2003 年 10 月 15 日 星期三 【微冷】

今個星期好似過得好快~咁快就星期四啦~可能因為今個星期我晚晚都有野做啦~
今晚同神童出左街~因為我地兩個都係被人遺棄既孤兒仔啊~~~
我地出左旺角~第一站就梗係番老家啦~聯合多左好多賣柚青年既cd~但冇錢買啊~><嗚~
之後去到新世紀~簡直係觸景傷情啊~昔日既新星堂~今日已不在了~~所以我地上左去大眾~
收到風個度有d好正既人既cd~但我見到既只係得馬騮通山走既情況~神童失控了~~
之後梗係去信和繼續發掘大家既寶物啦~hahaha~神童就係依個時候買左紅色西仁既演唱會~
佢真係好愛佢地啊~為左佢地我地行左好多間價格~
有我唯利是圖第二包交椅係度~一定會幫你搵到間最平既~
我地都有去到兆萬探老叮叮~隻錶個度竟然係賣到最平既~真係估唔到~
神童好搞笑地羅住個信紙套裝好想買咁~問晒價正要羅錢既時候~老細先話個個係信紙套裝~
原來神童係想買日記~hahahaha~好彩個時間店唔係有好多人既者~我地係間鋪出出入入好多次~
又問下依樣幾錢~個樣幾錢~唔知老細會唔會覺得我地運吉呢~老細啊~其實我係好想叫晒佢地黎我屋企家~
我絕對唔係淨睇唔比錢家~只係冇錢者~hahahaha~
之後大家都未係好想番屋企~就行埋女人街~就係咁就出事啦~出事啦~唉~~~~~~~~
神童見到個馬騮咕旬就諗到冇乜點諗就買啦~幾經辛苦都講到減左三蚊~
但仲有野家~之後我地都各自睇中左件衫~但賣到好貴~果然係做遊客生意~夠晒唯利是圖~
如果唔係因為真係好鐘意~我地係唔會企係度講咁耐價~終於都減到十五蚊~
破完財之後大家就用最快既離開~因為現場環境實在太唔安全啦~
大家都有收穫~但今個星期大家就要齊齊食西北風啦~好彩今個星期番風者~唔係連風都冇得食~

P.S.今日比我見到另一賤民雅紀既相~同賤民二宮既有得比~分分鐘仲勁過添啊~真係冇得救
仲有神小童今日好特別啊~因為佢..........(而度唔方便講~小心比某人知道........)


>>November 2, 2003 at 7:02:50 AM GMT+8

2003 年 10 月 14 日 星期二 【颳風】

今日係好日子黎家~因為今日係好厚既三文治既生日~又大一歲啦~要努力加油啊~
前年喜歡他時已過了生日~上年又未知佢幾時生日~今年終於都記得啦~hahahahahaha~
今晚學日文既時候都好好玩啊~但前面幾行既人好似覺得我地好嘈~成日望過黎~
其中一個既電話鈴聲仲要係活著viva~你真係唔想活啦~><
今日教左十八個生字~我開始可以一路聽一路寫(簡單既生字)~不過為左你地我會努力家~等我啊
下課前我看了看後面個版~下次既生字與神童有關的~佢見到幅圖實好開心家~
到走既候同太郎去左巡視一下業務~大家突然靈感到~為專貴既人作了首歌~
但又於生命誠可貴~所以都係唔打出黎啦~以免冇機會再見到大家~


>>November 2, 2003 at 7:01:32 AM GMT+8

2003 年 10 月 13 日 星期一 【颳風】

今朝又發了好夢啦~咪又係夢到佢地羅~唔知係咪之前成日話見唔到~所以今次連續二日都見到~
正當都幾開心既時候~今日竟然比我發現個個悠黎悠去既人曾經拍過幾部AV~~
雖然話唔係做主角同冇咩事發生~但感覺上好似唔咁好~~~嘩~大佬~話晒你唱民歌家~
不過我唔會貶佢入賤民同水飯房既~只係有點兒驚訝者~因為佢只要繼續做好音樂就冇問題家啦~
睇黎我都係特別偏心佢家啦~(除左佢仲有幾個都有免貶金牌~至於係邊個大家都知家啦~haha)
今日有同太郎王子米華姐相聚啊~~~(如果世怕都係度就好啦~好耐冇見佢啦~上次又冇黎)
送米華姐番學之後就等太郎黎~大家行了淘大商場~~探了好多好迷人既野~個個佐助果然同TOSHIYA好似~令到太郎失晒控~之後去左吉野家食下午茶~正當大家食到一半既時候~店內竟然播出~登登登登登~登登登登~登登登登登登登~我同太郎都好留心地聽~大家知唔知係咩~竟然係嗚呼啊~想不到係吉野家食野都會聽到佢把聲~最正梗係迷人既口琴聲啦~HAHAHAHA~之後我地等埋米華姐就一齊行德福~你地好衰家~竟然出埋咁多新野~
米華姐買左個POOH POOH袋同埋盒我都買左個盒~太郎就終於有擦膠用~
今日雖然只係相逢半日~但都玩得好開心~仲好似好悠閒TIM~某人話~HAHAHA~今日太郎成日都係度扮一位UNCLE TOSHI~X~佢好似嚇親米華姐~當然唔少得偉大而長青既天才YOSHIKI大人啦~~
至於UNCLE HIDE就留待下次CA姐姐都係到既相逢日先啦~X~去感覺~X去叫喊~X~拋棄一切~
"你知道嗎?你地係最好家"下次相逢日再見~


>>November 2, 2003 at 6:59:41 AM GMT+8

2003 年 10 月 12 日 星期日 【雷雨】

今日真係好忙啊~
一朝早發了二個夢~
第一個夢係夢到太郎既小朋友們~我淨係記得見到小京京~
之後話比太郎知~佢唔太高興~因為我成日夢到而佢就夢唔到~而且我成日都唔記得佢地係度做咩
第二個夢就係夢到d好厚既三文治同埋d悠黎悠去既人~
hahahahaha~今次都笑醒家~
發晒d夢之後~就幫媽媽去銀行入錢~銀行係一個鼠男好喜愛既地方~
羅住一張一張既銀紙~可惜唔係比我既~
之後就約左神童行街街~點知有特別嘉賓~就係joey姐姐啦~佢好少呵可以出黎~coz佢係灰姑娘喎
我地去左新都城行~係玩具斗斗城入面~久未出手既joey姐姐一見到神童就忍唔住要"錫"下佢~
"誰愛護過神童~我仍願意相信~~"係得joey姐姐家咋~但斗膽既神童竟然羅右典黎擋~你真係啊~~
之後我地去左哈德斯食野~個杯可惡既奶茶~你淋我咪算羅~做乜要搞我d仔仔女女~仲搞到比人笑
之後神童要學好普通既普通話~joey姐姐要去街~咁我地就走啦~
唔知下次幾時可以神字家族一齊到晒呢~~~加油啊~hahahahahahahahahahahahaha~


>>November 2, 2003 at 6:58:35 AM GMT+8

2003 年 10 月 5 日 星期日 【晴】

今天都不錯啊~
想不到佢既想仲有人買啊~
果然寶刀未老啊~
周姐姐~多謝你啊~
令我又有多十幾蚊既進帳~
我地要繼續唯利是圖啊~~


>>November 2, 2003 at 6:56:31 AM GMT+8

2003 年 10 月 4 日 星期六 【晴】

今日好開心~
因今早發了個好夢~
夢到D好厚同好悠既人啊~~~~~
HAHAHAHAHAHAHAHAHAHAHAHA~~~
上演一場雨和淚~(其實冇淚既~就算有都係笑到有淚)
希望下次可以見到你地大團員啦~

>>November 2, 2003 at 6:46:40 AM GMT+8

2003 年 9 月 30 日 星期二 【晴】

今日係國慶日啊~hahahaha~好開心啊~因為有假放~
一朝早係屋企唔知做乜~但之後就出去尖咀同大家匯合啦~
我地約係玩具斗斗城等~但我去到既時候竟然未有人到~
咁我咪去左隔離既冒險樂園睇人玩推銀機~推銀既聲音係鼠男最喜歡既聲音之一~
個間冒險樂園簡直充滿回憶啦~上次同ca姐姐,joanna姐姐同ivy去過~~hahahaha~
之後就齊人地入去斗斗城啦~大家由於太耐冇見~所以係門口傾左好耐都未入到去~
入到去之後~米華姐就梗係去探佢既"banbie"而我地就不停係隔離講偉大而長青既爸爸既jenny~
好似嚇親個度既小妹妹~但我地都比個度既小妹妹嚇親~佢地帶住萬聖節既面具周街走~令我地諗起某位極度尊貴既人~有尖帽同素把個位呢~hahaha~相信大家都知家啦~
之後太郎突然扮起潤子~搞到隔離班小朋友一齊扮啊~hahahaha~大家都開始失控啦~
我地都有去玩槍~"啊~原來係你~""對唔住~我係卧底~"今次唔係嚇到小朋友~係嚇到班家長~
hahahaha~做乜成日嚇人?因為就到萬聖節啊麻~~個日我仲買左紅姪仔同埋松鼠仔~一家團聚啦~
重頭戲黎啦~正當我比緊錢既時候~太郎以飛快既速度跑黎要"唱"錢~原來比佢發現左狐忍既扭蛋
第一個出黎啦~啊~~係阿李啊~hahaha由於失去平衡既關係~大家其實已經跌坐係地下~
真係對唔住kiu姐姐~因為大家都壓住佢~第二個係佐助~太郎都開心既~第三個係嗚門~第四個仲要係啊櫻~第五個都係佐助~第六個又係阿櫻~點解係冇太郎最想要既人呢~正要放棄既時候~
比kiu姐姐發現左扭蛋顏色之迷~第七個終於係太郎既"你"愛羅啦~~hahaha~其實大家一直都係坐係地下度~同埋太大聲啦~惹黎好多人既注意~唔緊要啦~大家係唔介意依d野家~
kiu姐姐都有收穫家~就係抽到跳虎既袋仔啦~米華姐暫時未有收穫~我地仲既時幫佢地映左幅全家福~米華姐就同我地講~原來我地係斗斗城玩左好耐~出黎個時已經係五點啦~估唔到咁耐~
之後大家去左無印~我發現了柚子味潤唇膏~haha~大家好衰家~係咁叫人買~
行到cd鋪就見到lord of the ring既靚靚尊貴dvd~之後大家就做指定既動作~去吃雞~
吃完雞~大家就一齊企係馬路中心睇煙花~第一次企係馬路中心睇~今年既都幾靚~睇完之後~大家就好開心好興奮咁笑住番屋企啦~~haha~下次相逢之日唔知又要到幾時呢~~~~~



>>November 2, 2003 at 6:44:08 AM GMT+8