2004 年 1 月 18 日 星期日 【乍雨乍晴】

今日係年廿八啊~~本來要起身執我個間鼻屎咁細既房家~~
但點知一早係睡夢中聽到いつかのmerry x'mas~~但由於外面既天氣實在太凍啦~~
所以我都係訓多陣~~起身個時都已經係點幾啦~~大穫啦~~
睇番電話~~原來係江仔同CA姐姐打黎啊~~唔怪得之一早成日聽到いつかのmerry x'mas啦~~
但起到身好忙啊~~寫番前個幾日既日記同埋去左沖熱水涼~~
有熱水實在係太好啦~~如果要好似以前咁沖涼先去煲熱水咁就死得啦~~

沖完涼之後我就開始執房~~嘩~~真係啊~~亂到入唔到TIM啊~~
好彩每年都有個年廿八比人有個藉口執下屋咋~~一睇到我D漫畫書~~
我就即刻好有衝勁咁去執~~但一見到D NOTES啊~~教課書就頂唔順啦~~
嗚~~嗚~~好多野啊~~好唔想執啊~~所以都係諗住丟晒佢地~~
雖然你地都陪我渡過會考~~但唔好意思啦~~我唔可以再照顧你地啦~~
你地去搵住好人家啦~~其實我都幫你地搵左家啦~~就係廢紙回收羅~~
果度都唔錯家~~至少係你地壽終正寢既時候~~對地球先生有D貢獻啊~~HAHAHA~~

執到咁上下~~我先記得要搵番江仔同CA姐姐~~點知打到比佢地先發現一件樹~~
原來佢地已經帶住IVAN既樹黎到我屋企樓下啦~~-___________-"
有冇搞錯啊CA姐姐~~今日係年廿八啊~~唔駛丟野已經好好家啦~~
你仲諗住羅D書比我????點知原來CA姐姐唔記得今日係年廿八啊~~你真係啊~~
之後我地三個就係垃圾房到度橋~~諗下點樣可以瞞過我爸爸咁運書入房~~
最後都終於諗到啦~~但由於CA姐姐既背包仔實在太細啦~~所以唯有分幾次運啦~~
點知入到屋仲驚啊~~原來係我地係垃圾房商量既時候~~已經全家番晒黎啦~~@.@~~
唔可以運第二次啦啦~~所以CA姐姐唯有將剩番個D羅番晒番屋企啦~~
CA姐姐~~依個故事教訓你~~下次做事唔好咁衝動啦~~次次都係咁~~
搵唔到我~~咪打到搵到為止羅~~咁咪可以唔駛突登羅黎羅~~下次唔好啦~~
本來今晚會同神小童~米華姐同米華媽去行花市家~~但真係好凍啊~~
各位~~你地原諒我啦~~我真係好怕凍啊~~唔好意思啊咁多位~~

P.S.好野~~好野~~好野~~有線做今年既紅白啊~~咁樣我就可以慳番幾十蚊啦~~
果然係假如愛柚天意啊~~柚柚都知我一年三百六十五日比貧窮神附身家啦~~
所以有線有得做~~好開心啊~~HAHAHAHAHAHA~~^o^~~

>>January 20, 2004 at 12:06:14 PM GMT+8

2004 年 1 月 17 日 星期六 【乍雨乍晴】

今日係米姐生日啊~~本來一早應承左佢地今日下午一齊出街~~然後就去食晚飯家~~
但JENNY個晚突然打黎叫我番工~~搞到打亂晒我既計劃~~本來仲有一件樹要做家......唉~~
今日又遲到啦~~依兩日番工都遲到TIM~~下次唔好啦~~番到去都冇乜野啊~~
但係又係超勁悶羅~~因為LEO同JOI兩個衰仔又早走啦~~
佢地四點幾就走~~得番我一個係度喎~~>.<~~唔制啊~~又饑寒交迫喎~~嗚~~~~
正當好肚仔餓既時候~~好彩阿JOI去左買麥記~~我仲咬左佢個孖芝一啖TIM~~
雖然只係一啖~~但係咁肚仔餓既時候~~有得咬已經好好家啦~~
番左依份工之後~~真係見到好多好可愛既小朋友~~仲見到好多好可愛既孖仔啊~~^^~~
今日就見到日本仔~~法國仔同埋英國仔TIM啊~~不槐係銅鑼灣啊~~果然多外籍人仕~~
尤其係有個勁似佛羅多TIM啊~~HAHAHAHAHA~~果日本仔都好正家~~
今日我都幾好生意~~買左成七盒啊~~仲要有兩個人係三盒一齊買TIM啊~~呵呵呵~~
LEO都唔差啊~~佢都賣度一部機~~佢個部咁貴都賣到~~佢就笑到見牙唔見眼啦~~
今日偷走啊~~因為米華姐生日啊麻~~七點半就走~~但本簿就寫係八點~~
點知幫我簽個個人都唔發覺我係寫八點~~好彩咋~~跟住我就行得好快去搵米華姐佢地啦~~

出到去竟然落雨~~太過份啦~~已經夠凍家啦~~仲要落埋雨~~駛唔駛啊~~~
去到旺角~~原來佢地已經係大快活搵左位啦~~本來諗住去大家樂家~~但太多人啦~~
去到大家都係閒聊一陣先叫野食~~KIU姐姐買了新電話啊~~係言承旭個部~~
可以映相家~~咁我地就梗係映下先啦~~佢今日仲映左鏢鏢啊~~
仲有一張先正啊~~係新歡舊愛共惹一爐啊~~呵呵呵~~"你可唔可以對我專一D啊"
佢地大家今日都有收穫~~米華姐買左張被~~係麥兜黎家~~KIU姐就買左件紫色外套~~
至於太小郎就買左幾張政政京京既相~~個幾張我都覺得映得唔錯~~
連我平時驚佢地~~今次都讚佢地可愛~~咁可想而知張相真係映得唔錯啦~~都好可愛下家~~
大家食食下野既時候~~咪一路羅番上次映既相黎睇羅~~睇睇下既時候~~~
突然有位阿叔無拉拉係度鬧人~~雖然唔係鬧我地~~但搞到我地都唔知點咁~~
之後我地仲用KIU姐部電話映左相TIM~~至於KIU姐會唔會用黎做WALLPAPER就唔知啦~~
話晒佢仲有三個新歡舊愛可以做WALLPAPER~~~~~~
後來我地就去左行街街~~好似好耐冇四個一齊行街街啦~~行左唔係好多地方~~
但都已經好開心啦~~之後我地仲走左去映貼紙相~~揀左好耐都唔知映邊隻好~~
最後揀左有得整鏡頭個隻~~嘩~~簡直係同時間競賽啊~~仲搞到我地手忙腳亂TIM啊~~
今次都映得OK既~~佢地仲話四個之中我係映得最好~~佢地對眼都唔知望左邊度~~
得我一個望鏡頭~~HAHAHAHA~~好~~今次映得唔好唔緊要~~下次再挑戰~~~
今次係我地繼二年前映既貼紙相之後第二次四個一齊映家~~都幾難得家~~
由於太夜既關係~~大家都番去啦~~係番去之前大家仲去左卓悅買野TIM~~
好野~~好野~~買平左啊~~太小郎仲話未見過我除左羅柚柚既野之外~~咁開心去比錢TIM啊~~
HAHAHAHAHAHA~~今日好開心啊~~唔知下次相逢之日係幾時呢???米華姐生日快樂啊~^o^~

P.S.今日竟然比我係斗斗城見到阿MILK同佢個FD啊~~真係估唔到啊~~HAHAHAHA~~

>>January 20, 2004 at 12:41:24 PM GMT+8

2004 年 1 月 16 日 星期五 【乍雨乍晴】

琴晚有個好難得既場面啊~~就係全班都幾乎ONLINE啊~~
可能大家都好心急想睇阿MILK映個D相啦~~尤其係....HAHAHAHAHA~~
可惜我收唔到FILE啦~~>.<~~唔制啊~~唔制啊~~嗚~~嗚~~~~~~~~~~~~~

今日我要番工啊~~好彩今次係銅鑼灣~~如果再係荒島就慘啦~~
一番到去~~唔見LEO BRAIN~~唔通佢冇做~~@.@~~~
點知佢點幾先番到黎~~原來佢去左睇最後武士既早場啊~~
佢份工就真係好啦~~唔駛簽到~~去睇戲都得~~食LUNCH又食二個鐘~~去TOILET都去成個鐘啊~~
咁都冇人理~~太正啦佢份工~~仲要人工高過我TIM啊~~嗚~~~~~
真係悶到發瘋啊~~好彩有二個人係附近同我傾計~~一個係LEO~~一個係新登場人物~~叫JOI~~
見到佢真係嚇一跳啊~~個樣有點曉光個樣類啊~~望真D仲有少少似偉大而長青既YOSHIKI大人啊
不過係瘦版羅~~佢畫畫仲好靚TIM啊~~原來佢係修ART家~~

冇幾耐神小童又黎探我班啦~~呵呵呵~~佢一黎到就同我講馬騮仔~~HAHAHAHA~~
開心死你啦~~不過就真係傻左啦~~唔應該叫你咁早黎~~應該叫你黎接我放工~~
咁咪可以一齊行花市羅~~嗚~~之後連米華姐同米華媽媽都黎左啊~~好開心啊~~咁多人黎搵我~~
但冇幾耐佢地都要走啦~~神小童又要番屋企食飯喎~~
LEO同JOI又偷懶早走~~嗚~~~得番我一個企係度咋~~悶到爆啊~~~
所以未到八點~~我就好快好快咁即走啊~~

P.S.乜今日咁死凍家~~凍死我咩~~之後就係好厚厚被窩入面同太小郎傾電話啦~~~~

>>January 19, 2004 at 6:33:40 AM GMT+8

2004 年 1 月 15 日 星期四 【乍雨乍晴】

今日係開放日啊~~阿MILK真係六點九就打黎叫我起身啊~~仲係咁同我講野叫我唔好再訓TIM~~
起到身啊~~但勁眼訓啊~~除左開學個日都未試過咁早起身啦~~嗚~~~~~
諗住上到車再訓過啦~~去到藍田既時候~~ZOE就打黎啦~~去到彩虹個時~~新賀同學先打黎~~
咁咪即係唔比我訓羅~~但其實都訓得幾舒服~~仲搞到幾乎唔記得落車TIM~~
去到葵芳個時已經二十五分啦~~唔通趕唔切~~所以想打比人叫人打咭~~
點知打比阿MILK~~佢仲未落車啊~~~@.@~~佢仲話如果我到左既話就幫佢打埋~~
我去到七樓~~發覺我個張已經比人打左~~但阿MILK同袁袁個張就未打~~
又睇住個鐘就快三十六分~~簡直係時間既競賽啊~~終於阿MILK同袁袁張咭冇遲到~~好野~~
大家見到我番黎又係好驚訝咁~~我咪問係邊個幫我打咭羅~~原來係霖霖啊~~多謝你啊~~
今日係我依個月黎第一次冇遲到~~所以一定要記底佢啊~~HAHAHAHAHAHA~~

之後其實都冇乜野做家~~我淨係係度負責開機同關機~~
HAHAHAHA~~可能係職業病~~對住D人講左平時係斗斗城既對白~~
好彩未講迪迪王子同美美公主咋~~唔係就大穫啦~~實比人笑死都有之啊~~^^"~~
就放LUNCH既時候神小童黎左啦~~我地仲上演左一場向左走向"右"走TIM~~
佢話係784~~我叫佢唔好走開~~點知我去到784既時候佢就走左黎791搵我~~>.<~~
搞到我地羅住個電話係度周圍走~~一路傾一路搵~~最後都搵到~~唔係神小童實嚇死~~
我地之後仲一齊落去食LUNCH TIM~~去左新賀同學度羅LEMON TEA~~
但果度個女仔又唔比我地羅~~新賀同學又叫我地羅~~玩咩???~~~
今日終於試左個創意拉面~~嘩~~都幾唔記喎~~神小童食左二啖就唔食啦~~
之後冇幾耐~~太小郎同CA姐姐都黎左~~但咁岩我地個組要去參觀~~仲諗住同佢地一齊去~~
佢地中途就自己去左行啊~~CA妹妺就有個男仔陪住~~HAHAHA~~果然有其姐必有其妹啊~~
後來打比CA姐姐~~原來佢同CA姐姐去左旺角買鞋先~~得番太小郎同神小童係學校~~
咁唯有參觀完再去搵番佢啦~~不過原來學校都幾大家~~平時都未行過其他系~~
今日有機會啦~~我地仲映左好多相TIM~~不過我同阿MILK都覺得電機系既幾惡~~
好似想趕我地走咁~~霖霖仲玩左個唔知咩野棒TIM啊~~HAHAHAHA~~好快就死左~~
終於見番太小郎同神小童啦~~佢兩個都好開心~~仲話行左二個ROUND TIM啊~~
後來我地就係度係咁映相TIM啊~~今日都映左幾多相~~連太小郎都覺得出奇~~
因為我平時唔係咁鐘意映相家~~^^"~~HAHAHAHAHAHAHA~~~
最後人齊既時候我地仲同何SIR映左張班相TIM啊~~~呵呵呵~~好開心啊~~

之後我同神小童同埋太小郎仲有阿MILK出左旺角~~阿MILK去到旺角就同佢班FD走左~~
我地就去會合CA姐姐同CA妹妹~~CA姐姐買左對NIKE比CA妹妹啊~~嗚~~人地就真係姐妹情深啦~
我同神小童仲有太小郎就真係睇到幾眼紅啊~~我就從來都未聽過我大佬二佬叫我一聲阿妹啦~~
神小童同太小郎都未試過~~但見到CA姐姐由頭到尾都拖住CA妹妹行街~~>.<~~
唉~~我就只有一個不肯既童年~~仲要講左句唔該二佬~~唉~~~~點解會咁家~~嗚~~~~
行到波鞋街既時候~~見到好耐冇見既JODY~~C MAN同JOANNA HUI啊~~呵呵呵~~
好難得啊~~大家仲約左如果考完試之後一齊去玩TIM啊~~HAHAHAHA~~好野~~~好野~~~
照舊我地去巡視業務~~都唔知點解今日周街都有F4既樣~~太過份啦~~
正當要走既時候~~賣柚柚既果個人打比我啊~~佢話到左旺角啦~~咁我地就成堆人咁去交收~~
都未試過咁多人一齊去接阿柚柚家~~太正啦隻碟~~成箱咁~~好搞笑啊~~HAHAHAHA~~
接完之後~~竟然落雨~~你即管落~~我一定會保護你地家啦~~我點都唔會比你地淋濕家啦~>.<~
之後我地就番屋企啦~~因為已經財散人安樂啦麻~~嗚~~不過都值得家~~

P.S.今日太小郎可以話係有最大收穫~~除左見到TOSHIYA外~~連神小童想見既小栗旬都見到~~
但神小童竟然偏偏見唔到~~奇怪~~後來太小郎話佢仲可能見到阿李TIM啊~~
搞到D人好似特登比你見咁~~太小郎仲話我個班D人好好玩啊~~D人又好喎~~
咁我都覺~~我仲覺得自己好好彩係入依班~~如果入其他班可能就冇咁好啦~~
依班D人好D又岩玩D~~可能因為人少啦~~所以大家都好融洽~~多謝你地啊~~HAHAHAHAHAHA~~

>>January 19, 2004 at 6:11:05 AM GMT+8

2004 年 1 月 14 日 星期三 【乍雨乍晴】

今朝早肚仔唔舒服啊~~所以第一堂冇番到~~到左第二堂先番~~
HAHAHAHAHA~~其實第一二堂係馬姐堂~~所以唔舒服就梗係唔好勉強自己啦~~
訓到九點度~~就番學啦~~點知番到去得十點~~要係LOCKER度等三個字啊~~
之後大家見到我好似好驚訝咁~~原來大家都以為我唔番家~~
佢地仲同我講馬姐見到我冇番~~仲係度話我TIM啊~~唉~~算啦~~我都知你針對我家啦~~
第二堂佢見到我時都係度串我~~唔緊要唔緊要~~反正我依係SMALL POTATO黎咋麻~~
比人串下家常便飯者~~估唔到咁快就放LUNCH啦~~HAHAHAHAHA~~^^
LUNCH之後又係超悶既TESTING堂啊~~大家依然係咁玩KILLER~~
雖然今日係要整明天開放日既野~~但大家都好興致勃勃咁話要玩~~
RAY哥不槐係RAY哥~~幾受大家既歡迎啊~~永遠都係第一個死~~
七連霸啊~@.@~~你估個個得家~~佢一係第一個死~~一係就比人當係KILLER~~
睇黎佢玩KILLER最重要唔係估邊個係KILLER~~而係點樣令自己過到第三ROUND~~

由於明天係開放日~~唔可以遲到~~所以我特別邀請左MILK~新賀同學同ZOE叫我起身~~
今晚仲諗住早D訓家~~但我依個夜夜笙歌既屋企又點會比我早訓啊~~
依晚屋企係咁播千尋既月光~~二佬就羅住RAY哥隻CD係廳度播~~大佬就係房播MP3~~
搞到我去到邊都聽到~~之後正想訓既時候~~大佬無拉拉開柚柚既LIVE黎睇~~
咁即係唔想我訓者~~太過份啦>.<~~咁我最後都係睇晒全場~~正啊~~睇幾多次都係咁正~~
真係要訓啦~~依個時候太小郎都打黎搵我傾電話~~唔通個天唔比我訓~~
到底我明天起唔起到身呢??????????????嗚~~~~~~~~

>>January 19, 2004 at 5:23:57 AM GMT+8

2004 年 1 月 13 日 星期二 【乍雨乍晴】

今日好開心啊~~同我搏鬥左三堂既三扭~~今日終於比我KO左啦~~
今日竟然一TAKE過啊~~完全冇落過布啊~~HAHAHAHAHA~~~
而且MISS竟然讚我喎~~好少呵啊~~佢由第一堂開始都冇讚過我啊~~
成日都不斷話我傻妹TIM啊~~>.<~~太過份啦~~佢今日竟然讚我醒左~~呵呵呵~~

之後第二堂有班日本學生黎交流喎~~阿SIR又話係全班都係仔喎~~
仲等人地咁開心TIM~~點知原來係全班都係女~~阿SIR真係大整蠱啊~~
今日一見先知~~原來D日本妹既裙仔真係好短家~~@.@~~
雖然稱不上全部都靚~~但都有幾個得得地既~~仲搞到言承旭...應該話係CRYUS好興奮TIM~~
都係JERRY襯你D~~教你講個幾句又唔去同D日本妹講喎~~你睇下隔離班個D幾積極~~
其實D日本妹都幾興奮~~仲係度周圍咁映相~~都唔明點解學校唔搞下交流~~比我地過日本啊麻~
唉~~都唔識好好咁利用金錢既~~羅個三千蚊過日本好過啦~~~~~~

今日TESTING又有二堂啊~~但好彩我地係度玩KILLER同埋七級豬先冇咁悶咋~~
其實現場環境都幾難玩KILLER~~都幾難手拖手~~仲要開埋牌TIM~~
HAHAHAHAHA~~我做KILLER個時幾乎殺晒咁濟~~可惜少人啦~~
多D人玩好D~~之後玩七級豬個時仲好笑~~本來係霖霖同偉哥做左二級豬家~~
點知後來原來莉莉搞錯左~~所以由頭玩過~~莉莉仲一次過過左霖霖同偉哥頭TIM啊~~
本來輸左有個好偉大既任務要做家~~但莉莉最後都唔肯......唉~~算啦~~~
真係估唔到咁樣玩下玩下就可以放學啦~~時間過得真係好快~~

今日神小童又黎接我放學啦~~今個星期好似成日都見到佢咁~~
佢同CA姐姐都係一樣既~~叫極都唔應人~~好啊你~~原來聽緊歌~~
我地又係去左新都城買冷啊~~點知架車壞左~~用左好多時間~~
買冷個時又唔記得左個冷係咩色喎~~大穫啦~~神小童又買多左二舊啦~~
今次佢唔係織比佢自己~~係織比佢爸爸同媽媽家~~但買完冷既時候~~已經發覺係遲到~~
HAHAHAHAHA~~之後我地就去左學日文~~一入到課室就嚇左一跳啊~~
阿嬋同佢既男性朋友竟然坐係我地平時坐開個個位既後面喎~~搞咩啊~~平時你地都唔係坐依度家~平時你地坐斜後家麻~~
本來都諗住算啦~~點知上到半路既時候~~阿嬋既男朋友竟然同神小童講"黑板係前面啊"~~~
咁即係間接話我地嘈者~~(如果大家知我地既位置圖就明我地講咩家啦~~)
真係可惡到爆啊~~>.<~~搞到神小童扯晒火~~黑口黑面~~仲幾乎反枱咁濟~~
不過好彩外賣仔都識做~~今日係教上下左"右"同埋"中"~~~咁神小童先開心番D~
其實諗落唔應該唔出聲~~因為個阿伯見我地唔出聲~~個樣好似好得戚咁~~以為我地怕左佢~~
梗係怕左你地二個啦~~一睇你地二個就知你地咩年代啦~~我地依D SMALL POTATO點咁惹你啊~
但最頂唔順既係~~阿嬋同阿伯當依度係咩地方啊~~三舊水都慳~~係依度.........
真係聽到阿嬋個把咁嬌既聲~~雞皮兄弟都忍唔住要出一出黎啊~~
後來我地仲係神小童本簿度搵到滴口水~~都唔知係咪阿嬋てす果時留低家~~@.@
こわいい~~~~神小童即係羅出消毒紙巾消毒~~以免佢為禍人間~~~

上完堂之後~~我地都係去東港城食街傾計食野~~點知發覺今日阿嬋原來係著粉紅色外套~~
太過份啦你~~你估粉紅色個個都著得起家~~係UNCLE HIDE同小AYA先著得起家咋~~
今日係食街都坐左好耐~~我地仲去左扭蛋機度做一個神聖既任務~~係搵命博既任務~~

P.S.本來今日都幾開心家~~但比阿嬋搞禍晒~~神小童仲話下次再係咁就反枱~~
好啊~~其他人夠嘈啦~~又唔見你話佢地~~罷明見我地後生過你啦~~
又要學人講野喎~~我講二佬果時係全班都笑家~~你見到咁又跟我講二佬~~
你講個時係全班都唔出聲家~~檢討下啦~~唔好亂咁認二佬啊~~~~>.<~~~

>>January 19, 2004 at 4:50:10 AM GMT+8

2004 年 1 月 12 日 星期一 【乍雨乍晴】

今日係好重大既日子啊~~係超尊貴~~地位無人能及既琴姐姐既生日啊~~
我好乖家~~琴晚十二點已經同佢講生日快樂啦~~
今日真係好鬼慶~~好唔開心啊.......嗚~~嗚~~~~~算啦~~唉~~成日話算咪又係咁....
所以放學之後我就搵埋神小童同埋CA姐姐去睇金雞2啦~~
想不到我同CA姐姐差唔多時間到達~~但我叫佢佢竟然唔應人喎~~>.<~~
之後我地就叫神小童去買飛先~~我地去左買野食~~
原來CA姐姐未試過成個飯咁帶入戲院度食家~~HAHAHA~~同得我睇戲就要試下啦~~
今次我地係買左吉野家既下午茶~~但我竟然唔記得我個袋滿座TIM~~
仲要有杯熱茶~~咁唯有D飯放人CA姐姐個袋~~杯茶倒入個樽度啦~~HAHAHA~~^^"
諗起以前同芬姐睇戲都係成桶雞咁羅入戲院度家~~都試過羅飯家~~
D人都唔知我地羅咁多野入去~~真係勁啊~~HAHAHAHAHA~~
金雞2冇想像中咁好睇~~1好睇D~~但都有D感人位既~~黎明個度都有少少想喊家~~
睇完之後我地就去左行淘大~~又係淘大~~一係唔行一行就成日行TIM~~
CA姐姐買左成盒筆比佢個要去外國既同學~~而我就同神小童個同事傾左幾句~~
佢幫我買個件衫啊~~^^~~ESTHER啊麻~~我記得家~~唔係EMILY啊麻~~HAHAHAHA~~
之後我地都行左好多地方~~仲同CA姐姐去睇MP3機TIM啊~~大家都要進入MP3既時代啦~~
神小童就買左個馬騮沖涼個D~~唔知佢會抽到咩呢????我諗唔會係大凶既~~@.@
好彩~~抽到中吉~~咁都好啊~~今年可能都有一二隻馬騮係你面前通山走啊~~
如果抽到超大吉~~就可能係五宮娘娘係你面前通山走啊~~HAHAHA~~
行到咁上下~~大家都要走啦~~咁我地就一齊撘地鐵走啦~~

P.S.金雞唔係唔好睇既~~不過我諗我地都會去睇鬼馬狂想曲~~唉~~貧窮神又番黎啦~-________-"

>>January 13, 2004 at 4:44:13 PM GMT+8

2004 年 1 月 11 日 星期日 【乍雨乍晴】

琴晚發生左一件樹啊~~其實本來已經慢慢忘記左家啦~~
但又因為某D野令我特然諗番起~~總算比你見到啦~~神小童~~係港版黎家~~^o^~~
不過另外個位就難見D啦~~鬼叫你部電腦壞左咩~~咁就冇計啦~~HAHAHAHA~~

我依排突然好想學電子琴啊~~可能因為我依家屋企有一部既關係啦~~
我將依件樹話左比大佬知~~佢不知幾感動~~仲話個細佬同個細妹終於生性啦~~咩意樹喎~>.<
我今晚係度自己篤篤下~~竟然篤篤下篤到首"追"喎~~真係超開心~~
好~~我第一首要學既就係"追"~~依首係表示我對哥哥(梗係唔係我大佬啦~簡直比下去..)既敬意~~
之後下一首就係天空之城~~如果第一首成功既話~~^^"~~
二佬都好努力地練緊結他~~佢話佢要彈佢最鐘意個首~~就係"虛空"啦~~
依首歌只能夠講一句就係超正~~不過我都係比較喜愛飛不起的鳥~~雖然二首都係厚厚作既~^^
大家感覺到嗎~~我感覺到我屋企依家充滿住音樂啊~~大家好像對音樂都充滿住熱誠啊~~
加油啊~~X~~去感覺啦~~唉~~多左音樂~~我屋企仍然係繼續夜夜笙歌啊~~HAHAHA~~
今晚終於都DL度光GENJI既歌啦~~好難得啊~~HAHAHAHAHAHA~~

今日我地約左去唱KK啊~~但我都係遲左起身啊~~不過其實可以唔遲到既~~
但今朝早有梅姐既現場直播~~所以都係睇左陣先走~~
之後就幫媽媽去新都城入錢~~然後就打比神小童啦~~因為要約埋佢一齊去啊麻~~
今日約左既人有CA姐姐~CA小妹~江仔同IVAN~神小童話驚~~所以要等埋我先一齊去喎~~
見到神小童真係嚇一跳~~佢今日著左迷人既短褲仔啊~~仲要係格仔褲TIM啊~~
條褲好正~~可惜我覺得我著一定唔襯~~因為神小童著左之後好似個D福爾摩斯~~
咦咦~~我條頸巾都幾襯神小童喎~~今日就交換用啦我地~~^^~~
今日唱K~~最勁既環節就梗係唱"心寒合唱版"~~係我同江仔同IVAN三個一齊合唱家~~
IVAN仲錄左音TIM~~@.@~~其實都幾驚家~~話晒大家真係搵命博家~~
仲有既就係"暗花"~~"尊貴的人~~為何總責備我~~"嗚~~嗚~~我好慘~~我好很慘~~~~
唱完K之後我地就走左去行淘大啦~~個件衫神小童原來真係買平左啊~~好彩者~~
行淘大既時候~~我仲買左靚靚既四葉草信紙啊~~同神小童一人一半啊~~平D啊麻~~
好~~我要寫下信先得~~因為依家打字仲快過寫字~~我驚我遲D唔記得點寫字啊~~>.<~
之後我地就去左打機機~~但神小童佢就唔去啦~~因為佢係生不入機鋪~~死不入地獄家~~
我地去左德福打機~~諗落都好耐冇去寶聲啦~~話晒人地係寶聲機鋪女王黎家麻~~
入到機鋪梗係第一時間巡視下有咩機啦~~竟然淨得太豉機~~嗚~~搖鼓你在哪兒啊~~
我同IVAN打第一鋪~~係ONE PIECE~~點知佢打到中途就比左CA姐姐打~~咁都得~~時間既競賽啊~
第二鋪就同CA姐姐打依個夏祭~~打完之後仲以為有第三首~~點知原來係得二首家啦~>.<~
太過份啦~~間間都係五蚊三首~~德福果然係唯利是圖啊~~都係番老家好D~~
我同CA姐姐研究左好耐~~到底打唔打結他機~~因為CA姐姐好想彈UNCLE HIDE既歌啊~~
之後我地去左食TEA~~然後就去左另一間冇咁多人既機鋪都打機啦~~
CA姐姐終於鼓起佢既勇氣~~彈結他機啦~~啊~~依D係你對UNCLE既愛啊~~係愛既考險~~
但好可惜~~第一首小織織既DEAR MY FRIEND~~彈左唔夠一分鐘就......好彩冇乜人^^"~
之後我地仲玩左KEYBOARD同埋碟機~~玩到咁上下~~我地就行德福啦~~
正想行去CD鋪既時候~~江仔話見到一個好熟口面既人~~咦咦~~原來係佩珊啊~~@.@~
其實我地都唔知點解要走~~要運動者~~學鏢鏢話~日日運動身體好啊麻~~
之後我地就行番去觀塘啦~~江仔唔肯陪我地行~~睇肥啊你~~-________-~~
我好似好耐都冇行過觀塘啦~~梗係要逐一去下我既老家啦~~呵呵呵~~
係裕民見到有神小童既馬騮仔扭啊~~扭左二隻~~一隻係啡色既一字眼馬騮~~
另一隻係藍色既閃閃眼馬騮(好似神小童見到五宮既樣)~~本來諗住比一隻CA姐姐~~
點知CA姐姐唔要喎~~佢話佢唔係馬騮~~咁又係~~CA姐姐你係人黎家~~
我地仲去左觀廣買鄭融既CD~~但觀廣貴啊~~所以CA姐姐都係係巷仔都買~~
大家都有收穫之後就各自番屋企啦~~HAHAHAHAHAHA~~

P.S.今日番到屋企同二佬講起上次係機鋪遇到人彈HIDE時候既事~~佢話覺得有依D行為既只有大佬先會做TIM啊~~
大佬話我地誤解左佢喎~~之後二佬同我講起佢D機鋪趣事~~HAHAHAHAHAHA~~
真係笑到我肚都痛埋~~係繼上次佢地開放日之後第二次笑到肚痛~~
講下講下無拉拉同我二佬夾歌仔啊~~一人彈一邊~~點知大佬整蠱我地~~>.<~
我地傾左好耐~~大家都覺得我地屋企係時候加多一位成員啦~~~PS2...............^.^

>>January 13, 2004 at 4:45:13 PM GMT+8

2004 年 1 月 10 日 星期六 【乍雨乍晴】

琴晚CA姐姐好夜先至話上黎夾歌~~唔係啊你地~~夜麻麻先黎~~
都係大佬衰~~做乜咁夜先番屋企啊~~之後我仲同肥姐姐落左街買野食TIM~~
CA姐姐~~我唔係唔想同你孖鋪~~只不過如果要訓我大佬張床就點都唔肯家啦~>.<~
你都未見過D蚤係度跳晒舞個種情況~~叫你同琴姐孖鋪又係辛苦你D既~~
咁就冇計啦~~咁你唯有訓沙發啦~~其實我屋企張沙發都幾舒服家~~^^~~

今日冇番到工啊~~琴晚等到二點幾~~到今朝等到十一點幾JENNY都冇打黎~~
我諗唔駛番掛~~就算要都算啦~~沙田依D咁人傑唔地靈既地方~~
果然係唔想去~~就真係有一千個理由唔去啊~~^^"~~
今日係屋企都冇乜做~~本來都想番組家~~但又唔記得幾點又唔知係邊度開~~
計落都已經好耐冇番啦~~HAHAHAHAHA~~我也不想這樣啊......
真係估唔到今日竟然比言承旭成功入到我日記~~你好野啊~~
仲等我以為你逐個號碼撞既TIM~~原來係用左個招~~嘻嘻嘻~~
你知我點解唔肯比我日記你啦~~咪就係因為你都睇唔明羅~~真係比你睇都冇用啦~~
但竟然比你發現左言承旭三個字~~@.@~~HAHAHAHAHA~~算把啦~~~
神小童你就開心啦~~其實我都幾開心~~可以用到GEOCITIES既野啦~~
咁都唔止啊~~仲可以播到小右既歌喎~~開唔開心先~~唔係MIDI喎~~仲聽到佢把聲家~~
而且仲可以見到佢個樣~~HAHAHAHA~~唔知幾時可以見到五宮豐收既時候呢~~
應該係十三么既時代啊~~十三么出現時~~亦即係你亡國之時啊~~大王~~~
總之大家都要加油啦~~好期待睇到你日記整到靚靚既樣啊~~唔知要等到幾時呢~~

P.S.米華姐~~真係估唔到我同你係同一命運啊~~唉~~其實我依家都唔知點算好~~
我就真係有太多野要顧住~~你就可以灑脫D~~不如接直同佢講啦~~加油啊~~
如果有咩樹既再搵我啦~~不過可能係我有樹搵你先既機會大D.......嗚~~~~~

>>January 11, 2004 at 10:50:54 AM GMT+8

2004 年 1 月 9 日 星期五 【乍雨乍晴】

今日重開番好耐冇用既留言版啊~~仲將個留言版LINK左個黎日記度TIM~~
大家搵下啦~~其實冇端端開番留言版~~真係冇乜特別意思家~~
只不過係神小童同我講有人係我留言版度留言~~我先至覺得奇怪~~
個版都荒廢左咁耐都有人去~~去到發覺原來係EOSS姐姐黎家~~
不過個留言都已經係五日前啦~~@.@~~唔好意思~~
今日仲整整個日記TIM啊~~好多野都想整~~無聊啊麻~~但好大工程~~
分黎整啦~~日記我會慢慢整家啦~~版版就整左老叮大雄~~仲有偉大而長青既天才既歌啊~~
係無盡既雨~~咪即係ENDLESS RAIN羅~~老叮同大雄都幾襯ENDLESS RAIN~~
因為會令人諗起男子漢既友情啊~~嗚~~~嗚~~~~聽親都有D想喊~~
睇LIVE就覺得仲慘~~不過我係點都唔會整FOREVER LOVE家啦~~因為我驚我真係會喊啊~~

P.S.今日神小童叫我睇新聞~~仲以為咩樹TIM~~
不槐為馬騮年啊~~真係發生左馬騮通山走既樹啊~~
神小童~~開唔開心啊~~話唔定依D係先兆啊~~今年你D馬騮仔將會係你面前出現啊~~

★大圍發現數十隻猴子★
1月 10日 星期六 21:10 更新

大圍顯田街一條小路下午發現大批猴子，為數超過三十隻。漁護署人員到場捕捉，不過未能成功。

下午一時許，有居民報警，指顯田街一條通往嘉田苑的小路發現大批猴子，牠們四處亂跑，
有些摘樹上果實，有些爬入學校。警方到場後，一面要求漁護署派人到場，一面勸籲市民莫走近猴子。

不過，漁護署人員到場打算捉猴子時，牠們不消五分鐘便四散逃去。

果然走得快啊~~HAHAHAHAHA~~^^~~

>>January 11, 2004 at 5:59:15 AM GMT+8