2003 年 10 月 15 日 星期三 【晴】

今天沒有甚麼好做，補完geog就一條友躲在202。

躲到七點，跟住同小雲去左中央，繼續坐，繼續發夢，繼續失落！！！

>>October 17, 2003 at 2:35:08 AM GMT+8

2003 年 10 月 14 日 星期二 【晴】

有D野唔係一分耕耘一分收穫的，就算付出了很多，得到的未必如理想的！！！一句講晒，炒粉！！！炒到慘不忍睹，等待 requiz la！！！

講緊D 乜！米講緊今日份history 測驗，可以用答非所問來形容，兩晚的心機，都附諸流水...慘
...慘...慘


>>October 17, 2003 at 2:15:06 AM GMT+8

2003 年 10 月 13 日 星期一 【雨】

今天是Dorathy 的19歲大壽，我地送左分大禮，將盒射雕分開兩部分，盒還還，碟還碟，跟住狂包報紙，包左十幾層，跟住我地只准Dorathy 選一份，正如我地所料，佢真係選左個空盒，佢重好鬼開心，跟住仲搞笑，一開盒入面就係一大疊xo紙，佢尖叫左一聲！！！今次真係用左好多心思設計ga！！！

>>October 13, 2003 at 11:20:02 PM GMT+8

2003 年 10 月 12 日 星期日 【陰】

今天全日躲在家中，休息一下，充充電。如果再唔充電，Monkey 就會拉柴，唔知點解，秋高氣爽，真係好訓，訓到唔捨得離開張床。

明天就是Dorathy 的生日，要買禮物啊，佢話想要套射雕英雄傳的央視版，仲指明係李亞鵬同周迅主演的。經過一番努力後，終於找到，全套vcd 合共42隻，包裝精美，仲有鐳射標籤，希望Dorathy 喜歡la！！！Dorathy 話咁快就19歲生日了，希望她快高長大，找到間大學讀la！！！

(由於昨日無法登入，故遲了一天才把日記上載)

>>October 13, 2003 at 10:26:59 PM GMT+8

2003 年 10 月 11 日 星期六 【晴】

理工大學，是我今日自由行的觀光點，理工看上去似座城堡，都幾有格調，個環境都唔錯，不過，我都是喜歡中大，無論如何，中大都是我的目標，矢志不渝，非君不嫁，從一而終！！！
Go！Go！Go！向中大前進！！！

講番理大，佢D 課程都好實用，都幾適合我，故此，我都會放番D 入去𠴱 jupas 到，另外，佢都有好多 HD，要求唔算太高，都幾值得考慮ga！

古語云：不聽老人言，吃虧在眼前。
今日唔聽老豆講，係美孚走去轉左架41A，諗住比較便宜，點知lei 架車兜黎兜去，搞到我遲晒大到，累到人陪我遲就唔好la，真係唔好意思，早知聽爸爸說轉102號，今次真係上了一課，受了次教訓lu！！！所謂家有一老，如有一寶，是無錯的！！！

今日係理大個賽馬會綜合藝館聽admisson talk，個 hall 真係靚到滿分，入左去好似入左間酒店咁，D 大學生好似D服務員，當堂有種自己是位大老闆！！！而且，佢個 hall 的樓梯同佈置，同 鐵達尼 船上個旋轉樓梯一樣，富麗當皇，好有氣派呀！！！不過，我還是喜歡中大，夠大麻，可以通山跑，無拘無束，空擴D，無咁焗束！！！

>>October 12, 2003 at 8:44:39 AM GMT+8

2003 年 10 月 10 日 星期五 【暴雨】

唉，經過了五天的艱苦奮鬥，休息的日子終於到了，可以有兩日真正屬於自己的時間，起碼可免受測驗的轟炸，可以過番D 正常的日子！！！本星期的測驗黎完一次又一次，一浪又一浪，完完全全打擊我返學的欲望，每天都不想起床，不想面對現實，經常想着去逃避。

返學可真是件苦差！使快樂的我變得不再快樂，天天都呆呆的過！另外，我對學校已完全失望，在那裏，完全找不到歡樂和喜悅，日子總是苦悶的！！！

今天是10月10日，是中華民國建國日，所謂雙十就是指這日。不過我絕不承認他的存在了，中
國只有一個，就是中華人民共和國，台灣只是中國的一部分！


>>October 10, 2003 at 8:17:17 PM GMT+8

2003 年 10 月 9 日 星期四 【晴】

今日測中史AL測驗，...死到七彩...炒粉...一味老吹...靠作！！！

何解淪落到如斯田地？皆因我懶惰law！！！明明貼在三條(禪宗及其影響)，諗住miss 唔會咁恨心，加上自己懶，就賭一鋪，結果米輸左law，真是佛家道理，‘因果循環’的對！！！

唔緊要，明天仲有中史AS，會否繼續沉淪呢，明天自有分曉！！！要溫書la！！！

講起測驗，原來有人仲慘過我，Airhole 一星期測七次，曉紅更慘，一星期測八次！！！他們真是淒涼呀！！！

>>October 9, 2003 at 11:25:06 PM GMT+8

2003 年 10 月 8 日 星期三 【晴】

唉！今日冇左我最喜歡的體育堂阿，一個 cycle 先得一次，有時成個禮拜都無得上，今次冇端端被人強借左黎講 jupas ，好慘呀，平日體育堂已經是罕有，上一次，就少一次！連我心愛的體育堂都被無情的搶走，用來講 jupas ，但其實講 jupas 是有用的，但 Miss So 講𠴱 D ，都係照書講，仲是播埋餅陳年舊帶，連問親 D 乜，佢都話唔知，有冇搞錯呀，好心佢做多少少準備功夫，好唔好？所以我堂 PE 堂係冇得好唔抵！！！

今日有好多人冇返學，唔知甚麼事呢？希望唔係唔舒服la！
好唔開心呀！！！

>>October 9, 2003 at 12:11:20 AM GMT+8

2003 年 10 月 7 日 星期二 【晴】

本班今天發生失竊呀，有人唔見左個銀包，雖然只損失少量現金，但都損失慘重，貴在D證件好貴ga，淨係補領張身分證，已經唔見$395，仲要付出時間去補領，所以銀包最好跟身，唔見左就麻煩喇！但願我的同學能尋回個銀包，，至少都找回張身分證！！！

今日補西史課，真是累死人喇，講的是日本史，miss 講埋大堆日文，D 英文併音又難記，又唔順口，D 字又難串，搞到我好無引，悶死我喇，完全冇興趣，好憎讀日本史呀！！！我非常痛恨日本人，對日本：又無好感，又十分討厭日本人，D 日本人太衰了！！！如果有得有選，我一定唔會讀日本史呀！！！

今日實在太累了(給兩位 miss Lee 轟炸了整日，先測驗，後補課)，早些歇歇，晚安！！！

>>October 7, 2003 at 11:08:08 PM GMT+8

2003 年 10 月 6 日 星期一 【晴】

問下自己，返學是為了甚麼？
為了知識？為了理想？還是為了測驗呢？天天都漫無目的地返學，每天都在受苦，受折磨...
每天返學都唔知為乜？時間就一分一秒地流走！每天日日如是，重覆又重覆！心靈和魂魄都失落了，不知失落在何方！

明天第一堂就要對住件垃圾，乜野心機都無晒。這件垃圾是誰，米就係蘇老師law，對住佢，就體會到人生中最苦的事。

人生可謂有高有低，history 淪落到要re-quiz，真係沉淪，明白到乜野係霎那光輝唔係永恆...

今個星期有三次測驗，都是對我的精神和體力作出嚴格的考驗，佢無情地摧殘了我的心志，我的腦細胞。

明日最大的考驗就是geog test！但願我這隻受傷了、失落的Monkey 還流得低條賤命la！！！

>>October 7, 2003 at 12:06:10 AM GMT+8