2004 年 12 月 23 日 星期四 【晴】

今日好開心呀!!!!!
平安夜~~~~~~~~~~~
我同vincent 去左<工展會>, 由六點行到十點呀, 行到腳都跛啦~~
但好開心, 因為好多平野賣, 例如: 小籠包啦, 意粉啦~~
哈哈, 全都係食o既!!!!!!!!!
其實仲有好多野想買, 但因為之後仲要行街街, 所以唔買住, 第日再黎掃貨...keke!
之後, 我地去左肯德基食野, 好耐冇黎啦, 好好味!!
最後, 我地去左中環睇聖誕老人村, d 燈飾又真係好靚呀, 我地仲同聖誕老人影相添, 好開心呀!

>>December 25, 2004 at 12:28:44 PM GMT+8

2004 年 12 月 21 日 星期二 【晴】

夜晚同vincent 食自助餐, 慶祝我地週年紀念! ^^

我地去左灣仔南洋酒店食自助餐, 熱盤幾好味, 但甜品就掂, 因為好少款, 最好味係"木糠布甸", 正!
食到九點半, 之後我地去左銅鑼灣行下就走, 平平淡淡, 但已經好足夠!!

p.s. 希望之後都可以同佢平平淡淡咁過............................

>>January 16, 2005 at 5:01:39 PM GMT+8

2004 年 12 月 20 日 星期一 【晴】

今日係冬至, 但今年冬天直到宜家都未凍, 感覺到溫室效應更加嚴重 !!! 唉!!!

>>December 20, 2004 at 7:39:31 PM GMT+8

2004 年 12 月 19 日 星期日 【晴】

今日專登由屋企返入屏山補習, 之後就諗住去富泰買餸, 因為之前約好今晚同Hallmate做冬........ 煮飯食
但vincent 竟忘記了,以為只係我同佢煮飯食,所以只係買左我倆o既餸
我打俾佢時, 佢打緊牌, 咁我就憫啦, 因為得我一個去買野, 咁佢就話出黎陪返我買
雖然我嬲嬲地, 但我都唔想佢專登走黎, 就有d 悔氣咁話唔洗............
但最終佢都有去到街市找我, 因為我仲有d憫, so 求其諗d 餸就走

沿途 & 剛回 hal 後, 都有同vincent 吵架, 我唔憫時, 到佢嬲...........有d彊........
但好彩我地大家互相say sorry & 認錯, so 煮飯前就冇事, 繼續開開心心食飯!

今晚女仔有我, phoenix & 琪琪, 琪琪仲專登煮椰汁黑米糖水添, 好味!!!

>>January 16, 2005 at 4:52:54 PM GMT+8

2004 年 12 月 17 日 星期五 【晴】

同vincent,仲有細佬去左食日本野.....
三個人食左34碟。
勁!!!!!!!!!!!!

半夜為左等vava細佬可以入hall B屈蛇, 攪到要出動班兄弟幫手。
由柏雞, 阿John起人牆遮住看更阿姐,
跟住我問阿姐借螺絲批, 趁佢搵緊o既時候等細佬「鼠」左入尼。
最後終於攪掂左。
好搞野, 真係好似做戲咁........

沖完涼後, 同細佬傾左一陣計, 之後落左去 313 打 winning, 我同 cherry 睇住佢地輪流同我細佬鬥
好搞笑. 但當然係我細佬輸啦.............keke, 玩到成四點先訓

>>January 16, 2005 at 4:34:54 PM GMT+8

2004 年 12 月 16 日 星期四 【晴】

今日係最後一日考試, 但我要考兩科: soc323 (郭康健o個科) &普通話
其實兩科溫o既時間都唔多, so 都幾趕!
soc 323 考 1400-1600, 雖然事先已知道問題, 但都唔係好識答......算啦, 都預左o家啦....
考完之後都開始累, 但又要溫普通話 (好多好多野考), 所以溫得好慢
但好彩, 考試內容好易, 順利打埋最後一科!

夜晚同HALL B朋友仔們去屯市打邊爐, 好開心!!
之後一齊返 hall 睇"回魂夜", 好搞笑! 12個人一齊睇笑, 氣氛特別熱鬧 !!!!!

>>January 16, 2005 at 4:27:32 PM GMT+8

2004 年 12 月 16 日 星期四 【晴】

今日終於考完試啦!!!!!!!!!!!!!! yeah!!
今朝原本想 9:30 起身, 都因為昨晚忍唔住 溫到兩點半, 所以都要十點半先起到身.................
慢慢溫捱到 十二點半食野, 雖然唔係溫到好足, 但最後好豁達咁去考 郭康健 o既科.
對於呢科, 都唔係好大期望, 但肯定o既係, 比起上個sem 佢o個科, 真係比心機上堂好多, 同埋
上足堂好多!!!!!!!!!!!!!! 應該唔會好似上個sem 咁死掛 ???!!!!!
呢科考到四點, 之後真係好攰, 但仲要溫普通話, 係咁記d 詞語入腦, 真係好辛苦!!
在溫唔哂o既情況下, 走入去考, 但幾ok, 因為唔係想像中咁難 ^^
但反而衰係 篇作文到.............唉...........鬼咩......咁耐冇寫中文作文!
雖然係食正我o個瓣 (寫宿舍管理), 但寫得一d 都唔順, 諗左好耐.......................
點都好 , 都已經考完啦 ! 之後, 我地一行十四人去左屯市打邊爐, 好開心呀!!!!
食到十一點幾回 hall... 之後, 一點幾時我地成班人做左伴好得意o既野
就係睇電影.... < 回魂夜 >
雖然呢套係笑片, 而且我睇過, 但由於個 background 係講鬼, 我都有d 驚..........
但成班人一齊睇笑片, 真係好開心!
今晚玩到成五點, 好攰o既一日.......................

>>December 20, 2004 at 8:07:43 PM GMT+8

2004 年 12 月 2 日 星期四 【陰】

好唔開心!!!!!!!!!!!!! 明明昨晚好俾心機咁做左soc 332 2/3 o既 paper..諗住今晚吃飯前可以做好它
咁我就可以安安落落咁同班 outward bound 朋友仔食飯.....食完飯又可以開始另一份 paper
點知..........................阿志問過 kelvin, 佢話我地o既做法係錯, 要完全改過appoach
仲要, 佢 suggest o既 approach 好難做.........我地要今晚從新再傾過, 又再做過...............
唉, 成個人當堂頹哂.................d 心機冇哂, 個 plan 亂哂, 時間變得好趕、唔夠用..................
明日仲要去做義工添呀.....明天都唔知可唔可以返屋企 (好掛住屋企呀!)..................
>.<.....................我唔制呀!!!!!!!!!!!!!!!!!!!!!!!!!!!!!!

>>December 3, 2004 at 9:57:22 AM GMT+8

2004 年 11 月 24 日 星期三 【晴】

昨晚溫書溫到三點半先訓, 原本諗住七點起身再溫過, 但唔知醒, 搞到八點二先起身,
其實, 個陣有少少氣憤, 因為係同房自己刷完牙先叫我,
但考試咁大件事, 而且個陣已經唔早啦, 咁佢起身都唔叫埋我起身,
如果我比她早起, 我一定會叫埋佢起身......
雖然我個陣咁諗, 但理性叫我唔好咁諗......所以考完試之後都冇乜野...係有d唔開心o者....>.<

個考試因為自己唔係溫得咁熟, 所以寫得慢左, 搞到答唔哂!!! 好唔開心! 好sad !
但明知自己要付上最大責任, 縱使頹哂, 但都唔可以埋怨..............
已經心情唔好, lunch 時仲要食個 '沙爹肉片撈米' (原本係炆米), 又salty, 又難食, 更加唔開心!

三點多又係要去補習, 又係咁, 冇乜特別...............
回程途中, 再同細佬傾欠交功課問題, 希望佢真係聽我講, 下定決心改掉這個壞習慣!!!!
無時無刻都support 佢!!!

晚上心情回復一般的人一樣活躍, 仲可以食有菜飯, 好開心!

>>November 25, 2004 at 3:44:25 PM GMT+8

2004 年 11 月 21 日 星期日 【颳風】

今日係vicent, 阿達, 阿man &冠熙 佢地隊 band ' instant ' o係 singing contest 出show o既 大日子!!!!
期待左好耐, 佢地今日終於出 show啦!
雖然已經排得好前, 但係入到陳德泰時 d 好位已經俾 d 人坐哂, 好唔開心呀!!!
所以我地一行人只可以坐到旁邊位, 我仲要同d friend 調位先可以坐到個位係剛剛好睇到vincent o既, 真係慘!!!!!!!!!!!!!!!!!
其實, 今晚黎主要係睇佢地表演, 而且我其實要溫exam o家 (星期四考),
所以, 佢地未出場時, 就睇住 d notes 先...........
點睇? 哈哈 !!! 都係多得大家俾左 d 螢光棒我咋...咁我先夠光去睇
不過, 隻眼就好累啦.............

終於到佢地啦, 好開心....好興奮!!!!
佢地玩三首歌, 當中就嗌下, 其實最主要係黙黙欣賞..............咁樣已經好開心!!!
我地個組女阿jin (韓國妹), 仲特登送左束花俾vincent, 佢真係好有心呀!!!!
所以我都好開心!!! (佢地笑我冇d危機感!!! 哈哈!!! ~^.^~)

不過, 今晚就真係冇左好多時間, 完show後, 仲去左買野食...之後一齊係永安食
幾好feel o既 !!!! 最終搞到 2 點幾, 3 點先訓 !!! >.< !!!

>>November 25, 2004 at 4:21:06 PM GMT+8