2004 年 1 月 3 日 星期六 【晴】

大清早就走到圖書館，希望能完成所有的功課，很可惜，是未能達標，還有很多還未做妥，只好寄望明天了！

正午十二時，收到姝姝的來電，話要給沈沈補祝生日，大家去打邊爐，好開心呀，提前離開圖書館，找家取便宜的酒家！

今晚多左兩隻醉貓，沿途喧嘩！

2004 年 1 月 2 日 星期五 【晴】

今天要測 Hist AS，測三個小時，真是痛苦，不過都是值得的！反正第時都要咁測！

由於敏兒要測AL，得我一個去補 Geog ，慶幸有 Salina 轉過黎補，如果唔係，就會悶死我了！今天真黑仔，俾張紙"戒"親，隻手指公多左條很深的傷口，不停咁滲出來，流左好耐都唔止血，估唔到2004年第二日就有血光之災，今年的運程睇怕都是 negative了！

今天是沈沈 (沈佩珊同學) 的生日！

>>January 4, 2004 at 6:37:40 PM GMT+8

2004 年 1 月 1 日 星期四 【晴】

一日之計在於晨，一年之計在於春。

要好好計畫日子了！！！

>>January 4, 2004 at 6:05:13 PM GMT+8

2003 年 12 月 31 日 星期三 【晴】

嗚嗚！西史咁多note，溫極都溫唔完gei！！！

好在有朱子陪，如果唔係D 時間都幾難涯，好想放棄呀！

今晚和鄒敏邦、朱子和郭家榮在另一間屋一起渡過2003年，四條友打麻雀，一切踏進2004年，好野！！！

今天我多了一處溫習的地方，那間屋的租客搬走了，媽媽說在未有人租之前，由我接管，一個人在間空屋裏溫習，都幾驚ga！！！

>>January 1, 2004 at 1:29:21 AM GMT+8

2003 年 12 月 30 日 星期二 【晴】

早上九點至晚上十點，在圖書館孤軍作戰，好悲哀！

D功課仲未做晒，好慘呀，西史仲未溫！誰能救我！

>>January 1, 2004 at 1:20:30 AM GMT+8

2003 年 12 月 29 日 星期一 【晴】

今天的節目十分豐富，補了四個鐘頭的Calvin Sun，晨早十點鐘就係城大上堂，今堂講英文的Practical Skill 和 Writing，教得都唔錯，起碼教左我如何處理一大堆數字，這些考試技巧，是上堂所學不到的，一補就是四小時，真是攞命，好在中途有小休，有野食，我仲食左兩份三文治添，D ~A包軟林林，好好吃呀！

補完英語，再補地理，真是行程緊湊，在補習社見到她，不知說甚麼才對，結果連招呼都無打，佢個樣凶神惡殺，都唔知何事得罪了她，反而在補習社碰見Salina。

補完習，回到家，太累了...大把野未做，太懶惰了...

>>December 30, 2003 at 1:20:40 AM GMT+8

2003 年 12 月 28 日 星期日 【晴】

連續十天的放縱，我充滿了能量，電力充沛，今天之後，就要踏上征路，準備作戰，進行閉關，日夜籌備，向我的目標--中文大學地理與資源管理系 推進，沿途雖然荊棘處處，我都要努力去闖，盡地一鋪！就算死，都要死得無悔！要無悔今生，死而無憾！


摘星--陳百強

日出 ， 光滿天 ， 路邊有一間旅店 ， 明後悔 ， 店中只有漆黑 ， 找不到光輝明天。

但店主 ， 把我牽 ， 並告知這間乃快樂店 ， 人步進 ， 永不想再搬遷 ， 怎知我挺起肩抬頭道。

我要踏上路途 ， 我要為我自豪 ， 我要摘星 ， 不做俘虜 ， 怕踏千山 ， 亦無介意 ， 面容滿是塵土。

提步 ， 再去踏上路途。

我要為我自豪 ， 我要摘星 ， 不做俘虜 ， 星遠望似高 ， 卻未算高 ， 我定能摘到。

日出 ， 耀長路 ， 日光過山跨嶺射到 ， 如像我 ， 永不願停下腳步 ， 一心與風闖悠長路。

我要踏上路途 ， 我要為我自豪 ， 我要摘星 ， 不做俘虜 ， 怕踏千山 ， 亦無介意 ， 面容滿是塵土。

人疲倦 也要踏上路途。

我要為我自豪 我要摘星 不做俘虜 星遠望似高 卻未算高 我定能摘到

﹝星遠望似高 ， 卻未算高﹞ 我定能摘到。


由明天起，努力向前，永不停步，放下一切凡塵俗務，專心向前，珍惜餘下的九十二天！

>>December 28, 2003 at 11:21:04 PM GMT+8

2003 年 12 月 27 日 星期六 【晴】

打機、出街、訓覺，吃、喝、玩、樂，是這十天的寫照與縮影！

>>December 28, 2003 at 11:17:34 PM GMT+8

2003 年 12 月 26 日 星期五 【晴】

繼續放任自我，放開自己，充充電，充足電力，準備搏殺！

>>December 28, 2003 at 10:54:54 PM GMT+8

2003 年 12 月 25 日 星期四 【晴】

出到尖咀，到處都係人，人山人海，逼到沙甸魚咁，一上地面，就見到一大堆警察，要實施人潮管制，我地幾經辛苦，先同敏兒佢地會合，Dorathy
嚷著叫肚餓，跟住成班人去買麥當勞，坐係個巴士站食，一路食西北風，一路食薯條，隔離有人玩噴雪，噴到周圍都係，真係無公德心...



今年的聖誕燈飾，未免令人失望，沒有甚麼特別，成個維港，得幾坐樓有燈飾，D 燈飾都是千篇一律，沒有創意。不過一班同學出去行，總是開心的！去到三點先走，好開心呀！



今天大昏迷，挑戰睡眠記錄，早、午、晚三餐合一，好耐未試過咁放縱，哈哈！