2003 年 4 月 6 日 星期日 【雨】

今日我好早就起o左身喇~因為約o左十點鐘響ｃｉｔｙ傾ｐｒｏｊｅｃｔ～不過我都係唔知醒起身！
起身ｏ既時候已經係９：１５ａｍ，但係要１０：００去到ｃｉｔｙ喎～
咁我就第一時間打電話比遲到天后呀龜小姐睇下佢起ｏ左身未啦～奇蹟地佢起ｏ左身～
仲好Ｑ串咁話”咁你即係一定遲到啦～”激起我個把火－－＞我份人係唔大得ｏ架！！！
於是我同佢講”唔會！我一定準時到～之後仆落去廁所刷牙洗面換衫出門口！
輕輕化埋個妝都得呀！（因為唔夠訓個樣太醜喇～）之後再仆去火車站～結果－－＞１０：０２到ｏ左！
當然啦～一個人都未到！我最早～打電話比呀龜，條八婆話響樂富，仲話佢ｅｘｐｅｃｔ我會遲到，
於是佢打電話比ｔｒａｃｙ話叫佢遲ｄ都得喎～條死八婆真係希到爆！低估ｏ左我ｏ既能力！
肯定佢會講”嘩！ｂａｒｂｉｅ姐ｏ岩ｏ岩起身咋喎，佢肯定遲到喎”咁啦～～
講真～我點遲得過你呢～～況且我都好憎成日遲到ｏ既人，難得約咁早傾ｐｒｏ我唔想遲太多～
我係唔大得ｏ架！你大我我就要同你鬥！！

傾ｐｒｏ一傾就傾到３：００ｐｍ，即係我傾ｏ左五個鐘！我地係為ｏ左一個廣告都唔知傾過幾多次～
為ｏ左一張八達通拗ｏ左好耐，仲有ｏ個句死人ｓｌｏｇａｎ，粒死人珍珠！
我諗做廣告班ｃｒｅａｔｉｖｅ　ｔｅａｍ就係咁ｏ架喇！由朝坐到晚係為ｏ左諗一個廣告．．．
諗到缺貨，腦閉塞唔食飯都要嘔ｄ野出黎．．．真係想死ｌａｗ
但係．．．我地都唔知幾時先ｐｒｅｓｅｎｔ！只見個個人都覺得會爛尾．．．
根本今個ｓｅｍ就咩都係爛尾啦～咁就考試喎～堂都未上晒ｏ架大佬～點考呢？？

傾完個ｐｒｏ真係好支力，不過都同ｄ朋友仔行ｏ左一陣又一城～呢排真係成日行又一城～
之後同呀龜依依不捨咁響ｍｔｒ同ｋｃｒ之間企ｏ左好耐傾ｏ左陣計就番屋企喇～

番到屋企之後．．．超眼訓～其實以前都係咁啦我都訓ｏ左６個鐘先起身啦～
但係真係唔夠訓ｌａｗ，可能呢排養尊處優ｏ左，真係訓少ｄ都覺得唔夠～
諗起之後番工係番８：３０ａｍ仲要去中環喎～以後ｏ既生活真係唔知點算好喇．．．
不過．．．有一個好好ｏ既　榜樣ｏ既．．．有一個永遠都起唔倒身上早堂ｏ既小傻豬．．．
到ｏ左今日都日日起倒身番工啦～不過我住沙田你住藍田，仲要一碌落去就係地鐵站．．．
我行去火車站都３個字啦～仲要由新界去港島喎．．．迫車番工．．．著晒ｓｕｉｔ咁番工．．．
仲可能要番大陸三個月ｏ架喎～咁點算呀？？真係越諗越驚呀！！

今個禮拜連續好多日都繼續係傾ｐｒｏｊｅｃｔ既高峰期～
我聽日就可以番中大喇～因為聽日約ｏ左響中大傾呀～好緊張呀～好耐無見喇～
我要去還書，再去借書，再去ｂａ　ｌａｂ　ｐｒｉｎｔ　ｎｏｔｅｓ，好似好多野做咁！
考試喇．．．都應該溫下書喇～
過慣ｏ左ｄ舒適生活，而家好想退休呢～

唔鍾意呢ｄ天氣！幾時到秋天呢？
春天到秋天．．．需要幾耐呀？

>>April 7, 2003 at 3:41:58 PM GMT+8

2003 年 4 月 5 日 星期六 【陰】

今日原本要傾要傾ｐｒｏｊｅｃｔ，不過之後突然間取消ｏ左，我可以番屋企睇頒獎典禮～
唔開心因為黎明拎唔倒獎．．．三更我就真係有睇過呢～不過點都好，我都會一直咁支持黎明ｏ既！
講番起都覺得好得意，香港ｏ既電影真係唔係好多人都覺得好！我有好多朋友仔係唔會睇港產片ｏ既！
我明白～佢地係追求更高ｏ既層次ｏ者，不過講真，令我好想比錢睇ｏ既都係西片．．．
包括ｏ左ｃｈｉｃａｇｏ，ｔｈｅ　ｈｏｕｒｓ，ｌｏｒｄ　ｏｆ　ｒｉｎｇ，都係無睇而好想睇ｏ既！
又有ｄ朋友仔－－＞極少就好鍾意睇ｄ無乜深度ｏ既港產片．．．睇完都唔知佢做ｏ左咩ｏ個ｄ呢．．．
我呢，就會睇一ｄ攪笑ｏ既港產片，起碼當買個開心丫～不過鬼片今年都睇ｏ左唔少．．．
見鬼啦～－－＞好正ｏ既一套戲，仲有三更－－－＞好正ｏ既黎明～
我真係好覺得我識得ｏ既人都分ｏ左好多個唔同階層ｏ既朋友仔，ｌｅｖｅｌ真係好唔同．．．
就好似我之前ｏ個篇ｏｄ話某幾間ｏ野好好食咁啦～有個朋友仔就話我易滿足，話佢成日去呢幾間野食覺得無乜野！
而我番工ｏ既時候，我ｄ朋友仔響度話邊度有ｄ又平又正ｏ既野食，佢地竟然唔肯話比我知．．．
話我個人唔會去呢ｄ地方喎．．．錯喇！只要係好食ｏ既話我係咩都會食ｏ既～
豬油渣麵我食，高級法國菜ｏ個ｄ又貴又ｓａｌｔｙｏ既我都食～我不嬲都係跟住帶我周圍食ｏ野ｏ個個人周圍ｅｘｐｌｏｒｅ
睇ｏ既戲ｓｔａｎｄａｒｄ唔同，食ｏ既ｏ野ｓｔａｎｄａｒｄ唔同，聽ｏ既歌ｓｔａｎｄａｒｄ唔同．．．
呢ｄ我會稱之為唔夾．．．好似我好講真．．．
你話淨係聽日文同英ｏ既話我又頂唔順喎．．．ａｎｔ同小拜仁ｏ個ｄ　ｓｔｙｌｅ就ｏ岩我喇！
想法唔同，教育程度唔同，背景唔同，睇ｏ既書唔同，心態唔同，待人處事唔同．．．
呢ｄ我覺得係兩個世界ｏ既人．．．只能相見不能共處．．．

我有個朋友同我講，佢話佢絕對接受唔倒同一個教育程度比佢低ｏ既男仔一齊，ｕｍｍｍ．．．
我同意ｏ既．．．因為大家所諗ｏ既ｏ野真係好唔同．．．男仔點都好應該叻過女仔ｏ既～
所以好強ｏ既女人，都對佢自己ｏ既另一半好揀擇～而我呢個朋友都係一個好強ｏ既女仔．．．

不過我覺得成績唔好，讀唔倒書都唔係話一個人無用ｏ既．．．只不過唔係讀書ｏ既材料ｏ者
可以響其他方面發展，做個更出色ｏ既人～好似可以畫畫啦，跳舞啦，彈琴咁．．．有修養～ｇｏｏｄ呀～
不過．．．我呢三樣ｏ野無一精通．．．好在小拜仁無一不通ｏ者～
不過每個人都有佢自己ｏ既優點同缺點，我就覺得自己對經濟及會計呢兩方面好有興趣－－＞以前～
咁考出ｏ黎ｏ既成績都．．．ｈｅｈｅｈａｈａ啦～所以揀ｏ左中大ｂｂａ．．．
而家既然ＫＰＭＧ請ｏ左我，其實我係唔係真係應該的起心肝拎個會計師牌，慢慢升上去呢？
哈～我諗倒喇！有人話佢自己都係唔適合打工，要自己攪生意做，而呢個人ｏ既ａｃｃｏｕｎｔ真係無ｏ左我唔得
咁不如我考ｏ左個牌佢，跟住就做佢ｏ既私人秘書兼財政大臣，所有佢ｏ既錢我管啦！～
（備註：唔知呀女知唔知道呢，其實你爸爸ｏ既ＡＣＹ１１１１係炒ｏ左粉，需要ｒｅｔａｋｅ，
而響佢ｒｅｔａｋｅｏ既時候就識ｏ左我呢個貌美如花ｏ既媽媽，
呢位ｒｅｔａｋｅ師兄所有ｏ既功課呀，考試咁，都係多得我呢位小師妹幫助
就連響ｕ　ｇｙｍ個ｆｉｎａｌ，我地都係用ｏ左ｐｌａｎ　Ａ同Ｂ先可以成功出倒貓
而你爸爸先可以順利地響ｙｅａｒ２　ｐａｓｓ左ＡＣＹ１１１１，仲係ｏ岩ｏ岩ｐａｓｓｏ個隻呢！）
咁如果第時我地雙劍合壁就肯定事半功倍啦～好ｏ野～以後你ｏ既錢我管～ｙｅａｈ！

今日無貨，聽日再續～

正踏入死亡禮拜．．．．．．

>>April 6, 2003 at 3:43:49 PM GMT+8

2003 年 4 月 4 日 星期五 【陰】

今日起ｏ左身之後就睇網上連載ｏ既小說，結果比我睇完ｆｉｎａｌ　ｆａｎｔａｃｙ
睇呢個小說係因為我細佬沉迷ｏ左打呢個ｇａｍｅ好耐，而呢個ｇａｍｅｏ既銷量更遠遠超過無雙
結果．．．我而家又好想睇下有無呢套戲ｏ既小說賣喇．．．
之後同細佬打ｏ左陣機，當然都係三國無雙啦～真係覺得自己好差！因為竟然我細佬仲知得多過我～
真係好想睇ｏ左本三國演義佢呀～我好憎魏國ｄ人呀～不過好鍾意劉備ｏ個邊ｏ既人－－蜀是也～
我仲記得之前讀過ｏ既出師表同八陣圖其實都係三國入面ｏ既，而ｏ個時讀書就咁讀ｏ左就算
原來入面每一個將軍都有佢自己一個故事，司馬懿同諸葛亮，兩位敵對ｏ既軍師，各有謀略，最得我佩服！
呢一本三國演義簡直係羅貫中ｏ既極品，我一定要睇晒佢！

夜晚出ｏ左旺角，旺角依舊係咁多人，不過有好多人都有帶住口罩，只係無沙田咁多ｏ者～
旺角最深得我心ｏ既依然係佢ｏ既美食同ｔｒｅｎｄｙ　ｚｏｎｅ　ｏ既新ｏ野！
好似好耐無行過街，今日一次過補番數！！

不過．．．始終都未能開開心心咁渡過呢一晚．．．
因為．．．纏擾ｏ左我差唔多半年ｏ既電話，始終都係不斷咁打ｏ黎．．．
又係呀龜ｏ個個問題喇．．．值得信嗎？點解每一次都要搶番呢？我可唔可以發脾氣呢？
差唔多兩年半喇．．．大家識ｏ左都有兩年半喇，當中有鬧過交，有分開過．．．
我知道曾經響某一段時間發生ｏ左一ｄ野，我亦都知道響ｏ個一段時間有人出現ｏ左
不過我估唔到過ｏ左半年之後而家會攪成咁．．．好認真咁講，我係唔開心！
一段由旺角行到去尖沙咀ｏ既路．．．我無出過聲．．．
直至我聽倒一個好ｆｕｎｎｙ，不過我幾接受ｏ既一個比喻．．．
”我地ｏ既路係由旺角去到尖沙咀，尖沙咀就係我地共同ｏ既目的地，咁沿途上可能各自會遇上一ｄ人，咁可能會同佢打下招呼，傾兩句咁，途中我地都可能會鬧下交，但係我地都知道大家都係會同對方去到大家共同ｏ既目的地”
當我聽倒有人話我係最明白佢最了解佢ｏ既時候，我同時都好覺得最明白我同了解我ｏ既都係呢個人
而過往我犯ｏ左好多好多錯，好感激最後都得到原諒，
兩個人一齊總會遇上問題．識得點去解決晒呢ｄ問題ｏ既話就可以繼續一齊喇～
其實我好應該信你．．．只係有時我連自己都唔相信．．．對唔住．．．

之後我聽倒一個我無諗過會咁快聽倒ｏ既說話．．．
”不如我地下年大家賺倒錢之後一齊搬出ｏ黎住丫～跟住再一齊儲錢．．．”
嚇死我喇．．．我真係無諗過你竟然會咁講．．．

夜晚番屋企ｏ既時候，我細佬車我番屋企－－＞單車，唔好諗錯～個感覺好爽呀！
番到屋企之後，靜落ｏ黎諗ｏ左一陣．．．
都係覺得要珍惜眼前呢一切！唔可以因為覺得係必然ｏ既而唔珍惜！呢個世界係無必然ｏ既！
我唔想我再有後悔ｏ既事情出現！

還是多信你一次罷～
始終我知道只有你係最錫我ｏ既．．．
多謝你今晚ｏ既一番肺腑之言，我唔出聲係我用我個心去記住你所講過ｏ既每一句說話！

>>April 5, 2003 at 5:45:26 PM GMT+8

2003 年 4 月 3 日 星期四 【陰】

今日都算比較開心ｏ既一日，因為今日去ｏ左又一城傾ｐｒｏｊｅｃｔ，話就話用ｏ左３個鐘．．．
最唔開心ｏ既係．．．今日中大宣佈ｏ左考試會如期舉行，即係由４月２５正式日開始
咁即係話，ｏｆｆｉｃｉａｌｌｙ我得番一日番學ｏ既機會，就係４月１４，咁就正式完結我個大學生活喇～
不過，我手頭上仲有３個ｐｒｏｊｅｃｔ啦，３科ｏ既ｔｅｓｔ２啦要響考試之前攪掂～
不過我已經再上唔倒ｏ個ｄ堂喇喎，咁我點考點ｐｒｅｓｅｎｔ呢請問？
就算要再ａｒｒａｎｇｅ過ｄ時間比我地番學，咁響ｃｏｍ個時間出ｏ黎呢？
咁我即係而家洗唔洗努力ｄ溫下書同趕下ｐｒｏｊｅｃｔ呢？點解唔所以ｏ野延遲２個禮拜呢？
我最後ｏ既大學生活估唔到係咁樣完結，唔通咁真係會難忘ｄ咩？
我同ｄ好朋友仔諗住星期一番中大影下畢業相，仲諗住要帶下口罩影，當留下做一個紀念喎．．．
估唔倒就係因為一個突如其來ｏ既病令到我ｏ既大學生涯就咁終結～

琴晚．．．我個女唔識死咁接受ｏ左我ｏ既挑戰，大家鬥遲先訓覺～佢ｏ個度比香港快四個鐘
我同佢開戰ｏ既時候係香港１２：００ａｍ，佢已經係４：００ａｍ喇，我好有ｓｏ啦～
之後我以高姿態輕易勝出～大佬，我４：００ａｍ先訓，你都８：００ａｍ啦～ｙｅａｈ！

今日．．．傾完ｐｒｏ之後響又一城同ｔｒａｃｙ行ｏ左一陣，同佢齊ｏ左ｄ大露背露胸衫之後．．．
我自己一個人去ｏ左ｐａｇｅｏｎｅ睇書～呢一行真係令我好開心～
我好想同大家分享晒我所見所聞，亦好希望大家可以輕輕花幾分鐘睇我ｏ既描述！！！
一入去就見倒幾米ｏ既最新作品－－《幸運兒》即刻企ｏ左響度睇晒成本佢～
呢本書亦同佢之前ｏ既作品風格甚似，睇完之後都略有啟發，本書入面有樣ｏ野好得意
就係有好多幅畫都有佢之前作品ｏ既圖畫響入面，好似向左走向右走，微笑的魚同埋森林裡的秘密
就係咁．．．我發現原來我差唔多睇晒佢所有ｏ既作品，就只差《我只能為你畫一張少少的咭片》
而我最愛ｏ既始終都係佢ｏ既《照相本子》，真係好正，ｄ畫都係唔同ｄ，真係我最愛及推介書籍
呢本係我最想擁有ｏ既一本，因為我都係響書局無聊企ｏ左響度睇晒成本ｏ既！！！
之後我見倒《第二本書》，一打開發現如果要睇晒佢係要買ｏ左佢ｏ既，都係遲ｄ問呀女借啦～
跟住我見倒一本可以列入我今日好想買ｏ既書之一ｏ既書，就係《等候董建華發落》
其實我都好想睇呢套戲ｏ架喇，但係睇ｏ左佢個序之後我想睇本書多ｄ～
內容其實係講有好多個少年犯之前犯ｏ左罪，原本係等候緊英女皇發落－－即係判佢刑期，
而少年犯同成人犯唔同ｏ既地方係少年犯多數會獲得輕判，而呢ｄ少年犯因為犯事時間咁ｏ岩響回歸前
咁樣就由等候英女皇發落變為等候董建華發落喇～不過由於政治ｏ既關係．．．呢一批共１７位ｏ既少年至今仍然係坐緊監．．．一直響度等．．．連佢地都唔知道自己係等緊咩～
呢本書我諗睇完之後會幾悲．．．好想買，不過都係想有人買ｏ左借比我睇多ｄ～～
之後響暢銷書ｏ個個櫃度見度兩本以前睇到我喊晒ｏ既書～《海闊天空》及《地久天長》
係一本好ｏ岩中學生睇ｏ既書，係好勵志ｏ既，未睇過ｏ既我都好鼓勵大家去睇下．．．

睇完中文書之後．．．我就走ｏ左去睇英文書～
第一本我見倒ｏ既叫"Guide for the grown-ups"，係小王子個作者ｏ既作品
入面收錄ｏ左佢唔同作品ｏ既名句，唔係好大本，ｄ句子好ｇｏｏｄ～
本書底就發現ｏ左我響ｉｎｆｏ都擺ｏ左ｏ既一句句子，係響小王子入面我最鍾意ｏ既．．．
”You can only see things clearly with your heart！What is essential is invisible to the eye”
真係好ｇｏｏｄ，好鍾意ｏ個本仔書～又想買添～～
之後，我就去ｏ左搵" The hours" 即係套戲叫”此時此刻”，響呀女ｏ既引誘下我好後悔無睇到套ｏ野
（我連”芝加哥”都無睇到呀，其實我真係好想睇ｏ架！）
本書價值＄９１，有ｄ貴，唔捨得，不如買隻ｖｃｄ睇仲好！
之後又比我見倒"Lord of ring" 系列ｏ既書，我又好想睇－－＞因為又無睇第二集呀頂！
之後比我發現ｏ左一本好型ｏ既書，叫”street boys"，呢本書係睇ｏ左佢介紹之後好想睇ｏ既書
不過又係因為好貴ｏ既關係無買到．．．呢個世界原來想要ｅｑｕｉｐ下自己都係要花好多錢
知識原來係用錢買番ｏ黎ｏ架．．．．＞＜

有好多書都想買，但係最後都係一本都無買到！響書店逗留ｏ左個幾鐘就離開ｏ左ｌｕ～
不過我都覺得好充實，因為原來我想閱讀ｏ既心係咁強烈ｏ架！！
不過我真係好想知道有咩書係好ｇｏｏｄ而我又唔知ｏ架！有無人可以介紹下比我呀？？
tuesdays with morrie我都未睇呀，不過我想睇ｄ大家都覺ｇｏｏｄｏ既書書先呀！
我都係響ｏ岩ｏ岩個暑假先睇ｏ左who move my cheese咋，仲要係響小拜仁屋企偷佢ｏ既先有得睇咋！
我已經決定ｏ左要番中大ｏ既圖書館借多ｄ書睇，充分利用我響中大最後ｏ既所有權利！
不過就唔知借咩書好！各位好友可唔可以交流下閱讀心得呀！我而家好有ｈｅａｒｔ呀！

我好想睇ｏ左本三國演義佢呀！！！

>>April 4, 2003 at 2:43:10 PM GMT+8

2003 年 4 月 2 日 星期三 【晴】

今日又係留守ｏ左響屋企！不過今日好好，起碼睇完ｏ左多一本書，又同細佬打ｏ左好耐機！
終於唔係無無聊聊咁喇．．．by the way三國無雙ｏ既猛將傳真係好堅好好玩～～
我又回復ｏ左想睇完本三國演義ｏ既決心喇～－－＞其實真係幾難睇！文言文喎！～
今日睇番原來我上年７月已經開始寫呢個ｏｄ喇！原來上年７月我已經買ｏ左三國演義喇！
到而家都未睇晒真係有ｄ可惜．．．而家我又有番興趣想睇喇！因為個ｇａｍｅ太ｇｏｏｄ喇！

聽日本身１０：００ａｍ要去ｃｉｔｙ傾ｐｒｏｊｅｃｔ，之後一路打落去傾３次ｐｒｏ
不過．．．一宣佈話繼續停課之後．．．聽日就取消ｏ左兩個ｐｒｏ，唉．．．真係現實喇
仲話ｐｒｏｆｅｓｓｏｒ話可能因此而取消考試．．．唉．．．取消考試係應該開心ｏ既．．．
不過之前原本以為之後ｏ既日子會好忙，仲周圍同人講仲有好多野做．．．而家得條毛＞＜
世事難料．．．

我今朝就響度諗原本我星期一有考試，但係星期日又要番工喎．．．咁我好應該請個假啦！
真係又唔係好想番工！我情願響屋企就算唔係溫書都想請假～究竟最後我有無請假呢？
而家又話停課喇～咁即係星期一唔洗考試啦～咁我洗唔洗番工呢？？番唔番好呢？

我好想講．．．再停多一個ｗｅｅｋ課咁我真係有好多假．．．呢個４月係唔洗番咁滯～
１４號再番學，咁我番一日之後二三四又ｏｆｆ，之後又放復活節假，又無ｏ左星期一
即係成個四月我番得１４，２５，２６同２８四日～番四日學！想點呀？？？

星期三無聊ｏ既時候同ｄ朋友仔響度傾邊度有好ｏ野食．．．講講下先知原來我全部覺得好食ｏ既都係日本ｏ野！
不過其實都係多得我身邊ｏ既人不斷帶我去一ｄ新ｏ既地方食ｏ者～
講真又唔係好貴好貴，食餐好ｏ既唔洗餐餐麥當奴丫ｏ麻～最好都係我身邊ｏ既人永遠都會請我去ｄ豪ｏ既地方食～
第一個ｇｏｏｄｏ既係加太賀！有好ｇｏｏｄｏ既日本小食，多到你去十次都食唔晒！要多謝好細Ｏ！
唔係好貴ｏ者，最貴ｏ既係冰火活鰻－－－＞個名ｏ黎ｏ者唔好諗衰ｏ野！貴少少不過好好食～
之後就係和民喇！簡直係近期至愛呀～不過沙田ｏ個間我真係未去過！多謝小拜仁～
仲有元神ｏ既魚生係超新鮮同大份！不過ａｎｔ唔食魚生ｏ既．．．要多謝小龜！
中價少少呢係魚一丁同壽司亭．．．ｄ刺身係無得頂！多謝公司同事～
我好鍾意食ｄ好甜好新解ｏ既甘蝦！豪ｄ食牡丹蝦仲好食呀！！真係超級正呢～～～
仲有一間響中環唔記得ｏ左叫咩名ｏ既豪店！係小女子ｏ岩ｏ岩生日小拜仁帶我去食ｏ既～
ｏ個度ｄ蝦刺身係無敵好食！我仲叫ｏ左非常多！因為其實憬ｂｕｆｆｅｔ又超貴ｏ既關係～
食ｏ左咁多好ｏ野都係多得我身邊ｏ既人～不過如果小女子真係減肥ｏ既話就無得食咁多喇．．．

突然間好懷念成日一班朋友出去好開心咁食飯ｏ既日子呀～
我淨番唔係好多咁ｆｒｅｅ　ｏ既大學生活，除ｏ左想響中大食多ｄ　ｔｅａ之外
我仲好想同大家周圍去食好ｏ野呀～去飲下野傾下計都好開心好開心ｏ架～
旺角ｏ個間ｃｏｆｆｅｅ　ｓｈｏｐ啦，仙跡岩啦～係無聊地可以坐成幾個鐘傾計ｏ架～
點解開心ｏ既生活好似越來越少咁ｏ既．．．大人ｏ既世界原來就係ｆｕｌｌ　ｏｆ　ｓａｄｎｅｓｓ
我唔想大個，唔想唔開心，唔想成日聽晒人地講，唔想咁多唔公平，唔想永遠都係人地話事，唔想有人講大話呃我，唔想有人對我唔係真，唔想番工．．．
有太多ｏ野唔想喇．．．．做人好煩呀！！！


>>April 3, 2003 at 2:46:10 PM GMT+8

2003 年 4 月 1 日 星期二 【雨】

足不出戶ｏ既第四晚，我終於都出ｏ左街喇～因為好多地方都好危險ｏ既關係．．．
最後我去ｏ左又一城！去又一城要搭火車．．．火車上面係人人都帶ｏ左口罩，感覺有ｄ奇怪
一去到又一城，我已經忍唔住除ｏ左個口罩，因為好焗ｏ架，呼吸困難呢～
可能好耐無出去ｏ既關係，我好似個過度活躍症ｏ既兒童咁彈下彈下，狂跳狂彈．．．
最後比人”的”住我行．．．唔知有咩好做ｏ既我地一齊玩ｇａｍｅ，又真係好開心喎！
之後去ｏ左食飯，食飯ｏ既時候因為我見倒有隻蒼蠅飛黎飛去
咁我當然撥走佢啦，點知就係我一撥佢，佢就咁暈ｏ左．．．垂直跌ｏ左落我．．．對面ｏ個個人碗野入面～
之後我已經用最快ｏ既速度救番佢出ｏ黎．．．不過佢已經溺死ｏ左喇．．．
對唔住呀小蒼蠅．．．正響我哀悼緊小蒼蠅ｏ既時候，小倫不停咒罵我．．．話碗野唔食得喇
點知自己又即刻食．．．ｂｅａｒ．．．食完飯飯就兩條友繼續打機，仲破ｏ左紀錄添～
之後收倒ａｎｔｈｏｎｙ電話．．．佢話比我知張國榮跳樓死ｏ左．．．我初時都唔信
以為佢係愚人節玩我，不過佢好ｓｅｒｉｏｕｓ，仲有好多ｉｎｆｏｒｍａｔｉｏｎ
我心諗無理由作野作到咁ｐｒｏ啦，不過我身旁ｏ既小朋友就唔信喇！
之後響女廁入面聽倒條售貨員講，話而家即刻將張國榮ｄ碟擺出ｏ黎賣
因為有好多人已經搵佢以前ｏ既所有作品．．．點解永遠都係要響無ｏ左ｏ既時候先珍惜呢？
之後落ｏ左百佳諗住買ｄ野番屋企．．．點知．．．．因為一個流傳．．．
唔知係唔係個個都收倒呢個網上流傳話香港會成為疫埠，ｄ人係去超級市場搶咁ｌａｗ
我去到又一城間百佳，我以為又一城ｄ人有智慧ｄ啦．．．點知．．．．
乜都無晒．．．真係乜都無晒，又係一個奇景．．．
米無晒，係連糯米都無晒ｌａｗ，請問係唔係連糯米都要搶呢．莫非要整糯米飯？
廁紙都無晒？點解又無晒呢？唔通ｄ人要食廁紙？？？
公仔麵杯麵無晒．．．係咩麵呀意大利粉都無晒．．．ｄ貸架係空晒ｌａｗ
糖都無晒，薯片都無晒，我最愛ｏ既ｐｉｚｚａ薯片都無晒．．．嗚嗚　＞＜
益力多都真係無晒，就連美樂多都就黎無晒．．．．好ｂｅａｒ．．．現代人真係有ｄ蠢！
我地．．．咩都買唔倒ｏ既情況下走ｏ左去買公仔！當人人響百佳搶野食ｏ既時候．．．
我地就響百住搶公仔～又話呢隻馬騮印堂發黑，又話ｏ個隻有臭屎．．．激死．．．
之後有人仲將隻馬騮放ｏ左響雪櫃度．．．我就大聲話
”呢隻馬騮係由亞熱帶黎ｏ架，咁會凍死佢ｏ架！”仲要一臉可憐咁樣．．．
見倒同聽倒ｏ既人都真係ｂｅａｒ　ｏ左一聲～ｈａｈａ肯定以為我低能ｏ架啦！
結果，我地就係咁響百佳買ｏ左隻馬騮．．．

我睇晒小王子喇終於～－－－＞留意！！係英文版！！
而家就搵晒屋企ｏ既書出ｏ黎諗住睇晒佢～
多要搵多ｄ野比自己做～～～
小王子真係好好睇喎～～～～～～～

>>April 2, 2003 at 5:55:28 PM GMT+8

2003 年 3 月 31 日 星期一 【晴】

激死我喇！激死我喇！我最憎比人玩ｏ架喇！！好唔開心呀！！
浪費ｏ左我ｏ既擔心，浪費ｏ左我ｏ既憂慮，唔好講大話啦，點解個個都鍾意講大話ｏ架！
唔好以為你咁樣我就怕ｏ左你呀！我先唔怕呀！！
唔好以為今日係愚人節就大晒呀，要記得我講過兒童節係我ｏ既，我要禮物～～～～～

踏入足不出戶ｏ既第四日，我開始好似古代ｏ既千金小姐咁喇～
不過．．．唔好以為我真係會怕ｏ左呢個病，亦唔好以為我會怕ｏ左同我講大話ｏ既人
今晚．．．我就要征服你！

今日聽倒好多消息．．．又話香港會成為疫埠，又話中大會ｄｅｌａｙ考試．．．
唔好啦，我得ｏ個一千零一科中國社會，本身５月３考，再ｄｅｌａｙ真係唔洗去旅行啦～
橫掂而家有人肯請我（話時話都唔知封ｃｏｎｔｒａｃｔ有無寄失添～唔好唔請我呀～～～）
我借錢都要去旅行呀～不過真係驚到時人地驚肺炎唔比我入境！
我想去．．．韓國啦，台灣啦，泰國啦，日本啦，有錢想去歐洲，想去北海道
仲想番下大陸，去下拉斯維加斯順便去親戚倒住下玩下，咁大個女都未試過離開下屋企去第二度住！
仲有！我真係想去個畢業旅行，不過有人去ｏ左韓國有人去ｏ左台灣同泰國，有人又去ｏ左日本，咁點呀？點解我ｄ朋友仔個個都咁豪ｏ架？想就５個人都咁煩喇．．．
如果有人請倒年假陪我去旅行就好喇．．．請唔倒去長洲都得ｏ架～

今日．．．開電腦ｏ既時候，收倒一個朋友仔語重心長ｏ既ｉｃｑ　ｍｅｓｓａｇｅ
好開心，因為好似有人仲會真係關心我，我覺得呢個朋友仔好特別，雖然好多人唔係咁鍾意佢
佢份人好ａｇｇｒｅｓｓｉｖｅ，做事好認真，成日比人話佢擦人鞋，識投其所好
所以同佢共事ｏ既人有好多都唔鍾意佢．．．話佢扮晒ｏ野．．．想上位～
不過佢好似知道自己有問題，唔知點解佢會問我佢ｏ既處事方式係唔係好有問題，仲問我點解ｄ人會唔鍾意佢！
其實我真係幾服佢，佢真係肯放低晒所有尊嚴去問我，我諗佢真係好想去改．．．
結果係有目共睹．．．佢而家已經好ｏ左好多喇！其實．．．佢起碼對人係真心
我覺得我自己唔鍾意一個人，除ｏ左佢處事方式比較奇怪之外，最重要係你唔知佢係唔係對你真心～
我份人好真，有ｏ個句講ｏ個句，可能因此得罪過好多人，不過起碼我真！
呢個朋友仔佢都好真！佢係真心想改善自己，佢係真心地好學，上進，我真係好欣賞佢！
響呢個時代又有幾多人咁好學呢？至少我唔係！雖然佢讀書唔好，英文都唔係好好
不過佢真係好比心機去進修，而我呢．．．就因為知道份工辛苦而唔想做．．．睇ｏ黎我真係要向佢好好學習．．．
而雖然佢響佢感情ｏ個方面攪得唔係咁好．．．不過最近聽聞佢同佢之前個女朋友復合番，仲好好添！
雖然同呢個朋友唔係成日聯絡，不過呢個朋友仔都會關心下我，真係好難得～
同佢傾ｏ左一陣，發現佢諗ｏ既野比我更成熟．．．而佢又真係真係好上進
真係打從心底敬佩佢，或者我好應該向佢學習．．．佢都講得ｏ岩．．．ｆｉｎａｌ　ｙｅａｒ喇
應該以學業及前途為重，唔知點解呢，雖然唔會成日聯絡，又唔係真係好熟
不過佢好似好明白我咁，而佢有咩唔開心都會同我講下，我就會客觀地同佢分析～
人同人之間真係好奇怪，呢一日可能你地好ｆｒｉｅｎｄ　ｏｒ好恩愛，第二日就可能絕交ｏｒ分手
無人會知第二日會發生ｄ咩事．．．結論係．．．珍惜眼前人
無論係朋友又好，情人都好，都要以心相待！唔好話我老土，我真係咁覺得！

我有ｄ好好ｏ既中學ｏ既朋友仔，亦有好好ｏ既大學朋友仔，當中絕大部份我都係真心相待ｏ既
除ｏ左一ｄ唔係用真心對我ｏ既朋友仔，中學ｏ既朋友仔唔洗講係共患難ｏ既．．．
而大學ｏ既朋友仔呢．．．就係一齊衰啦．．．不過一齊玩多ｌａｗ
講真你問我讀大學辛唔辛苦，我就一ｄ都唔辛苦ｌａｗ，因為不停地玩之麻～
識ｏ左個真係乜都會同我講ｏ既龜，真係連ｄ好私人ｏ既都肯講．．．好鍾意ｏ個下比個五大家！
仲有個待人處事同我差唔多ｏ既ａｎｔｈｏｎｙ，你都影響ｏ左我好多～
臨尾比我識ｏ左個ｒｏｎｏ仔，雖然係多粗口ｏ左，不過都係一個肯傾心事ｏ既人！
仲有個幫我做讀書報告ｏ既死人女．．．
仲有個唔講大話呃我ｏ既ｒｅｔａｋｅ師兄～ｈａ～”你地ｓｈａｗ　ｂｕｓ班次特多！”
呢個大學生活無得頂呀！！因為已經打得太多ｏ既關係．．．我聽日會再講

有人話我個ｏｄ唔係記每日發生ｏ既事．．話因為我日日交流！
咁唔係ｏ既，有時係ｅｘｐｅｒｉｅｎｃｅ倒ｄ野而勾起你一ｄ既ｔｈｏｕｇｈｔ者～

仲有！無聊ｏ既時候我會睇書，ａｎｔｈｏｎｙ本英文版ｏ既小王子我都未睇晒！
陰公！我有ｄ字係唔識ｏ架下！！！仲話係比小朋友睇．．．．．
而家就去征服你～

>>April 1, 2003 at 8:05:25 AM GMT+8

2003 年 3 月 30 日 星期日 【晴】

今日．．．我都係留守ｏ左響屋企都係忙住發下呆呀呀訓下覺咁！我個人生越來越無聊喇！
琴晚又睇多ｏ左一次暗戰，真係好好睇．．．蒙嘉慧同劉德華ｏ既一段感情又係一個識得太遲ｏ既例子！
愛情總係會令人苦惱ｏ既．．．有開心亦都會有唔開心，唔可以話因為你ｅｘｐｅｃｔ會唔開心而分開
鬧下交係好平常ｏ者，唔開心咪ｔｕｍ番ｌｏｒ，只要大家相處ｏ既時候係開心就夠喇！
我自己都好簡單，我想我ｏ既男朋友仔錫我，關心我，了解我，明白我，覺得我重要
可能有時大家相處耐ｏ左會因為覺得對方響自己身邊你應份而唔珍惜
唔諗下就話要離開要離開，到無ｏ左ｏ既時候真係無ｏ左都無人可憐你！

琴日無聊ｏ既時候睇ｏ左一個朋友仔ｏ既ｏｄ，覺得佢同佢個女朋友仔好ｓｗｅｅｔ好溫馨
忍唔住令我諗ｏ左好多ｏ野出ｏ黎．．．
首先我要講ｏ既係呢個朋友仔係我其中一個ｇｒｏｕｐｍａｔｅ，絕對唔係好熟ｏ個隻
不過我真係深信睇一個人ｏ既ｏｄ係會令你更了解一個人ｏ既．．．
據了解．．．呢位朋友仔同佢ｏ既女朋友係上網識ｏ既．．．我好唔明白！點解響網上面可以識倒人呢？
講真係又唔知對方係邊個，你真係敢同佢見面ｏ架咩？一直認為ｎｅｔ　ｆｒｉｅｎｄ唔會係好人
無論男仔同女仔都係！！女仔就仲過份，因為輕輕都要有ｄ妗持先得ｏ架！女仔識要上網識男朋友一定係ｐｏｒｋ　ｃｈｏｐ！我話ｏ既！亦證實ｏ左係係地！！ｙｅａｈ
講番我個朋友仔．．．佢雖然同佢女朋友係上網識ｏ既，但係佢真係同佢女朋友好ｓｗｅｅｔ
睇ｏ左佢響情人節ｏ既ｏｄ，佢話自己面懞懞咁去買ｏ左紮花比女朋友
之後當日迫火車ｏ既時候比人狂望啦，不過一見倒女朋友見倒紮花個開心樣就咩都唔記得晒喇！
佢雖然係輕描淡寫ｏ左佢同女朋友ｏ既一ｄ好平常ｏ既相處，不過我真係覺得佢好錫佢女朋友
佢平時上堂釣魚，傾ｐｒｏ就講衰野講笑話，原來佢係一個對女朋友咁好ｏ既人，真係睇唔出！
情人節送花又真係有ｄ蠢，因為真係好貴！貴得好無道理！不過我都收ｏ左兩年ｏ既花喇！
係今年無ｏ左個情人節．．．唉．．．收倒花真人好開心，不過總會話”下年唔好喇！好貴ｏ架傻豬”
不過口ｏ個句都唔係心ｏ個句，其實真係好開心呢！不過又真係好貴咁．．．
可能好多人都會覺得呢ｄ係表面ｏ既ｏ野，又有好多人怕瘀而唔會拎住紮花等女朋友．．．
我都明ｏ既，響街見倒條仔咁樣我都會笑啦！不過都好想睇下佢個女朋友係點樣ｌａｗ！
除ｏ左花之外，去邊度食ｏ野都係好重要ｏ既，係唔係個女仔鍾意食呢？係唔係好多人要等位呢？
記唔記得ｂｏｏｋ定先呢？呢ｄ就係睇下個男朋友有幾重視情人節喇！
節日對於女孩子黎講真係幾重要，而男孩子就真係唔係咁重視，唔知點解．．．
好似我有個平胸ｏ既朋友－－＞好明顯係邊個！佢”之前”個男朋友就毫無情趣，佢話ｘ’ｍａｓ唔洗送禮物，因為佢唔係聖誕老人喎．．．ｂｅａｒ．．．
禮物唔係一定要貴，只要係有心意就得喇！重要睇下你用咩方法送份禮物出去．．．
唔係就咁比佢ｏ架，好似我有個朋友仔，佢男朋友送部ｍｐ３比佢，佢就將份禮物收ｏ左入卷廁紙度
唔係就咁收埋，係界ｏ左卷廁紙再塞入去，之後搵個好靚ｏ既筒包得靚靚地．．．ｇｏｏｄ呀！
我最鍾意ｏ既就係響００年ｏ既１２月３１日晚，響一片漆黑之中，收倒ｏ既承諾介指！
四周一片漆黑，伸手不見五指，抬頭一片星空，ｕｎｅｘｐｅｃｔｅｄ加超溫馨，至今仍難以忘懷
禮物唔一定要貴，最緊要對方鍾意對方ｏ岩用，你用幾多心機去送一份禮物重重要過份禮物ｏ既價錢
譬如話你送錶，送銀包其實係想佢成日見倒ｏ既時候都會諗起你，但係如果你送ｏ左比佢之後
佢係唔鍾意又唔襯佢ｏ既話就好大鑊，有個朋友仔，佢女朋友送ｏ左個好核突ｏ既銀包比佢．．．
佢用又唔係唔用又唔係．．．真係好痛苦．．．係心入面都埋怨個女朋友．．．

講ｏ左好多無聊野添．．．其實係因為我真係覺得好無奈，有ｄ男仔真係唔係咁注重節日
就好似ａｎｔｈｏｎｙ咁．．．我每一年都有送情人節禮物比佢，佢毛都無條比我，真係心淡呀！
識ｏ左佢咁耐，除ｏ左成日屈佢請食ｔｅａ，請飲茶之外都無收過佢ｏ既禮物喇！
雖然佢有份揀生日禮物比我，仲出手闊綽，咁又點呢？你地個個份生日禮物都係我諗我去揀我去買ｏ架！
ａｎｔｈｏｎｙ真係好無心肝好無情趣呀！淨係識打電話比我叫我唔好番學！
又唔見佢約下我地出去玩ｏ架！每逢放假佢就係第一個失蹤ｏ架喇！
我日日都ｕｐｄａｔｅ佢ｏｄ，不過佢就成日都唔ｕｐｄａｔｅ，留言比佢佢又串你喎！
我好唔鍾意呢個朋友呀，好囂張呀！ｒｏｎｏ都會睇下我死得未啦！我識ｏ左佢三年呀，無心肝呀！
心都灰啦，枉佢仲話永遠都會支持我，支持條毛呀！！！！！

>>March 31, 2003 at 3:29:00 PM GMT+8

2003 年 3 月 29 日 星期六 【晴】

悶悶悶悶悶悶悶悶悶悶悶悶悶悶好ｘ悶呀！！－ˍ－凸
星期日，又係響屋企發霉喇！除ｏ左可以一個人響屋企唔開心之外仲可以做咩呢？
電話依舊都係無響過．．．唔通就連電話都會傳染肺炎咩？
日日響屋企聽心淡，真係心淡喇．．．咩都做晒喇！可以做ｏ既我都做ｏ左喇！

今日無聊照鏡ｏ既時候，突然覺得自己ｏ既”黑眼圈”無ｏ左，眼袋都唔見ｏ左！
不過為ｏ左要再靚ｄ！我已經決定ｏ左要買ｄ野整走黑眼圈！！！！！！！！係要買！點丫～
我一定唔會好似ｄ　ｃｈｅａｐ人咁去卓悅買埋ｄ　ｃｈｅａｐ野！
因為響ｏ個度買ｏ既話用ｏ左一定會盲！－－＞係我講ｏ既～唔盲我都咒到你盲！
我已經做過ｒｅｓｅａｒｃｈ，好似ｂｏｄｙ　ｓｈｏｐ同ｎｅｕｔｒｏｇｅｎａ都ｏｋ
下次．．．我一定一定會搵小拜仁陪我去買！－－＞不過唔係叫佢比錢！－－＞我唔係咁ｃｈｅａｐ！
仲有！！！！因為受唔住ｄ好耐無見ｏ既朋友仔話我肥ｏ左（雖然都有話我靚ｏ左－－＞根本我知道呢個係事實）我已經決定ｏ左減肥！！
唔係要減到好似呀龜咁連個胸都無埋！係要減到著咩衫都咁ｆｉｔ！
夏天就ｏ黎到喇！要靚靚就要比ｄ心機喇！我要靚！我要靚ｄ，靚ｄ，再靚ｄ！！！
當然外在ｏ既靚無內心ｏ既靚咁重要啦，不過內心ｏ既靚我已經好有啦～ｈａｈａ
只係有ｄ人唔識欣賞ｏ者～～～～～～～
好可惜呢幾日響屋企食完就訓訓完又食，想減都真係幾難！！

琴晚因為無聊又訓唔著ｏ既關係．．．唔好問我點解訓唔著！
原本我習慣ｏ左同最愛ｏ既人傾完電話之後就訓ｏ架喇，不過．．．
琴晚唔覺意睇無線ｏ既時候，睇睇下套ｏ野又好似幾好睇咁！開頭仲覺得好ｌｅｕｎｇ
不過到最後睇到做完！雖然係大陸制作，不過內容都幾好睇，睇完之後仲會令你思考下添！
故事係講有一對男女，男ｏ既同拍拖五年ｏ既女朋友分ｏ左手，而女ｏ既又同拍ｏ左好耐拖ｏ既男朋友分ｏ左手，兩個其實都好想同自己ｏ既另一半結婚
呢對剛甩拖ｏ既男女相遇就一齊玩ｏ左成晚，玩完之後就傾計傾天光，響公園度訓ｏ左
第二朝一起身眼前見倒有一對新人影緊婚紗相，於是又萌起結婚ｏ既念頭
於是呢對只係識ｏ左一晚ｏ既男女就響即興ｏ既情況下第二日就即刻走ｏ左去結婚．．．
結婚ｏ既開頭係甜甜蜜蜜，一齊佈置新居，煮飯仔，要幾溫馨有幾溫馨，接放工，二人世界．．．
真係攪到我都即刻想結婚玩下～
不過當激情過後，問題開始出現喇，雙方之前ｏ既情人都出現搵番佢地求復合．．．
佢地兩個響互相猜疑ｏ既情況下就鬧ｏ左交．．．仲攪到要離婚．．．
響準備離婚ｏ既時候，女的發現自己好似有ｏ左ｂｂ，於是男的又好似以前咁錫佢喇！
點知．．．原來唔係有ｏ左ｂｂ，男的即時嬲到又同女的大炒一鑊，憤然離去．．．
雖然兩個人唔係識ｏ左好耐，就只係”兩個月”，認識唔係好深，但係佢地都係深深咁愛對方
大炒一場之後，男的為面子唔搵女的，女的亦唔敢再搵男的，就此無再聯絡．．．
就響呢個時候播ｏ左隻”ｗｉｔｈｏｕｔ　ｙｏｕ”出ｏ黎！應晒景！
而佢地ｏ既情人都分別搵番佢地．．．
真係唔明白，明明兩個人係真心相愛，但係因為其他ｏ既因素而被迫分開ｏ左．．．
當然最後係大團圓結局啦～如果係現實ｏ既話就無咁好彩喇．．．

令我諗番起向左走向右走ｏ既男女主角一樣，一個永遠向左走一個永遠向右走．．．
一次偶然相遇令雙方都感到自己終於找到最愛，可惜天意弄人，因為雨水淋濕ｏ左佢地交換電話ｏ既紙仔，就係咁樣而無從聯絡．．．
亦因為佢地永遠一個習慣向左走一個習慣向右走，令到原本就只係住在隔壁ｏ既佢地永遠相遇唔倒
而其實響好多ｏ既時候，只要佢地是但一個肯拎番轉頭ｏ既話就會發現對方響自己身後．．．
佢地兩個唔知錯失ｏ左幾多次重遇ｏ既機會，心．．．真的灰了．．．

呢本書好好睇ｏ既原因係真係能夠扣人心弦，有好多時候都係咁樣，可能真係差一秒
又或者真係只係自己無留意．．．所謂”有緣千里能相會，無緣對面不相逢”
多數有呢ｄ橋段ｏ既戲，大家都會ｄｕｍ一下春．．．點解要咁玩佢地呢．．．．
唔知到真係有呢套戲上畫ｏ既時候，又會有幾多人識欣賞呢？
不過除ｏ左緣份之外．．．時間性都係好重要ｏ既．．．我亦深明呢個道理

希望世界上唔好有太多”識得太遲”ｏ既情況出現啦！唔係次次都可以有ｈａｐｐｙ　ｅｎｄｉｎｇ架．．．

>>March 30, 2003 at 8:32:45 AM GMT+8

2003 年 3 月 28 日 星期五 【晴】

結果我今日係成日都響屋企交流．．．無出過街．．．
訓醒就食，食完又訓，成日都係攤ｏ左響張床度！如果你問我今日做過ｄ咩．．．
我會答”我自己都唔知～～～～～”
我唔想日日都係咁呀～～我仲有好多日假呀！！
不過今日比小拜仁訓話ｏ左一輪．．．ｓｏｒｒｙ呀！我都知我唔識諗ｏ架喇！
好悶．．．
一個人唔知有咩做ｏ既時候係會唔開心ｏ架～
除ｏ左因為一個人響屋企會諗ｏ左好多唔開心ｏ既ｏ野出ｏ黎之外．．．
原來一個人響屋企無ｏ野做會覺得好寂寞ｏ架！
總之而家係好唔開心好唔開心好唔開心好唔開心啦～
唔好問我點解！總之我係好唔開心！
電話一日都無響過～一個病攪到大家都疏離ｏ左咁！！
想知道我死得未又關心我ｏ既人又有幾多個呢？

我今日無番到工，我想以後都唔番喇！
比心機讀書仲好啦！

咩都唔好問我喇！
無ｏ野做個人好閔呀！
而家最好唔好惹我呀！我會打人ｏ架！！！！！！！！！！！！！

>>March 29, 2003 at 4:13:35 PM GMT+8