2004 年 1 月 8 日 星期四 【颳風】

咁快又一個星期啦~~但今日都係遲到啊~~太過份啦~~已經叫人幫我打咭家啦~~
但張咭打既時候竟然係三十六分~~爭一分鐘啊~~真係激死我啦~~>.<~~
入到課室個時仲激氣啊~~新賀同學見到我就同我講~~原來阿SIR岩岩先點名啊~~
我爭少少就唔駛遲到啦~~嗚~~點解啊~~點解啊~~唔制啊~~唔制啊~~
之後就仲有更慘既事啊~~要測驗啊~~好彩張SIR醒啊~~整定D MC~~唔係就實交白卷~~
佢話就話睇住D NOTE可以答到~~可惜我琴晚都未抄晒~~咁咪又係冇用~~嗚~~~~~
最後我都係同偉哥曉盈佢地一齊加入左白紙大聯盟~~除左個名之外就乜都冇啦~~
第二堂IE都好悶啊~~好彩大家一齊係度談論各地既電影咋~~染布堂上完啦~~
睇黎要搵個另一堂黎談論各地既樂壇啦~~諗番起之前染布堂~~堂堂大家都係係度閒聊~~
時間都過得快D~~但今日係上製衣啊~~依堂真係好難過~~好似上咁耐都未完咁~~
又唔比傾計~~要設計牛仔褲同牛仔裙~~我既設計真係一個字講晒~~勁啊~~HAHAHAHAHA~~
其實都唔知自己係度畫緊乜野~~最後個堂畫花就仲勁啦~~畫畫下訓著埋TIM~~
之後係比神小童個電話嘈醒家~~好彩咋~~因為一起身已經發覺大家已經畫晒啦~~大獲~~
ZOE完全冇諗過要叫我起身咁~~好似由我訓咁~~多謝你啊神小童~~不過你SEND個MSG~~
真係睇到都笑醒啦~~仲要諗埋你當時個樣就真係好搞笑家啦~~HAHAHA~~

今日神小童黎接我放學啊~~我地要去旺角行街街啊~~因為佢今晚好難得地唔駛打波啊~~
HAHAHAHA~~佢今日都終於見到傳說中既言承旭啦~~言承旭仲搞到佢面仔紅紅TIM~~
其實係言承旭講D野~~笑到佢面仔紅紅~~今日RAY哥都面仔紅紅~~但好可惜.....你知咩樹啦~~
咦咦~~買左新衫喎~~都幾好睇啊~~神小童另外仲買左個日我地係淘大睇中個件衫~~
好似買平左~~既然買平左就要幫我買埋啦~~原來仲有咁多隻色~~好彩係淘大個時冇買~~
其實我好多隻色都想要~~但神小童既意見係"個"隻色~~咁我最想都係"個"隻~~就"個"隻羅~~^^~~
我地第一站係聯合~~但最不幸既樹發生啦~~~~~~~~~~~~
媽媽竟然將我張支票放入個箱度~~要星期一先過度數啊~~咁咪又係冇錢駛羅~~-_________-"~~
太過份啦~~人地仲諗住買野家麻~~~不過都買左本FEEL 100%~~但柚柚就唔到啦~~~
行東京既時候~~想不到霖霖打黎~~原來佢已經織左好多啦~~仲話隻色靚TIM~~^^~~咁咪好羅~~
之後我地就向信和出發啦~~今日神小童去比埋尾數~~唉~~能夠係馬騮女王身上搶錢既~~
睇黎都係得你地家啦~~又一次打開銀包任人拎啊~~之後我地就上左十二樓~~
嘩~~出左好多碟啊~~終於見到今年既紅白啦~~但要成一百蚊啊~@.@~~
冇野啊~~梗係唔買啦~~柚柚佢地得個三首歌~~但之後電視又播緊Johnny\'s countdown LIVE 2003-2004~~
我同神小童都覺得唔錯~~所以要左~~點知原來kinki kids Dome F concert都只係扣二隻碟~~
平咁多就梗係買埋啦~~太好啦~~神小童話遲D羅黎我屋企一齊睇啊~~好啊~~
雖然有小賤民同死賤民~~但都有好多其餘既人既~~好似西宮同北宮啦~~
而且D歌都幾好聽啊~~其實JONNY D歌都唔錯家~~可惜係D人既問題者~~不過都有D乖既~~
好似東宮既親戚同埋北宮娘娘咁啊~~~入到明治大學啊~~~某人係咪覺得讀書係好緊要呢~~
我諗如果做到佢地既同學就超正啦呵~~要加油啦~~HAHAHAHAHA~~~~
財散人安樂完~~就去探老叮啦~~但老叮今日好少呵啊~~竟然冇開到門啊~~
咁唯有去其他地方睇下啦~~今日我都係撘下線走啊~~
搭車既時候~~大家竟然見到一篇用日文寫既請人~~睇黎要識得睇先得啦~~~
大家都要努力工作啊~~神小童你要為馬騮王國捱下去啊~~

P.S.神小童~~我地要努力儲錢去一個朝早打開個窗會見到d白色既光既地方家麻~~
依D咪就係天意羅~~假如愛右天意啊~~HAHAHAHAHAHAHAHA~~^^~~

>>January 10, 2004 at 7:29:21 AM GMT+8

2004 年 1 月 7 日 星期三 【乍雨乍晴】

今日又遲到啦~~唉~~唔可以再係咁啦~~唔係就又要唱"滾滾長江東逝水"啦~~
HAHAHAHAHA~~今日我就冇乜野發生啦~~但神小童就開心死啦~~
唔好話我對你唔好啊~~今次咁做開唔開心先~~雖然唔係一早諗住咁做~~
但到最後都係做左啊~~我後黎都唔知點解會咁~~總之係天意黎啦~~^^
番到屋企我仲開心啊~~今日出左糧啦~~張支票寄左黎啦~~但係就計少左錢~~
所以係一定要打去同JENNY講~~話晒錢黎家~~唯利是圖流既宗旨係我唯利人地家麻~~
但依間公司就真係唔錯啦~~上次沙田單野唔單止計番車錢比我~~連我撘車個D時間都當有番工~
咁又真係唔錯喎~~我撘去沙田都要成個幾鐘啦~~HAHAHAHA~~
不過今晚就慘啦~~要抄番D筆記啊~~明天仲要測驗TIM~~>.<~~
大穫啦~~有排抄啊~~嗚~~~嗚~~~~~點算啊???????

P.S.今日幫左霖霖去買冷~~係黑白灰啊~~HAHAHAHA~~連個老細都認得我啦~~
仲問我琴日個舊織成點TIM~~你就真係好記性既者~~^^~~

>>January 8, 2004 at 12:47:37 PM GMT+8

2004 年 1 月 6 日 星期二 【颳風】

今日冇番到學啊~~一早起身唔係好舒服咁~~咪訓多陣羅~~
唉~~人地話財多身子弱~~但睇黎我都唔係既~~我果D叫做越窮越見鬼啊~~
今日成日都係係度睇人既日記同埋睇下自己咁耐以黎寫既日記~~
又真係越黎越長喎~~一次長過一次~~可能每一日發生既樹都比之前既多啦~~HAHAHA~~
今日下午五點幾就約左神小童去新都城行啦~~其實我地係為左去買冷啊~~
HAHAHAHA~~我又遲到啦~~^^"~~唔好意思~~出門前有人打左電話黎~~係CA姐姐啊~~
去到之後我地睇左一陣冷~~但因為我真係太肚仔餓啦~~(今日都冇食過野~~)
所以都係諗住食左下午茶先~~我今日又買左老叮豆沙餅~拿破侖~同埋375檸茶~~
之後我地就走左去食街搵左個超勁隱秘既位食啦~~一路食神小童就同我講阿豬既野~~
HAHAHAHAHA~~阿豬啊阿豬~~我諗你係我04年入面~~暫時聽到最白痴既人啊~~
真係太搞笑啦~~搞到我笑到肚都痛埋~~太過份啦你~~>.<~~今日都唔知係咁聽到D白痴野~~
神小童條頸巾織完啦~~今次係好過上次既~~HAHAHA~~佢又話要織多條啊~~
咁我地就去睇冷啦~~HAHAHA~~你到底要織幾多條比自己啊~~
之後我比左我織比太小郎個條頸巾佢睇~~佢見到之後話好鐘意個波波~~
咁又係幾得意既~~我地又去運吉啦~~搞到個老細都認得我啦~~不過今次我地真係有幫襯家~~
今次神小童就買左一舊綠~粉紫溝白~~睇落都幾青~~仲有D似菠菜炒豬肉~~~
賣完之後我就同神小童一齊行番去坑口啦~~一路行既時候~~大家都係度講緊前日放火果個人~~
神小童仲話唔敢係地鐵度織頸巾TIM~~HAHAHAHA~~經我再講多幾講~~
神小童簡真就係失左控~~梗係啦~~你係火焰既朋友黎家麻~~都唔可以話係朋友既~~
應該叫你做火焰既.........~~~HAHAHAHAHAHA~~我相信你聽到之後一定開心死你~~
嘰~~~嘰嘰嘰~~嘰~~~~嘰嘰~~~^^~~~放心啦~~面仔紅紅係你既專利~~我係唔會笑你家~~
我地一路行就一路係度笑~~好彩條路冇乜人咋~~唔係D人就會唔知我地係度做咩家啦~~
行到坑口~~我地就係度諗~~見到太小郎第一句要講咩呢~~
其實今晚係日文中班既第一堂啊~~太小郎唔知道神小童都會同我地一齊學家~~
所以我地都好期待太小郎會有D咩反應~~但我地早到左~~所以去左東港城度行一陣~~
神小童仲買左本馬騮通山走既簿TIM~~HAHAHAHAHAHA~~~~
之後見到太小郎啦~~佢見到神小童只係笑左笑~~同講左幾句~~有冇搞錯啊~~
仲等我瞞左你成個幾兩個月~~仲諗住到底你會有咩反應呢~~點知咁平靜~>.<~
之後上日文~~我地又成為左全班最嘈既一伙啦~~
除了阿"嬋"外~~因為佢Dてす同ます係冇人能及家~~咦~~咦~~好耐冇見外賣仔啦~~
神小童今日就開心啦~~比佢見到太小郎~~又見到外賣仔同埋"阿嬋"~~
今日上堂我地好似比平時更嘈~~可能太耐冇上日文堂啦~~而且仲加入埋神小童TIM~~
外賣仔今日教"有"同"冇"~~但佢既發音有D問題啊~~成日係度講有啊有~~有啊有咁~~
搞到我成日聽到個"柚"字~~神小童就聽到個"右"字~~太小郎就聽到個"游"字~~@.@
唔通依D真係"假如愛柚/右/游天意"???~~~~HAHAHAHA~~係命運既安排啊~~
太郎成晚都好唔專心~~我同神小童都係度好努力咁聽書~~佢就係度畫公仔~~
之後睇佢畫咩~~啊~~~~~係一個充滿住柚柚既柚子園啊~~仲有厚厚係入面~~
但角落頭竟然有隻邪惡既老叮係度"びじ"~~唔得啊~~你唔可以破壞柚子園家~~大家要和平共處~
落堂既時候~~果位四十幾歲仍然風韻尤存既阿"嬋"~~竟然同外賣仔一齊行去寶琳喎~~
阿嬋既男性朋友梗係唔比佢地兩個獨處啦~~之後就做成左兩男一女既局面啦~~~
真係估唔到會發展成咁~~太郎仲笑到停唔到TIM~~HAHAHAHAHA~~
之後我地就去左東港城既食街度傾計~~隔離既扭蛋機有新既狐忍啊~~
大家望住大蛇丸都講左句"こわいい~~~"@@"~~~點算啊~~京京啊~~
我地係度一路傾計~~我就一路幫神小童開針~~點知開開下就織埋啦~~
佢要開十三針啊~~係代表佢對十三么們既愛~~咁我一定要開十四針啦~~點解??^^"~
我地好似一班太太們咁~~不過好錯附近都冇乜人~~因為我地講得太大聲啦~~
之後講到人地關門我地就走啦~~去到地鐵站~~大家都仲係不停咁講~~
太小郎就成日都係度講西京既內容比我聽~~其實太郎係SUPER S黎家~~
佢真係"為了娶西京~~要合作娶西京"啦~~不過娶西京又唔駛合作既~~你自己娶咪得羅~~
神小童同太郎仲話開放日要黎TIM啊~~至於點解~~大家心照啦~~依度唔方便講啦~~HAHAHA~~

P.S.神小童啊~~其實太郎見到你好開心家~~只不過佢唔講之麻~~同佢講電話個時佢話我知家~~
而且佢仲話要多Dびじ你啊~~~咁你要小心啦~~仲有你個十三么啦~~HAHAHAHA~~

>>January 8, 2004 at 12:38:25 PM GMT+8

2004 年 1 月 6 日 星期二 【晴】

爭D唔記得講TIM~~琴晚我屋企又多左個"子琴"啦~~@@
咁咪好大穫~~大家放心~~今次既係電子琴~~一部小小既電子琴又點可以同尊貴既人比啊~~
睇黎大佬同D琴都係有一種分唔開既關係家啦~~算把啦~~依D係命運既安排黎既~~~
不過部琴都幾大舊幾阻住晒~~唔通天下子琴皆一樣~~~HAHAHAHA~~係度講好啦~~~

P.S.今日換左背景音樂啊~~係柚柚既朝霞~~好有依個春天氣息家~~
其實都就春天~~都想換果個版~~等我再諗下先~~話晒都係大工程黎家麻~~^^~~
仲有啊~~依排成日比人話我既日記越黎越長篇~~咁我遇到好多野啊麻~~
所以今日就寫少DD先啦~~
今晚會再寫家~~分二次啊麻~~HAHAHAHAHAHAHAHA

>>January 7, 2004 at 6:33:04 AM GMT+8

2004 年 1 月 5 日 星期一 【陰】

唉~~今日好眼訓啊~~一早起身又係遲到啊~~唔制啊~~唔要做遲到大王啊~~>.<~~
其實神小童我同你都係一樣家咋~~未出糧既人就好似比貧窮神上身咁~~~
想要有個錢都難啊~~HAHAHAHA~~你又慘D既~~番工要游水~~~
我最多咪行番去行天光~~葵芳我諗行一晚就可以行到家啦~~
再唔係係學校附近搵個公園~~霸個位訓羅~~天光就番學~~仲可以唔遲到TIM啊~~HAHA~~
今日我真係好興好興好興啊~~~大家都知我幾愛錫我D漫畫書家啦~~
佢地每一本都陪我走過好多日子~~但神龍之謎比人五馬分屍左啊~~~嗚~~~~
果個人仲好似唔知係佢自己既錯咁~~仲依然好似荒死本書唔爛咁~~大大力咁開本書黎睇~~
真係睇到我幾鬼心痛啊~~又唔知點樣話佢好喎~~佢一句唔應就佢大晒家啦~~
咁大家同學一場又費事搞到咁大穫咁~~但真係好鬼激氣~~
諗深一層~~原來佢一直都冇問過我借黎睇家~~係佢自己羅去睇家~~太過份啦~~~
嗚~~~神龍之謎既所有人~~我對你地唔住~~估唔到我唔可以幫你地留全屍~~嗚~~~~~
為免再有咁既事發生~~我以後都唔會再羅書番學校~~除左D信得過既~~(其實係得佢信唔過)~
真係冇理由家麻~~D野唔係你~~你就更加要珍惜啦~~真係至憎依D咁既人~~~
我發現越睇我班個莉莉~~就越覺得佢似阿利利啊~~CA姐姐你開唔開心啊~~係似你愛人啊~^^~
至於今日想不到新賀同學會問我一個咁既問題"hide到底係一個點既人"~~~~~~~
咁我就只係答左一句~~佢係一個好勁既人~~係一位偉大既結他手~~同PATA勁夾TIM啊~~
唔知我咁答~~CA姐姐你滿唔滿意呢~~不過小辣椒既野你都唔會理家啦~~你都係掛住其他人既者
今日仲有同阿MILK談論下D玩具反斗城~~總結一句~~都係尖咀同銅鑼灣好D~~^^~~HAHAHA~~
番屋企之前~~幫源源去買多舊冷~~但個老細話佢隻冷賣晒~~新年前都唔會再番貨家啦~~
咁你點算啊~~源源~~唔通織咁短就算咩~~~真係慘啦~~@.@~~個時又唔買定喎~~~
唉~~真係好想快D出糧啊~~因為依家真係好窮啊..............................-_____________________-"

P.S.本來諗住織條橙色粗幼冷既頸巾比自己家~~話晒織左咁多條比人~~點都要織番條比自己既~
又冇人織比我喎~~(本來都有一個既~但依家佢....)嗚~~點知今日冷鋪又有新冷番啦~~
多左好多色~~有一舊係超靚超鐘意家~~係深紫淺紫同粉紫都有齊家~~
仲有一個可能就係太小郎講個舊紫色同橙色~~(即係海南大附屬既個隻色)~~
大穫啦~~咁我買邊隻好啊~~仲有一隻係湖水綠溝藍啊~~都係超靚家~~米華姐話想織一條~~
唔知依隻色佢岩唔岩呢~~有佢想要既綠色同藍色啊~~HAHAHAHA~~
睇黎大家都要努力織啦~~話晒依家買冷平D~~買左可以織定下年比人啊~~
差D唔記得左方太都要織比鏢鏢TIM啊~~唔知鏢鏢幾時有呢~~HAHAHAHAHAHAHAHA~~^o^~

>>January 7, 2004 at 3:32:17 AM GMT+8

2004 年 1 月 4 日 星期日 【颳風】

琴晚好開心啊~~同人地講起柚柚係紅白既演出~~咁果個人就梗係問我會唔會買紅白啦~~
我就覺得幾十蚊買三首歌就好似貴左D~~點知果個人話可能可以搵人淨CUT個段出黎~~
然後SEND比我~~太好啦~~咁就可以慳番幾十蚊啦~~多謝你啊~~你真係好人~~G先生~~^^~~
之後佢仲話唐澤壽明果樣似厚厚~~@.@~~唔係掛~~~~~~
講起唐澤我淨係諗起佢係三天兩夜入面既樣子~~~都唔係好似者~~都唔同類型~~~
我同佢講話我覺得隱藏人物果樣似厚厚多D~~佢就話佢細路都覺得~~佢細路都同佢講過~~
HAHAHAHAHA~~~睇黎唔止我一個覺得似啦~~~好野~~好野~~不過依D野真係三歲定八十~~^^"
今日約左神小童同JOEY姐姐出街街啊~~我地約左去淘大啊~~但我遲左起身~~
所以咪又係遲到羅~~HAHAHAHA~~一起身就聽到話地鐵比人放火~~真係過份啊~~
係地鐵度放即係唔比人走者~~我就覺得放火個人好似武俠片入面既個D人~~
一丟野就有煙出~~之後就哈哈哈咁消失左~~下~~地獄傀儡師??高遠遙一???大佬???
講起我大佬~~原來佢今日放假~~失驚無神咁係後面出黎~~嚇得我啊~~
之後我終於出到門啦~~去到九龍灣首先羅左本數簿比JENNY~~梗係啦~~要計糧啊~~
比完佢之後就去吉野家搵神小童同JOEY姐姐啦~~去到離遠見到~~神小童成個阿婆咁~~
係度織頸巾~~不過佢都織得幾快~~琴日買今日已經織完啦~~不過佢就話隻色佢都係唔係咁鐘意~
玩啊依家~~仲要收完針佢帶上頸既時候話都係唔鐘意~~就將成條拆晒佢啦~~>.<~~
你睇下你~~又唔諗清楚先買~~又唔諗清楚要開幾多針~~搞到依家要拆啦~~~
係佢拆既期間~~JOEY姐姐就羅手信比我地~~仲有得揀TIM啊~~係紙袋同膠袋之分~~
咁我就揀左紙袋~~原來佢地冼我~~佢地知我會揀紙袋~~所以放左綠色個樣入去~~>.<
之後我梗係要番橙色個樣啦~~原來係老叮既北海道限定版電話繩啊~~
我個條橙色係北海道熊既限定版~~神小童既係北海道海藻限定版~~兩條都係老叮黎家~~
如果二條都係我既就好啦~~差D唔記得神小童都係鐘意老叮既TIM~~^^"
之後大家被改名了~~JOEY叫林暴力~~芬姐叫陳大力~~神小童叫冼好彩(死好彩)~~我就叫大紙啊~
其實D名都幾搞笑啊~~跟住我地就得淘大啦~~好耐冇同佢地一齊行啦~~好多野都想買~~
尤其係老叮DVD啊~~有乜理由啊~~PART4賣四十蚊~~但其他PART就賣百二蚊~~
所以神小童就買左PART4啦~~唉~~睇黎依家要寫定張LIST~~睇下出糧要買乜啦~~
行到三點幾既時候~~我就同神小童JOEY姐姐分開左一段時間~~因為我要去搵米華姐啊~~
見到米華姐既時候~~可能興奮得濟~~幾乎爬爬~~~街~~~好彩冇乜人見到~~
米華姐仲笑笑口咁話"睇黎小EVA好想快D見到厚厚喎"~~米華姐~~人地係為左見你咋~~
不過都有D係為左厚厚既~~因為米華姐今日係羅番上次我地映既相比我睇家~~
唔等齊人先睇同埋叫開神小童佢地~~都係費事咁多人見到我同厚厚既合照啦~~~
咦~~~人地怕羞家麻~~面仔會藍藍家麻~~得米華姐見過D相家咋依家~~HAHAHAHA~~~
羅完相之後~~其實都映得唔錯喎~~跟住就陪米華姐等左一陣~~佢要等STELLA啊~~
之後我就再去會合神小童同JOEY姐姐啦~~係行CD鋪既時候~~
大佬打左電話黎~~佢話佢依家帶住LAST LIVE去阿幫屋企睇喎~~你又話唔外借既~~
不過見係阿幫就冇所謂啦~~但最衰既係你地用八個"隙"叭睇都唔叫埋我去~~
人地都想感受下偉大而長青既YOSHIKI大人既鼓聲同埋小辣椒家麻~~~太過份啦~~
之後係CD鋪睇左一陣梅姐既LIVE~~同埋見到柚柚既DVD~~^^~~HAHAHAHAHA~~
之後我地就番屋企啦~~行既時候仲同神小童PLAN緊公屋既野~~HAHA~~咁都唔彩啊~~
D衫仲可以一三五同二四六TIM啊~~星期日搵鍾點啊~~HAHAHAHA~~真係唯利是圖啊~~~
好~~遲D出左糧要一齊去買衫~~同埋有好多野都要買啊~~加油啊~~

P.S.個日同太小郎係度玩一個CHECK係S定係M既遊戲時~~
過一百分既就係S~~少過一百分既就係M~~我竟然岩岩好一百分~~即係正常啊~~
太小郎就係M~~阿KIU姐就係S(估唔到啊@@)唔知米華姐呢~~

>>January 5, 2004 at 11:13:28 AM GMT+8

2004 年 1 月 3 日 星期六 【颳風】

今日一早就比JENNY既電話嘈醒啦~~好彩唔係發緊好夢者~~
唔係就老細都冇情講啊~~成日係星期日既早上先打黎叫人番工~~
又唔早一日通知喎~~仲要晨咁早TIM~~-_____________-"~~都幾過份家~~~~
今日既我~~~HAHAHAHA~~~又係被放逐去荒島啊~~~嗚~~~~~
我唔制啊~~~我唔要去荒島啊~~~我要去D人傑地靈既地方啊~~~係邊度大家都知家啦~~~
雖然荒島D人比沙田好~~但沙田就生意好DD~~不過就超勁遠~~
所以其實我都唔係好鐘意去沙田個間~~~~嗚~~~人地要去個度啊~~~>.<
唉~~最後都冇計~~咪又係挨住眼訓番工~~點知番到去發覺原來企對面既個位小DAISHI仲係度啊~
佢見到我都好開心~~因為有人陪佢講野啊麻~~咁我見到佢都幾開心既~~
因為左家都係同病相憐啊~~~被人放逐荒島~~~悶到死啊~~~
之後諗住入倉羅貨啦~~點知又係個個ANDY唔比人羅喎~~佢話佢地就黎要盤點~~
所以倉入面既野我乜都唔可以郁~~有冇搞錯~~出面得三盒點賣啊~~~
不過後黎我就發覺根本唔係咁大問題~~~因為今日拍烏蠅啊~~一盒都賣唔出啊......
所以入唔入倉羅都冇所謂啦~~有乜理由啊~~成個場咁大~~竟然人都冇隻~~~
唯有係咁同阿DAISHI講野啦~~其實佢叫做阿KEN啊~~之前都提過~~
佢係咁玩隻家居樂園~~點知比佢發現原來係可屈機家~~咁我地兩個就打爆左機啦~~
但有代價家~~~就係HANG左好耐機~~~^^"~~所以各位小朋友千祈唔好屈機啊~~
之後三點幾~~阿KEN話去食LUNCH喎~~你就好啦~~佢走左冇幾耐之後~~
我突然見到有個著住短裙仔既馬騮向我嘰嘰~~嘰嘰咁走過黎~~神~~~小~~~童~~~~~~~~~~~~~
佢唱完K之後黎探我班啊~~~仲帶埋古古力同包包黎TIM啊~~~好感動啊~~~
我仲問佢今日做乜著短裙仔~~佢仲話因為佢發老姣羅~~~其實係因為佢買左新鞋~~~
嚇得我啊~~你唔得咁家~~你有四宮娘娘家~~遲下仲有中發白TIM~~再遲D就係十三么啦~~~^^
不過真係十三么你就大大穫啦~~HAHAHAHAHA~~~~
好彩神小童黎陪我~~~因為之後既人仲少~~~仲諗住介紹阿KEN比神小童TIM~~話晒得得地~~
點知後黎就覺得奇怪啦~~咁耐都未番~~放LUNCH邊有咁耐啊~~~
見佢收晒野~~原來佢係放左工啊~~~~~~~~仲等我以為佢放LUNCH TIM~~~~
今日有好多O靚仔黎淨玩唔買~~~唉~~算啦~~我對依個場都已經心灰意冷啦~~~
公司再放我黎荒島我就唔做啦~~~>.<~~~激死我啦~~~~~
之後我仲同神小童係度研究一D馬騮話~~~自創左好多我地自己既馬騮話~~可以咩啦......
今日最大既發現就係有一個好可愛著綠色衫既小朋友~~~佢勁似厚厚啊~~~連神情都勁似~@.@
搞到我同個小朋友玩左好耐~~HAHAHAHA~~~咁都幾好啊~~~
今日係我有史以黎最早一日放工~~同埋一單都冇既一日~~唉~~~所以要寫低佢~~
之後話比JENNY 聽~~佢話睇黎要放棄依度~~~我勁話好啊~~一早就應該啦~~~
佢話可能遲D放我去又一城~~好野~~好野~~~係就好啦~~~我唔想再留係荒島啊~~~
既然早走就同神小童行陣新都城~~本黎話要織頸巾比佢~~所以神小童就去睇冷啦~~
佢選左舊冷之後仲買埋"鼓棍"TIM~~HAHAHA~~佢叫左老細教佢織~~~
真係估唔到啊~~本來佢係懶先叫我幫佢織~~但而家佢唔比我織~~要自己織~~~
睇黎大家都有一陣織野熱潮啊~~雖然就遲左DD~~但遲到好過冇到~~
最好就織長D~~將你D四宮啊~~中發白個D綑埋一齊啦~~HAHAHA~~^^~~
今日見到有舊橙色都唔錯家~~仲有舊紫色~~但神小童話我襯橙色多D~~
係咩??真係咩??我都估到家啦~~假如愛柚天意啊麻~~
其實好多人唔知~~我中學既時候就已經鐘意橙色家啦~~大家要記住啦~~^^~~

P.S.自從琴晚EOSS同我講話ANDY其實得得地仲幾好人~~咁我今日咪留意下羅~~~
佢咪又係同平時一樣~~~個樣邊係得得地啊~~厚厚好好多~~~睇黎EOSS對人有D野喎~~
仲成日話如果我唔去荒島就比佢去~~~又話去番青衣城咪見唔到ANDY羅~~~
哈哈哈~~~你咁都叫冇野啊~~~咁就冇野羅...........呵呵呵~~~^o^~~~

>>January 4, 2004 at 2:14:17 PM GMT+8

2004 年 1 月 2 日 星期五 【乍雨乍晴】

今日成中午先起身啊~~點解~~因為夢到厚厚啊~^^~
HAHAHAHAHAHAHAHAHAHA~~~真係超開心~~已經好耐冇係夢中相逢啦~~
但其實我係唔知個夢入面做緊咩家~~因為醒既時候仲係超迷糊...........嗚~~~~~
我淨係記得仲見到一個我好唔鐘意既人~~真係啊~~鐘意同唔鐘意既一齊出現都有既>.<~
今日都冇乜特別野做~~淨係係度執我個間鼻屎咁細既房~~點解????
因為我有個好唔負責任既二佬同大佬~~二個黎我間房搗亂完之後就完全唔理佢既死活~~~
睇完D書又唔執番好喎~~~太過份啦~~搞到阿媽成日話我唔執房~~~
不過今日執房之後先發覺一樣野~~~我以後唔會再亂咁借書比人家啦~~~真係激死我啦~~
仲唔會比人入我間房度抄書TIM啊~~~至於咩書就唔講到咁白啦~~~總之就過份啦~~
之後就繼續織頸巾~~發生了一件好白痴既事~~~太小郎你知就算啦~~唔好比咁多人知~~
我唔想比人話我係神小童二世啊~~~總之條頸巾織好左啦~~有成五呎長~~~
今晚都唔知點解咁旺場~~個個都打黎搵我講電話~~~
第一個係EOSS~~其實佢打黎係問我明天駛唔駛番~~HAHAHA~~
佢竟然寫左幫公司買橙$20~~仲等我諗左好耐到底做乜買橙~~~~比JENNY見到唔知會點~~~
之後神小童又打黎~~第一次同神小童講電話講咁耐~~可能因為大家提起某人~~就好激動啦~~
咁係啊麻~~本來印象都唔差家~~~但知道左某D野之後就改觀啦~~真係幾興家~~~
最後就係太小郎啦~~~唉~~~D架果然係羅黎丟家~~~某人對政政同京京既愛~~
已經搞到好唔知個羞字點寫啦~~~正當大家講到興高彩烈既時候~~~
手提又響啦~~~今日真係多人搵我~~~原來係新賀同學同埋言承旭~~~~
真係少用到啊~~~佢二個平時已經少搵我家啦~~~仲要咁夜TIM~~~@.@~~~
最搞笑既係言承旭都唔知點樣整3 LINE家~~~竟然可以整到我同新賀同學博到~~~
但佢自己又博唔到~~~但3 LINE係佢先有家麻~~咁先至奇啊~~~
佢地打黎問我同唔同佢地去買衫~~唔係掛~~兩男一女去買衫~~咁我買咩啊~~~
仲要我係度做電燈泡阻住你地兩個~~由於冇分鐘既關係~~所以我叫佢地決定左先再搵我~~~
好想同太郎一齊去整負離子啊~~~但我一定唔要好似三哥咁負離子~~~
要幾直~~咪直到相逢之日咁直羅~^^~總之要自然D就得家啦~~~
同太郎傾電話傾到成三點幾~~期間太小郎係咁話我睇左好多次厚厚~~
因為同佢講緊野既時候~~比佢聽到厚厚把聲~~HAHAHAHAHAHAHAHA~~~
但最後我都係成四點幾先訓~~~今日好似做左好多野咁啊~~~都唔知點解~~~~
我要訓啦~~要再發好夢啊~~太郎都要游原京夢啊~~神小童就係午夜迴夢啊~~~^^
至於CA姐姐就係.............唉................................

P.S.今日本來同神小童出去家~~但最後都冇出到~~唔好意思啊神小童~~因要搞生意啊~~^^"

>>January 4, 2004 at 1:18:02 PM GMT+8

2004 年 1 月 1 日 星期四 【微冷】

今日好開心啊~~
睇報紙既時候發現左有賣柚青年既新聞~~仲要係佢地個名做標題家~~
真係好少呵~~HAHAHAHAHAHAHA~~~段新聞係講佢地係紅白入面~~~
佢地白組WIN左啊~~佢地不改佢地既風格~~照舊係街頭到唱~~~
HAHAHAHAHAHA~~~倉木麻衣咁就梗係會比下去啦~~~真係冇計~~~^^
我真係好想睇啊~~我雖然知道神小童去開個間有得買~~唔知貴唔貴呢???
佢地今次唱左三首歌~~但如果為左睇佢地三首歌而羅幾十蚊出黎買就要諗諗先~~~
唯利是圖啊麻~~~HAHAHAHAHAHAHAHA~~~雖然都仲可以睇下小AIKO個D~~
同埋太小郎既大賤民~~但真係幾貴啊~~唔化算啊~~~太小郎係黑店已見到有得播........
點知今日去拍賣場既時候~~發現了有人放柚子超人之夏~~一百二十五蚊啊~~~
要了我的名嗎~~~雖然依D機會真係可一不可再~~但係我未出糧啊~~~嗚~~~
仲有九日~~~仲有時間~~~至於向我大佬二佬救助~~~大佬都係個句"我唔係負責依方面既野"~~~
二佬就叫我唔好~~嗚~~你對佢地既愛已經唔係長存啦~~~~~~~~~~~~~~~
你對佢地都已經冇左FOREVER既LOVE啦~~~好彩我係唔會放棄你地家~~~一個都不能少家麻~~~
神小童就好支持我買~~~多謝你啊~~~我會諗諗家啦~~~
今晚十二點有線有台北誇年晚會睇~~~本來諗住係咁以睇下啦~~~~
點知發現了牛爸爸~~~^^~~~~好耐冇見啦~~~其實佢最近出左碟啊~~~~
仲諗住要唔知等幾耐先有得睇~~~佢好似係第五個出場~~~睇完之後就可以訓覺啦~~~
唉~~~不過見到佢地又證明左一樣野~~~新一年我都係一年三百六十五日比貧窮神附身家~~>.<
梗係啦~~~我依然係"持續貧窮附身組"既NO.1組員啊麻~~~嗚嗚嗚~~~史高治叔叔~~~
我有負你唯利是圖流既宗旨啊~~~嗚嗚嗚~~~~~~~~~~~~~~~~~~~~~~~~~嗚~~~~

P.S.
★柚子街頭熱唱 SMAP不忘反戰★
紅白為收視繼續玩噱頭
　【本報綜合報道】日本樂壇一年一度的大除夕盛事《紅白歌唱大賽》前晚在東京舉行第54屆的演出，雖然該節目的收視每下愈況，但依然噱頭十足，一向大玩華麗的老牌歌手小林幸子玩孔雀開屏失手，而二人組合柚子在街頭賣唱，SMAP則藉歌曲呼籲和平，相信會令收視起一定刺激。

白組勝出
　而當晚另外兩個高潮位分別是倉木麻衣和柚子的戶外演出，前者在京都教皇護國寺現場演唱《Stand by My Side》，這更是她出道以來首次現場直播演出，她說：「雖然凍了很多，但能夠喺度演出真係好光榮。」而在街頭自彈自唱被發掘的柚子，則重演當年的情景，在家鄉橫濱佐木町商店街的街頭唱了三首歌，吸引了7000Fans駐足圍觀。最後由代表男歌手的白組勝出，而論往績則雙方打成平手。

~^^~

>>January 11, 2004 at 6:12:49 AM GMT+8

2003 年 12 月 31 日 星期三 【晴】

今日CA姐姐要去接佢細妹機~~所以一早就走左啦~~~
我就周圍打比人講新年快樂~~~~梗係啦~~~無聊啊麻~~~
仲打左比VA姐姐~~事關琴晚CA姐話見到佢同TRACY去食飯~~~~
CA姐姐你真係啊~~~你又話搵人~~點知最後個個都話你冇打過去~~~~
好野~~~好野~~~VA姐姐同TRACY可以話破鏡重圓啦~~~真係可喜可賀~~~
至於VA姐姐你要得閑就溫下書啦~~~話晒就快考試啦麻~~~
今日冇番工~~所以我要繼續努力織先得........唔係就有排都未織完家啦~~~~
MANDY唔知你遲D會唔會同我做到同事呢~~~係都唔錯啊~~~可以一齊番工啊~~~HAHAHA~~
真係啊~~~打字個老細又搵唔到~~~電話又唔聽~~~又唔覆EMAIL~~~想點啊你~~~~
HAHAHAHAHAHA~~~CA姐姐你就真係慘啦~~連你媽媽都唔要你啦~~不過小心件事會搞大~~
今晚睇叱吒睇到二點幾~~明天又會唔知醒啦~~~嗚~~~~
新一年~~~希望唔好再遲到啦~~~加油~~~~

P.S.今晚睇叱吒既時候~~仍然好努力咁織~~睇完叱吒既時候條頸巾已經過三尺啦~~^^
你真係長得快既者~~但已經係零四年啦~~始終都唔可以係零三年尾織完~~

>>January 2, 2004 at 10:43:25 AM GMT+8