2006 年 4 月 28 日 星期五 【晴】


一早起身教琴, 實在累到不想起床。

下午回家小睡片刻,
之後出casueway bay interview。

4人一group, 2男2女, 3個interviewer, 有點緊張。
初初表現有點驚, 用國語介紹自己這個都預計到的,
但都有點緊張, 講到尾尾震震地。
之後全用廣東話對答, very good!
雖是這樣, 但有些問題, 個腦還未想好要怎樣答就要開口...
不過, 後半part 都ok, 流利的, 心有感動之句, 就答出口,
因為神與我一起in, 衪感動我講的, 我都講了。

雖然不是基督教的機構, 但這個正是我心想做的工作,
interview 的表現, 我也不知道,
自己都有表示出自己是基督徒,
最後interviewer 問的一個問題, 我記得自己答 "因為我愛他們...."
就結束這個長達整整1小時的interview。

身邊同group 的3位interviewees, 全都是大我一,兩年, 有工作在身的,
只有我是學生。
他們更是中大, 港大的, 只有自己是poly, 出身自ive 的 top-up degree學生....
但我肯定我的表現不遜色於他們,
而且, 我的國語, 哈哈....不是最差的那位, 呵呵!!

由apply 到interview, 一切來得急速,
成功與否, 此刻不在於我了, 繼續我的 "信心之旅" !!


>>April 29, 2006 at 12:41:10 PM GMT+8

2006 年 4 月 27 日 星期四 【晴】


終於K.O. 了今年最後一份功課 - CPD,
極無聊的功課竟然可以玩殘了我們近一星期的時間,
做到唔想做!!

下午返poly print 份功課, 在m core 都逗留了一段時間,
之後才上8/f 交!!
very good, 好像所有東西都完了~
但還有最後一擊, exam!!!!!!!!! (即係未完啦!!)



習慣每天開著電腦做呀做, 忙到停不了,
沒有它不行, 我可能會因失去它而咆哮, 甚至喊 '我要死'。(真的對你要生要死)
但今晚開著你, 竟覺得有點不習慣, 覺得對著你有點無聊的感覺,
覺得我是可以沒有你的, 發覺原來沒有你, 我也生存得到的 (只限這一刻)
電腦呀電腦, 當你沒有利用價值時, 原來我是可以如此忍心的!!


>>April 28, 2006 at 3:38:11 PM GMT+8

2006 年 4 月 25 日 星期二 【晴】


昨晚做到4.30 am 才睡, 很累~

今早曾經醒過, 之後再睡到1 pm 才真正起床。

下午看 "在天堂遇見的五個人",
放在家好幾個月, 終於一次過看完整本。
整個下午就是這樣看看看, 對眼好累, 但仍繼續看完為止!

你活著, 也許是因為另一個人為你死去才活著,
你到這裡來, 也許是因為另一個人需要你來到這裡為他帶來的幫助/意義。
"...每一個人都對另一個人造成影響,
另一個人又對其他人造成影響,
這個世界充滿了故事,
然而所有的故事共同串連成一個完整的故事。"



>>April 26, 2006 at 3:40:46 PM GMT+8

2006 年 4 月 25 日 星期二 【晴】


又做到係時候咆哮一番!!!
又做到星期三啦~

其實份功課好無聊,
無聊到頂點, 但極虛無縹緲..

繼續吼叫.........


>>April 25, 2006 at 5:39:39 PM GMT+8

2006 年 4 月 24 日 星期一 【晴】


9時起床, 20分鐘內完成, 快速出門口。

其他同學仔present, 我們sit 聽!
estella 給我們上星期present 的feedback,
哈哈~
miss 話我說話發音有點怪怪的,
當然啦, 自己都知了, 一開口就聾了左耳, 勁辛苦,
完全聽不清自己所講的, 聾耳陳!!
但estella 讚我attractive, 嘩哈哈..
同group 的同學仔聽後都笑死了, 我竟然attractive??!!
呵呵呵...(癲s 左)
原來miss 喜歡我笑呀! @_@

之後lunch@新can, 吃車仔麵。
見到有一堆豬紅物體, 就叫阿姨 "唔該, 我要豬紅"
夾麵阿姨說沒有豬紅, 就話我 "睇牌啦, 牌寫得好清楚有乜野送, 仲清楚"
點知我發現原來水餃, 是沒有牌寫著的, 但就有水餃賣,
之後我就話 "咁餃都冇寫係度啦"
其實有句講句, 怎料cherry 聽到話我好串~
呀~~~ 又來啦, 我不想的, 只想說出事實,
但其他人聽到就覺得我.....
不只一次了!
封咀~~

下午上dr. li堂, 又是詹瑞文堂啦!
今天又很精彩了~~
他說了一句 "manager 其實不用去motivate 班員工的"
我和dara 即時對望說 "咁motivation 呢個理論咪被推翻?"

之後阿sir 轉述他以前在motorola 做時阿head 說的話:
"其實manager 係唔洗去motivate 員工的,
因為班員工係有self-motivation~
而我地公司, 係唔會請一d 冇self-motivation 的人返來的"
(我地心諗: 咁請 trainer 來做乜?!)
阿sir 續轉述說:
"如果冇self-motivation 的人, 你點motivate 佢, 佢都唔郁咖啦..."
"terrence (阿sir 之名), 你睏覺有冇蓋被?"
阿sir 答天氣凍當然要....
"咁你蓋了被暖唔暖?"
阿sir 又答暖...
"咁點解暖? 其實係因為你有體溫先暖,
唔關張被事!!!
咁如果張被蓋住條死屍, 你話條屍暖唔暖?!"

就這樣, 我們班同學哈哈大笑,
但大家都明白這是怎麼樣的一回事了。

放學去R 空地聽下半part 的talk,
(其實大家為了份功課先去聽, 為了映張相, 如果唔係邊有咁好死去聽)

和mandy 走, podium 有無國界醫生的籌募booth,
有好多相看, 和mandy 看到感動。
非洲, 很多仍在貧窮中生活, 營養不良的小孩,
疾病和愛滋病帶來的痛苦, 惡劣的環境...........
一張張空虛無奈的眼神, 弱小的身軀, 流淚的面孔....



今天發現了一樣很想很想很想參加的programme,
明天deadline 了, 所以要快!!
但我想好難才有機會join 到了, 面試喎....
不過無論如何, 一試何妨?


>>April 25, 2006 at 9:44:00 AM GMT+8

2006 年 4 月 23 日 星期日 【晴】


"起起跌跌, 高高低低,
人生路仍有主同行.
不要懷疑, 不要懼怕,
當剛強壯膽, 因主與我們同在,
是我們最大的靠山!"

".....永遠的同工, 我愛你!
耶穌最愛你, 你永不弧單!"

"...主是你的牧羊人, 衪必指引你的路...."

呀~~~ 今晚在找一些東西for CIPD 份功課,
怎料........給我找到這一張紙仔,
這張紙仔是上年在 '專使' 裡班專使們寫下的留言!
回味細看, 一班專使們寫給我的, 當中有幾句竟然現在才有感動,
神就藉著你們上年寫給我的, 到現在才叫我得到鼓勵....
就來一年了!!
神就是這樣, right person, right place, right time, 這才發揮最大作用!


>>April 24, 2006 at 1:54:06 PM GMT+8

2006 年 4 月 23 日 星期日 【晴】


23/4 (日)

遲了返崇拜, 因實在太累了,
前一晚3.30 睡, 做cpd, 都唔明, 無頭緒, 真的不知怎樣去做。

崇拜完, 坐了不久就走,
回家換歌書, 帶錯了!

下午累著去ACM 練歌,
esther 不在, 聽麥牧師分享剛去完北美聚會的情況,
見到當地華人教會由冷淡, 慢慢去興起,
再見到有3間非常合一的教會
(合一到不同宗派的教會, 都可以連傳道人, 牧師都掉黎掉去互相幫忙)

麥牧師分享完後, 就練歌,
勁眼睏, 唔知自己做乜咁, 遊遊下!!
break 時吃esther 去台灣買回來的鐡蛋, 叫 "阿婆鐡蛋", 搞笑~~

累到傻, 勁早睡, 10.30 就睡。


24/4 (一)

今早7am 就起身, 沖過涼, 7.30 am 又返房再睡,
到9 am 才起床, 之後返學。

又好累, 上堂好似好rush。
放學去找甜筒佬問cpd 功課,
明明問緊阿sir, 都未問完, 又有人中途插咀係咁問另一樣野,
我們4個都有點無奈, 而家鬥快咩~~

之後和cherry & dara 去李嘉誠飲茶,
正, 下午茶!
3隻餓鬼發作, 勁食,
之後慢慢嘆傾下計, 又比人趕, 但沒有人等位喎!

好累, 但好似睡不著了,
好想快些做完, 但又想不出, 不能再落筆 (但我已做到一半了)!!!!!!
係時候咆哮啦, 根本就是迫我要咆哮~~~

嘩吼~~~~


>>April 24, 2006 at 10:30:08 AM GMT+8

2006 年 4 月 19 日 星期三 【晴】


18/4 (二)
上堂, 左眼皮跳了近20小時, non-stop!
記得上詹瑞文堂, 阿sir 又教書教到興致勃勃over run...
他的比喻例子實在令我們每一個都深刻記著,
"...千祈唔好同女朋友去日本, 係去就去九州好啦,
因為九州冇野買, 冇理由買溫泉......"

放學去荃灣join 媽媽 & 親戚....


19/4 (三)
很累地返學, 好熱,
背了個大袋返學還不夠用,
像趕往過 '大海'~

素貞公司要來poly 上堂,
本約了素貞 & 陶sir 吃lunch,
但我放學後發覺不夠時間,
唯有下次, 還有機會的。

放學後換衫, 喪趕去causeway bay interview,
救命, 現在我對high heel 死心,
貴又痛, 平又痛, 根本個人就唔識合著!
HR assistant.....都不是我想做的,
賺取interview 經驗還好。
廣東話, 英語, 國語, good, 都話我係叻女, 嘩哈哈~~

in 完即走去sogo 換衫, 最重要是換回涼鞋, 爽!


20/4 (四)
今早返學又遲到, 終於突破, 遲了20分鐘!
break 時明目張膽地在R 的其中一個課室吃飯盒,
因為我們要prepare 下午的present, 極需要空課室。

開始到我pre, 一開口, 我隻左耳又突然聾了, 今次塞到有點痛,
但要扮沒事, 繼續講, 辛苦到爆炸,
自己每一下的呼吸聲聽得極清楚, 但說話的發音就可能不清楚 (自己都聽唔到)
和別人說, 只會覺得你好好笑!!

換衫後去問甜筒佬份功課怎樣做,
我們5個和他傾...
死甜筒, 我們講不夠幾句, 又掛住問潛水的動作, 傻傻地!
之後我問了他一個問題, 都未問完, 就開口窒我, 死人頭,
最後他又繼續問潛水手勢,
我給他一隻手指公, 他問是什麼, 我說 "你係叻仔黎咖"

last 上strategy, yeah, 終於不用補課, 準時放學。
上strategy 又要present case,
我們group 的同學仔都沒有看過個case, 只有我一個看過 (其實都是scanning)
後來我和mandy 2個狂快速再看這5, 6版的case, 之後寫,
我倆勁叫救命, 之後都不知自己寫了怎麼, 就出去pre,
痴痴地, 出去吹水, 2個傻婆站在出面, 只有我講, mandy 就更傻地只是站著。

開始做死甜筒份CIPD, 一晚2,500字, 實掂呀, 掂掂掂.....
叻仔黎咖呀甜筒佬!


>>April 20, 2006 at 4:14:04 PM GMT+8

2006 年 4 月 17 日 星期一 【晴】


救命呀!
左眼眼尾由今朝10.45 am 開始係咁跳,
跳到而家啦!
12個鐘又有多, 跳左成日....
媽咪呀!!!!!!!!!!!!

係咁跳, 係咁跳, 跳呀跳, 跳呀, 跳呀, 跳呀.............

咪笑啦, 我而家真係好驚呀, 邊有可能跳咁耐咖,
我驚爆血管, 但爆唔成呀!!!!
好恐怖!!


>>April 18, 2006 at 2:45:56 PM GMT+8

2006 年 4 月 16 日 星期日 【晴】


我想學saxophone!!!
我想考埋8級樂理!!!
我想學返演奏級!!!
但...
時間和金錢呢?!


>>April 16, 2006 at 4:55:22 PM GMT+8