2004 年 1 月 26 日 星期一 【乍雨乍晴】

今日要番學啊~~真係慘~~個個都仲係屋企悶既時候~~我就要番學~~>.<~~
仲要咁鬼死凍凍TIM啊~~不過今日遲左起身啊~~九點半先番到學校~~
大家見到我好似好驚訝~~原來佢地以為我唔番啊~~我都想啊~~可惜唔得啦~~
第一堂係畫花堂~~但都已經成為大家既閒聊堂~~
因為大家已經好多日冇見過啦~~所以少不免會好多野講~~
同RAY哥哥講起依個陶喆既DVD~~係超正啊~~大家仲講起小aiko啊~~
新年流流聽佢唱歌又係幾咩既~~好老倒失意啊~~唔通係寂寞既季節~~
之後又係二堂傾計堂~~都係玩番KILLER~~依個好似已經成為入我地班必玩既遊戲~~
終於到左最後既MISS LEE堂啦~~今日話要織咩2X2纙紋~~HAHAHA~~好麻煩啊~-_________-"~
突然出現左一個好似偉哥既人~~啊~~唔通依個係佢失散多年既哥哥~~~~
原來唔係~~要一次過織五塊~~隻手好鬼累啊~~~之後先恐怖啊~~

佢地話去打太鼓啊~~仲要係夏祭最難啊~~@.@~~嘩~~依穫杰啦~~
神小童都黎左~~佢仲見唔到我TIM~~-__________-"~~
我同言承旭打到咁上下都已經近乎放棄既狀態啦~~真係超累啊~~
之後RAY哥就同埋偉哥霖霖去睇小飛俠~~本來我同神小童仲有言承旭加ZOE去睇熊之歷險家~~
點知ZOE後來話唔睇~~我同言承旭又覺得唔抵~~所以都係冇睇到~~

後來我同神小童去番港島區老家~~話晒港島區神小童熟D啊麻~~
我地第一站去左無印~~嗚~~嗚~~~柚柚真係冇晒啦~~太過份啦~~>.<~~
之後就番老家啦~~一路行神小童終於都講左點解佢"生不入機鋪死不入地獄"既原因啦~~
哦~~~原來係咁既~~我地去到老家之後~~就見到有好多新鋪啊~~大穫啦~~
好多野都想買啊~~好多日劇啊~~之後我地就買左"我MISS係大佬"梗係啦~~南宮娘娘~~小旬喎~~
而我就買左"向井荒太"其實我唔係鐘意堂本剛家~~只不過依套野係無線睇過~~超好睇啊~~
仲發現左一套好耐冇見既日劇~~又係超好睇家~~係我第一套睇既日劇黎家~~果時仲係小學生咋~
之後諗住唔再駛錢家啦~~點知比我同神小童發現左個袋~~都幾不錯家~~又唔係貴~~
到最後就梗係我地一人買左一個啦~~>.<~~又用左錢啦~~現場環境超級唔安全啊~~
所以要儘快撤退啊~~唔係錢包不保啊~~我地又去左第二老家啦~~
咦~~咦~~韋利士托流榮譽大電影"MISS杜十娘"出左啦~~DVD都唔係好貴家咋~~正啊~~
我地後來去左麥記度坐左陣~~之後就番屋企啦~~~
番到屋企好似有點唔舒服啊~~太郎仔打左電話黎~~我仲同佢報告左TOSHIYA既情況~~
之後睇埋"女人三十之戀愛革命"就訓啦~~話晒佢今晚大結局~~點都要睇埋~~
入到厚厚既被之後~~CA姐姐竟然打電話黎~~傾左一陣~~今次真係要訓啦~~
唔舒服啊~~要早D訓啊~~早抖~~~~-____________________-"~~~~~~~~~

P.S.今日知道左某D樹~~唉~~睇黎件樹越黎越大件啦~~要小心啊~~
仲要速戰速決TIM啊~~簡直就係同時間競賽啊~~要加油啦~~~^^~~~~~

>>January 28, 2004 at 7:09:49 AM GMT+8

2004 年 1 月 25 日 星期日 【乍雨乍晴】

大年初五啦~~今日係我地既妖怪相逢之日啊~~而且仲係我係新年期間第一次出街既日子啊~~
之前咁凍凍~~點出啊~~>.<~~所以如果唔係去玩我都唔會出家啦~~

今日我~~太郎仔~~米華姐同埋阿KIU姐~~一行四人去左尖咀某K房唱KK啊~~
其實我地都唔知係邊度家~~只不過係太郎仔帶路~~太郎仔~~~OUT~~OUT~~~~
本來CA姐姐都問我今日去唔去唱K家~~但佢實在太遲先叫我啦~~
琴晚先打黎叫我去唔去~~咁人地一早已經約左人家麻~~下次要早D啦~~
今日CA姐姐好似仲約左JOANNA姐姐同SUSAN姐姐加埋幫SIR四個去旺角唱啊~~

本來唱K之前我地仲相約去睇熊之歷險既早場家~~但由於我訓唔知醒既關係~~^^"~~
所以到最後都係佢地三個睇左先~~我之後去JOIN佢地~~梗係啦~~
睇鏢仔喎~~KIU姐姐梗係幾早都起到身家啦~~HAHAHAHA~~~
我地之後係尖咀地鐵站就一齊去啦~~其實我地都唔知點行~~只係一直跟住太郎仔~~@.@~~
依間K房係太郎仔上次同吉吉發現家~~好彩你地發現左咁正既地方咋~~
一入到房~~咦~~咦~~~不錯喎~~間房都OK大家~~但太郎仔就係度不斷咁搵個CONTROL~~
米華姐第一時間就睇下有咩食~~至於KIU姐姐就係度好似店小二咁落ORDER啦~~
搵到CONTROL之後~~米華姐就同KIU姐姐係度睇下有咩新歌~~
原來都有幾多新歌家喎~~只不過D冷門既就可能冇~~KIU姐姐咁好心~~
好心好報就梗係有啦~~HAHAHAHA~~唔知依首歌係咪阿賤對KIU姐姐既心聲呢~~
米華姐同KIU姐姐不斷地唱佢地既克勤哥哥仲有鏢仔既新歌~~
而我同太郎仔就好落力地搵下有咩日文歌唱~~~話晒依度係日文歌當道家麻~~

第一時間梗係搵個ゆ字啦~~HAHAHAHAHA~~好多ゆず啊~~~^^~~~
竟然連最新既步行者優先都有啊~~紫羅蘭又有喎~~~好開心啊~~~~好開心啊~~
咁就梗係一次過點晒佢地既歌先啦~~HAHAHA~~太郎就不繼咁點矢井田瞳同小aiko~~
第一首出既歌係步行者優先啊~~HAHAHA~~果然係會優先啊~~但係....個PV竟然唔係柚柚佢地....
PV入面既係日本版既加拿大國家公園~~有一男一女係度唔知做咩~~同首歌都冇關係既~-____-"~
不過算啦~~好過正版加拿大國家公園家啦~~但依首~~~我唔係好識唱~~~
所以好快到左下一首啦~~HAHAHAHAHA~~係戀之歌謠日啊~~仲要係有小岩澤同潤子既PV啊~~
好野~~好野~~大家見到都已經失控啦~~我仲忍唔住叫左出黎~~HAHAHA~~迷人既八二分界啊~~
依首我都叫做識得唱家~~所以第一時間就梗係打比CA姐姐啦~~KIU姐姐仲映埋相TIM啊~~
之後個首簡直係今日既主題啊~~係直到相逢之日啊~~除左同小岩澤之外~~仲有同老叮既相逢之日啊~~係大家既相逢之日啊~~^^~~
後來大家仲一齊唱好心好報TIM~~HAHAHA~~KIU姐姐就係度唱女聲~~我地三個就連咪都唔駛用~~
唱到戲玉既時候~~無拉拉有人走入黎收錢~~唉吔~~比人見到TIM~~個經理仲係度忍住唔笑出黎啊
廿二蚊咋~~都幾抵喎~~但收得錢既話即係淨番冇幾耐時間咋~~
咁我地就係咁點歌~~太郎仔唱步步~~矢井田瞳同埋小aiko既時候~~幾驚佢一命嗚呼啊~~
佢唱到勁辛苦~~唔同太郎仔想唱嗚呼!青春歲月?????@.@~
好彩今日都唱到いつかのMERRY X'MAS~~又唱到賤民既ARASHI~~
當然就係浪漫飛行既米米版啦~~~HAHAHAHA~~PV入面既阿嬋~~十足十日文班個個啊~~
本來我都想唱家~~但睇住個PV~~已經笑到唱唔到啦~~~>.<~~~
最後我地仲唱到鬼太郎TIM啊~~個PV仲要係第一版家~~老鼠男仲著緊藍色衫家~~
KIU姐姐又映左相啦~~係佢唯利是圖既樣子黎家~~HAHAHAHA~~~
後來睇下睇下~~竟然發現有天蝎座之女TIM啊~~HAHAHA~~但我同太郎仔都唔會唱家~~

之後就去左米華姐屋企拜年~~同佢媽媽講左話上去~~點知搞左差唔多成個鐘頭之後先上到去~~
因為陪左KIU姐姐去麥記度換阿堅尼啊~~但都唔知係咪鏢鏢既FANS太多啦~~
所以都係換唔到~~後來換左另外個隻~~睇黎麥記都幾唯利是圖喎~~個餐太少野啦~~>.<~~
我地仲行左去九龍城廣場買餅~~見到有抽獎~~仲以為中左~~原來係琴日個NO.~~
之後仲見到啤生既CD以賤價出售啊~~賤民就梗係以賤價啦~~HAHAHAHA~~
終於去到米華姐屋企啦~~佢媽媽仲問我地去左邊TIM啊~~搞到咁遲先上去~^^"~
我地係佢屋企係咁食年糕同埋朱古力~~之後仲一齊睇住TOSHI"B"A既電視~~
一齊唱取西經TIM~~~係"娶"西京啊~~HAHAHA~~~玩到咁上下~~係米華姐屋企羅左D碟就走啦~~
落到樓下~~米華姐請我地食串燒啊~~好好味啊~~^^~~之後我地再行多一陣~~
大家去到街口賣襪既地方~~大家都係度買襪~~我買左十蚊對同埋十蚊六對啊~~好抵啊~~
總之大家都有買啦~~今日仲買左個鏡盒TIM啊~~大家都話我今日買左好多野~~
梗係啦~~成個新年都未出過街~~梗係要買番D野啦~~HAHAHA~~
走既時候又遇到D唔好既事啦~~都唔知點解依排成日都遇到~~-________________-"~~
之後KIU姐姐要去阿芝屋企打邊爐~~咁大家就分開坐車歸家啦~~~

番到屋企既時候~~竟然發現煜兄同依莉姐都在家~~係喎~~今日係大佬生日喎~~
雖然琴晚已經食左蛋糕~~今日食多次都唔緊要啦~~~今日好似一整日都係度食同埋買野~~
之後大家仲談論二佬樣子似張如城~~聲線似王力宏~~但二佬好想二樣野調轉~~咁又係既~~^^"~~
都唔知點解~~又係睇忘不了同埋陶喆演唱會~~HAHAHA~~好睇啊~~~
後來佢地就要為明天養精蓄銳啦~~哈哈哈哈~~~~~~~

P.S.間K房太正啦~~為免佢執~~真係要去多幾次啦~~下次除左要練好歌之外~~
仲要睇埋歌詞講咩啊~~HAHAHA~~下次一定要睇到偉大而長青既天才大人碌地沙~~~

>>January 28, 2004 at 6:29:19 AM GMT+8

2004 年 1 月 24 日 星期六 【乍雨乍晴】

今日係年初四啊~~我本來可以訓到好遲先起身家~~但神小童一早就打電話黎叫我起身~~
今朝發了一個超級好既夢啊~~個夢簡直係我今年開始發到一等一第一個好夢啊~~
真係超級正啊~~HAHAHA~~個夢入面夢到厚仔同悠仁啊~~仲有就係見到神小童同五宮娘娘啊~~
好耐冇同厚厚悠仁係夢中相會啦~~不過個夢好奇怪同搞笑家~~前半PART係超幸福同開心家~~
後半PART係有少少惡夢成份家~~所以都有D驚~~-_______-"~~
好彩神小童打黎嘈醒我個時岩時間咋~~岩岩係有少少惡夢成份既個PART嘈醒我~~
如果你係前半PART嘈醒我~~話之你今年馬騮當道啊~~~都冇情講啊~~>.<~~
點都要唔睬你一個鐘家啦~~不過前半PART嘈醒我對你都冇好處~~因為我係見到伊崎太太啊麻^^
HAHAHAHAHAHAHAHA~~你自己要諗下啦~~你都想見下家啦~~~呵呵呵~~~~^o^~~~~~

之後起左身冇耐~~詩樂同阿姨就黎拜年啦~~~真係估唔到~~個時識佢仲係幼稚園~~
依家已經咁大個啦~~HAHAHAHAHA~~跟住神小童就黎左啦~~~
新年黎人屋企點可以兩手空空家~~連你最盛產既香蕉都冇~~@.@~~
不過見你羅左JOHNNY'S COUNTDOWN~~KINKI KIDS LIVE同埋今年紅白就算你啦~~
第一樣睇就梗係要睇紅白啦~~雖然已經睇左好多次~~今次唔同家~~係同二佬一齊睇家~~
睇完之後就係睇COUNTDOWN啦~~JOHNNY都真係啊~~個個好似耍雜耍咁~~勁啊~~~
不過JOHNNY D 歌又係幾好聽既~~可惜就係DL唔到啦~~唔制啊~~唔制啊~~>.<~~
小賤民都唔錯喎~~至於某D人就連賤民既行列都入唔到啦~~另外個個就更加唔駛講啦~~
佢唔配同厚厚悠仁生存係同一個地球度TIM啊~~我冇講邊個啊~~大家估下啦~~
之後睇KINKI KIDS先至驚啊~~點解三隻碟開黎開去都係同一度黎既~~@.@~~
但神小童話佢係屋企睇個時唔係咁家~~嗚~~嗚~~整黎整去都聽唔到我最想聽個首~~
太過份啦~~不過其實場LIVE都幾悶家~~ARASHI至少都可以笑下啊~~
可能我地唔鐘意KINKI KIDS啦~~所以覺得幾無聊~~但神小童就睇得好開心啦~~
因為佢既西宮小豆娘娘係後面伴舞啊麻~~真係醉翁之意不在酒啦~~~HAHAHAHA~~

睇完晒之後就梗係要巡視下我屋企既第一景點啦~~~我間鼻屎咁細既房啊~~
神小童去左睇D柚柚既CD同埋雜誌~~^^~~呵呵呵~~係上次買個本啊~~
之後第二景點就係部電腦啦~~佢係度搵下有咩好聽既歌~~然後就過入佢部MP3度~~
搞掂晒D野之後我地就去左行東港城啦~~佢想買鏡盒~~點知行晒都睇唔岩~~
之後佢就左二條鞋帶~~一條係閃粉紅~~一條係豹紋~~二隻都係代表小豆娘娘家~~
點知買個時見到KYILE~~我仲以為係以前中學既人~~點知係上年毅進識既~~^^"~~
搞錯左TIM啊~~~唔緊要啦~~之後我地仲睇中左個格仔袋TIM啊~~都不錯家~~
行完晒之後神小童先記得冇羅走老夫子~~所以到最後又係番番黎我屋企啦~~HAHAHA~~

P.S.今日係我咁多日以黎首次出街咋~~所以都係好凍啊~~>.<~~
其實個夢都係唔係咁好意思講出黎~~人地會怕羞~~面仔藍藍家麻~~
不過神小童依D唔知羞既就唔緊要~~~呵呵呵~~~

>>January 25, 2004 at 11:03:20 AM GMT+8

2004 年 1 月 23 日 星期五 【乍雨乍晴】

今日係大年初三啊~~唔係神小童講我知我都唔知今日係赤口TIM啊~~
赤咩口啊~~赤字就有~~我一年三百六十五日都係赤字TIM啦~~>.<~~
今日都係繼續過我DL既人生~~終於都DL到米米CLUB既浪漫飛行啦~~
但係後悔啦~~後悔冇聽太郎仔既勸告~~我係唔應該聽家~~
聽完之後第一個感覺就係好安逹充FEEL啊~~即係好青春咁~~大家向住夕陽既地方跑啊~~
HAHAHAHA~~聽完之後就覺得小DAISHI唱得真係好聽~~小AYAOH~O得仲好聽TIM~~
搞到好想睇下米米CLUB到底係咩人黎家~~咪上YAHOO度SEARCH下羅~~
嘩~~~原來有成十幾人家~~各位仲要係好實力派家~~唔緊要~~反正我都唔鐘意偶像派既~~
聽過三個版本之後~~我最鐘意都係ROCK版~~之後就係POP版~~至於米版咪第三鐘意羅~~
聽聽下歌之際~~太郎仔無拉拉打電話比我~~原來佢黎左我屋企附近拜年啊~~
佢話好悶想上黎~~上啦上啦~~反正我都好悶~~佢今日好開心啊~~除左上黎我度之外~~
就係比佢見到一個人.......HAHAHAHAHA~~佢一上到黎就梗係睇下雜誌同聽下小DAISHI把聲啦~~
之後大家咪開電視睇羅~~點知發現紅白又重做啦~~咦咦~~仲未出柚柚家~~好野~~好野~~
可以睇多次啦~~但好可惜已經出左美男啦~~(太郎仔話開學之佢都可以繼續叫美男)
柚柚原來係美人之後~~真係睇幾多次都係咁好睇啊~~HAHAHAHAHA~~^^~~
仲有小aiko同小織織都係啊~~後來我地先發覺~~原來係個係足版黎家~~@.@~~
之前個個得三個鐘~~依個做成五個鐘家~~有冇搞錯~~不過都唔緊要啦~~
反正之前睇個時都冇cut到我想睇個d就得家啦~~我諗佢都係cut左d演歌既者~~hahaha~~
睇到七點度~~太郎仔就要走啦~~之後我都冇繼續睇lu~~想睇個d都出左羅~~

P.S.依幾日我都好忙咁整番個HP啊~~係之前整個個啊~~唔想浪費~~
而且又可以當係我D野既BACKUP~~咁都唔錯啊~~
所以我會比心機整家啦......今次~~希望可以快D整完啦~^^~

>>January 24, 2004 at 1:53:35 PM GMT+8

2004 年 1 月 22 日 星期四 【乍雨乍晴】

今日係大年初二啊~~所以我都係訓到好遲先起身啊~~
一起身就見到電視係度做富貴再迫人~~HAHAHAHA~~好耐冇睇啦~~
本來媽媽要我出去拜年家~~但咁凍梗係唔去啦~~
琴晚睇完紅白~~發覺有好多歌都幾好聽~~所以為左佢地我就展開左DL既人生啦~~
大佬就去左送尊貴既人走啦~~點知係佢番黎既時候竟然帶多左D野番黎~~
係CA姐姐其中一位喜歡既人(絕對唔可以話係佢愛人~~唔係性命不保....)
陶喆香港演唱會既DVD~~仲有一隻就係張柏芝既忘不了~~~@.@
真係估唔到大佬會買依D~~悶到爆啊~~所以我地就開左隻演唱會黎睇~~
陶喆好正啊~~D歌唔止好聽~~佢唱現場簡直係一流啊~~勁~~>.<~~
有一首歌好搞笑家~~叫MY ANATA~~我同大佬都係度研究到底係咪唱緊日文~~
好似有D係日文~~有D係閩南話~~厲害到啊~~~勁啊~~~陶喆~~~
最記得有一幕~~係佢問現場既女仔羅潤唇膏~~佢仲用完比番D女仔~~
D女仔癲到啊~~有個女仔仲幫佢搽TIM啊~~陶喆仲咀左佢一啖~~
我同大佬都係度研究~~如果個女仔係CA姐姐~~佢一定唔止做咁少野~~
我大佬仲問我如果果個係厚厚或者係悠仁我會點~~HAHAHAHAHA~~依D野仲駛講既~~~
梗係第一時間衝過去啦~~依D野講到明就噚啦~~搞到人地面仔藍藍TIM~~^^"~~
大佬既另一個假設就係果個係吳彥祖~~依個難D~~可能埋唔到佢身~~
因為香港既女仔實在太瘋狂啦~~我地係度講緊CA姐會點做既時候~~
突然有個女仔衝出去捉住陶喆~~個女仔同CA姐有D似家~~
我同大佬都第一時間問"果個係咪CA姐黎家???"可能係佢既分身黎家~~@.@~~

睇完陶喆之後~~咁我就入左房啦~~但係房突然聽到把好熟既聲音~~就即刻衝番出房~~
係厚厚同悠仁啊~~原來我大佬開紫羅蘭既演唱會啊~~大佬仲好驚訝我咁都聽到~~
梗係啦~~你開親佢地我都聽到啊~~所以我地又睇多次啦~~
諗落紫羅蘭都幾抵~~買左番黎都唔記得睇第幾次啦~~次次想搵野睇就係開紫羅蘭~~
反而巨蛋都冇開咁多次TIM啊~~^^~~其實我地都想睇LAST LIVE家~~
只不過有人將佢同九二都借左比人啦~~>.<~~~好掛住偉大而長青既天才大人啊~~
仲有小辣椒同埋PATA~~HEATH~~至於個個等CA姐姐掛啦~~
睇咁多次~~都係覺得"青"依首歌正到不得了~~大佬仲話如果佢地黎香港~~佢一定會去~~
我何止會去啊~~唔番工唔番學都要去啊~~仲要儲錢買最貴個隻飛TIM啊~~
因為我對你地既愛係長存家~~為你地係值得家~~~~~~~~~

講起演唱會~~聽米華姐講隱藏人物好似今年都會開演唱會TIM啊~~
我同大佬講我可能去睇~~佢仲話我都真係幾長情喎~~梗係啦~~長存家麻~~
唔知係咪真係開呢~~我大佬都好驚訝我竟然會羅錢睇演唱會~~咁都要睇下值唔值既~~

今日真係凍到離晒譜啊~~大佬本來仲問我明天行唔行山~~唔係掛~~你冇野啊~~
本來我地諗住挑戰神小童係十度著短褲仔家~~大佬話如果我依個係屋企都要著羽"擁"既人~~
可以著住短裙仔係屋企樓下行一圈既話~~就比五百~~梗係唔得啦~~~
一係就玩大D~~佢請我過日本既話~~我著短衫短褲行到去對面南豐廣場都得啊~~~
點知大佬又唔肯喎~~~HAHAHAHA~~~你估我真係會咩~~~因為我知你一定唔會請我去日本既~~
如果你真係請既話~~我諗我係做得出家~~~HAHAHAHAHAHAHAHA~~~~^^"~~~

P.S.依排覺得WHITEBERRY D歌都幾好聽啊~~
都唔知點解~~自從琴日發表完愛的宣言~~個個都係我日記到發表既~~
果然係要有人講先~~其他人先會跟住講~~HAHAHA~~我不入地獄誰入地獄啊~~~
HAHAHAHAHA~~~大家唔好咁怕羞先得家~~唔係五宮娘娘唔歡喜家~~小辣椒都唔高興家~~
至於小朋友同小朋友仔就唔駛講啦~~太郎仔成日都係度講家啦~~佢有邊一刻唔講啊~~HAHAHA~

>>January 24, 2004 at 1:37:15 PM GMT+8

2004 年 1 月 22 日 星期四 【乍雨乍晴】

岩岩睇完今年既紅白~~簡直係正啊~~無得頂啊~~不枉我等左咁耐~~^^~~
首先第一個係BoA~~點解會係佢家~~之後既就係wind-s~~第三個係果個超級賤女人~~ -_____-"
有冇搞錯啊~~仲未有我想睇個D啊~~咁我咪同神小童一路傾電話一路等羅~~
大家一齊係度不斷咁談論佢地~~跟住冇拉拉全場黑晒~~原來係美男既出場啊~(好難得今日翻生)
佢唱歌都幾好聽家~~佢首歌叫LAST SONG~~咁似偉大而長青既天才大人首歌既~~
咁我咪同神小童講起美男既歷史~~講佢點樣又一個美男~~變做一個賤民~~仲要係大個隻~~
神小童都覺得佢唔錯家~~咁我都覺得唔錯~~只不過佢係賤者~~
之後神小童話要去沖涼~~咁我地就收左線啦~~過左一陣我就打比太郎仔啦~~
同太郎仔一路講番大賤民一路等我最想見個個人~~^^~~點知講講下~~
太郎仔突然好緊張咁係咁講"出啦~~出啦~~柚子啊~~"啊~~~~(尖叫)~~終於都出啦~~
等左一個鐘頭零十五分啦~~你地都終於出啦~~嗚~~嗚~~~~終於出啦~~~
佢地係橫濱既街頭度唱啊~~係佢地出道既地方啊~~咁都好既~~佢地係襯室外多過室內既~~
不過好凍啊~~你地唔好凍襯啊~~>.<~~嘩~~成條商店街都塞晒人啊~~咁又係~~三千幾人喎~~
分分鐘仲多過係紅白現場個D人啊~~呵呵呵~~今日佢兩個都超得啊~~其實成日都得家啦~~
佢兩個都著左件有帽既衫啊~~仲要有毛TIM家頂帽~~^^~~悠仁個髮型好正啊~~厚厚既就唔駛講啦~~依D野講到明就噚啦~~呵呵呵~~
佢地唱左三首歌啊~~其他人都只係唱一首仲係得半首~~不過佢地係串熱咁唱~~都好啦~~
係佢地既校歌"夏色"~~新歌"濃"~~同埋老叮歌"直到相逢之日"啊~~真係假如愛"柚"天意羅~~
好正啊~~佢地唱現場都係咁正啊~~但好快就唱完啦~~>3<~~嗚~~~唔制啊~~~
雖然佢地有三首歌~~但好快就唱完啦~~我仲未聽完家~~應該CUT下D二打六啊麻~~
紅白真係唔識做啊~~不過好彩神小童有錄到~~遲下可以再睇過~~^O^~~
有線真係好啊~~咁樣就可以慳番一百蚊啦~~咁多年紅白都冇乜睇~~係今年先多野睇~~
有小aiko~~小織織~~平井堅都唔錯~~太郎仔好鐘意既美人同美男~~
仲有厚厚好鐘意既長淵剛(我知點解厚厚咁鐘意佢啦~^^~)
可惜冇神小童既五宮娘娘~~不過就有smap同女子十二樂坊~~
依d都唔緊要~~最重要有我最愛既柚柚佢地啊麻~~我對你地既愛係長存家<=首次既愛的宣言~~
紅白真係識做~~將SMAP放最後~~搞到我為左首"世上唯一的花"等到二點~~
之後就梗係白組大穫全勝啦~~白組咁多勁人~~紅組梗係比下去啦~~HAHAHAHA~~

P.S.今年紅白好好睇啊~~唔知下年又好唔好睇呢~~不過今年紅白都發現有好多歌都幾好聽~~
所以我大要為左佢地展開我DL既人生啦~~HAHAHAHAHA~~^^"~~唔緊要~~~只要係好歌~~
邊個唱都冇所謂~~今次發現了ZONE有首歌真係幾好聽啊~~不錯啊~~可惜佢地要解散啊~~
解散又令我諗番起九七年既紅白啊~~偉大而長青既天才大人~~真係好想買番黎睇啊~~

>>January 23, 2004 at 10:05:40 AM GMT+8

2004 年 1 月 21 日 星期三 【乍雨乍晴】

琴晚過左去依莉姐姐個度拜早年啊~~仲同左阿煜兄個仔???阿田比玩TIM啊~~
佢真係超可愛啊~~搞到我二佬爭住要認做佢老豆~~真係估唔到原來我二佬係咁鐘意小朋友家~~
佢真係勁鐘意比比啊~~係咁叫比比叫佢做老豆~~-_______-"~~乜原來我二佬鐘意細路仔家~~
照佢平時既表現真係睇唔出~~係既話~~唔知我幾時可以做姑姐呢~~HAHAHAHA~~
佢地玩完比比之後就打PS2啦~~我都有玩~~真係正啦~~我地玩BOMB MAN都玩左好耐~~
大佬同二佬玩完之後都話不如我地買番部啦~~係就梗係好啦~~有既話我一定要玩太鼓~~
之後佢地話要去行花市~~但我覺得太凍啦~~所以都係唔去啦~~~

今日係大年初一啊~~祝各位睇我日記既朋友~~
新年快樂~~身體健康~~心想事成~~最緊要既就梗係個個都財源滾滾來啦~~^^~~
由於係大年初一~~所以我訓到二點幾先起身~~^^"~~
一起到身都冇乜好做~~咪同大佬二佬琴姐一齊睇電視~~
睇到咁上下依琪一家黎左拜年~~但我一直都係大佬房度整阿KIU姐既相~~
反正開左SCANER~~咁咪SCAN埋之前我地映既貼紙相羅~~HAHAHAHA~~
整完相之後我地就做番我地屋企閒時既家庭活動~~打麻雀~~^^~~
今次打左唔係好耐~~但全程都係琴姐同大佬食~~媽媽全程出沖~~
琴姐就勁啦~~食左好多啊~~>.<~~尊貴既人果然唔同D既~~神小童你就可憐啦~~
你食就不同佢食啦~~佢係尊貴既人~~你依D SMALL POTATO~~HAHAHA~~

食左飯之後我仲同爸爸媽媽落去吉之島街街TIM啊~~好少呵啊~~
我仲買左件衫~~係外套黎家~~今次又係紫色啊~~今年好多都係紫色~~
就連我睇中個個袋都係紫色家~~HAHAHAHA~~

P.S.前日終於都DL到夏祭啦~~好開心啊~~真係好聽~~
今年第一個出世既係馬騮仔黎家~~^^~~
而且仲有神小童既娘娘扮馬騮TIM啊~~

★KAT-TUN 做 開 心 快 活 人★
尊 尼 少 男 組 合 KAT-TUN ， 認 真 識 得 逗 人 開 心 ， 成 員 中 丸 雄 一 帶 頭 整 張 賀 年 卡 送 畀 fans ，
佢 重 拉 埋 成 班 兄 弟 扮 馬 騮 影 相 ，
而 中 丸 自 己 就 化 身 小 馬 騮 班 大 馬 騮 頭 上 四 圍 走 ，
重 寫 埋 大 字 請 大 家 今 年 多 多 關 照 ， 夠 應 節 之 餘 ， 真 係 夠 晒 得 意 同 熱 鬧 。

>>January 22, 2004 at 1:22:34 PM GMT+8

2004 年 1 月 20 日 星期二 【乍雨乍晴】

搵到~★大丈夫★~既歌詞啦~~

大丈夫可否有想過 一生女伴共多少
大丈夫一生有幾次 遇到{Kelly}談心事
我有無邊毅力 瞞住老婆搵o野食
立誓爭取每一分秒 找個女伴渡春宵

Rap:
今晚生事 不怕出事
三個麻甩一個靚”ken” 出o黎攪事
佢o地今後總共加埋有十幾個鐘
點都要諗盡辦法出o黎放鬆
小弟見到魔鬼身材大叫[嘩]
當佢貼到埋身已經[啞]正
所謂唔賭唔知時運到 唔滾唔知身體好

神婆通知有夫之婦 衰佬有人陪他訓
臨時拉夫搵出真相 誓要緝拿老公仔
我有無邊毅力 防禦你會搵o野食
立誓收起切膚之痛 "當"左你路邊處死

Rap:
標青靚女oh yes! 差o的半裸 woow
左邊銷魂 右邊惹火 "羅"手袋宵夜直落仲啜到實
發現有唔對路見到老婆腳步走過橋底窄巷重要走出馬路
今次真係唔飲唔知有幾勁 唔走唔知腳力好 (腳力好!)

大丈夫可否有想過 身邊老婆早已知(知咩呀?咩事呀??)
大丈夫一生有幾次 面對honey 和baby?(今晚唔駛陪老闆咩?)
每次行街食飯 無盡悔意湧現(做咩呀!!做?窺心事呀??)
立誓今生永不失禮 敷衍永不折腰
立誓今生永不失禮 真心永不折腰
立誓今生永不失禮 磊落永不折腰

>>January 21, 2004 at 5:38:55 PM GMT+8

2004 年 1 月 20 日 星期二 【乍雨乍晴】

琴晚後來同太郎仔傾番個間K既野~~點知原來係有好多我好鐘意既歌家~~
包括D動畫歌啊~~仲有既就係原來小朋友仔首浪漫飛行係翻唱家~~@.@~~估唔到啊~~

今日係年三十晚啊~~但學校竟然仲要番學~~真係太過份啦~~放多日都唔得~~
駛唔駛咁孤寒啊~~唉~~我地就真係慘啦~~嗚~~~冇陰公啊~~~
不過今日我一早就已經計劃好啦~~就係早走啦~~HAHAHAHA~~~
大家其實都諗住早走家啦~~只不過個個都要番去織埋塊布先者~~
今日又係又一TAKE過~~完全唔駛落布啊~~仲收埋針TIM啊~~就係咁~~蝴蝶繩比我KO左啦~~^^
不過今日都幾少人番喎~~可能大家都想早D過年啦~~
小息既時候我係度起勢咁幫霖霖拆頸巾~~真係對佢唔住~~佢織左咁耐~~
但因為買唔番舊冷~~所以唯有拆左佢啦~~佢仲另外比人昆左買一舊唔同色既冷TIM啊>.<~~
唔緊要啦~~霖霖~~我覺得你可以織得番既~~以你既手勢~~加油啊~~^^~~
本來仲諗住係阿江SIR堂織TIM~~點知比朱翁借左堂啊~~>.<~~太過份啦~~~
佢真係勁煩~~點知今日派番上次佢地上堂做個份功課~~我仲以為朱翁整唔見左我個份~~
搞到我係度勁橕~~後來先至諗番起上堂我都冇番學~~^^"~~
好彩霖霖同偉哥佢地都係度幫我橕咋~~但勢估唔到朱翁竟然去搵番點名簿~~-_______-"~~
佢真係乜都做得出啊~~你好野啦~~真係冇晒野講啦~~

之後係LUNCH既時候~~RAY哥話反正大家都早走~~不如出去食餐好D既.....搞到好似咩咁....
所以我地就走左去新都會既好好度食啦~~今日神小童黎接我放學家~~
所以佢都有去食~~我叫左個雲吞面食~~都唔錯喎~~D雲吞好正啊~~HAHAHAHAHA~~
大家一路食一路係度講朱翁D野~~梗係啦佢咁多野比人講~~
食飽之後~~我同神小童就走先啦~~本來話要去旺角家~~點知佢話想行一行葵芳~~
所以我地都行左一陣葵芳~~係葵芳商場入面竟然有神小童既四宮娘娘既相賣啊~~
仲有既就迷人偉大而長青既天才YOSHIKI大人~~同埋小辣椒~~@.@~~仲要有幾多下TIM啊~~
想不到仲有太郎仔既小朋友~~好意外啊~~我仲第一時間打比佢TIM~~
但最後我地都冇買到~~間野都冇開門~~>.<~~之後仲係另一間賣CD既鋪頭~~
見到一D好似係台版既VCD同CD~~有信和個隻小辣椒啊~~依度只係賣三十~~信和要五十家~~
睇黎葵芳都係一個不錯既地方~~可惜老叮個套火車冇左啦~~唔制啊我~~嗚~~~~

之後真係諗住走家啦~~點知係新都會戲院見到鬼馬狂想曲~~我同神小童都突然好想睇~~
咁樣就買左飛入場啦~~本來想叫埋CA姐姐家~~但諗起CA姐姐今日要番工~~
所以都係冇打比佢啦~~不過~~CA姐姐唔緊要家~~因為套野冇想像中咁好睇~~
個四隻野已經夠乞我憎家啦~~而且個故事都好散~~又係笑完都唔知做緊乜咁~~
好似上年睇完行運超人出黎既反應~~所以我都係勸各位唔好浪費重要既金錢啦~~
做得最好既都係劉青雲~~吳鎮宇同埋張柏芝~~其他就........HAHAHAHAHA~~~

睇完戲真係要過旺角啦~~本來我係想買個袋家~~但去到聯合同旺中門口見到好多人~~
所以都係唔入去~~最後都係去番信和巡視業務~~估唔到最後都係照番平時既路線~~^^"~~
其實係東京既時候已經諗住如果買唔到袋就買個本柚柚家啦~~
點知去到黑店既時候~~見到同一本只係賣三十蚊咋~~東京要賣四十~~另一間都係~~@.@~~
估唔到黑店係最平啊~~所以都係賣左啦~~HAHAHAHA~~好開心啊~~~呵呵呵~~~
神小童都有收穫家~~佢賣左二隻GAME~~同埋D娘娘既相~~(其實依D野都唔知同新年有咩關)
我冇買到袋啊~~因為已經唔夠時間啦~~所以都係番屋企食團年飯~~^^~~

P.S.多謝神小童送既野啊~~^^~~好得意啊~~呵呵呵~~
原來天下西宮皆一樣~~~大王~~~~你竟然因為東宮殘左少少就唔理佢~~果然係無頭東宮啊~~
唔緊要家~~小右娘娘~~大王最後都有買到你既相啊~~證明大王既心都係偏右家~~^^~~

>>January 21, 2004 at 5:36:43 PM GMT+8

2004 年 1 月 19 日 星期一 【乍雨乍晴】

今日真係超勁凍啊~~真係太過份啦~~咁凍都要人番學~~>.<~~
今日唔知點解~~好似唔係好眼訓咋喎~~第一堂畫花堂竟然冇訓到喎~~呵呵~~
不過之後既M堂同張SIR堂就大穫D啦~~勁悶啊~~
所以我地都係繼續玩我地既KILLER~~YEAH!!!!~~不過太少人玩啦~~
如果可以多D人一齊玩就好啦~~哈哈哈~~~~
大家今日番到去都仲有講番開放日既野~~阿MILK話將D相燒落隻碟度比我地喎~~
唔該你啊MILK~~咁樣就好啦~~因為我係一個收唔到FILE家~~嗚~~嗚~~~~

之後係MISS LEE堂既時候啦~~今日係挑戰蝴蝶繩~~MISS淨係係度講偷食~~
又唔教人點偷喎~~咁點食啊~~－＿＿＿＿＿＿－”~~~
就係依個時候~~太郎仔無拉拉打電話黎喎~~原來佢係黎同我報告下佢今日既行踪家~~
佢今日去左唱K啊~~個間K房有好多日文歌唱家~~所以佢唱完即係打黎比我~~
而最令我振奮既係~~竟然有戀之歌謠日啊~~HAHAHAHA~~仲有飛不起的鳥啊~~@.@~~
估唔到~~真係估唔到啊~~而最估唔到既係竟然有紫羅蘭同埋步行者優先啊~~咁新都有~~
勁啊~~太正啦~~我下次一定要去見柚柚~~唔知有冇偉大而長青既天才大人既歌呢????
有既大家就要一齊去X下啦~~X~~去感覺~~X~~去叫喊~~X~~拋棄一切~~~~好野~~
不過~~太郎仔話要有心理準備~~因為飛不起的鳥並唔係柚柚佢地黎家~~
但好彩都唔係爸爸級既加拿大國家公園~~只不過係D日本後生仔係度行黎行去者~~
好開心啊~~又唔係貴喎~~太好啦~~HAHAHAHAHAHAHAHA~~

之後放學霖霖同偉哥就問我地去唔去打機~~原來佢地上次去打太豉機既時候~~
竟然挑戰夏祭最難個級喎~~勁啊~~所以我同源源仲有白白同埋ZOE加埋偉哥霖霖去機鋪啦~~
去到機鋪既時候~~我同源源玩先~~第一首就玩ONE PIECE~~第二首就玩GET WILD~~
第三首就係夏祭啦~~初頭慢個度都OK家~~但一到快個時...........大穫啦~~
我都唔知講咩好~~我淨係知自己隻手係度不斷打~~好似冇停過咁~~
根本已經冇睇住黎打啦~~我淨係見到有好多連打~~@.@~~
真係打到我同源源死咁濟~~好~~~我地要苦練下依首歌~~
之後就輪到霖霖同偉哥打啦~~佢地打既歌同我地係一樣家~~
佢地都有打夏祭啊~~真係勇氣可嘉啊~~勁啊~~但霖霖已經打到有D發皮四啦~~
不過打依首歌係要付出代價家~~我左右手都郁唔到啊~~嗚~~~~~分唔到左右啦~~
好似オロチ まる咁~~~用唔到左右手~~結唔到印啊~~不過唔緊要啦~~我又唔係佢~~^^"~~
打完機之後~~我就幫霖霖去換冷啦~~點知佢個舊已經賣晒~~HAHAHAHA~~個老細又認得我啦~~

P.S.今晚又係超勁凍啊~~好凍啊~~好凍啊~~明天真係好唔想番學~~
但又一定要番喎~~真係慘啦~~嗚~~嗚~~~~唔制啊~~唔制啊~~~>.<~~~
明天下午會逃學啊~~唔知大家又會唔會走呢???話晒明天係年三十晚啊麻~~
不過我諗明天早上大家都一定會番~~因為大家仲織緊布家麻~~大家都要加油啊~~^^~~

>>January 20, 2004 at 12:39:41 PM GMT+8