2006 年 3 月 27 日 星期一 【晴】


西鐡delay, 令到我又費了$13.5 去紅橋搭260x,
但原來搭260x, 可以在poly 門口下車,
不用行多塵路, 都幾好....但我短期內仍不會再選擇搭260x了。

lunch 時在新can講好笑野, 小喪,
但...始終未到我最喪的階段, 算小兒科吧!
仍很掛念在IVE 發傻喪笑的日子~~

放學時和m同學走, 和她傾了一個問題,
發覺原來世上不只我才有這個問題。
初頭很怕是覺得自己變態 - 覺得男人好核突, 好怕男人,
我一直藏在心理, 直至m同學提出........
好變態, 覺得自己會不會變 les.
不過, 這些想法都是之前的事,
現在雖沒有這種 '變態' 的感覺, 但沒有想什麼,
可能我已經再沒有理會!!!
又可能大家都有過一種經歷, 避呀避, 避到有這一種潛意識想法~
大家互相代禱, 大家都知彼此也不想有這種不正常的想法。

晚上補習, 口乾!

份 '奪命', 昨晚只做了sampling,
今晚想做繼續做, 但我很累了, 也沒有心情....
又熄電話避世!! 唔想講野, 又有call 爆電話的先兆!


>>March 28, 2006 at 2:50:51 PM GMT+8

2006 年 3 月 26 日 星期日 【雨】


無得頂!!
份 '奪命' 攤屍攤了近2星期有多,
今天是最後一日, 我就今晚才開始做!!
叻女就是這樣, 嘩哈哈~~

大約2個月前已經考慮好不好報香港神學院的神學讀,
之前上網看過, 以為只得full-time, 所以沒有再理會。
最近再看清楚, 原來其中有個course是有part-time 的,
叫做 '基督教研究碩士' - 'Master of Christian Studies'
basic requirement ok, 最快3年, 最長好似5年....
因要出來做事, 所以part-time 很好!!
又有想過讀一些part-time 的 '宣教文憑".........

有問過自己為何要讀神學, 最深心底一句 "裝備自己"!!
好似為著自己前面的路去作準備......總覺得自己什麼也沒有......!
但是有矛盾, 神給我的異象, 不是很直接的叫我去讀神學, 而是........
但是自己理性話我知, 我最少要有這些裝備才能去到/做到神叫我做的事.....
但是又看到一個宣教士的文章, 大約是說,
"神要你去做這些事, 未必一定要使自己要有什麼神學學位才能回應到神給你的異象....."
但是....但是.......但是......

哈!!! 現實一點說,
一切都是金錢的問題!!
只有自己的planning, 放手給神為我去plan 吧, 陳joy!!


>>March 27, 2006 at 1:42:15 PM GMT+8

2006 年 3 月 25 日 星期六 【雨】


一早返教會, 下雨, 心情也悶悶的。
返去上差傳course, 幾留心呀! good~

崇拜, 我好像沒有聽到什麼,
因為當時我勁肚餓, 餓到個人勁唔舒服,
之後就走了出去吃朱古力,
美玲姨話有麵包和餅, 但我吃了朱古力後好了!!
之後再返入去崇拜, 其實都已經開始不留心了~~
報告完後我上台分享幾句上星期日的事。

天暗暗, 心情仍是悶悶的,
教會有好多人好快走了。
之後我們幾個年青人映了即映即有,
for 團契board 貼上去的, 但我們仍有另一個更絕的構思,
so...now is 極需要magazine!

下午出去ACM 練歌,
那時勁眼睏, 坐車出去, 勁累!!
在地鐡時, 睏著, 蘭子又剛睏醒,
見到九龍灣, 拍醒我問我是不是在這裡下車,
之後我即醒, 望一望, 就 '標' 出去,
有點頭暈!!

上到去, 勁眼睏!
有人說我瘦左呀!! 哈哈!!
昨天見到Vins, 也說我瘦了, 呵呵~~
今次先分組祈禱, 之後才練歌。
嘩.......今次終於識唱了, 唱了2首歌,
愈練愈精神, 變態,
因為唱到........好難呀! 但最後都 k.o. 了,
good!!! 我們唱到個個都high 曬, 喪左!!
練完後有人讚我 "你今日斯文左喎" 呵呵呵~~~
走時陪蘭子去IKEA 買東西,
我們2個都說心裡仍有練歌時的音樂,
狂唱 "啦啦啦啦" "頌揚你" "讚美你"....
痴咖!!!
之後我們2個又肚餓 (我又餓啦)
就去了mcdonal's 買牛肉飯tastic吃,
好吃喎!!!
之後搭地鐡啦, 去到美孚, 我肚痛呀!!
變態, 就想幾個站, 好快回到家啦~~~
之後, 上了車, 我個肚就 '萬馬奔騰' 啦,
又黎啦, 第2次在蘭子面前 '萬馬奔騰' 的樣子 = 面青~~
返到兆康, 都趕不切返屋企去痾ss,
最後在西鐡去, 之後再返上屋企再痾ss!!
變態呀!!!
好多時吃完mcdonal's 我都肚痛呀!!!!

今天好眼睏, 喉嚨有點痛!!


>>March 26, 2006 at 2:53:14 PM GMT+8

2006 年 3 月 24 日 星期五 【雨】


一早入天水圍教琴,
之後返教會教映彤。

下午去在柴灣堂舉行的 '中基聯堂宣教培靈會'。
去到先聽培靈會, 見到好多宣教士, 我個心有點興奮呀!
他們穿著他們服侍地區的民族服, 好得意。

完了培靈會, 有攤位遊戲。
我們佳音堂也有攤位在12號, 負責做 '遠東廣播',
但我很衰, 沒有幫手, 走了去玩其他堂會的攤位。

玩下又撞見分別在不同短宣時認識的人,
和他們映下相, 傾下計, 之後又玩,
又和其中一個泰國宣教士傾計映相。
之後去玩活門堂搞的攤位, 他們負責做 '新生資源中心',
又可以扮Muslim, 著Muslim 的衫映相, 扮完女又扮男,
我穿起他們的衣服, 自己也覺得很似回教徒呀! (遲下放上來看)
無得頂!! great!!!
有想過找一天我著到Muslim 的樣子去尖咀清真寺 (唔出聲就得)

之後玩了11個攤位, 有11個印仔, 去換禮物。
換了一支海棉槍, 2隻小狗公仔, 一個豆沙cushion~

晚上在新翠的酒樓吃飯,
勁講野!
走時搭地鐡, 次後西鐡,
沿途勁講野, 笑死。

最抵死還是在西鐡!
last 只有我, 蘭子, 阿宗 & 基哥一起搭西鐡,
我&宗仔一起坐, 蘭子&基哥坐在我們對面。
之後我們狂講野, 後來我不知做什麼, 講了一句:
"...除步高支槍" (手即時拿著玩games時的禮物 - 海棉槍)
之後基哥&宗仔狂講亞視做除步高版百萬富翁。
我和蘭子開始笑到keke聲,
之後他們更說,
原來這套百萬富翁亞視很抵死地找了步步高dvd 特約,
宗仔更話 "步步高特約: 除步高警魔百萬富翁.."
笑到我和蘭子抽曬筋。
因為我們4個狂講, 已經達到亂咁講野o既地步!!
之後我看見對面坐在基哥隔離的男人偷偷地笑,
蘭子就話坐在我隔離個男人也在偷偷地笑。
原來這2個男人是認識的,
發覺我隔離個男人笑得好勁,
之後他們在元朗準備下車時, 我隔離個男人認不住,
指住坐在他對面的fd (即基哥隔離個個男人) 笑住地話 "你傻咖!? 哈哈"
我們啞了一啞, 之後狂笑,
再望見有個女人站在近車門的, 也聽到我們4個的對話,
見到這個女人也偷偷地忍笑!!!
好變態呀!! 勁抵死!!!
最衰都是我支海棉槍...一切是這裡開始~~~

最後回到家我仍然在笑, 和媽媽講, 笑死!!


>>March 26, 2006 at 2:32:41 PM GMT+8

2006 年 3 月 23 日 星期四 【晴】


...我看前路極灰暗, 就讓神為我指引。
我軟弱, 衪知道, 靠著神可改變...
(我軟弱, 衪擁抱, 我未能衪可以...)


>>March 24, 2006 at 8:35:43 AM GMT+8

2006 年 3 月 23 日 星期四 【雨】


原來我抑鬱左十四日,
今日第十五日.......


>>March 24, 2006 at 5:19:04 AM GMT+8

2006 年 3 月 22 日 星期三 【晴】


星期三

一早和欣&恩行山,
一起搭西鐡去荃灣,
我們又再次由城門水塘開始行,
本想去上大mo山, 但真的太大mo,
最後我們的終點是獅子山又九龍落。

發覺我的確有一段時間沒有行過山喎!

沿途都ok, 有傾下計, 但都後段, 我又發傻,
聽人講幾句又笑, 笑到總制收不到,
導致我費了很多力氣都在笑, 沒有氣上梯級。
愈上愈大mo, 第一次眼前1米內都看不清東西,
望向山下, 看不見任何東西,
像置身在仙境, 雲中....山中仙人.....no! 是山中靚女!!
看的不清不楚, 對方才感到你是靚女...嘩哈哈!!

對腳很累, 之後我們去旺角一間cafe 吃tea,
而我本來想吃, 但發覺去到後, 我已沒有太多時間去享受這個tea,
之後坐了一會就走了。
坐在sofa 上, 對腳極累, 不想走!!

回家快沖涼, 之後入天水圍補習~
中三...為何連最簡單的英文都.......救命, 有小三程度卦!!!

很累! 晚上, 心裡有一種不好受的惑覺!
人總會有比較的!


星期四

一早上堂, 上詹瑞文看 '飛黃騰達',
很好看, 因自己近期排在家裡也沒有看這些。
見到brian 的處事態度,
令我想到, 一個game 都已看得出已有這些人的存在,
如果真的在商業社會裡, 這人實在太黑人憎了....
too autocratic!
too arrogant!

lunch 在李嘉成樓那邊飲茶, 第一次去,
因平時去開新can 那邊的酒樓的。
好多人, 但好快有位, ok 喎!

今天有點累, 心理仍想著一些事, 所以沒有太出聲。

其實感恩, 今早祈禱求神為我去除那種想法, 心內的難過已好一點點了。


>>March 23, 2006 at 3:03:53 PM GMT+8

2006 年 3 月 18 日 星期六 【晴】


今天cherry 同學也跟我一起返教會,
勁good, 不過feel到她怕羞, 下午我笑她!

在中信月刊做的短教士來講道,
文字事工, 實在是一個很好的宣教方法之一,
她最後問了大家一句說話....感覺就好似是直接問我,
這個問題, 我都問神 "神呀..係咪呀?!"

下午在教會吃lunch,
整理一些下星期六宣教培靈會的東西,
之後返家小睡一小時。

本約了5.45 pm 在上水火車站等,
但我趕不到, 因等了大約半小時的亡命小巴仍未到,
最後我自己準時6.15 pm 在琛圳華僑酒店等他們。

上去時發生了一件我咁大個女最有型的事。
在等車時, 見到有架亡命到站,
那我就上車啦, 上到車望一望好似有個位,
而司機也還以為有位, 開門給我上。
之後我拍八達通附款, du~~~
再望清楚, 原來有個細路睏覺睏到扒在他媽媽身上,
看不到, 原來是full的, 沒有位呀!
之後司機都呆了呆, 又打電話給另一個亡命司機,
call 他快些到兆康, 要留個位給我上。
勁無奈, 我已沒時間了!!

之後好啦, 另一架亡命來了,
我一上車, 原來也是沒有位的,
個司機就說 "呀! 唔好意思呀, 我正話唔記得左, 比左個客上, 你無位!"
真係癲s 咖!!
我話 "我比左$, 你又話留個位, 而家又無位...."
他勁講 "唔好意思!" (心諗, 你唔係失憶下話, 剛講完話要留個位我上, 而家又話唔記得左"
我話我唔理, 我趕時間, 死都要上!! (真係勁趕, 得15分鐘時間飛去上水)
之後個司機叫我坐在後面找塊板暫時先坐著,
我呸! 原來沒有板!!
即是............
我要坐在最後太平門前面的地上,
勁樣衰!!
成個鄉下阿嬸咁!
勁無奈, 蝕晒!!
打電話和人講, 比人勁笑, 隔住個電話都feel到我有幾好笑樣衰!
真的人生第一次!!

好快上到琛圳, 吳司機車我們10人去到沙井教會,
好快, 1小時就到。

今晚我拍劉暉一組, 她那組負責帶training course,
train 他們怎樣去傳福音。
5個學員都是弟兄, 我也在旁聽!
之後, 出面聚會完了, 要分組,
有19人未信主的join 入我組,
其他信了的, 就join 其他查經組, 栽培組, 普通小組等....
而我那邊, 因人多, 19人再分2組, 我帶其中一組傾。
而那5個弟兄就坐在後面看我 & 劉暉怎樣去講福音給新人~

全無準備, 突然用本四律去講, 都不知自己講什麼,
顧住 load 要講什麼, 令到有些連平時講到的國語都講不到...
我很努力去講, 他們亦 '努力' 去聽 (聽死他們)
感謝主是, 我們total 19人, 有12人決志!!
之後送聖經給決志的, 又每人一本中信~
我group 有一個女仔, 問好多, 又問天主教和基督教的分別,
什麼是 '阿門', 什麼又上帝又耶穌...
最後她自己總結問是不是都是關於靈魂的問題....
她後來收到中信月刊, 見到其中有topic 是關於 "科學與信仰不矛盾"
她就向我說好有興趣去看看。
她雖然還未決定信耶穌與否,
但我知道這個女仔如果真的決定相信, 必定會好認真, 信得好好的!!

我們9.30 pm 完, 要走, 大約10 pm 開車, 10.45已回到羅湖。

決定每2個月上去, 其實想每個月都去的, 但ACM 那邊, 又不想請太多假。


>>March 19, 2006 at 6:06:18 PM GMT+8

2006 年 3 月 17 日 星期五 【晴】


有d 灰!


>>March 18, 2006 at 3:36:52 PM GMT+8

2006 年 3 月 17 日 星期五 【晴】

Your Hawaiian Name is:

Kalama Hokulani