2003 年 10 月 7 日 星期二 【微冷】

嗯...好眼訓呀~琴日四點幾先訓,跟住訓得幾個鐘就要起身了! 個ca做得幾辛苦,因為聽唔明阿sir講乜,唯有自己睇完再做. 原來自己理解仲好,唔駛比佢愈搞愈亂~不過就要花上好幾個小時喇! 依家差不多天天放五點半,番到屋企都好夜lu...又要食飯,沖涼...根本無乜時間溫書做功課! 唉~~講完一大堆廢話lu~

無得去南沙,唔駛返學o個個禮拜我要努力溫習, 考好個lcci~嗯!努力\^0^/

今日收左cora個e-mail, 篇文章幾好,又有音樂伴住. 其中有幾段我幾鍾意! 就係以下呢幾段喇!

"汽車音響裡傳出了哀怨的歌聲，我的心不後悔，反反復復都是為了你，千紙鶴，千份情，在風裡飛......."
情願繁星點點，跨越銀河能否與妳相見？
不怕遙遠，只盼此刻飛奔到妳身邊。
往事如煙，魂縈夢牽，增添我心中思念；縱然追尋萬年，今生的情緣不變！

放在糖果旁的是 我很想回憶的甜
然而過濾了你和我 淪落面成美
沉在盒子裏的是你 給我的快樂
我很想記得可是我記不得

摘不到的星星，總是最閃亮的。
溜掉的小魚，總是最美麗的。
錯過的電影，總是最好看的。
失去的情人，總是最懂我的....

人總是在失去時才會懂得珍惜

用「心」去感受 ~ 其實「幸福」就在你身邊 ！

^^衷心希望我的每一個朋友能夠找到真正的愛, 有情人終成眷屬, 幸福快活地一起! 緣份總會找到我們-----在適當的時間, 適當的場合, 適當的人物及適當的心情!


>>October 8, 2003 at 1:04:01 PM GMT+8

2003 年 10 月 2 日 星期四 【晴】

剛收到壞消息的我, 一如以往, 衝動, 情緒化的我. 真的差點又會做出令自己後悔的事. 幸好時間與地點不配合, 幸好我有一對非常了解我的父母. 我最愛的是自己, 同時最能夠安慰我的亦是自己. 我的父母很明白我的心情, 知道我需要靜下來的空間, 他們不會一直在旁邊嚕嗦. 我亦知道自己很衝動, 但只要給我空間靜下來, 讓我自己一個去思考及反省, 很快就會沒事的了. 其實我覺得這是一個很好的相處方式, 至少不會傷害到人!
長大了, 經過這次, 我更加體會到父母表達愛的方式. 他們不會直接的安慰你說"不要不開心~"之類的話. 反而他們不會去提, 會用行動去安慰我. 我看得出他們的心情也被我影響了! 當初那種一聽到這消息就什麼都做不下去,甚至好像整個世界都停頓了這種想法實在太幼稚了! 如果因為不能與朋友同行五天就失去友誼的話, 這段友情未免太脆弱了吧! 況且, 人的眼光應該要看遠一點, 當我的步伐停了下來時, 別人已經迎頭趕上了! 人生還有很多路要走,如果因為這一點芝麻小事而感到沮喪及悲哀, 那也未免太不成熟了吧!
由這一次, 令我體會到人生存於世上, 朋友是過路人, 終有一天都要自己一個向前衝. 更加因為今次, 提醒我不可以做一個弱者! 好好看著我的將來! 我會變的很強, 很有主見, 有事業的女人!
自從年幾前的事, 在這段期間不斷改變我的價值觀, 思想及性格. 我深信這是天父的安排, 這是祂精心為我設計的路, 祂一定給予我最好的!
我相信將來有一天, 若果我喜歡的人有深愛的人, 我一定會真心的祝福他倆白頭到老, 長長久久. 因為我明暸緣份不可強求! 正如我現在會祝福我的朋友們在china trip玩得開開心心, 我等著你們回來, 讓我分享你們的一點一滴. 這段期間, 我會祈禱, 求天父保護你們有一個愉快的旅程, 平平安安, 開開心心地回來.


>>October 3, 2003 at 7:22:09 PM GMT+8

2003 年 9 月 27 日 星期六 【晴】

呢篇日記應該琴日寫o既, 不過琴日實在太累喇,閉上眼就已經可以睡著了....
琴日好開心呀~同aggie, cora, cynathia 行街, 我希望下次可以多d時間慢慢行, 同埋下次就知道想去邊度架喇! 仲有呀,下一次你地無拎住咁大個袋,就唔駛行得咁辛苦啦!^^ 我買左兩件衫呀,又有收獲喇! 我唔係亂買野架, 我睇過便宜先買架! 我個範圍通常都係二十幾,三十幾一件, 又靚又舒服喎! 今日先知 (應該係琴日..), 原來花園街唔好行, d野又貴過人, 款式又普通, 又行得辛苦喎! 如果我行旺角, 我會行旺角中心, 又多野, 又便宜, 又多款式! 仲會撞到人tim...^^
哈....我今日唔駛出去幫手拎書呀, janice, jeffie~辛苦晒你地喇~^^好似好衰tim...不過呢幾日都好熱呀, 又曬喎! 如果我出都係夜晚先出啦, 涼爽d..不過好似仲未可以去夜街喎...況且我唔鍾意星期日出街架, 好多人呀,我唔鍾意白天咁嘈架, 我會發脾氣架, 夜晚就好d, 我都係鍾意夜生活o既人黎架, 阿媽都係咁話我! 所以鬧我...
o岩o岩食完飯喇~飽飽, 等陣間仲要落去買野(太陽落山先..), 有冷氣同埋響商場裡面,又響樓下,唔係好遠我先去咋! 番黎拖地...(拖唔拖好呢?), 拖一次好鬼死辛苦架! 不過阿爸阿媽聽日番喇~要執乾淨d先得. 其實我都唔係搞到好亂o者, 都唔駛點執啦...
cora~我緊係知你係邊個啦! 琴日先行完街, 不過下次都係等你出左糧先一齊出街lu, 如果唔係你會行得好快架...真係"行街"架咋 (響條街到行!). 國慶同阿爸阿媽一齊, 無咩特別. 蒲就未到我喇, 將來大個先啦~
annie呀~~我唔該你話下你細佬啦~~~唉! 真係...
zoey, 最衰我唔係住屯門啦, 如果唔係我實同你一齊番學o既! 咁你唔駛日日都咁唔耐煩地等巴士. 有人陪你一齊!^^仲有呀, 你記住今晚抽locker呀,我抽到會話比你知, 你記住比你個timetable我呀, 阿俊伯伯:p話去我地到打波呀, 我地要夾時間lu!^^好開心呀~諗起就開心lu..

>>September 28, 2003 at 7:15:19 AM GMT+8

2003 年 9 月 23 日 星期二 【微冷】

風, 真的會牽起很多的思念! 若果時光倒流, 我選擇的仍然是你嗎? 可能會, 但會更長久! 長久到自然分開的一天! 若果我們一直一起至今, 兩年前, 若果我們仍然一起, 你會否開始嫌棄我?
風會牽起思念, 亦能帶走傷悲!

>>September 24, 2003 at 5:58:02 PM GMT+8

2003 年 9 月 23 日 星期二 【晴】

今天是星期三, 嗯嗯! 正在提醒自己!
cynthia~~哈哈, 我今次無串錯喇, 哈~~無計啦, 我都無你個英文名, 所以咪靠自己拼出黎o羅! 哈哈..都拼得幾似呀!^^唔係你點會知我係講緊你o者!?
今天風很大, 又再想起你. 不知道為何, 每次當風大的日子, 每次當秋天來臨的時候, 總是不經意的想起你. 自從你之后, 我發覺我有時候會很討厭男生, 尤其是完全不認識的行人. 相熟的還好, 這種無緣無故的厭惡令自己有點兒矛盾....想起你, 近來都想起你! 一幕幕與你一起的回憶...我想要那種感覺, 失去了你, 連那種感覺都一併失去! 縱然很少很少, 反倒令我更加小心地保存在腦袋的一角. 不定時地拿出來播放, 看了一次再看一次....從不厭倦. 因為我和你的時光只有很少很少, 真是少得差點捉不住, 好像隨時會在我不留神時悄悄地離去似的...! 我真的無法不想起你, 但我並沒有因此而變得沮喪, 我沒有荒廢度日. 如果你看到現在的我, 會否感到很欣慰? 我相信, 若果你正在看著我, 你會比任何人更加了解我現在的心情. 因為你在天上, 看得比地上的人更加清楚. 這就是旁觀者清!

>>September 24, 2003 at 5:08:42 PM GMT+8

2003 年 9 月 22 日 星期一 【微冷】

嗯...呢幾排都唔知仲乜, 好似覺得d記憶漸漸地離我而去. 明明昨天發生的事, 要記起時, 第一句就問自己昨天做過什麼. 然後努力地記起昨天是星期幾, 再很努力地挽回那些回憶時, 仍然是空白一片....要良久才記得原來昨天上過堂, 但跟著就忘記了昨天和誰乘小巴, 記起時又好像和今天的情景混淆了! 當shan同vicky講起曾經一起逛街時, 我的腦海又是一片空白....良久...記憶才逐漸恢復!...平時, 明明對自己說一會兒要去做什麼, 但就在轉過頭一秒后又忘記了...但腦海又記得是有些事情要做的...(說了一大堆很抽象的廢話...)是否近來缺少了某一種營養, 還是.....最好是我近來少吃菜而不是某個原因引致. 因為我不想我的回憶慢慢地流走, 昔日與同學的點點滴滴, 我要留住! 我已經不是日日吃通粉的了, 今日有吃飯啊!
今日上完第二次的business law后, 瞬間, 我忽然好像醒悟了似地想通了一些事. 原來我的路不是直行的, 我還有很多條路給我選擇. 將來的事, 今日永遠也沒有人能夠有一個肯定的答案.
不知怎的, 看了朋友的日記后, 有種想法(今天成日想東想西...). 其實, 身邊的朋友是否真的坦誠對待...好像...回想以前...真的...每一個朋友都對我的語氣都很禮貌, 粗俗的說話永遠也不會在我面前說的. 不論男女, 他們都不會這樣對我, 這樣是好還是壞? 反而, 他們對待其他朋友就會盡說粗俗的說話, 但我倒覺得他們這樣的方式交談會否代表彼此都十分了解對方. 因此可以放開心胸, 以真正的性格交朋友...是否這才算是好朋友呢?...一切表露無遺, 友誼才能不斷昇華? 那麼, 他們與我相處時是否會覺得辛苦呢? 那...我是否曾經或是我現在有擁有真正的友誼嗎? 還是, 每個人都有兩面?

>>October 10, 2003 at 12:09:01 PM GMT+8

2003 年 9 月 21 日 星期日 【微冷】

今天的天氣很涼, 感覺到秋天的來臨. 我很喜歡這樣的天氣, 如果每一天都是這樣子有多好!
今天我的心情也很好, 雖然凌晨五點幾先訓,訓得三個鐘頭. 但可能一來天氣涼的關係, 二來今天是交form的日子, 而且我今天又打扮得很滿意, 所以心情特別好! 原來打扮得好會令人的自信心提升的, 其實很睏的, 但一回到學校, 見到很多人, 很熱鬧呀~今天是year1開學的日子, 我突然覺得ive的氣氛很好, 更加覺得自己也好像今天才真正開學似的. 看到那些year1學生, 感覺自己好像長大了似的, 雖然年齡差不多.
今天, 是一個值得加深記憶的日子. 雖然在別人心目中只是微不足道, 但這一小撮的情景已夠我回味了! (就係一齊跑去爭廁所喇^0^哈...原來唔駛爭架! 哈..係咪好無聊呢! 但我覺得值得回味及記下!)
我很開心啊~看到那麼多人留言! 好多謝大家啊~
gary, 你要多多來啊^^來減減壓嘛~雖然唔知得唔得^^
hin, 唔駛唔該喇~即管記低, 等我都與你分享你的開心嘛!^^
wendy, 多謝你呀~既然新居入伙, 好! 咁我唔會比呢間屋舖塵架~~^^
cythania, 我當然知道你是誰啦~^^我答應你,我會"盡量"日日寫日記架喇~哈哈~仲有呀! 唔好傷心啦~我都未買秋天衫呀, 我都想買! 我地黎緊呢個禮拜六一齊去shopping啦~哈...笑番~yeah! 你知啦, 女仔買衫買極都唔夠架嘛!^^
仲有cat cat, 真係好耐無見喇, 對上一次見到你已經係好耐o既事lu. o個次仲要係我見到你, 你見唔到我架tim. 我仲好記得見到你o個日真係好surprise呀, 你瘦左好多呀, 唔知你依家係咪仲瘦呢! 我地搵日出黎聚一聚啊! 一定要啊, 就算唔齊人都可以輪住見住幾個先.^^
今天真的很睏啊~又想聽日早d起身去荃灣夾夾糖...不過都係起唔到身架喇~
嗯....很期待十月去南沙的china trip呀, 不過都係唔好太有期望好, 如果唔係就會好失望架喇!
今日返學都見唔到zoey...>.<你響邊呀, 好多人呀, 你咁細粒, 點搵你喎!
annie, janice, shan, vicky, jeffie(差d唔記得你tim...你太可愛喇~無計..)我好開心又可以同你地一齊叫菜(仲有雞)食. 我真係覺得好開心架, 好似一家人一齊食飯, 可能響屋企成日都自己一個食飯, 所以同你地一齊特別開心!!!!^0^(因為我最細~~yeah~)其實, 我想叫你地花名架, 哈哈...不過唔記得晒! 小相公, 大埔人....唔記得lu...大家食飯~哈哈...講真, 我好想每日lunch都一齊食架, 有時叫菜食, 有時各自弄飯盒響廣場附近一齊食, 我永遠...在將來都唔會忘記呢d日子架!^^

>>September 22, 2003 at 4:55:36 PM GMT+8

2003 年 9 月 20 日 星期六 【溫暖】

嘩.....我見咁多人寫日記, 我又想寫埋一份tim! 不過我都算out喇, 見到咁多朋友寫我先寫. 唉..我份人就係咁架喇, 永遠都慢人一拍o既...應該係好多拍至真! 但又三分鐘熱度喎, 所以我都知我唔會咁好恆心日日寫架喇! 但會響十四日內o羅..哈...如果唔係會比人刪左架嘛!
嗯...講住咁多先...我放左四日假, 功課同notes都未掂過. account又未溫過未練過...唉...lcci真係死比佢睇lu!
哈...我到依家仲係好開心星期四同zoey去街呀(又話講住咁多先..), 係我第一次買衫嘛, 緊係開心啦! 凡事第一次都係最開心架啦! 真係好多謝你呀, 因為我諗無乜人咁抵得諗陪我行幾個鐘頭睇衫, 我自己番到去隻腳都仲好痛啊...有點做了壞人的感覺..(報應!?)
雖然以前都好注重外表(都係咁醜樣..), 不過, 近來不知怎的, 注重打扮. 其實...這個年紀才貪靚都算太遲喇~唉..都話我乜都慢人幾拍架啦(首尾呼應!勁!), 亦都證明我係一個慢熱的人. 我阿媽都話我乜都要好長時間的warm-up.
第一次就寫左咁長lu....亦都證明我係一個長氣(好多廢話)的人. 嗯嗯...連留言比人都可以好似寫信咁長..

>>September 21, 2003 at 2:54:09 PM GMT+8