2004 年 2 月 5 日 星期四 【乍雨乍晴】

今日係今個星期最後一日啊~~亦都係我到底會唔會第四十次遲到既決定性一日~~
一早就聽到手電響啦~~係RAY哥哥特登打黎叫我起身啊~~真係多謝你啦~~
仲要講多句辛苦晒啦~~聽你把聲你仲眼訓過我啊~~唔好意思~~^^"~~

今日好快就出門口啦~~連早餐都冇食啊~~
番到去就見到RAY哥哥係度排隊探熱~~依家日日都要探熱~~好麻煩啊~~>.<~~
我仲探乜野啊~~梗係第一時間走去打咭啦~~好野~~八點三十分啊~~冇遲到啦.....終於~~
之後搞依樣搞個樣~~發現唔見左張探熱紙~~唔理啦~~都係入課室點左名先再搵~~
我係度周圍搵佢地係邊度上堂~~都唔見佢地~~後來RAY哥哥先話我知~~
原來係得我~~RAY哥哥~~肥哥哥~~三個番左黎咋~~-___________-~~
有冇搞錯啊~~難得我冇遲到~~竟然冇人番黎~~好彩~~後來莉莉都番左黎~~
所以第一堂就得我地四個啦~~~HAHAHAHA~~~又一新記錄啦~~~
仲要係劉SIR堂~~仲諗住佢會串我地TIM啊~~點知成堂就係度得佢唔知係度講咩~~
之後我咪遂個打電話去睇下佢地番唔番羅~~HAHAHA~~幾乎個個都係岩岩先起身啊~~
後來阿MILK同霖霖都番左黎~~我同MILK仲陪霖霖落去護士度探熱TIM~~
其實個護士都幾得閑家~~咁咪同佢閒聊左陣羅~~佢仲問我地參唔參加營養講座TIM啊~~

到左第二堂差唔多個個都番晒黎啦~~除左偉哥同ZOE之外~~
IE堂要默書啊~~都唔知幾耐冇默過書啦~~搞到我係度係咁搵TIM啊~~
HAHAHA~~好彩都有七十分~~都叫合格啦~~好少呵家啦~~HAHAHA~~
默完書之後~~阿SIR都唔教書~~又係大家一齊閒聊既時間啦~~
我終於都知點解我地組既關係會比其他組好啦~~因為我地有好多時間比大家一齊閒聊羅~~
HAHAHAHA~~咁樣係好家~~至少冇咁悶啊~~時間又過得快D喎~~呵呵呵~~^o^~~
之後個堂簡直就係大家既死穴啊~~竟然要度身畫紙樣啊~~@.@~~~
我同曉盈一組~~仲幫佢度褲長等佢可以羅條褲去改短tim啊~~hahahaha~~
阿SIR話要搵人比佢試範~~大家都好齊咁話叫RAY哥哥~~睇黎大家都慣左啦~~
最後個堂係畫花啊~~我整左件百家布既衫~~阿SIR仲要我地設計TIM~~
我諗我都係會整番件UNCLE HIDE家啦~~要勁畫心心啊~~HAHAHAHAHA~~

放學既時候~~竟然比我發現太郎仔同伊崎小童黎接我~~HAHAHA~~
其實之前佢地一早已經密謀要黎接我放學家啦~~尤其係太郎仔買左部可以映相既電話~~
HAHAHA~~我明既~~話晒醉翁之意不在酒啊麻~~睇黎大家都好似認得伊崎小童啦~~
佢一得閑都會黎接我放學家麻~~果然係一個盡責既幼稚園老師啊~~~小先生~~~
我地同新賀同學同埋旭弟弟行左陣葵芳廣場~~期間佢地不斷係度互映~~
HAHAHA~~令我諗起大丈夫入面個幕啊~~不過真係好恭平啊佢~~HAHAHAHA~~
後來新賀同學同旭弟弟就拍住拖咁走啦~~我地就繼續巡視各大玩具鋪同漫畫鋪~~

差唔多時候~~我地就過去上環啦~~去到咁遠~~就梗係有緊要野做啦~~
以我D咁懶既人~~能夠要我郁既都係得冇幾個既者~~咪就係老叮羅~~
今日要去上環接老叮火車番屋企啊~~接到啦~~超靚啊~~最緊要係抵啊~~好野~~好開心TIM啊~~
接完之後大家就去旺角巡視業務啦~~去到信和老家~~係宇宙船見到有D公仔扣好得意~~
但要抽~~咁我同太郎仔咪係度遂個摸下~~估下入面係邊隻羅~~
點知睇鋪個女仔就話我地~~雖然係得八蚊者~~但唔摸過又點估入面個隻係咩喎~~>.<~~
個女仔D態度又差喎~~我地又冇開度~~只不過係摸下都唔得~~後來仲比我地聽到佢地係度講~~
佢地原來一早收埋左幾個~~太過份啦~~收埋個D梗係包埋我想要個隻啦~~嗚~~
由於佢地態度太差啦~~所以我地買左一個就走啦~~激死人啦~~~~
伊崎小童去番佢既老家~~又忍唔住地羅碟啦~~好彩係扣數者~~
後來我地仲上左十二樓同八樓TIM~~我同太郎仔就冇收穫啦~~小童就梗係大把啦~~
去到三樓佢又大量入貨啦~~咁又係既~~算你啦~~仲以為你已經忘記左東宮娘娘啦~~
之後係一間雜誌鋪聽到有個女仔係度講"小彩好似白雪公主"聽到我地三個呆左~~
連收銀個個都見到我地呆左~~唔係啊~~白雪公主到美人都未到佢啦~~~

跟住伊崎小童話要買衫~~我地就陪佢去新之城啦~~但第一個買野竟然係太郎仔~~
梗係啦~~佢見到新既ONE PIECE盒仔~~仲要係路飛喎~~不過要成二十蚊啊~~
好彩後來神小童都買到衫~~係棒球褸黎家~~都幾好睇家~~
行多一陣~~大家就要番屋企啦~~~~~~因為已經太夜啦~~今晚又係下線~~不過唔係星期四~~^^~~

P.S.老叮火車真係好得意啊~~一路行上面D公仔會一齊轉家~~搞到我同肥姐姐係度玩左好耐~~
不過今個星期用左好多錢啊~~睇黎要慳番D啦~~唔係就大穫家啦~~^^"~~

>>February 7, 2004 at 6:50:02 PM GMT+8

2004 年 2 月 4 日 星期三 【乍雨乍晴】

今日係元宵佳節啊~~但都唔關我樹啦~~HAHAHA~~~
一早番到去又係馬姐堂啦~~佢少不免都會串下我既~~之後仲冇啦啦同我閒聊起上黎TIM啊~~
大家對我同馬姐既對話內容都好感興趣~~LUNCH TIME既時候~~RAY哥哥仲黎問我地講緊咩~~
其實我都唔係好記得佢講咩~~唔係阿MILK提番都唔知TIM啊~~
係臨上課室既時候~~突然有人叫住我~~原來係NATHLE啊~~好耐冇見啦~~
自從梁記畢業之後就冇見過啦~~原來佢逢星期四都會黎我學校實習~~
咁即係以後星期四都可以見到佢啦~~^^~~點知佢隔離仲有個好熟口面既男仔~~
原來係劉恆星~~@.@~~唔係掛~~依個咸濕仔點解會係度家~~
佢竟然同NATHLE同班~~真係估唔到~~一個係我中學同學~~一個係我夜校同學~~
佢兩個咁都可以識到~~仲要一齊係我學校撞番我~~依D真係命運既安排啦~~

下午上何SIR堂既時候~~發覺遲到已經第三十九次啦~~我仲一時口快同佢講唔會有第四十次~~
依次大穫啦~~早知就話唔會有第五十次啦~~依次都唔知點算啦~~>.<~~~嗚~~~
之後就係畫花堂啦~~時間真係過得快家啦~~HAHAHAHA~~~
上埋依堂就放學啦~~本來大家話要一齊去銅鑼灣家~~我都想去家~~
但我媽媽竟然話要番屋企做節~~真係奇怪啦~~點解要做節既~~中國情人節者~~@.@~~
咁我就同阿MILK兩個撘車走啦~~其他人就向住銅鑼灣出發啦~~
我地撘到去油麻地~~竟然見到第七組既某女仔~~其實我唔記得左佢叫咩名~~^^"~~
大家都係度講緊自己個組有D咩樹~~佢個班就梗係有阿大肚婆同阿心心人要講啦~~
之後佢仲話覺得我個組好玩D~~大家都好得埋~~唔會搞小圈子~~咁我都覺既~~
我都好鐘意依一班家~~我覺得大家都好好~~可能少人既關係所以大家都好玩得埋~~
我諗依D都係佢既安排黎既~~如果比我去左第二組都唔知點算啦~~可能會悶死家~~>.<~~

番到屋企之後~~就梗係要食飯啦~~今晚好多野食啊~~肥姐姐都有黎~~但琴姐姐就冇黎啦~~
大家都食左好多野~~媽媽無拉拉話好想去日本~~我夠想去啦~~
爸爸媽媽話不如全家一齊去日本~~其實係一個幾好既提議~~不過我都想自己成班FD去好玩D~~
二佬就話梗係要同自己班FD去啦~~因為佢地要去歌舞妓町喎~~HAHAHAHA~~~都估到家啦~~
為左要去日本~~所以我會努力儲錢家啦~~要加油啊.......我自己........HAHAHAHAHA~~

P.S.今日幫太郎仔打探了TOSHIYA既野~~我有放係心度家~~唔好以為我唔記得啊~~

>>February 14, 2004 at 4:17:04 PM GMT+8

2004 年 2 月 3 日 星期二 【乍雨乍晴】

今日無番學啊~~因為下午要覆診~~反正都有醫生紙羅~~
咁咪索性唔番一日羅~~^^"~~不過好似次次都係星期三唔番咁既~~HAHAHA~~

一早九點度~~太郎仔就打電話黎啦~~原來佢要提我睇老叮啊~~好野~~老叮又有新一輯啦~~
咁就梗係要捧下場啦~~好彩有得重播咋~~睇完之後就上網啦~~之後就等神小童既電話~~
因為今日有樣好梗要既野做啊~~就係去藍田接厚厚同悠仁番屋企啦~~
係上次訂個隻紫羅蘭既大碟啊~~去到藍田就梗係要第一時間去CD鋪啦~~
啊~~見到既時候真係忍唔住就笑左出黎~~因為只係賣五十八蚊咋~~HAHAHAHA~~
你地都知我窮呢~~所以比我搵到間咁平既~~好開心啊~~
出到CD鋪就梗係第一時間開黎睇啦~~入面真係超靚啊~~簡直係印刷精美啊~~
最正既就係張中文歌詞~~我終於知首"青"講咩啦~~仲印左個二隻熊仔係上面TIM啊~~^^~~
羅完既時候~~大家再入左一陣就走啦~~因為仲有第二站去啊~~就係新都城啦~~
去到新都城一期~~就去左間CD鋪~~原來間野係藍田個間既分店黎家~~早知就去依間訂啦~>.<~
估唔到係依度搵到神小童~啊~~應該係伊崎小童既搵左好耐既DVD~~開心死你啦~~
我唔係話隻DVD~~係你個名啊~~個名我地已經又藍田講到番黎新都城家啦~~
某人塊面就一直紅到依家~~HAHAHAHA~~真係唔知個醜字點寫既者~~^^~~
之後我地仲去左斗斗城行一陣~~個度依然係一個人都冇~~
點知比我地發現左樽仔第二彈比人放左入去~~咁又係我地開黎睇睇既好時候啦~~
但由於冇人既關係~~我地比D店員望到實~~最慘既係D店員認得我啊~~^^"~~
咁唯有走人啦~~去到另一間玩具鋪~~正想睇睇ONE PIECE既盒仔~~又比老細望住啦~~
梗係啦~~間鋪得我同伊崎小童二個~~唔望我地望邊個喎~~時間到~~我就去覆診啦~~

去到醫院~~點知先記起唔記得抽血~~大穫啦~~照去排啦~~等左好耐都未叫我~~
咁我地咪落樓下食個下午茶先羅~~伊崎小童食野太慢既關係~~所以我自己番上去先~~
點知咁岩做老叮喎~~咁咪係度睇羅~~好彩者~~但個醫生真係啊~~早唔叫遲唔叫~~
係人地睇緊老叮既時候黎叫喎~~搞到未睇晒就入左去~~之後個醫生叫我抽番血先大穫啊~~
第一針失敗左~~一滴血都冇~~個姑娘叫左另一個高級D既黎~~我一見到個高級D個名~~
就同佢講話佢個名好熟~~原來係上次幫我抽個個啊~~上次佢一篤入黎D血就把把聲咁流~@.@~
聽D姑娘講佢係專幫D難抽既人抽家~~佢今次篤另一隻手~~點知都係冇血啊~~
佢之後話為左唔好浪費頭先個針~~竟然羅支針係度撩撩下~~插左入去先撩~~痛到我啊~~
係度係咁叫都係一滴血都冇~~之後佢就話搵個靚仔醫生黎幫我抽可能會有血~~
點知個醫生凍到話血管收縮啊~~下次再抽過喎~~咁都得啊~~不過咁都好既~~真係好痛啊~~
出到醫院~~太郎仔已經係門口啦~~CA姐姐仲打黎問我係咪凍得濟唔番學TIM~~

之後上左我屋企一陣~~大家都不忘玩下個電子琴~~另一個大家就唔敢玩家啦~~
太郎仔仲係度彈浪漫飛行~~佢想整做電話鈴聲啊~~我地仲係度搵MIDI TIM~~
點知比我地搵到DAISHI仔既版本TIM啊~~好聽過米米CLUB好多啊~~HAHAHA~~
後來我地就去學日文啦~~好似好耐都冇上過堂咁啦~~令我最掛住既都係外賣仔~阿嬋同阿伯啦~~
今日唔知點解~~好似有好多人咁既~~搞到我地坐唔番平時個位~~
冇幾耐之後就只係剩低D單人位~~我地都好期待阿嬋同阿伯既來臨~~
因為要睇下佢地點樣比人棒打鴛鴦~~點知佢地今日竟然冇番~~真係啊~~
今日大家都常常地WOW WOW WO~~而且仲比我地發現有個女仔都係鐘意DIR EN GREY家~~
太郎仔就非常高興啦~~不過個女仔對政政既愛都唔係長存既~~初班都見佢唔係番左好多~~
今堂仲要坐左半個鐘就啦~~都幾浪費金錢家喎~~今日教既野實在太好啦~~係"今日"啊麻~~
放學之後仲同外賣仔閒聊左一陣~~仲扮左"女子一二勺湯"比佢睇TIM~~^^~~HAHAHAHA~~

之後我地照舊去食街食野同閒聊~~仲比我地見到有第二彈樽仔啊~~
我地都係忍唔住去開黎睇~~個SALES都已經扮睇唔到我地啦~~
終於都比我開到太郎仔好想要既小木偶啦~~HAHAHA~~梗係啦~~
小木偶同太郎仔同政政都係講大話既朋友黎家麻~~HAHAHAHA~~

P.S.太郎仔同伊崎小童仲密謀一件事啊.......就係黎接我放學.......HAHAHAHA~~~
醉翁之意不在酒啊麻~~^^~~

>>February 7, 2004 at 5:36:44 PM GMT+8

2004 年 2 月 2 日 星期一 【乍雨乍晴】

太過份啦~~個天又無拉拉凍番啦~~唔制啊~~>.<~~
今日番學都冇乜特別啊~~咪又係咁過~~
不過M堂唔駛上改為比我地傾計~~(其實係講座)都唔錯家~~
太郎仔出左電話~~所以今日一有時間就打比佢~~因為打比佢~~佢電話會有幅好迷人既圖出現家~
至於係咪圖~~呵呵呵~~~大家都知家啦~~都唔駛點講啦~~HAHAHAHA~~~~

放學個時大家都話要去葵芳商場度行下~~因為霖霖想搵番佢本漫畫啊~~
大家幾乎間間漫畫鋪都有入度~~當然唔少得既就係玩具鋪啦~~
DISNEY又出左新野啦~~我同霖霖梗係有走去扭啦~~但後先發覺白痴左~~
不過唔緊要啦~~感覺唔同家麻~~HAHAHAHAHA~~^^"~~
RAY哥哥傾傾下電話~~突然好緊張咁羅住盒龍珠情景比我睇~~咦咦~~手工不錯喎~~
而且一九八我都覺得價錢合理啊~~冇幾耐就見到RAY哥哥羅住張EPS入左去啦.....
之後旭弟弟都係同一情況~~比靚靚魯賓招左入鋪比錢~~HAHAHAHA~~
大家都好衝動咁羅住張EPS入鋪~~可能大家都就快出糧啦~~
行到咁上下~~旭弟弟比一班有男有女既人圍住~~原來係識得既~~
咁我地就放棄左佢~~繼續行其他鋪頭啦~~ZOE係度揀生日熊既時候~~
旭弟弟又出現番啦~~之後我地再行埋新都會就走啦~~
今日係得新賀同學冇收穫咋~~

番到屋企就興啦~~第一時間就見到我大佬~~仲比佢鬧TIM~~低能家~~
由於冇野好做~~又冇得用電腦~~所以今晚係近年最早訓既~~十點半就訓啦~~

P.S.今日CD鋪打左黎話有貨啦~~好野~~好野~~~
我以後都唔要咁早番屋企~~有超級極惡大迴蟲就更加唔駛早番啦~~><~~

>>February 4, 2004 at 4:06:04 AM GMT+8

2004 年 2 月 1 日 星期日 【乍雨乍晴】

今日係星期一啊~~又係月曜日の週末啊~~^^~~
所以梗係要搵D野做下啦~~首要活動就梗係要去唱K啦~~
今次唱Kの應援團就有我~~太郎仔同埋臨時加入既神小童~~依個組合係從來都未試過家~~
因為米華姐同KIU姐姐都唔得閑啊~~我地三個就梗係要去尖咀既K房啦~~~

今日去到老地方等太郎仔既時候都已經遲左家啦~~因為臨出門個陣~~電視做JONNY啊~~
但估唔到太郎仔仲遲過我啊~~@.@~~好少呵啊~~等左差唔多十分鐘~~太郎仔黎啦~~
原來佢出左電話啊~~仲要係有得映相家~~我地撘車個時就不斷咁睇佢映左D咩相~~
哦~~原來係佢最喜愛既政政京京~~小aiko~~小ayako~~小aya~~daishi仔等等啦~~
太多啦~~打唔晒啊~~我地仲係度諗點樣可以入度浪漫飛行落電話度做鈴聲~~
原來都幾難入家~~研究左好耐~~都未研究到就已經到站啦~~
去到尖咀站~~就要等一陣啦~~因為神小童岩岩先放工~~齊人之後我地就向住神秘既K房進發啦~

都唔知小右係咪東宮黎家~~大王竟然連佢姓咩都唔知~~IZAKI啊大王~~要記住啦~~
去到K房~~大家好似變左第二個人咁~~HAHAHAHA~~係正常既~~
但神小童就係度扭計~~喊同周圍ビジ人啦~~好彩都係ビジ太郎仔者~~
因為依度冇佢五宮娘娘既歌啊~~反而柚柚就有十幾首~~好彩者~~^^~~
神小童唯有不斷點佢既飲歌啦~~包括佢既主題曲"神童"同"向左典向右典"~~
"若果美好如右小典~~誰想去親近toshi鬼~~"仲有要聽下自己既心~~"你要向右還是向左典~~"

之後就梗係要同我相逢既柚柚出場啦~~又係戀之歌謠日啊登場先啊~~
太郎仔真係忙啦~~一路唱仲要一路映相啊~~比佢映到厚厚聽馬個幅tim啊~~^^"~~
接住落黎既係虛空同埋夏色啊~~依二個係有PV家~~即使唔識唱都唔緊要啦~~
一路食一路睇啦~~去到副歌就梗係要唱下啦~~HAHAHA~~~
再黎就係經典到不得了既飛不起的鳥啦~~冇PV家~~係日版加拿大國家公園啊~~
PV入面係講個男仔係街度唱歌~~比人發掘去做歌星家~~反而係個女仔唔係好得啊~~
點黎點去都無直到相逢之日啊~~唔制啊~~>.<~~所以我要去羅個本先得啊~~
HAHAHA~~估唔到二本都有柚柚佢地幅相啊~~好野~~梗係要叫太郎仔映抵佢啦~~
終於都唱到直到相逢之日啦~~今次醒啦~~要抄抵佢~~下次搵唔到都唔緊要啦~~

太郎仔就梗係會唱佢D歌啦~~我地仲唱左鬼太郎同銀河鐵路999TIM啊~~
小AIKO既初戀個PV都幾似CA姐姐家~~^^"~~HAHAHAHAHA~~~
今次我地仲向難度挑戰~~唱RUSTY NAIL~~太過份啦~~高音到根本唱唔到~~
淨係唱到幾句LET ME FREE~~SAY ANYTHING個PV真係笑到噴飯~~
雖然冇偉大而長青既天才大人係度碌地沙~~但係就有二個人係度扮日本版上海灘~~
個女仔仲要串到攞張銀紙去幫人抹血~~真係串到啊~~有錢都唔係咁用家麻~~
不過今日都唱左好多歌家啦~~好開心啊~~我覺得遲D一定有娘娘既歌既~~

之後大家話要去玩具斗斗城~~嗚~~又係斗斗城啊~~好似成日去咁既~~
大家去之前就陪左太郎去SUPER LOVER度睇下LOVER ROCK仲有冇~~
但星星個粒冇晒啦~~唔緊要啦~~可能遲D會有條更好既呢~~
後來大家就講起依個六本木野獸會~~HAHAHA~~大家千祈唔好誤會啊~~
只不過係研究獅子老虎大笨象既會黎之麻~~仲係小右娘娘入個個會TIM~~
本來如果淨係小右入都仲有個細路啊~~點知二兄弟一齊入咁就真係....大又冇細又冇啦~~
不過如果佢兩兄弟做牙醫既話~~咁我諗生意一定會激增啊~~不過佢地個大佬做既話就難講D啦~
唔怪得神小童成日話要去做牙醫助護啦~~原來係咁既~~~

去到斗斗城之後~~其實都冇乜好行~~仲諗住用個電子琴彈下浪漫飛行TIM~~都係唔得~~
之後買左老叮最後個隻啦~~^^~~本來諗住退牌又退唔到~~唔制啊~~
仲行左陣DISNEY LAND同無印啊~~估唔到我會係無印買筆啊~~係紫色同綠色啊~~^^~~
至於神小童話佢伊崎鐘意食糖喎~~好啊~~伊崎好啊~~HAHAHAHAHA~~~
後來神小童走先~~我同太郎仔就去左旺角巡視業務啦~~好耐都冇同太郎仔去啦~~
佢買左張大賤民既相~~但個SALES既態度就超勁差啦~~><~~過份啊~~
行完之後~~我地就去九龍灣搵米華姐~~因為上次打邊爐個時~~
KIU姐姐留低左隻錶~~米華姐想搵我地羅番比佢~~我地仲同米華姐閒聊左一陣~~
其實都唔止一陣家啦~~梗係有"女子十二勺湯"啦~~HAHAHAHAHAHA~~
之後大家就要各自番屋企啦~~嗚~~嗚~~~明天又要番學啦~~好唔想啊~~~

P.S.唔知幾時又會再相逢呢~~依排好似日日都有出街啊~~係時候儲下錢啦~~~^^"~~~~

>>February 4, 2004 at 3:49:55 AM GMT+8

2004 年 1 月 31 日 星期六 【乍雨乍晴】

今日一朝早JENNY先打電話黎啊~~話係銅鑼灣番~~搞錯啊~~咁遲先講~~>.<~~
去到銅鑼灣~~仲諗住今日實悶死家啦~~因為LEO話佢做到一月尾~~
阿哉生就話佢本身係尖咀既~~點知一簽到個時就發現阿哉生係我隔離簽到~~
行到冇幾遠就見到LEO係度同D姐姐仔閒聊緊啦~~咦咦~~~好野~~~冇咁悶啦~~

咁耐冇見~~梗係閒聊下先開工啦~~
原來琴日阿哉生去左尖咀度做啊~~O~~如果琴日陪阿KIU睇完SKY~~
仲有時間剩既話就一定會過去~~但可惜琴日約米華姐都遲左啦~~-_________-"
佢仲話係尖咀做個個女仔既外形同我有D似~~佢離遠見到仲以為係我黎家~~
不過佢話如果係我既話~~我一定會走過去搵佢閒聊~~個個都講到係我去撩人講野咁~~
依排阿LEO既生意都不錯啊~~好似常常都出到機咁~~你就好啦~~
但佢兩個依舊冇變啊~~都係LUNCH加TEA咁一齊食~~
所以又係中間走左幾個鐘咁羅~~好彩神小童今日黎探我班者~~
仲帶左隻好似樂家杏仁糖既朱古力黎TIM啊~~好好味啊~~^^~~
今日既生意都OK既~~冇乜人都有成四盒~~
但估唔到LEO個部咁貴既都可以出到二部機~~睇黎我要再加油啦~~
今日仲有個鬼仔黎買野TIM啊~~想不到佢會講普通話啊~~
佢仲用普通話黎同我講"謝謝"啊~~~HAHAHAHAHA~~~~

六點幾個時~~已經冇乜生意啦~~所以大家已經係度唔知做緊乜啦~~
我就羅左阿哉D紙係度摺野~~真係好悶啊~~冇乜好做啊~~
到左七點~~LEO例牌早走~~我同阿哉都開始執野走人啦~~
因為要同神小童行街街啊麻~~阿哉今日冇乜賣得出~~
佢話佢今日已經打埋呔~~扮斯文家啦~~可能你扮斯文個LOOK嚇親D小朋友啊~~

我同神小童仲諗住去平時間車仔面度食DINNER啦~~點知冇開門啊~~
人地平時好少呵黎家麻~~今日竟然唔開~~太過份啦~~嗚嗚~~嗚~~
我地去左另一間食潮州粉面~~唉~~以前食都仲有芬姐同JOEY姐姐家~~
都唔知同佢地要何日再相逢啦~~~JOEY姐姐都見到既~~但芬姐彷如不見了啦~~
我地一路食一路講起超級極惡大迴蟲既惡行~~"其實我係一個好可憐既細路女"~~

之後我地就去左行一八八~~神小童係要羅南宮娘娘去換家~~
換完之後就行左一陣漫畫鋪同CD鋪~~個隻十五蚊既柚子已經冇左啦~~唔制啊~~>.<~~
但神小童就係咁買碟~~買左幾套戲~~不過都幾平啊~~有買整蠱專家啊~~好睇~~
後來我地去左一間VCD鋪再行過啦~~點知比我發現左一D好搞笑既野~~
我竟然搵到偉大而長青既天才YOSHIKI大人既大陸引進版CD啊~~
封面係有好大個X字~~但幅相就係ALFEE黎既~~最好笑都係D歌名啊~~
ENDLESS RAIN = 無止盡的雨~~FOREVER LOVE = 永恆的愛~~SAY ANYTHING = 無話不講~~
SILENT JEALOUSY = 沉默的妒忌~~JOKER = 滑稽的人~~RUSTY NAIL = 不銹的指甲~~
依D都OK啊~~但最令我笑唔停既都係CRUCIFY MY LOVE = 把我的愛釘死左十字架上~~
HAHAHAHAHAHA~~都唔知點解會咁既~~HAHAHAHAHA~~話左比大佬聽佢都係咁笑啊~~

P.S.今日都幾好啊~~不過最好笑都係魔幻廚房既笑話啊~~估不到會這樣啊~~HAHAHAHA~~

>>February 4, 2004 at 2:50:25 AM GMT+8

2004 年 1 月 30 日 星期五 【晴】

今日係一月既最後一日啊~~今日既行程都好豐富家~~所以好忙啊~~
一早起身都已經十一點幾啦~~起左身之後見到大佬係廳度訓~~有房等於冇房~~
所以我依個咁好既妹妹咪走去關心一下佢~~琴晚訓梳發開唔開心啊~~凍唔凍啊~~
之後我就入左房度睇下D歌DL成點啦~~HAHAHA~~係冇乜進展家~~
見冇乜野做咪順便睇下拍賣場有冇正野羅~~點知比我發現左我好想買個套老叮上鍊火車~~
仲要係賣七十五蚊咋~~比出面賣平四蚊~~@.@~~依家已經抄到成百五蚊啦~~
咁正~~咁平~~咁抵~~梗係要第一時間BID左佢啦~~好野~~好野~~BID左之後打比神小童~~
佢都有好消息帶比我~~希望你成功啦~~至於睇黎我地今年都係雙失情人節家啦~~>.<~~
上年就有阿牛既"失戀好煩"~~估不到今年有"雙失情人節"啊~~HAHAHAHAHA~~
冇幾耐之後~~太郎仔就打黎啦~~佢聽到我起左身好似好驚訝咁~~佢係打黎叫我起身家~~
因為等陣我地有地方要去啊~~係人傑又地靈既尖咀啊~~太郎仔要買袋~~KIU姐就要見佢愛人~^^~

我地約左點半係老地方見~~點知去到油塘既時候~~太郎仔話阿KIU姐要遲D先到~~
岩岩收太郎線~~點知阿KIU姐又打黎~~部電話既時HANG左機TIM啊~~唔係掛~~@.@~~
後來我去到老地方等佢地~~HAHAHA~~今次我早到啊~~好野~~好野~~~
人齊啦~~之後就撘車~~KIU姐姐原來琴日係信和買了十蚊四張既美男照比太郎仔啊~~
KIU姐姐成功地係太郎度為美男羅到四個議席啊~~KIU姐本來都想買柚柚家~~可惜冇啦~~-_____-
去到尖咀~~第一時間就係陪太郎仔去買個袋啦~~嘩~~真係好靚~~而且一睇就知係太郎會鐘意既~
係迷人既黑白格仔袋啊~~不過都幾眼花瞭亂啊~~仲同佢上次買既黑白千鳥袋有點相似~~
咁又係~~依D係太郎仔既STYLE黎家麻~~正如佢鐘意既野都差唔多家啦~~
二百幾蚊都OK啊~~最鐘意就係睇佢比錢個樣~~真係好搞笑~~我同KIU姐都好想笑~~

之後我地就陪KIU姐去睇佢愛人啦~~係邊個???咪就係新歡羅~~SKY既阿賤羅~~^^~~
SKY入面都係得阿賤同日本仔睇得下~~果個嬌拔就真係麻麻啦~~仲要成日出黎SHOW SO~~
我地企個位冇乜人家~~因為淨係睇到佢地個背脊同後台~~後來日本仔無拉拉向我地個邊揮手~~
咁我以為佢係同我地揮手~~咪好有禮貌地同佢揮番手羅~~咦~~咦~~佢好似係同我身後既瘋狂妹妹仔揮手啊~~HAHAHAHA~~~
之後唱完~~實在太多人啦~~本來KIU姐姐想衝過去映相家~~但實在有太多妹妹仔將佢地重重包圍啦~~
所以我地都係冇過去~~我本來想用上次鼓勵太郎個招鼓勵KIU姐家~~但佢最後都冇去到啊~>.<~
之後行過少少~~見到有隊香港既BAND係度唱歌~~咁喜愛ROCK既朋友咪一齊過去睇下羅~~
都有幾多人圍住佢地家~~我同太郎望左好耐都係覺得BASS仔最有睇頭~~但淨見到背脊~~
所以我地要換過位去睇啦~~咦~~真係不錯喎~~果然彈BASS既都有番咁上下喎太郎~~嘻嘻嘻~~
不過我地聽左陣就走啦~~因為都唔知佢地唱緊乜~~D歌詞都唔知想點~~
主音啊主音~~唔係壓低把聲亂咁唱就係ROCK家~~香港我只覺得得BEYOND一隊BAND家咋~~
我地仲去左七仔食電糕~~係新出家~~之後就去撘車過米華姐度啦~~但原來已經遲緊度~~

同米華姐及米華媽會合後~~就去買今晚打邊爐既野啦~~今次既費用又米華姐出啊~~多謝晒~~
我地一路行一路傾~~其實係得米華姐同米華媽買家咋~~我地仲不等試食TIM~~
試飲都試左好多~~尤其係某D飲品就梗係飲極都係咁好飲家啦~~^^~~
買完之後我地就上左米華姐屋企啦~~上到米華姐既第一件樹~~就梗係周圍搵野食啦~~
係未食之前~~太郎仔話想買野飲~~我同KIU姐同太郎仔又落多次街啦~~
KIU姐行商場既時候仲幫佢爸爸買左女子十二樂坊TIM啊~~之後太郎仔就整日都無間斷地哼佢地既歌~~
我地經過個間鋪又食左串燒啦~~好味啊~~仲同個老闆娘閒聊TIM啊~~
上到米華姐屋企佢已經搞掂晒啦~~可以開始食啦~~米華媽話有點唔舒服~~所以叫我地食住先~~
大家一路食一路睇電視~~係睇粉雄救兵啊~~今次個主角變左身之後有點似DAVID BOWIE啊~~
正當我食緊一隻叫包心丸既野時候就出事啦~~一咬落去就好似爆漿瀨尿牛丸咁~~
BEE晒D汁出黎~~根據目擊者太郎話~~當時係有三條水柱家~~但我睇緊電視所以唔知~~
基本上係得我一個唔知咋~~之後KIU姐仲話佢都想試下~~點知第一次試咬失敗~~
HAHAHA~~我羅緊其他野食既時候~~聽到太郎講左句"死EVA~借借啊"~~@.@
嚇左我一跳~~搞到我即刻行開~~點知原來佢係話"小EVA~借借啊"~~大家都笑了~~^^"~~
大家今晚都係度不斷地談論女子十二樂坊~~米華姐琴晚睇完克勤哥哥~~都話個度都有講~~
仲話比佢地改左名做女子十二藥坊~~HAHAHA~~我地仲話如果夠人既我地就係女子十二"學"湯~~
依個名既原因係太郎羅左"畢"湯個舊野~~黎扮拉二胡~~我就扮吹笛果個~~大家都話我扮得好鬼似TIM啊~~HAHAHA~~
除左女子十二"學"湯~~仲有我同太郎既茄子啊~~HAHAHAHA~~~好啊~~大家要一齊努力啊~~
睇完粉雄救兵之後我地就睇百分百感覺~~不過都係覺得EASON依套唔好睇~~仲要有JOEY~>.<~
都係鏢鏢做個套好睇好多~~好彩下個星期有得做啦~~某人實好開心啦~~HAHAHA~~
今日我地仲係米華姐屋企映相啊~~有映到米華姐最心愛既洋娃娃啊~~
佢既洋娃娃係擺出一個好似浪漫飛行入面既阿嬋既姿勢~~依個隻海鷗就搵左熊之歷險入面既大鵬展翅做友情客串~~幅相超搞笑~~
米華姐最心愛既洋娃娃又真係幾好玩~~搞到我都好想買個玩下TIM~~又可以屈手屈腳喎~~正啊~~
KIU姐仲將佢今日映鏢鏢既相羅比大家睇~~真係新歡舊愛共惹一爐羅~~打邊爐啦不如~~
睇完百分百~~大家都走啦~~走既時候係米華姐屋企樓下見到件衫好鐘意啊~~
係門牙仔同無牙仔啊~~要成七十蚊~~仲要係粉紅色~~都唔知買唔買好~~

P.S.今日真係好開心啊~~唔知下次會唔會大家一齊去燒野食呢~~
話晒我地個秋季旅行都閣置左好耐啦~~可能要等到今年既秋季TIM啊~~HAHAHA~~^^"~~
係行到新都城既時候比我見到個好似瀧澤秀明既人啊~~@.@~~將軍澳幾時有D咁既人家~~
番到屋企~~媽媽好掛住我啊~~大家仲可以睇到少少死賤民做既日劇~~
今日真係食得好飽啊~~番到屋企仲有少少想嘔TIM啊~~但嘔唔出啊~~
可能D野太好食~~所以嘔唔出啦~~唔係又要唱嘔得起的鼠男家啦~~^^~~

>>January 31, 2004 at 5:33:35 PM GMT+8

2004 年 1 月 29 日 星期四 【晴】

琴晚有D樹好唔開心~~我同你講啊~~超級極惡大迴蟲~~都係唔講啦~~
以免比人話~~同埋漏左口風~~比佢知道既話~~小命不保~~話晒我仲好多野都想做~~
"願知生命誠可貴""生命太短"啦~~我唔想咁快去見UNCLE HIDE~~~

今日係絕對值得紀念家~~因為今日我冇遲到啊~~張咭個時間係黑色家~~
但代價甚大啊~~訓少左十分鐘啊~~所以唯有係車度訓番啦~~
一番到去~~大家都唔相信眼前既一切~~我竟然番左黎啊~~
大家簡直係超驚訝啦~~個個都走黎問我"你番左黎啊~"而我既答覆係"今日張咭係我自己親手打家"~~~HAHAHAHAHAHA~~
但絕對唔係因為琴日罰抄既樹~~只不過係我唔想一月入面得二日係黑色咋~~
因為咁個樣子~~所以我今日心情大靚~~^^~~連第二堂何SIR入黎串我~~
我都好有禮貌笑笑口咁串番佢~~梗係啦~~我依D咁乖既小朋友~~呵呵呵~~^o^~~
之後大家食lunch既時候都大講食經啊~~搞到有好多野我都好想食tim~~
曉盈佢仲話想今日放學去羅野整tim啊~~好啊~~好啊~~整完就有得食啦~~
小息既時候~~大家又玩番何仔公啦~~唔知係咪我少運動~~琴日玩完番到屋企隻腳勁痛>.<~
所以今日都係玩左一鋪就唔玩啦~~突然聽到冇晒聲~~咁咪去睇下乜樹羅~~
原來係何sir出黎捉人(唔係佢玩埋一份啊)後來就聽到佢起勢鬧~~駛唔駛啊~~又係你~~
今日都幾開心家~~不過......放學既時候又唔開心啦~~
達爾你到底去左邊啊~~係唯獨冇左十八期~~唔制啊~~大家要再搵清楚啊~~
後來ca姐姐打黎既時候~~就仲唔開心~~一直拖左咁耐~~原來我一直比人昆左~~

唉~~人生真係喜怒無常啊~~番到屋企我都係好down咁寫日記~~
要記得今日開心同唔開心既野~~學鬼馬狂想曲話~~冇唔開心既野又點會顯得d野開心呢~~
寫寫下既時候~~神小童同我講左d野~~之後我去左"個度"睇睇~~
hahahahaha~~^^~~又開心番少少啦~~其實我本來已經就快忘記家啦~~
都唔知點解每次係我就唔記得既時候~~梗係有d野令我諗番起~~
神小童~~我唔怕老實同你講~~我見到之後都有d開心家~~
至少係我今日發生咁多樹之中~~其中一件開心既樹啊~~hahahahaha~~^^~~

>>January 30, 2004 at 11:25:36 AM GMT+8

2004 年 1 月 28 日 星期三 【乍雨乍晴】

今日仲激死啊~~本來成日都幾開心~~
D堂又過得快喎~~係小息既時候~~大家仲玩番好耐冇玩既何仔公同埋123紅綠燈TIM啊~~^^~~
霖霖好似次次都係佢做咁~~到我做個時~~我又唔知可以走入工場喎~~
個個都何晒既時候~~得番RAY哥未何~~為左捉佢搞到走左二個工場~~
捉到佢個時仲搞到爬左街TIM啊~~>.<~~嗚~~嗚~~~~~~不過都幾好玩~~
依D又係我地班既新玩意啦~~HAHAHAHAHAHAHAHA~~

點知到左何SIR堂就大穫啦~~都唔知佢發生咩樹~~
佢係度叫話個八個放學留係度~~都唔知佢講緊邊八個~~不過我知自己實有份~~
點知佢又叫遲到超過三十次既留係度~~咁即係又有我份啦~~>.<~~
兩邊都有份~~咁無計啦~~唯有打比神小童話要約遲DD啦~~
咁我都係諗住遲DD既者~~點知有冇搞錯啊~~話二句咪算羅~~
依家幾大啊~~仲要人罰抄~~抄"我以後不再遲到"一百七十句啊~~係一百七十句啊~~
我諗我打比你就可能會快D~~仲要唔比人係度陪~~係咁趕人走~~駛唔駛咁絕啊~~
都唔知發生咩樹~~九成係全部阿SIR都比校長鬧啦~~校長真係害人不淺啊~~
因為罰抄依單野實在太興啦~~所以搞到我忍唔住破左戒~~真係激死我啦~~
不過佢地成班都有等埋我先走~~因為我係抄得最多個個啊~~好感動啊~~
多謝你啊~~MILK~ZOE~袁袁~霖霖~偉哥~RAY哥~KIMMY~ROY~~~~多謝你地啊~~

去到地鐵站既時候~~已經見到一舊馬騮化石~~唔好意思啊~~神小童~~我都唔想~~^^"~~
我都係受害人啊~~不過我知你實唔會怪我既~~嘰嘰嘰~~嘰嘰~~~嘰~~~嘰嘰~~~~~~~
我地今晚決定去好耐冇去既匯景商場啊~~真係好耐都冇去過啦~~
至從義工(唔係二宮>.<)之後都冇去過啦~~今次去既目的其實都係去接柚柚佢地~~
因為我見過港版大碟紫羅蘭係個度最平~~只係賣八十五蚊咋~~
點知去到已經見唔到啦~~搞到我即刻搵個SALES黎問~~佢話幫我查下~~原來賣晒啦~~-___-"~
不過佢話可以幫我睇下其他分店仲有冇~~佢話隻碟依家賣五十八蚊~~
我聽到之後仲問佢有冇搞錯到~~話晒依隻係大碟黎家麻~~依度已經平~~仲要咁平???@.@
點知佢話係賣五十八~~好野~~好野~~買到就好啦~~如果買到既話.....
好似好耐冇黎咁~~所以周圍巡視一下~~嗚~~嗚~~~~連阿西都冇埋啦~~唔制啊~~

之後我地就過左觀塘~~本來想叫埋芬姐家~~點知芬姐又唔聽電話喎~~
咁唯有我地二個行住先啦~~觀廣又係好耐冇行過啦~~都冇乜點變~~
至衰衰既就係比我同神小童發現左一件樹~~~依鋪真係超級激死我地啊~~~太過份啦~~
之後我地仲行左大手指TIM啊~~正當神小童係度揀鞋帶既時候~~
無拉拉有個女SALES係度眼甘甘咁望住我~~@.@~~我仲係度諗佢做乜望住我~~
原來係識得家~~係我小學同學VICKY~~真係估唔到會係依度見番~~
之前都係街度見過一次家啦~~點知原來佢冇左我電話所以搵唔到我~~
好耐冇見啦~~至從個次之後~~大家閒聊左一陣~~仲相約下次一齊出黎玩TIM~~
之後我地再行左一間文具鋪同裕民中心~~今日都行左好多地方啊~~
後來神小童買左本WINK UP~~咁我地就走啦~~唔知點解WINK UP今次依期之後就要停刊~~>.<~~
不過唔緊要啦~~都唔關我樹~~關神小童樹之麻~~HAHAHAHAHA~~^^~~

P.S.撘緊車個時~~神小童走左冇耐之時~~芬姐就打黎啦~~佢仲問我地係咪出黎搵佢~~
HAHAHA~~你真係啊~~我地要走既時候~~你先打黎~~咁都唯有下次先相逢家啦~~

>>January 30, 2004 at 10:48:46 AM GMT+8

2004 年 1 月 27 日 星期二 【乍雨乍晴】

今日唔舒服啊~~所以冇番到學~~成日都係屋企到訓~~
冇乜特別樹發生~~
只係有d令到我好唔開心~~而且仲好激氣tim~~>.<~~
唉~~做乜要咁喎~~講你又唔聽~~咁你又要問我~~~~~

>>January 30, 2004 at 10:14:51 AM GMT+8