2005 年 9 月 21 日 星期三 【晴】


點解瞓極都未夠鐘o既？

去左macquarie centre食個lunch，我都話果間野我食過架啦，又死同人嗌！

之後又出左chatswood，好多野都唔同左lu，好似個商場又炸左唻起火車站啦，間newsfront又疊

埋左，o係d商場行左一陣，睇下d機票咁。唉.........500幾蚊玩果2日，都幾頭痛，你話點好呀？

跟住去左搵電話佬同埋去靚o正行左個圈，原來佢就o係果個位，終於都知啦，下次去接你放工

呀^^

o係chatswood返唻之後就出去city啦。我地去左武藏食野，呢間野由我一年前去，到左今時今日

都仲係咁多人幫趁，同埋都依然係咁好食。本來想幫阿媽買羊脂膏，但太夜，d唐人鋪都閂左

lu。

夜晚o既澳洲開始唻料，好凍呀！點解個溫差可以咁大架？

又由city行番去novotel，呢間酒店個架局都幾奇怪，好似一間公寓，而且無牙膏牙刷，雪櫃d飲

品仲要係開過架。

夜晚打電話俾飛飛，佢地約左聽晚食飯，佢話好齊人喎........乜無左我都叫做齊人咩？

>>September 25, 2005 at 2:25:48 PM GMT+8

2005 年 9 月 20 日 星期二 【晴】


HKG-->SYD

今日起個大早，6點就起程返工啦。飛左咁耐，第一次飛長途.........嗯...........其實係中途至啱，9

個幾鐘去悉尼。

今日個loading都幾light，加上好多時間，可以慢慢咁做service。中間仲有crew rest兩個半鐘，可

能今朝太早起身，所以都瞓得到。班crew勁貪心，勁打包，連紅酒都一人一支，駛唔駛呀.........

8點幾就到悉尼，係海關果度攪左一陣，因為澳洲好嚴，我由上機已經擔心帶俾姜志豪d野唔入

得境，唔入得境事小呀，我攞得咁辛苦事大呀嘛！好彩我帶果d畸呢野都入到境啫~~~~

澳洲，大大話話都走左成年lu，so close.....yet so far......心情係有d感觸，再加d興奮。

去到酒店先9點3個字，我拿拿臨換好衫就落樓搵姜志豪，又無見2個幾月啦，但條友仔竟然未到

囉，都唔係路架！！我等左3個字都唔見人，頂佢唔順，send左個sms俾佢。原來佢去左條橋度

等我，明明約左佢酒店門口等，都唔知聽乜架！小小野都做唔到........(下刪數字)

嘩......好多人唻接我，咁大排場，我會囂架喎~~食完野就去左睇夜景，駛唔駛咁浪漫呀？阿驢哥

果然有d料到，姜志豪學野啦！唔好成日淨係識留o係屋企溫書同埋返工先得架！中途又有段小

插曲，點解個氣氛突然間咁moody既？？

跟住就去左闊別成年o既balaclava，好多回憶喎........返工咁耐，最開心都算係今日啦。

>>September 25, 2005 at 1:46:02 PM GMT+8

2005 年 9 月 19 日 星期一 【晴】



>>September 25, 2005 at 1:49:47 PM GMT+8

2005 年 9 月 18 日 星期日 【晴】


HKG-->SGN / SGN-->HKG

今朝上網check一check，果然不出我所料，真係有得飛喎，北京turnaround，返唻果轉係DHL，

好夜先落機，即係話會係light loading同埋有的士返屋企，都唔錯呀~~！

Briefing係1520，我2點10到返到國泰城。就o係呢個時候，無人性o既crew control打電話俾我

話：“唔好意思呀梁小姐，你班機改左呀，依家安排你飛越南西頁，briefing time係會早d架，2

點55分。”望一望錶，下.........................依家咪2點55分囉，你有無得再遲d呀？？都係d賤人，

last minute先走去report sick，攪到我遲左入briefing room，核核突突咁樣。

今日去果轉個loading好light呀，70人都無，但返果轉就full晒。

唔知點解打從一開始已經唔鍾意呢班機，由老總，阿姐同埋d同事，都令人討厭。

去果轉相安無事，返唻果轉真係做到火都唻埋。D客又麻煩，呢樣又要，果樣又要，問完又

問，都無晒咯，我去邊度變出唻俾你呀？！我知你俾左錢，但我都係得一對手咋，兩個幾鐘，

你想我做到幾多樣野呀？！

個阿姐就更仆街！！o係呢度真係要小一小佢！！邊有d咁o既人架，我地做到隻狗咁，佢就乜都

唔幫手，淨係喱埋ｏ係個galley度，唔知做乜架啵！！我禁左個call light萬幾次，佢一次都無應過

我，攪到d客嘈晒咁！我真係佛都有火呀，禁都唔禁個call light，話知佢死啦！佢唔出唻，我都

幫你唔到。

呢一程機真係做到我勁燥火，我真係唔明，點解咁都可以升做阿姐？點解？！早知唔聽電話飛

北京好過，起碼有的士搭！

>>September 20, 2005 at 6:58:15 AM GMT+8

2005 年 9 月 17 日 星期六 【晴】


一起身就收到個壞消息，我聽日班taipei flight取消左，俾人調左去standby，聽日由1100等到

1800，後日0700到1700，你話係咪死呀！不過我有預感實有得飛架。好彩佢係cut我TPE，如果

係之後o既SYD，就咁大鑊啦.............................

今日係中秋呀！講句中秋節快樂先^^今晚做節，好好餸呀！雷志斌都上左唻食飯。一熱個人就

好憫，點解屋企部冷氣裝o係個咁畸呢o既位呢？

要同阿飛飛講句：

生日快樂~~~！！！(你最鍾意o既顏色呀^^)

雖然經已遲左。我會去outport買份生日禮物

俾你架，你等我呀！

>>September 19, 2005 at 3:08:34 AM GMT+8

2005 年 9 月 16 日 星期五 【綿綿細雨】


今日同家姐去瘋狂shopping。香港d野真係好平，我要shop！shop！shop！

先係銅鑼灣，跟住落番旺角搵姜媽媽，都唔係好多野啫，我個kip都塞得落有餘啦。o係旺角又

出左好多血，揪住一袋二袋咁走。

夜晚去左西沙食飯，泰國菜，唔錯~如果第二時可以住西頁都幾好喎~~~~

依然係好攰，全日無表情。終於明白點解見親d空姐都黑面。

大飛姐，我下個月就飛去你稱為唔知係天堂定地獄o既地方啦。

>>September 18, 2005 at 5:08:32 AM GMT+8

2005 年 9 月 15 日 星期四 【酷熱】


HKG-->KIX / KIX-->HKG

5連pattern，今日係最後一日，真係超期待唻緊果兩粒G呀！！！

今日飛大阪，睇到呢度，大家係咪又開始羨慕呢？好可惜，今日係turnaround，無得過夜。同埋

今日班機可以用收賣人命唻形容。仲記得我去subrabaya班機，個loading light到得98人，而今日

果兩班都overbook，有299人，極端到變晒態！攪笑o既係，前日on stand by，俾人call左做我果

班機o既同事，今日依然係stand by，而且仲俾人call左做呢班機，變左我同佢連續飛左3日，認

真有緣~~~

咁o既情形，大家當然係做到隻狗咁啦。3個幾鐘機，服侍完d客都落機啦，我地連食野o既時間

都無，不過唔緊要，呢班機係long transit，中間有3個鐘，我地就出左去機場landside果便行街同

買野食。今日都幾黑仔，出左門先發覺自己無帶yen，咁點買野呢？咪唯有係碌卡囉。於是我忍

手，除左買野食外，我咩都無買，你慌我下次無機會再唻咩？？

返左去眠左一陣又要做野啦。今日個老總勁勁勁pk，明知full load，唔幫手都不特止，仲要o係你

超忙o既時間坐晌你隔離一路昅住你，一路嘆茶，真係白逗d薪呀！

呢一轉仲忙過之前，我由d客一上機就開始胃痛，無時間食野，又無時間去廁所，d客仲要投訴

無meal choice 揀，又話我地唔收tray，真係想答佢：would you like to do it yourself？

做完呢一轉機，每個crew塊面都勁黑。我好耐未試過咁攰啦，對腳痛得好犀利。到左機場，去

左7仔買左d野食就返屋企lu。

>>September 17, 2005 at 2:21:10 PM GMT+8

2005 年 9 月 14 日 星期三 【酷熱】


ICN-->TPE-->HKG

尋日瞓得好左d，不過今朝凍醒左。

今日我地唔跟車去機場，同d crew一齊去機場打個白鴿轉先。買左2個d crew強作推介o既烏

冬，無去睇lanige，因為仲有好多貨，下次邊個想搭我買野就落order啦~~

今日個loading同尋日差唔多，台北果轉見番尋日d客，好攪笑！

遇著個好尖酸刻薄o既wheelchair pax，服待佢，但唔該都無聲，仲投訴d service差，頂佢個肺

呀！！行得又扮wheelchair喎！

今日拎左一d鳳朵酥同埋乳酪，我的最愛~！！

>>September 15, 2005 at 2:56:36 PM GMT+8

2005 年 9 月 13 日 星期二 【酷熱】


HKG-->TPE-->ICN

今日o既行程非常緊密，由香港出發，途經台灣，再直飛首爾，2日4個sectors。

晏晝出門口，計錯時間，好白痴，攪到要搭地鐵。返到公司啱啱好，洗唔切衫，無制服換。

先講下個loading先，EY都幾full下，不過由於台北太趕，多左2個extra crew，分輕下d工作。我

一早同老總，阿姐單聲，我係第4水，台北未做過，慢都唔好怪我呀~

JC果邊d crew都唻埋幫手，我又整跌晒d野，不過今次個日本妹好好人，無黑我面。最後有人幫

手，超額完成~！！

首爾果轉都幾順暢，除左d客超多hand carry，塞到個overhead compartment滿晒，攪到我地要攞

去第二度放。

今日個韓國阿姐好好，做野非常ok，跟住佢都very good呀！

當地時間8點幾落機。我覺得個機場幾大，幾新，幾靚喎。跟手轉去酒店，今晚住hyatt，其實都

無必要住到咁豪華呀。

同老總and其他人o係酒店食左個dinner，cx crew有5折，幾抵食，不過就一般啦。

夜晚出左去附近個便利店買電話卡(特別鳴謝何銘賢同學提供o既資料)，啱啱有兩個第2班機o既

korean crew，就搵左佢地做翻譯，買左張hello卡。好貴呀........10,000won打到1個鐘多d咋，唔

夠澳洲hello卡抵喎。

>>September 15, 2005 at 2:54:39 PM GMT+8

2005 年 9 月 12 日 星期一 【酷熱】


SUB-->HKG

今日個wake up call係5點半，死得...............................

始終係"生寶床"瞓唔慣，尋晚瞓下醒下，超辛苦，好似無瞓過咁。早知就同d crew mate飲野

啦。

晨咁早又出發啦。今日班機依然好light，但d ground staff真係唔知點做野架，將d客掟晒去我個

area，前面就勁少喎。今日d客多數係印傭去香港轉機到台灣做野，佢地好內儉，幾好禮貌，但

言語上有多少障礙。

今日雖然客多番d，但依然好清閒，crew rest左1個鐘，仲可以去JC坐添呀！

之前張evaluation form俾阿姐填，佢都俾幾高分我，overall有4分呀，yeah！！！

今日有個客嘔，哈哈，我引導佢去左前面個toilet，變左唔駛我清理，但其實我係無心咁做架。

本來約君君食lunch，但個死婆放飛機，攪到我晌飛機又無點食野，鬼死咁餓！



>>September 13, 2005 at 2:08:15 PM GMT+8