2006 年 2 月 12 日 星期日 【微冷】


上11.30 堂, 上strategy,
good! 這個sem.開始, 沒有穌屍黃堂,
good~~

好似很久沒有見同學仔!
cherry 同學剛去完北京玩, 收到小手信, yeah!
北京, 我想去好耐了, 但時間呢?
我想也是無限期擱置吧!

在學校, 見到好多候選su 的人狂叫狂拉票,
突然覺得學校好熱鬧咁, 但就極嘈,
好笑在他們用繩攔住在某地方才可拉票,
成班人好似示威者咁, 經過好不安! (諗起上次李碧講的...哈哈)
繼而想起以前在 ive, 班候選人也是狂叫狂嗌,
但就自由地周圍叫, 成班人好似癲人院d 病人咁,
也是經過好不安!! 咁在 ive 真是似瘋人院咁o既, 無校長, 但有院長!!

之後又見到有班人和exchange, 著住一對好似彈弓的鞋,
笑死我, 他們狂跳下跳下咁係度彈,
好有衝動想走埋去kick 他們一腳, 嘩哈哈~

放學和mandy 走, 一起搭老西,
個頭又有少少痛!!
真變態, always 都這樣, 不過今天隻左耳沒有聾,
感謝主!


>>February 13, 2006 at 10:15:15 AM GMT+8

2006 年 2 月 11 日 星期六 【晴】


昨晚靈修, 神向我說一句話 "凡事出於神的, 無不成就"
好開心, 原來不同的人向我說的話, 到昨晚, 一直都是有關連的,
神就好像說了一句conclusion。
是出於神的就是出於神, 不要懷疑..........

今天, 一早返去上 '差傳' course,
幾好, 雖然昨晚有一點失眠, 到3.30 才睡著,
但今早都好精神!
之後崇拜, 司琴, 彈了一首 "主信實無變",
雖然是一首好簡單的歌, 但就覺得好好聽,
又再一次講了 "神幾時呃過我?!!"
無錯, '信實' 的! 還有 '慈愛'~~

今天陳姑娘講道, 講 "八福",
以前聽得多, 但清清楚楚說清楚有哪八個福!
馬太福音5：3~10
其中 "清心的人有福了，因為他們必得見神"
令我最深刻.......
無錯, 想得太多, 何來聽到神的聽音呢?


今天收到一支玫瑰花, 蘭子做的, 好靚, 好想學呢!
之後又收到一支太陽花, 董小姐種的, 亦都好靚~

下午去ACM 練歌, 個頭亦在此時開始痛, 有點辛苦,
和蘭子都傾了一些問題, 講下都好, 可更加了解。
今天難得準時去到, 更早到呢!
後來練歌, 覺得差不多有個多月沒有和大家一起練,
之後練練下, 個頭痛到想爆,
再之後, 我隻左耳又黎啦, 又聽唔到野,
好辛苦, 唱又聽唔清自己唱乜, 個頭又痛,
完全唔想講野。

之後分組, 今年新一組, 我就第一次和新組員一起,
都幾好傾, 大家都好開心的,
分享在新年大家做過些什麼!!
祈禱後就走了。

好辛苦, 走時有點涼, 返到家都8.30 pm,
本今晚約了dan & canlit 去吃飯,
但我實在頂不住, 頭痛到爆+聾了左耳, 好辛苦。
我也想到的, 你們專程為我而去吃飯...
很卦念你們呢, 唯有下次吧!

明天返學, 我又黎啦!!!!!
呀~~~~~~~~


>>February 12, 2006 at 2:21:16 PM GMT+8

2006 年 2 月 10 日 星期五 【晴】


突然想起, 看回12月的日記, 當日我寫下崇拜時講員的其中一句話,
"要像小孩子有單純的心..."
呀!!!!!!!!! 今日又同樣的震撼我心....
神呀~~~ 你又黎啦, 又黎你o既奇妙作為,
不斷提我啦, 同今日陳姑娘講的....exactly同一樣野,
你知我不服, 知我仍多野諗, 又諗埋d 怪野,
但就係咁不斷要我看到, 聽到!!!


>>February 11, 2006 at 4:07:21 PM GMT+8

2006 年 2 月 10 日 星期五 【晴】


起身不久, 之後又去教琴,
返到去, 閘鎖了, 原來映彤鎖的, 不是第一次中蕉,
要打返入教會, 叫陳姑娘出來開門。
和sandy的大家姐&她的男朋友一起返教會,
原來他倆決定結婚, 專程過來和陳姑娘說聲。

映彤又不練琴, 但又練"盡力愛你" 這首歌,
由她吧!
教完後, 和陳姑娘傾了一陣,
嘩~~~~~~~~
短短大約20分鐘的時間, 有好多野入了我袋,
記得陳姑娘說了其中一句 "你o既心要單純...."
係喎, 要像小孩子!!
我就係成日都諗埋好多莫明奇妙o既野!!
平時都好少和陳姑娘傾計, 每次教完琴我又趕著走,
今天她主動和我傾計, very good~
因平時都不知怎樣和她傾計!

之後, 返家, 上網看東西,
後來又太眼睏, 走去睏!
always 睏, 唔得, 唔知點解成日都好累~


>>February 11, 2006 at 2:35:11 PM GMT+8

2006 年 2 月 9 日 星期四 【晴】


今天和媽媽, 爸爸 & 麻麻在美心金閣飲茶,
第一次去這間, 都ok 啦。
之後返家, 和麻麻看了隻vcd, 好快就完,
不久她就走了。

之後和媽媽搞下部腦, 都大約6 pm,
我們一起出門口,
因媽媽今晚約了她的中學同學團拜,
而我就約了珊和5婷去李碧hall 吃飯。

去到taste 買少少野食, 之後上去city宿舍,
沿途間竟撞到dannie。
她很久沒有返city, 今天竟然走堂來,
而我也不是city人, 更加咸豐年也不過來,
怎料會如此 '有緣', 天時地利撞到正!!

去到不久, 我們好快就去煮野食,
我切的燒雞, 覺得好美麗, 史上未見過這麼美麗的燒雞!
肚餓, 吃什麼也好吃的。
不知為何, 吃飯時好想分享我這星期的感受,
縱使5婷和李碧不太清楚我教會的青年團的人的關係和發生什麼事,
但我也照講, 講後感覺確實好一點, 傻婆!

之後在房內傾下計, 雖不多, 但幾好,
i like it!
當然, 我們有搵無聊野玩, 之後喪笑,
還映了相, 極型呀, 係見大頭雜誌都拎黎玩,
真係想去common room 睇下有冇講側田m頭o既大頭封面拎黎映!
嘩哈~

10時多上了天台看了一陣, 突發覺那一刻香港真的好細!!
之後在公園傾了一陣, 勇敢說出我需要人做我的禱伴...thx
邊傾邊狂吃薯片 (剛吃完雪糕ja wor)
傾到大約11.15 就走了。
12.30 返到家, 看埋難兄難弟, 沖涼, 靈修,
想睏時醒起有野未send 比人就online,
到現在, 眼睏, 要走了!!


>>February 10, 2006 at 6:44:32 PM GMT+8

2006 年 2 月 7 日 星期二 【晴】


一早和爸爸去行山,
我們去了鰂魚涌, 由鰂魚涌那邊開始上山。
很久沒有向鰂魚涌方向行了,
去康怡吉吉島&太古城久不久都會去行,
但去鰂魚涌那邊, 實在起碼有10年沒有行過去。
行行下, 有些店鋪都變了,
但還記得太隆樓那邊的舊樓。

以前爸爸, 由細住到大,
一有空閒就行山, 因為實在太近。
今天, 我也跟著行, 望下去太隆樓,
回想小時曾常到的地方, 回想隔離的一間士多店,
記得每次去到, 爺爺總會在樓下和街坊傾計,
還有隔離屋的敏儀姐。

我們一直行, 一直行,
爸爸說以前有個水塘, 他們細時最喜愛跳落去游水,
但現在己起了高樓。
我們行到以前太古糖廠鬼佬大班住的地方,
幾十年都還在, 我想起碼都有近百年了,
現在封了, 想入去都難。

之後我們一直行, 行到大風坳,
真的大風喎, 我狂流鼻涕。
之後就行去水塘方向, 好快,
繼而再行出去大潭道。

史上最快的行山紀錄, 大約2.5, 3小時就完,
還要路極易行那種,
雖然如此easy, 但去走走也廷好,
名副其實的 '行山'。

出大潭道的方向在石澳郊野公園,
之後行返出去等車, 搭小巴返柴灣地鐡。


今晚, 約了清在屯門吃飯,
我們又分享了勁多野, 很久沒見。
知道有好多困難, 但我也不知怎樣幫手,
唯有聽和祈禱,
愛與金錢......想顧及每一個人的感受, 而且更是親人,
很有壓力?!
當時人不是我, 但我感受得到,
小清清, 努力,
是神預備的, 衪必不叫你不知所措,
我愛你的!!


>>February 8, 2006 at 4:37:28 PM GMT+8

2006 年 2 月 6 日 星期一 【晴】


和媽媽&妹去了元朗行,
晚上gary也入來, 4人一起吃印度!
本約了清在屯門吃飯, 但她不舒服, 所以今晚沒有去。

肚痛肚痛再肚痛........always 肚痛!!!
個腦諗緊d 野....
覺得有d 大獲金 o既感覺!!


>>February 7, 2006 at 2:42:39 PM GMT+8

2006 年 2 月 5 日 星期日 【晴】


魯益師（C.S.Lewis）曾說：「一旦我們聽到神呼召的聲音，而沒有順服的跟隨去做，我們內裡便會失卻快樂。」

在尋求的過程，我們的動機或許含有雜質，
但渴望行在神的旨意裡，確實是我們最高的目標。
因此神沒有理由不讓我們知道衪的旨意，
我們更沒有任何理由不用神所給予的智慧去理解。

當我們求問神，或許都多不會即時有亮光，
但神總會指引我們做該做的事。
即使這些事看來好像跟我們那重大的決定毫無關係，
但不要遲疑，要立即採取行動去回應！
這樣我們才能行在神的旨意裡。
每次只需行前一步，以神話語作為我們腳前的燈，
照亮我們下一步該走的路。


看後, 有叮一聲的提醒,
所以, 我唔理, 決定apply 遞form!!
冇理由將這感動當作若無其事, 咁樣我會好辛苦~


>>February 5, 2006 at 6:15:05 PM GMT+8

2006 年 2 月 4 日 星期六 【晴】


昨天教完琴後, 晚上返教會團契,
我帶團契, 感覺都幾開心,
開心是大家可以玩到癲s, 笑死!
自己第一次用結他帶唱詩部分, 哈,
確實想過彈琴, 但好難帶啦~
不過自己一開始帶的ice breaking 時間有點長,
time control, 都幾緊張, 怕over run...
但最後都over run 了半小時~
順利, 一切感謝主!
完了後, 大家都傾了一些聖經問題, informal, 傾閒計般,
good!
11點才走。

今早要準時9.30 am 返到教會,
但我遲了10分鐘, 好在還未開始。
因今天上第一堂<差傳> course~
唉! 其實昨晚睏了大約2小時,
睏睏下肚痛, 走去痾s 啦,
去完都4點, 之後就睏唔返,
失眠, 到今朝大約6時才再睏返,
但之後睏得一陣又早起,
起身後又肚痛........

崇拜完後, 在教會hea一陣, 看看出面塊田,
見到個池入面還有個 "龜去來池", 都幾得意。
之後又走了去董小姐在隔離屋後面所租的半塊地的田裡去看看,
種了好多太陽花呀, 勁靚, 好大朵呀!
勁鐘意~

之後我們12個人去了屯門飲茶, 勁多人等位,
行了幾間~ 飲茶狂笑,
之後開始頭痛, 加上昨晚失眠, then 都返屋企大昏迷,
完全進入昏迷狀態, 大蕃薯打來, 我都語無論次!


>>February 5, 2006 at 3:38:31 PM GMT+8

2006 年 2 月 2 日 星期四 【晴】


昨晚都幾夜睏, 今天1.30 pm 才起身。
有點不舒服, 咳, 鼻一齊來~

昨晚預備團契的資料, 原來搞搞下都幾多野打,
看經文...
終於預備好!

今朝, 應該是下午了, 就來睏醒, 婷婷姐打來,
傾了幾句!
她們以為我好唔開心...oh
傾落先知原來我一早就沒事,
坦白, 當天確是有點嬲, 真有難受的感覺,
但即日的下午已經沒有事了。

溝通,
這東西真是....
所以有時選擇不作聲,
但發覺, 愈不作聲愈給人踩,
最後, 終有一次自己會爆發!!

發現自己, 其實都幾怕被人遺留/忘的感覺,
發覺好多時候 (從小到大), 當遇到這一點, 反應就極大,
小學時常被某些同學遺忘, 被當作透明的感覺實在難受,
所以小學時讀書都幾好, 考5名內, 特別上英文堂極專心,
因為想在同學仔中他們不懂讀的英文, 而我就是自己識得最多的那位,
默書常100分, 老師會獎貼紙, 貼在簿的簿面,
到時就會好多同學都見到自己的默書簿滿有貼紙,
從而想得到別人的肯定,
潛意識向人說 "我仲係度! 唔好唔記得我!"

到中學, 情況更甚,
中學時期開始有自卑症!
這間學校裡, 讀書勁大壓力, 開始不太出聲,
在同學之間, 已經似是沒有我的存在,
班裡同學間有什麼的活動, 開始了我也不知道;
老師偏位子座, 好多時候我都是座最單邊最後那個位的人,
好似沒有人會看到我了。
到開始repeat 後, 話就話最熟有幾個同學仔,
但不像真的好熟, 似是外表 "我們時常走在一起" 這樣,
所以感覺還是.......
到自己有心去投入班中的活動,
又會沒有人想我去參與當中, 講一大堆似是有理的說話要我走,
自好多次這些不斷再不斷重覆的事件後,
自己也變得更自卑, 想做得更好去得到別人留意自己,
但都不成功, 有段時期似是半放棄狀態,
心裡充滿恨, 真係 "見呢個憎個個",
未曾在考試中可以一題也不懂去做, 亦都不想做, 呆坐等收卷,
十幾分都拿過!!!!
其實每次想得到別人肯定, 都會用考試默書成績去博取,
故當放棄時, 就會連讀書都放棄。

每天返學放學, 不知自己做什麼,
所以返學就期待放學, 因放學返到家中, 就脫離難受的感覺。
7年中學, 大多數時間不太出聲,
慢慢別人覺得我有意見都不會出聲的人,
有什麼事就 "你唔介意咖呵?!"
自己就滿有不甘地去配合別人, (因不想別人忘記自己, 所以死都要去配合人)
慢慢就真正練成了 "冇所謂啦"
但發覺, 原來當自己到了某一日,
這些日積愈累的 "冇所謂啦" 會變成 "有好大的所謂",
自己潛意識不自覺地去爆出來,
遇到少少, 爆d d, 再少少, 爆d d,
以前的 "冇所謂啦" 不是真正的 "冇所謂",
原來是一直把以前的自己併命地收在深心處。

到現在, 有人做了些 "忘記" 自己的事, 什至講到出口,
自己就好像被人狠狠的打了一把,
心裡極不安。
有時都可以把自己控制, 心裡叫自己 "算吧, 不要出聲"

哈~ 講太多, 唔講了!
成長背景的影響, 真的好大~


>>February 3, 2006 at 8:22:32 AM GMT+8