2005 年 4 月 17 日 星期日 【晴】

今日係 好朋友 林美 o既生日, 祝佢生日快樂, 日日都開心, 佢快 d 開到 file 啦, 返工開心啦 !!!! ^^

>>April 22, 2005 at 4:57:34 PM GMT+8

2005 年 4 月 15 日 星期五 【晴】

今早去左賣旗, 對上一次, 都成 5 年前 lu
原本, 想同細佬一齊賣, 等佢試下, 佢昨晚都話好, 點知今早縮沙, 因為我在家附近賣, 佢怕俾人見到 lor, 死要面!!!!!!!!!!! 期間, 我打電話係咁叫佢黎, 佢都堅持唔肯, 搞到我好鬼慶......後來我想通左,
勉強都係冇意思, 佢都係領會唔到箇中的意義, 所以我竟冇理佢.......
點知, 佢後來落左黎, 在對面街睇我賣, 仲打電話話我好多人幫襯wor, 真係俾佢激死 !!!!

今次好開心, 因為係我第一次賣得哂所有旗, 仲o係 11 點半就賣完啦, very good!

下午, 在家焗清蛋糕, 係我第一次, 結果, 好成功呀, 不過焗耐左, 所以乾左少少, 但味道很好 !!!
最基本的蛋糕我已學會啦, 那我就可以試其他難 d o既 款式啦.......哈哈, 大家拭目以待啦!!!

傍晚, 去左灣仔影 suit 相, 點知去到北角先至唔記得帶套 suit, 唉.........從來都未試過咁大頭蝦!
於是, 是回家攞, 真係頭都暈埋...........最終, 好趕咁影左相, 希望影得好啦, 話哂用黎見工麻

>>April 22, 2005 at 4:52:57 PM GMT+8

2005 年 4 月 13 日 星期三 【晴】

今日真係有好多正活動呀, 又有 " hall o既 保齡球活動", MUSO AP, 又有跆拳返 (練表演), 又有英文 工作坊............每個活動我同 vincent都想去呀!!! 但可惜全都在同一個時段 (晚上)舉行, 真係激死!!!
最終, 我們計劃去一個小時 (8點至9點) 保齡球, 因為真係好耐冇玩過, 而且仲唔洗 $ 添
之後, 回學校上跆拳, 這樣的話, 都可以上到一個小時.........
去打保齡球的, 有我 , vincent, 阿惠囡囡, edmond (hall tutor)&佢女友, ( lisa & her fd, brendan, chris ) -- 外國人
佢地都打得好好, 但我就好水皮, 一係就落坑, 一係就差不多全中, 好鬼極端........
我仲有次個波未碌出就跌左, 真係瘀皮, 我唯有以笑摭醜啦............^^
vincent 打得都幾好, 第一局仲攞左 142 分添, 勁!!!!!
我o既姿態做極都唔好, 所以成日都要佢教我...........^^ 我仲玩到手指公腫埋----瘀哂, 好痛呀!!!!
原本玩完一局就夠一個小時, 但 vincent 唔捨得走, 所以最終都係玩到 10 點, 冇去到上堂,
真係有 d 內疚............

仲有, 我地行路返學校呀, 咁都係第一次 (由新墟返學校), 係 d 鬼仔提出的, 大家一路行, 有講有
笑, 段路程原來都唔係真係咁遠..........
但 edmond 就好 cheap, 佢同佢女友搭的士 wor, cheap!!!!

>>April 22, 2005 at 4:25:04 PM GMT+8

2005 年 4 月 12 日 星期二 【晴】

今日好準時咁去上堂, 之前去交 $ 俾校隊晚宴的搞手..........
今日 social psy present o個兩個都唔係好掂, 個女仔好d, 講得幾順, 但冇乜內容;
但個男仔就好唔掂, 全程望紙, 仲講得好窒, 好難聽.....雖然見佢幾有心 pre
其實, 既然知一個人 pre, 而且 kevin 都算有要求, 之前又有pre 得好o既例子 (me, yan &水神)
咁就應該記熟 d, 咁就唔洗失哂分啦..........不過, 有時好難講.......
1430落堂後, 同水神去左找 sara, 想俾佢睇份 cover letter, 點知佢唔o係到, 失望..............
回 hall 搞下 career d 野, 跟住 3 點幾先食野.........餓............
之後, 就去左 1/F 睇報紙, 唉, 又俾人攞走報紙, 今次好 d, 仲有完整一份經濟日報, 同'蘋果'份港聞
1730 同 vincent 去聽 hotel o既 talk, 有兩個黃金海岸酒店o既人黎講, 但佢地好似好狗咁, 聽完都冇乜收穫..........
之後, 回 hall 同 karen 佢地炒烏冬食, 用左 '瑞士汁' 炒, 甜甜地, 幾好味!!!!!!!!!!
沖完涼, 去左 B 仔買 '大腳板' , 3 元咋, 抵 !!!!!!!!!!!!!!
跟住, 都係睇 '大長今'...............
雖然如此, 我今日都有開始做野o家, 做左 一part soc 324 paper, 寫得好順利.........good!!
明天再努力啦 !!!!!!!!!!!

(細佬明天開始統測 (英文), 希望佢識做份卷 & 有進步, 好緊張呀!!!!!!!! 繼續為佢祈禱!!)

>>April 13, 2005 at 6:28:56 PM GMT+8

2005 年 4 月 11 日 星期一 【晴】

今日朝早起唔到身, 因為昨晚玩 '大富翁' 玩到 3 點多........
幸好, 可以上到一半, keke.........
中午, 除了食野外, 主要係 apply 周生生 MT, 其實我唔係好有興趣, 只係見今日 dead,
順手 apply 埋.........
跟住, 就去睇下報紙 (順便陪肥肥跳繩), 點知除了 SCMP, 就只餘下經濟日報O既副刊 & 港聞, 激死
1630 又要去上堂, 頭一個鐘差不多全訓, IDA 都係, 小息時, IDA 就決定返 HALL 訓, 但我就好乖咁繼續上, 訓左咁耐, 之後就幾精神, 加上又 抄埋 NOTE, 所以就好專心啦.....^^
晚上, 去左睇 DANSO AP, 今年現場氣氛冇上年咁好, D 舞就 OK 啦,
好多U O既女仔都好 SEXY, 勁 ! 不過, BU D女仔當中, 就有兩個係肥婆, 我都唔想咁衰, 但佢唔只下
身肥, 上身都好肥, 但又要著超短裙, 仲有吊帶背心, 真係好惡頂.......咁就唔好出黎跳啦......
晚上, 睇埋 '大長今' 先食野, 唉, 今晚睇黎都係唔會開始做 paper o家啦....

( 細佬 話唔見左本第二學期o既英文書, 找極都找不到, 佢話今日仲俾老師窒, hope 佢快 d 找出來
啦, 因為應該買左) 繼續為佢學業祈禱, 希望佢真係有努力, 有 進步!!!! 加油呀!!!

>>April 12, 2005 at 4:51:00 PM GMT+8

2005 年 4 月 9 日 星期六 【酷熱】

今日去'四季酒店' o既 recruitment fair
其實, 自己都冇乜準備過, 都係昨天先決定去, 雖然 mental 上冇乜準備,
但 physical 上 (裝身) 都完到足, 成套suit 上陣!!!!
講真, 都真係幾渴望入到呢間酒店做, 因為佢係 5 星級, 好大規模 (全球有 2幾間酒店!!!),
而且佢仲係唔介意是否有酒店經驗, reward 又好, 真係夢寐以求............

>>April 10, 2005 at 5:15:30 PM GMT+8

2005 年 3 月 29 日 星期二 【晴】

由此昨晚堅持 search 完先訓, 所以今日訓到 1 點先起身, 一起身, 個頭脹住, 好辛苦!!!!!!!!!!!
今日好頹, 因為都係埋頭苦幹咁 search 資料, 睇 data base D 文章, 真係好痛苦
因為唔夠訓, 隻眼睇到勁累, 要隔一陣就休息
最慘係, 冇料到, D 料啱, 但嶺南又冇..............

上完堂返到hall, 真係好冇心機, 又好驚搞唔掂, 因為已經迫在眉睫啦...............
幸好, 返到3 樓, 見到 kasty 佢地玩 "孖寶兄弟賽車' 玩得好開心, 睇左一陣, 我又玩埋一份
咁我心情又好D..........
叫完飯後, 跟住 返上房, 把心一橫,唔再顧住找資料, 立即開始打 'social psy" o既 outline
打下打下, 又幾順暢 wor, 雖然有 d 部份仲未有料............由於有 d 成果, 咁個 心又定d
跟住, 食飯...........
但跟住睇電視, total 睇左個半鍾..... -.-..............
跟住繼續係咁search 野..................成眼繼續受罪............
係咁搞到三點幾, 原本諗住訓, 但又忍唔住落去3/F 睇佢地玩 '大富翁', 一睇就睇到四點幾
跟住仲要訓唔著, 我想大概五點先訓著, 真係自己攞黎.....................

>>April 1, 2005 at 10:12:26 AM GMT+8

2005 年 3 月 22 日 星期二 【晴】

今日同昨日相比, 真係好失敗, 浪費左成日..............

今日係有上堂, 但上完堂之後, 就掛住玩game, 搞到自己好累,
之後, 又忍唔住睡覺, 直至5:30.................
原本諗住早d起身, 叫 vincent 叫左我兩次, 但都累到死, 好辛苦, 完全起唔到身, 成個人唔舒服...
起身之後, 發覺竟然有 d 發燒, 唉........個人軟軟地, 好唔舒服
但因為好想去聽 王冬勝 個 talk, 所以都頂硬上........

王冬勝 真係講得幾好, 教左好多skill 點去裝備自己 : 例如 睇報紙去認識世界發生緊o既事o既重要性, social skill etc.................

由於, 晚上大家一齊去富泰食飯, 搞到 9:30 先返到 hall , 之後即刻沖涼, 跟住睇 tv
之後, 係有睇書, 但睇得好慢, 睇左十頁, 又忍唔住走左去打 高達...................

最終, 搞到 成三點訓之餘, 仲冇乜做過野 ( 又未 apply job!!!!!!!!!!!!!!!!!!!!!!!!!! ) , 真係好失敗............

>>March 22, 2005 at 6:51:46 PM GMT+8

2005 年 3 月 20 日 星期日 【晴】

今日能夠上到堂, 可喜可賀!!!!!!!!!!!!!! ^^ 不過, 昨晚又睡得唔好, 因為又遲左訓 (成2點半), 加上唔係即刻訓得著...............咁先夠慘...........

其實, 今日都幾充實: 中午時段, 去左睇報紙, 跟住食完野先去上堂.........
上完堂, 又在補習前一小時打了篇日記. 之後, 就去補習啦........

補完習: 回hall 後 第一件事--------沖涼, 之後先食飯, search 資料, 同vincent 傾計等等..........
好滿意今日o既生活.........................^^ 但其實, 我仲有好多野想今日做, 但時間當然唔夠啦,
睇黎有d 野, 真係唔急得...........

不過, 今晚, 阿媽同細佬 又因為d 物質(小事)而吵架, 搞到我好無奈..............
事源, 應該係細佬想阿媽送隻 ps2 遊戲碟俾佢, 而阿媽又口快快答應, 但佢有個條件:
要佢一星期交齊功課......... 唔知係阿媽冇講清楚, 定係細佬冇聽清楚, 當細佬今晚重提時,
細佬聽到阿媽咁講, 即時指責佢冇講過, 覺得阿媽冇信用, 咁就即時 '發難' , 阿媽想解釋,
佢梗係聽唔入耳啦, 就因為咁, 大家又一次嘈交...........................

其實, 呢d事已經係 '家常便飯', 物質已經係大家衝突o既主要原因之一.........
其實, 都係小問題 / 誤會 啫, 點解成日都會演變成吵架收場呢?
所以, 我都好無奈, 又幫唔到d乜, 另一方面, 又已經常勸細佬發嬲前想一想先, 但佢都唔控制下自己d脾氣 (我都明白唔係咁易改, 但起碼試下丫!!! )
都唔知幾時細佬o既性格先至會改到 , 唉.....................加油啦!!!!!!!!!!!!!!!!!!!!

好彩, 之後同 ida 分享 o下, 咁心情先至好好多, thx!!!!

To vincent : sorry..............我係好蠢的!!!!!!!!!!!!! ~^.^~ ke.......ke........

>>March 21, 2005 at 5:50:52 PM GMT+8

2005 年 3 月 19 日 星期六 【晴】

今日平平淡淡...........................但幾舒服 ^^

今日, 原本諗住十一點起身(叫左肥肥叫我起身), 但又因為懶睡, 又訓到成十二點
唉, 衰左......................

下午, 都係去左美林教拳....不過, 就唔去練啦, 因為想早d 返屋企
原本諗住去配眼鏡, 但因為冇開 (阿媽記錯), 所以又配唔到, 咁又要等一星期............
睇野睇得好辛苦呀 !!!!!!!!!!!!!!!! 快d配到眼鏡就好啦................

跟住, 返屋企後, 睇左一陣書, 又忍唔住訓左個多小時, 今日真係訓左好多!! ^^
食完飯, 睇完 '獎門人' 就返 hall , 不過, 今日有 ida 陪我, 我地搭巴士係咁講野, 總算冇咁悶

今晚, 我同ida 終於掃地, 洗地啦, 洗完好乾淨, 好舒服!!!!
阿榮又找我傾計啦, 希望佢可以 '殺出條血路啦' '明天會更好' 啦!!!

>>March 20, 2005 at 6:14:29 PM GMT+8