2006 年 3 月 7 日 星期二 【微冷】


工作, 不是我們生命的總和。

神呼召我們工作的4個途徑:
- 會指名道姓召喚我 (從經文中得知)
- 會把渴望放進我心中
- 會為我安排前路
- 會預備一個嶄新的選擇

召命需要勇氣, 而自律正是勇氣的核心!!
或許, 跟職場上的趨勢 背道而馳.................


>>March 7, 2006 at 6:14:01 PM GMT+8

2006 年 3 月 6 日 星期一 【微冷】


返學, 沒什麼特別,
但仍然被同學仔叫 '大家姐',
愈叫愈順口.....無啦無啦!!

放學在賽馬綜藝館看職業booth,
主要target 同學是讀酒店旅遊的。
其實我都無心想去搵commercial field 的工,
辜且和同學仔入去狂狂....

放學和cherry & mandy 去了基道書樓看書,
買了今季的靈修書....用開這本確是不想轉,
有嘗試去轉用其他, 但 '還是覺得你最好' 的感覺!!

之後去了m 記, 她倆誓要吃 '點jack',
吃不下那麼多就不要買9件餐啦,
唉!!

好眼睏, 又在西鐡睏到發夢,
回家看書, yeah, 起勢看完2本書。

好累, 但今晚要做功課。

呀!!! 好煩呀...點解呀, 點解....點解....


>>March 7, 2006 at 2:14:35 PM GMT+8

2006 年 3 月 5 日 星期日 【微冷】


近2星期的背痛, 真難頂,
最後決定放學後搭火車去羅湖, 再上琛圳泵骨。

由紅碪去羅湖, 貴到爆炸,
第一次坐這麼貴的火車。

上到琛圳搭地鐡去東門,
4 pm, 上去行一陣,
吃完dinner, 才搭巴士返羅湖泵骨。
終於吃了 '重慶酸辣粉',
之前都不敢吃, 怕會肚痾,
但真的好好吃, 勁辣呀, 辣到個咀潤晒, 正!!

差不多有5個月沒上來泵骨,
怎料一向去開那間裝修,
最後在商業城泵, 貴, 更硬要tips, 以後不去!!

在香格理拉酒店附近,
見到有3個小朋友, 其中2位大約7,8歲,
耍雜技行乞, 看見心酸!!
雖然這些情況已經見過很多很多次,
但我心仍不是盲目的....

泵完骨很想睡, 好快就返hk,
11 pm 上亡命, 11.30 pm 已回到家中。


p.s. 本來放學約了supervisor, 但又放飛機, 正一飛機王!!


>>March 7, 2006 at 1:51:26 PM GMT+8

2006 年 3 月 5 日 星期日 【颳風】


一早返教會上差傳course,
一出門口就勁大雨,
有帶傘, 但我對鞋已totally 濕了。

今堂的差傳, 有點悶,
講去短宣實質要預備什麼...
oh~ 可能去得多的關係,
李老師講的, 真的有點悶,
但她都有講在上面遇到的問題,
是我之前都未遇過的,
理解國內的人的心態, 聽她說說,
都好, 有個預備吧!!

之後崇拜, 沉生講道,
講新約中其中3位婦女, 但名字同是馬利亞的人,
蒙福的女子!!

下午有部分去chelsea 的 '裕滿人家' 飲茶,
(佢地又改人名啦, 叫 "貧窮人家"...)
但後來返了家換鞋, 回到家又不想出去喎,
之後和媽媽在樓下茶餐廳吃tea (即是我的lunch)

晚上, 去了天水圍探鞭屍雄, 在婷婷家吃dinner。
dinner後, 我們邊吃著薯片邊看 '15/16',
笑死人!
之後為鞭屍雄祈過禱就走了。

走時坐輕鐡, 又笑到就來死,
我們5個齊齊懷疑一個女人其實是男人...
在LRT 上有人開到大大聲的電話MP3 聽歌,
好煩, 迫我聽嘈音,
我們懷疑是個男人樣的女人,
後來阿宗就好大聲話 "阿哥哥, 唔該你較震機..."
笑到想嘔!!


>>March 5, 2006 at 5:12:06 PM GMT+8

2006 年 3 月 3 日 星期五 【颳風】


起身不久, 返教會教琴,
映彤又癲s 啦, 她不准我走呀,
想我留下來陪她玩。

下午約了阿明去屯門吃tea,
主要是把form 給他。
在西鐡上, 見住他在兆康站跑了出去,
再傻傻地周圍望, 又跳返入車箱, 又同圍望,
勁好笑, 我坐著好似看戲般,
最後他坐下來才見到我!!
真的笑爛咀!!

我們差不多遊了市中心一圈才找到地方,
每一處都好多人呀!
傾下, 對話中, 感受得到他的難處,
身邊好多朋友都在這段時期遇到這等事,
我也感受得到~
不要太在意吧, 自己也控制不來的,
我們基督徒, 會把這些放手給神去為我們預備,
因為深信衪必會帶領, 絕不會行一條自己都不想行的路。
過程中, 沒有對與錯之分, 縱有崎嶇,
但當中必會學習到一些以前從未遇到的事,
從中鍛鍊自己。
你不信神, 但你內心早已有 '聽天由命' 的概念,
所以, 既然控制不到, 就不要在這煩惱中, 就由它 '聽天由命' 吧!
看似悲觀, 但想深一層, 確是相反, 這會令你更開心~~
我, 沒什麼能幫到手, 但會為你祈禱!!

晚上, 返了教會團契,
玩變態的 '天使與魔鬼', 好好笑,
又朦眼啦, 又玩障礙物games,
周地都是水機的水樽, chair, table, 還有人肉障礙物, 都幾核突...
好嘈呀我地。
今次被阿劉不小心踢了一腳, 痛死我的 '菠蘿蓋' 呀!

好啦, bye bye! 感謝主又一day!


>>March 4, 2006 at 5:34:08 PM GMT+8

2006 年 3 月 2 日 星期四 【颳風】


昨晚做功課, 做了一陣就stop 了。

今天本來day off, 但又要上堂,
上dissertation, 下星期真的要快快做起了,
有點緊張。

今天有2個來講dissertation,
先是miss, 很好, 解釋得勁明, 我們又好留心, 有問題都問她,
最緊要是講的english 好好聽, 好american feel,
之後就一個阿sir, 嘩~
開口第一句, 我們齊齊想睡呀,
hk english得來, 還要是短促尾音, 只是好過estella 少少,
超變態, 我想這個阿sir 可能連自己都不知自己講什麼!
之後我都發夢, 沒有聽他的了!!

好快落堂, 去了酸辣, 今次我吃麻辣, 很久沒有吃了,
正!!!!

走時, mandy 同學向我說了一些事.........
hey~~ 早講嘛, 我會保護你的!!
lol!!

今晚, 楊受成打來, 要我補南浪海灣那邊的學生,
打去家長, 一聽就麻煩了。
明知我正讀大學, 但要我copy 會考的cert 和現在的學生證給她,
又問我中, 英, 數, 會考幾多grade, 咪照實答D, D, E 囉,
但都要我copy 給她看, 痴線的!
又不准我上她家, 要在會所補習...
又講一堆什麼公文式英文和公文數, 要我主要教這些,
又話小2 已有小3 程度...又話每次補習都會坐著看著,
又問我有沒有經驗, 我咪話以前補過下 (其實係教會補過幾堂)
之後轉移話題話自己教開琴, 有教小朋友的經驗,
之後這個煩女人, 就八啦, 問我幾多級, 又緊張地問我係咪上門教...
嘩~~~ 都short short 地~
雖則我會考不是好, 但總算full cert, 都叫做剛剛好見得下人,
但我唔想比你喎!
每堂都 '坐著為王' 咁睇住晒, 好唔自在喎!!
最後, 我打電話給楊生, 直接講這個家長好麻煩, 我不會補!!
哈~~ 楊生好好人, 我未講, 都知我將會有好大力, 這個家長好麻煩.

今晚繼續做那份 '半奪命功課'.......!



大番薯, 不要 '灰' 吧! 支持你的, i love u!

>>March 3, 2006 at 3:50:12 PM GMT+8

2006 年 3 月 1 日 星期三 【乍雨乍晴】


1/3 (wed)

原本day off, 但有full day workshop。
變態地鐡塞車, 站站停,
無錯, 地鐡是會站站停, 但停了很久都不開車呢!!
短短幾個站的車程, 要半小時才到,
最後遲了大約半小時才回到學校。

2小時lunch, 其間也要prepare 下午的presentation.
上午才收到case, 下午就要present.
在這大約1小時多些的時間內,
我們狂傾, 想了很多東西,
感覺都幾好玩的, 但最重要是 '想得快'。
每gruop 都present 完後, 要投票,
我們group 竟然最多人投, (只是12票)
so, next week 甜筒佬會用我們gruop 的case 來discuss!
how crazy it is!!

很累, 在西鐡睡到.......'跳樓死咁樣'


2/3 (thur)

上學途中, 在多塵路上撞見rachel她們3人,
原來她們3位都是在ive 畢業, 青衣 & 屯門。
現在的同學仔中, 得知又多了 ive 人了!

上詹瑞文堂, 一返來就discuss, very good!
很好。
下午的 IHRM堂, 講culture, 感覺像返回舊年的cross-culture 堂,
今天竟然卦住ive 時high dip.的同學仔........
更記起我們在presentation 時喪笑, 很好玩的role play.......

之後break, 我們大約10人在對面課室內玩 '話事啤',
其實我想睡覺, 很累,
但有這班同學仔在, 很難會睡得到,
最後也一起玩。
又好搞笑, 又玩抵b 野,
有人要開窗大叫 '我愛poly', 另一個又大叫 '喂, 樓下唔好食煙', 之後即刻關窗;
有人要做 '倒樹衝';
有人要推住張chair 在走廊走...(咁o岩被剛行過的lecture 見到, 勁抵b)

今天都好累, last 一堂看case 看到想睏,
之後整group 人都呆了,
放學我又累到冇出聲啦, 又在西鐡喪睏。

呀! 還有, 今天突然變了做 '大家姐',
著了件中褸jei, 咁就係 '大家姐'?!


>>March 2, 2006 at 4:09:55 PM GMT+8

2006 年 2 月 27 日 星期一 【雨】


不想起身返學, 太累呀, (都未累完)

喜愛managing of performance
今天聽詹瑞文教書, 令我想好多。
"唔洗有不必要o既自卑, 謙卑係需要o既"
雖然只是講maslow 的hierarchy, 聽過無限次,
亦都熟到爛, 但講好多realistic 的例子。
他講好多現今的人怎樣拼命搵$, 他們的想法, 怎樣的自大...
但與我的價值觀和想法有不同喎!
我和mandy 都同樣地否認他的說法....
不是有$, 拚命搵, 連自己休息or 自己時間都沒有, 不是只有$就開心!
雖然如此, 但從這位dr. 身上認識現今好多人的確存在這樣想法的事實。

放學, 去炮台山拿escort pass,
之後返家,
好眼睏, 又睏了一陣才吃飯。

又努力做啦joy~ 唉! moody~~


>>February 28, 2006 at 3:32:42 PM GMT+8

2006 年 2 月 26 日 星期日 【晴】


今天很累, 昨晚返來香港快快執好野就睏,
今早都不想起身。
搭地鐡, 進入遊雲狀態, 到站也不懂落車,
之後去了尖沙咀站, 再搭返回頭車。

返到學校, 同學仔見到我個樣都知我累得好緊要,
唉~~ 累到出晒面~

下午和cherry約了 '飛機' supervisor 傾了一陣dissertation,
呀~!~ 這個星期又黎啦~~ 嗚嗚嗚~~
但我好累呀, 明天才做吧!!

今天要上CIPD, 甜筒佬, 唉~~
好眼睏, 聽聽下, 我都沒有聽,
自己看書, 眼睏都要看, 有人見到我眼有紅筋,
就來眼流血咖啦!

放學落雨, 搭火車轉地鐡返家。


>>February 27, 2006 at 1:07:37 PM GMT+8

2006 年 2 月 26 日 星期日 【微冷】


星期六 & 日去了河源短宣,
第2次去了。

今次的感覺和上次有不同,
可能去過啦,
但感覺較上次是好的。

around 9.30 am 上到堔圳華僑酒店等車,
但等了很久都未有車來呀,
原來司機 '放飛機',
之後大約一小時才有另一架車。

差不多4小時車程去到,
感恩, 車程順利。
去到不久, 在南口教會吃飯,
很好吃呀, 可能再加上肚餓吧,
最愛那碟雞, 好好味呀!

飯後就分組去探訪家庭。
有team 人就上去車頭山教會地盤看地,
因車頭山那邊可能會起新教會。
其實我都想去看看那地的,
但又好想去探訪,
最後都選擇了去探訪家庭,
很開心呀!
雖然時間關係, 只去了3家,
但短短的傾計過程,
都幾好。
雖然聽不明白他們的客家話+普通話 or 客家話+廣東話,
(我都唔識分)
但都盡量聽, 都get 到意思,
主要理解下他們家庭, 祈禱。

晚上5時多又返回南口教會吃晚飯,
吃不下呀, 只吃了幾條菜和少少飯。

飯後有晚會, 只有幾個當地的姊妹&傳道人,
其餘的都是我們廿多人,
但感覺都開心。
開心我們大家的分享, 玩下遊戲,
最開心是看他們當地的姊妹跳舞,
看得出她們的用心,
為我們預備了幾隻舞蹈,
而我們反而沒有什麼表演,
他們還講笑般, "不如我地表演心口碎餅乾"
crazy! 哈哈~

晚上也是住 '和平賓館',
在賓館briefing, 分resources。
沖涼後, 走去隔離玩了一陣 '非洲話事啤',
勁好笑呀, 笑到想嘔!
6個人, 狂玩,
做埋d 好crazy 的動作,
還要映相, 最鐘意有人用腳扮聽電話, 勁好笑!
有人個鼻都唔弱, 可以開關燈!!
玩到around 1時就返去睡了。

第2天, 一早起身, 又返南口教會吃早餐,
之後就分組各自去3間不同的教會。
我第一組, 去了樂村教會,
較遠的, 原來上次去過的,
記得對面有個大草原, 今次沒有青草, 因為全都收割。

去到樂村不久, 和小朋友玩,
呀~~ 玩一些永遠都玩不完的遊戲,
好累呀! 小朋友可以一早就精力充沛。
有人扮母雞 & 老鷹...哈哈...都不願去捉,
但小朋友仍然玩得勁開心。
玩了一陣, 就入去崇拜,
這間教會人少少, 設備簡陋,
但很溫暖。

其實我們去到, 整個崇拜就我們hold 了。
一開始, 我們組獻詩,
之後sam 哥講道,
我就走出去幫秀如負責的主日學。
小朋友大約10多個, 很乖, 坐定定聽主日學,
如果香港的小朋友, 早就會駁咀, 唔想聽啦。
秀如教他們認識天父在7日內創造萬物的次序,
他們好快就記得,
而我自己都未必記得。
之後就玩遊戲啦, 幾開心~
有位小朋友叫洛娜, 上次來時我和她映過相,
記得她呀, 幾靚女, 不過上次沒有和她們玩過,
今次玩過, 熟絡了, 完來都是癲s 癲s 地的。
記得她用一條包禮物的銅線, 扮晒要殺人咁樣,
個樣好好笑, e 起個樣....
之後阿劉見到她這樣做, 就說她有我的影子,
阿欣就話要幫她改個洋名, 叫joyce!
呀~~ 哈哈~~ 好好笑呀!!!
我見到她, 都有點覺得是我的翻版,
十年後, 又有另一個我的出現, 嘩哈哈~~~

之後完了主日學去toilet,
出來就被人要我即時教弟兄姊妹唱歌,
surprise 呀! 不過沒關係, 幫手囉!
發揮恩賜時候, 感謝主~
不過都好開心, 先唱so-fa name, 再唱歌詞,
唱到口都乾呀!
他們唱歌好好聽的, 不同感覺!!
很開心, 喜歡到當地與他們交流~

之後搭車返回南口教會吃lunch 啦~
那時累死我啦, 勁眼睏, 都沒有發癲s 喪笑了。

下午映下team相就走~
走時因多了2個人坐架小van,
所以很迫, 迫到我根本是坐不到~
後來在油站停一停時, 掉位上前面坐,
寧願屈腳都不想完全坐不到, 根本郁唔到。

晚上在羅湖吃飯, 之後返家。
很累呀!
很快就睡了。


>>February 27, 2006 at 12:56:44 PM GMT+8