt research 既朋友仔一齊去食火鍋
好飽呀...肯定又肥左喇
不過好開心既...未考完試就一齊慶祝...bear

之後一個人番屋企....
好凍呀...好似好寂寞咁...人地有個男朋友響身邊拖住
我就學陳冠希..."雙手插袋"...><"
一路行番屋企
發現今晚個天好清
d星星好靚...真係好靚,睇倒好多星星...
可惜呀男朋友又唔響我身邊...

個惡夢....
真係令我明白到咩先係最重要!!

>>December 12, 2002 at 3:58:35 PM GMT+8

2002 年 12 月 9 日 星期一 【晴】

今日真係有驚無險...
今日有份價值50%既case 響五點dead
但係我同西班牙人竟然朝早11:00先發現有問題喎
之後就要重新再做過喇...
都唔知點解成日都係咁,要到最後一刻先肯去做...
結果?比我響4:15做完...不過如果可以比多時間我就好喇....

算啦
過左去喇
做完份case之後真係好開心
不過即刻就要番工...
真係覺得自己做得越黎越好,可惜我已經辭左職.......
仲要埋數次次都岩得好厲害添...
算啦...今日兩大八婆都響度,兩個都係肥到死呀...
仲超級黑人憎.死肥婆我由開工咒到你收工呀!

今日番工時撞倒隻腳腳
中正漆頭哥,超級痛,勁想爆粗,但係對住個客唔可以
唯有忍痛啦
番到屋企...陷左入去呀......又瘀又痛呀好慘呀!

琴晚響中大傾完份case之後自己一個搭火車番屋企
響月台度見倒好多情侶響我面前拖晒手咁互相取暖
好似好溫馨好幸福咁
真係想一腳踢佢地落月台!
好懷念上年既生活
我真係幾怕凍架,手手腳腳永遠都唔暖既...

今日真係特別多事發生....
小龜....我都唔知可以講咩喇
希望你開心d啦...

>>December 10, 2002 at 5:34:21 PM GMT+8

2002 年 12 月 7 日 星期六 【陰】

嘩....
今日真係突然間凍左好多好多
攪到我都唔知著咩衫好....
不過凍都好既,因為我今日同好朋友仔出去打邊爐丫麻...
好開心呀!食得好飽呀!
雖然係早左d慶祝ali既生日,不過好難得可以約出黎食餐勁既....
仲有小bu同ken哥哥一齊添,大家都好開心呀!
不過我肯定又會重左好多啦
朝早食左韓國燒烤夜晚又打邊爐...唉...肥死了...

咁都比我聽倒個咁既電話...
都真係幾唔開心
究竟背後發生緊d咩我係唔係唔知道呢?
唔通呢個世界真係有報應?真係有驚添...
雖然問落去會好煩好衰,但係我又真係好想知道...

今日又去左我地成日去既地方
仲唔係VIP??都肯定認得我地啦!爭在唔問"乜又係你地呀?"
真係激死...

聽日要開始做份case喇!始終都係50%,唔講得少架...
不過聽日都係咁凍既話咁好難早起身做架喎...
點好呢...

同番d中同出黎都真係好開心
雖然響香港既朋友唔係好多,不過一齊出黎講番d舊事都好開心架....
可能響中學個時間係耐d啦
d朋友仔都係同你一齊長大既...
有d咁好既朋友仔真係好開心
仲要係出左黎三年之後仲可以咁friend!
真係希望可以永遠keep住啦....

>>December 8, 2002 at 5:03:43 PM GMT+8

2002 年 12 月 6 日 星期五 【晴】

今日又真係好無聊...
原本今日諗住做左份case佢...
點知淨係睇份case都用左2個鍾...
bear...真係d效率越來越低...都唔知點算...
結果響屋企交流左一日!做過咩?唔知...
好唔鍾意咁頹廢...早知番工啦...

聽日約左中同慶祝ali生日
好緊張呀!我覺得聽日會好開心呀!
不過再唔做份野可能會趕唔切....
唉!是但啦....

呀龜同佢條仔都真係好煩
兩個都係口不對心,講過既野完全可以唔算數
都唔知你地究竟想點,玩黎玩去
一時話咁轉下眼又話咁...兩個都係咁既....
條仔仲串,叫人唔好urge佢
咁你快d攪掂佢咪得law,一係就離一係就合
拖咁耐都唔知做咩
個死人呀龜又係既,又話諗通左
諗通左仲攪埋d咁既事...而家年青人真係好麻煩....
好似攪到我好老咁,完全唔明白你地諗緊咩
如果可以頒個全世界最麻煩情侶大獎....你地認第二無人敢認第一!
如果大家真係唔夾既話...不如算啦...唔好再拖落去啦...

>>December 7, 2002 at 5:25:04 PM GMT+8

2002 年 12 月 5 日 星期四 【晴】

琴日係畢業典禮,我諗都無咩朋友仔番左黎架喇!
而我就做左一個全場最美艷既機婆
唉...
都唔會再有機會響中大同你一齊喇...
無所謂啦
見倒你開心我都開心
不過唔該唔好成日因為怕整亂頭髮而唔帶畢業四方帽丫
真僚貪靚到死呀....
見倒大家好開心咁影大合照都真係有d感動
畢竟呢班人都好耐無見喇...
最攪笑係當個攝影師講"大家唔該企"疏" d 丫"成班人即大叫" shaw"
真係團結...haha
不過講真呢三年既大學生活真係過得好快
好在都唔係好頹者...
都有好多難忘既事
而我都真係好慶幸自己可以入倒崇基,一個最好既書院
我見倒有d好老既爸爸媽媽同個仔仔或者女女影相既時候都好安慰...
我頓時心虛...如果我考得唔好既話
真係辜負左爸爸媽媽既一番栽培...
好可惜我已經發現得太遲喇,而家已經係最後一年喇...

今日又番左工...
感覺開始純熟喇
不過我都唔做啦...好似有d浪費咁....
不過放工既時候又比條八婆(又肥又醜)串
點知原來佢衰左喎
仲大大聲咁好似自己岩晒
本來我都以為係我衰左架,點知唔係喎
真sorry...態度又衰到無倫又成春日點人地做野又鬼死咁惡食晒屎咁
比平日既我一早就串左你啦
不過人地係full time我係part time邊夠你黎丫...
我而家諗緊臨走前點做佢一鑊...要堅既

>>December 6, 2002 at 3:58:48 PM GMT+8

2002 年 12 月 3 日 星期二 【晴】

我終於都做完份take home exam同senior sem 既report 喇
不過我最後都無同d senior sem朋友仔並肩作戰...
佢地響碧秋又通左一晚宵...
唉
點解次次都攪到最後一分鐘呢?

而我
亦都終於下左決心去辭職喇
仲已經交左信
12月18就唔洗做喇
不過都有少少可惜架,畢竟都用左好多時間training啦
anyway,都交左信啦
最後一個sem,好應該開心下玩下
唔洗做得咁辛苦啦

過左一個sem,但係無野係令我難忘既
可能真係最開心既時候係year 1, 2 啦,呀bu走左都好似咩都唔同咁...
下個sem呀女又走埋喇...同唔倒我影畢業相...

最bear係我趕緊份senior sem report既時候我都同呀keith icq
雖然我同佢兩個好似互不相識
但係我真係好想點醒下佢
唔知呀...我又唔係話想幫住呀龜話佢,而係我真係覺得佢有d野係諗唔通
我想點醒下佢者,點知越講越好似鬧交咁,可能呀龜真係迫得佢太緊啦
其實兩個人一齊邊度話會完全perfect丫
都係要互相遷就既...不過如果真係唔夾既話盲想一齊都唔得啦
勉強係無幸福既...至怕係一廂情願,另一方好辛苦咁
或者呢排真係太多既離離合合喇...
攪到我都好down
呀龜同我講話男仔邊會咁快定性架?如果個女仔管住佢又"痴"身既話咁個男仔就唔鍾意架喇!
調查又發現一個男仔當認識左一個女仔一段時間之後,就再唔會願意花好多時間響個女仔身上...
唉...
究竟我係唔係一個好demanding既女仔呢?
我以後應該點做呢...
其實咁大個女都唔想再玩玩下拍拖唔長久,又傷身又傷心
不過而家有無人會肯同我講一世呀??唔知呀bu又係點諗呢...
我都覺得可能年紀又唔係真係好大就咁諗有d傻
但係我真係覺得你唔係搵倒個好既岩你既都唔會一齊啦,一齊左咁耐唔會諗住無啦,咁諗住一世都唔係好傻者....至怕係你一廂情願咁諗,人地原來係唔係太鍾意你者...
咁如果拍左拖一段時間都應該無乜問題既....
真係唔敢諗太多...

>>December 5, 2002 at 9:28:41 AM GMT+8

2002 年 12 月 1 日 星期日 【陰】

琴日既take home exam真係幾頂癮!
一早去到碧秋等考試
之後...

個program都真係幾麻煩
一有少少錯就run唔倒仲會有error
白痴既我地make左d白痴既error....
唔知個program 飛左去邊要再打過
' ; ' 打左' : '
deposit 無左個' i '字
"o"打左"0"
以上既錯誤都浪費左我地好多時間...

不過一齊去食好味dinner都好開心呀!
懶懶閒咁都唔似考緊試
最攪笑係遇倒一d新出既問題, suppose 要研究好耐先可以做倒
點知竟然比我亂up都run 倒
我終於都對呢組有貢獻喇...

不過有d超級大八婆大賤人盲真係幾pk
做完走就算啦,仲要大大聲聲咁走
好似自己好叻咁早就走得咁...
其他有品既做完都過黎幫下手啦....
好在我地都唔係最後一組走,都唔洗通宵者!!
我先唔驚你地呀!話晒我地份功課係100分,仲唔知比邊條cheap精偷左....

雖然響lab由朝坐到深夜係好辛苦
但係都係一個唔錯既experience黎既
大家一路做都一路傾計...
一路食野!haha

好多謝小bu打電話黎支持我呀!!有你既鼓勵真係會比好多心機架!!
呀龜就死啦
打黎同我傾電話,都唔知係唔係害我架...

>>December 3, 2002 at 4:05:42 AM GMT+8

2002 年 11 月 30 日 星期六 【晴】

今日係好難得可以乖乖地留響屋企既一日
好耐未試過喇...
日日都因為好忙既關係,連兩餐都係求其算數
今日終於都可以開開心心食番兩餐喇!

之後同屋企人行左一陣先發現原來沙田都有好多野唔同左而我係唔知既...
點解呢?因為番工而遺忘左身邊咁多事物...

番到屋企之後都係要繼續寫report啦
邊度得閒做其他野丫...
聽日個take home exam都唔知點死添
都唔知洗唔洗通宵做...
仲有份senior sem既report,d vcd點解可以一隻都睇唔倒既?
唉...
真係越講就越多野做
真係好懷念year1大家成日去玩既日子
不過人總係要成熟既
唔可以成日唔用腦諗野架!如果唔係又比人話naive...

我覺得我好似真係大個女左
因為而家我自己可以諗清楚一d野
以前永遠都要問人地意見
而家可以靠下自己
可能係你死都唔肯比意見我啦
講真我真係好唔開心架
不過其實你都係想train下我者...

>>December 1, 2002 at 3:31:12 PM GMT+8

2002 年 11 月 29 日 星期五 【雨】

星期六...係好多人都唔洗番學既日子
但係我就仲要番早...
真係最後一日喇...咁今個sem就咁完結左
不過仲有好多野要做...
take home exam, senior sem report, mgt4010 project report, case repot
唉...究竟番學係為左d咩呢?

我終於可以趕得切交倒份form喇,不過就要由何宿行上五低再由五低行上lib
一個人好寂寞咁晨早行上去都真係幾可憐
總共交左三份form,之前o個晚響度怒填,真係咩都攪到最後一秒...

琴日個present都真係ok丫...
點知有條好沉實既scba死八婆怒插我地一個好minor既point...
比佢插到真係有d激氣...插完再插再番插...想點呀?無分加架!!
之後呢條八婆如廁既時候,我就走左入去鬧佢,仲同rono誓要狂插番佢地o個組...
結果??rono用左四分鍾既英文怒插佢地再狂追問佢d好嚴重既問題
可能佢地o個組又得人憎,做得又好有問題,其他組都怒插佢地...心涼!!
最後連professor都問左佢地一條好難既問題....佢地?啞左law!!
得罪我?你真係未死過....

之後同左呀龜出去散心
睇黎佢都好似諗通左好多喇!!果然係大個女...
之後就同小bu一齊,小仲係特登推左舊同學聚會出黎添!
原來大家要就個時間出黎都唔係咁容易架...
不過都真係發生左d好攪笑又有d bear既事...
仲擦左一大餐添!!

至於近日咁多既傳言...
究竟係咩人咁無聊呢??
究竟係邊個scba year2呢?
呀bu你自己又知唔知呀??

呢排好似有好多事發生咁...
我都真係幾驚....
真係高危...

>>December 1, 2002 at 4:46:56 AM GMT+8