2003 年 11 月 4 日 星期二 【晴】

心碎，心碎了！！！

History 炒粉！！！等候 re-test！！！

傷心傷透了！！！

>>November 6, 2003 at 12:07:17 AM GMT+8

2003 年 11 月 3 日 星期一 【晴】

以平常心去面對眼前的困境，勇於面對，才有克服它的機會！朱子，你要努力呀，放開 D la，失敗仍成功之母！

今日，原本是教署署長羅范椒芳光臨本校的大日子，諗住佢黎睇我地上堂，等我看看她的真人，睇下佢個樣。點知校長宣佈延遲一個星期先黎，好失望呀！下個禮拜我去左 field camp，錯過了機會，這可能是與佛無緣！

唔知幾時再有機會呢！

>>November 6, 2003 at 12:00:15 AM GMT+8

2003 年 11 月 2 日 星期日 【晴】

星期日，休息日

是日休息一天，全心靜養！！

期待Picnic，等候Geog field Camp！！！

>張開眼中 一扇暖暖的窗 驅走這赤地裡的荒涼
>從大地頭上 初昇的朝陽 照出一個永遠方向
>懂得愛心 知道怎麼分享 不枉愛過活過這一場
>誰亦是同樣 奔波於驕陽
>人潮從來沒有築牆
>人和人年和月都太類似 無論怎麼都只活一次
>睛朗的天空中找到生息的真意
>人才能無悔舊時

①>在人潮和圍牆下只要願意 憑著一雙手總是可以 睛朗的天空中跨過彼此的疆界 連潮流亦會轉移
>一早決心 將我愛笑的心 感染世上愛哭的人
>曾立下宏願 可不可都能 唱出真正壯闊聲音
>關心眼光 彷似最美的燈 終於會照亮遠方的人
>如未盡全力 怎麼可消沉
>能抬頭凡事也可能

②>人和人年和月都太類似 無論怎麼都只活一次 睛朗的天空中找到生息的真意 人才能無悔舊時
(重唱　①,②,①,①)
>睛朗的天空中跨過彼此的疆界 連潮流亦會轉移

>>November 3, 2003 at 1:19:22 AM GMT+8

2003 年 11 月 1 日 星期六 【晴】

由今日到高考尚餘 150 天！

高考正在逼近，要努力溫習，不過個心就好散，無法專心，死喇！

>>November 3, 2003 at 1:06:51 AM GMT+8

2003 年 10 月 31 日 星期五 【晴】

話咁快又到月尾了，今個月財政應真緊絀，由於大洗的關係，出現了赤字，嚴重的超支，下個月真係要小心D洗至得了，應慳就要慳！！！

今日放假，是難得的假期，本星期淨返星期一，星期二、四都是陸運會，故本星期是開學以來最游閒，沒有測驗，不用返學，輕輕鬆鬆的過，唔錯唔錯，不過這星期的游閒，可真是沙漠中的綠洲，因為過埋Picnic，就是浩瀚的沙海了...

大清早，一如以往的到圖書館靜坐，坐到十一點半，就和Airho、敏兒、Pauline、Nova去食米線，食完就陪Airho買牛仔褲，之後就去左金禾到打機，睇Nova同Pauline表演，佢地好勁呀！！！磨下磨下，兩點就去坐M記，約埋成班人討論 jupas D野，Nova lei位主席真係唔話得，準備左好多資料，不過有D 見解本人就唔係咁同意了！！！

本天是本月中最舒服的一天，完全放鬆，玩下食下，好耐無試過成班人假期走出街玩了，最衰今日要補習，如果唔係實直落玩到夜晚！！！

>>November 3, 2003 at 12:55:49 AM GMT+8

2003 年 10 月 30 日 星期四 【晴】

陸運會最後一天，七年了，就這麼快過了，幾多光陰是虛渡了呢？

中午頒獎，攞左個銅牌，是我在廖記的紀念品，今年個銅牌特別靚，整得好有線條美！下晝，有亞運壁球冠軍趙穎兒來頒獎，佢講左好多佢的經歷，佢都是經過苦練，才有今天的成就，她勸勉我們都要努力上進！！！

天下無不散之筵席，總有完結的時候，閉幕的時候到了，我們站起來，再一次唱起校歌，這次是最有心機、最有感覺的唱，望着校旗緩緩的降下，標誌着第十九屆陸運會的終結，我下年就會以舊生的身分出席陸運會了。

散會後，大顆兒去了仙跡岩飲野，我叫左杯雙層朱古力雪芭，袾袾特別推介，都幾好飲ga！大家都好期待下星期五的旅行！

>>November 2, 2003 at 1:49:58 AM GMT+8

2003 年 10 月 29 日 星期三 【晴】

嘩！好痛呀，痛死人了！隻腳好痛呀！一個銅牌，換來的是深刻的痛楚，但這些根骨之痛，相比起其他的，可真是一少部分，只是表面的，輕微得很了，還有其他，傷得更深，痛得更透徹...

今天晨咁早就走左去圖書館，找回我最喜歡的角位，那個位又光猛，又寬敞，是個好位黎ga，坐𠴱個位，特別對精，我以前中五study leave，次次都晨早去排隊，坐𠴱個位ga，依家D人越黎越早，都唔知要早到幾點，先霸到𠴱個好位了！！！

今朝其他學校要返學，冇人同我爭，所以先坐到個位ja，今日全力攪jupas，全日煩揀科，揀黎揀去，唔知揀乜好，須然第一志願一定係中大地理與資源管理系，但仲有成廿四個，唔知點填點塞，好多都話要maths有C，我得個D ，好多科都唔揀得，好慘呀！！！攪左成是，睇前睇後，又望左望右，先切夠廿五個選擇，其實我好多科都唔知要讀乜，更唔知我有冇興趣，我只在乎我的第一志願，其他都是裝飾，非他不入，絕對不容許失敗！！！努力，加油！！！

攪左成日，艱辛的排了個次序，跟住成晚就作jupas essay，作左好耐先作完，不過總算了結左件心事咁la，亦正式開展我的衝刺期了，往2A1B1C1D邁進！！！

明天是陸運會的最後一天了！




>>November 2, 2003 at 12:21:13 AM GMT+8

2003 年 10 月 28 日 星期二 【晴】

—兩個禮拜前，去了舊校的陸運會，感慨一番後，悲喜交集。今天，正是本校的陸運會，當然又感慨萬分了，這次陸運會，是本人中學生涯中最後的一次。坐在看台往下望，不禁回想我的過去，中一的陸運會、中二的、中三的...中六的，唉！咁快就由丙組變甲組，真是有點唏噓，日子過得真快，咁就七年了！城門谷，留有不少美好的回憶。在柔和的風輕掃下，身心放鬆下來，不斷回想舊時！

今年的陸運會，特別有意義(最後一次)，故特別珍惜，特別唔捨得，好想抓住每一分、每一秒，所以，我又做工作人員(起點發令)，又親自落場跑(1500米&110米欄)，好等我享受整個陸運會，抓緊每一個片段，無論歡笑抑或痛楚！

痛楚---來自小腿，跑千五米時，搏命左少少，隻右服舊患再次發作，不斷咁抽根，抽到連眼淚都標出來，不過，衝過終點的一刻卻是無比的快樂，得了個銅牌哦！之後，又強忍痛楚，跑百一米欄，結果得個第四，輸半秒ja，好慘！欠少少，就多個牌了！

今年，負責起點發令，幾好玩，不過隻耳仔就當災了。今年好多人參加，玩足全日，仲超時到四點幾，根住就放假一天，星期四再續。

散會後，成班人去左食糖水兼吹水，成六點先分道揚鑣。

百一米欄，有着多個高3尺高的攔，像人生中的關卡，立在我的人生之中，給我一個又一個的考驗與測試，各式各樣的考驗，給我的人生添上顏色，使我珍惜現在所擁有的。欄，使我的人生有高有低，令我的人生變得不平凡，令我珍惜考驗後所得的收穫，亦使我有精彩豐富的回憶。

不過，沒有欄是過不倒的，視乎我有否勇氣去跨過他、面對他，當然，要跨過去，必先有足夠的助跑，有足夠的準備，不然，就會給他絆倒，換來無限的痛楚，不過，即使跌倒，也要爬起來，重新面對下一個欄，不要放棄，因為人生之中就是一條障礙賽。

人生有高、有低、有起、有跌，構成一章美妙動人的樂譜，苦甜交集，才是漂亮的人生。所以，要珍惜所得的，亦要懂得滿足，所謂得來不易，只要跌倒後能站起來，重新檢討，修正闕失，成功就會在前方。

AL這個欄快到了，我都要加緊準備，多幾步助跑，希望順利跨過l，跨入中大地理與資源管理系啦！AL目標是2A1B1C1D，希望可以達到la！好，我要大踏步，跨過去，Monkey是絕不會給絆倒的！！！

嘩，痛死人了！

>>November 1, 2003 at 11:19:28 PM GMT+8

2003 年 10 月 27 日 星期一 【晴】

返學，對我來說已是件苦差，沒有意義了，好辛苦呀！！！點解D 時間過得咁慢ga！！！好想由學校天台往下跳就算了！！！

放學後同小雲、敏兒、dorathy 打羽毛球，唔知點解，先前的頭痛和盪手的額頭消失左，仲越玩越精神！！！我地見Mrs. Morgan企左一邊，米叫佢一齊打law，嘩，Morgan D Badminton 好鬼勁，十分店，真係唔打過唔知，佢仲玩得好開心添，當然我地都係！！！玩左一陣，就去左幫汪Sir拾陸運會D 野。

之後同校長講左一大輪野，聽左好多，校長都幾nice ga，佢仲講左好多佢讀書時的經歷和她的歷史，好開心同校長講野呀！

不過呢，諗起自己個jupas，真係好鬼頭痛，好煩，好多野要諗，好多野要預備，好多野要去計劃，唔多點，個心好亂，雖然第一志願已鐵定，但每天都懷疑自己的實力，懷疑自己，當年自信、開朗的我唔知去了邊？

究竟我的成績在那個層次，很迷惘、困惑！！！

>>October 31, 2003 at 11:06:30 PM GMT+8

2003 年 10 月 26 日 星期日 【晴】

買左隻game，$20--正宗原裝翻版碟，個名叫侏羅紀公園之基因計劃，幾好玩ga，玩養恐龍，學到好多野ga，識多好多恐龍名和佢地D習性，對恐龍認識多了很多，隻game好好，學到野，又有得玩，兼且D音效同D鏡頭做得好細緻，好真呀，唔錯！！！

另外，隻game唔淨止開公園養恐龍咁簡單，仲有其他如射擊、揸直升機，好鬼得意，最好的就是隻恐龍開餐𠴱個畫面，好D睇現場咁，值得玩下ga，冇介紹錯，有興趣可以搵我借碟！！！

本人好耐冇買game了，尤其是老翻，不過隻game真係高質素，值得我花廿蚊買佢，不過如我老翻鋪有英文版賣就好了！！！


>>October 31, 2003 at 11:05:01 PM GMT+8