2003 年 1 月 28 日 星期二 【晴】

今日都係已經放左假既日子...
本來都無乜特別既...
只係真係訓唔著!
一朝起身既時候,媽媽就叫我幫手整蘿蔔糕
呢下先知道新年就到喇....

anyway....
話說因為琴日太早寫日記既關係,所以寫唔倒琴日發生左咩事...
琴日本來係番學校傾project only
但係三點幾傾完之後又唔知做咩好喎
之後就同呀龜交流地去左multi media lab
既然響CC,咁當然之後五點幾既時候去左眾志食tea啦...
點知我同呀龜再加埋jodie...真係三個女人一個"希"--->好明顯係粗口
一傾就傾到7:45pm--->係由tea time傾到dinner架下...
其實都無乜問題既,無聊既大學生好多都係咁架啦!
不過咁岩有個系攪左個function,又咁岩有d人落左canteen"gup"仔
攪到呀龜姐粗口橫飛,場面嚇人...
之後走啦,本來諗住就此回家
點知同呀龜傾開又唔想走喎
越傾越開心越講越過份架下....
多謝龜姐指點迷津啦!!!!你簡直可以開一個course--->ANT 1000--->好明顯係人類學haha
真係好朋友啦,咩都講晒出黎!!!
好朋友果然係互相支持互相幫助呀!!!!!

聽日原本可以響屋企交流
end up要番工...又要早起身真係好灰!!!
算啦!可以賺多d錢錢!比bubi過一個肥年!!haha

今晚o個餐團年飯真係好飽呀....
不過有d人仲好啦!又遲到又可以有個好可愛既蘿蔔糕食...
媽媽真係有d偏心呀!!!
仲有呀!!
人地都係好心見倒你塊面有d野想幫你整走佢之麻
你又咁惡鬧人地"唔好攪啦!!!"--->係好惡架下!!!! o個下真係好innocent---->好耐無用過既term!
人地幫你整走粒野者又唔係整你塊膠布!!!好丫好丫!咁串我就痴番粒野上去!!!!

最樣衰係我家姐!
當大家食剩左一粒咕嚕肉又狂飽既時候決定猜輸左條白痴食
人地都無郁黎就你出死一個
都可以一人獨輸!!家姐我真係服左你!!!!

聽日就要番工喇!
唔可以再訓到12點幾喇.....

仲有...
我要考IELTS呀!!!!!!----->我想話我而家D英文真係差到你媽媽都唔認得....
點算????? ><"

>>January 29, 2003 at 2:40:06 PM GMT+8

2003 年 1 月 27 日 星期一 【晴】

其實我番埋琴日o既堂已經係開始放新年假喇...
不過今日都要番中大傾下project咁
大家(其實又唔齊人)都坐o左好耐...
原全都無貨喎!!大家都唔知坐響度做咩咁....
不過都好過日日響屋企交流o既....

個電話真係好good呀!!!
可能係情侶電話o既關係啦haha
不過我地一定要打破呢個宿命呀!!
星期日真係好開心
因為我地都買o左自己最鍾意o既o野
仲要係一樣添!!
hehe真係好想好想錫你十啖!!!
不過你下次唔好再遲到喇
因為我真係會唔開心o架!!!!

開心係開心...不過呢兩日個肚肚都唔舒服...
一定係你啦...要人地食埋d咁唔乾淨o既o野...
你自己又唔食喎....唔開心....

就黎放新年假喇...
我真係放好多日假呀
諗住交流下啦,因為2月8日就要考IELTS喇...
大佬我d英文呀gramma呀都比番晒我中學o既老師啦...
而家要我考真係死呀....都係時候要做番多d練習惡補一下喇...
不過我又要番part time 喇
又係番hermes law!!!!都係好o既又可以賺多d錢又唔洗響屋企交流.....
是但啦!!!唔知點解要番工又唔開心添...
我發覺我自己真係越來越懶喇...
大學生果然係比較懶o架下...
都唔知第時出黎點做o野....

仲有...
我想話今日傾projecto既時候超攪笑law
一係就tracy狂串呀龜
一係又比呀龜串番tracy
咁我就梗係適時又入下佢地啦...haha!
傾project我地就好似響度玩咁...
真係唔o岩!

係唔係應該開始搵下工呢...???
唔好咁懶啦張寶明...

>>January 28, 2003 at 8:40:39 AM GMT+8

2003 年 1 月 24 日 星期五 【晴】

唉...
好多日都無寫過日記喇!!!!
原因係咩呢...有好多既! 因為成日入唔倒呢度啦!
要排隊喎...搭校巴咩排隊...所以唔寫
另外就係真係有好多日子無咩特別!!日日都好似交流咁!所以又無寫到!
而家好似變左週記多d...真係慘....

講番今個禮拜先!
唉...
真係最開心都係星期四同星期五喇...
星期四同呀女慶祝生日!不過佢好似唔知我地買左禮物送比佢咁...(定係扮野呢??)
唱k既時候都已經好開心
響度玩戀愛大布甸同狂唱風爭與風...呀女就真係要練習一下喇...
不過最開心係之後發明左個無聊遊戲...
大家買左四樣野食之後就要掉轉食,名為"輪住黎食"
但係因為太熱既關係,又要食得好快既關係
所以整親條利...
不過食得好開心,雖然其實係有d核突...
食完之後就覺得好口渴,咁就買左三杯野飲啦!
點知又黎玩d核突野...大家交換飲...
大家飲到想死既時候已經係笑到想死
最攪笑係anthony問我點解可以飲得咁快...
因為個個都要咬粒珍珠而飲得比較慢...
haha!!!因為我一食倒粒珍珠就會吐番落杯野飲度hahahahaha
不過唔洗太驚,因為我之後個個係呀龜,佢食晒之後先比番大家既....
真係好開心...
所以就再去7-11買左糖同朱古力又玩過...
呢個遊戲原來係會玩到好累...
不過大家都要趕番屋企睇呀旺既關係
所以就要走喇...並相約響assembly再玩過...

星期五...
又係上超早堂既時候
組組麵要present one dog face既野真係好灰!
好想死好想快d落堂...
響UC一落堂就仆落去CC上assembly,好可惜每一次都係趕唔切
次次都唱唔倒崇基學生會會歌~~~~~人地覺得呢首歌好好聽架....
下次一定要唱倒!!!!!!!!!!!
assembly又玩唔倒食野!
只係渣黎渣去...我地同呀龜玩其實有d唔抵!!
佢而家真係廋到胸都平到呢....唉...想廋既就想廋d想肥既又想肥d....bear
之後出左去食tea!!
都好開心呀
講番大家之前既中學生活...d野又好食喎,我既故事又好笑喎真係好開心
之後又交流流咁去左snoopy land,仲咁大個人去玩滑梯添...
不過真係好耐都無玩過喇....
因為唔夠d小朋友爭既關係...所以之後我地又去左中央公園玩...好白痴呀...
行到累又去左飲野...大學生真係得閒,走堂去玩....
不過大家傾下傾下又唔想走...
好少傾d咁serious既topics喎....
原來有d咁既事我真係唔知道...
ummmmm.....
anthony...如果心入面係有野想講出黎既話...
自己一個收埋收埋會好辛苦架...
其實我都好多時係咁樣...
你唔會見倒我唔開心既樣!
因為我有咩唔開心都唔想講比人聽...esp係醜事既話...
不過其實有時有d野真係要衡量下講唔講好d既...
如果你真係唔想講既話咁一定係有自己既苦衷...
我呢都係識話人唔識話自己架喇...

如果每個禮拜都有一日可以好開心咁樣過既話...
雖然係交流同埋要走堂...
不過我都會豪出黎...
最後一年lu!!!!!!!!
以後都唔知仲有無機會...

>>January 25, 2003 at 3:29:07 PM GMT+8

2003 年 1 月 17 日 星期五 【晴】

有好多日都無寫日記
原因係咩?
因為成日都係dayoff
咁交流既時候都無野做過
係星期二番左中大
仲去左ILC同NA圖書館借左好多書睇
係星期五(琴日)多野發生左少少
咁呢d都係人地既事
我都係唔好響呢度講
始終都係人地既私事
不過真係對我既影響好大好大
過左去就算啦...

兩日都係要番勁早
其實都真係好辛苦law
上堂又想訓覺覺喎...

今日堂左堂之後就出左去奧海城...
真係好遠...
原來搭MTR唔係話咁快就到架...
雖然好似無咩做過咁
但係已經好開心喇
因為一個星期我諗真係得一日既時間可以出去玩
今日好似真係好開心
玩左好附無聊野...
which chicken which chicken which chicken? mr.cock? mrs. hen?little chicken??
仲有你打到我紅晒既手啦
"不甩"一聲隻手骨好似比你拗親
仲有響月台差d撞倒荔景啦
好多開心既事都係今日發生左...
雖然場波個結果係咁
但係我好少肯睇架
當比面我啦

今日...
突然間又諗左d人世存在世既問題
其實真係唔知下一秒會發生咩事...
究竟100年後我地會響邊呢??
又或者我地會點呢?
每次咁諗心就會寒
好驚...

>>January 18, 2003 at 5:08:57 PM GMT+8

2003 年 1 月 11 日 星期六 【晴】

又係bear一聲既一日
如果唔好再有d unkown既電話呢個世界會更美好!
想睇lord of ring
但係實在太多人睇喇
心情唔好既時候就更加唔好去睇啦
要坐咁耐...

終於比我上左一個禮拜既堂
今個sem d project group都bear bear地
開始有d擔心
我今個sem有個major架!
唔可以炒晒o架...
其實都唔明白大學個計分制度係點
因為個個都咁好高分既
咁係唔係無人差架呢...
我自己覺得啦...
我真係識,對o個科係覺得學倒野既就會唔高分
因為個project做得唔好(大家都一齊C+左,或者係我地三個啦...)
唔係好知學左D咩既又可以好高分(multinational mkt)
又係因為project做得好
咁我真係好灰...
不過bubu講得o岩
GPA高唔代表咩既
一個second low 同一個second up係唔係好大分別呢
就算有分別
響搵野做既時候都唔係單靠呢d啦....

咁即係話...
我唔洗咁緊張啦?!

dayoff真係太多了
可能咁講會比人打
但係多得有點兒過份真係有d無聊o架下!

>>January 13, 2003 at 4:58:26 AM GMT+8

2003 年 1 月 10 日 星期五 【晴】

今日真係好慘
又係要勁早起身上堂...
仲要係sit堂咋喎,未add倒架喎
原本都唔諗住上架喇
只不過係anthony琴晚勁勸我上,話佢都係去1,2堂,攪到我比佢既勤奮感染倒
點知條死仔今日起唔倒身上堂....無上到
而我就上左!!!
一上堂已經心知不妙...
諗住全部major都唔一班,好開心咁覺得唔洗同佢一班...
但係點知最後一日竟然發現我想add o個班係條賤人響度....
十個灰啦!
我即刻唔知add唔add好
覺得好灰好灰之際
諗住睇下個vacancy list
竟然又比我發現條賤人drop左我想add o個班
add左第二班
真係頓時覺得天無絕人之路,絕境也可以重生啦
不過都係要問埋朋友仔係唔係一齊上先可以add drop
真係好煩好煩

CB個professor真係狂串
不過都幾攪笑丫
唔知係唔係lumable呢?

今日同家姐慶祝生日
雖然訂左位但係都等左好耐
不過算啦
可以一家人一齊食下飯都好開心既
一家人??
本來都係開開心心既...
不過一個電話打黎
你猶豫既神色
令我知道發生緊咩事...
點解每次都係咁呢...???

我諗我家姐都鍾意把遮既
仲有
佢好明顯係鍾意藍色多過紅色啦!

而家係星期五同六都1,2,3,4,5堂呀...
好Q早起身呀...
好眼訓呀一番到屋企就想訓喇...

>>January 11, 2003 at 4:47:10 PM GMT+8

2003 年 1 月 9 日 星期四 【晴】

好耐無寫過日記喇
原因係日日都係交流
好似係2,3,4都dayoff
好無聊咁響屋企數手指...

好似發生左好多野咁...
又過左interview又出左result
好似好多話題咁
今次考得最好既係呀龜
咁今日assembly之後o個餐仲唔係佢既...

今日上assembly既時候遲左入去
唱唔倒院歌
跟住諗諗下我唔係仲有好多次機會可以唱
所以要好好珍惜每一個上assembly既機會
仲要係我同d好朋友仔一齊上堂既機會唔係會有好多

之後四條友出左去飲茶(獅求mug)
叫左好多野食
次次都係....
最後埋單既時候大家望住呀龜
佢好慘地拎錢出黎
點知唔夠cash
仲要唔收咭
咁就變左anthony請左....
都唔知呀龜係唔係特登架!

飲茶既時候
anthony竟然同我一樣咁白痴
成粒燒賣跌左落地
仲響度笑我
哼!

而家正係煩緊add drop
好苦惱...

>>January 10, 2003 at 4:44:30 PM GMT+8

2003 年 1 月 5 日 星期日 【雨】

第一日番學就真係想死
係凍到想死
中大又特別大風特別凍過人
加上落雨又再凍d
真係感受到咩叫寒風刺骨呀...
就算響室內都真係凍到飛起
可能因為晏晝唔係好凍
之後放左學之後又超凍既關係啦
仲要伸隻手出黎拎遮喎
超灰...

第一日番學都無乜特別
係覺得有d驚
因為成班同學仔都好叻!!
另外就係好開心
因為唔洗同賤人一班上堂
根據可靠消息
今年無一科同條賤人一班
咁我就真係好開心喇
咁即係話
今年我都唔係好黑者...
只怕有d人仲要send e-mail比佢者...

希望之後o個班既同學仔可以好nice啦!

>>January 7, 2003 at 5:30:15 AM GMT+8

2003 年 1 月 4 日 星期六 【晴】

今日係開學之前既最後一日
咁岩又係星期日喎
咁所以就同左媽媽落街食飯喇
不過係三點既事
因為實在係太遲起身喇
唔係因為bubu既話就更加唔會起身

對唔住呀
將d病病傳染左比你
希望你無事啦!
如果唔係就輪到我要擔心架喇

聽日就開學喇
仲唔係好慣要早睡早起
最後一個sem喇
唔好再走咁多堂喇
係唔可以再走堂
不過冬天仲要上123堂
係好慘既事!
希望我可以番多d學
開開心心咁過埋我最後既大學生活!

>>January 5, 2003 at 4:23:04 PM GMT+8

2003 年 1 月 2 日 星期四 【晴】

唉
今日真係好鬼痛
鬼叫我琴日玩到咁激動咩
今日真係條頸好痛
不過真係得我一個人痛
我其他朋友仔都唔覺得痛既

今日超晏先起身
自己都覺得有d過份
不過可能係因為食左藥既關係
所以特別支力
咁又無咩特別野做
唔係唔訓呀?

今日都真係響屋企休養
無出過街
不過個喉嚨又痛啦
個鼻又狂塞啦
條頸又痛啦
好慘....
好聽既就叫休養難聽既叫交流

不過響屋企都感到好凍
出左去仲凍
陰公聽日仲要番工...人地病呀!
灰!

>>January 3, 2003 at 4:05:17 PM GMT+8