2005 年 8 月 31 日 星期三 【酷熱】

今日難得地無約人……放左工，本來都想自己行下街既……不過諗起阿媽話佢可能聽日或者後日番下鄉下，咁所以我諗住陪下佢食飯囉。

又一次去到樓下既「強記」。我明明已經同自己講過好多次，以後都唔再黎，因為呢度既服務近乎係我去過既茶記中，最差既一間。不過，偏偏我又好鬼死中意飲佢地個螺頭湯，唉……

食到接近尾聲都好地地，無乜野既，點知佢突然講起大哥同二哥單野……講到幾激動呀……我最怕，就係佢係公眾地方扮人地講野……永遠都好大聲，係人都聽到佢係度扮……好尷尬呢…….

一講就停唔到口，講左約半個鐘。期間佢每一句說話，都係幫住二哥，話大哥唔好。佢又話唔知有咩方法，當我嘗試同佢講，佢又只係不停咁講大哥同大嫂既唔好。其實……一家人，講呢d，有咩謂呢。正如你唔中意大哥同家姐講二哥既唔好野，點解你又不停對我、對家姐、對二哥都會講大哥大嫂既唔好野呢???

想起鍾生金句﹕「要管理人，先要管理自己。」人總是欠缺自省能力……

有時候，金石良言彷似空洞，往往被視為老生常談，但其實萬千經驗和智慧蘊含其中。

又黎家變?! 第幾次喇? 次次唔係有人話要自殺，以死相脅，就係有人話要離家出走，一係有大耳lung上門，一係兩公婆要離婚、仲要帶埋d仔女走，今次仲要扮酒店風雲街市版……

夠喇，放過我啦好嘛?!

係唔係所有人，一定一定要等到失去左至懂得珍惜?

一個有心，但不可思義地衝動的8號大哥；
一個唔知有無心，但包容度極高的軟皮蛇7號二哥；
一個無心，但能幹而且有能力照顧阿媽的8號家姐；

而我……究竟係咩number呢，呢期好疑惑添……
我知我唔係Dr.教既果種2號仔，不過我睇好多其他書，我發覺我好有2號仔果種中心思想。Dr.教果種係一個完美既助人型，但我真係覺得唔岩囉，邊會有一個no係完美架?!

我尋晚岩岩係APM買左另一本9型人格既書，我覺得入面講既2號仔真係好似我囉。加上我之前睇好多其他Enneagram既書，我都真係覺得我似2號多過8號。

唉……再慢慢摸索下先啦，而家未有定案。
--------------------------------------------------------------------------------------------------------------------

尋晚放左工同希文去APM睇多次「哥哥我愛你」。先前預計用4包紙巾盡情咁喊，不過最後只係用左包半。原因係，我總係「凝」住希文會係咁留意我點喊、幾時喊……我唔中意呀……搞到我好似係度表演咁……唔識講……結果一完場佢就同我講，話我只係用左兩包紙巾喇……拿拿拿，果然真係有留意住呀！ 噫……你唔好咁啦！

無論如何，套戲真係好好睇。

--------------------------------------------------------------------------------------------------------------------

呢排上阿Paul既投訴處理training，成日諗番起有好多野，之前Dr.都要求我要做到，例如﹕
¨ 聽電話時把聲要扮溫柔、sweet，仲要把聲好似笑緊咁
¨ 唔可以講「但係」
¨ 用詞要positive
¨ rephrasing (之前Dr.用既term係 “reframing”)
¨ 認同人地講既野
¨ 代入對方感受
¨ 接收者既感覺係最真
Dr.話每一個詞都係一個concept，我愈來愈明白了……

雖然佢的確做過d令我非常嬲爆既事，不過今日我講「一個好老師」時，都不禁要講佢。佢的確曾令我學到一d好重要既野。

過去的，讓它過去。讓那都是寫在沙上的字好了……

多謝老師。

--------------------------------------------------------------------------------------------------------------------

提早了兩日發生的屋企風雲，你也會是沙上的字嗎? 求你快點隨風而去吧……


>>September 1, 2005 at 3:38:31 PM GMT+8

2005 年 8 月 26 日 星期五 【綿綿細雨】

今晚睇左一個我一早已經話想睇，但係未睇既網站﹕「阿咩吉場」。

認識呢個網站係因為前排既書展，有朋友話特登去買呢本同名既書，仲話「咩媽」係果度簽名添；另外，前排無線既節目，都介紹過呢件事。

聽講係有關一個好活潑開朗既女仔，患左cancer，但仍然非常開朗。最終佢都未能夠戰勝病魔，而佢離開左之後，就由佢果個原本係一個平凡家庭主婦既媽咪，一直繼續幫佢update呢個網站，彷彿讓佢呢個女兒既生命，於網上一直延續落去……

睇左阿咩既相簿，發覺原來阿媽係個都幾靚，而且好可愛既女仔。佢影左好多張相，張張都笑得好開心，佢既笑容，可以融化好多人……睇佢既簡介同日記，覺得佢似乎好懂得欣賞同appreciate身邊既人，真係一個好positive既女仔，仲有就係原來楊千嬅都曾經去探佢病架。

開朗背後，因為佢都係一個人，始終有唔開心既時候。相信佢離開前係中意左一個男仔，不過個男仔對佢唔好。佢又識左一個網友，但個網友唔懂得尊重人，成日都囉「阿咩」既病黎講，仲笑佢係「癌人」添……

不過佢始終都盡量保持自己好positive，就算係提起做化療，佢都好似無咩特別介意咁樣。我覺得，佢真係好叻。

我又想起前排睇果套「哥哥，我愛你」（點解好似仲未正式上畫?），又係講入面既小朋友，以笑黎面對癌症。

佢地唔單止叻，其實係好聰明，因為佢地咁樣先至係珍惜佢地既每一日，而且過得開心又有意義。我相信如果換左係我，我一定日日只係識得喊，浪費埋餘下不多既日子。

點解，我發現，好似開朗既人特別易患cancer既?! 好似我患cancer離開左既兩個朋友，生前都係朋友堆中既開心果、小天使……真係唔明白呢……

無論如何，我相信你地正過著好開心，好free的生活，以另一種方式延續你地既生命，祝你地永遠愉快！

---------------------------------------------------------------------------------------------------------------------

呢排又開始蘊藏「屋企風雲」了，聽說8月31日會係個決定性既日子……阿媽呢幾日都好似好火咁，唔知同呢件事有冇關係呢……

唉，Ken哥，都叫左你，收手啦，何必迫自己入末路……? 只怕，到時無人可以救到你……

到底我係唔係信錯左你呢……? 我以為你會生生性性，為左而家呢個女人，收心養性；但究竟，你有幾多號既愛人呢?

別再玩火了！


>>August 27, 2005 at 4:33:58 PM GMT+8

2005 年 8 月 25 日 星期四 【酷熱】

岩岩個星期三，同左大家樂既秘書出去食飯。佢地分享左好多野，我獲益良多之餘，覺得人地呢d做秘書既真係好叻囉，除左見多識廣，仲係一部不折不扣既人肉電腦添，佩服佩服！

食完飯，走既途中阿Paul叫我寫番哂頭先大家講過d咩……噫，又唔早d講，我唔係人肉電腦黎架嘛 >o<……

---------------------------------------------------------------------------------------------------------------------

今日又同鍾生傾左半個鐘電話了，佢不停係度講﹕「成功唔係咁容易架，阿霞，下……你地d讀書人……下……」。我都明既，都唔係唔肯搏肯捱，可能……我欠缺既係主動性卦，通常都係俾reaction，好少主動提出可以幫公司做d乜野……

佢呢期節目好豐富喎，又去呢度、又去果度咁，勁開心，佢去既兩個地方我都好好好好好想去呀！

佢問我覺得佢醒唔醒，我本能咁答「醒、一向都覺得你好醒架啦！」跟住佢竟然話自己好失敗，居然要問我呢d小朋友（我估佢意思係小人物）呢條問題，佢好似好後悔咁喎 >.<……對唔住囉, 讚錯左你添……


>>August 27, 2005 at 4:47:38 PM GMT+8

2005 年 8 月 22 日 星期一 【酷熱】

最近發覺自己既日記，用個笑樣用多左喎……有進步！

我都認為我既情緒開始慢慢復原了，或許該說是回歸平淡吧……做回我的小角色。以後除了我龐大如山的身形外，繼續做回我這毫不起眼的小角色……

又想起「連鎖蝶變」呢套電影，人好中意講「如果可以重來，我可以咁咁咁就好喇……」

其實，係無得咁咁咁架……因為如果咁咁咁，又會變左咁咁咁咁，一切都唔一樣了，有邊個會知道咁咁咁係比現況好?

有時我睇，如果唔係有佢，可能我又唔會係而家咁；如果我當日作左另一個決定，我又可能比而家仲唔開心，因為日日要對住果個xxx，仲衰多兩錢呢……

所以，做人，感恩就好。所謂活在當下，我不完全了解，只知道凡事想深一層，其實可以比現況更糟，現有的已是很不錯，這樣應可活得更輕鬆吧……

-------------------------------------------------------------------------------------------------------------------

今日放工後本來約左阿欣同阿Paul去聽張慧慈個seminar，不過佢兩位突然有個好重要既會要開呢，所以我突然就得番一個人喇……

想食回頭草約番花花同髀髀，可惜已經太遲了，她們各自約會另一半去了……

我呢個孤家寡人，一個人快樂地由北海番屋企，18:20已到達，哈哈，都唔知幾鬼耐無試過了。

本來都有諗過約其他人既，不過諗諗下，諗起媽咪講過幾次佢呢個團係「早機去、晚機返」，於是決定都係一個人番屋企享受「最後既寧靜」。

一番到屋企，開著電腦，玩左一陣，都係訓番一陣先，因為今日仲有餘痛，個頭痛左成日呢。

訓到八點至施施然起身整野食，睇下Yummy Yummy，玩下game，睇下書，不經不覺就十點幾喇，時間過得好快啊！

雖然訓覺期間曾經被三個電話嘈醒，不過都ok呀……

效果不俗！

差唔多十二點，阿媽番到黎了……而家坐左係我附近執行李，仲問我呢排係唔係仲係好忙，點解咁夜仲好似忙個不停咁係度打字…… (其實好大機會係發緊脾氣，話我卦住玩電腦......)

關門、囉野都大大力、大大聲的，我不喜歡這樣，又不喜歡她每次去完旅行當日/當晚，必定發睥氣的......唉......

oh……果然自由時光已過去，又要繼續勸自己「活在當下」了……


>>August 23, 2005 at 4:22:05 PM GMT+8

2005 年 8 月 21 日 星期日 【綿綿細雨】

好開心，好耐無同鍾生傾下計了，岩岩佢打電話黎，傾左半個鐘……

佢問起今日張小姐有冇打電話黎詐形，我話無呀。其實人地咁世界女，點都唔會話詐形咁咩既。

跟住，都係例牌叫下我減肥咁啦，佢話鍾太話我瘦左d呀，哈哈!

講左最耐既，就係有關那人的事了。似乎，有可能叫大家跌眼鏡呢……認同他說的一切，正如我常說的，這行頭很細啊……

聽起來，也未免太像黑社會了…… -_________-“

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
我又充電了！
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

聽日媽咪就完成佢既五日四夜馬來西亞之行，我又失去自由身的生活了……不過，也好，正如一位朋友所言，這種生活，過一段短時間就好了。


>>August 23, 2005 at 3:27:27 PM GMT+8

2005 年 8 月 19 日 星期五 【颱風】

這一個月間，似乎看清了一些同事的真面目。之前，不明白為什麼其他同事對他們如此有成見，而因最近的一些事情，我看到了他們的另一面。

的確，哪間公司都會有這種人。最重要是時刻提醒自己「待人寬、律己嚴」。

--------------------------------------------------------------------------------------------------------

今天，早上沒有回公司，11時多直接到九龍Shangri-La酒店，出席城市青年商會的創意創業大賞的閉幕典禮。

原本以為10:45要到達，原來是11:45呢……

去到未見到鍾生，而David已到場。跟著見到Kelvin，今天似乎比之前見到的他更精神呢。
陳小姐今日無出席呢，仲以為可以睇下佢真人靚唔靚添……

今日最大得著係有張 $100和民coupon，同埋有張佢地既九五折咭囉。

兩點幾就完了，好野，財爺車我去火車站！

原來電腦部又地震喇……仲話要全集團電腦化添……不如搵番圓圈番黎算吧啦……

去到火車站，至知直通車要到五點幾至有位了，成7點至去到廣州……當時只係15:15分……點等呀? 我又唔想一個人經深圳番去喎……

終於，都係決定唔去喇！

近因係無火車，同埋更重要既係……已經到左第二日，進入白熱化階段既 --- 牙痛！

痛死人咩，正所謂「牙痛慘過大病」，又搞到成個人都好唔舒服，個頭劇痛唔在講，覺得成個人d皮膚都好唔舒服，好似唔知點咁……唔識形容，總之就係唔舒服！

其實我真係唔想唔去咁衰女架，我都想同成班人去玩下，不過由之前多次經驗總結得出，我應該相信我既直覺，至少係有好多signal既情況下。

今次令我唔想去既原因有以下N點﹕
¨ 阿媽去左馬來西亞旅行，難得有自由自在的私人空間
¨ 要同佢地分頭上，一個人自己上去好無癮
¨ 無錢，仲未唱人仔添
¨ 今日落大雨，成個人都又濕又凍，好唔想係火車上up住兩個鐘
¨ 唔中意dup骨，怕到時得我一個人唔dup
¨ 今日Roy café開張，本來打算去賀賀佢（雖然最後都係因為太唔舒服而無去到）
¨ 唔想自己又去見果個人
¨ 聽日可能下午有d事要去杏花分店，又唔想一個人番香港先

唉，大大話話都有成十個原因架，真係唔少野。以前既我，會因為一個原因，迫自己去做。好似今次咁，會因為唔想甩底，而頂硬上。但係多次事實證明，我勉強去做既事，次次都係唔做好過做，我次次都叫自己下次隨心而行，一早相信自己既直覺，同埋一切既signal，咪無事囉。

我相信有guardian angel，signal就係佢地俾我既提示。

又正所謂Synchronicity呢家野，不可不信。
（呢個term，係我前幾日問番地盤佬既，唉，地盤膝頭人，地盤佬話我地：「仲話讀過書添，連呢個term都唔記得！」……俾佢串，仲要唔知點駁咀，激死！）

所以，做衰女都要架喇，真係唔舒服架嘛。

髀髀同雲妮大師去睇「千杯不醉」，本來我都有d興趣，但因為唔舒服，都係番屋企休息。我都慶幸我無去，因為一步入家門，就已經覺得真係好唔舒服，咩都唔想做，訓左兩小時，都無咩幫助……好彩有希文買panadol俾我，舒服少少。

不過好似到左而家打字咁，都覺得手指頭d皮膚好唔舒服，總之我一唔舒服，就會成個人d皮膚都好sensitive……唔識形容呀！

其實以我呢個「無藥主義者」黎講，通常如果我肯食panadol或食藥，就真係好唔舒服架喇……

希望佢地體諒吧……

其實唔會唔體諒既，正所謂少我一個唔少，有Snoopya係度，大家已經會好開心啦！不過佢地影番黎既相，會無左我係度之嘛…… >_<

嘩！一點幾架喇?!

>>August 20, 2005 at 5:23:29 PM GMT+8

2005 年 8 月 11 日 星期四 【綿綿細雨】

今日收到Amy send俾我壹仔有關Dr.既負面報導，佢話好嬲。我睇左，覺得人地唔算講得太過份，佢的確以第三者身份講左個感受出黎。有d野，其實人地都講得岩架……

約左Paul鄭11:30開會，有關intranet減省30%表格一事。佢原來係email打錯字，其實想約1:30。

由1:30至18:00，一直開會。

完左之後，同阿Paul、Stella同阿欣出去左食飯。去到「西沙茶座」，第一次黎，感覺幾特別。全餐飯，大部份都係講投訴處理機制。中途的激烈場面，見怪不怪了。

近尾聲時談到Dr.，原來Paul對佢都有一定既認識喎。佢話覺得好可惜，Dr.無堅持佢自己。我認同。

一食就食左接近四小時，看著一套又一套的電視劇都完了，愈來愈累，能量指數跌至極低。

坐681番屋企，比Stella講既4個半字多左半個字至到灣仔。哈哈，都算好快！


>>August 14, 2005 at 10:46:56 AM GMT+8

2005 年 8 月 9 日 星期二 【晴】

今日下午去北海開會，12點15分便出發了，因為約左鍾生兩點拍「總裁講古」。 1點去到灣仔，去左Herpa食lunch，第一次同飛劍兩個人食飯呢，哈哈。

食完飯，上到去寫字樓已經兩點了，開始拍攝。

之前同鍾生夾左既「切月餅」故事，似乎不夠具體呢。夾左好幾次，拍左五、六次至完成。鍾生係咁拎住把生左秀既Cutter扮切月餅，扮完又唔記得放低把刀，加上佢一貫既黑社會形象，很嚇人呢……

拍完了，我正想出去之際，鍾生叫我坐低五分鐘。佢一邊食頭先用黎拍野個月餅，一邊問佢既例牌「開場白」﹕「你……點呀？」

我回答，已開始習慣了，亦看得出Stella比之前進步了，不但「醒目」了，而且做起事來更有信心了。鍾生說﹕「其實唔一定要好叻既人至會醒，只要肯勤力、肯學習，就只等待一個『缺口』，『缺口』一出現，便會有機會發揮。」

缺口……? Stella遇上了缺口嗎? 還是……他說的是我呢……? 太多心了嗎? 反正有點啟示……

過了不久，鍾太也進來了。說起她之前曾於Dr.處上課，原來只是David帶她聽follow-up。

談到Dr和鍾生的分別，一個表達滿分，行動零分；另一個完全相反。

和鍾生、鍾太短聚片刻，已經很開心了。

鍾生又在二百幾位同事面前叫我減肥了。知道喇！

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

正苦惱晚上有何節目之際，地盤佬致電說有首影飛，叫我一同去看。連戲名都無，只知是韓片，說是很感人的。也好，反正沒節目。

到會場樓下，見到片名「哥哥，我愛你」，未免太老套了吧?! 有點想拔足逃走的感覺。

上到門口，至知道原來是有關兩位小兄弟的故事。

電影開始了。

由開場十分鐘開始，直至完場，喊個不停呢。

哥哥演的不錯，兩位小朋友都演得很自然、很活。特別是弟弟，可愛之餘，完全演活了那份率性。

「率性」，最直接的流露，卻是最難做到。最少對於我而言是這樣。

完場後，還見到戲中兩小兄弟的真人，太Kawaii了！

真感動，我都好想要開開心心的人生。


>>August 14, 2005 at 9:29:47 AM GMT+8

2005 年 8 月 7 日 星期日 【酷熱】

今晚一定要寫日記。

原因﹕今日心血來潮致電地盤膝頭人（不是地盤佬），原來佢今日day off。馬上約食dinner，過了一個開心的晚上，好久沒有跟朋友談得如此「痛快」了！YEAH！

原來，不見一段短時間，大家都發生了那麼多事。

透過傾計，原來我不知不覺總結左自己那麼多。

最大發現，原來我一直都在努力實現自己的生命劇本。

從小便有不少奇奇怪怪的想法。成長過程中，發生的種種，有開心、有不開心，今天總結發現自己原來一直都在讓兒時所想的實現。猛然想起一個心理學TERM --- 「自我預言實現」。明白，原來沒有什麼好怨言的，因為求仁得仁。

又發現，原來自己喜歡多面人。喜歡鍾生是因為他有風範又時髦又有時候孩子氣，又很喜歡地盤佬的率真而有思想，更喜歡「姐卵」高傲卻有BB般的笑容。

時刻提醒自己，珍惜眼前。

<但求……無愧於心>

今日，睇左一陣書。佢話﹕「給予你所缺乏的。」
「如果你需要朋友，成為別人的朋友；
如果你飢餓，讓別人吃飽；
如果你孤單，讓某人不孤單；
如果你悲傷，去安慰別人」

……明白，認同，我會開始去嘗試。

>>August 8, 2005 at 4:36:40 PM GMT+8

2005 年 8 月 5 日 星期五 【酷熱】

我原來，還是喜歡周杰倫的。哈

他剛紅起來時，第一首聽他的歌，應該是星晴吧……還是可愛女人呢……?記不清楚了。

當時他在MV中，總是戴著一頂鴨嘴帽，只間中才見到他的小眼睛。鴨嘴帽下，間中露出4號仔獨有的、帶點尷尬的笑容。就是這樣，我開始迷上他了。

過了一段時間，覺得他愈來愈像一件商品；他亦似乎對自己的外型愈來愈有自信，不再戴那鴨嘴帽了。他的MV愈來愈花巧，蓋過了一切，包括他的音樂。同樣幾首歌，開始分開幾隻碟出。我覺得過火了。

反而到了最近，開始迷上幾首他對上一隻碟的歌﹕【外婆】、【擱淺】。特別喜歡演唱會版，真的唱得很有heart呢。

喜歡他和方文山的歌詞，真的像在訴說些什麼；喜歡他的年少輕狂，那份已超越自信的自傲，並不空泛，有橫溢的才華支持。最喜歡的，依然是他的4號仔笑容。

近來狂煲方力申和Theresa合唱的【自欺欺人】，歌詞到題，旋律挺特別的，在卡拉OK練了好多次才唱得準呢。然而，相信喜歡的原因都是覺得好聽而矣。

反而是光良的【童話】。早已聽Cherry說起很好聽，然而真正開始聽是由一位朋友說他對這首歌的著迷開始。聽著聽著，覺得旋律叫人聽得舒服，卻不是一聽難忘那種。
反而是在卡拉OK看MV後，才開始真正迷上。把一首甜蜜的情歌，配上一個老套但感人的悲情故事，原來化學作用極奇妙。每次唱到中段，我就差點要哭出來了。於是現時已只聽不唱，避免丟人現眼！中段那叫人窒息的感覺，末段那滴血聲的沉重，真叫我佩服MV導演周格泰。


>>August 7, 2005 at 8:32:06 AM GMT+8