2003 年 10 月 25 日 星期六 【晴】

首先，先同阿魚講聲 "生日快樂，Happy Birthday"，本來今個禮拜冇測驗，想同佢慶祝gei，不過就冇做到，唔方便麻，免得尷尬，結果同Nova係中央坐，吸下D Band one 生D 靈氣！不過就冇乜溫到書，不斷諗我的人生觀，諗我的位置，想我的過去，不斷慨嘆過去！

我為甚麼而生存呢？我的目標，我的理想？我該怎樣做？如何才對呢，日子一天比一天難過，越來越難涯，唔知點算好！

心中一片混亂，腦中一片空白，十分煩擾！每天都以書本麻醉自自，強行以書本封閉自己，壓抑自己，希望給自己找一條出路，可是，答案是不能，我不能把自己單獨下來，始終我喜歡熱鬧，喜歡}霰憿A不愛寂寞！但奈何我卻正背道而馳，把自己推向懸崖，推向死亡的邊緣。我都唔知我幾時會崩潰，現在只有搏命拿着書本，不斷的在倒數，等待死期！！！

唉，餘下157日ja,每天都在計日子，另外，仲有十個cycle就玩完了，就要再講聲"再見" "再見 廖寶珊"，再見一切的人、事、地和物，輕輕的我走了，正如我輕輕的來！！！

面對着日子，只有無奈的接受，無奈的面對！唉...

知否世事常變 變幻原是永恆 此中波浪起跌 當然有幸有不幸 不必怨世事變
變幻才是永恆 經得風浪起跌 必將惡運變好運 月缺後 月重圓 缺後月重圓
始終都會相對襯 人間的波折 經得起挫折 始終都會不枉此生 迎接那變幻
今生與你擁抱著永恆 月缺後 月重圓 缺後月重圓 始終都會相對襯 人間的波折
經得起挫折 始終都會不枉此生 迎接那變幻 今生與你擁抱著永恆 迎接那變幻
今生與你擁抱著永恆

茫茫前路，硬着頭皮走吧！

>>October 31, 2003 at 11:14:02 PM GMT+8

2003 年 10 月 24 日 星期五 【晴】

(哭)......今日中史AS炒粉了，炒得徹徹底底！兩日共十八小時的努力，付諸流水，一沖即散，經不起考驗！
我的溫書方式是否有錯？我的做法是否對呢？唔知...唔知...(一輪反覆思考後依然無答案)
不過，錯即是錯，無得回頭，亦無法補救，一子錯，就滿盤皆落索，固要小心行動，小心部署，步步為營！
今日，有位好友贈了一句話給我：你為甚麼無你自己的風格、無你的主見呀？ 我當堂呆了一陣，只是糊亂答了些廢話！
補完習，往圖書館坐，不斷思考先前的問題，係wor，我的風格、我的主見在那兒？我應有何樣的風格和何等的主見，才會較他人所接受，所歡迎呢？正是這個問題，加上其他，使我中學生涯的生活圈子窄得不足以立足，連找人食飯都困難重重。也許還有其他的問題促使今日的苦楚，但個人的風格和主見是必須的！！！
然而，唔同程度的主見，有唔同的效果。例如做隨風擺的草，會給人一種不可靠、虛浮，甚至討厭；而時時有主見的又令人討厭，真係很難去介定。但我會努力，尋找一個適合自己的，我要改變、調整，以得到更多人的認同！
至於風格，就真係唔知點做才對，個人風格是要培養出來，不是片刻間之成果，但我要慢慢的找，慢慢的調較，現在已別無他求了，只望找得一席之地，有我的位置，不至於走頭無路！
我很喜歡別人的意見，歡迎各位多給我指點指點。

>>October 31, 2003 at 10:56:06 PM GMT+8

2003 年 10 月 23 日 星期四 【晴】

Picnic 將近，大家都好努力準備，分組啦、安排各項細節，大家都好似以為明天就是picnic咁！

明天要測中史，加油努力俾心機！！！

>>October 31, 2003 at 10:57:50 PM GMT+8

2003 年 10 月 22 日 星期三 【晴】

一年一度的學校旅行定於11月7日，經過一輪投票後，今年的地點是石澳，地點同上年一樣，不過今年我地班就唔駛分拆，要分拆的是7S，真是黑仔哦！這回真是風水輪流傳！到時我地班會有件班衫着，個design 都好靚ga，不過有少少似件波衫，唔緊要啦，有得着都算唔錯ga 喇！

放學後去左中央，撞到阿沈同小雲，一齊坐到十點先走，不過小雲就猛訓覺，真係唔知佢溫左D 乜！

好野，下星期就是陸運會，十分期待呀，唔知會有D 乜發生呢！！！兼且有兩日假期，可以休息一下！唔，今晚要早D訓，以免聽日冇對精神上堂，三堂空堂，唔錯唔錯！

晚安！



>>October 22, 2003 at 11:53:43 PM GMT+8

2003 年 10 月 21 日 星期二 【晴】

死喇！死喇！原來禮拜四仲要測中史AL，今日先知，搞到大失預算，唔夠時間溫書添！

今日成日都冇乜精神，好鬼晏訓，尤其是今日無空堂，上足八堂，兼有堂UE和兩堂中化，不如取了我的命好了！由於中一二三考試關係，大部分堂都留在原有課室上，少了很多運動添！

Lunch淨係食左杯杯~A，晚餐就是吉野家牛肉飯，好唔健康呀！！！冇計啦，要儲錢麻，慳D啦！

明天要交geog essay， 唔識做，諗唔到D points，有少少亂做和交差成分，我都唔想ga，冇法啦！最多下次做好D law！

>>October 22, 2003 at 12:36:56 AM GMT+8

2003 年 10 月 20 日 星期一 【晴】

今日 English Dictation ，錯左2個，是近排最好的成績！

空堂時要做份甚麼職業知識比賽，圈ABCD，好多都唔識做，一味靠估。可惜是他浪費了我半粒鐘，令到我空堂甚麼也沒做到，(雖然有D性賴)，明天要測 history，唔知點死，測日本Tokugawa，D 日本併音記死人了，又煩又唔好記，好憎D 日本史，明天仲要測fill in the blanks and 一條essay ，真係唔知點死，但願D 分唔駛繼續沉淪，唔駛re-quiz 就好了，我已別無他求！

祈求明日測驗順順利利！！！要溫書lau！！！

星期五測中史AS，重頭戲，甘過4條9千足純金啊！！！

>>October 20, 2003 at 10:49:05 PM GMT+8

2003 年 10 月 19 日 星期日 【晴】

今早七點半就起了身，大清早，空氣涼得很，很舒服啊！！！

跟住就出左去中央坐，嘩，D人有問題的，才九點半，整個自修室就爆棚，成大班中四、中六都走黎溫書，有病的，搞到很多人都無位，都唔知D佢地走黎做乜？襯熱鬧mei 。

十點半到就跟左小雲去教會，聽D人唱聖詩、祈禱，同埋聽分享，那個安柱中學的校長分享了些聖經的經文，題目是‘神是我們的避難所，是我們的力量，是我們在患難中隨時的幫助’(詩篇 第四十六篇)，他講了很多他的經體，又分享了他的看法，好似上了堂中化堂咁，跟住又唱聖詩，我只是跟住看，沒有開口唱，然後散會後，D人又好熱情咁同你講野，宣傳基督教，又解釋點解要信耶穌，不過，我最唔同意的就是他們把人介定成罪人，一生出來就是罪人，只有天主是聖潔的，這是我所不認同，不過這次禮拜，我都得益不少......

>>October 19, 2003 at 10:09:15 PM GMT+8

2003 年 10 月 18 日 星期六 【晴】

星期六又到了，秋高氣爽，正是出外遊玩，舒展身心的好日子，今是是 Airho 十九大壽，祝 Airho 身體健康，學業進步！！！

今晚的燒烤都算唔錯，又是去咖啡灣，又是八個人，不過今次是租爐，總括來說，幾好玩，good！！！唔知豬豬點？希望她無事la！！！

豬豬，要小心身體呀！！！

>>October 19, 2003 at 5:46:55 PM GMT+8

2003 年 10 月 17 日 星期五 【晴】

下雨天 總掛念從前 球場上那可愛片段 突然又已一年 祈望再會面 舊朋友
就算心永未遙遠 但這刻渴望見 即使重聚再短 時光可變 世界可變 人情亦許多都變遷
友共情不變 那種真找不到缺點 你我再次相見 隨年和月 身心雖秏損 友共情從難扭轉
心內那熱暖 仍是純真未變

以上這曲，加上李克勤的紅日，是我由中一到中五，每次陸運會閉幕時必唱的，還記得每次都是由大陳(現任的副校)領唱，今天，是我第二次以校友身分出席可風的陸運會，每當唱起這首歌，我都回想到我中一時，以至中五的回憶，雖然有甜有苦，我都十分回味，十分感觸，地點依舊，但人事全非了。

離開了可風快要兩年，日子過得真快，我在外面都已闖蕩了一圈，當中雖有點辛酸，但絕沒有後悔過。陸運會之上，我和幾位舊老師傾談了一陣，很難得他們還記得我的名字，他們都十分關心我的現況，十分多謝他們，可是，他們都顯得有點蒼老了，真是歲月不留人啊！！！

當我唱起那首友共情時，特別回想到當年中五時全班一起手牽手，一起繞場唱歌，那時大家都放下了所有的恩仇，放下一切怨恨，共同高唱，同聲歡呼，那種深刻的感覺，依然刻印在心中，從沒蛻化，可是，一個會考就把我們冲散了，各散東西，唔知道大家會唔會在大學時重聚呢？？？

我最喜歡陳副校那句(雖然他年年一樣)，各位中五中七的同學，無論你地去到邊到，你們都是可風的人，可風精神永存不息，永恆不滅，長留在你們心中，預祝各位考試順利，可風永遠都歡迎你們回來，期望各位努力上進，爭取佳積，將可風精神發揚光大，我地明年再見！！！

雖然句子年年一樣，但卻觸動了所有中五中七的同學。當然，我亦免不了回顧以前快樂的日子......

廖記的陸運會將至，亦是我中七日子裏一個重要的日子，我絕不會讓他輕易的流逝，至少也要留下一分美好的回憶......才不免浪費人生，起碼第時死時，亦有一份東西可以帶走......

>>October 19, 2003 at 5:46:08 PM GMT+8

2003 年 10 月 16 日 星期四 【晴】

累，累死人了，想要了我的命麼？明天仲要測驗呀！有點想死，有點想就從窗口往下跳，拋開一切的煩惱，拋開一切的憂愁和哀痛！

>>October 17, 2003 at 2:40:25 AM GMT+8