2005 年 7 月 8 日 星期五 【晴】

今日成個下午都在家, 因為細佬帶左 4 個 朋友上來(2男2女), 又用電腦, 又打機
so, 我只好收拾下東西....
佢地一來到時, 我叫細佬介紹下, 點知佢只不過草草介紹, 佢地又唔多想咁
俾我印象好差...........

傍晚, 媽媽回來, 點知佢地冇一個叫人, 咁樣, 似乎冇乜禮貌 !! >.<
我做埋手勢叫細佬提佢叫佢d fd 叫人, 佢又 get 唔到 !
跟住, 我就要走啦, 因為約了肥肥& irren (肥肥媽 同 aunt Lily 一家去金鐘o既 Delifrances 食飯

由於肥肥睡遲了, 搞到原本想食飯前行 IKEA o既計劃泡湯, 所以有d 忟 !! >.<
所以, 我只好獨自行下匯景先, 然後再搭 MTR 去
aunt Lily 一家都好好人, 我覺得佢好幽雅, 常會說英文; 佢個女就大隻 (肥) 但五官都 ok, 把聲幾好聽 !! 佢老公就係今晚o既老闆, 因為佢係 delifrances o既經理 !!

我地叫左好多野食, 一齊 share, e.g 煙三文魚沙律 (d 醬 & d 菜 好好味 & 特別), 炸魚柳 (未食
過咁滑o既魚柳 !!), 龍蝦湯 (係真正o既龍蝦湯, 每啖都有龍蝦o既甜味, 超超正 !!)
之後, 仲有 5 款甜品, 真係超飽 (其實, 喝完湯已經有d飽 !! )
哈哈, 今餐真係超正, 佢地仲好好人, 話下次再一齊食過 ( now 只有金鐘店有咁o既晚餐 )

之後, 肥肥送我回家, 回家途中打電話話阿媽, 佢話好激氣, 因為阿媽見 7 點, 叫佢 d 朋友回家食飯
細佬送走他們後, 話阿媽好趕佢地走 (雖然係阿媽提出佢 d 朋友冇禮貌先), 跟住佢地就嘈交啦
唉, 我細佬真係唔多懂得尊重 mum, 郁 d 話佢煩 & 叫佢走開,
好怕佢第日會重蹈 dad 的惡行, 好衰咁對 麻麻
佢回來後 (去 swimming), 我又話過佢, 希望佢會聽啦......

>>July 14, 2005 at 8:19:51 AM GMT+8

2005 年 7 月 7 日 星期四 【晴】

今日中午同肥肥返嶺南同 tim 仔食 lunch
我地去左 中菜廳飲茶呀, 很久沒試過啦
我地一路食一路傾, 好開心 !!
今日由我做老闆, 由我請大家 , 哈哈 !!

下午, 我們在 library 上下網, 3點多陪肥肥去睇 Dr, 因為佢又生'非滋' 啦, 好慘
跟住, 佢就陪我出了旺角行了一陣, 之後佢就走啦
我自己就行到成 7 點先回家吃飯............
雖然 花園街 d 衫 好多款式, 但我都冇乜心水買野.............

>>July 11, 2005 at 5:40:09 PM GMT+8

2005 年 7 月 6 日 星期三 【晴】

今日冇特別, 下午都係在肥肥家上下網, 傍晚同佢一齊走
晚上回家食飯啦...........

>>July 11, 2005 at 5:29:48 PM GMT+8

2005 年 7 月 5 日 星期二 【晴】

今日中午睡醒, 肥肥煮了個麵給我吃, 之後, 我就去油麻地 interview 啦

原來呢間係 地鐵公司 為 國金外判出來的保安公司, 負責在 info desk 做禮賓司
我係第 2 個女仔到, 等左好久, 終於 夠4人, 之後大家再等左約 15 分鐘, 先有人來 (等到人都呆哂)

首先, 有人來講解 下工作職責, 返工時間 (返 9小時,要 shift, 星期日都要返工),
人工 (一開始 9 k, proba 之後有 10k 添), 好吸引啊 !!!!!!!!!!!!!!!

跟住,就開始 in , 我係第一個 in 呢, 太好啦, 唔洗等 !! ^^
佢真係問得好表面, 都係 幾條問題, 我覺得 自己都ok 呀, 希望佢都係咁覺得啦!
佢話下星期頭就會有通知, fit 呀, 快 d 通知我啦 !!

in 完就即刻返肥肥家, 我地去了 mc 記食 tea, 好好味啊 !
原本, 打算傍晚去行山, 但肥肥太 ..........啦,去唔成 >.<
晚上, 在肥肥家吃飯, 他媽媽煮雞粥 (佢話因為我咋 ^^), 好味道!
吃飽飯, 個人又覺得好累,好唔想返老遠的家,
唉, 最終因為咁, 又在他家睡了.............

p.s. 哎呀, 我昨天忘了問 有冇雙糧呀 >.< !!

>>July 11, 2005 at 5:25:32 PM GMT+8

2005 年 7 月 4 日 星期一 【晴】

今日上午準時去到 BnC Interview, 自己都準備過 d 問題
點知,去到 alex 只係將d工作職責, 公司福利等講詳細 d 俾我知
一條問題都冇問我 wo, 哈哈, 原來佢已經決定請我啦 !!!

佢俾 $7500我, 話頭幾個月唔洗返大陸住, 學 d 程序先.........
之後, 先要返去, 但佢話唔洗擔心, 就算去深圳咁近, 都會有人帶

我見好似佢都幾肯教我野, 佢叫我最緊要肯學, 話大家都會好肯幫助我
同埋, 佢再向我暗示希望我會俾心機做, 佢仲用左個例子話俾我知
做 1, 2 年再轉行, 始終都會對自己o既 career 有影響.............
所以, 我都真係要好好想下啦.........

今晚去了 cityu 睇一個 '世界記憶大師演示會', 係陪 肥肥去睇的, 咁我都有興趣o既
佢美其名係 show quali, 但其實最終目的都係想 sell 佢d 記憶 course
不過, 個大師 & 佢 d 徒弟 都真係好勁, 如 背數字、背啤牌, 背字典 etc
其實, 最後, 我都會有d興趣, 因為可以幫助事業, merchan 都需要記好多野

睇完之後, 我地去了又一城 食 KFC 食, 好餓呀
之後就去了肥肥家, 雖然我要帶埋明天 interview o既野 (好重)
但之前應允左話陪佢, 冇計啦 ^^

>>July 11, 2005 at 5:01:53 PM GMT+8

2005 年 7 月 3 日 星期日 【晴】

今日在家休息................隻腳好唔舒服呀, 可能是因為 d 路太斜啦..........
今早上午, B N C 叫我明天 1100 去 Interview, 好開心呀, 但 first in 時基本上已問過了,
唔知今次有咩問呢?
下午打電話去國金那兒, 佢叫我星期三去 in,
唉.............呢個時間竟然有兩份 我都想做o既工找我
哈哈,如果, 兩份都請我, 我就會好煩啦

今晚找了 ivan 傾計, 問佢o既意見, 究竟 merchan 好唔好, 同會考d咩
我地傾左好久, 我俾左好多意見我
佢覺得 merchan 比 property management 有前途, 同埋明天可能會考 寫 e_mail
& d case, 考點收科 !!!
之後,又同阿yan 傾, 佢都俾左好多意見我, 好多謝佢 !!!

>>July 11, 2005 at 4:37:41 PM GMT+8

2005 年 7 月 2 日 星期六 【晴】

今早我醒了好幾次呀, 但每次醒, 佢地都未起身wor, 而我又好累, 所以又訓返......
最終, 我們12黠多先起身 (由阿周過來叫我們)

今日好熱呀, 成間房都好似蒸籠咁, 好辛苦 ! >.<
我們草草地食完午餐後 (都煮了好久), 就落水玩啦
我們玩飛碟啦, 數字球啦, 游水啦..................
一直玩到5點多, 我同鄧小姐 & 阿孫 就幫手收艇 & 沖涼先, 因為有風--好凍,
而且時間都差不多啦..........
我們 3 個沖完涼, 佢地才回來, 清好間房, 我地就去左阿周到食埋d 剩餘食物, 好飽呀!
呢段傍晚時間好舒服, 冇咁熱, 我地在阿周門前拍照, 因為佢整左個 掛在樹o既 秋千
好美麗的! 就像人地拍婚紗照的那種............佢仲有mini 籃球架, 自己整的, 很有趣 !!!
但佢o個地太多蚊啦, 我被咬了成10處, 呢d 郊區蚊好毒的, 會癢很久.....慘 !!! >.<

因為gigi 唔舒服, 所以我們 1930 先起行, 一開始個天仲光的, 很快就天黑啦.....
但因為開揚, 所以都條路都好清楚.........
wa.....回程呢條路真係好金呀, 條長命斜, 好難頂呀 !!
最終,我們 2015 才到西灣亭, 跟住我們就回西貢去.........
回到西貢, 我們去了'滿記甜品', 我第一次去咋, 因為以往覺得貴......
我食了好出名的 ' 榴槤 pancake' 真係好好味呀, 但 $ 都唔便.........
由於好好味, 我仲外賣一客俾家人, 佢地好lke 呀 ^^
就咁, 大浪西之旅就完滿結束左啦............

>>July 9, 2005 at 8:12:21 AM GMT+8

2005 年 7 月 1 日 星期五 【晴】

今日係'大浪西之旅' o既第一日.........
原本叫左肥肥08:30 叫我起身, 點知佢唔記得, 搞到我唔知醒, 足足遲左一小時。
原本約了10時馬鞍山等, 但最終 11時才到, 真的不好意思!
今次得我, 阿基 & 阿德入去先, 因為其他人要返工.........
阿周車我地去地西灣亭, 之後我地就行入去.........
真係好久冇去過大浪西啦, 雖然天氣都熱, 但我地幾快就入到去啦, 沿途的景色還是很美呀!!
我們入到去, settle down 後, 我們3人就急不及待去落水啦, 因為天氣很熱呀 !!
真的很巧合 !! 肥vincent 今日約了他的朋友行山, 點知原來是行經大浪西的(我都是入去的途中先知) ! 最終, 我地在海灘相遇, 拍了兩張相, 我還介紹佢地兩個俾佢識 !! ^^

今日好猛太陽呀 ! 我們在海灘玩了很久, 又乾晒, 又落水, 等左2個多小時都未來
最終, 我地返左屋等.........等了成個小時, 佢地終於來.........
今次唔係好多人, 有阿孫, 阿包, 阿 kit, 阿周伉儷 & 鄧小姐 (係男仔, 好有趣 !)
食完粥, 就坐艇出海浮潛, 咬住個呼吸器, 起初好唔慣, 好似吸唔夠氣咁, 又因為游游下唔到地, 驚驚地.......慢慢又好d, 冇咁驚
但因為冇著鞋, 隻腳掙扎時, 被d 石o既貝殼擦傷了, 好痛呀, 仲要浸海水........

玩到成 8 點先走, 跟住就 BBQ 啦, 雖晚上唔係好熱, 但好多蚊呀 >.<
一路燒一路傾計, 後來, 阿德仲拎個結他來唱歌, 我地仲趁阿周陪 gigi 返家時, 練習唱 '愛是不保留'
等佢回來時, 唱給佢聽, 搞到佢好似眼濕濕 咁..........

收拾好d野, 我們就回房玩下, 傾下計...........
搞到 3 點多先訓....我一個人訓上格床....今晚好特別, 因為有阿德o既純音樂哄我訓, 好舒服!

>>July 9, 2005 at 7:35:51 AM GMT+8

2005 年 6 月 27 日 星期一 【晴】

今日過得好充實, 感覺很開心
中午起來, 食個包當lunch, 之後就好努力咁send 信, 有成10多封呀!
雖然係咁對住部電腦, 好辛苦, 但進度良好, 感覺好好!

突然, 有間公司叫我去in, 我in 個位係 assistant merchandizer
佢寫人工得 $7000, 但勝在近, 在官塘,
我明天要努力d先得! 哈哈, 我在電話裡表現很開心呢!!

3點多休息左一陣, 因為對眼已很累了.......
休息完, 又繼續send 信......
4:30-5:30 整理要寄o既信, 跟住落街寄
今日天氣好好, 所以落街行下, 個人都醒神d (雖然時間好短)
回家後, 繼續send 信, 終於在 6點半 打好哂啦, 好開心, 因為完全 fit 到 schelude!

之後, 就幫阿媽煮飯, 仲一早沖個靚涼添 ^^
今晚, 我仲幫阿 pat 打好份比賽總結添, 真係好!

11點過後, 我就睇下newsgroup, 我見到 phoenix 留言話有工返, 個心即刻重重地沉了一沉
(那種感覺很強烈!!!!!!!!!!!) 有呢種感覺, 當然唔係唔抵得or妒忌人地找到工, 而且覺得又有人找到工
了, 即刻有種無名o既壓力..................................

>>June 28, 2005 at 5:31:07 PM GMT+8

2005 年 6 月 22 日 星期三 【颱風】

今日雖然多d公司合心意, 但都係遞 CV & form >.<
今日又係in 左份ＣＳ , 又係 3種語言..............

我今日去完招聘會後, 4點去左灣仔in 一份CS o既工
呢間公司係服務式住宅來的, d 客主要係歐美客
in 我o個個女仔唔知佢係咩post, 但佢係著制服o既

今次足足 in 左一個鐘呀, 開始o個3個字係廣東話
之後英文& 普通話各in 左4個字左右......
真係講到個口好累呀!

其實個女仔好好人, 好ｎｉｃｅ，但佢d問題就好challenging
如: 想做CS, 點解唔Apply hotel?
點解肯在這小公司工作?
在interview 當中, 我覺得你好challenging,
咁你係咪會學完野後就會走, 去其他公司/hotel做?
我之前in左成幾十人, 佢地都俾你有經驗,
咁我點解要請你?
仲有好多圍繞cs 點處理d客投訴& 情緒o既問題
全都係難答的!

雖然都答到佢o既問題, 但唔係答得好好....>.<

>>June 24, 2005 at 10:21:59 AM GMT+8