2004 年 2 月 15 日 星期日 【晴】

今日太郎仔唔乖啊~~佢想逃學去唱KK啊~~HAHAHA~~
咁就冇計啦~~反正我都係星期一的週末家啦~~咪同佢去唱KK啦~~
HAHAHA~~已經連續四星期星期一去唱K啦~~勁啊~~~~
一早起身~~睇左陣庶務二課~~寶生舞真係好鬼似UNCLE HIDE啊~~
依集係未睇過家~~正啊~~睇完仲打埋琴日既日記先出去TIM~~
點知見到CA姐姐ONLINE喎~~佢話我唔叫佢去唱KK~~
你想點叫啊~~你又唔鐘意打電話既~~我又唔識打SMS~~點同你講啊~~>.<~~
仲同阿MILK傾左陣~~咁就出去搵太郎仔啦~~約左佢係觀塘等啊~~

一路撘車都有同佢講電話~~佢仲不斷講住個句日文~~咦~~人地會唔好意思家~~
見到佢既時候~~佢仲係咁講~~我地就係咁~~一直講住D正經野~~講到去尖咀啦~~
去到尖咀已經見到舊馬騮化石係度等~~唔好意思~~咁急先叫你~~
都好彩你放十二點者~~HAHAHA~~我地正要行去K房既時候~~
神小童竟然因為伊崎小右而唔同我地玩~~好啊~~唔好同我地玩羅~~
你都唔識路~~HAHAHA~~依個故事教訓你未去到目的地前都唔好輕易話絕交啊~~
尤其係去到十字路口~~唔係我地叫住你~~你已經做左迷路小童啦~~
去到K房~~個經理哥哥話只可以唱到三點~~唔係掛~~我地去到既時候已經差唔多一點啦~~>.<~~
之後我咪唯有同佢求下情羅~~咁佢就儘量比我地唱耐D~~都唔知係咪既...
又係咁啦~~又冇搖控器啦~~唔制啊~~唔制啊~~點歌要遲少少先有得點啦~~又冇咁D時間~~
必唱既一定係戀之歌謠日啦~~每次黎到都會點至少二次~~
其次就梗係直到相逢之日啦~~HAHAHA~~都好正啊~~估唔到太郎仔咁鐘意依首歌~~
當然仲有CA姐姐同TOSHI既初戀啦~~唔少得就係唱到斷晒氣既DARLING~~
突然大家成日係度諗起天蝎座之女~~咪諗住睇下有冇羅~~點知真係有喎~~
HAHAHA~~一定要點黎睇下啦~~唔知係咪米川既PV呢???唔係可能會好D~~
出黎啦~~真係嚇死啦~~同太郎仔唱左二三句都頂唔順要CUT左佢~~@.@~~
點知太郎仔唱緊美人既時候~~又諗番起啦~~HAHAHA~~係巧合啊~~
至於最後既壓軸就梗係有比加拿大國家公園更加得既阿嬋版浪漫飛行啦~~
大家係度唱左好耐都未CUT歌~~原來經理哥哥真係講信用家~~
佢真係比我地唱耐D家~~唱到咁上下佢仲走黎問我地要唔要唱埋HAPPY HOUR~~
唔駛啦~~都唱左好耐啦~~HAHAHA~~今日神童之歌"河童"已經變左做CA姐之歌啦~~
"迷上小CA CA~~個隻TOSHI鬼~~@.@~~"仲有"若果美好如YOSHIKI~~誰想去親近TOSHI鬼"~~^^"~~
不過神小童~~真係好對唔住~~我唔知道會咁~~即使你話冇野都要道歉家啦~~>.<~~

唱完之後~~尤於神小童唔多舒服既關係~~所以佢番左屋企先啦~~
而我同太郎仔就去左無印度行~~可能成日黎既關係~~行左個大圈就走啦~~
之後我地仲周圍睇下衫TIM~~見到條格仔短褲都唔錯家~~但如果我著左我諗會好似柯南~______~
所以都係諗下先啦~~我地仲見到阿邊個著個對鞋TIM~~^^~~HAHAHA~~天意如此啊~~
周圍行下之後~~都係走啦~~因為約左KIU姐姐係地鐵站羅佢D野啊~~
KIU姐姐要打功課~~都幾大疊~~唔知咩四大天王~~係中國神話個D黎家~~唔係劉華個D~~

番到屋企~~等到二佬番黎~~終於可以睇假如愛有天意啦~~
其實都OK好睇既~~不過前頭有D悶~~但首音樂勁慘啊~~>.<~~
個晚我地DL左好多個版本黎聽~~真係好聽過I BELIEVE~~
都唔知點解~~明明佢地兩個兩情相悅都唔係埋一齊~~真係搵笨~~
HAHAHA~~依套就係橫誇左三日~~二佬極力推介~~一百分滿但比到一百二十分既戲啦~~
睇完之後都係睇番向井荒太~~又忍唔住啦~~好似荒太好睇D喎~~^^"~~
睇左一陣就要開工啦~~要幫KIU姐姐打字啦~~HAHAHA~~睇黎有排打啦~~鬼叫頭先有人用機咩~~

P.S.今晚打字打到成四點幾啊~~都好似冇乜點訓~~好彩有位好好人既人兄陪我傾計者~~
唔係淨聽歌打字~~夜麻麻一個人都幾悶家~~HAHAHAHA~~多謝你啊~~^^~~

>>February 18, 2004 at 5:01:04 PM GMT+8

2004 年 2 月 14 日 星期六 【晴】

今日又要番工啦~~但都唔係好想起身~~因為琴晚同米華姐傾左好耐~~
一早起身又要準備番工啦~~但唔緊要啦~~遲到都唔緊要啦~~
反正我係咪都會寫十二點家啦~~你不仁我不義啊~~>.<~~

番到去都差唔多十二點半啦~~斗斗城依然係冇乜人~~阿JOI唔知去左邊呢???~~
依二個禮拜都見唔到佢~~唔通佢真係比人調左番尖咀~~
唉~~咁我就真係悶死都有之啦~~阿LEO又話會唔做喎~~嗚~~會好悶家~~
點知企企下突然有個好高大既物體係我面前出現~~係LEO啊~~@.@~~
原來佢間鋪未開得~~所以佢會繼續做落去啊~~好野~~好野~~
佢仲問我琴日做乜唔番工~~搞到成日都冇人同佢傾計~~佢話琴日佢悶死左~~
HAHAHA~~知道我既重要性啦咩~~依D就係PROMOTER既生活啦~~
如果冇人係附近傾計既話~~一定會悶鬼死啊~~>.<~~仲要成日流流長TIM啊~~

今日番到去見到D貨少左咁多~~原來佢琴日係咁幫我賣啊~~仲賣左五盒TIM啊~~
勁啊~~但佢自己就食白果~~真係啊~~我冇番就梗係賣自己個D啦~~
賣左依D又唔會計係我既~~真係激死~~益左我公司TIM~~
之後佢賣既時候都係不停地幫我手SALE~~佢而家似係SALE我個D多過SALE比嘉~~
睇黎佢都幾唔鐘意佢公司喎~~不過唔緊要啦~~佢咁多樣野都掂~~
唔做依份工都冇所謂啦~~又係救生員~~又係教游水~~又有教練牌~~自己又有間鋪~~
勁啊~~一定唔會餓死佢自己同埋佢女友啊~~HAHAHAHA~~~
到左六點既時候~~佢話要走~~行開一陣~~點知又係依個時候我幫佢出左盒帶~~
真係啊~~次次都係我幫佢出到~~佢幫我出到~~睇黎搵日我地要交換做先得啦~~
佢走左冇幾耐~~無拉拉聽到把好熟既聲~~原來係袁詠儀啊~~
佢真人都幾靚家~~又冇化妝喎~~同幾個朋友拖住D細路黎買野~~佢講野都幾搞笑家~~
之後神小童黎搵我~~咁我就走啦~~個時七點幾~~但寫八點走~~大家知道我既情況都唔會話我~~
太好啦~~大家仲諗住叫我寫九點TIM家~~HAHAHA~~今日都唔知發生咩樹~~
竟然有成十二盒~~@.@~~係咁耐以黎最多既一日~~初頭太郎仔仲估得六盒家咋~~
話比佢聽有十二盒~~佢仲問我點解會咁~~我都唔知點解~~所以你唔好問我點解~~

神小童佢要換HANDFREE啊~~因為壞左~~梗係啦~~佢成日係度びじ人~~
好彩有保養咋~~唔係就大穫啦~~不過NOKIA維修站都幾快搞掂~~
諗起對上個次去~~芬姐都仲係度家~~今時唔同往日啦~~
神小童唔舒服都要黎維修~~睇黎電話對佢都幾重要~~唔係娘娘會唔高興家~~
"有事伊崎右~~無事赤小豆~~"HAHAHA~~我地仲食左芝士牛角包~~正啊~~
之後我就去左搵米華姐做D野....咁就同神小童分開左LU~~~

番到屋企太郎仔打電話黎搵我啊~~仲教左我一句超正既日文~~かない~~^^~~
HAHAHAHAHAHAHA~~~超級正啊~~我實會記得家~~HAHAHAHAHA~~
真係"假如愛柚天意"羅~~一番到屋企~~我二佬就問我睇唔睇"假如愛有天意"~~
HAHAHA~~雖然我地成日係度講依套戲~~但係就一次都未睇過~~
二佬仲話要同我一齊睇~~唔知佢係咪驚一個人睇會忍唔住喊呢~~
二佬仲話我一定要睇依套戲~~因為依套戲我一定會鐘意睇~~
奇怪~~我其實幾怕睇喊戲家~~都唔知點解二佬話我一定會鐘意~~
唔通真係假如愛柚天意~~不過今次一定唔會輕易掉眼淚家啦~~
上次睇向井荒太喊都比二佬同大佬笑左咁耐~~-_____-"~~太過份啦~~>.<~~

P.S.不過其實可能係二佬喊先呢~~今日章字變京字啊~~太郎仔開心死啦~~

>>February 18, 2004 at 5:02:06 PM GMT+8

2004 年 2 月 13 日 星期五 【晴】

HAHAHAHA~~今日係情人節啊~~但其實都唔係好關我事~~
但點我都要出街家啦~~唔通係屋企咩~~唔制啊~~所以我同神小童都決定要去唱K~~

講起唱K~~神小童果然積極啊~~一早就打電話黎叫我起身去唱K~~
本來想搵埋芬姐家~~但佢個電話都係冇人聽~~真係啊~~情人節者~~都唔駛唔聽電話啊~~
之後我就打埋比源源~~就係咁~~今日就有依個"比翼三飛唱K團"啦~~HAHAHA~~
我地約左去樂富等~~然後行去九龍城度唱~~因為九龍城少人D啊麻.....諗住~~
但都唔知做乜樹~~又多人~~又貴~~又唱得唔耐~~所以都係唔唱啦~~
我地就走左去九龍城間好舊既戲院去睇"見習黑玫瑰"~~本來都唔想睇家~~但冇戲好睇~~
不過間戲院都幾恐怖家~~好殘舊啊~~而且成場得七個人~~前面個四個女仔仲驚得佢地幾個~~
所以一見到我地入去就好似好開心咁~~但佢地又唔知做乜成日望過黎~~
搞到我都有點兒驚TIM~~我諗佢地唔會話見到多個人掛???~@.@~~係就驚啦~~
HAHAHA~~依套都幾好笑既~~最正都係毛毛姐同鄭伊健~~同埋個句"挽鞋"~~HAHAHA~~

睇完戲之後本來想去打機家~~點知原來啟德執左~~唔係啊~~今日咁黑家~~
咁九龍城都冇乜好行~~咪唯有出旺角羅~~後來打聽到原來太郎仔同阿KIU都出左旺角~~
咁我地就出去會合佢地啦~~但源源到左旺角就自行離開了~~咁我同神小童就去搵太郎仔KIU姐啦
去到信和~~一見到有人瘋狂睇阿賤既相就實知個個係KIU姐啦~~太郎仔仲換左件外套TIM~~
果然係貪新忘舊啊~~一買左新就即刻著啦~~HAHAHA~~行完信和~~我地就去埋兆萬啦~~
今日收到好多朱古力啊~~多謝你地啊~~米華姐同KIU姐仲有神小童~~
去到兆萬~~我同太郎仔都已經發左癲啦~~梗係啦~~好多玩具啊~~
但最令我失控既都係尊貴迷人既史高治叔叔~~佢既電話繩鐵牌仔都只係賣二十蚊咋~~
開心死我啦~~最好笑既係我去同個個人話要既時候佢話我係唔係數銀紙個個~~HAHAHA~~
梗係啦~~數銀紙係史高治叔叔既尊利黎家麻~~^^~~超正啊~~超靚啊~~又平喎~~好野~~
仲有一個勁靚既史高治叔叔~~佢係訓係D錢上面家~~好正啊~~

之後大家都有收穫~~係得神小童冇收穫~~所以佢話要買衫~~咁我地咪去左旺中羅~~
行左冇幾耐~~神小童就買左條粉紅色既短褲仔~~嘩~~好殘眼啊~~
神小童話想買晒成身都係粉紅色~~我同太郎仔都覺得只有UNCLE HIDE同小AYA先會咁~~
睇黎要介紹佢地比神小童識啦~~HAHAHA~~之後又買左一件白色既衫~~
白色衫好~~白色衫梗好啦~~HAHAHA~~我都睇中左件灰色衫~~灰色都好家~~GREY啊麻~~
之後仲見到件松鼠仔既衫~~不過係白色既好易污~~^^"~~太郎仔話我今年既STYLE好似轉左~~
成日買紫色衫~~梗係唔係啦~~只不過係我鐘意紫色之麻~~但大家話我好似貧窮神~-________-"~
唔制啊~~唔制啊~~不過我既衫好多都有帽家~~鼠男既特色啊麻~~HAHAHA~~

P.S.大家行完之後就番屋企啦~~大家都收穫豐富啊~~但又花費勁喎~~
仲扭左路飛同魯賓啊~~係扭緊既時候~~JOEY姐姐仲打黎同我講情人節快樂TIM~~
HAHAHA~~今日神小童終於都見到KIU姐啦~~今日好正啊~~雖然係雙失情人節~~
人又冇錢又冇~~但唔緊要~~開心咪得羅~~^^~~HAHAHAHAHA~~

>>February 16, 2004 at 3:36:27 AM GMT+8

2004 年 2 月 12 日 星期四 【晴】

今個星期好叻叻啊~~完全冇遲到啊~~好野~~好野~~依個星期都打破唔到第四十次啊~~
HAHAHA~~雖然張咭有紅色~~但點名個時冇遲到~~^^~~真係要多謝RAY哥哥~~辛苦晒啦~~

第一堂係張SIR畫花~~好似越黎越難啦~~都唔知做乜TIM啦~~HAHAHAHA~~不過都幾好玩~~
第二堂咪又係吹水堂羅~~不過就係唔駛同第七組一齊上既堂~~
霖霖係度講佢琴晚發個個夢~~都幾搞笑家~~我都幾重戲份家~~估唔到~~^^~~
佢個夢可以講係美兒天使+OK女孩+星月童話~~睇黎佢睇書睇上腦啦~~HAHAHA~~
佢仲要話夢到我地全班去左CAMP~~偉哥既角色只係閒人一名~~真係慘羅~~
而我琴晚都發左一個夢啊~~都係見到全班家~~係夢到大家一齊去扭扭蛋~~
霖霖同偉哥同曉盈不斷係度扭DISNEY~~仲要成日係度話"癲家"~~阿MILK就係度扭面包超人~~
源源就不斷係我隔離話貴左五十蚊~~-__________-"~~估唔到發夢都見到佢咁講~~
睇黎佢係現實生活講得實在太多啦~~>.<~~有點兒似惡夢啊~~嗚~~嗚~~
之後果堂岑健芬又叫人畫紙樣啦~~真係啊~~成日都係度畫~~唉~~
我諗今日最不幸都係最尾個堂~~人地不知幾上想錢SIR堂~~點知又比朱翁羅左~~
真係太過份啦~~人地係錢SIR堂仲畫緊UNCLE HIDE尊貴既黃色心心結他家麻~~>.<~~
依排都冇乜點上堂訓家啦~~點知一上朱翁堂就出事啦~~ZOE偉哥同源源都好D啊~~
佢地中途去左第二間房默書~~我就大穫啦~~全程訓TIM啊~~但朱翁又唔比訓喎~~
咁唯有話去TOILET啦~~既然去得TOILET~~咁就順便執埋LOCKER啦~~HAHAHA~~
點知又遇到偉哥鼠左出黎~~咁就一齊執LOCKER啦~~^^~~後來阿MILK出左黎搵我~~
原來朱翁見我咁耐唔番去~~以為我暈左~~HAHAHA~~咁唯有番去啦~~
番去傾多陣就放學啦~~^^~~大家最近都係度講做GUM啊~~HAHAHA~~

放學個時大家話不如去打鋪機~~咁就梗係好啦~~但曉盈要教琴~~RAY哥又要番屋企~~
MILK又話要去燒野食~~所以打機就得番我~~霖霖~~偉哥~~源源~~ROY同埋肥哥哥啦~~
去到既指定動作就梗係太鼓機啦~~霖霖同偉哥打先~~我同源源就跟機~~^^~~
我同源源必定會打既就梗係ONE PIECE啦~~GET WILD同埋夏祭啦~~HAHAHA~~
今日又係夏祭最難啊~~都係咁啦~~不過今次有進步家啦~~而源源已經過到啦~~@.@~~勁啊~~
之後ROY同源源就打槍個隻~~見到佢地打又諗番起以前芬姐生日個日~~
同佢一次過唱成一百蚊打機~~雖然唔係打晒個部機~~但都用左唔少~~
霖霖同偉哥就猜~~睇下邊個猜輸左就要玩差佬射野個部~~點知偉哥輸左~~
佢就玩先~~HAHAHAHA~~真係笑死我啦~~笑到我肚都痛埋~~部機叫佢避佢都唔避~~
第一關都過唔到~~個差婆就瓜左啦~~之後到霖霖玩就仲好笑~~霖霖完全唔肯出去~~
仲比偉哥串佢做差婆就勇敢D~~之後霖霖既連環射不知幾勁~~唔單止打到自己友~~
仲殺左個途人TIM啊~~HAHAHA~~但佢同偉哥都係唔識避既~~好彩我及時推開左佢~~
HAHAHA~~救左你一命~~但唔駛感激我家啦~~但不幸既霖霖就比源源映底佢既英姿~~^^"~~

原來神小童今日放早啊~~所以佢又黎左搵我去街街啦~~唉~~
出到旺角就梗係又會冇錢啦~~所以我地食完野都冇乜買過野啦~~
唔緊要啦~~至在聚下者~~呵呵呵~~傻瓜蛋~~~~
佢都有買到少俱~~睇黎都係娘娘但搶錢D~~我地太夜出去啦~~又眼訓~~
所以行左冇幾耐就走啦~~好眼訓啊~~隻手又痺喎~~>.<~~

番到屋企終於收到張支票啦~~但又係咁....~~~真係太過份啦~~所以你做初一我就做十五~~
之後就同神小童商量下明天有咩做~~話晒係比翼單飛會阿麻~~HAHAHAHA~~~~

P.S.今晚好眼訓啊~~但偏偏又夜訓喎~~>.<~~~HAHAHAHA~~^^"~~~

>>February 21, 2004 at 5:15:13 AM GMT+8

2004 年 2 月 11 日 星期三 【晴】

今日一早第一二堂~~馬姐話要測驗啊~~本來測倉頡都冇乜野既~~
但好可惜唔係打~~係測D理論啊~~HAHAHA~~~唔識家~~^^"~~
不過算啦~~測完咪算羅~~HAHAHA~~只要求其合格就得家啦~~
霖霖第二堂番左黎~~本來馬姐唔比佢考番家~~但佢扮病扮得真係好似~~
真係可以入藝員訓練班~~由於佢扮得太似~~所以馬姐叫霖霖落去護士室度睇下~~
HAHAHA~~本來諗住呃下馬姐~~點知真係要落去~~咁阿MILK咪話一齊落去羅~~
就係咁~~我同霖霖同MILK就一齊落護士站比護士姐姐睇下啦~~
其實個護士都幾得閑家~~日日都係度冇所事事~~我地一去到佢就已經認得我地啦~~
仲話上次又係我地三個落黎TIM~~HAHAHA~~佢幫霖霖檢查個時仲唔小心整親佢隻耳仔啊~~
我諗應該好痛~~>.<~~之後護士姐姐仲不斷同我地講我地有既權利~~
叫我地如果有咩活動想搞就要搵佢~~等佢有多D野做唔駛比人抄~~唉~~真係搵食艱難啦~~
HAHAHA~~我地都有捧場家~~好似上次咪報左名參加個唔知乜營養工作坊~~
其實大家都係為左減肥者~~^^~~不過學多樣野都係好既~~
之後護士姐姐寫左張紙比我地~~等我地可以羅番比馬姐~~佢寫左"上呼吸道感染"~~
馬姐見到之後~~仲嚇左一跳~~睇黎護士姐姐好似寫得誇張左喎~~HAHAHA~~
不過就係因為咁~~我地唔駛上馬姐個堂~~可以直接去食LUNCH啦~~^^~~
LUNCH之後又係TEST堂啊~~今次係至唔鐘意既TEST1啊~~>.<~~
阿SIR整出席率個時仲問我係咪已經過左四十~~梗係唔係啦~~邊有咁快啊~~
阿SIR又教新TEST啦~~真係好悶啊佢~~每次聽到佢把聲都會訓著家~~
如果失眠個時有佢把聲就正啦~~-__________________-"~~~~~~~~
最後一堂係幾阿萬畫花啊~~好野~~上埋依堂就可以放學啦~~
有人黎映相啊~~因為就快有開幕禮啊~~霖霖偉哥同KIMMY梗係唔執輸啦~~
第一時間霸住會用黎映相個部電腦~~HAHAHA~~真係好搞笑~~^^~~

終於都放學啦~~今日約左好耐冇見既MANDY啊~~好開心~~
我去左尖咀等佢放工~~HAHAHA~~佢都冇乜點變啊~~仲好似靚左TIM啊~~
原來佢對眼做左激光啊~~雖然都幾吸引~~可以冇近視~~但其實我好怕做手術~~
所以都係咪搞我住啦~~HAHAHA~~我地去左新都城行~~
真係好耐都冇同佢行過街街啦~~大家都太眼訓啦~~所以係新都城行就算~~
我地行左千色店~~出左好多新野啊~~好多野都想買啊~~但要儲錢先得啦~~
MANDY就有更多野想買~~又要買埋比家姐喎~~咁又係既~~就黎情人節啊麻~~
之後我地去左椰林閣度食晚飯~~HAHAHA~~我真係好少呵會去D咁貴既地方~~
見係你咋MANDY~~咁耐冇見~~不過其實都OK啦~~四十蚊有找~~
食飽之後我地仲去左映貼紙相TIM~~HAHAHA~~再得多一陣就番屋企啦~~

雖然今日同MANDY行左唔係好耐~~但已經好開心啦~~以後要多D出黎啊~~
唔好唔理我啊~~HAHAHAHA~~之後行番屋企個時都唔知點解有咁多人打黎搵我~~
平時都冇咁多人~~都唔知點解依排個個都搵我~~唔通大家掛住我???~~
但偏偏有D人就好耐都唔會打一次黎~~一打黎就係有野要幫佢~~好唔鐘意啊~~>.<~~

P.S.神小童~~要加油啊~~你今日突然同我講既野~~唔駛驚喎~~我會支持你家~~^^~~

>>February 14, 2004 at 12:35:12 PM GMT+8

2004 年 2 月 10 日 星期二 【晴】

今日又冇遲到啦~~好野好野~~睇黎第四十次都冇咁快黎既~~HAHAHA~~
第一堂又係MISS LEE啊~~雖然依排成日冇上佢堂~~但我都追得幾快啊~~
第二堂要串番八十條紗啊~~大穫啦~~@.@~~~
真係串到腰都痛埋啊~~唔制啊~~唔制啊~~雖然我同莉莉係最快個組~~
但竟然斷左一條啊~~嗚~~嗚~~~>.<~~~太過份啦~~真係過份啊~~
之後LUNCH估唔到間外賣真係送番杯熱華田黎~~仲要係個杯蓋都寫住"給河小姐~"~~
HAHAHA~~我就梗係唔飲依杯啦~~都唔知會唔會加料既~~偉哥~~唯有比你飲啦~~
邊個叫你琴日羅左我杯熱華田啊~~HAHAHA~~不過我諗唔會有樹既~~HAHAHA~~
之後係二堂既TESTING堂啊~~超悶啊~~不過已經比TEST1好好多家啦~~^^"~~
原來今日要測纖維啊~~我連顯微鏡都唔識用喎~~點考啊~~
不過真係比我見到友情既表現啊~~大家都趁阿SIR行開既時候幫我較顯微鏡~~
真係多謝晒你地啊~~好感動啊~~~~嗚~~~~嗚~~~~~~~~~~~~
但其實見到有咩用啊~~都係唔知係咩纖維~~-____________-"~~~
今日一有時間大家都係度研究條眉~~尤其係阿MILK親手整禍左自己既雙眼皮~~
霖霖都幫我整左少少~~但真係好痛啊~~頂唔順啊~~HAHAHAHA~~~

終於放學啦~~今日神小童黎接我啊~~但由於我地行得太慢既關係~~
所以佢認唔住出左閘黎搵我~~多謝你份情人節禮物啊~~你早D講啊麻~~咁咪唔會咁羅...
之後我地就撘車番去學日文啦~~但我地首先撘左去寶琳~~~因為要食TEA啊~~
食完先番過坑口~~今日唔知阿嬋會唔會番呢????我同太郎仔同神小童都好其待~~
因為課室又係淨番單丁位啊~~阿伯終於番左黎啦~~但唔見阿嬋~~唔通佢地散左~~@.@~~
冇幾耐阿嬋都番左黎啦~~佢見到冇晒位~~我地都諗緊佢會坐邊個位~~
點知佢坐左係神小童既隔離~~你真係唔好彩啦~~^^"~~神小童.....
成堂神小童都可以用一句黎形容~~就係面容扭曲啦~~HAHAHA~~
真係估唔到天下間最不幸既樹發生係你身上~~唔好彩啊~~唔好彩~~
仲要咁岩今晚要同隔離位練習對話TIM啊~~HAHAHA~~阿伯同隔離位姐仔就練得開心啦~~
佢都唔記得左阿嬋啦~~HAHAHAHA~~本來想映外賣仔既相~~點知比佢發現左~~
落堂既時候我地都第一時間離開現場啦~~神小童就話阿嬋隻香水好臭~~真係辛苦晒啦~~

之後大家照舊去左食街食野同傾計~~真係發覺我地三個係有講唔盡既野~~
尤其係關於阿嬋既野TIM啊~~HAHAHA~~~講完之後大家行多陣吉之島就走啦~~
去到地鐵站太郎仔想抽珍寶珠食~~點知入左錢但冇糖出~~唯利是圖既糖機啊~~
壞機就唔好放係度啦~~兩蚊兩蚊咁呃~~真係過份啦~~>.<~~

P.S.原來太郎仔已經入左歌啦~~有FIRST LOVE~~京京我最鐘意個首~(唔記得左歌名)~~
星閃閃~(都係我好鐘意既歌)~~CAGE~~等等~~而我打去既話就係ITSUKANO MERRY XMAS啊~~
HAHAHA~~我要打多D電話比佢先得~~而且仲可以有圖出TIM啊~~HAHAHA~~~~好野~~

>>February 13, 2004 at 2:30:30 PM GMT+8

2004 年 2 月 9 日 星期一 【乍雨乍晴】

今日又冇遲到啦~~好野~~我諗短期內都唔會打破第四十次既~~^^"~~
第一堂畫花好悶啊~~咁多野點記啊~~所以大家成堂都係講番琴日唱K既野~~
第二堂就梗係名正言順既傾計堂啦~~雖然阿SIR都有話下既~~
但我諗佢都冇乜所謂家啦~~話晒理論堂真係好悶啊麻~~
之後食LUNCH先慘啊~~竟然少左我杯熱華田~~>.<~~早知偉哥都係熱華田就搶左先啦~~
嗚~~唔制啊~~好彩RAY哥哥之前話要請我飲野~~所以我先有番杯熱華田咋~~
唉~~依D真係命運既安排~~唔係少左杯野~~RAY哥哥又邊有機會請番我飲野啊~~
(其實我都唔記得左RAY哥哥話要請我飲野家~~好彩啊)HAHAHA~~既然係咁就要乾左佢啦~~
HAHAHAHA~~今次食飯仲比我學識到一樣野~~有咁耐風流就有咁耐折墮啊~~偉哥同霖霖~~
第三堂大家無拉拉又要聽個講座~~大家照常係度傾計~~霖霖仲幫MISS整正立方體TIM~~
大家係度談論緊不如一齊BOOK場去打羽毛球~~都好喎~~好耐冇打過羽毛球啦~~
而且我好耐都冇運動過啦~~^^"~~要加油啊~~不過最好都係天氣回暖先啦~~
大家講到興高采烈既時候~~個MISS話我地咪算啦~~又叫乜鬼我地出去表演者~~>.<~~你冇野啊~~
講座完左之後仲要人地留係度聽佢講廢話~就係咁~我~霖霖~曉盈~RAY哥同偉哥就比佢留低左~~
你要話咪直接話羅~~講咁耐都講唔到個重點~~真係過份~~都唔知佢點樣做社工家~~
不過算啦~~成日都比人話家啦~~都慣晒家啦~~HAHAHAHAHA~~~
之後就係MISS LEE堂啦~~好似好耐都冇上佢堂啦~~我有番個時佢又借堂比朱翁~~
冇番個時又教新野喎~~玩咩~~搞到我今日好趕啊~~要一次過趕番之前既布~~
今日一次過織左四塊啊~~隻手超痺啊~~但都係唔夠啊~~唉~~算啦~~

之後放學大家去左行街街~~曉盈ZOE去銅鑼灣~~RAY哥哥番屋企~~
所以得我~~MILK~~霖霖~~偉哥~~旭弟弟同新賀同學去葵芳廣場度行~~
MILK要電野~~電左對眼就會放出閃耀既電波家啦~~HAHAHAHA~~
咁我地就分開行~~我同旭弟弟&新賀同學去睇玩具~~點知比我地發現有玩具開倉啊~~
上次同太郎仔係玩具街買既狐忍都只係賣二蚊盒~~@.@~~有冇搞錯啊~~
仲比我發現有老叮KFC既聲控燈~~要四十五蚊~~但我依排實在用得太多錢啦~~>.<~~
之後會合番佢地再行多陣就走啦~~

P.S.今日好早就番屋企~~所以佢地都覺得奇怪~~
我諗今個星期都會好少機會見到神小童家啦~~因為佢要番工啊~~HAHAHA~~

>>February 13, 2004 at 2:03:00 PM GMT+8

2004 年 2 月 8 日 星期日 【乍雨乍晴】

琴晚睇左"向井荒太的動物日記"~~睇左第一至三集~~但已經超好睇啦~~
真係好正啊~~不過就忍唔住要拭掉眼淚啦~~如果有人幫我擦咁就好啦~~^^~~
首歌又好聽喎~~真係超正啊~~冇買錯你家~~

今日約左大家去唱K啊~~由於星期一的週末既關係~~已經連續三星期既星期一都去左唱K啦~~
不過冇所謂啦~~以前同芬姐咪仲勁~~一星期幾乎日日都去咁濟TIM啊~~HAHAHA~~
今次唱K既組合有我啦~~MILK~~霖霖~~曉盈~~旭弟弟同偉哥啊~~MILK仲剪左頭髮啊~~
有點兒似阿紫啊~~好可愛啊~~但唔笑個樣都係有少少惡羅~~-___________-~~~
一朝早~~就不停地聽到"直到相逢之日"~~因為阿MILK係咁用屋企電話打黎叫我起身啊~~
搞到我都唔知去唔去聽電話好~~電話係廳度~~而自己就係個厚厚既被入面喎~~
最後就梗係有起到身啦~~話晒去唱K喎~~不過有樣更緊要既就係打電話比JENNY啊~~
佢仲未出糧啊~~就快冇得食啦~~唔制啊~~唔制啊~~>.<~~
本來佢叫我羅去公司比佢家~~但梗係唔濟啦~~好彩依個世界有樣偉大既發明者~~FAX機~~

之後終於都可以出門啦~~但其實已經遲緊到家啦~~霖霖都有打比我話佢遲緊到~~
但佢到左等個度~~發覺一個人都未到~~佢仲話估唔到佢遲到都係最早到個個~~
我去到既時候~~大家都未叫野食啊~~以為佢地諗住等埋我啦~~本來都有點兒感動家~~
但後來佢地話係要等我依個店小二黎到先點喎~~HAHAHA~~睇黎佢地都係顧住唱唔記得點者~~
D野食黎到啦~~塊吉列龍琍柳好正啊~~^^~~曉盈霖霖同偉哥仲話早知叫我個個~~呵呵呵~~
估唔到依家NEWAY咁好家~~可能之前太衰~~而家良心發現啦~~
K LUNCH有餐食~~有兩杯野飲(以前得一杯)~~仲有湯沙律同糖水任羅TIM~~
所以我地係咁羅沙律同糖水~~D木瓜雪耳糖水超正啊~~我地羅左三碗啊~~^o^~~

我發覺我有好多歌都唔識唱啊~~就算識都係識副歌咋~~
今日我仲左擁右抱TIM啊~~左有霖霖~~右有曉盈~~大家都係度扮喜劇之王~~
而偉哥就係家有喜事入面個個吳君如~~淨陪唱~~阿MILK就扮得最似~~
好少呵咁大班人一齊唱K~~好熱鬧~~尤其係今日咁既組合~~^^"~~HAHAHA~~
大家係度唱緊既時候~~我咪睇下有咩日文歌羅~~原來NEWAY都有幾多平井堅家喎~~
但係就冇我想要個D啦~~又話有戀之歌謠日~~都扼人既~~>.<~~
霖霖點左好多佢老公仔周先生既歌~~我地都有點陶喆啊~~不過可能多人得濟~~
傾計都已經大聲過支咪啦~~HAHAHA~~我仲唱左好多首合唱歌TIM啊~~
估唔到我鐘意唱個D冷門歌~~大家都喜歡家~~好野~~好野~~
今日仲唱番好耐冇唱過既"其實我介意"~~以前就同KAR嘟唱~~依家人都唔見埋啦~~
之後見到有娃鬼回魂~~就梗係有點啦~~D人話個MV好恐怖~~咪諗住睇下羅~~
點知都唔係動畫個個MV黎既~~仲要佢地都唔唱~~所以娃鬼回魂就成為左我今日既SOLO歌啦~~
原來自己都唱到幾高音家~~平時同人地一齊唱都唔發覺~~偉哥仲話我唱歌同講野把聲係唔同家~
HAHAHA~~唔止唔同啊~~我仲會一次過唱埋男聲同女聲家~~經典作就係精神分裂版同步過冬~~
今日都有唱到"暗花"~~大家仲問我有冇樹~~佢地話驚KIMMY個夢~~HAHAHAHA~~~
KIMMY個夢一定唔會實現啦~~我又點會自殺~~仲要係為情自殺TIM~~睇我都唔會啦~~^^~~
唱到咁上下曉盈就要番工啦~~我地最後一首歌就係"苦口良藥"啦~~正啊~~

唱完K就梗係要行下街啦~~第一站去左兆萬睇玩具~~大穫啦~~大穫啦~~
老叮情景出左第二彈啊~~係出第五期啊~~嗚~~嗚~~我連第一彈都買唔到啊~~
唔制啊~~唔制啊~~旭弟弟就好想搵狐忍既PART 1~~佢都係因為猶豫買唔買~~
所以搞到依家冇得買啦~~我地幾乎間間玩具鋪都有入去啊~~之後佢地話地庫仲有~~
咁我地咪去埋羅~~之後發生既樹~~簡直冇野講啊~~竟然比我見到有好多史高治叔叔既野~~
原來史高治叔叔未絕跡家~~梗係啦~~佢要等我同佢相逢啊麻~~不過如果D野靚既話我想買番件~
話晒佢係我童年既偶像之一~~D野又少喎~~當然就梗係唔少得有門牙仔同無牙仔啦~~
又見到有得抽啦~~本來都唔想抽家啦~~二隻一齊買要十五蚊~~但比我見到隻蛋係白色~~好少見~
所以都係抽一隻啦~~係霖霖幫我抽家~~一抽出黎個時勁緊張~~佢又唔比我睇喎~~
HAHAHAHA~~係無牙仔啊~~後來我就同個老細講價可唔可以五蚊買埋門牙仔~~
本來唔肯家~~可能因為我係咁叫旭弟弟買二百五個套ONE PIECE~~所以最後佢肯啦~~
多謝旭弟弟同埋霖霖~~^^~~行完兆萬~~阿MILK又走啦~~我地就上左去童年夢~~
終於都搵到霖霖套HEART啦~~命運既安排~~有佢要既二三七啊~~第十期就我幫佢買左~~
但係佢都係冇買住~~今次唔買~~小心後悔啊你~~

最後一站就梗係去信和老家啦~~霖霖同偉哥去左睇鞋~~我同旭弟弟就去玩具鋪度搵狐忍~~
點知終於都搵到啦~~仲要一百蚊咋~~@.@~~抵啊~~出面已經抄到五百家啦~~
之後旭弟弟就訂左啦~~佢今日真係大出血啊~~不過唔緊要啦~~千金難買心頭好啊~~
好似老叮第一彈就係最好既證明黎啦~~嗚~~嗚~~老叮啊老叮~~~~
後來我地去埋宇宙船~~點知上次個女仔見到我仲係咁望住我~~而且今次仲貼左個牌~~
細字見唔到~~淨係見到"請勿大力擠壓"~~太過份啦~~罷到明話我同太郎仔啦~~>.<~~
見到我已經即走啦~~費事比人話~~都唔知係咪做生意家~~今時今日咁既服務態度係唔得家~~
行完信和我地就啦~~幫曉盈買埋野就番屋企~~不過今日都幾好玩~~唔知下次我地有咩活動呢^^~

P.S.番到屋企米華姐就打電話黎話佢上次去信和可能跌左我地既貼紙相~~唔緊要米華姐~~
我仲有多一張~~ 我諗D人唔會咁無聊既~~唔駛咁擔心喎~~呵呵呵~~^o^~~~

>>February 10, 2004 at 12:53:57 PM GMT+8

2004 年 2 月 7 日 星期六 【乍雨乍晴】

依排都唔知做乜啊~~一日凍過一日既~~真係唔惦啦~~好凍啊~~
勁唔想出去~~但又要番工~~真係慘啦~~撘撘下車既時候~~
突然諗住CHECK下仲有幾多分鐘~~點知原來得番一百分鐘都唔夠啊~~>.<~~依次大穫啦~~
仲有三日啊~~所以今日即使幾悶都唔可以打電話比人~~除左打比米華姐同霖霖啦~~

今日唔知係咪太凍既關係呢~~簡直可以用一句水靜河飛啊~~人都冇隻~~
想有生意都幾難啦~~今日阿JOI都冇番啊~~唔知佢係咪比人叫左去尖咀呢~~
唔制啊~~少左個人同我傾計啊~~會好悶家~~本來我都好想去尖咀家~~
但經過琴日之後~~都係算啦~~唔駛啦~~唉~~~~~~-________-~~~~~
去到成點鐘啦~~都係冇乜人~~連LEO都冇番啊~~唔係掛~~咁我今日點過啊~~>.<~~
又要冇人行喎~~不過好彩~~原來上天仲未遺棄我家~~LEO突然出現~~
原來佢訓過鐘咋~~遲到好過冇到啊~~^^~~但佢黎到都係冇用~~
佢又係早餐同下午茶一齊食~~今日仲過份啊~~連早餐都一齊食啊~~
所以打後二個鐘係唔會見到佢家啦~~

佢去食野既時候~~我咪幫佢睇埋鋪羅~~點知幫佢SALE到一盒~~
但係自己一盒都SALE唔到~~>.<~~太過份啦~~到左三點幾都係食白果啊~~
後來有個太太好似幾想買咁~~但佢話LEO個隻太貴~~LEO竟然叫佢考慮下我個隻~@.@~~
仲話如果個太太幫我買既話~~LEO就送佢公司既贈品比佢~~(因為我公司要買晒三盒先有野送)~~
好感動啊~~雖然係奇怪左D~~買我野但送LEO公司既贈品~~但天下間既女人都係貪心家~~
個太太梗係肯啦~~買左之後仲特登番黎LEO度羅贈品~~HAHAHAHA~~
後來問佢咁樣有冇問題~~原來LEO諗住做埋依個禮拜就唔做~~唔怪得亂咁黎啦~~
HAHAHAHA~~臨走前黎個大報復啊~~不過我就覺得唔係咁好啦~~梗係等出左糧先大報復啦~~

今日其實都幾悶家~~神小童又冇黎喎~~佢因為凍得濟唔想出街~~
其實我都唔想家~~但要番工冇計啦~~六點幾~~LEO要同佢女友去唱K~~
本來問我去唔去聽佢唱張學友~~梗係唔去啦~~咁大個電燈泡~~咁光殘殘~~
之後個二個鐘我都係好孤獨地咁過~~幾乎又有細路想開拖~~有戲睇啦~~
到左七點半都係頂唔順啦~~所以今日早走啦~~只係得四盒~~加埋都唔夠二百~~>.<~~慘啊~~

番到屋企打番比今日搵過我既人~~原來神小童又搵到工啦~~雖然唔知請唔請~~
但如果請既話就發啦佢~~希望請佢啦~~^^~~仲有KIU姐姐同旭弟弟啊~~
係人地冇分鐘既時候先咁多人打黎~~唯有慢慢覆啦~~HAHAHAHA~~

P.S.今日竟然撞到翠欣~~佢剪左頭髮啊~~幾好睇啊~~
CA姐姐中午仲打過黎問可唔可以借LAST LIVE~~關我咩樹~~應該問大佬~~
話晒係佢比錢既~~如果係柚柚既先關我樹家麻~~HAHAHAHA~~
不過其實今日有點兒失落~~唉~~~突然一次過黎晒~~有點兒想唔番依份工啊~~

>>February 8, 2004 at 2:23:28 PM GMT+8

2004 年 2 月 6 日 星期五 【乍雨乍晴】

今日又要番工啦~~但真係好凍啊~~所以都係十點幾先起身啦~~HAHAHA~~
估唔到今日十二點正就去到銅鑼灣~~今日賣蠟筆個個冇番啊~~
唔知佢係咪又去左尖咀呢~~^^~~好彩LEO有番咋~~唔係就實悶死我啦~~

唔通真係有奇蹟~~十二點三十六分~~番左工半個鐘度~~就已經賣左三盒啦~~
都係因為有一個超豪既太太者~~多謝晒啦~~^^~~
雖然後來比個SUPERVISOR話~~但唔緊要啦~~我又唔係斗斗城既員工~~冇所謂啦~~
可能太早就賣左三盒~~所以之後就冇乜心機啦~~咪不斷係度同LEO閒聊羅~~
唉~~原來LEO遲D會唔做啊~~估唔到佢年紀輕輕已經同佢女友夾份開鋪~~
係賣DIY手飾TIM家~~仲話開張叫我去幫襯有折TIM~~但係....間鋪係上環喎~~有點兒遠喎.....
咁我遲D都唔知點算啦~~LEO唔做~~JOI又唔係成日係度~~實悶死啦~~>.<~~~

唯有不斷打電話同人閒聊啦~~冇幾耐KIU姐姐走左黎搵我啊~~
佢本來要去睇阿賤家~~但因為某D原因所以睇唔到~~唔緊要啦~~要睇實睇到既.....遲D.....
話晒你都有鏢鏢啦~~可能係鏢鏢唔比你去睇呢~~^^~~
後來連米華姐都黎左探我班啊~~佢係旺角上演完孤獨逛街記後就過黎啦~~
因為佢今晚要同佢媽媽係銅鑼灣吃飯啊~~果然係葵扇2啊~~~
佢仲比左D克勤哥哥既相我睇~~好似張張都差唔多咁既~~HAHAHAHA~~
真係齊人啦~~如果有埋太郎仔~~我地妖怪家族又一次齊人地相逢啦~~
跟住我仲偷懶同米華姐KIU姐去樓下玩具鋪度逛TIM~~我都抽左ONE PIECE啊~~
竟然抽到山治啊~~唔同我同山治有緣???~~雖然我係想要索柏仔既~~不過唔緊要啦~~
一至四號我都想要家~~之後米華姐同KIU姐就走啦~~

番到上去~~LEO同我講佢話幫我SALE左一盒~~唔該晒你啦~~
不過佢就好DOWN啦~~因為佢爭一盒就可以有佣家啦~~佢話想死TIM啊~~
HAHAHA~~咁我而家賜你白綾一條~~匕首一把~~毒酒一杯~~你揀啦~~點知佢話要毒酒~~
HAHAHA~~估唔到佢真係會揀~~我地仲係度玩螳螂拳TIM啊~~
之後佢就係咁唱歌比我聽~~係張學友既歌啊~~佢好鐘意張學友家~~
佢都扮得好似家~~仲要勁多表情~~好似係度拍緊MV咁~~不過唔係加拿大國家公園個D~~
見到佢都幾想笑家~~雖然佢係度扮正經唱慘歌~~佢仲話要六點四就走TIM~~
點知係六點三佢點緊貨個時~~有個客黎問野~~之後就出左部機啦~~開心到佢啊~~
表情即刻變晒~~變得咁快~~唔報藝員訓練班真係浪費啊~~佢仲話佢發左好多個好夢~~
真係太好啦~~因為我都有一D超正既好夢~~只不過唔好意思話比人知者~~^^~~

佢放工之後我仲有排企啊~~點知突然見到個好熟既人影啊~~係伊崎小童啊~~
好野~~好野~~有人黎接我放工啊~~本來諗住七點半走人家~~
點知最後個小朋友搞到撘七先肯走~~咁唯有寫八點啦~~HAHAHA~~
之後我地就去左食車仔面啦~~好耐都冇寫啦~~上次黎到又唔開門喎~~都係咁好食~~
跟住都係上左一八八~~竟然比我發現度霖霖想買個本書~~新書二十蚊~~梗係買左先啦~~
後來仲幫大佬買左"圈套2"TIM啊~~唉~~仲諗住唔駛錢既TIM~~
再行左屈臣氏~~HAHAHA~~我地發現左正野啊~~^^~~好野~~要儲錢啊~~
之後又係要番屋企啦~~都唔知點解咁凍~~幾時先暖家~~>.<~~

P.S.今日發生左好多樹啊~~尤其係有二個細路竟然係我檔口開拖~~依家D細路真係啊~~
另外仲有一件樹~~真係估唔到~~唉~~果然係"幸福要靠自己爭取"~~嗚~~嗚~~~~

>>February 8, 2004 at 2:45:00 PM GMT+8