2005 年 9 月 18 日 星期日 【晴】

今日起身, 就同大家去拱北飲茶, 兼行街
雖然無收穫, 但同大家( ^^ 仲有 d 細路 ) 一齊, 好開心呀 !!

傍晚, 回到澳門, 又同球姐去了信達城行了一會, 傾下計
晚上, 就回家食大餐啦, 好多餸呀 !!!

食完飯, 大家都走了, 我地就看完電視後, 10 點才出發去搭船
^^ 堅仔車我們呢, 每次都是在這些情況才能見到他一會
他瘦了好多呢, 塊面好瘦............

今次的旅程, 我, 弟弟和媽媽都相處得好和睦呢, 真好 !!!

>>September 25, 2005 at 2:33:14 PM GMT+8

2005 年 9 月 17 日 星期六 【晴】

今日是中秋節 !!!!

今年中秋節在澳門過, 我們下午約4點才到
好, 有卿姨 & 婆婆接船, 跟住我就提意直接去 ? 仔買手信先, 免明天那麼趕

哈哈, 我們買手信之餘, 當然少不了去食大菜糕啦, 正 !

晚上, 大家好人齊地食飯, 有 2 圍呀 !!
連堅仔都有來呀, 他一見我, 就拍一拍我的臉, 好親切呀 !!
跟住, 又同d 細路仔玩, 哈哈, 佢地都還是好得意呀

食完飯後, 回舅舅家放低袋, 就去睇煙花 !!!
這是我今次很期待的事, 我還怕沒人陪呢
最終, 我, 球姐, mum, &秀姐一家 駕車去看,
wa...........海邊的車位都給人泊滿了, 用來看煙花
所以, 我們就駛上大橋上看, 這樣還正呢!!

看完回家, 就同大家打麻雀, 直到 2點半才睡
好滿足呀 !!

>>September 25, 2005 at 2:22:08 PM GMT+8

2005 年 9 月 16 日 星期五 【晴】

終於到星期六啦, 收工後, 都係同肥肥去左 apm 食飯, 之後就去了打機
wa..........好耐冇去過打機啦, 哈哈, 好開心 !
不過, 好生疏啦, 好水皮添 !!

因為不想出街, 所以晚上在家食
今天禾姐, 球姐伉儷 都來食飯, 好熱鬧呢 !!

>>September 25, 2005 at 1:57:11 PM GMT+8

2005 年 9 月 15 日 星期四 【晴】

今日 阿 head 不在, 所以做野好輕鬆, 哈哈, 我仲成日偷懶添 !! >3<
好開心呀, 今日已經有放假 feel !!!
好想快d去澳門, 食好多好野, 係咁行街街, 哈哈, 想起都開心 !!!

p.s 仲有呀, 好想去睇煙花呀

>>September 16, 2005 at 4:11:56 PM GMT+8

2005 年 9 月 14 日 星期三 【晴】

昨晚睡得太差啦.......今日好累呀, 救命 !!!!
搞到我成日返工都集中唔到 >.< 可惡 !!

p.s. 祝二奶生日快樂 !!! 大個女啦, 要唔好做喊包啦 !! ^^

>>September 16, 2005 at 4:08:19 PM GMT+8

2005 年 9 月 13 日 星期二 【晴】

因為明天是 " 二奶 " 的生日, 所以我們就約出來幫她慶祝 !!!

今次是我發起的, 但因為大家都有點忙, 所以都約得好趕, 幸好最後都齊人
太好啦, 希望壽星女滿意啦 !!!

壽星女真係好俾面呀, 扮到鬼火咁正, 差點唔認得她呢 !!
哈哈, 所以我們都爭相和好影相呢 !!!

我地 在朗豪坊食飯, 哈哈, 其實今次係我第一次去, 原來那裡都有很多餐廳
我們在一間近似 意粉屋的餐廳食, 食物都唔錯 ^^

我們 5 個傻婆一齊, 每次都會笑到肚痛, 今日都唔例外
哈哈, 由其是 大鼻的笑話, 真係笑到非常肚痛...........哈哈
所以, 每次出來都好開心, 愛死你們呀 !!!

之後, 我們去了油麻地高氏大廈的 cafe 坐, 繼續傾, 繼續笑
不過, 都開始有點累啦........
阿 doo 在10點多 join 我們, 太好啦, 齊人 !!!
直至 12點, 生日歌就當然不少得啦, 見到二奶好開心呀 !!!
( 她好喜歡我送給她的花盤仔朱古力, 不枉我那麼趕都去買 )

約 1點回到家, 梳洗後, 1 點多就睡, 其實已很累了.......
但是, 頂頂頂, 我竟然睡不著呀, 應該和 cafe 那杯 coffee 有關啦 !!!
很辛苦呢, 明明很累麻, 結果應該 約 2 點半才睡得到............

>>September 15, 2005 at 4:33:29 PM GMT+8

2005 年 9 月 4 日 星期日 【晴】

今晚同小強 & karen 在 amp 食飯, 大家有講有笑, 好開心呀!!

>>September 12, 2005 at 3:53:41 PM GMT+8

2005 年 9 月 2 日 星期五 【晴】

今日同VINCENT & 佢O既恒商朋友上深圳玩小型賽車
點知幾經辛苦, 4 點多去到 水庫公園內, 才發現賽道還在, 但已經沒有賽車了
大家都好失望呢 !!!

之後, 我地去了打保齡球, 好多人呢, 我們等了很久
幸好, 那裡有部足球機, 於是我們大班人一起玩, 很好笑呢

直到 8 點多, 我們去了 小肥羊 打邊爐, 很美味呢 !!

原本, 今天很開心, 但回程時, 在火車上, 我說了一句話, 就令到VINCENT 很嬲
之後發生的事, 實在很難忙.............

>>September 11, 2005 at 3:48:40 PM GMT+8

2005 年 8 月 30 日 星期二 【晴】

今日都是如常地返工, 不過, 下午太多事做, 差點 miss 了速遞的截數時間
幸好, 速遞公司就在後面街, 所以我親自拿去都趕得來.......

今日很熱呢, 所以放工時就經 amp 返家
哈哈, 正因為這個決定, 我就遇到了 ---- 小強 !!!!
很開心呢, 於是我們停低聊了一會, 知道他做了地區幹事, 小文在官塘做 merchan, 真好 !!!!
我們還計劃約出來食飯呢 !!!
之後, 很開心地將這消息告知 karen..................

回到家, 和 karen 傾電話, 很開心呢, 因為都沒聊一排...........
知道她工作的情況, 加油呀!! (同時都要小心身體)
之後, 我們竟聊起弟弟的事情, 突然發覺終於找到一個明白我這個做家姐的人
談到做家姐的難處, 很有共嗚呢.......... ^^

又成個月沒見大家了, 唔知今個星期日的飲茶活動是否搞得成呢?

>>August 31, 2005 at 3:12:56 PM GMT+8

2005 年 8 月 26 日 星期五 【晴】

今天放工後, 就馬上到 amp 和 pig pig 吃飯, 很久不見呢 !!!!
幸好, 我們都很投契, 很好傾..........^^
但因為不知道吃什麼好, 所以很遲才吃, 很餓呢!!

我們一邊吃, 一邊傾, 很開心 !!! 她很擔心 A-Level , 希望她能夠放鬆點啦
今天, 我發現了一件事 : 原來 pig pig 是很有母愛的, 好希望有 4 個兒女 ( 3 個都唔得)
在這個年代, 有這個想法的女仔, 實在太罕有了!!!!!!!!!!!!!!!!!!!!!!!!! 好有趣呀 !!!!

傍晚, 帶肥 vincent 去了 ' 阿貓地攤 ' 飲野, 但他好 ' 冇癮 ' , 哈哈
因為 那些貓貓 好高傲, 明明經過都唔理我們, 又不跳上我們的座位.........

之後, 我們去了 city super 食飯 跟住還去了 ' 義順 ' 食連子燉蛋, 好滿足呀 !!!
呢幾日是糧尾, 所以好窮呀, 所有 $ 都要肥 vincent 出, 辛苦你啦 !!!

>>August 29, 2005 at 2:07:25 PM GMT+8