2007 年 2 月 27 日 星期二 【晴】

今日終於係 ultrasound 拆場的大日子!! 都好順利, 真係謝天謝地啦 ~^.^~

今次都學到好幾樣野:
1) 木signage === designer 畫的 size 要check 下我地倉有冇, & 早d向 kenny 落order
2) Backdrop 如果出現明顯色差, 就要一早提出 & 更換, 唔好咁求其, 以為可以過到骨
3) 做火柴盒再貼 foamboard Backdrop, Backdrop 底可以不落板
4) 呢個scale 的show, 可以自己一個人入場

希望之後都有呢d機會, 做下c hall , meeting room 的show 啦

之後, 4點就返到公司, 見到超多e-mail & form, 真係嚇嚇得一陣陣, 跟住就不停係咁做, 係咁做,
幸好, 有大佬, wai, bolo, charlotte 等人一齊 OT , 有時佢地又講下野, 講下笑, 令氣氛都好d...

9點大夥兒就走啦, 去了明星叫餸食飯, 食到11點就走lu, 咁就過了累累的一天..........
明天仲有排受呢 !

>>February 28, 2007 at 5:01:46 PM GMT+8

2007 年 2 月 24 日 星期六 【晴】

今日第一次做meeting 房的event : 小型展覽 (19隻攤位) + 大會野 (今次算好少, 只有podium cover,
foamboard backdrop & 木 signages) , 今次第一次一腳踢, 雖然中間都有d問題 (木 signages 個座
&板跟output 唔對 ; foamboard backdrop 2 隻色) , 幸好主辦無 "炸型" & signage 補救到 (頂硬上),
所以都順利過渡, 希望未來3 日都係咁啦 ^^

>>February 25, 2007 at 4:42:13 PM GMT+8

2007 年 2 月 10 日 星期六 【陰】

今晚細佬返黎之後, 佢都係唔理我(我同佢講野冇反應), 情緒又被牽動.............

自言自語, 因為咁樣可以令自己講出想講o既野, 個心舒服d..... ; 喊, 同媽媽在廚房邊喊邊訴說自
己的感受, 覺得好唔開心..... ; 喊 & 發呆, 因為唔知可以點, 覺得好無奈, 好辛苦.... ; 心開始靜下來,
因為媽媽說了很多開解的話......; 同媽媽擁抱, 因為好想藉住擁抱得到支持和力量, 媽媽叫我唔好咁, 會好容易搞到自己?線, 我話我都驚, 我邊喊邊說, 媽媽我地要對自己好d, 就算第日冇人錫你
, 我都會好鍚你....................媽媽, i love u

>>February 11, 2007 at 5:40:36 PM GMT+8

2007 年 2 月 8 日 星期四 【陰】

其實, 今日返到工就好好多, 但昨晚 &今朝返工時都好唔開心

在家時, 就會覺得個心好唔舒服, 谷住谷住, 因為我係嬲佢而當佢冇到, 但佢俾我o既感覺 似真係有冇我存在都冇所謂, 我知我係好執著..............

今早好累, 起唔到身, 返11點..........
返工時, 自己一路搭車, 一路胡思亂想, 想到好極端.........連自己都有d驚.....

宜家諗返, 可能我知自己做唔到唔care, 所以諗到自己好憎佢, 藉住咁樣令自己好過d, 雖然咁樣係另一種痛苦...

究竟我幾時先可以脫離呢種痛苦?

>>February 9, 2007 at 9:50:12 AM GMT+8

2007 年 2 月 6 日 星期二 【晴】

心淡......好心淡.....非常心淡..............

遲些用電腦也不可以? 這樣都要俾人鬧?

>>February 7, 2007 at 5:36:05 PM GMT+8

2007 年 1 月 28 日 星期日 【晴】

今日好upset好down, 都係因為細佬的問題,
忍唔住同同事share, 同事的回應都是叫我唔好咁憂心,
呢個道理我好清楚, 但始終放唔低, 自自然然就會覺得好灰。
希望細佬真係聽我勸告, 唔好再浪費時間....

晚上, 同同事去了睇「生日快樂」, 心情好了點~~

>>January 29, 2007 at 3:27:20 PM GMT+8

2007 年 1 月 27 日 星期六 【晴】

我同肥姐都好好訓, 食完下午茶之後,
就一齊打機, 我同肥姐對打boxing遊戲,
攪笑得很。仲打到手指公起「水pot」, 但都好好玩。

傍晚, 同肥姐去了打籃球同羽毛球,
好耐冇做運動啦, 但好彩, 我仍然跑得動。
可以同肥姐一齊做運動, 好開心呢~~

>>January 29, 2007 at 3:21:34 PM GMT+8

2007 年 1 月 26 日 星期五 【陰】

今天下午, 和eric還有karen一起去了嘉年華玩,
可惜肥姐因為驚驚, 所以唔敢來。

我地玩左好多機動遊戲, 大部分都好驚。
但我地玩得好開心。

晚上去完嘉年華, 去了銅鑼灣「打冷」,
一邊食一邊傾計, 希望karen快d搵到佢o既幸福啦!!

p.s. 今晚累肥肥久等和一個人食晚飯, 真的對不起。
多謝佢肯等我同埋冇怪我。

>>January 29, 2007 at 3:17:17 PM GMT+8

2006 年 11 月 27 日 星期一 【晴】

今日好開心 !!
因為一個下午, 經過我好努力工作, 加上其他同事的幫忙, 讓我可能做好自己SET 的 TO DO LIST ,
所以好開心呀 !!

希望明天 BRIEF 電工順順利利 !! ^.^

>>November 28, 2006 at 5:09:01 PM GMT+8

2006 年 10 月 27 日 星期五 【晴】

今日好開心呀, 因為我地 " Bee and Friends " 又有聚會啦 !!

今次我地去 == 小欖的燒烤場 BBQ !! 都係第一次去咋 !! 因為今日係星期六, 怕會好多人呢,
所以我、CHERRY、KAREN、肥、展豪、仲有特別嘉賓 === 我細佬, 哈哈哈!

入到去, 超多人呀, 但幸好仲有爐! 今日都幾熱, 幾猛太陽, 周圍又俾好多火爐圍住, 所以好熱呀 !!
等左半個多小時, 我地就玩住 UNO 等其他人, 我同我細佬係咁輸, 雖然佢已經有CHERRY 教路 & 照住, 哈哈, 好搞笑 !! 過左一陣, 隊長伉儷 & 水神 都來了, 又係玩 UNO 啦 !! 到 四點多五點, 低 B 都黎埋啦, 太陽仲未落山, 就繼續玩 UNO !!

俾水神 & 低 B 夾攻, 搞到我係咁俾佢地 DRAW, 慘 !! 有次細佬 CUT 左隻 DRAW 4, 救左我, DRAW 低 B, 嘩哈哈 !! 我同我細佬都勁開心 !! 佢仲笑住講左一句: 抵死呀 !! 害我地兩姐弟 !! .....即時當場爆笑 ~^.^~

傍晚六點左右, 太陽落山啦, 我地就開始 BBQ 啦 !! 大家係咁食, 又係咁講笑, 氣氛好好呀 !! 大家都係咁笑, KEKE !! 柏雞伉儷 8 點多就來了 ! BBQ 期間, 佢地係咁問我細佬野, 又問佢的野, 又問現時
青少年興咩, 好搞笑 !!

食到 9 點多, 我地大部份都飽飽地, 所以又玩 UNO 啦 (除了展豪, 肥 & 柏雞伉儷 )!! 我好慘呀 !! 玩左 3 鋪就 成150分, 嗚嗚 .....

燒到 11 點, 大家都夠哂啦, 咁我地就走人, 去了隔壁的空地進行餘慶節目 ==== 玩煙花 !!
大家都玩得好開心, 因為佢地大部份都冇乜玩過煙花, 所以佢地都好興奮呀 ! 又要驚 (因為唔知
係咪放得太耐, 有D變左火箭炮 !! KEKE !) , 又要玩, 仲要係咁影相 ! 我同我細佬玩左唔多, 但見到佢地咁搞笑, 又見到水神俾火箭炮 差點射到8月15, 我地都好開心 !

玩左成個鐘, 我地一行人 (除左低 B) 就搭小巴返旺角啦, 出到去仲去食糖水添, 總之今日就好盡興啦! 回家時, 我問細佬覺得今日點呀, 佢竟然話好開心 !! 我都估唔到呀 !! 因為我覺得佢係OK, 冇想過會咁開心! 見到佢開心, 我都好開心 (好彩我有叫佢去 ^^ ).

今日就咁就完滿結束啦 !!

>>November 8, 2006 at 3:20:25 PM GMT+8