2003 年 11 月 14 日 星期五 【晴】

history 派卷了，正如所料，真係要re-quiz，是本學年的首次，苦心自問，真是溫了多天，努力了很多，但唔知點解當日真是覺得個人失去了靈魂，心神不在，完全是空虛，失卻自主，直到現在，仍然如是，只覺得剩番一副臭皮囊！！！

Monkey現在魂飛魄散了，12/40，全班唯一一個要re，醜死了...對不起,Miss Lee，我都唔想...
( 原諒我這一生不羈放縱愛自由 也會怕有一天會跌倒
背棄了理想 誰人都可以 那會怕有一天只你共我 )


努力又如何？牛和蜜蜂都十分勤力，它們的結果如何？

>>November 16, 2003 at 10:38:11 PM GMT+8

2003 年 11 月 13 日 星期四 【晴】

身心疲倦，厭倦塵世間的爭鬥！！！

>>November 16, 2003 at 10:24:52 PM GMT+8

2003 年 11 月 12 日 星期三 【晴】

嘩！有點寒哦！一起離開個暖粒粒的披窩，隻腳板凍得騰騰震，原來冬天經已到了！

唔知幾時可以打邊爐，吃:囧𤅀s呢？？？今早得十五度ja，真係風大左，要穿多件衣服了！

今日聽到首歌，最好來形容此刻心情！

今天我 寒夜裡看雪飄過 懷著冷卻了的心窩漂遠方 風雨裡追趕 霧裡分不清影蹤
天空海闊你與我 可會變〔誰沒在變〕

多少次 迎著冷眼與嘲笑 從沒有放棄過心中的理想 一剎那恍惚 若有所失的感覺
不知不覺已變淡 心裡愛〔誰明白我〕 原諒我這一生不羈放縱愛自由 也會怕有一天會跌倒
背棄了理想 誰人都可以 那會怕有一天只你共我

今天我 寒夜裡看雪飄過 懷著冷卻了的心窩漂遠方 風雨裡追趕 霧裡分不清影蹤
天空海闊你與我 可會變〔誰沒在變〕

多少次 迎著冷眼與嘲笑 從沒有放棄過心中的理想 一剎那恍惚 若有所失的感覺
不知不覺已變淡 心裡愛〔誰明白我〕 原諒我這一生不羈放縱愛自由 也會怕有一天會跌倒
背棄了理想 誰人都可以 那會怕有一天只你共我

仍然自由自我 永遠高唱我歌 走遍千里

原諒我這一生不羈放縱愛自由 也會怕有一天會跌倒
背棄了理想 誰人都可以 那會怕有一天只你共我

背棄了理想 誰人都可以 那會怕有一天只你共我


給人排擠是不好受的，只好逆來順受，是我錯嗎？錯在那兒？

>>November 13, 2003 at 12:02:42 AM GMT+8

2003 年 11 月 11 日 星期二 【晴】

期待到已久的camp很快的就過完，有點唔多捨得，lei 兩日，馬不停蹄的走，聽左很多，知多左好多，起碼知道條河有幾污濁，錦田農業的慨況。

第一天朝早就去左收集水辨，下晝做實驗，晚黑就自由活動。第二朝就pesent，跟住去錦田，做完午飯，行多陣就返歸了。做完實驗，發覺條大曹石澗好多細菌，好多微生物，大家小心，唔好去掂D水呀！！！

難得乘學校上課日離開那繁忙的課室，離開屋企，名正言順的玩樂真爽，大家都十分雀躍，起碼有兩日無測驗，無上堂呀！！！夜晚，miss lee 揸車入元郎買甜品(涼粉、雞翼尖)，真係唔話得，可惜就是夜晚各有各玩，冇玩到集體遊戲，好懷念中五的Camp，全班玩集體遊戲，玩得非常快樂。算啦，有得去都唔錯ga la，唔好車望咁多！！！人地唔想，米算law！！！

第二日下晝在錦田食，全部人坐埋一圍，叫左D炒粉麵，好好醜醜都算一餐！！！

由此日起，一切活動都已過晒，一切都玩完，再來的就是考試了，D唔好ga野黎緊了！！！又要溫書lu，不過唔知要幾時先收拾好心情！！！

睇下D相la！！！

集體相

起雙飛→ . ←現場實境


綠野仙"�

2003 年 11 月 10 日 星期一 【晴】

Monkey去左巡視地盤，檢視山務，及返馬騮山探親，明天才回來！！！(宿營，進行地理考察)

>>November 11, 2003 at 6:57:22 PM GMT+8

2003 年 11 月 9 日 星期日 【晴】

是日休息一天！！！明天要去geog field camp，要準備及打點各項事兒！！！

服務暫停，睇住下面D靚相先la！！！

>>November 10, 2003 at 1:49:46 AM GMT+8

2003 年 11 月 8 日 星期六 【晴】

昨天玩得太累了，一睡就直到天光，完全忘記了要返個甚麼大學選科分享會--miss So 攪的！

由於唔想返，就慢慢洗面換衫，遲左成廿分鐘先到，入到去，我地班得廿個人，好多人都冇黎，這是預料之事，大部分人都唔想返，而我更加是無興趣，攪左幾個鐘，結果得個桔，上半部聽理工大學個associate degree有乜讀，都算知多左少少野，有少許幫助，下半部就無聊得多，齋聽D人介紹自己，跟住就各自各傾下計，討論下，雖然唔可以話冇用，但好似miss So就好得閒，佢叫埋一大班人返黎，傾下計，就當做左選科分享，唉！！！都唔知佢攪邊科，淨係分享，最重要𠴱 D就冇做到law！

其實我最想聽就係究竟大學注重學生D乜，佢地多數有乜要求，第二，究竟jupas以外的degree，是怎樣報，要點才可以報，第三，jupas以外，還有D乜可以報？Associate？high diploma？...第四，海外升學的途徑，第五，jupas essay點write，any 好句或structure 介紹，第六，有乜重要日子，第七，社會趨勢，邊D科heat，邊D科今年會較易入，第八，如何排次序，邊D科可你水泡？第九，考得唔好，有乜出路，點repeat？第十，選科要留意D乜？....................

其他中學都有做，但我地的So老師好像甚麼也沒做到，佢搵左一大堆人返黎，得個講字，一D實際資料都冇，淨係空談(佢連講都甚少)，我覺得佢的存在實在有點多餘，有點浪費。

這個大學選科分享會有點兒"廢"，實質作用唔大，唯一就是有班師兄師姐講下D重點，但畢竟真是有少許作用。

今次最大的疑問是miss So的用途，她除了做了幾分鐘司儀之外，就沒有做其他野了，我真想問她究竟升學及就業輔導主任是做D乜？佢連少少的資料搜集的功夫都省卻，我真唔明學校要她來做乜？？？

算了吧，勞氣都冇用，留番啖氣暖下肚好過！

下面有幾張昨天旅行的靚相！！！睇相好過啦！！！
雜技表演

←警匪槍戰
2B級裸照 . . 小雲成功捉賊→

2003 年 11 月 7 日 星期五 【晴】

期待已久的旅行終於到了，等到頸都長埋，等到lei 日真係唔易！！！

我整左沙律同牛輾去，給人食晒，很高興，我地上車被人分拆坐車，今年就唔駛，仲要第一車出發，我地由上車玩到落車，由落車又玩到上車...

今年是最後一年，特別玩得癲，拋人落海是必然的節目，可惜就是冇拋miss Lee落水，白白錯失了機會...玩到全身濕透，連褲都爛埋...總之個conclusion就是開心，好玩，無得頂...至於我地件班衫，就真係有意思前面係7，代表form seven兼7號去picnic，後面有班主任個名添！

點解開心的時間總是短暫的，最後一年先懂得玩呢，為甚麼總時要到最後一刻，大家先可以玩得暢快，點解要互相攻擊，要你寸我、我寸你lei，唔可以好似picnic 咁玩ga 咩，下星期返學，又唔知會變成點，睇怕都是和以前一樣。

最後一年了，中七生涯可真是高高低低，特別曲折，印象特別深刻，時間在不斷倒數(see 右面)緊，時間越來越少，大家相見機會亦少，很快又要四散，但願盡量留下最多的回憶，別人說中學的生活是人生中最燦爛、最美好的、最純真、最甜的，第四大學、社會，會充滿着陷阱和衝突，爾如我詐，所以中學之光陰要非常珍惜，可是我已白白錯失了六年！！！

仲有，中學的時光是最美麗的，尤其是女同學，高中時的樣是最高峰，要好好留住，多影幾張相，好等第懷念下...

下面是幾張旅行的相片：

班相(大部分的同學)


下海照

+

2003 年 11 月 6 日 星期四 【晴】

本星期特別難過，一浪又一浪，接連二三四的小測，真是吃不消、吃不消，今趟炒完一碟又一碟，真是和味哦！！！唔緊要，明天是學校旅行，ha ha，一心去旅行，梗係無心機溫 ga la，好心 miss 就放過我地 la！(好心一早放開我 從頭努力也坎坷...)

其實我都唔想ga，只是holiday mood 太重，就原諒我一次咁多la！旅行萬歲，最好一年兩次！

今日先發現甚麼是"冇叉用"，補完習後先去百佳買碗同叉，點知去到個架先發現一包叉都無，問個職員，佢話俾我地學校D人買晒lu，無論燒烤叉定膠叉都買晒，總之無叉賣，你去第二間la，我十分無奈law...根住行左去路德圍間惠康，點知又係售罄，個職員仲笑我冇叉用！當時已是十點幾，大部分鋪頭都收左當，真是無奈，唯有打俾媽子求救，佢話我真係冇叉用，百佳惠康無，唔代表seven 同ok 無，好在ok 有叉買ja！！！

期望明天天氣晴朗，不，是一定要好天呀！！！

是時候睡覺了，明天一早見la！！！

>>November 9, 2003 at 1:28:04 AM GMT+8

2003 年 11 月 5 日 星期三 【晴】

中史堂講墨家，D學說都幾易記，都幾乎合現實社會，miss 仲話係今年大熱啊！！！

下為 miss law 堂上的 powerpoint file！

下載：中史 powerpoint - 墨家思想

下載：中史 powerpoint - 儒家思想

>>November 8, 2003 at 8:34:15 PM GMT+8