2005 年 1 月 14 日 星期五 【乍雨乍晴】

今日冇乜特別, 十點多起身, vincent 同我搭的士去睇醫生 (今早好鬼痛) , 之後o係大興食飯,
跟住就返hall 啦. 因為好累, 所以冇幾耐就訓啦.
其間, vincent 要出去同佢媽咪去蔡師父到睇醫生, 所以我就繼續訓.
一直訓到五點幾先醒, 過左一陣, 我打電話俾佢, 中途佢媽咪聽, 好soft &溫柔咁話: 傻女, 你點呀?
係咪好痛呀?
我聽到之後, 既感動, 又感觸, 即刻忍唔住喊左出黎: 人地都咁關心我, 點解屋企人都好似問多句都冇, 仲要求到都唔肯黎探我 (最主要指細佬). 我強住把聲, 同佢地講多兩句就收線.
收線後, 我仍覺很淒涼, 眼淚係咁流, 於是想打俾細佬, 點知媽咪聽, 我就話俾佢知.
佢就話: 細佬仲細 (12歲!) , 貪玩, 又怕遠, 又怕我迫佢溫書;
而佢又要返工, 都冇辦法, 我又唔返屋企
雖然當中都有d 說話令我唔開心, 但總算平伏落黎, 媽咪話明日黎探我, 拎湯&餸俾我........

晚上, vincent 唔同佢父母食飯 (佢父母都好贊成), 返hall 陪我,煮飯俾我食, 因為三樓 d 男仔走哂,
冇人陪到我.....搞到我好唔好意思!

今晚煮飯煮得好慢, 所以十點先食完飯, 之後又要抹身 (唔該哂阿蘅幫手), 搞左一大輪
之後就做跆 soc report, 直到兩點多訓

今日都係好多謝vincent不嫌麻煩的照顧 ^^

>>January 16, 2005 at 12:07:01 PM GMT+8

2005 年 1 月 13 日 星期四 【颳風】

今日係最後一日o既 training camp, 朝早有早課, 簡直凍到唔想起身, 搞到要vincent 走黎叫我.
不過, 好快就操到熱哂. 吃完早餐後, 又要再操過---- 體能, 圍圈踢腳呀, 跳over 呀, 跑呀
正差不多操完, 結束三日o既 training 之際, 我地要單腳跳, 跳左腳先. 雖然小腿已經好累, 但頂住跳. 當跳到右腳第二 round時, 因為腳軟, 而且又踩到 BoBo 隻腳, 右腳落地時無法鎖緊腳碗,
落地拗柴, 好清脆地"扑"聲, 我痛到入心入肺, 眼淚不停地流出黎, o個種痛真的真的非筆墨所能形容, 我只能夠在地上"碌", 抱住隻腳痛苦地叫...............................諗起都驚, 希望以後都唔會再跳起落地拗柴

周圍o既人都凝重, heidi 幫我睇過話冇乜事, 跟住阿jack 幫我包紮. 這時, 我才開始平伏起來.
但vincent 就非常內疚, 因為我原本的右腳護腳, 因為佢話右腳腳碗痛, 而俾左佢. 所以佢認為係佢
害左我. 講真, 我真係冇怪過佢.

之後, 佢就要負責揹我周圍去, 返房啦, 再由房去飯堂啦, 再行去上車啦, 回嶺南後, 揹我上AM啦,
揹我去蔡師傅到啦, 又要揹我去 toilet 啦...............................等等

其實, 佢o既手力一向都係好差, 今次一日之內就要揹我咁多次, 佢真係好辛苦, 好辛苦,
但又唔可以唔做wor, 所以真係好多謝佢咁樣照顧我!!!!!!!!!!!!!!!!!!!!!!!!!!!!!!!!!!!!!! ( 好彩夜d 俾我諗起三樓有張冇人要o既電腦椅, 我就住住佢周圍碌) ^^!

今日三樓好齊人(仲有phoenix), 個個都o係到, so一齊叫'三盞燈' 食, 好耐冇食啦, 好好味!
正因為我郁唔到, 所以我就同 john john &柏雞狂打 高達, 好開心呀! 夜d, karen & kasty 都返左黎
佢地都好關心我o既傷, 幫我推出推入, 多謝你地啊!!!! 跟住我地一齊o係313 食生果 同玩各種, 好開心! 玩到二點幾先訓!

但最痛心o既係我細佬(考緊試), 原本我叫趁星期六, 日入黎(屈蛇一晚), 探我, 攞湯&餸俾我之餘, 順便靜心溫埋書(佢好心散), 但佢堅決唔肯(怕我迫佢溫書), 話唔想行, 在家溫就可以.
就算我求佢(講左好耐), 佢都堅決唔肯
真係好心痛.....................

p.s. 蔡師傅話我今之拗得好傷, 應該要睇 3 星期, 再抖 3 星期, 但我真係好想打比賽呀,
莫非今年又好似去年咁?? 我一定要快d 好返, 求神保守啦!!!!!!!!!!!!

>>January 16, 2005 at 3:07:33 PM GMT+8

2005 年 1 月 8 日 星期六 【颳風】

今晚擱 14:50 o既飛機, 結束呢個旅程lu

>>January 10, 2005 at 6:41:41 PM GMT+8

2005 年 1 月 2 日 星期日 【颳風】

今日一早 5點起身, 六點出門口, 正式開始六日哈爾濱交流團

>>January 10, 2005 at 6:39:44 PM GMT+8

2004 年 12 月 31 日 星期五 【乍雨乍晴】

今日好好開心, 因為約齊大鼻, 二奶, 阿南, 林美, 歐陽Doo 在我家打邊爐! 之後仲一齊睇 903 頒獎典禮添!

我同歐陽Doo 約早d (1400在我家), 因為我地要合力炮製一個 cheese cake 俾大家食, 同埋佢整左
焗酥菠菜雞肉批., 由於我都係第一次整 cake, 所以都幾雞手鴨腳, 都係 歐陽Doo 掂d...keke!
原本我地約左 1600 係官塘買打邊爐料, 但我地四點先放個cake入焗爐, 所以遲左.

由於今日係入冬以來最凍o既一日 (日頭得9度), 所以街市鬼死咁多人, d人好似唔洗 $ 咁,
但好彩我地唔洗買好多野, 所以半個小時就搞掂, 勁!

回我家, 媽負責洗野, 我地就一邊傾計, 一邊睇個 cake
原來焗cake 真係唔係咁容易, 我以為跟住書做, 就實整得成啦, 點知唔係
個cake 最後都係濕濕地, 好淋,入口即溶, 但味道就幾好...............
有d失望, 唯有下次再試過.

>>January 16, 2005 at 5:31:50 PM GMT+8

2004 年 12 月 30 日 星期四 【乍雨乍晴】

往年除夕都係o係阿周屋企過, 但今年好唔同, 就係同屋企人過!
雖然之前已去左工展會, 但為左同媽媽, 細佬去, 同埋掃貨, 所以再去一次.
我同vincent 七點半先由hall 出發, 去到都九點lu, 食左碗粥 (腸胃炎剛好返, 唔敢亂食野), 就周圍買野. 我地買左勁夕野食: 小籠包呀, 面呀, 小麥草汁呀, coffee 呀.....etc
搞到鬼死咁重, 就算我地有幾個人,都拎列死死下 !!!!!!!!!!!! 仲要今日勁凍, 得9度咋, 又大風wor,
簡直攞命!
之後仲做左件從未做過o既野: 去 時代廣場倒數 (同vincent & 細佬) !
雖然人多到死, 只係企係離 time square 好遠o既斜路上, 但都感受 d 氣氛, 我地都好閞心 ! ^^
不過, 由於好多野食要拎返 hall, so vincent一個人拎得好辛苦, 真係好唔好意思, 因為我要回家,
搞到你咁辛苦.............sor 呀..................

2004 年無論 香港定其他國家都很動盪, 同多災多難, 希望 2005 年會好d, 世界和平d, 大家平安d
我當然希望一家人平平安安, 身體健康啦!

>>January 10, 2005 at 6:34:15 PM GMT+8

2004 年 12 月 29 日 星期三 【乍雨乍晴】

返左hall同hall b朋友仔們打邊爐, 十一個人位位$58。都有d貴!!
鬼咩, 買左8盒肥牛, 每盒$25, 唔貴先奇。

因為我剛剛腸胃炎好d, 其實我都驚驚地, 萬一搞到去唔到哈爾濱咪死
所以我食得好小心, 唔敢食咁多, 食多d菜, 只係食左一塊牛肉!
好彩, 最終個肚都冇乜事. ^^

>>January 16, 2005 at 5:15:26 PM GMT+8

2004 年 12 月 26 日 星期日 【晴】

我病左呀!!!!!!!!!!!!!!!!!!!!
成個人軟哂, 又食唔到野, 又發燒, 又冇得去toilet, 但又係咁肚痛wor
好彩vincent踢完波之後去左我屋企探我咋
今次真係病得好嚴重, 又嘔又瀉又發高燒, 連去洗手間都要人扶。
好彩vincent踢完波之後去左我屋企探我咋, 煲白粥比我食, 仲餵埋我食添 (因為冇哂力), 雖然 d 粥好稀好稀..............但都好感動, 因為係佢第一之煲粥咋
食完粥再食埋藥之後, 終於好番左D, 發燒冇之前咁勁, 仲精神番D添。
由於時間已經唔早啦, 成8點幾9點, 佢又冇食過野, 我驚佢太餓, 所以留左佢o係到食飯。
最後佢睇埋「水滸無間道」先走........

>>January 10, 2005 at 6:52:29 PM GMT+8

2004 年 12 月 25 日 星期六 【颳風】

今早七點幾返到屋企, 八點訓到十二點多起身, 好趕咁食d野, 就走去教拳.
今晚我履行我o既承諾, 同左屋企人去食聖誕大餐: 去左 "沙王",佢地都係第一次黎
因為 d 野好好味, 所以凡佢地食得好滿意, 食得好開心, 所以我都好開心! ~^.^~

不過, 夜晚十點多開始肚潟 (其實之前食緊飯已開始肚痛), 勁瀉. 個肚又好痛wor
一直瀉到點幾兩點, 共瀉左六, 七次, 瀉完又肚痛, 係咁重覆! 搞到我都唔敢訓.
而且, 仲開始發燒, 發到 102 度添呀, 成個人勁唔舒服, 好發冷!!! 救命呀!!!!!

>>January 16, 2005 at 5:11:36 PM GMT+8

2004 年 12 月 24 日 星期五 【晴】

聖誕節又到啦!!!!
Merry Christmas!
今日訓到好遲先起身!!!
打電話俾阿周, 原來今晚約十點半馬鞍山等......
唉............雖然去玩好開心, 但始終唔想搞到咁夜, 但冇計啦, 佢地要返工麻
今晚又要通頂?

>>December 25, 2004 at 12:20:51 PM GMT+8