2005 年 12 月 15 日 星期四 【乍雨乍晴】


今日o既節目係睇king kong。

晏晝入左屯門，只係30蚊就可以睇到呢套全長3個小時，荷李活最昂貴制作費o既電影啦，超

值！

呢套戲好有娛樂性，3個鐘唔覺悶，而且好刺激。但問題係，誇張左d啵，大猩猩咪算囉，做乜

要加埋d恐龍呢？攪到好似變左侏羅紀咁。女主角個樣好鬼似nicole kidman，男主角d戲份就少得

淒涼。

係佢屋企食飯，我係大食，我認！

>>December 19, 2005 at 3:03:16 PM GMT+8

2005 年 12 月 14 日 星期三 【晴】


TPE-->NRT / NRT-->HKG

先甜後苦絕對可以用唻形容呢班機。

尋日真係好舒服，但今日兩程都full晒。

今日多左個crew，佢係FD，一唻就話唔見左個手袋，搵左勁耐，原來擺左係個pax seat度，真

攪野~

我都FD過，知道果種好想幫手，但又幫唔到手o既滋味，於是我就係咁叫佢幫手攞呢樣，攞果

樣，最好o既學野方法不過於止。

今次d crew好好，非常啱傾，所以呢轉機做得好開心。

>>December 19, 2005 at 2:40:32 PM GMT+8

2005 年 12 月 12 日 星期一 【乍寒還暖】


HKG-->TPE

今日超早返工，好眼瞓呀！

不過好開心，因為有得o係台北long stay，我仲同個classmate Packy一齊飛添。

今日個loading好light，好耐未試過light成咁，只有99個客咋。

MSC同ASC一人一架cart，話咁快攪掂！我個galley有個BC今日sn，即係第一次飛，佢係london

base架，d british assent好好聽呢！

另外有個阿哥，我已經第三次同佢飛啦，真係每個月一班，勁有緣。

去到台北先12點幾咋，放低d野就即刻出去lu。原本係去食涮涮鍋架，但間野竟然執左，於是去

左食酸辣湯，餃子，好鬼平，但好味！又去左買鳳梨酥俾自己食。

跟住就行shopping mall。雖然我地住埋晒桃園呢d畸呢地方，但都有好多野行架。我買左個袋，

又買左書，再買d零食，d零用錢.........只係淨番雞碎咁多。

夜晚同同事去食飯，一邊打邊爐，一邊燒烤，buffet唻架，好抵，只係80蚊咋！

今次間酒店房係我住過o既酒店之中最細o既，但由於玩左成日，真係好攰，瞓到死左。

>>December 19, 2005 at 2:11:25 PM GMT+8

2005 年 12 月 12 日 星期一 【乍雨乍晴】


今日o既節目係睇如果愛。本來淨係同sindy jiang睇，但最後傻強又加入埋，點知俾佢講中左，

呢套戲真係...........真係跌左錢..............係咁拖長d戲唻做，話音樂劇，但音樂所佔o既部分又鬼死

咁少，故事又單薄，無戲味，唉............總之就雷氣大，雨點少啦。有人仲睇到結尾果時離場

添。好彩係荷李玉睇戲平啫。

>>December 19, 2005 at 1:23:44 PM GMT+8

2005 年 12 月 11 日 星期日 【乍雨乍晴】


Yeah~~~~~

今日我終於畢業啦！！

8點鐘阿豪就唻車我一家入屯門參加我o既畢業禮。

我有一隻姆明畢業公仔，仲有一札鬱金香添呀！Congregation無我想像中咁沉悶，好快就完左，

果d攞first hon既真係好威喎~~~

畢業禮完左就去影相。中途發生左d唔開心o既事，點解要係今日發生呢？攪到我都好無癮，直

頭想連相都唔影就走啦，不過最後都"咕"一聲吞左佢，唔想破壞氣氛，今日又難為左你啦，阿

豪................

一個上晝就咁過去。原來諗住去bbq，但臨時改左做打邊爐。

一枱9人，非常熱鬧。今日o既好笑指數達到頂峰，原因竟然係我果件！傻強，乜你今次咁失禮

架？為左你o既面子，你做過d咩我係呢度就唔提啦，不過我諗都夠我d朋友笑幾年架啦~~~~~

見你醉左仲渣車返去，我真係十萬個擔心呀。

>>December 19, 2005 at 1:13:05 PM GMT+8

2005 年 12 月 10 日 星期六 【晴】


BOM-->BKK-->HKG

終於都返香港啦，燒爆仗！

講下d同事先。阿姐都知呢程機辛苦，所以d service skip得o既都skip晒，我地咁多程都無去過濕

紙巾，如果連cocktail都skip埋就發達lu。

老總係一個斯斯文文o既香港人，但原來只係佢o既表面，因為佢竟然會無情情走唻galley同你講

醎濕笑話，仲要係唔好笑果隻，又成日都講埋d屎尿屁，勁核突囉。

4點幾落機，阿豪已經唻左接我啦^^

>>December 19, 2005 at 12:58:55 PM GMT+8

2005 年 12 月 9 日 星期五 【酷熱】


今朝起身，個肚勁痛，原來姨媽到.................問題係我無帶m巾喎.................於是9點幾走左落

街，去左間士多，買左包m巾。為左呢包印度版護舒寶，我逼不得己將d美金唱左做印度紙(頂

佢！做乜零用錢係美金唻架？！攪到我依家唔知點將d印度紙唱番美金)。買完野仲好大膽咁搭

篤篤車番酒店。

晏晝同carmen食lunch，去poolside坐左一陣，然後就係休息o既時候啦。

>>December 13, 2005 at 5:24:26 AM GMT+8

2005 年 12 月 8 日 星期四 【晴】


零屒4點幾，終於都做完呢班shuttle，諗住可以安落地番酒店瞓餐飽，就係過-ray o既時候，做

duty free o既Y3居然俾人照到個kip度有4隻無declare o既手錶。Bombay呢個port好麻煩，custom

好鬼嚴，於是又折騰左一段時間先走到。Y3解釋話佢唔記得declare係佢大意，佢帶住果幾隻錶

係因為bombay個port有好多客會買呢樣product，但機上無乜貨，所以佢一早買落幾隻，等到時

可以賣俾d客。點解作故仔唔作個好d呢？個故仔咁唔make sense，唔係以為我地會信下？搵食

唔該行遠d啦！！

瞓到食晚飯o既時間先起身，落樓下餐廳食左d野，跟住同後腳到o既carmen+佢d crew吹下水，

鋤下D，一日就係咁過去啦。

>>December 13, 2005 at 5:09:08 AM GMT+8

2005 年 12 月 7 日 星期三 【晴】


BOM-->DXB / DXB-->BOM

琴晚瞓得真係好舒服，今朝起身周身都痛，好似俾人打左一身咁。

今日o既節目係食同埋瞓，今晚又要做過，down.......................

7點又pick up啦，今日o既loading---預左啦---爆+爆，一上機，上手由bangkok過唻o既crew收工，

見到個classmate carmen，佢一見我就爆晒粗，原來佢做左12個鐘，乜野都無食過，仲慘過我琴

日。後尾先知原來佢地架機個Y3流鼻血，係bangkok俾人offload左，少左個人，唔怪之得啦。

今日d客o既變態程度係有過之而無不及架，我去drink o既時候係咁whisky and soda，溝過不

停。吸取左尋日教訓，我學識充耳不聞呢一招，d call light係無人會應架，由得佢好似聖誕樹上

d light bulbs咁掛晒係度啦。咁夜o既機點解會full呢？又，咁夜o既機，點解d客上機唔瞓呢？每次

出aisle，我o既心理壓力就會超大，唔知會有幾隻鬼手截停我，問我攞呢樣，攞果樣。

我唔想歧視，但我從未試過咁討厭一個民族：印度！我都未試過做一班flight，由上機果一刻就

已經黑面！我都未試過用呼喝o既態度唻對d客！今次係第一次！呢個民族o既人，喜歡用吮手指

公唻代表佢地要飲水；呢個民族o既人喜歡去完廁所唔沖廁；呢個民族o既男人喜歡用色迷迷o既

x-ray眼由上至下，由左至右將你望過一清二楚。

邊個可以打救我？我實在唔想再留係呢度啦！！

>>December 13, 2005 at 4:59:47 AM GMT+8

2005 年 12 月 6 日 星期二 【晴】


HKG-->BKK-->BOM

Flight From Hell...............

今日係5日惡夢o既開始。

2程都full晒，行李櫃都爆晒，要2個人合力推先閂得埋。

去bangkok果轉已經好忙，我個area有個MAAS，駛得就駛，d態度勁惡劣，淨係服侍佢都夠我

死！

之後去孟買，d客真係超變態！超變態！成程機都係咁禁call light，由上機開始就無停過，密到

好似棵聖誕樹咁，但10個有9個都係禁錯架(唔該拎呢d人去再教育呀......)，當你一走埋去問佢：

may i help u？就lai屎啦！明知自己唔啱，仲要死不悔改，厚顏無恥咁問你攞水飲，當你俾完一

個，第二個見到，又會問你攞，情況係：當你一走出個galley，唔駛旨意可以入番去。

到中段遇到氣流，叫佢地番埋位，唔好去廁所，奉旨唔聽你話架喎。10幾人企晒起身等廁所，

痴孖根架！！！！PA做完又做，都係無人睬你，埋去叫佢地番埋位，又話好急，一定要去，咁

就唔好叫咁多野飲啦！！！

從來未做過一程flight會係咁忙架，完全俾人當係隻狗咁駛，但今日只係開始咋。

由機場番酒店，望出窗外，周圍都咁落後、爛茸茸，唔該快d俾我走啦.............................

間酒店出奇地靚，都好，俾d安慰我，唔係我驚我頂唔順DT番去呀................................

>>December 13, 2005 at 4:40:56 AM GMT+8