2004 年 2 月 25 日 星期三 【晴】

今日真係一個好值得紀念既日子啦~~我第四十次遲到達成啦~~嗚~~嗚~~
我都唔想家~~係行緊番去學校既時候都已經知道遲緊啦~~>.<~~
點知阿MILK依個時候打黎問我食唔食早餐~~因為佢都遲左~~咁就食羅~~
反正我都未食早餐~~我等埋阿MILK就去左名古屋度食早餐啦~~
諗番起上個三個星期為左唔去到第四十次~~為左最後果一次幾努力~~嗚~~依家冇啦~~
我同阿MILK去到名古屋叫左好耐冇食既叉燒腸粉~~好好味啊~~^^~~
本來都諗住唔食早餐家~~但見係馬姐打字堂咪唔多想咁早番去羅~~
我地係名古屋慢慢食~~仲傾左好耐計TIM~~HAHAHAHAHA~~
之後番到去咪又係馬姐堂~~曉盈話我地唔叫埋佢一齊食~~原來佢都遲到~~

又係TEST1啦~~又係睇出席率既時候啦~~真係遲一日都唔得~~係要係今日遲第四十次~~>.<~~
點知何SIR今日冇開出席率~~咁好彩既~~唔駛比佢話啦~~HAHAHAHA~~
但霖霖都唔知做乜樹~~剪剪下布竟然剪埋自己件工衣~~HAHAHAHA~~唔鐘意工衣都唔駛剪啊~~
跟住上埋幾廿萬堂就上完啦~~好野~~今日過得好快啊~~
放學我地都係行左一陣葵涌廣場就走啦~~同阿MILK一齊撘車~~
估唔到見到阿MILK既........所以我地行得好快~~開心死啦~~
後來我陪阿MILK撘到旺角先至搭車番屋企~~^^~~呵呵呵~~~

今晚番到屋企~~就即係睇霖霖借比我既"百彩林亞珍"~~真係好好笑啊~~超搞笑啊~~
睇睇下霖霖就打比我傾電話~~好彩係自己人姐~~因為就爆分鐘啦~~^^"~~
睇完之後~~突然好想睇埋金雞~~咁咪睇埋先訓羅~~都好好笑~~梁家輝好得啊~~HAHAHA~~
睇埋就訓啦~~因為我要KEEP住四十啊.....(我今次好堅決家~~)

P.S.明天一定唔可以遲到啊~~一定一定一定唔可以~~>.<~~~

>>March 1, 2004 at 12:03:26 PM GMT+8

2004 年 2 月 24 日 星期二 【晴】

今日一早終於都織晒三塊二四六啦~~仲要係紅黑紗啊~~好野~~好野~~^o^~~
之後阿何B堂又要考野啦~~今次考串紗同開機啊~~仲要計時TIM啊~~@.@~~
HAHAHAHA~~~依次大穫啦~~第一次試做竟然四十幾秒~~人人都係二三十秒~~
我竟然四十幾~~有冇搞錯啊~~唔得~~要做多幾次先得啊~~>.<~~
好彩最後去到二十七秒~~^^~~阿SIR仲問我地係咪二十七組TIM啊~~
因為大部份人都係二十七秒~~咁岩啊~~而最高紀錄就係霖霖既二十三秒啦~~勁啊~~
至於RAY哥做個時~~個個都爭住要同佢計時~~尤其係曉盈~~睇得出佢幾"好"啦D人緣~~^^"~~

LUNCH之後又係TEST2啊~~依堂雖然要上成二堂~~但都已經好好上家啦~~
至少好過TEST1啦~~大家傾下傾下計就過左依二堂啦~~HAHAHA~~睇黎我D字都好難寫得唔靚家啦~~
放學個時~~阿MILK話要去食包喎~~咁我地咪陪佢去伊"崎"家羅~~去到阿MILK揀左好耐都唔知食咩
但霖霖就已經揀到啦~~到霖霖比錢個時先發覺阿MILK冇買到喎~~-________-"~~霖霖被欺騙啦~~
阿MILK又話不如落樓下好細個間麵包鋪~~落到去就我同源源買包~~阿MILK又話唔岩喎~~
仲話都係去番東海堂~~玩咩~~係過馬路個時~~霖霖同偉哥就話要番屋企啦~~
我同源源去到東海堂~~又搵唔到阿MILK~~@.@~~消失的阿MILK???打比佢佢話佢都係去番名古屋
HAHAHAHA~~佢同ZOE終於都買到包食啦~~兜黎兜去始終都係名古屋~~
我地仲去左百佳買野飲同去OK食雪糕~~今日既麵包鋪半日遊終於都完啦~~
之後我地就一齊搭車走~~最不幸既樹發生啦~~約左神小童六點~~但走個時已經係五點九~~
實比佢鬧死~~不過佢又點捨得鬧我啊~~佢個日心情咁好~~聽到D咁開心既野~~^^~~唔駛多謝我啦~~呵呵呵~~

今日番日文第一件嚇死人既樹係....外賣仔竟然著西裝打呔喎~~@.@~~
仲要係去TOILET個時見到佢~~好出奇啊~~佢今日做咩呢~~
可能我地三個撞破左佢既好樹~~所以佢今日係咁問我地三個野啊~~>.<~~
HAHAHAHA~~~唔緊要啦~~唔講又邊有得笑呢~~^^~~
上完堂都係去左麥記~~跟住就行下啦~~估唔到神小童已經有五個仔啊~~勁啊~~

P.S.今日遲左神小童要我比個合理既解釋~~唔知我依個麵包鋪半日遊合唔合理呢???
HAHAHAHA~~不過最緊要都係個句者.......~~^^~~呵呵呵呵呵呵~~~~

>>March 1, 2004 at 3:59:13 AM GMT+8

2004 年 2 月 23 日 星期一 【晴】

今日番去第一堂真係晴天霹靂啊~~估唔到朱翁又是係咁啦~~
又借堂啦~~人地都唔想見到佢~~佢就成日借堂喎~~咁算點啊你~~>.<~~
上朱翁堂都唔係最刺激啊~~一入到課室就見到RAY哥哥既新髮型~~@.@~~
跟阿MILK是失散多年的兄妹嗎???不過我諗都係因為未睇慣者~~
阿MILK個時睇左一個星期都冇乜野啊~~RAY哥哥~~冇樹既~~冇樹既~~
我地睇慣左之後就冇樹家啦~~後來發覺RAY哥既新髮型好似我上堂畫個個公仔~~
唔通RAY哥哥你係跟住個公仔頭去剪既~~^^~~

之後M堂冇得上啊~~因為要採排啊~~三月四日又要開放日啦~~不過今次唔係對外~~
唔怪得朱翁借堂啦~~原來之後個堂可以上番畫花~~今日要係度畫咩數紙啊~~
好麻煩啊~~要計數啊~~係我最唔得得地既一項啊~~唔制啊~~唔制啊~~-__________-"~~
食埋LUNCH就係上染布堂啦~~阿SIR今次回歸好似變左第二個人啊~~竟然唔比我地傾計啊~~
而且佢竟然話我冇交過功課所以冇平時分~~有冇搞錯啊~~我有交過家~~>.<~~
大家仲一齊係度畫自己間房TIM~~因為阿ROY要搬屋~~所以大家就談論緊自己間房啦~~
不過原來大家都只係住緊間鼻屎咁大既房咋~~HAHAHAHAHA~~
終於都到左最後一堂啦~~係MISS LEE堂啊~~好辛苦先搶到紅黑色紗啊~~
仲諗住有得織啦~~點知比MISS LEE叫左我莉莉同源源去幫佢整開放日既頸巾~~
原因係我地三個織得最快~~但冇理由啊~~我好多堂都冇番喎~~點會啊~~
之後我地三個就好似工廠既女工咁啦~~坐係度整頸巾冇得番去織~~
唔制啊~~咁難得搶到黑紅色~~>.<~~我唔理啊~~點都要織番條先家啦~~HAHAHA~~
之後終於都織到一條黑紅既二四六~~真係好靚啊~~HAHAHA~~~

放學之後~~又係時候要諗下去邊啦~~HAHAHA~~神小童今時唔同往日啦~~
佢要番工番到七點啊~~>.<~~所以我咪同阿MILK~~ZOE~~霖霖~~源源同偉哥一齊行葵涌廣場~~
行左一陣我同阿MILK~~ZOE同源源就去食壽司啦~~但阿MILK都唔食既~~佢要努力啊麻~~^^~~
食完之後我就約左神小童出旺角啦~~都係去聯合先~~神小童好似好眼訓咁啊~~
梗係啦~~又朝番到晚~~雖然係咩者~~但都唔好咁博啊~~小心身體啊~~>.<~~
但係當我地係聯合見到一個極度左典既人之後佢就完全唔同晒啦~~
成個精神晒啊~~仲幾乎想跟住人地去TIM啊~~HAHAHAHAHA~~果然係神童本色啊~~
之後我地就行去信和啦~~不過好快咁行左一圈就走啦~~當然有睇到個張相啦~~
我地去左麥記食野同傾計~~其實今日大家都好累~~所以都係坐低傾下計好DD~~
坐左一陣~~就去埋嘉樂~~好少行依間~~其實大家都係想傾計多D~~不過一路行一路傾好似好D~~
話晒醉翁之意不在酒啊麻~~HAHAHAHA~~^^~~行女人街時~~神童睇中左頂千鳥格帽啊~~
都幾好睇家~~但依家就快夏天啦喎~~HAHAHAHAHAHAHA~~最後一站就係旺中啦~~
其實未有錢買衫啊~~都係睇住先家咋~~神童又睇中左條短褲仔啦~~又係粉紅格家~~-_______-"~~
有個袋好得意家~~D花好賊仔FEEL家~~但唔係我最鐘意個隻圖案~~可惜啊~~
行多一陣番屋企~~估唔到已經十點幾啦~~@.@~~真係快樂不知時日過啊~~

P.S.唉~~有D野~~要拎得起就要放得低啊~~~天光啦~~白光黎未啊~~^^~~

>>February 28, 2004 at 2:46:43 AM GMT+8

2004 年 2 月 22 日 星期日 【晴】

今日又係星期一啊~~但今個星期一的週末冇出街啊~~
因為要去和歌山睇牙醫啊~~@.@~~而且我已經有好多個星期都出左去啦~~
係時候抖下啦~~唔係實比人話啊~~尤其係今個星期駛左好多錢啊~~^^"~~
HAHAHAHAHAHAHAHAHAHAHAHAHAHAHAHAHA~~~~~

一早本來太郎仔話打黎叫我起身睇老叮家~~唔知係咪唔小心禁錯制熄左電話~~
所以太郎仔叫唔到我起身睇老叮啊~~-__________-"~~
到我起身個時都已經十一點幾啦~~食完早餐都冇乜野好做~~
之後太郎仔打電話黎~~同佢傾左好耐~~因為佢上緊個堂好悶喎~~
佢係度等緊放飯喎~~0268111到你食飯啦~~HAHAHAHAHA~~^^~~
太郎仔同我講完電話之後話好感動喎~~梗係啦~~我地講電話個時~~
背景音樂係DAISHI仔喎~~佢都唔知幾開心啊~~自從佢電腦壞左都冇聽過佢把聲啦~~
不過今日真係好悶啊~~搞到成朝都係係度聽歌睇PV~~可能平時依個鐘數都已經出左去啦~~

仲見到阿MILK ONLINE TIM~~佢話佢個FD已經可以收到FILE~~點解我仲未得家~~
食飽之後諗住打比人~~點知佢聽到"必殺技"就唔聽電話~~聽到"放生"就聽~~>.<~~
HAHAHAHAHA~~不過唔緊要啦~~明既明既~~~講多陣電話就夠鐘睇牙醫啦~~
落到去一陣就有得睇啦~~一入到去個醫生都..........幾..................
其實睇唔到樣家~~^^"~~淨係見到對眼~~初頭以為係女人黎家~~點知係男人黎家~~@.@~~
男人之家叫個咁似女人既名既~~不過佢都幾好人家~~又好笑喎~~
但個護士姐姐好笑DD啦~~~HAHAHAHAHA~~比佢整個時都幾驚家~~
咁大支野讚落黎喎~~>.<~~仲有D酸痛既感覺~~又嗌唔出聲喎~~幾慘啊~~嗚~~~嗚~~~
後來搞掂晒之後~~就唔係牙痛啦~~係肉痛啊~~咁貴家~~不過好彩者~~
初頭同我媽講我一係出牙醫錢一係出學日文既錢~~阿媽揀出牙醫錢~~
好彩者~~我初頭諗住出牙醫錢家~~點知日文平D喎~~^^~~

P.S.隻牙仲有D痛啊~~睇黎依期要小心D食野啦~~~嗚~~~嗚~~~~
不過太郎仔~~我應承得過你既一定會去啦~~星期一啊麻~~0268111~~HAHAHAHAHA~~
大家估下0268111點解啦~~~HAHAHAHAHA~~我諗依個醫生點都唔夠IZAKI得啦~~~呵~~~

>>February 23, 2004 at 10:53:36 AM GMT+8

2004 年 2 月 21 日 星期六 【晴】

唉~~一起身就要準備番工啦~~真係慘啦~~不過唔緊要啦~~遲到咪遲到羅~~
有乜所謂啊~~自從上次個件樹都有點兒唔想做啦~~是但啦~~
話晒你地唔岩再先啊麻~~你呃糧我就呃番鐘~~>.<~~
呃都唔緊要啊~~咪求其搵個藉口羅~~又要比我知道喎~~真係啊~~

但今日番到工簡直係晴天霹靂啊~~係就係補左貨~~但全部都係繽紛都市黎既~~
我係話交通工具冇晒貨啊~~真係過份啦~~依樣都唔係最差啊~~
最唔惦係LEO今次真係冇做啦~~換黎了一位阿嬋~~雖然位阿嬋係幾好人~~
但始終都係唔岩傾啊麻~~嗚~~嗚~~~好悶啊~~不過依位阿嬋真係好堅啊~~
平時LEO最多咪出到一兩部機~~佢竟然出到二部機加好多盒帶同埋醫生同煮野套裝啊~~@.@~~
我出到四盒既個時~~佢已經出到四盒帶啦~~唔係掛~~不過佢既出現搶左我好多生意啊~~>.<~~
我睇過佢既做生意手法~~佢都幾.....惡家~~咁LEO對住班細路就會親切D既~~
後來我同左個女人去食下午茶~~我好少偷懶偷到咁明顯家~~
但係食野個時佢真係全程都係講番工既野~~唔制啊~~好悶啊~~-_______________-"~~
之後番去既時候都已經五點幾啦~~好野~~今日過得好快啊~~見冇乜人我咪又打下機羅~~
點知神小童係後面嚇我~~真係嚇死啊~~仲以為係SUPERVISOR TIM~~係就大穫啦~~
神小童仲買左朱古力比我食TIM~~咦咦~~咁似我頭先買個包既~~原來係同一包黎家~~^^"~~
做多一陣決定走啦~~點知臨走個時有位阿生話想試~~咪又要開番機比佢試羅~~
佢試完又唔係買~~搞到我浪費左D時間~~太過份啦~~>.<~~都係放六點幾寫七點~~我諗以後都係咁家啦~~呵呵呵~~

本來諗住同神小童食車仔麵家~~點知又係唔開~~咁我地又未肚餓咪行陣先羅~~
可能因為今日係咁食朱古力啦~~唔止食晒自己個包~~神小童個包大部份都係我食家~~^^"~~
行過少少~~見到有條巷D衫好似幾OK咪入去睇下羅~~點知發現左有正野~~
有間好隱藏既書鋪~~入面有好多日文書買~~包括雜誌同漫畫啊~~
個商場仲有好多正野家~~可惜關晒門啦~~價錢唔係話特別平~~但有好多搵唔番既都有~~正啊~~
我地去左集成先~~但好似冇乜野行咁~~梗係啦~~以前芬姐淨係馬努帝個度都可以睇成個下午~~
之後我地就去左一八八啦~~正想入去個時就見到有幾對眼望住我......
原來係我愛羅同佐助佢地啊~~一套有四隻~~有老師嗚門佐助同我愛羅~~
我愛羅手工都OK啊~~但佐助就差D~~四隻成隻手掌咁高只係賣七十九~~個女仔仲話可以平D TIM~
不過同我講都冇用啦~~都唔係我要買~~係度太郎仔買先啦~~HAHAHAHA~~~
入到一八八都好似冇乜好行咁~~可能因為成日都黎啦~~D二手漫畫都冇出得咁快啦~~
仲有D日劇同CD啊~~HAHAHA~~點知係一間CD鋪都先至大穫啊~~放係手個粒朱古力突然溶左~~
搞到成手都係~~但我又講緊電話喎~~都唔知點算~~好彩有啊小先生係度者~~
佢即係羅張紙巾濕水幫我沬手~~雖然濕水過程整濕左人地間鋪~~^^"~~但好彩最後都冇樹~~
果然係做幼稚園家~~勁啊神童~~我地行多左陣就走去麥記度食野啦~~
食飽就梗係番屋企啦~~大家都係乖家麻~~我覺得今日我好似不停咁講野啊~~可能番工冇得講啦~

番到屋企大佬竟然仲未番~~好野~~可以用整機啊~~係拍賣場一次過幫源源問晒D問題~~
仲幫佢睇住TOUCH睇到最後一分鐘TIM啊~~後來先發覺賣TOUCH個個人就係上次我幫襯個個~~
咁岩啊~~咁依個人賣野又真係好平家~~所以都幾抵家~~HAHAHAHA~~
之後太郎仔就打比我啦~~依排我地好似多左好多野講~~雖然平時已經多家啦~~
但依期特別多羅~~不過最失策既係~~唔記得將部電話整做震機~~搞到好夜個時係度響~~^^"~~

P.S.依期有好多人都係度變緊~~可能當事人唔發覺~~但我就絕對係知羅~~搞到我好唔開心~~
唔止係自己既朋友~~連一D我唔識既人都係咁~~依期點解會咁家~~
唉~~都唔知好唔好唔做依份工~~發生左D好激氣既樹~~>.<~~
而且依家LEO同阿邊個唔做~~JOI又去番尖咀喎~~真係悶死我啦~~嗚~~唔制啊~~我要喊啦~~嗚~~~

>>February 23, 2004 at 6:31:28 AM GMT+8

2004 年 2 月 20 日 星期五 【晴】

今日一起身已經一點幾啦~~@.@~~好耐都未試過訓到咁遲啦~~
都番唔切工家啦~~所以今日決定曠工一天啊~~反正JENNY又冇搵到我喎~~
唔緊要啦~~HAHAHAHA~~最重要既係唔知佢補左貨未啊麻~~
未補我又番左去既話咁咪大穫羅~~真係車錢都比埋佢啊~~>.<~~

既然今日都決定唔番工~~不如執下我個間鼻屎咁細既房啦~~
真係雜物一地都係啊~~尤其係成個月前RAY哥哥還比我套神龍之迷都仲係地下度~~
新賀同學套龍珠又成幢幢係度喎~~仲有霖霖借比我D碟啊~~好多野啊~~>.<~~
真係見到就頭到痛埋啊~~睇黎我間房第一時間就係要執左個書櫃先啦~~
唉~~D漫畫真係越黎越多啦~~我諗都差唔多過千家啦~~好彩有D借左比人仲未羅番黎者~~
唔係就真係連訓都唔駛訓啦~~不過岩岩琴日先接多左套阿西番黎~~睇黎又要搵地方安置佢啦~~
下一個要比漫畫進註既地方~~睇黎就係我個衣櫃啦~~嗚~~~嗚~~~~~

執執下先發覺唔見左本IQ博士第七期~~至憎就係咁家啦~~成日儲完一套書~~
梗係會唔見咁一二本既~~明明就係記得二佬羅左去睇~~但佢又話冇喎~~
咁即係要周圍搵下啦~~最後~~終於搵番啦~~係二佬間房搵番啊~~>.<~~
死佬(死二佬既簡稱)~~你仲話唔關你樹~~太過份啦~~收起我D書~~搞到我周圍搵~~~
跟住就係幫D書抹身啦~~幫阿西抹身又忍唔住由第一期開始睇喎~~~咁就大穫啦~~
到我睇完個時已經六七點啦~~@.@~~仲未執過野啊~~~所以呢.....
我都係將D野放番係原位~~下次再執過啦~~HAHAHAHAHAHA~~~仲有一天會執到家~~

P.S.今日仲點過D漫畫~~仲寫左張LIST TIM~~其實我差唔多每半年都會點一次書家~~呵呵呵~~
睇住D書越黎越多~~但我戶口既錢就越黎越少啦........-________________-"~~嗚~~嗚~~~

>>February 23, 2004 at 5:31:18 AM GMT+8

2004 年 2 月 19 日 星期四 【晴】

今日又係星期五啦~~每次到左星期五都好開心家~~
因為爭一日又可以連放三日啊麻~~^^~~而且今個星期特別開心~~
我已經連續二個星期冇遲到啦~~可喜可賀啊~~HAHAHAHA~~

第一堂係張SIR畫花堂啊~~真係睇到人到癲啊~~依期搞到好似睇咩都有格仔TIM啊~~>.<~~
第二堂係I/E堂~~都過得幾快啊~~可能因為大家係度商量要食咩都講左好耐啦~~
睇黎最可行既方法都係霖霖扮埋差婆叫野食~~人地一定會送黎啦~~
真係好彩啊~~羅NOTE我竟然羅到份錯版既~~人地既係大字報~~我個份就係細字既~~
等我做左第一題之後~~曉盈先講~~搞到我仲以為自己做錯左TIM啊~~@.@~~嚇得我啊~~
今日少左D人一齊食飯..............................駛唔駛咁啊你~~>.<~~~
之後又係岑健芬堂啦~~又要人地畫紙樣啦~~係IVE仲話唔夠咩~~
仲搞到我有個波浪紋既綽號~~-____________-"~~~我同曉盈一組~~畫到我地呆晒啦~~
阿MILK就仲呆~~因為霖霖同偉哥淨係係隔離玩~~阿MILK姐好似做左佢兩個個阿媽咁~~
到落堂個時都係畫唔晒~~算啦~~長命功夫長命做啊麻~~HAHAHAHAHA~~
最後果堂唔駛上啊~~因為要聽就業講座啊~~係由安西教練做主講家~~
係喎~~原來仲有唔係好耐就要番工啦~~我都未諗要做乜好~~
但聽完安西教練講完D廠既笑話~~睇黎都係做行會好D喎~~HAHAHAHA~~

放學既時候~~大家話不如去打機~~咁就梗好啦~~話晒一早約好家麻~~
點知行行下唔見左肥哥哥同阿MILK~~原來佢地去左買野飲~~咬住支管都似樣家佢兩個~~^^~~
今次打機行列有我~MILK~霖霖~曉盈~RAY哥哥~源源~偉哥同新賀同學~~
去到機鋪第一時間就梗係要打太鼓啦~~係源源同曉盈啊~~佢地都係首要打ONE PIECE~~
第二打老叮~~至於最後就係挑戰夏祭三級~~源源就打到冇乜野~~但曉盈就打到叫晒救命~~
仲不斷係度笑~~唔出奇~~因為我第一次打個時都係咁~~HAHAHAHA~~
打完太鼓~~就梗係要睇番霖霖玩差婆啦~~點知唔肯再玩~~仲話不如又猜過~~
不過今次猜既人又多D~~中既機會都細D~~但估唔到最後猜淨我偉哥同新賀同學~~
到最後又係偉哥猜輸啊~~第二次又係佢玩先啊~~咁就梗係要即係CALL番RAY哥過黎啦~~
偉哥依然都係冇乜點避~~但佢個樣好搞笑啊~~偉哥玩完到阿MILK又話要玩~~
可能佢見偉哥玩到咁大動作~~好似好好玩咁~~MILK玩既時候仲將佢身上值錢既除晒出黎比我~~
佢都知依部機太唔安全啦~~阿MILK都玩得好好家~~可惜唔夠時間啦~~>.<~~
之後就係RAY哥哥啦~~RAY哥玩到係度係咁笑~~佢又殺左途人啦~~HAHAHA~~
至於壓軸出場既就梗係有我地既正宗差婆霖霖啦~~佢今次玩得好過上次啊~~
打完第一關大佬都只係死左一次咋~~又冇射到自己友~~不過都係殺左個途人~~^^"~~
大家玩完都叫我玩~~唔駛啦~~佢地四個玩既時候~~我都好似跟住一齊玩咁~~
HAHA~~我都可以話連續玩左四次啦~~勁熱啊~~仲有少少出汗TIM~~原來大家都唔係好識避家~~
玩完依個~~阿MILK就走啦~~我地就睇人玩武士咩鬼斬個隻GAME~~偉哥睇睇下話想玩~~
咁咪跟機羅~~依隻都幾受觀迎家~~好多人跟機~~點知原來係有一個人跟二次機~~咁都得啊~>.<~
到偉哥玩啦~~真係笑到肚痛啊~~曉盈就笑到坐都坐唔穩~~霖霖見到隻鬼出黎既時候仲嚇到跟住一齊嗌TIM~~
最好笑都係偉哥D表情~~見到隻鬼斬過黎仲嚇到縮埋TIM啊~~HAHAHAHA~~^o^~~
不過偉哥第一次玩都已經玩得好過上個跟二次機個個人家啦~~
大家都玩到好累啊~~都係走啦~~上樓梯個時~~RAY哥同霖霖仲幾乎上唔到TIM啊~~
佢地話到腳都痺啊~~HAHAHA~~霖霖咪當係收大脾羅~~最衰鬼斬同差婆冇雙打啦~~
唔係就可以一齊玩啦~~一定好好玩~~但差婆個部有雙打都幾危家~~
肯定同霖霖係度互相幫"撞"啦~~HAHAHAHA~~偉哥同霖霖就一定會互擗~~唔會係斬鬼家~~

後來大家都走啦~~曉盈等FD一齊去睇關心妍~~RAY哥同源源番IVE~~偉哥同霖霖去買野飲~~
我就撘車走啦~~點知又係地鐵站見番曉盈同佢個FD~~咁咪一齊走羅~~
HAHAHA~~大穫啦~~我仲約左人係寶琳度交收TIM~~遲晒到啦~~今日要去接阿西啊~~^^~~
好野~~終於都買到一套啦~~好開心啊~~套書仲要好新家~~不過個男仔個樣就惡左D~~
本來唔諗住出閘家~~但唔記得左要禁錢~~所以都係要出閘~~仲要羅住十七本書行番屋企TIM~~
番到屋企~~又係電話響過不停啊~~米華姐話去海灘燒野食啊~~好啊~~依個活動已經搞左二年啦~
我要買番對靚靚人字拖先得~~仲要短衫短褲仔啊~~HAHAHAHAHA~~
神小童打黎都係講佢輸波啦~~HAHAHA~~原來係咁既~~要夠邪啊~~^^~~

P.S.今日打機好似冇映到相~~如果有映就好笑啦~~今日RAY哥哥張元外相被公開啦~~
估唔到張相仲係度~~HAHAHAHA~~都幾慘喎~~HAHAHAHAHA~~

>>February 21, 2004 at 6:16:56 AM GMT+8

2004 年 2 月 18 日 星期三 【晴】

今日一早就要上馬姐堂啦~~點知地鐵又壞車啦~~搞到遲左~~
仲係樓下見到ZOE TIM~~之後我地就梗係叫人打咭啦~~
點知上到去馬姐話要點我做遲到~~為左唔突破四十次~~咁唯有係咁易都搵下藉口啦~~
好彩~~佢都比我唔遲到~~之後我出左去LOCKER羅野~~阿MILK走左出黎同我講~~
MISS話我蠱惑~~話我對其他同學唔公平TIM~~>.<~~仲話ZOE老實~~唔緊要~~
為左唔突破四十次~~出次蠱惑~~比人話一次有乜所謂~~HAHAHAHAHA~~~
不過學校部電腦真係好慢啊~~打完一陣D字都仲未出到喎~~

下午就係上TESTING 堂啦~~又係何SIR啊~~真係悶Q死啦~~
仲要一開始就教新野~~梗係啦~~因為乞兒徵召左肥哥哥去同佢考試啊麻~~
後來乞兒又話同個PARTNER和好如初喎~~咁即係玩阿肥哥哥既者~~
之後何SIR又開出席率比我地睇啦~~HAHAHAHA~~始終都未過四十啊~~
好野~~好野~~不過阿ROY就已經超越我~~到左四十啦~~唔緊要~~紀錄就係要比人破家麻~~^^~~
我仲幫出席率映左幅相~~源源竟然幫幅相改個名叫做"PROUD OF EVA"~~
HAHAHA~~要一直KEEP住三十九先得啊~~
最後果堂阿MILK竟然走左~~最後一堂都唔上埋先~~>.<~~
今堂教唔知計咩數紙~~真係麻煩到啊~~計數啊~~好耐都冇計過數啦~~
不過今日都好快過~~後來我同霖霖仲有偉哥同源源去左葵涌廣場食壽司~~
大家不斷係度講乞兒~~咁佢又真係好乞兒既~~>.<~~

之後就約左太郎仔同KIU姐去觀塘食野~~太郎仔仲錄左老叮把聲比我聽TIM啊~~^^~~
我地去左食為先食車仔麵~~好耐都冇食過啦~~霖霖仲打左二次黎TIM~~
HAHAHA~~我諗你都係靜雞雞放入我LOCKER會好DD~~~HAHAHAHA~~
可能太夜既關係~~所以好多鋪頭都關左門啦~~但我就買左本蜜柑仔既SCHEDULE~~
都幾抵家~~本來我都唔想買家~~但老叮個本都用左好耐啦~~我唔想佢爛啊~~
仲去左機鋪巡視下~~話晒我係"寶聲機鋪女王"黎家麻~~但今時唔同往日啦~~
好多機都冇左~~>.<~~最重要係冇左芬姐同我去打機啦~~HAHAHA~~~
行埋大手指~~我就走先啦~~太夜啦~~費時咁夜番~~今個星期都好似冇番過屋企食咁~~
點知去到地鐵站比我見到一個好厚既人~~@.@~~咁都唔緊要~~仲見到小旬TIM啊~~
原來佢兩個都可以相處度家~~HAHAHA~~仲即係打左比太郎仔TIM啊~~
太郎仔番到屋企都仲有打比我講D野~~唔好咁啦~~開心番啦~~^^~~

P.S.HAHAHA~~經過今日之後~~我真係覺得男仔係有三大特權家~~食煙~~講粗口同埋講衰野~~
唉~~真係估唔到會變成咁~~>.<~~

>>February 23, 2004 at 5:38:51 AM GMT+8

2004 年 2 月 17 日 星期二 【晴】

今日第一堂又係MISS LEE堂啊~~又係織個幅間色布啊~~
源源織左一幅黑啡間家~~都幾似我對襪喎~~^^~~好想織下黑紅啊~~
係我最鐘意夾既色黎家~~至於今堂我就織左藍綠色啦~~都幾靚家~~
第二堂本來係何B堂家~~點知又比朱翁霸左喎~~>.<~~太過份啦~~
又唔比人傾計又唔比人訓覺~~自己唔岩又要兜~~兜唔掂又話我冇以前咁乖~~
咁你講晒啦~~真係好唔鐘意上佢堂啊~~成日都要霸好人個D阿SIR MISS堂~~

食完LUNCH之後我地就要去葵興個間織布廠度參觀~~唉~~有D人霸左位~~
搞到我冇位坐~~本來係坐曉盈霖霖同偉哥大脾家~~但朱翁唔比喎~~
好彩阿ROY肯讓個位比我同ZOE坐咋~~唔係就要同D阿SIR坐家啦~~
去到之後~~見到有好多部扁機啊~~嘩~~一部至少都要成五十萬~~
個度差唔多二層全部都係~~至少有幾百部~~@.@~~我同霖霖仲睇乜機啊~~
梗係第一時間去睇下太子爺係唔係度啦~~至於RAY哥哥佢地就會期待係太子女~~
點知後來我同霖霖見到有個叔叔係間房度行出黎~~睇佢應該係D大粒佬黎家啦~~
之後我地仲去左版房~~見到有好多伯伯係度畫緊花~~阿SIR話應該會有D師兄係度~~
唔同依D就係我地既師兄???我終於知咩叫一夜白髮啦~~真係人都癲啊~~@.@~~
我地仲有得坐貨既升降機~~都幾好玩家~~但比較驚羅~~HAHAHA~~
去到最高個層~~仲見到有人係度縫野~~仲有幾部MISS LEE個D機TIM啊~~
最衰阿MILK今日冇番啦~~唔係就可以黎依間GYM ROOM啦~~^^~~
番到學校上多一陣TESTING就放學啦~~好野~~好野~~今日過得真係快啊~~

今晚就梗係要去學日文啦~~個對狗男女就梗係有番啦~~
咪咁快又要報高班啦~~真係夠晒唯利是圖啦~~睇黎份糧都係冇家啦~~
但係外賣仔教既高班得番一班咋~~要報就真係要快啦~~
唉~~睇黎又要對住阿嬋同阿伯啦~~唔制啊~~>.<~~太郎仔~~神小童~~
上完堂就梗係要去行陣街街先啦~~原來厚德商場既全寫係"厚好德"啊~~^^~~
我要買個藥盒啊~~雖然四葉草好靚~~但始終都係鐘意老叮多D~~
至於神小童既就有"東陰功"~~"南北杏(南不幸)"~~"西蘭花(西爛花)"~~"北菇雞"~~
HAHAHAHAHAHA~~~天意啊~~天意啊~~

P.S.原來RAY哥哥有點兒似小AIKO家~~@.@~~HAHAHAHA~~

>>February 20, 2004 at 2:46:23 PM GMT+8

2004 年 2 月 16 日 星期一 【晴】

今日一早番去就要畫花啦~~基本上都冇乜畫過~~因為不斷同阿MILK講番琴晚睇套戲~~
阿MILK琴日都有睇戲啊~~佢睇"花好月圓"~~HAHAHA~~睇黎第一堂大家都冇心機家啦~~
第二堂傾計堂都唔見得好好啊~~咪又係大家係度玩~~不過我都叫乖家啦~~
我係度訓啊~~已經叫不錯家啦~~HAHAHA~~阿MILK你係咪想打乒乓波呢~~^^~~
依期唔知做乜呢~~大家都爭住LUNCH同我坐~~但最好笑都係今日~~
曉盈講咁耐其實咪又係坐係我隔離~~既然係咁我唯有坐係曉盈同源源中間啦~~
今日我帶左偉大既史高治叔叔番學校啊~~大家見到都勾番起D記憶~~
睇黎大家細個都一定有睇過~~^^~~大家仲話好抵TIM啊~~我都覺啊~~
之後大家都有講起DISNEY既人物~~正啊~~不過我始於都係鐘意史高治叔叔同松鼠仔~~

唉~~之後又係DYEING堂啦~~好耐冇上過~~而且係好悶家~~-_______________-"~~
不過唔緊要啦~~之前既染布堂咪又係堂堂傾計傾晒~~個時同曉盈RAY哥可以傾足幾堂家~~
今日大家想玩KILLER~~但依度張桌唔似TESTING個邊個D~~下面有個櫃頂住~~>.<
只係得番一條隙~~我同偉哥本來可以拖到家~~但估唔到偉哥會講句咁既野~~-_______-"~~
HAHAHA~~大庭廣眾講埋D咁既野~~~HAHAHAHA~~搞到我幾咁唔好意思~~~~
不過如果依句出自另一個人把口~~我諗我會面仔藍藍家~~^^~~
點知染布阿SIR黎左冇幾耐就同我地講叫我地去番自己開放日個岡位~~
原來今日要開放日先既超級惡補啊~~>.<~~咁都好既~~唔係比人問到口啞啞就唔好啦~~
我地又去番林SIR間房~~HAHAHA~~好難啊D野~~點知原來之後個堂都係惡補堂啊~~
都癲家~~一日入面上三堂幾阿萬林SIR~~真係人都癲啊~~唔制啊~~唔制啊~~>.<~~

放學既時候~~神小童同太郎仔黎接我放學啊~~HAHAHA~~
RAY哥哥仲話佢番左咁多日學都冇人黎接佢~~唔開心喎~~HAHAHA~~
可惜佢地黎到做唔到佢地想做既樹~~唔緊要喎~~同伴們仍需努力啊~~加油~~
之後我地就走左去旺角巡視業務~~係巡視業務之前梗係要醫肚啦~~
估唔到間北京鋪咁好食家~~又平喎~~下次要再食啊~~^^~~
我地去左信和中心~~去到十二樓既時候~~神小童照舊睇相~~
竟然比我發現到一樣好搞笑野~~個個錦戶亮啊~~有冇搞錯啊~~又會咁既~~
又會咁似既~~最搞野既就係個名......HAHAHAHAHA~~^^"~~
唔同依D係天意黎既~~但現實就係咁家啦.....唉~~嗚~~~嗚~~~~~~~~~
之後我地仲睇左陣衫~~好多野想買啊~~但係就要快啦~~唔係份糧就大穫啦~~

P.S.睇黎今年都係要潦倒家啦~~好想電負離子啊~~但D頭髮就點都唔肯長~~>.<~~
好多野想做啊~~算啦~~今年都又係咁家啦~~HAHAHAHAHA~~

>>February 23, 2004 at 5:35:57 AM GMT+8