2005 年 10 月 2 日 星期日 【晴】


酒店部電視好有趣呀，可以睇到無線架！不過當然削過香港好多啦，依家播緊棟篤神探同埋一

屋兩家三姓人咋，好過無啦~

完全無jet leak，我覺得自己超勁，某程度上係因為尋日太過辛苦所致。

今朝起身實在太餓啦，去左食酒店個buffet breakfast，5鎊幾，質素都唔差，英國唻講算好平架

啦。

12點就同同事搭shuttle bus出去Kensington。雖然慣左d英國佬做野慢，但我地等左幾個字都無

車，一問之下，原來架車走左好耐………於是搭第二架去Hounslow，再轉underground。第一個

目的地係Harrod’s，幫sindy jiang買左個膠袋(成200蚊一個膠袋………)，又買左d donuts，

yummy~~~~~~順手睇埋tiffany，搵唔到你要果個款，不過肯定100鎊唔會買得到，佢地話去

Frankfurt買平d，下次有機會，我再幫你睇過啦。

跟住去左covent garden。今次到英國，感覺好過上次，因為天氣唔錯，無雨仲要有太陽，真係

難得，而且d人無咁黑人憎，地下亦都無咁多狗屎，最重要係有人俾錢你去旅行。上次我玩一個

禮拜，唱左250鎊，今次玩2日已經有200鎊零用錢，多謝郭太^^

轉到Piccadilly Circus，入左間超大運動鋪，d波衫好多都減價，好想買呀！但唔好意思睇咁耐，

好快走左。跟住入左間boots，d野係咁3 for 2，好鬼平呀！買左好多，不過唔係俾自己gei。

最後去番Kensington，o係馬莎買左今晚同聽日幾餐d食糧，真慘，食微波爐野咋……5點幾坐番

shuttle bus番酒店。

今日o既行程雖然只限購物，但都非常高興。今日同尋日簡直係兩個心情，走o係倫敦o既街上，

我覺得無比輕鬆，我覺得今日o既倫敦非常美好(雖然我搭underground時候有d驚)，好想留好耐

好耐……….好想有道隨意門讓我一打開就見到218………

夜晚去左同事間房食晚餐，睇新聞見到情殺果單野，大家即刻熱切地討論，我地都好up-to-

date架！

>>October 7, 2005 at 10:36:48 AM GMT+8

2005 年 10 月 1 日 星期六 【晴】


HKG-->LHR

今日係我第一班o既long haul flight，就係去倫敦啦。

Briefing，無情情有個唔知乜人入左唻，同老總一齊brief我地。原來國泰攞左今年best airline，咁

CNN電視台個presenter同埋d producers就上唻呢架機做下採訪，拍下野。好彩佢講明淨係拍頭

等同埋波羅，咁都無咁驚。個個都好似好緊張咁，特別係個老總啦，我真係唔明，咁o既環境就

應該搵個好樣少少o既老總啦，點都係代表公司呀嘛。

今日又係full flight，國泰咁貴，都唔知點解會有咁多人搭架！

呢程機都算係問題機，d客一上機就鬼死咁多事發生。個ground staff扶左個鬼佬上機，佢整親隻

腳喎，但佢個位係窗口位，佢一見咁o既環境就發癲啦，一輪咀咁鬧話咩無可能要佢坐個咁o既

位，又話自己已經make it clear要個走廊位，我簡真沒有插咀o既餘地。個ground staff閃得幾鬼快

呀，請問你係同邊個make it clear架呢？無人交帶過囉。我心諗，你肯收下聲，聽我講，我就

arrange左第二個seat俾你十世啦。後未有個客肯同佢換位佢先收聲，仲同周圍d人apologize話唔

係想embarrass佢地，我真係小佢老母！你擺到明係embarrass緊我喎依家！！

跟住就係d ptv o既問題啦。唔知點解好多ptv都唔work，起飛之後問題就更嚴重。我地去緊

cocktail，跟本走唔開，得番阿姐一個人處理，但都係攪唔掂，結果俾個客投訴。阿姐都無辦

法，太多野湧晒俾佢做，佢咪唯有係咁搵老總囉，點知個老總原來係癲架，捉住阿姐唻鬧，話

佢攬晒d野上身，應該俾我地去處理又唔俾我地去做，自己做唔唻又要係咁搵佢幫手，又話自己

已經好忙，又話自己好upset，終於鬧到阿姐喊。

其實係我累左阿姐，因為我仲新，好多野唔識就要係咁問佢，然後佢又驚我攪唔掂，咁咪下下

自己親力親為囉。點知老總一d都唔appreciate，原來佢係十大之一(top ten crazy ism)，個人勁

moody，加上今日CNN d人攪到佢勁燥底，係人都鬧，連d紫姐都唔放過。我都好唔開心，累到

阿姐咁樣，之後老總仲要唔放過佢，再炳過，如果俾人鬧o既係我自己，我相信會無咁難受。

今日班機簡直係國泰經濟艙 “6”杯麵大賽，d客癲架……係咁食，由派出第一個杯麵開始就無

停過，人食我食，結果食晒2個compartments既杯麵。

13個鐘頭機，實在太長啦！尤其係你唔enjoy flying o既時候，簡直係好似俾人凌遲咁樣。

一落機，我真係鬆左一口氣。呢程機真係好漫長…….好難受………又攰………去到酒店，沖左

個涼就一野撻落床，乜野都唔諗！瞓覺！

>>October 6, 2005 at 6:20:14 AM GMT+8

2005 年 9 月 30 日 星期五 【晴】


今日其實好攰，不過每個星期我和家姐有個約會，都係出左去行街。今日目的地：尖咀。

好開心呀~~~食左好耐無食過o既麻辣米線，總算了左個心願。

呢期好多新鋪開幕，咁就自然要去捧下場啦。首先係uniqlo，家陣咩事？係咪有得分呢？點解會

咁多人排隊架呢？最奇怪係………我都排埋一份。講真，d衫又唔係靚，又唔係特別平，又唔係

特別多野買，真係咁有吸引力咩？我除左d牛仔褲外，都搵唔到任何目標啦。係果度攪左好耐，

夜左行唔到sogo。今日有國慶煙花睇呀~攪到尖咀勁熱鬧，好早已經封路lu。

其實我地今次出唻o既真正目標係去試下間餐廳，食德國菜。原來就係o係新世界對面，上次同

班靚女行過，仲話遲d試下果間。我地叫左個德國腸，烤豬手，同埋忌廉大蝦帶子，都好好味

呀！個腸送啤酒一流，隻德國啤雖然係好新鮮，但淡左d。烤豬手係必叫，每枱都會有一碟，真

係好好食，個面烤到脆卜卜，又唔油，正！間餐廳出面望到維港，放煙花果時我地走左出左睇

添~

今日好開心，唯一美中不足係走o既時候搵唔到車，擾攘左一陣先返到。




>>October 7, 2005 at 10:43:15 AM GMT+8

2005 年 9 月 29 日 星期四 【晴】


HKG-->NRT / NRT-->HKG

尋日落機，今日又返工，仲要做個turn添，辛苦到死呀！

唔知點解呢班機好多人port sick，有幾個crew都係俾人call standby。今日我同另外一個ABC(FA

中最低級果隻)拍。又唔知點解兩個ABC往往都會俾人放係同一個galley。大家都唔湯唔水咁，份

外啱咀型。

今日果阿姐係一個坡姐。無論係客定係阿哥阿姐，大部份人對新加坡人都有彈無讚，話佢地

煩，郁d就嘈，又demanding喎。今日個阿姐個樣好cool架，但相處落又幾好喎。所以話，唔好一

竹篙打一船人。

今日班機有好多打氣團呀~~佢地跟康泰去幫精英大師打氣呀！康泰出動左成3個領隊帶團，都

幾隆重其事架喎。

班機無乜特別，除左個飛行時間太長之外，成4個鐘呀……一早就做晒d service，悶到死，8點

幾返到香港，呢程機好易做呀。

>>October 6, 2005 at 12:54:32 PM GMT+8

2005 年 9 月 28 日 星期三 【晴】


NGO-->HKG

尋晚又瞓得好差啦...........唉.............到底要到幾時先慣呀？？

校錯鬧鐘，好彩有morning call~仲夠時間食個早餐先去機場~

以為又係得我同阿姐兩個，點知多左兩個機頭佬，原來佢地會take over呢班機。呢班crew就慘

啦，DHL過唻，零晨2點幾briefing，又直落返番香港，原來我已經好幸福架啦！

今日呢班crew都好好人，我part果個阿哥仲好experienced添呀，一接手已經無野好做lu。班flight

點，我已經無乜印象lu，總之時間並唔難過。1點幾返到香港，好早呀！返到屋企惱瞓左4個

鐘，真係快樂到死~如果聽日唔駛飛，你話幾好呢？

>>October 8, 2005 at 9:11:33 AM GMT+8

2005 年 9 月 27 日 星期二 【晴】


HKG-->NGO

今日飛名古屋(....呀....月餅...)。番去report duty，見到有張taxi list，點解會有的士搭？點解班機

變左DHL flight架呢？我就拿拿臨去check番自己個roster啦，原來其實應該係即日零晨時分番到

香港，所以有的士搭，又因為個loading實在太light啦，菠蘿只有一個客，而EY就得6個，所以唔

需要咁多crew，於是我同阿姐就俾人single out左，要留o係名古屋。其實有得揀我會揀即日返，

唔駛咁辛苦，唯有安慰自己過夜有零用錢攞啦。

今日又full load啦，不過大部分都係日本客，佢地好好禮貌，又易話為，唔似其他多多要求，又

鍾意投訴。Safety demo，有一行d ptv壞左，周圍都無crew係度，我又啱啱行過，就俾阿姐叫左

我去做live safety demo啦。其實都幾核突，不過d客又睇得好開心，梗係啦，我一個為佢3個做

demo喎。我發覺只要d crew好，成程flight就會好過好多。我鍾意唻自唔同國藉o既crew，因為

無咁多是非，總之一大班香港人，咁就麻煩架啦。今日呢班crew好好，因為好多日本人。

3個半鐘，去到當地時間8點幾。我同阿姐好odd咁兩個人走，仲諗住一大架crew bus咁接走我地

兩個，但原來係搭的士。今晚間酒店好遠呀，要坐成9個字車先去到。搭搭下車忽然醒起，我唔

得攞番條圍裙呀！希望有好心人攞番俾我啦。

今次d零用錢都幾多架喎......咁夜去到都無機會shopping，無可能用得晒。最後連衫都無換就去

左買零食，搜左好多俾家姐，呵呵^^不過最金都係張電話卡囉.......不過無所謂啦，傻野你都做

得多啦，俾我做番次都得啩？？

>>September 30, 2005 at 3:41:49 PM GMT+8

2005 年 9 月 26 日 星期一 【綿綿細雨】


放假o既生活真係好呀！Free到震呀~~~~~

今日晌屋企hae左成日，夜晚就同d朋友食飯。雖然係好即興，但居然都幾齊人喎。當然我地揀

左大家最就腳o既荷李活廣場，去左大家都無異議o既pizza hut。

媚媚好似唔記得o係佢o既日記度寫一樣野，等我寫番啦。話說叫左個酥皮湯，個湯一上sindy

jiang就用刀叉將成個酥皮拎起，呢個時候大家都打左個突，脫口而出一句：你做咩呀？！然後

佢話：咁樣方便d呀嘛(仲要死不悔改，一邊講一邊用刀切塊酥皮)。原來佢屋企興將塊酥皮拎

起，切完再放番落個湯度食。我地睇住佢切極都切唔開塊酥皮，無奈地要落井下石加多一句：

你咁樣好似仲唔方便喎...................................

呢一餐到我好豪咁講：你地同我收番晒d銀包去！！Sindy jiang下次識做啦~

佢地本想睇外出，但係我地百般留難，最終都無去到。點解呢期d戲可以咁屎，想搵套睇下sip

下時間都揀唔落手。

佢地竟然提議去我屋企睇vcd囉，於是走左去cd鋪，千揀萬揀揀左隻"六壯士"睇。

上到我屋企，眾人起哄話要我著制服俾佢地睇，都癲架！睬你都有味呀！即刻將個波拋俾媚

媚。於是媚媚就試著我套制服。除左條裙窄d之外，都幾fit呀！我仲幫佢梳左個髻添^^

今晚都幾開心，下次再上唻玩過呀~~~！！

>>September 29, 2005 at 2:02:04 PM GMT+8

2005 年 9 月 24 日 星期六 【寒冷】


唔怪得空姐咁多假，因為做完一轉機，真係會攰到四肢無力。我呢2日好似點瞓都唔多夠咁，最

好俾多一個禮拜假我。

晏晝家姐叫去街，其實都唔係咁想去，因為好攰，又打風呢.......不過最後都係去左。呢期好鍾

意行zara，好好行，但佢d野個price range大到好不可思議。

跟住就約左好耐無見o既Katherine食飯。原來條友仔拍緊拖，如果唔係上次睇左佢去disney d

相，都唔知有呢回事。呢期大家對自己o既前途都好似好迷茫咁，katherine好似好想轉工咁，但

又進退兩難。雖然我係有份工，但到依家我都唔係好知自己係咪適合做呢份工，更加唔清楚自

己鍾唔鍾意。其實大家都仲後生，咪乜都試下囉，搵到啱為止，有的是時間，有的是青春(係咪

又想話我d青春已經無乜??)，唔駛急啦。而我依家o既心態就係：既來之；則安之。

>>September 26, 2005 at 12:35:51 PM GMT+8

2005 年 9 月 23 日 星期五 【驟雨】


SYD-->HKG

唉........呢程機都可以用disastrous唻形容，其實都係自己衰，玩到個人心都散晒，攪到係咁做錯

野，其次係經驗淺，好多野都唔識，又第一次做咁長o既機，最慘係香港仲要打風，臨landing之

前果個鐘遇到氣流，我地仲派緊餐，一路推住架車，一路兩邊撞。

收餐收到一半就接到flight desk既資料，話11分鐘後會遇到severe turbulence，叫我地拿拿聲收埋

d野就坐低，呢個時候，架機已經好似過山車咁，拋唻拋去，d客啱啱食完野，開始頂唔順唻樹

嘔，仲要嘔晒落tray度，我收tray果時，望都唔敢望，因為我一見到人嘔，我就會嘔埋一份架

啦。d tray仲未收晒，阿姐話快d返唻，執晒d野，坐低！

最難控制係d客，suppose佢地要坐低，扣好安全帶，但呢個時候個個都衝入厠所嘔，我地連個

厠所都lock埋。

因為turbulence，我地做少左好多野，最後一個鐘坐係度，乜都無做過。降落之後，個cabin亂到

真係打完風咁，而且仲好臭添，辛苦晒d cleaners。阿姐話做左咁多年，都未見過d客嘔得咁犀

利。

清晨5點幾落機，公司安排左的士接我地返屋企。6點幾返到屋企，攰到.........升

仙..........

>>September 26, 2005 at 11:23:33 AM GMT+8

2005 年 9 月 22 日 星期四 【晴】


進軍Taronga Zoo！

今日食個早餐就出發去動物園啦，我地先去circular quay，再搭船去zoo，今日天氣好好呀，有

陽光得唻又唔係太熱，搭船又經過opera house，harbor bridge，個view都好正呀！

搭cable上zoo，由頂玩番落唻。必睇o既動物，嗯.......唔駛講都知邊d啦，koala(有人俾koala咬左

一啖)，wombat，kangaroo，wallaby........仲有d唔係間間動物園都睇到o既獅子、老虎、leopard等

等。

最攪笑係d猩猩，姜志豪以為d猩猩一見到佢就拍手掌，但其實佢地係見到餵佢地果個人。佢地

真係好似人，有隻猩猩仲大字型咁瞓左o係度曬太陽，有隻狒狒嫌太曬，攞個麻包袋包住自己，

超攪笑囉。

裡面d珍禽異獸都幾嘔口，包括d蛇同埋果條科莫多龍，睇到雞皮都起。

玩左成個晏晝，跟住返酒店執下野就去食最後的晚餐啦。我地剧扒都係200幾蚊咋，但好好食喎

大飛姐~~~~

澳洲之旅咁就完結左啦，呢個"溫柔鄉"都真係好開心！你等我呀，I'll be BACK！！

玩到太瘋癲，如果唔係用工作唻結束呢個行程，你話幾好呢？我個身在，但極度疲倦，而個

心.........唉..........更加唔知去左邊，成程機呆呆滯滯，我都知實死架啦，但估到死到咁徹底........

由ground preparation果時已經lai晒野，到派餐，點都記唔到果3個choices係乜野，派到亂七八

遭，由於記唔到個chocie，俾人係咁催，我就快爆啦！！！




>>September 26, 2005 at 11:26:07 AM GMT+8