2003 年 1 月 1 日 星期三 【晴】

今日去左嘉年華玩
同上年一樣既朋友仔
都有玩番上年玩過既野
係好開心law
其實d game唔係話好驚好恐怖
不過係玩得好開心
係好想講粗口同好想笑
結果係玩咁多個都係狂笑地玩...
每一個我地玩既都真係好好玩
直到最後o個個...
真係好激動
係要凌空倒轉你再360度轉
狂轉怒轉
個頭同隻耳係撞到好痛
係想嗌都嗌唔倒law
有d人想話爆粗都話唔敢擘大個口,驚咬親條利...
係唔係bear...
不過真係好開心
估唔倒十蚊(要重申係一個幣!!!唔係一蚊!!!係十蚊!!)
估唔倒十蚊都咁激
仲要玩勁耐都未停
玩完之後大家既耳仔都紅晒
因為真係撞得好利害...好鬼痛, 到而家都仲好痛 ><"
d人仲嗌"hong kong people one more time!!"超bear
死人anthony仲勁
一路玩一路可以影我地相...仲係要超醜~~呀龜棚死人牙真係好鬼攪笑...
不過我地無玩過攤位
因為覺得呃錢同無聊
呀女話比佢有錢既話佢會用黎買過個公仔唔會掉喎

好開心好開心
多謝tracy份好豪既手信多謝晒!!仲有你對好sexy既波波
真係唔影多幾張相都唔得啦
當然仲有呀龜既qoooooo啦
咁好既野梗係要同呀女分享啦!!

其實今日先好似同anthony慶祝birthday咁
今日先送禮物比佢
不過真係好希望佢鍾意個mp3啦
因為真係行左我4次咁多架
仲要係問左好多人既意見啦,我都覺得自己好煩
雖然係響諗唔倒買咩既時候突然間提出買呢樣
但係我地都會覺得係真係會好鍾意...
睇左一萬間先買架咋...
希望真係o岩用啦...

之後食左餐好豪既晚飯
都唔知點解咁豪
之後去左玩....
都真係好瘀...
仲好似好叻咁...(你地唔係未玩過呀???點知...)
好在得三個人者....
唔好話比人知呀!!

病仲周圍去玩
係咁狂fing...
都真係未死過
我呢d老骨頭
真係要查番d"安美露"先得...

今日攪笑既野真係太多
好想寫低佢第時再笑過
1.罰你老豆老母600蚊,告佢地生左你呢舊垃圾掉響街
2.呢度d翻版出得好多好快呀,呢度有好多未婚媽媽(仲要比我地睇倒個廣告)
3.呀龜既一對qoo同埋無電既電話繩(仲要堅持要試你打電話比我啦快d)
4.你地唔係未玩過呀....點知...

今日係好開心既一日
多謝各位細O!!!

之後玥去唱K!!

>>January 2, 2003 at 4:17:26 PM GMT+8

2002 年 12 月 31 日 星期二 【晴】

唔係話唔想寫日記
但係之前寫左一大篇之後竟然唔知咩事upload唔倒
超灰
所以唔係好想再打番...

證清番先
我既朋友王係無指明話係邊個
只係一d好social既人既統稱
正如anthony係薯條王我係大通王一樣
大家唔好亂諗

今日又收倒霖霖既長途電話
條死野原來有睇我既日記
咁你可以留下言既其實
唔洗擔心你只係寫英文會比人歧視架
唉
其實我個人都幾懶架真係
因為想寄越洋聖誕咭一定要去郵局
咁我就一路都無寄到
寫我就真係寫左架喇
不過就真係未寄...
而我d朋友仔個個都有早無遲咁就寄左比我
有d自卑添
有心唔怕遲既
hehe

元旦係一年既新開始
好可惜我第一日就病左
不過琴日倒數真係好有氣氛
響尖沙咀真係有狂多人響文化中心
迫到郁都郁唔倒呆等倒數
好似好無聊咁唔知做咩響度倒等count down
仲有幾次玩野既假倒數
之後望過對面海庭野度竟然有超大燈飾倒數
大家狂開心咁由30開始倒數(都唔知點解要由30開始嗌到喉嚨痛...)
當數到零既時候氣氛真係超好
好多人噴晒野呀,又有好多人酒d閃令令既紙呀,當然仲有好多人掉螢光棒啦
個場面真係好靚...
不過之後清潔既就真係好慘...
而我
都係擾攘左5分鐘就走左喇,響電視度擾攘既青少年絕對無我份!!!
個氣氛真係好好
雖然倒數之後就走好似只係為o個秒咁...
但係真係好開心!
我真係希望以後都要同bubu過!!

>>January 1, 2003 at 4:24:20 PM GMT+8

2002 年 12 月 28 日 星期六 【晴】

今日係family day
係同屋企人出街飲茶既日子
再同媽媽行下街睇下野就番屋企
係唔係好忙呢
唔係...
都唔知可以寫d咩出黎

結果...
睇左anthony比我既留言仲有佢自己既homepage
終於覺得我有個好知音
可能真係得anthony先同我一樣咁自我唔會理其他人點睇你啦...
可能咁樣唔係一件好事
不過我真係唔想做到咁假...
唔知呢
真係唔識我既人一定會覺得我好串好賤格呀咁
不過唔緊要丫
我都唔識你既,你點睇我都唔緊要啦
識我既人知道我係點咪得law
我有一班好朋友,有中學既好朋友,大學既好朋友,同工作上既好朋友咪夠law
有一班真心既好朋友都夠啦
唔係一定要做到朋友王咁既

總之我之前份工我覺得受氣我咪唔做law
咁又點者...

又唔可以話今日咩都無發生過...
不過真係好煩...
係要你諗一大餐都唔知應該點o個呢...
都唔明白點解成日要自己收埋收埋黎唔開心...
真係無乜mood寫落去喇
sorry....

>>December 29, 2002 at 4:08:02 PM GMT+8

2002 年 12 月 27 日 星期五 【晴】

今日同狙呀女出左旺角...
陰公真係勁多野想買黎食...
因為旺角真係一個美食天堂,係會令人失控架
好在呀女從旁控制住我
如果唔係就真係肥多幾磅
買左份禮物比呀仔...
唉...呀仔就要走架喇,個個都走晒淨番我地d爸爸媽媽響度...
真係想一家團聚影下相都唔得...
遲d連大口恩都走埋喇...
咁就真係所餘無幾喇!
其實有得去exchange係一件好事
真係唔係咁多人都可以有咁既機會架
有機會就真係要努力d喇...

之後響沙田豪左餐tea,都真係ok豪架下
一餐tea都咁貴
不過大家都食得好開心啦
esp呀仔啦
全程都有個女朋友仔餵佢食野
雖然好鬼死肉麻同好鬼死嘔心
不過見倒佢地咁都幾慘既..
因為都真係臨別抽波啦
其實又真係好慘既...
不過好攪笑law講野既時候死人anthony又relate到去d衰野度
呀女又跌左張咭落條gap度...好在anthony捐落去執番咋!!我地寫得咁辛苦.....
雖然有時有d dead位...不過大部份時間都係hehe haha既

影相既時候真係好攪笑
原來大家互影係好開心既
仲有...anthony真係串在骨子裡,串人唔洗本咁...
可惜大家都有下一場啦...影唔夠唔開心><"

之後響駕駛學院見倒個朋友仔
同佢傾左一陣
都發現左好多野
竟然比佢話我做人唔得圓滑
唉...
都係做番自己最好
我真係唔覺得圓滑係好law
因為都真係ok虛偽
做倒朋友王咁又點丫
social王咁又點者?
比人地既感覺係好假
雖然唔得圓滑好易得罪人同比人地既感覺係唔友善
不過好似我身邊好多既朋友仔都係咁樣
就係因為佢地都係咁樣我先放心同佢地做朋友
好在我d朋友仔都話唔鍾意d咁假既人...

小bu就真係慘慘啦
唔見晒d野
不過唔緊要啦
錢財身外物o者
最緊要係你無事呀!
求下你唔好唔開心啦!!

>>December 28, 2002 at 5:05:38 PM GMT+8

2002 年 12 月 26 日 星期四 【雨】

嘩嘩嘩
今日真係超級凍呀...
可憐我仲要早起身番工...仲要住響新界...真係好慘
原來我已經有7日無寫日記喇
之前無寫係因為無野可以寫
聖誕節唔寫係因為完全無番過屋企無上過網而無寫...
人...總係會搵倒藉口既....

聖誕節點過先最開心?
當然係唔洗自己一個人過啦...
平安夜o個日我番左公司開party呀
真係好開心因為上到大學已經無左聖誕聯歡會既野喇,有得一班人開開心心一齊食下野一齊玩下
之後仲可以交換禮物真係好開心呀...
之後好多謝anthony出黎陪我傾計,仲大定一齊唔想走咁添
真係好耐無見過anthony喇
見倒面先發現原來有好多野大家都唔知
傾下傾下就傾左好多野喇...
之後呀bu成班朋友一齊又玩番上年既野...都好緊張呀...
之後又到交換禮物既時間啦
都唔知道點解次次都抽唔倒d自己想要既禮物...
算啦
都係大家開心下者...
不過個日真係好眼訓...
結果訓到第二朝都唔覺...
起身之後最想既係番屋企沖涼洗頭...
好似好攪笑咁,之後就去左睇harry porter
估唔倒真係要做咁耐
不過都幾好睇丫,比50蚊有咁多特技想點呀?
睇完之後都好夜喇...想搭地下鐵既時候
佢竟然好絕咁"是日列車並無廷遲"...
bear
咁唯有....
三個一齊訓啦...
夾響中間既我真係比你地玩死
呢幾日真係好開心
好似番左去以前既生活咁
真係唔想咁快就放完假...
仲要早起身番工添....
第時既生活都唔知點喇
而家就話想走堂就走堂者
之後唔可以想唔番工就唔番工架...

anyway...
今個x mas玩得好開心
我以後既都要好似今個x mas咁
呀bu唔會走得甩架喇....
無左你又點算係聖誕節呢??

隻手打到好凍呀
可以點呀?

>>December 27, 2002 at 3:57:11 PM GMT+8

2002 年 12 月 19 日 星期四 【雨】

今日同左呀女同呀龜出左尖沙咀行街街
食個tea都食左好耐...
一路響度講下有咩戲好睇
講下講下就唔覺時間過左
大家雖然係行緊街
但係都只係顧住講野...
係勁講狂講
就好似十年無見過咁
雖然係交流...但係都覺得好開心好充實!
唔知以後仲有幾多咁既機會呢...
呀女都要走喇....

之後同屋企人去左食自助餐
雖然我被屈要請...
不過都真係幾開心
好難得可以一家人聚埋一齊開開心心食餐豪既
用錢買倒開心
咁又有咩所謂呢...
雖然o個d係我辛辛苦苦賺番黎既錢....
不過賺咁多自己一個人開心有咩意思呢...
以前就會覺得食自助餐係好奢侈
有得食都已經好開心
而家其實自己唔難食倒
爸爸媽媽就少d...
見倒大家咁開心就無所謂啦!!

開始睇"我的心中每天開出一朵花"
又係一本幾米既書
希望可以好快finish啦
多好想睇多d有深度既戲
睇完之後令布有好多思考空間o個d呢....

>>December 21, 2002 at 1:52:13 PM GMT+8

2002 年 12 月 18 日 星期三 【晴】

又有兩日無寫日記...
因為呢兩日都要番工
但係又好夜先番到屋企喎
響公司就已經對住個電腦
番到屋企又狂眼訓喎...

其實呢份工真係幾好
雖然好遠...
響銅鑼灣,每日都要早個幾鐘出門口
不過呢間公司d人好free
因為絕無打咭制度
個個有遲無早
lunch又超時
一夠鐘放工就走人...
佢地又好好paid喎
同事又好又有禮貌又好開心
成日有平野買倒...hermes喎
千幾蚊既一個鎖匙扣佢地可以百幾蚊就買倒喇...

呢d咁既工真係幾難搵...
你話做big4 o個d人工又唔係話多但係就做到你死
OT又多...天鬼死咁辛苦...
其實就真係depends on 你自己想點架者...
睇下你想唔想上位law...
唉...
我都唔知自己想點
KPMG我有third round呀!
唔知會唔會in得好呢...
究竟big 4 請唔請我
我又做唔做好呢...
始終係一個好大既問題!!

12月19日
suppose係我地既兩週年紀念
我又點會唔記得丫...
不過下年就再唔係呢一日lu...

就黎到聖誕節喇!
今年會點過呢....

>>December 20, 2002 at 5:12:11 AM GMT+8

2002 年 12 月 16 日 星期一 【晴】

今日考第一科亦係最後一科
咁就考完喇!而家我係sem break!不過聽日又要開始番工喎...
考完一個試既感覺真係好好
好似放下左心頭大石咁...終於可以抖下喇...
溫左都唔算係好耐,不過真係有心去溫,好比心機去睇番...
做既時候好有滿足感,因為我覺我自己真係識入面d野
好耐無呢種感覺喇...
以前次次考試都係臨考之前個o個晚勁溫
到考既時候其實都唔係好明問緊d咩...esp佢係出MC
好多都係出貓,都唔知讀過d咩,只求碌過就算...今次真係唔同
雖然真係唔知究竟錯左幾多岩左幾多,但係真係有d考試既感覺!!

講番無間道...
真係一套好好睇既港產片
估唔倒大家竟然狂討論
可惜我考緊試唔得閒回大家...
個感覺真係好好...
港產片都可以令人地有所啟發...真係有d感動...
睇完之後會好鍾意梁朝偉,因為佢實在太正喇...

今日上左何宿
去左呀女間房老笠左佢本書
真係覺得住宿幾開心
又可以玩下forum...又有好多同宿既朋友仔
算啦
都year3喇
讀下書搵下工啦....

呢排都因為呀龜既野而好煩...
我講就好似好易咁
其實我都知道要做係好難既...
不過當你真係發現另一半呃住你做埋d咁既野
又真係會幾心痛有d想死既感覺既...
面對住愛情既問題
受傷唔開心既永遠都係女仔
因為女仔真係會擺好多心機好多時間落去
唔知呢....個感覺好奇怪...

>>December 17, 2002 at 2:26:07 PM GMT+8

2002 年 12 月 14 日 星期六 【晴】

睇左無間道...
真係好好睇
睇完之後令人有d心up...
雖然要溫書
但係都覺得好值得
因為真係好好睇
我覺得我好叻
因為我知道佢up咩
定係你蠢唔知呢??haha

可能我心情真係唔係太好
竟然發好大既脾氣添....
對唔住...

不過
因為我就黎考試既關係
唯有之後再講過無間道比我既啟示......

琴晚沙田馬場放煙花
岩岩放左工既我響車上回望既時候竟然都比我見倒...
真係好靚...
雖然你第二次親眼睇倒
但係都覺得好震撼
不過...
靚既野永遠都好短暫
永遠都留唔住...

>>December 16, 2002 at 7:46:33 AM GMT+8

2002 年 12 月 13 日 星期五 【晴】

今日又係無乜溫過書既一日...
雖然都係番左中大溫書...但係真係無心情溫書law

今日比琴日更恐怖,更少人更冷清...
可能因為今日係星期六啦...
不過見倒呀paul
佢番左黎喇
ccba 既老鬼係仲有個好人既
好友善咁打個招呼
一d都唔假
我最鍾意呢d
入到大學真係學識左好多現實!!想搵d好真既人都唔係咁易...

入到牟拉...溫左一陣...
忍唔住就訓著左喇....仲發左兩個夢添!
圖書館真係一個訓覺既好地方
醒左之後就即刻走左喇
完全無溫過野....bear

之後入左shaw問人借notes影印
再一次覺得中大真係好大
大到有d想死既感覺
初初入黎覺得咁先有校園氣息
可以搭下校巴遊下
不過有時真係幾唔方便....

真係好覺得番學校溫書無乜意思
都唔好玩既...
真係year3好多野都唔同左
再唔會一大班朋友一齊好開心上堂
好開心食lunch之後再食tea
而家係想搵日夾唔係dayoff都難...根本係見面都見唔倒...
如果想開開心心幾個好朋友一齊上堂既話我諗真係無可能喇...
淨番可能係崇基assembly law
仲係得7次...最後7次唱校歌喇...
真係有d唔捨得...

聽日去睇無間道
唔溫書住喇
橫掂都係溫唔入腦架啦!!

呀龜
聽日唔好溫書住喇...
無得番中大喇
星期一先啦!

>>December 14, 2002 at 6:01:56 PM GMT+8