2005 年 8 月 24 日 星期三 【晴】

今晚,我返左去嶺南 uop
因為幫下跆拳表演&招生, 順便同佢地聚下
點知, 返到去有好多意外收穫, 就係見返好多朋友^^

其實, 自昨晚知道不能當 MC 後, 真的很失望, 還有點發悔氣 : 他們都不需要我啦, 我為何
那麼著緊呢 ? 但始終都是喜歡這群體, 故今天下午突然有很多工作做, 我還怕會遲了放工,
遲了入嶺南.................
18 : 15 走人, 趕到巴士站時, 見到條隊好長好長都怕怕, 幸好剛剛有村巴, 所以 7點多就回到屯門了, 之後, 和肥 vincent 去買了個飽吃, 就回嶺南去

見到了很多自己認識的人, 但更surprise的是, 竟然讓我遇見一些grad左o既人返來。
見番佢地, 實在十分高興。

grad 左o既, 就見到王'少'龍, 朱腸, 阿zuk & 仃伶, Dennis, Fanny
等等 (唔記得左) 仲有tim 仔 ^^, 低 b 仔, edmond >.< 佢竟然唔知我grad左
未grad o既 就有 Anna, charmine, pizza, 水銀, 臭鐘, 阿財等等
我見一個, 就停低傾一會, 哈哈, 很忙呢 ~^^~

Anna 話佢係7樓o既 ' 死淨種 ' , 個個都唔識, 好慘wor

由vincent 同腿旦治o既對話中, 知道阿九chris 原來冇轉層
仲要uop 第一晚已經撬哂佢d組女去玩, 果然係狗公..........

返到去個心情都好特別, 好開心.............

之後, 和跆拳友去食飯, 順便和俊文 farewell...........
開心是開心, 不過, 肥 vincent 沒有去, 因為我們 11 點才出發, 他怕太夜, 又怕冇車........
但因為我堅持要去, 所以弄到他很勞氣 (他怕我明天上班累, 又怕我太夜回家)
對不起啊, 在玩方面, 我常常都是很任性的...............^^
最終, 大伙兒在 12 點多散, 九龍人都一起搭巴士出去, 1 點半就回到家了
但今晚很特別, 因為雖然已很夜, 但我和肥vincent 對今晚的事有很多想說
於是, 我們 share 了成個小時, 大家都很開心 !

>>August 29, 2005 at 1:37:26 PM GMT+8

2005 年 8 月 22 日 星期一 【晴】

昨晚點多才睡, 所以今早起床時很累, 懶床不特止, 還發了媽媽脾氣..........
以前在 hall 不會發 ida 脾氣, 因為她始終不是親人, 又義務叫我起床, 還要受我氣 ?? 不可不可 !!
但在家就難點控制了.............

今早經典句子 ---- ' 求你給我睡多一會 ' 竟然不自覺地出現, 可知我是多麼的累了 !!!

但整朝都ok, 不覺得累, 加上一路都有工作做, 所以朝早也很易過. 不過, 約 12 時, 打給弟弟 ,
話他不負責任, 將我的健體金卡領取通知書都不見了 (昨天叫他代我去取), 叫他找回來.
在整個對話中, 他的語氣都很悔氣, 我忍住叫他不要這樣, 但他也不聽, 還 cut 我線.
心裡真的很氣憤, 時常都要這樣差語氣, 我實在很難忍受這點. 其實, 他和我一樣, 不愛聽
語氣差的說話, 很久以前已向我們投訴. 所以, 我就叫仔要懂得 ' 調轉來想 ' ----- 你不愛聽,
別人也不愛聽 (這道理是很好的) . 無奈的是, 他不明白這道理, 或是明白的, 但不肯面對,
態度依舊. 所以, 真的令人很氣憤 !!! 因為我已經 ' 好聲好氣 ' 了, 或是沈住氣了, 他還不 ' 識做' ,
好語氣些 !!!!

在這時候, 我突然想起現在常出現在家庭爭執中 (通常是小事, 或一方太衝動),
有人突然氣憤得, 激動得拿出刀呀, 剪刀等利器去傷害另一方的事件. 有時候,
氣憤真的很容易令人失去理智, 一時衝動地做錯事, 由其是那方已經抑壓了很久,
或對方故意挑戰, 頂撞, 不肯讓步和不聽意見.

將這情況套在我身上時, 我有點怕.............一方面, 怕弟弟會這樣做, 因為當他被我們話得不服時
他會大發脾氣, 會很激動, 怕他真的一時衝動 ; 另一方面, 我怕我會氣得忍不住這樣做,
因他悔氣, 傲慢, 愛理不理的態度實在太難忍受了 (因為我很討厭這樣), 好聲好氣又是這樣,
惡又是這樣, 難度我們真的有十冤九仇 ? 不肯聽人說話的悔氣鬼 !!!!

跟住, 又自然地套在我和肥肥的情況上, 很可怕...................唔喜歡你發脾氣.............

想這些事情, 總會令人無奈, 垂頭喪氣...........
下午都因此有點心不在焉................>.< (還忘記了 call 速遞收件, 差點搞到趕不了)

Emily 幫我改了花名 ---------- ' 妹頭 ' , 因為我是公司最年輕, 哈哈, 從未想過會有這花名, 好有趣 !
這是今天開心的事..............

放工回家途中, 心情都不好, 一邊行, 一邊聽肥肥 吐苦水............
回家後, 就打日記, 肥肥向我認錯, 不知怎的, 到我發嬲了................

>>August 23, 2005 at 12:53:18 PM GMT+8

2005 年 8 月 20 日 星期六 【晴】

今日條腰還是很痛..................慘

昨晚差不多兩點才睡, 所以今早不願起來, 11 點半才肯起來.......
中午在家吃叮叮意粉, 因為很懶出去買........
其實, 我不是很想去教, 所以食得慢條斯理, 最終點3才出門
出門已經遲到啦, 點知落到樓下就立即下大雨(加上大風), 還越來越大.....
未去到巴士站, 全條褲加上背脊已全濕, 好慘.......
但禍不單行的是, 我差不多到巴士站時, 見到架巴士, 向他揮手, 但他竟然走了......慘

今日教半好輕鬆, 因為沒有分開白帶,我只是幫手, 加上阿寶來了, 得閒搞搞震, 好開心 !!
今日, 有點興趣想操, 所以就留下, 但不是很好, 因為主要操基本功,有點悶
但最尾有得打short fight , 同阿寶, 董勇 &高sir 打, 發覺技術沒大退步, 好開心!! ^^

回家途中, 好累呀, 於是睡了一會.............
回家後, 發覺弟弟又將東西周圍放, 又不立即放好, 又忍不住話他幾句了 >.<

>>August 21, 2005 at 2:45:25 PM GMT+8

2005 年 8 月 17 日 星期三 【雨】

今日剛剛返工一個月, 其實, 情況都可以, 沒有很多出錯事(只是很minor的錯), 和同事的關係
都不錯, 雖然人工就奀 d...................

返工都是如常, 但是, 要替燈座和橡筋帶找的供應商還未找到, 煩..............
下午, 有機會翻開包含香港企業廣告的書, 見到當中的產品, 一邊看, 一邊發夢做生意(購入看上眼的產品賣出去), 真開心, 哈哈............哈哈, 其實我真的很想試下有自己的檔口的滋味..........

晚上, 約了肥肥和john john 在apm 見面, 為的是幫john john 做fact find,
他們 7點多才到, 之後, 我們在 KFC 的近角落位坐, 又有梳化椅坐, 又唔會比人望住.........
我們一邊閒話家常, 一邊share食大桶雞, 正 !!

直到 9 點多, john john 才正式幫我看我的保單, 解釋了很多疑問, 令我清楚很多, 多謝你啊 !!
之後, 佢正式同我做他的文件, 哈哈, 由於我是他第一個客仔 (都算是啦), 第一次做
所以, 他都不是太熟, 哈哈, 還有點緊張呢 ! 他一邊寫低我的說話, 又一邊要保持談話 (唔可以stop)
哈哈, 但他已做得不錯啦, 加油呀, 既然你有心做, 就好好利用你的優點去做啦 !!!

臨走時, 在amp 大堂的書展見到 歐泳櫸 竟然出書, 是紀錄他在澳洲一年的生活
我們 3 人 埋首在看, 售貨員話這本書好賣得呢 !! 阿坤哥都幫他寫序呀 (還有其餘 3 位大粒人)
他還在 15/8 有簽名會添, 好勁呀! 我們一邊看, 售貨員一邊努力地介紹, 還幾熟 d 內容添, 好有趣!
最終, 差不多11 點才走呢...........累了...............

>>August 18, 2005 at 4:53:01 PM GMT+8

2005 年 8 月 13 日 星期六 【晴】

今日在美林舉行跆拳道比賽, 辛苦了多天, 今日终於完成了比賽..........
昨晚因為要趕工完成選手証, 完成後, 就不想睡, 所以就玩上網玩game , 到 2 點才睡
今早差不多 7 點就要起來, 真的很辛苦...........
在巴士上遇到阿德, 他給了我一個熱騰騰的 m 記薯餅, 多謝啊 !!!
8 點多到場後, 就開始一連串的場地佈置工作, 搬蓆, 桌椅, 等等
10 點半正式開始比賽, 搏擊方面都順住冇問題, 但套拳就因為好少人 (total 8 人), 所以就好單薄,
葉sir 佢地 要等...............
我的司令台都ok 啦, 有時就亂些,又要過磅, 又要寫場紙, 又要借護具, 又要檢查護具
但總算ok, 因為有好多人幫手, 包括 高佬, 阿德,浩然, 老廉, 好多謝你們 !!!!!
由於好忙, 所以都沒有時間看比賽, 真是很可惜......
因為有些小朋友, 選手都幾好, 但偏偏不能看............
但今個比賽, 個時間控制得好好, 同我地計劃的一樣, 順利在2點開始頒獎
見到大家攞到獎都咁滿足, 我都好開心 !!!!
不過, 出乎意料之外的是, 有些好細個的小朋友(約 6, 7 歲), 竟然好在乎自己拿不到獎
有個還哭了很久, 因為他說自己已很努力練習, 認為自己已夠好.........
現在的小朋友真是.................
4 點終於清理完場地, 條腰好累呀 !!!!!!!!!!!!!!
之後, 我尼好餓呀, 整日都沒食過食物, 於是忍不住去了食少少,
之後, 我們一行 20人一起去了沙角村大排檔慶功, 好久沒來啦, 上次來已是 99 年了.....
開始好累啦, 眼已是半閉了, 因為很早來到, 所以閒談到5 點半 才點菜..................
所有餸都好好味, keke..............
8 點多 就到回家了..............
雖然用了好多時間和心力去辦, 但今日終於辨成了一項大型活動, 我都好開心..................

>>August 14, 2005 at 2:29:16 PM GMT+8

2005 年 7 月 30 日 星期六 【晴】

今日都是如常地去美林教拳...........
弟弟終於買了高達了, 好好開心呀..........
於是回家後, 便立即和他打機, 不過, 好久沒玩啦, 水皮了不少...........
另一方面,我借 online 麻雀的戶口給媽媽玩, 點知她幫我輸了很多, 慘.................

>>August 11, 2005 at 4:07:23 PM GMT+8

2005 年 7 月 27 日 星期三 【晴】

今日返工d時間好難過, 因為全日係咁改野, 好悶..............

今日lunch , 有 d 唔開心............
事緣, 我一路食飯, 大家一路傾計
emily 依然全程冇同我講野, 就算講同我有關o既話題 (我在 macau 出生)
所以, 我都幾肯定佢係唔多like 我
除此之外, o個個阿姐eva, 話我 d 手毛好多, 其實, 佢講唔緊要,
但佢以嬉笑o既態度話: 乜你咁多手毛o家
o個個emily 佢要話我覺得 d 手毛多o既人好恐怖 (唔知係咪我心多, 我覺得佢有d話我)
我即時唔多開心, 心想: 洗唔洗咁呀, 你估我想呀!!!!!, 阿爸阿媽生成咁點呀 !!!
關你咩事 !!!!!!!!!!!!!!!!!! >.< >.< >.< >.< 真係嬲呀!!!!

晚上, 食飯後, 因我唔抵得細佬咁衰, 所以同佢頂撞, 最終, 搞到大家吵架收場,
唉, 點解我做唔到唔理佢呢.....................

>>July 28, 2005 at 4:29:31 PM GMT+8

2005 年 7 月 26 日 星期二 【晴】

今日由於大eva 早走, 所以我就負責送件去快達, 順便收工........都唔錯丫...........
回家後, 都是如常洗澡, 幫忙煮飯, 睇電視, 幫阿pat 打文件
最終打了一圈牌就訓了..........

>>August 11, 2005 at 4:02:45 PM GMT+8

2005 年 7 月 25 日 星期一 【晴】

今早好眼訓呀, 好辛苦呀, 只是頂硬上 !!!
但幸好今天工作量平均好多, 所以舒服些.........
今日肥肥出了糧,加上被我投訴絕少主動約我出街, 所以今晚他約我去
尖沙咀 的 ' 霸王山莊' 食飯..........
我和他都未去過, 是他同事介紹的, 那裡的裝潢都幾舒服, 是食中國各地特色地道菜的.......
那些餸當然好好味啦, 而且還很貴呢, 一個小菜都要50多-60多元..............
但肥肥話出了糧, 所以我們都叫了6樣食物, 好好味呀...........
果然是貴野, 那個小籠飽和賽磅蟹都是一般食店食不到的 !!!!!!!!!! 總之就好正 !!!!!!!!!!!!!!!
最終食了3百厄, 真係好豪..............
之後行了一會就回家了, 11點多回到家, 幾好.............

>>August 11, 2005 at 3:58:11 PM GMT+8

2005 年 7 月 24 日 星期日 【晴】

今日好忙呀 !!!!!
下午兩點半前都係執相, 好鬼多呀! !
雖然好忙, 但好似好無聊咁...............
下午 兩點半至五點就做 報價單, 但因為係第一次做, alex 又不教我......
結果改完又改, 最終七點八先走, 我同jeffrey 一齊, 是全公司最遲走呀, 真是估不到 !!!!!!!!!!!!

>>August 11, 2005 at 3:26:30 PM GMT+8