2003 年 3 月 7 日 星期五 【晴】

今日係３８婦女節！不過咁又關我咩事呢？？？
我只係知道今日我考ｍｉｄ－ｔｅｒｍ，朝頭早又要上８：３０堂！
一早上堂諗住聽人ｏ地ｐｒｅｓｅｎｔ可以順理成章地溫下書啦．．．
點知今日個ｐｒｏｆｅｓｓｏｒ都唔知咩事．．．人地ｐｒｅｓｅｎｔ佢怒插人地！！
唔係ｐｒｅ完插喎～係邊ｐｒｅ邊插喎！ｐｒｅｓｅｎｔｅｒ灰ｏ左啦！下下比佢插住ｐｒｅ．．．
有咁ｏ既好戲我無理由溫書唔睇下佢點插人喇掛！！ｈａｈａ！！
我呢ｄ咁有品ｏ既同學仔當然無ｆｏｌｌｏｗ　ｕｐ　ｑｕｅｓｔｉｏｎｓ啦！
係ｒｏｎｏ同學又表現佢ａｇｇｒｅｓｓｉｖｅ　ｏ既一面ｏ者！
之後就上堂考試喇．．．５０條ｍｃ！都唔知有無攪錯！我真係最唔鍾意考ｍｃｏ架！！
我係ｏ個ｄ無ｍｃ運ｏ既人！好似如果佢有五個ｃｈｏｉｃｅ比你，你知道有３個一定唔係
有兩個你唔ｓｕｒｅ邊個係ｏ岩ｏ既！咁你實係亂撞啦！ｓｏｒｒｙ！我每次都揀ｏ左錯ｏ個個！！！
真係次次ｍｃ都唔利我ｏ既！！我無一次係好運．．．．＞＜
真係試過有一次考ｍｃ我係ｍｅａｎ．．．你就想．．．．係ｍｉｎｉｍｕｍ呀！！
自此我就覺得ｍｃ係同我係敵對ｏ既！！考親ｍｃ我就拗底！！
今日考成點？？我都想知呀！不過我好似係今個禮拜ｏ既吉星！－－＞星期六係最後一日！
希望有ｄ幫助啦！！！大佬佢仲話最高係４７／５０，真係想拖ｏ個條友出ｏ黎打！！

考完試．．．ｔｒａｃｙ就離開ｏ左－－＞唔係死ｏ左！！溫佢下一科ｏ者！
自己一個人上堂．．．好似好無聊咁．．．又唔敢訓覺喎－－－＞條ｐｒｏｆｅｓｓｏｒ好串！
結果乖乖的聽ｏ左書！雖然真係比心機聽書，不過個腦始終ｐｒｏｃｅｓｓ唔倒佢ｄ問題！
之後落ｏ左堂．．．好在仲有朋友仔同我食個ｌｕｎｃｈ～有朋友住宿真係好好！
地點當然係眾志啦！食飯ｏ既時候我見倒好多人著晒袍咁．．．又化晒妝，好似好靚咁．．．
真係攪到我都有ｄ緊張呢！！下個禮拜就同屋企人－－－＞仲有你！，番中大影相相，ｙｅａｈ！
多謝位好朋友仔陪我食個飯呀！我地科中國社會好大鑊呢！仲有ｂｏｏｋ　ｒｅｐｏｒｔ．．．
大家努力啦！！！

而家係４：００ｐｍ我而家響屋企都唔知做咩好．．．數下手指訓下覺先．．．灰灰灰！！！

真係唔好意思喇．．．呢排個人都真係灰灰地．．．所以日記內容都比較灰．．．
至於比我ｄ灰感染倒ｏ既朋友仔．．．響度講聲ｓｏｒｒｙ先！
我明白可能係我地ｙｅａｒ３所以咁灰．．．講真淨番響中大ｏ既日子唔係好多，真係要珍惜！
人真係要珍惜好多ｏ野呢！！！

嘩！！！
我星期四響荷花池見倒條就死未死ｏ既魚魚．．．已經係反ｏ左肚，不過仲會郁．．．
我今日經過佢仲響度．．．仲係要未死喎．．．．魚魚．．．你辛唔辛苦呀？？

聽日．．．我要番工．．．放工唔知可唔可以見下你呢？

>>March 8, 2003 at 8:21:24 AM GMT+8

2003 年 3 月 6 日 星期四 【陰】

今日．．．無上堂．．．原因係．．．懶！！
要我上１，２，３堂．．．仲要咁凍．．．仲要聽日ｍｉｄ－ｔｅｒｍ．．．
結果．．．訓到１１：００先起身！！
之後我竟然好乖女咁番ｏ左牟拉溫書．．．不過係自己一個人番．．．
我揀ｏ左一個望倒荷花池ｏ既自閉位，諗住溫得支力可以望下風景～
結果．．．溫ｏ左三個字．．．就開始望出街．．．溫ｏ左一個鐘就訓著ｏ左．．．
訓ｏ左四個字又起身溫過．．．轉下眼就天黑喇．．．溫ｏ左一陣又走ｏ左去廁所．．．
溫一陣又走去ｃｈｅｃｋ　ｅ－ｍａｉｌ．．．自己一個人溫書．．．原來係溫唔倒ｏ架！
最慘係你肚餓ｏ既時候無人陪你食ｔｅａ，你訓ｏ左ｏ既時候無人叫你起身，
你溫到自己唔想溫ｏ既時候唔可以騷擾其他人，唔比其他人溫書．．．
無人坐響我對面傳ｄ野比我食，無人比我打，無人比我問，無人比我攬住ｏ黎訓，無人陪我一齊走～
離開ｏ既時候．．．眾志已經收ｏ左．．．又黑又凍又大風又無人ｏ既中大．．．
自己一個行落火車站真係有ｄ寂寞．．．以前番黎溫書好開心ｏ架．．．
而家要自己一個人真係好似孤獨老人咁．．．不過好在好朋友仔都有打電話比我．．．
好可惜係我想搵ｏ既人就唔聽我電話．．．電話響ｌｉｂ響ｏ左三次！三次我都即刻聽．．．
第一個係．．．呀龜～佢臨離開中大都打電話比我睇下我點．．．
第二個係．．．ｔｒａｃｙ～佢打電話問我溫死未，放棄未．．．
第三個係．．．屋企～問我番屋企食飯未．．．．
下次一個人千其唔好去牟拉溫書，如果唔係就會憶起以前大家響牟拉好開心ｏ既日子～
ｔｒａｃｙ，ａｎｔｈｏｎｙ，龜龜，ｒｏｎｏ，ｒｅｂｅｃｃａ，ｂｒｉａｎ～我好掛住你地呀！！
聽日就要ｍｉｄ喇．．．而家真係無乜心機溫書．．．可能都ｙｅａｒ３啦．．．
不過其實呢個係我ｏ既最後一個ｍｉｄ－ｔｅｒｍ．．．

唔洗問喇．．．我仲未知道簽唔簽ｃｏｎｔｒａｃｔ好呀．．．
仲有一個星期ｏ既時間．．．點好呢？？？

琴晚．．．
又比我見倒條賤人．．．真係．．．．想死！
我已經好耐未試過講咁多粗口喇．．．

都係要溫書喇！
聽日再打過啦．．．
聽日我應該好得閒．．．．．

>>March 7, 2003 at 3:10:45 PM GMT+8

2003 年 3 月 5 日 星期三 【雨】

深夜１：３０．．．我仲未訓呀．．．唔知點解今日真係個人好ｄｏｗｎ好唔開心
成日個人就諗埋一二便．．．明明係無野又自己拎ｄ野出黎煩．．．
有時真係要怪自己諗得太多喇．．．有ｄ野真係唔好問出口好ｄ既．．．
可能你聽倒個答案唔係自己想要呢．．．

人總係會有ｄ時候受到心情影響而變得唔開心！
我都係一樣．．．唔知點解個人會有時超ｄｏｗｎ．．．可能真係太得閒啦．．．

講番”唔珍惜”ｏ既問題．．．．其實呀女都提過．．．
其實我真係好覺得人係賤格ｏ既！往往響自己身邊ｏ既ｏ野係唔會珍惜
因為可能你會覺得係應份ｏ既！唔知道唔係每一樣ｏ野都可以永遠擁有．．．
唔失去過一ｄ　ｏ野，你就唔會珍惜ｏ個ｄｏ野．．．到你失去ｏ左ｏ既時候又可能後悔．．．
不過已經無得再番轉頭．．．
有句說話好ｏ岩．．．”樹欲靜而風不息，子欲養而親不在”
呢句說話正好係大家唔珍惜眼前事物ｏ既一句ｗａｒｎｉｎｇ
唔係樣樣ｏ野都係必然ｏ架！你而家唔珍惜ｏ既說話，第時無ｏ左後悔係無用ｏ架！！
我真係好想知道究竟一個人一生可以為幾多ｏ野而後悔．．．係唔係真係唔可以避免呢？？
擁有ｏ既ｏ野你會覺得係必然而唔珍惜，太易得到ｏ既你會覺得唔矜貴而唔稀罕．．．
咁到後悔ｏ既時候就真係無人幫倒你．．．係你自己衰．．．抵死ｏ架！！

所以．．．要珍惜你要珍惜ｏ既事同人．．．
唔好再要自己響當無ｏ左ｏ既時候先後悔．．．
我會珍惜最愛我ｏ既人！亦會珍惜我最愛ｏ既人．．．
當然係有男朋友仔，屋企人，朋友，同ｂｕｂｉ啦．．．．
珍惜眼前ｏ既ｏ野！！一定要呀張寶明！！唔可以再令自己後悔喇！！！

聽講龜姐病ｏ左喎．．．祝你快ｄ無事啦！
聽日拎袍喇．．．影畢業相．．．兩個人影ｏ既話邊個渣機呀？

寫完都差唔多兩點喇．．．

聽日凍呀～你要著多件衫呀！！
只係一句簡單ｏ既說話．．．卻令我感到．．．有人這樣的關心我！！

不要再胡思亂想了．．．早點睡吧．．．小芭比，你總不能給自己的情緒控制著！清醒！！
要不然我真的擔心會有”產後抑鬱症”呢！！！

>>March 5, 2003 at 5:54:39 PM GMT+8

2003 年 3 月 4 日 星期二 【雨】

又係一日交流ｏ既ｄａｙｏｆｆ．．．想溫書又無溫．．．我都真係頹ｏ架喇．．．
其實最ｂｅａｒ係比人話我狂頹同狂ｊａ灘係因為我唔上ｗｅｂ－ｃｔ．．．灰呀．．．
響今日無聊ｏ既時候．．．我發現自己打機都有一手啦！打機我就真係唔係蠢豬豬喇！！讀書就．．．

話說我聽日就拎袍喇！好緊張呢～終於影畢業相喇～希望ｏ個日唔好落雨啦！
我記得又係有一年ｃｃ影畢業相ｏ個日就落雨．．．都幾灰ｏ架！唔係噴香檳都濕晒！！
至於今年．．．影相ｏ個日都真係好特別啦～因為係小師兄ｏ既生日ｏ麻！！
要你請假做我機佬添～ｓｏｒｒｙ呀！咁你就少ｏ左一日假喇！我仲要同你去畢業旅行ｏ架！！
諗番起．．．上一年你畢業ｏ既時候我係你機婆．．．好似都唔係過ｏ左好耐．．．
仲記唔記得我送比你ｏ既花花呀？？仲有隻好可愛ｏ既公仔呢．．．
唔知隻公仔係唔係仲響你張床上面呢？？你有無同佢洗衫呀？？？仲有怕冷人呀！！！
（好似仲有”超越無敵獎門狗”－－－＞係兩隻！！！）
好似話咁快又一年喇～話咁快又到ｏ左你生日喇．．．．今年我知道你比較忙．．．
希望我都能夠比倒一個難忘ｏ既生日你啦！！影完畢業相再出去玩，通宵直落～～～～～

講番成日講英文ｏ個個話題丫．．．
上一次同ｒｏｎｏ　ｐｒｅｓｅｎｔ呢．．．想ｐｒｏ　ｄ全部用中文
好可惜到最後都係唔得ｌａｗ．．．勁奇怪咁樣．．．
我ｏ地之前ｏ個組ｐｒｅｓｅｎｔ　ｏ既同學仔仲利害！
根本係個個字都係英文ｏ黎ｏ既．．．．講真ｄ　ｔｅｒｍｓ你講慣ｏ左真係唔知中文係咩！
好似ｔａｒｇｅｔ　ｍａｒｋｅｔ，你要講目標顧客．．．
仲有ｌｏｙａｌｔｙ你又要話忠誠度．．．大佬．．．真係ｕｐ唔出呀！！
好似人地問你讀咩科．你都會答ｐｓｙｃｏ唔會答心理．．．
問你去邊度溫書你都會話ｌｉｂｒａｒｙ而唔係圖書館．．．
仲有好多好多日常ｏ既細節真係習慣ｏ左．．．唔係話真係好勁．．而係唔記得ｏ左中文解釋
可能係讀商科ｏ既關係啦．．．．
仲有！我身邊ｏ既朋友仔都比較串．．．ｉｃｑ啦ｅ－ｍａｉｌ啦上堂傳紙仔都係用英文
仲有ｄ朋友係唔識打中文字啦又或者只得英文輸入法．．．．
不過我都想改變一下！因為係咁講英文都唔係咁好！話晒我地都係中國人ｏ麻！！

呢幾日都係落雨．．．個天咁灰真係令我ｏ既心情都唔係咁好．．．．
受天氣而影響心情．．．天氣差咁我地咪無得交遊ｌａｗ？
不過呢排又有ｍｉｄ－ｔｅｒｍ．．．
好忙呢．．．．．好似～

>>March 5, 2003 at 1:31:25 PM GMT+8

2003 年 3 月 3 日 星期一 【晴】

又係好多日無上黎寫日記添．．．真係唔好意思喇．．．
話說星期一係我考ａｄｖｅｒｔｉｓｉｎｇ　ｍｉｄ－ｔｅｒｍｏ既日子啦！
咁我呢ｄ咁勤學ｏ既學生當然係最後一日都未溫啦！ｏ個日仲要約ｏ左小師兄出街街喎．．．
之後本身諗住響沙田啦．．．之後都係出ｏ左去尖沙咀！！ｈａｈａ
之後小師兄上ｏ左我屋企食飯啦，探下我ｏ地個乖仔ｂｕｂｉ啦同埋同我細佬打下機咁．．．
結果．．．ｏ個日溫書ｏ既進度係．．．．零！！
之後考試當日．．．當然係掂啦，我呢ｄ係有運同有朋友ｏ架！ｙｅａｈ！

好！
回應番呀女頹科ｏ既問題先．．．講真呢三年入面我都唔係ｏｎｌｙ　ｔａｋｅｏ左頹科啦！
我想話我ｔａｋｅ過一科叫死亡與不朽！唔頹ｏ架！我都係上晒堂ｔａｋｅ晒ｎｏｔｅｓ咁啦！
你估易呀？哲學ｏ野好難ｏ架！咁你話從太空觀地球呢ｄ梗係頹ｏ野啦！！
講真我ｙｅａｒ１係大通王，真係每個ｓｅｍ　ｔａｋｅ兩個大通咁！而ｏ個時係因為興趣而ｔａｋｅ
唔係因為ｏ個科易碌！講真！ｏ個時ｔａｋｅｏ左ｃｏｍ啦ｐｓｙ啦ｐｉｌｏ啦，仲有ｊａｓ啦珍貴與美妙的植物啦！！真係好多呢！！呢ｄ都係我有興趣讀ｏ既！
唯一後悔係無讀過天文學．．．不過我都唔會識啦！！
其實我個人唔係好想咁頹ｔａｋｅ頹科！我想ｔａｋｅｄ自己有興趣讀ｏ既科．．．
不過中大ｏ既同學仔都係想易碌．．．當我介紹朋友仔話死亡與不朽係大科好ｇｏｏｄ　ｏ既野
不過唔易碌．．．結果無人肯ｔａｋｅ．．．只有我中同．．．黃莉ｔａｋｅ左．．．不過後來佢拎ｏ左Ｃ我都覺得對佢唔住．．．
又有說我同ａｎｔｈｏｎｙ（仲有ｄｉｃｋｙ．．．）一齊ｔａｋｅ左日本流行文化啦．．．
一科幾好玩ｏ既科目．．．點知之後ａｎｔｈｏｎｙ介紹ｏ左比佢朋友仔ｔａｋｅ話都ｏｋ易碌
點知佢朋友仔炒ｏ左，仲打電話鬧ａｎｔｈｏｎｙ．．．．唉．．．何苦呢．．．

唔係話我頹唔頹．．．我覺得我ｄ　ｍａｊｏｒ已經係咁．．．咁我ｄｅｌｅｃｔ都想ｔａｋｅ好ｄ
不過係有時唔係我咁樣，係整個氣候都係咁．．．ｄ人想ｇｐａ好就ｔａｋｅ頹科想易碌
我都唔想咁．．．都唔明白而家個教學制度係點．．．．

至於出貓呢．．．．
人總係唔可以永遠都出貓ｏ既．．．．
只係有時身不由己，唔出會死－－－＞咁ｏ岩音ｏ既！！！
當然係我都唔想啦！！！

唉．．．有個朋友仔竟然唔知內情．．．竟然話覺我成日響度ｓｈｏｗ自己ｄ英文好勁喎～
好明顯．．．呢個朋友仔唔係好了解我，唔係同我好熟啦．．．．
不過佢仲講我好ａｇｇｒｅｓｓｉｖｅ，成日表現自好叻同好進取
心諗：你無野呀？？？我最憎ｏ架喎！
我真係一聽就ｂｅａｒ十聲．．．根本我就完全唔係ｏ個ｄ啦．．．
識我ｏ既人都應該知我係點啦．．．．
我又點會做到咁扮ｏ野呢．．．．我份人好真ｏ架．．．．唉．．．．我係直到好多人會覺得我串同唔友善ｏ個ｄ　ｌａｗ！仲有！我唔係ｓｏｃｉａｌ王呀！！！！！！！！！

我呢．．．占ｏ左個卜，佢話我２２歲結婚喎．．．有ｄ驚添．．．．
唔係有ｏ左ｂｕｂｉ呀？？？唉．．．真係要儲定錢喇！！

小師兄對我ｏ既教訓小師妹會銘記於心！！

>>March 4, 2003 at 2:17:48 PM GMT+8

2003 年 2 月 28 日 星期五 【晴】

嘩嘩嘩！好開心呀！竟然夜晚都比我上倒呢度寫日記喎！真係難得喇！
講番呢幾日發生ｏ左ｏ既事先～

我星期四又去ｏ左剪頭髮呀！！而家真係可以靚靚咁影畢業相啦！
成日ｏ既活動就係剪頭髮喇！！！

星期五呢．．．一早就要上堂，但係ｔｒａｃｙ又無上，又教ｓｐｓｓ，鬼識咩！
一番到班房就比ｄ　ｎｏｔｅｓ整損隻手喇！！仲係成手血ｏ個ｄ添．．．黑仔一！
黑仔二：響ＵＣ上堂，上上下好眼訓諗住出去個梳化度訓下！點知一出到去個梳化唔見ｏ左！
ｏ個一刻係好灰ｌａｗ，無奈地又要入番去上堂．．．
之後就得我同龜龜一齊上ａｓｓｅｍｂｌｙ！上完ｏ左ａｓｓｅｍｂｌｙ之後ａｎｔ同龜都催我打電話番屋企問下我有無咩ｏｆｆｅｒ．．．真係佢地仲急過我！！！

結果！！ＫＰＭＧ我又真係得ｏ左！！不過講真唔知做唔做好．．．
可能有人會覺得好囂張，人工又唔係差，又係大公司，仲唔係個個都得ｏ既．．．不過我真係下唔倒決定！！
真係要好好諗下，問下小ｂｕ同各界朋友ｏ既意見先得！

星期五約ｏ左唐嘉雯出ｏ黎慶祝生日，雖然過ｏ左好耐，不過都係有心ｏ既．．．
食ｏ左餐真係ｂｅａｒ一聲ｏ既飯．．．食完之後就趕番中大傾ｐｒｏ，因為星期六有個ｐｒｅｓｅｎｔ！～
頹到死呀我ｏ地真係．．．不過原來成個ｐｒｅｓｅｎｔ係要用中文都真係好難ｏ架！

到ｏ左今日ｐｒｅｓｅｎｔ既一日．．．ｒｏｎｏ真係天才！明明之前ｏ個日已經知道部ｎｏｔｅｂｏｏｋ係未裝ｏｆｆｉｃｅ，佢竟然夠膽死用ｏ個部死人ｏ野ｐｒｅｓｎｅｔ，試問無ｐｏｗｅｒｐｏｉｎｔ點算呢？ｒｏｎｏ話”唔緊要！掉上ｆｔｐ再ｄｏｗｎｌｏａｄ番落ｏ黎－－－＞好似好醒咁！
點知．．．唔知點解，個班房上唔倒網．．．之後搵ｏ左人幫手．．．攪ｏ左一大輪之後．．．
終於一倒網喇．．．
不過要大家（ｉｎｃｌｕｄｉｎｇ　ｐｒｏｆｅｓｓｏｒ）狂掉班房，真係ｂｅａｒ十聲！！！

真係好多謝霖霖
一收倒我ｅ－ｍａｉｌ就打長途電話比我，真係真正唔話得ｏ既朋友！！

本來好想回應一下呀女ｏ既一ｄ睇法！
因為其實我對ｔａｋｅ頹科呢個ｔｏｐｉｃ真係好有興趣！
不過礙於太眼訓ｏ既關係．．．
下次再討論過啦！！！！

>>March 1, 2003 at 5:02:29 PM GMT+8

2003 年 2 月 24 日 星期一 【晴】

又係響成日要夜晚排隊既情況下而無寫日記...
要我一朝早寫日記都真係絃bear o架下....是但啦~都要講番之前發生過既野!!

話說上星期六係我ｏ既”情人節”啦．．．唔好問點解～唔想解釋！！
咁ｏ個日就真係一個大驚喜啦～首先係唔知道會去邊度玩啦！只係周圍搵車搭啦！
上ｏ左車之後都唔知響邊度落ｏ個下死丫ｏ麻．．．
之後目的地原來係深水灣～－－－＞深水灣係唔係ｄ水真係好深呢？？
都唔知發生咩事ｏ既情況下就去ｏ左一間有海景ｏ既茶座～
唔好以為無咩特別，上到去先知原來係燒ｏ野食ｏ架！！－－＞我好耐都無燒過ｏ野食呢！
真係好開心呀～因為我真係想同呀龜ｏ個ｄ去燒ｏ野食ｏ架～
呢次仲可以一邊燒ｏ野食一邊望下海景！你都咪話唔ｙｅａｈ！！
唔洗講啦～燒完ｏ野食之後梗係落沙灘行下啦～
結果舊事重演啦～又係大家睇下星星咁，真係好靚呀ｄ星星．．．
不過隻手就慘ｄ．．．．．－－＞成手沙～ｈａｈａ

多謝你呀！ｖｉｖｉｅｎｎｅ　ｗｅｓｔｗｏｏｄ係我其中一個至愛ｏ既牌子
我唔會拎咁多ｏ野ｏ架喇！！
你真係最清楚我最了解我ｏ既～咁都比你估中～你好ｏ野！！！！！！

星期日．．．慘！！要番工呀．．．一要番工就覺得好慘喇．．．交流流咁又過ｏ左一日！

唉．．．呢個ｗｅｅｋ真係有ｄ慘．．．我ｏ岩ｏ岩先知道星期六有ｐｒｅｓｅｎｔ
之後星期一ｍｉｄ　ｔｅｒｍ，星期六又一科ｍｉｄ　ｔｅｒｍ，你都咪話唔驚！
都最後一個ｓｅｍ喇．．．又唔係好想讀書，不過以後都無機會喇！！
真係好唔捨得大學生活呢．．．有邊個好似我地咁歎咁開心呢？？
一諗起影畢業相就知道自己就ｏ黎又要離開喇．．．
ｏ個次同ｒｏｎｏ傾開．．．佢先話自己唔係好想離開中大，因為覺得好似響度年幾咁
我都咁覺得呀！正所謂快樂不知時日過－－＞定係開心ｏ既時間過得特別快，又係時候講拜拜呢？
我之前ｏ個兩年都唔係讀書ｏ既！係全職拍拖！！
而家就ｏ黎走喇，先發現自己剩番唔係好多時間響中大．．．
上堂訓覺傾計走堂．．．ｔａｋｅ　ｄ　科都係求其碌過就算數
功課呢樣野呢．．．下下都係抄ｓｏｕｒｃｅｓ，真係幾頹廢！！
不過～～
唔好以為中大ｏ既學生係咁樣！我只係一個個別例子ｏ者！
我識好多人都真係好強！係又叻又醒又無得頂，大家都係人ｏ者．．．
之前聽個朋友仔話其實ＨＫＵ，ＣＵ同ｃｉｔｙ　ｏ既畢業生係一樣
心諗”唔係掛，你無ｏ野呀？？”
之後佢話係可能ｃｉｔｙ　ｏ個個英文差ｄ－－＞差好多呀？？
因為佢話佢唔知邊個親友分別響呢大間大學請ｏ左個人響佢公司做ｏ野
其實我覺得唔可以用一個人ｏ黎作準ｏ既
如果咁ｏ岩用ｏ左我呢ｄ咁ｏ既敗類ｏ黎比，咁可能嶺南ｏ既都好過我－－－＞又好似太過份添
講真一間學校真係可以有好多唔同ｓｔａｎｄａｒｄ　ｏ既人
中大的確係有好多好多ｏ既叻人，唔好睇低呢間大學，亦唔好睇少我ｏ地呢ｄ大學生！
希望我ｏ既同學仔可以幫中大同香港ｏ既大學生爭番一口氣啦！！

>>February 25, 2003 at 5:20:05 AM GMT+8

2003 年 2 月 21 日 星期五 【晴】

好!!
自從同好朋友慶祝左生日之後都係同大家講過發生左d咩!
o個日係呀龜姐姐死人都唔肯起身啦
所以真係遲左先買野番中大!
我同呀龜好似兩個呀嬸咁響街市買左好多野,之後一袋二袋番中大!
整左好多野食...好似有雲吞,咖哩角同春卷!
不過所有野都唔記得落salt...haha唔緊要啦!大家包野o既時候好開心啦!!
都唔係自在食o既--->咁當然都係好好味啦!!!
開始之前大家仲帶晒生日帽呀咁,好似好低能,最衰個廚房仲有其他宿友響度啦...
攪到我地玩得唔敢太激!
正如anthony所講,我地同呀龜咁friend都會好似佢咁向朋友表達友誼o既!
開生日會就係表達友誼o既第一步喇!
第二步就係要有人煽風點火--->多數呢d衰野都係我做,結果害人終害己!
咁就玩左好耐o既遊戲喇!經過一連串games之後大家o既感情真係增進不少!!

星期五又係上早堂o既一日
不過今日咁o岩要present所以唔可以遲到--->當然end up都有遲到啦haha
好開心我o地o個組個presentation係最叻呀!
不過我地o個組又真係做得幾好o既!content又好,presneto既朋友仔又good,powerpoint又靚!
個powerpoint係好重要o架!--->因為係我整o既!yeah!!!
我想話星期五真係開心o既一日
assembly時,龜姐又因為病o左而唔上--->佢話病o左你信唔信丫??病左夜晚又出街??
tracy又影相啦,咁淨番我同rono同ant一齊上啦!
結果係一個音樂會咁law,我知道anthony係訓左...而我同rono就乖乖的聽下音樂
其實都幾正丫...有d衝動好想學呀!!
最後仲有管弦樂版o既校歌!!真係唱得開心,仲比我錄左video!!haha
之後就上左NA影畢業相...
3月21日就係我影喇...真係有D緊張,anthony今日響d呀仔面前狂話今年無晒人咁
都真係幾慘law,d大口女呀灰色o既仔呀又走左--->不過你成日提佢地好似有d cheap咁!
好朋友自己影下相都得o既!!一係我地交換公仔丫....

仲有一件事唔記得講添!!
呀王呢番左中大呀!!!係眾志o個個呀王呀!
話說我同tracy去med can食tea,點知一入去就見倒佢響度喎...
大家想見佢o既可以響med can 既office hour去搵佢!!
佢人在med can...咁我響眾志d薯條可以問個拎呀???

今日係我o既情人節...
唔知今日會點呢...
好緊張添!!!

>>February 22, 2003 at 5:59:46 AM GMT+8

2003 年 2 月 19 日 星期三 【晴】

真係慘情喇！
而家想寫日記都要朝早寫添．．．

之前先話就ｏ黎知道ｒｅｓｕｌｔ，點知第二日一早就收倒信喇！
我都考得唔差呀！ｏｖｅｒａｌｌ有７．５呀！！響完全眼訓同無準備ｏ既情況下算係咁啦！！
最開心ｏ既係我ｏｒａｌ有成８分呀！拿ｇｒａｄｅ９係ｅｘｐｅｒｔ　ｕｓｅｒ，ｇｒａｄｅ８都係ｖｅｒｙ　ｇｏｏｄ　ｕｓｅｒ架下！！
ｙｅａｈ！以後大家請用英文同我溝通啦！我隨時勁過ｔｒａｃｙ－－－＞咁又難ｄ．．．ｈａｈａ
ａｎｔｈｏｎｙ都考得好好呀！！
不過點解佢ｗｒｉｔｉｎｇ明明ｌｏｒ左都咁高分ｏ既－－＞大佬寫ｌｉｔｔｌｅ　ｃｏｒｒｅｌａｔｉｏｎ喎！！
真係唔明白，等我仲覺得自己好叻女寫得好好ｏ既時候，仲要狂串佢白痴！
點知同佢一樣分喎．．．下次都係唔好去到咁盡喇．．．
ｄ未考ｏ既人問我點解ｏｒａｌ可以咁高分，話ｄ問題一家好難，要諗一陣先答倒．．．
其實我係分散個ｅｘａｍｉｎｅｒ注意，懶係勁咁話”ｗｅｌｌ．．．之後重複下佢講ｏ既ｏ野
咁等自己多ｄ時間諗下點答先好！－－＞當然我無著低胸衫啦！我唔係呀龜！！！
不過講真係睇運啦！咁ｏ岩我個ｔｏｐｉｃ都算ｏｋ，而且我又真係有追開ｄ外語劇集！－－＞當然係有雙語廣播啦ｈａｈａ！
不過又唔可以話個ｔｏｐｉｃ易喎！
因為我識個朋友仔同我個ｔｏｐｉｃ一樣，佢都炒左啦！－－＞踩人地乘機話自己叻女！！
一句到尾！我ｏｒａｌ係憑實力ｏ既！！唔好當我流ｏ架！
有種就同我ｔａｌｋ兩咀！唔係咀兩咀就得喇！－－＞ｔｒａｃｙ就唔好喇，太強橫！！

今日本身同ｒｏｎａｌｄ慶祝生日－－＞好似過左好耐喇喎～
點知呀龜姐真係叫極都唔醒－－＞以為自己係睡公主咩大佬呀！
咁我先有機會響度寫下日記咁啦．．．
今日ｏ既ｐｌａｎ呢．．．．就係帶番大家去十年前ｏｒ廿年前！
生日帽同吹氣波波！！當然唔少得啦！！咁感人ｏ既場面好驚有人忍唔住喊添！ｈａｈａ

生日會之後．．．大家又要傾ｐｒｏｊｅｃｔ喇．．．灰ｏ左
狂多ｐｒｏｊｅｃｔ要傾ｌａｗ！日日都好似有ｐｒｏｊｅｃｔ咁ｏ既．．．
好想好想剪頭髮呀！！
大家期待我個新ｌｏｏｋ麻？？

>>February 20, 2003 at 7:01:19 AM GMT+8

2003 年 2 月 17 日 星期一 【晴】

各方ｏ既好友真係唔好意思喇，小女子因為貴人事忙所以好耐都無寫過日記．．．
不過其實我係有嘗試入ｏ既！！只可惜佢成日都要我排十年隊．．．
無計啦，唯有朝頭早寫下啦！！

咁耐無寫到日記原來都真係發生ｏ左好多ｏ野！
仲過左個新年添．．．唔知大家逗左幾多利是呢？？我就有＄２２００喇！
有咁既成績都係多謝爸爸媽媽既大利是啦！但係都要多謝公司ｏ既同事喎！
不過呢個新年都真係好忙好忙！係年初一同年初二比較得閒少少可以去拜下年！
初三就開始要番工喇．．．日日都早起身喎．．．一到星期五又番超早堂啦，緊接著星期六就考ＩＥＬＴＳ喇．．．
真係忙到呢．．．
個又粗口個口又大個樣又醜既關淑恩－－－＞係全朵架下！又咁Ｏ岩響呢個時間走．．．
本來同龜龜諗住豪封利是比佢，因為話晒都係我地個死女，但係就因為ＯＴ既關係送唔倒佢機．．．
唉．．．做父母既都想個女好既．．．希望佢過左去就生生性性比心機讀下書，練下ｄ死人英文！
點知個女竟然ｓｅｎｄ　英文粗口比媽媽．．．真係心傷．．．

話說回來．．．呢個新年假真係忙得要死呀！因此有個病人我都照顧唔倒！
真係好想同佢講聲唔好意思喇．．．話說小拜仁由年２９開始個胃就唔舒服喇！
仲總共入左三次醫院添．．．工又番唔倒，成日都話個胃好痛．．．相當慘情．．．
可憐我就響屋企愛莫能助，佢就成日話痛到死去活來，真係心都痛．．．
不過而家都好番喇！！不過都係唔可以亂咁食野！！仲要濃味之王陪佢食粥！都算唔話得啦！

至於個英文考試呢．．．
首先要多謝ａｎｔｈｏｎｙ先生在旁鼓勵啦！不過佢好似好掂咁．．．又係一個大鑊！
就黎知ｒｅｓｕｌｔ喇！好ｏ既話我會寫出黎！
大家見我無寫出黎既話就知我出左事喇！！

講番情人節先！
今年小妹又同ｔｒａｃｙ＆龜整ｃｏｏｋｉｅｓ－－＞好明顯龜係無幫過手，淨係掛住化妝
今次真係入得口啦！當然唔係好ｐｒｏ，不過總算得上好食！ｙｅａｈ！
只可惜當日ｔｒａｃｙ竟然唔記得帶番黎，連累龜龜要割愛比ａｎｔｈｏｎｙ
連ａｎｔｈｏｎｙ咁挑剔都話好食喎！真係開心喇！
拿！我地好朋友相約左要一齊做好多好多野架！！大家第時番工都要出黎飲下野聚下呀！！
當然今年我就唔洗再行上ｓｈａｗ送ｃｏｏｋｉｅｓ啦！如果係嫌唔夠既話．．．
將來仲有大把機會呢！！只怕你食厭咋ｈａｈａ！！
唔洗特別多謝龜龜個盒啦！無左個盒都一樣咁好食啦！！！係唔係？？？

終於好ｂｒｉｅｆ咁講左呢一段日子發生過既事喇！
好似真係發生左好多事咁
可能中間有好多野ｍｉｓｓ左唔記得講．．．
ａｎｙｗａｙ
呢段日子總括而言係忙同忙仲有忙．．．
我之後都要努力ｋｅｅｐ住寫番日記架喇！
我唔會荒廢架！！！！！！！

>>February 18, 2003 at 6:23:37 AM GMT+8