2003 年 10 月 5 日 星期日 【晴】

今朝好早就起身，出左去中央溫書，但個人唔係好舒服，無乜精神，勉強地對住疊 notes 發呆，住下一個鐘又一個鐘，時間就咁過左大半！

回到家，無聊的上下網，走左去考評局個網，check 左 D 考試時間，發覺都唔錯呀！

30/3 中化卷一及卷二
31/3 中化卷三(Listening)
2/4 英語運用 Part B,C,E
3/4 英語運用 Part A(Listening)
19/4 歷史
23/4 地理
27/4 中史

明天又要返學了，開始討厭返學了，討厭上課，尤其是英文！！！

>>October 5, 2003 at 11:51:00 PM GMT+8

2003 年 10 月 4 日 星期六 【晴】

回顧一週，確實做了好多蠢事，足見我是多麼的幼稚，多麼的冇用，最弊係一子錯，滿盤皆落索，闖了大禍，唔知點收科！

讀書是重要，可是朋友亦相當重要，讀書再好，但人際關係差的話，是一事無成的，人際關係正是我的死點，不識收斂，更是我的死項，真是要好好檢討！

>>October 4, 2003 at 10:58:30 PM GMT+8

2003 年 10 月 3 日 星期五 【晴】

又到了星期五，將享有兩天法定假期，可以休息一下了！

想前想後，決定要努力讀書，總之我仍視她為同學、為基本的朋友，至於她要怎樣處置我，就怎樣處置啦，始終是我的錯麻！！！

>>October 3, 2003 at 11:26:21 PM GMT+8

2003 年 10 月 2 日 星期四 【晴】

答案已經有了！與預計的差不多！我這樣做是為了解決一切的煩惱，一種解放，一個完結，就是另一樣的開始！！！反正我在這哭泣的森林的日子已不多了！！！很快就會到達終點！！！快到達人生的終點了！！！

>>October 2, 2003 at 11:03:36 PM GMT+8

2003 年 10 月 1 日 星期三 【晴】

今日中華人民共和國建國五十四週年的日子，人人都出街慶祝，我卻躲在家中，一分一秒的數着，靜代時間的過去，思前想後，反覆的思量，終於決定講出心底話，因為結果無論如何，起碼唔會後悔冇講過，至少得到一個答案，得個明白。

對於她決定如何，我都已作了準備，作了預計，都會接受這結果，現在只能期待上天的眷顧了，當然，我希望她接受我(機會很微)，但我總希望不會失去她這個朋友！！！要做的已做了，現在只期望她的佳音！

>>October 1, 2003 at 10:53:25 PM GMT+8

2003 年 9 月 30 日 星期二 【晴】

明天是國慶日，各位有節目就預埋我𠴱份la，歡迎隨時至電給我，玩乜都無任歡迎，我絕對奉陪，絕不拒絕，記住預埋我呀！

今天Miss So 冇番，多了一堂空堂，可以做自己野，不過就擔心自己D 英文唔知會沉淪成點law，因為英文一死，就 GAMEOVER ga 喇，好鬼擔心law。

究竟我應否向她表白呢？？？我心始終都好亂，唔知點做！最害是傷了她，失去一個朋友，我最怕的就是失去朋友，朋友是無價的，天呀，我應點做呀！！！

>>September 30, 2003 at 11:02:01 PM GMT+8

2003 年 9 月 29 日 星期一 【晴】

今天不如意的事實在太多太多了，多得數之不盡，唔知點好了，又找不到人傾訴，個人整天都異常的疲累，困乏，整晚都像失落了一樣，不知何去何從，心裏有無數的問題和煩惱，亦有無數的鬱結，我有很多事都不懂處理，亦不懂表達，故真的唔知點算。

我的心實在太亂了，完全失去冷靜，連我都唔知怎去形容，心亂如麻，應該如何是好！！！


>>September 30, 2003 at 7:30:39 PM GMT+8

2003 年 9 月 28 日 星期日 【晴】

今日晨早就去左中央溫習，見到許多新舊同學，大家一齊努力，時間正在每天每天的倒數着，剩下來的日子越來越少，和同學見面的時間又少了一天了，唔知第時會唔會繼續有約會，有聯繫呢？

今日敏兒唔開心呀！希望佢快D收拾好心情啦，希望過多幾日，問題會早日得以解決啦！至於我的問題，和上週一樣，都是在爭札中，不知如何開口，每天都思前想後，唔知點好，一方面是真心的愛她，真心想和她一起，守護她，但一方面恐怕她不接受，害怕隨時連基本的朋友都冇得做，真係唔知點做才好，每晚都為這事而苦惱，天呀，我該怎樣做呀？？？？？？

本週可記的事情不多，期望來週有多D愉快又難望的事就好了！但願每天都開心快活地過！

>>September 28, 2003 at 9:33:34 PM GMT+8

2003 年 9 月 27 日 星期六 【晴】

今天去了中大，參觀了我夢想中的彼岸--地理與資源管理系，睇完之後，發覺自己真係好有興趣，好想讀這科，但眾所周知，中大收生一向要求好高，令我唔知點算。

今日全日都對住部電腦發呆，發白日夢！

>>September 27, 2003 at 10:09:17 PM GMT+8

2003 年 9 月 26 日 星期五 【晴】

時間過得真快，話咁快就過左廿五日了，今日是中學生涯中，最後一日夏令上課日，由下星期一，直至考AL，離開廖記，都會行冬令，即係放三點四，放一點七的日子，都會成為過去。時光飛逝，日月如梳，以後食飯就唔可以咁‘他條’，要趕頭趕命了，很懷會念夏令的日子呀，起碼D時間好用D，多D時間做自己野！

>>September 27, 2003 at 1:52:53 PM GMT+8