2005 年 10 月 15 日 星期六 【晴】


AKL-->HKG

一醒左就執野，12點離開間酒店。

到左機場，我地接手果架機遲左少少先到。班機個老總係safety demo果個男人，見到佢真係覺

得好親切呀~~~佢話班機好tough，因為有兩個pax chest pain，又要開doctor's kit，又call左medlink

兩次。

我地班機又係half load，又會咁少客都有gei。今日又接左好幾個duty free order，起勢咁抄d貨，

都賣出唔少，唔知有幾多commission呢？

個客飲到醉晒，整唔見左啱啱買o既duty free，我地就攞個電筒幫佢係咁搵，都係搵唔到。算

啦，果200蚊，我懷疑佢係唔知自己放左係邊囉。

Crew rest瞓得好好，差左2個鐘電。

今日又係咁6杯麵，唔知d客點解可以咁肚餓，先距離上一餐2個鐘之嘛，我地派乜，佢地食乜，

一個人可以食成3個杯麵。

11個鐘機，9點幾到達香港。老總住西頁，話可以車我返屋企，但佢話果頭雙黃線，唔知可以係

邊度放低我，咁就算啦，反正我要攪掂d手尾，唔想要人家等我。落左機，去E2攪埋duty free d

野，就搭巴士返屋企。

一返到唻收到o既都係壞消息，家姐d野......roster d野......不歡而散......

>>October 19, 2005 at 4:28:58 AM GMT+8

2005 年 10 月 14 日 星期五 【晴】


Auckland Day 2

今朝起身食個豐盛早餐，跟住就去tourist information問下有乜好玩。個staff擺到明係唔想撈，塊

面黑到呀。原來有個tour係去農場架，不過9點半已經depart左，有d可惜。

我地決定去水族館一遊。裡面有企鵝架喎，佢地企晒係度，郁都唔郁，個傻佬仲以為佢地係假

既。又有好多勁勁勁大隻o既龍蝦，真係口水都流埋，俾一隻我都好呀~~~個水族館其實並唔

大，玩左個幾鐘已經玩完lu。

然後我地已經唔知去邊好啦，雖然呢度係好大，但auckland裡面係無野好玩架，farmland，螢火

蟲洞同埋睇海豚都要去到好遠，無車係做唔到呢d野架。

阿豪話佢好想去farmland，如果依家去仲可以catch up到晏晝果個show，但問題係個farmland係

in the middle of nowhere，究竟點去呢？結果我地用左100蚊(唔係港幣)同一個鐘搭的士，去到啱

啱趕去個sheep and dog show。

一開始就有d牧羊犬趕羊睇，跟住就示範點樣將d羊分類，當然唔少得係sheaving，剃羊毛啦，

個刨超勁，一層厚厚o既羊毛唔駛幾分鐘就剃晒啦。最後餵奶俾d羊仔飲，佢地好鬼得意呀^^又

任抱任影唔嬲喎。睇完個show，我地周圍參觀，餵下d動物咁，好好玩^^

我地點返番auckland呢？話說有個班language school學生，係泰國exchange過唻，佢地坐旅遊巴

唻，阿豪就去問個巴士司機，又問埋帶團個老師，咁我地就坐人順風車走啦。我地賺左啦，同

之前講果個tour差唔多價錢，今次勝在有人面皮夠厚囉~~~~多謝你，好彩得你堅持要去，唔係

都去唔成。













返到city 6點幾，食左個dinner，睇左場戲，叫做in her shoes，主角係老左勁勁勁多o既cameron

diaz，幾悶下，睇到有人瞓左，仲扯鼻"寒"添！

返到酒店好攰啦，瞓到夜晚3點幾，又起身食kebab。

>>October 18, 2005 at 8:53:53 AM GMT+8

2005 年 10 月 13 日 星期四 【晴】


HKG-->AKL

10個半鐘機，今日並唔難過。

最後幾個鐘，做service有點兒匆忙，本來應該再行多一轉duty free，但我無時間，無行到。今

日做duty free，又整親隻手，攪到流晒血，又係咁搬貨，條腰真係要好小心先唔會整傷。

中午12點幾落機，快香港5個鐘。沿途去酒店，睇下周圍o既風景，非常舒服，簡直peaceful到

死，但我o既字典裡面，peaceful=boring。

今次住hyatt，沖左個涼，等左陣，死仔胞就唻到啦。

第一件事係醫肚，但佢最旺果條街都只係得fast food食，其他又5點先開，呢個時間真尷尬。最

後食burger king算數。

然後我地就搵路去mission bay。本來可以搭巴士，但d人實在太懶，話要搭的士。問個的士司

機有咩好玩，點去其他地方，又雞同鴨講，佢d英文listening咁差，點o係呢個地方渣的士呀？？

呢個bay都幾靚，好多人放狗，番狗真係好幸福，有足夠o既空間，又有足夠運動，所以特別健

康。呢度有好多特式餐廳，即刻勁灰，早知唻呢度食啦...................

天氣報告話會落雨，但turn out好好天，個天好藍、好靚呀！呢度同澳洲d bays既分別o係邊呢？

唔知點解呢度一個surfer都無，莫非呢便唔興？行左一陣，跟住食雪糕，我食果個

passionfruit+mango口味，一啖入口，好fresh呀！！






搭番巴士出去，巴士果然平好多，下次唔好咁衝動啦，知無？

雖然仲好早，但實在好眼瞓，就番左酒店瞓覺。零晨時分，餓到醒左，落街食kebab。

>>October 18, 2005 at 4:23:12 AM GMT+8

2005 年 10 月 12 日 星期三 【晴】


HKG-->AKL

奧克蘭之旅正式開始。

我終於學識點check loading啦，方便日後買平機票用。

今日做duty free，我好緊張呀！尋晚係咁溫書，都叫做熟左好多。好彩今次飛long flight先唻做

duty free，可以慢慢做，慢慢學。

今日個loading唔full，得一半左右，返唻果轉都係，真係好好彩。

Serve完個dinner我就開始攪duty free啦，當我要log in部 sales machine既時候，惡運又降臨我身

上啦，log極都唔得，攪到我要用人手做，好彩order都唔算太多，不過由於第一次做，所以做得

好鬼慢。

其他人crew rest，得番我一個o係galley，今日d客都好乖，除左幾個係咁攞酒飲之外，都無乜特

別。

>>October 17, 2005 at 2:07:08 PM GMT+8

2005 年 10 月 11 日 星期二 【晴】


今日媚媚再戰國泰城，身為佢o既好朋友，我唔止精神上支持佢，仲連行動上都一樣咁

supportive架~

主要o既目的梗係支持佢啦，其次我又要返公司攪d野喎，於是就一齊搭巴士入去啦。佢去in o既

時候我做左好多野呀！包括：攞d衫去洗、攪us visa、、交番d資料去人事部、整埋張地鐵証既

入數紙......攪完一大輪之後佢終於都in完啦。如我所料，順利過關進入第二圈，恭喜你戰勝

jenny！

之後同佢食左個tea，又帶佢暢遊國泰城。4點幾先走，我呢個朋友都算係咁啦啩(唔好篤爆我其

實只係順路)？

我聽日要做sell duty free既Y3呀........呢次仆街啦.......

>>October 12, 2005 at 2:06:10 PM GMT+8

2005 年 10 月 10 日 星期一 【晴】


MNL-->HKG

d同事話今晚當係crew rest，都真係要咁啦，得3個幾鐘瞓。最慘係仲要瞓唔著，最最最慘係酒

店個鐘快左成半個鐘，我仲奇怪點解會無morning call既呢，攪到我起早左。

今次都係full load，但做野快左好多，攪掂晒d野都仲未land，返到香港只係朝早9點幾咋

~~~~

>>October 12, 2005 at 1:53:00 PM GMT+8

2005 年 10 月 9 日 星期日 【晴】


HKG-->MNL

今晚飛馬尼拉，8點幾先briefing，咁夜周圍都好冷清。個briefing好hae......brief左一個字，老總話

無野好講，跟住就攞住情殺果單野唻gossip，唉.........人都唔係度咯，仲扯下扯下講左d風水野，

又夠迷信啦！

有個日本crew個樣勁似閔大人，勁想幫佢加"汁"鬚囉~~~

今晚個flight個半鐘到，loading full晒，趕得好犀利，派完餐，tray都未收完就話land啦。其實我對

派三文治係無好感架，因為個紙袋係好阻"掟"，成日塞死晒我架cart。

去到酒店12點半，得知個morning call係4點35分，係即日零晨果隻，公司叫做有人性，我地瞓覺

d鐘數都計返ground duty咁出糧俾我地，不過俾我揀呢，我就情願瞓多幾個鐘都唔賺呢d辛苦

錢。

Allowance係有.........登登登登..........600披索，我唔識對，到依家我都唔知有無港幣一百蚊。

>>October 11, 2005 at 8:19:01 AM GMT+8

2005 年 10 月 8 日 星期六 【晴】


假期最後一日。

食左一個超豐盛o既tea，行左唔多好行o既sogo，就去又一城搵兩位靚女睇戲啦。講開戲......好

耐無睇過lu喎，係張學生証失去佢意義之後第一次睇戲。

今次睇長恨歌，抱o既期望唔太高。呢套戲唔係太藝術，啱晒我呢個層次o既人。2個鐘頭交代一

個女人生平，好，在於內容豐富，一d都唔悶；差，在於其傖促，雜亂無章，再加支離破碎。其

中一位美女去廁所，去左1分鐘都無，返唻就見到之前未出過場o既吳彥祖搭上左鄭秀文，兩個

仲上緊床添，佢o既反應係指住個screen..........呆左...........

之後出返旺角join我家姐，佢男友，佢男友個表妹打邊爐。我呢個人係永遠都唔會記得邊對係公

筷，邊對自己筷，請各方好友緊記飯局用一對筷子，唔好再confuse我。

飲大兩杯，依家頭有d痛。

>>October 9, 2005 at 6:23:16 PM GMT+8

2005 年 10 月 4 日 星期二 【晴】


今晚唔算太攰，做起野上唻都ok，唔差。最重要係d客，上次早機去，d客精力充沛，要呢樣要

果樣，唔肯settle down瞓覺。今次夜機返，一個二個上到機就埋頭瞓覺，都唔知幾乖。

同上次一樣，crew rest 3個鐘。個crew bunk……好窄……轉身都有難度，又越瞓越凍喎。

仲有2個幾鐘arrival，第一個杯麵終於都派出，就o係我擔心要不停6杯麵o既時候，架機遇上好

light既turbulence，seat belt sign on，即係話唔serve得杯麵，個天今次對我太仁慈啦。

夜晚6點返到香港，一切都完結啦，9月o既tips month都過埋，唔駛擔心CPP score會好低。

>>October 8, 2005 at 10:05:44 AM GMT+8

2005 年 10 月 3 日 星期一 【晴】


LHR-->HKG

同事今日都唔出去，個個留o係間房惱瞓，至於我就當然唔會咁做啦，雖然我知道如果攪到自己

咁攰，今晚上機一定死梗，但屈係酒店度只會渡日如年。

今日o既目的係sight-seeing同埋行公園，感受一下英國文化。於是我選擇去st. james park。由果

度行過去Buckingham palace，好多好多遊人，原來係換兵儀式，上次miss左，今次又俾我睇得

番喎。不過我都係草草睇過，影幾張相咁就算啦，仲記得媚媚話過個儀式好鬼長，而且係悶

架。

跟住又行番去westminster abbey，我又唔記得做定功課先去啦，下次我一定準備充足，我要去

尋找達文西密碼呀！

順勢行埋國會同埋大笨鐘，因為都睇過晒，所以都無駐足太耐就走左lu。

再去oxford circus，行下呢條購物大道。原來香港zara賣緊果d係新貨唻架，而且平過倫敦添(廢

話)！

之後買左個burger king，去hype park果度野餐。呢個公園真係大得好緊要，行到我腳都痛埋，但

very relaxing。

返到酒店執埋d野，8點幾就走人lu。






>>October 8, 2005 at 10:03:17 AM GMT+8