2006 年 2 月 1 日 星期三 【晴】


舅父一家入來和婆婆公公飲茶,
天慧好得意, 高班識好多字,
天培原來不經不覺已4年班, piano 7級已嚇死我了!

飲完茶後上婆婆家, 嘈完一輪, 舅父他們先走,
我和媽媽, 公公, 婆婆打麻雀,
打到近6時就走了, 有點眼睏!!

新年的一切 "交易" 已完畢~


>>February 2, 2006 at 10:38:49 AM GMT+8

2006 年 1 月 31 日 星期二 【晴】


和大蕃薯行街!
想吃米線, 但未啟市, 最後吃了所謂米線的米線,
一點也不辣!


>>February 2, 2006 at 10:33:00 AM GMT+8

2006 年 1 月 30 日 星期一 【晴】


31號初三, 一早去踩單車,
又話有人會打比我起身,
等我仲信晒會有電話嘈醒,
怎料差不多10時彈醒才知自己已遲到,
一句話 "唔記得左打比你" 就算, 以後唔信!

他們約11時在沙田火車站等,
我11.30 才去到!!

今早都幾滾, 出發前講到口都嗅話大圍多車租,
加上紅日, 沙田獨市, 不會多車, 還很貴....
車~~ 最後去到沙田火車站, 都沒有去搵車租, 咪又係要搭火車去大圍租車,
心想係就打過電話, 等我專程過到去沙田再返大圍,
搞到我係轉車站幾咁緊張!!
嘩~ 轉車和留在車上差好遠啦!!
都嬲嬲地~~

今次踩單車, 我們一行19人, 勁多人,
那去租車啦, 租完車, 等前立後就踩呀踩啦,
ok 多人要等沒有問題, 多人就會這樣,
但去到文化博物館門口, 他們不知往哪裡,
我就講話踩過去落遂道就會過左對面城門河的單車徑咖,
唔只同一個人講.......但冇人理,
又唔信我囉, 第2次冇人理我!!
之後又話返去原路, 踩去第2邊,
第2邊路牌寫去大埔, 但望過去都有點不對路,
我都奇怪問為何踩這邊, 又沒有人理我,
之後大隊話去咪去囉,
點知去到, 原來近馬路邊, 更說封路,
那刻真是想講粗口, 講又唔信, 死唔聽,
最後咪又係要踩返轉頭.......

真的激到boom boom 聲, always 做埋d 廢時失事的東西,
講又死唔信......!!
唔識路就唔好扮識, 只係沿路來回已經熱到嘔,
但仲未踩到落單車徑出去喎! 型囉~

沿途踩去大埔, 映下大合照啦。
之後3時許踩到落大埔中心, 我們分了3台吃潮州麵,
吃到一半, jenny 先見到郭sir 行過來,
之後婷狂同我講話係我阿sir,
後來我就走過去和郭sir 傾了幾句,
原來他一家來這裡拜年,
之後郭sir 給了我和 jenny 各一封利是,
嘩哈....竟然會在大埔撞到他, 更有利是收。

之後都好累, 我們吃完就踩返去啦,
由大埔踩返去經科學園附近我已經好累了, 完全慢駛,
和去程的我揀直2個我呀!
阿宗沿途狂叫我踩快點, 搞到我好似隻馬咁,
又話踩快d 先有草食,
使我在單車徑上大聲狂笑, 累上加累,
之後又唔知幾時, 阿邦 & 鞭屍雄又踩到過來,
超變態.......狂夾我, 左右夾住我, 我踩快佢地又踩快,
阿宗就在後面片我個後轆, chi chi 聲,
想打死佢地!!

大約6.30 pm 還車, 去m 記吃了少少東西,
之後搭車返家。

累死.......
以後都唔會同咁多人一齊踩單車,
應該話看看是誰, 廢事講又冇人信, 晒自己氣之餘更自己激氣!!


>>January 31, 2006 at 1:48:02 PM GMT+8

2006 年 1 月 29 日 星期日 【晴】


下午去婆婆家拜年,
看公公婆婆出show 時的vcd,
嘩......我阿妹話 "音波好勁, 而家好眼睏"
之後我就看相啦,
看回婆婆後生時的相, 又看太婆,
勁靚, 又見到媽咪細個時的相,
見到我媽咪和我婆婆個樣勁似,
之後發覺原來我不帶眼鏡, 個樣都有點似....哈!
看回媽咪在台灣, 菲律賓, 歐洲的相,
原來是型人, 更記得一張婆婆在日本映的相所著的衫,
我和阿妹一齊研究...
花裇, 背心外套.......完全覺得fashion 既野就是這樣 '興返轉頭" 囉

之後...更有一樣大發現, 我竟然有一張我3個月大時的相在婆婆這邊,
見到後勁驚呀, 真係要用 "肉酸" 黎形容我啦,
不過勝在好笑容ja!
麻麻說我b b 仔時已成日笑咖, 說以前湊我那個人好鐘意我,
有一次那個人不小心弄跌我, 撞到個頭,
所以現在就short short 地啦...
哈哈...好明顯, 我係short o既!!!

和公公婆婆拜完年後,
在市中心行一陣,
見到新墟街邊好多小販, 又有人賣狗仔,
勁得意.......
之後返家了!


>>January 30, 2006 at 3:10:27 PM GMT+8

2006 年 1 月 28 日 星期六 【晴】


初一, 一早返教會,
講以色列人的慶典, 從而講敬拜神的方法和意義,
幾good!

之後例牌在教會hea 一陣,
他們包餃子,
then 吃了年糕, 籮白糕等....

下午就返一返家, 再和家人去姑姐家拜年。
玩PS2, 玩到狂喪笑, 而家d 細路都唔知乜野game 黎咖,
"彈牛"...哈哈, 太鼓game 都有, 入面個2隻老虎, 哈..諗起都好笑,
搞到我又癲s 笑, 傻左咁!
之後姑丈去煮飯, 我代他打了幾鋪麻雀, (我不玩$的)
哈, 勁快食糊, 嚇死她們。

晚上吃飯, 又勁多人啦,
吃完後更狂傾計, grandma 講返以前的事,
講下以前爺爺...
叔叔又講他餐廳的泰國菜, 聽到我們流口水,
之後又講他印度同事怎樣生吃蟑螂, 生牛肉, 生錦鯉...變態!!
之後一大班人齊講下其他親戚, 笑死我啦,
"三十七姨...." 笑到我們個個就來死呀, 點生呀? 第三十七個?!
姑丈講野又抵死, 昨晚他勁多野講!!

不知不覺傾到11時,
之後就走啦, 返到家都差不多1 時了,
眼睏!
感謝主, 幾開心過新的一年。


>>January 30, 2006 at 2:54:22 PM GMT+8

2006 年 1 月 27 日 星期五 【颳風】


今天, 好似1.30 pm 才起床, 唔知在家做乜野,
之後又睏, 睏了一陣, 就去教琴,
教完琴都6時許, 去銀行過數, 都勁多人,
返到家都7時, 又吃飯!

成日都唔知做過d 乜


>>January 28, 2006 at 3:23:43 PM GMT+8

2006 年 1 月 26 日 星期四 【颳風】


團年飯, 勁多人來了我家,
一個字, 嘈! 開心的,
但始終不太習慣太多人迫在一間屋內!

吃飽飽, 晚上和弟兄姊妹去了元朗行花市,
都幾多人!
見到賣輕氣球的有隻綠色的羅滋威爾 (ET),
勁得意, 我望到就叫啦,
此刻發覺自己原來從小到大都不能放棄喜愛羅滋威爾的。
他們勁叫我去問價, 但我都知會貴咖啦,
之後走去個男仔問 "幾$ 呀?!" (我係問個羅滋威爾, 對佢冇興趣)
嘩..$60, 太貴了。
我們成班圍住個男仔, 他們就出口想幫我講價啦,
點知個男仔講野勁衰, 沒有禮貌!
可能他以為我們一大班人是玩野....

在花市都行了好耐, 有點累,
之後我們行去b 仔, 但b 仔太多人了,
他們就買了外賣, 我們去附近的公園吃外賣b 仔。
差不多2時才在元朗走,
多了一人搭的士, 故我自己就答小巴走,
唉~~ 說來話長, 最終要在富泰邨下車,
行返去兆康囉, 半夜時分, 真係除了車外都沒有人了,
沿途阿欣打來和我傾, 說了一單新聞給我聽,
就是話有色魔, 170高, 出沒於富泰至兆康,
叫我小心d............
哈哈......洗乜呀......講到好明顯係我啦,
從來只有人小心我, 唔係我小心人,
而我正在富泰與兆康之間,
170 cm, 我差4, 5 cm 就到啦, 著對高跟鞋都高過喇!!
um.........我係狼嘛..嘩哈哈!

好啦..癲s 完啦...新一年, 我要正經d...
但....好似好難囉, 可能呢世都傻傻婆婆咁咖啦我!

沖完涼, 靈修完, 都3時半才睡。


>>January 28, 2006 at 3:19:36 PM GMT+8

2006 年 1 月 26 日 星期四 【颳風】


今天去了市中心, 想交學費,
不過都知銀行會勁多人了,
但想快些交學費不想煩,
就去啦。
都不太想出去, 太多人啦真係,
嚴重變態!

去到hsbc, 拿到票, 嘩!!
睇到眼都 '核' 埋, 第1320 個,
個職員叫我等大約2小時吧....
咪傻, 我走了!
初六 deadline 才交學費吧!

之後行去買少少野, 因時常都忘記去買,
又是...人囉...
迫來迫去, 唔知發生乜事咁!

有點累地好快返家,
返到去幫陳家福沖涼。

今晚可能又去迫喎! 迫花市!
明知不喜歡太多人, 但又唔知點解想去行下,
人就是這樣....衰!


>>January 27, 2006 at 11:12:30 AM GMT+8

2006 年 1 月 25 日 星期三 【颳風】


在家清潔了一陣, 之後出長沙灣拿cheque.
去到政府合署, 等了一陣啦。
$27,500...是時候交學費!!

之後在鴨療街幫媽媽買了一點東西,
再行落去太子, 去花園街幫媽媽再買一點東西,
買少少過年的東西, 自己一個人走過去和班c奶阿嬸去摷,
一大袋脹晒, 自己也變到成個阿嬸咁!
勁多人, 勁多警察巡, 防扒手。
真的勁多人, 多到爆炸, 狂迫, 超變態!
then 在旺中等大蕃薯, 去換東西,
又是超多人, 爆炸again,
勁多中學生的小妹妹, 覺得自己身在其中更加覺得成個阿嬸咁!
算!! 冇咁好氣, 已經有好耐日子唔想理自己個樣,
何況今日!? 話之了!!
新年都係咁話, 人地話扮下先出街,
我都冇心機去理, 求祈啦,
直頭係塊鏡照到自己都唔想望呀!
'明月照鏡內......" 唉!


>>January 26, 2006 at 4:17:14 PM GMT+8

2006 年 1 月 24 日 星期二 【乍雨乍晴】


下午陪妹妹在屯門看衫,
之後我就返家拿中港通準備出去增值,
本來都不用趕, 但發覺明天就deadline,
所以都要這樣行一敞!

今晚本來約了ceci 在poly 教她英文,
但後來她要吃團年飯的關係cancel,
所以我都約早了大蕃薯!
晚上和大蕃薯行花市, 不太多人。
有人行行下 "pik啪" 一聲,
踩到一條繩的物體, 但到我踩時又沒有聲,
人型真係唔同 (話你行得衰呀!)
有想過買盤大吉返家,
放在廳中間, 真係有型!

見到有一個檔口是幫動物籌$ 的,
有一些貓貓狗狗好乖地坐著...
記得有隻唐狗, 牠的樣子好樣好多野諗,
我走過去望牠, 牠好像沒有自信, 逃避我的眼光,
好可憐的樣子...可能曾經被遺棄所引起的後遺證吧!

then 我們去了長沙灣吃好久沒吃的四川麻辣,
2人share 一碗了, 飽到我呀!
之後再行去長沙灣那個花市,
很少檔, 而且好少人,
但給我見到一些事.........
神又耐不耐給我看到, 好像行到邊都要我望到咁....
從那次poster 事件開始,
先是見到poster, 引起我的注意而上網再看,
之後另外收到email, 再而是在地鐡站 (又是無意中台頭一看),
then 就是姬姐給我的一本書仔, 令我有更多資料在手上網再search, 又看,
到某天無意中別人的一張相, 之後今晚的事件.........
陸陸續續把這些事展現在我眼前........
呀!!! 真的嗎?!
那刻我好想停下來細看, 但又有人, 大蕃薯又繼續前行,
之後我個腦一邊行一邊想了十多秒, 就再沒有想了。


>>January 25, 2006 at 4:49:25 PM GMT+8