2005 年 9 月 11 日 星期日 【晴】


HKG-->SUB

今日4點幾機飛印尼泗水，呢個地方真係聽都未聽過。

2點幾report duty，阿姐全部都係印尼人。今日班機light到變晒態！！EY 100個客都無呀

~~~Yeah！！

第三水關係，我要俾阿姐填份evaluation form，今日個老總係男人，好talkative，都幾nice。佢一

唻就俾左份PA我，叫我回程果時make PA，篇野難到嘔茄，好擔心..........

班機真係好light，好light，平時只有long haul flight先會有crew rest period，但今日飛4個鐘，又少

客，老總話會俾crew rest囉，可想而知架機靜得幾緊要。

中途真係無乜野做，行行企企咁就一day~

當地時間7點幾我地就落機，跟住就番酒店。我地今次住香格里拉，果然係好grand，酒店房亦

比之前果間靚。

之後就去左應酬，老總興致勃勃要我同另外一個junior去食飯，於是就同佢去左酒店間餐廳食

野。我地好豪呀~一人叫左一個翅，為求駛晒d零用錢為止。我咁大個女都未試過食得咁豪架，

食左成18萬幾呀！！跟住去左買個5千幾蚊o既麵包做早餐，咁都仲有錢剩，好野！

>>September 13, 2005 at 9:18:02 AM GMT+8

2005 年 9 月 9 日 星期五 【晴】


NRT-->HKG

琴日晌Joey間房吹下水，同佢食下野，跟住就返自己房瞓啦。始終唔係自己地頭，點都有d怯。

不過瞓得都尚算ok，希望我快d習慣呢種生活啦。

尋晚阿哥又撩等二朝唔好跟大隊(呢位阿哥比女生更喜歡shopping)，一早就入機場行duty free，

但酒店個reception話d鋪頭無咁早開，咁就作罷啦。點知10點去到機場，d鋪頭已經開左好耐，

俾人"昆"左！

今日程機好full，即係又做到pk，不過d野開始熟d啦，亦都做得快過之前好多lu~~但我真係好論

盡，唔係整跌呢樣，就係整跌果樣，要人地幫我執手尾，要改啦！

有2個差記坐o係我果邊，一上機就除左對鞋，發出一陣惡臭，可憐佢周圍d人，呢個問題又敏

感，攪到我都愛莫能助。過左無幾耐，終於都有人投訴啦，我就梗係搵阿姐啦，唔通自己攪

咩，阿姐話佢都聞到，最後佢攞支空氣清新劑，噴左幾噴，果然好左好多，至少我行過咁多

轉，都未暈低呀~原來training school教d野真係會發生架！

今日有magnum食，有好多剩，落機時攞左好多走。Yeah！！2點幾返到唻，跟住有一日G，又

可以抖下。

原來身處外地真係會好掛住，好掛住屋企，好想打電話俾姜志豪。唉...............................

>>September 10, 2005 at 2:11:47 PM GMT+8

2005 年 9 月 8 日 星期四 【酷熱】


HKG-->NRT

今日飛東京，雖然日本係我一個好想去o既地方，但一d都唔雀躍，因為上次果鑊好金。今日我

個同學Joey同我一齊飛，我返到國泰城，跟住收到call，話俾我知今日同聽日個flight cancel左，

唔係呀嘛？咁益我？跟住佢就話：傻婆，你真係信架？原來Joey個死婆玩我，頂..........................

班機loading好light，飛成4個鐘，即係可以放慢唻做啦。全程都幾清閒，無聊到成日check toilet。

Joey話今日個阿姐唔係太nice，我話比起我上次個阿哥，佢係頂級好人。

D o架妹真係好X仆街！阿姐都未黑我面，你居然黑我面？你咁叻，一個人做晒成個cabin呀笨！

你咁叻，幾時升呀？！

今日個flight都幾順暢~~~Keep it up！！！

當地時間9點幾我地就arrive啦，然後就坐crew bus去酒店。去check in，攞左d零用錢，跟住就

上房。間酒店o係千葉縣，都幾ok架，有部LCD mon電視。但我想開浴室道門o既時候，點推都推

唔到喎。我心諗，唔好玩啦，我唔記得敲門啫，唔駛咁邪下？點知原來道門係拉架。請原諒我o

既無知。

拿拿聲換衫，就跟阿哥同Joey搭的士去Jusco買野食。酒店附近無野好行，加上又夜，所以唯有

去Jusco啦。果度真係好多野食，好想買呀~~~但最後只係買左少少，因為我唔知買邊樣好。

走o既時候，搵唔到的士(這就是日本嗎？)，又唔識行番去，好彩阿哥d日文lock得兩咀，最後有

個好好人o既司機車我地番酒店，yeah！！慳番1000Yen~

o係日本o既第一日就係咁樣打發了。

>>September 10, 2005 at 10:25:39 AM GMT+8

2005 年 9 月 6 日 星期二 【綿綿細雨】


漫長而痛苦的一天。

今日我第一次飛，搭巴士返工o既時候撞到個老總，原來佢係我班機o既老總，駛唔駛咁啱呀？

去briefing o既時候都答到問題，無辦法，明知實問，無可能答錯。

我個阿哥係新加坡人，d英文又唔係難聽，但我有時真係唔知佢講緊乜。

上到機做preparation，無乜做過野，因為佢地實在太快。今日吉隆坡，去果程幾吉，返果程full

load，同上次FD一模一樣。一到drink service就開始唻料啦，新人慢都正常啦，training school教

service language同service skill，淨係無教service speed，one man cart變左two man cart，阿哥全

程幫我手serve客。到左meal，今次真係two person food and drink cart，同另外位同事一齊去，

都唔算太慢。跟住食下野，執下野，洗下廁所就到啦。

返唻果轉簡直係人間煉獄，多細路到癲。跟住又meal，又drink，跟本都無可能追得上佢地o既速

度，俾隔離遠遠抛離。阿哥又係咁催，攪到我集中唔到。已經夠tense架啦，呢樣又要話，果樣

又要話，俾佢話到超down，好彩我百忍成金，無限復活，仲笑得出，我都覺得自己好犀利。阿

哥真係好嚴格，不過佢又無話錯我，唔係咁又學唔到野啫。

真係唔知要過幾耐先會做得好，如果次次都係咁，會好快癲架......星期五又要唻過，希望呢次無

咁衰啦。

多謝你^^ o係我最需要你o既時候打電話俾我。

>>September 8, 2005 at 1:35:41 PM GMT+8

2005 年 9 月 5 日 星期一 【綿綿細雨】


香港迪士尼樂園。

今日攞住d免費門券去迪士尼玩。一唻就梗係要搭下佢架列車啦。我地好好彩，今日好少人去，

架車都幾空，唔驚影唔到相。

入到去o係美國大街行左一陣，跟住就有parade睇啦。烈日當空，d cast members仲要又唱又跳

咁，認真辛苦。

跟住就入左森林，探訪下泰山間樹屋，又搭船o係亞馬遜河探險，都幾好玩~~不過今日實在太

熱，好彩佢中途落大雨，咁先無咁辛苦咋。

探完險就去睇獅子王慶典，呢個就一般啦，睇到有多少想瞓。

然後玩左好多機動遊戲，e.g.咖啡杯，旋轉木車...無錯！呢d就係所謂o既機動遊戲，我懷疑細路

玩都唔會覺得驚。

周圍都唔算太多人，除左同d卡通人物影相之外，尤其是米奇，美尼，winnie the pool同埋跳跳

虎囉，唯有搵d無乜人鍾意果d影。

夜晚我地去左美國大街逛下，果度真係好多野買，好彩我唔係好鍾意，唔係唔得死。

最後睇埋煙花就走啦。

其實個theme park都幾細，一日行得晒，原本諗住個castle會好大，點知......不過最後加埋煙花襯

托，就變得好鬼靚啦！！！希望佢會慢慢擴充，多d野玩，多d野行咁就好啦。推介係個3D影

院，戴左副眼鏡睇真係好3D，有野食o既時候會有香味，有水o既時候就會有水噴埋唻，真係好

好玩！仲有係巴斯光年果個飛車，因為佢係最刺激o既機動遊戲。入到去好黑，淨係睇到d星

星，連路軌都睇唔到，所以架車飛緊o既時候你覺得自己會跌落去，爽呀~！！

相已經upload左，網址係：http://community.webshots.com/user/moominzz3 or

http://community.webshots.com/user/moominzz4

>>September 8, 2005 at 8:21:48 AM GMT+8

2005 年 9 月 3 日 星期六 【綿綿細雨】


今日d同學約左去燒野食，不過我無去，因為我又要見家長啦。

晏晝入屯門，攞份生日禮物+父親節禮物俾何志強(佢叫我要尊重佢,叫番佢做姜志豪)媽咪。佢媽

咪o係電話果度話：我地出緊唻啦。我心諗：點解會係"我地"gei？我唔係約左佢阿媽咋咩？

果然不出我所料，佢阿爸，阿媽都唻左。可惡！！！好嬲呀！！明知係咁都話我聲我知先，等

我有個心理準備！！

同佢地食左個tea，席間佢阿爸問左我幾次覺得自己身體應唔應付到份工，原來佢擔心我太瘦

弱，好攪笑^^我係瘦，但我唔弱。最後佢地仲封左封開工利是俾我。

真係好奇怪，點解成日都係我單槍匹馬咁見家長？？

>>September 8, 2005 at 7:07:10 AM GMT+8

2005 年 9 月 2 日 星期五 【晴】


最後一日training。我終於都畢業啦！！

今日全日都係做practical，主題係stimulated flight。一早我地就好似真係飛咁，去sign-in report

duty，跟住就briefing。Beverly尋日已經預早講定，今日佢會扮一個恐怖ISM。果然佢一入到

briefing room，已經交足戲，一d笑容都無。雖然明知佢扮野，但個心都好劫，因為個環境太恐

怖啦，嚇都嚇死。每人問完一round問題之後，呢個彷彿last for一世紀o既briefing終於都完啦。

我地上番mock up之後就開始今日個flight啦。目的地係LA，即係話有cocktail service，一餐

dinner，中途有mid-night snack，然後就會係breakfast。我地分左6 groups，每人負責其中一

part。我果group係負責mid-night snack。今日有幾個situations出現，包括mother w/ infant，

elderly，uncompanied minor，turbulence同埋lost and found。

我地果part係好簡單，總括唻講，今日個flow都幾順利，而且要求唔高，主要都係由頭到尾做一

次成程flight。

今日所有飛機餐都係真野，由朝食到晏，好鬼飽！

我地今日非常肆無忌憚咁影相，完全係uncontrolable~~~~最後debriefing，派番畢業證書，又有

ICAO card。d同學好感觸，喊到收唔到聲，因為大家要分開，就快要面對第一次飛，心情真係

好複雜。

放左學就去國泰間酒店食buffet，gladys，beverly，atsushi同埋deborah都有去，今晚叫左2支白

酒，一支紅酒飲，其他人換左衫可以飲，我無換到得個睇字.........christina飲醉左，我地就同佢

一齊走。好似都係第一次見人飲到咁醉。

今日攰到癲左，自動進入睡眠狀態，瞓到無左知覺，連涼都無沖。

要好好珍惜3日假期~！！

>>September 4, 2005 at 4:46:53 PM GMT+8

2005 年 8 月 29 日 星期一 【晴】


Service Skill Day 7

今日又要practical，由meal service做到after landing。我覺得個instructor教得唔夠detail，又講得好

亂，攪到我超級矇查查。今日十下十下咁就去做，完全唔知自己做緊乜。我地負責果個service

flow又複雜，總之就好亂啦！！！

下晏就聽書，做下role play。就快放學，佢地做practical果d攞左野食入唻，原來係business

class training，我地有生果拼盤、橙+朱古力mousse、發毛芝士，好好味呀！

睇電視，o係mcdonld's "dei da hey yor"個廣告裡面見到一閃而過o既姚寧，好攪笑！！！

Daisy，好耐無見啦~~~~估唔到無見咁耐，你一出唻就o係我日記攪事^^

>>August 30, 2005 at 2:54:59 PM GMT+8

2005 年 8 月 28 日 星期日 【晴】


進入最後一個week啦，最後直路，應該會係最辛苦o既一個week。

今日開始教meal service，全日都齋聽書，令人昏昏欲睡。為左令大家更認識meal service，今朝

instructor整熱左數個不同口味o既飛機餐俾大家食，有日式口味，素菜口味，仲有兒童餐添。係

咪大家都對食無乜要求呢？點解個個都食得咁津津有味o既？

下晏學習派餐，由於之前學左餐飲，已經掌握左基本技巧，所以好易上手，最難o既可能係記d

main course名。

又overrun左半個鐘，真係好攰呀........軀殼還在，但靈魂彷彿已經升天.......呢種感覺好難

受.......

>>August 29, 2005 at 3:08:09 PM GMT+8

2005 年 8 月 27 日 星期六 【晴】


一個星期唯一一日假，梗係要好好利用啦~~~~

今日約左3位靚女出唻，去尖咀行街街。出左糧就梗係第一時間去shopping啦，唔係做得咁辛

苦，點對得住自己呀？D化妝品又要補給啦，嗯......無可否認睇化妝品係好開心o既一回事。係

facess撞到依家個同學仔，原來大家一放假都係做埋同一樣野架！

跟住就去左i.t.開倉。與其話開倉，不如話係抄垃圾啦。最後同媚媚一人買左一個垃圾袋。

Join埋鄒燕就去食飯啦。滿心期待咁去食咖喱，就晌重慶大廈入口，媚媚做左一件本世紀最傻

既事，佢竟然接d差記派o既傳單，就係咁樣，d差記彷彿螞蟻"嬲"蜜糖，場面何其壯觀呢！就好

似果次佢o係巴黎俾人圍咁，真係有過之而無不及呀。

最後我地決定幫趁johnny。原來重慶大廈部lift係內有乾坤架，大家入左lift之後要evenly

distributed，中間要留空佢，企位呈一個"口"字，咁架lift先可以正常運作，有趣、有趣。

呢餐都唔錯，食得好飽，多謝晒媚媚，因為買單o既時候，佢好豪咁講左一句：你地收番晒d銀

包！我都識點做架啦，唻緊我會避下風頭先~~~呵呵呵.............

食完再食。去左haagen diaz食雪糕，超好味呀！今日真的很滿足！

班長，我梗記得你啦~我無時間咋，有時間我實睇你日記。

>>August 29, 2005 at 12:32:51 PM GMT+8