2006 年 1 月 11 日 星期三 【晴】

日本之旅第八日

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
晚晚都發同類型嘅夢
好痛苦
晚晚都好desperate咁要搵你
但係晚晚都係連點先可以搵到你都唔知
係咁搵係咁搵
晚晚都喊到傻

以後唔好去旅行去咁耐得唔得呀
我好痛苦T^T

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
尋日本來仲爭論緊去邊個溫泉好
一有同事推介左個又平又好既溫泉
上網搵資料既時候發現價錢有 D 偏差
而且仲幾貴下
放棄
自己病病地, 唔多想浸溫泉（怕暴斃嘛）
最後我早左訓
淨返佢地三個慢慢商議今日既行程

晨早流流起身
尋日好早訓, 所以今日早醒
聽到漲大大聲話丸尋日洗既野放左響澡房
搞到成陣味

好遲先出門口
去 wendy's 食早餐（查實係晏）
食完坐地鐵去後樂園
成個旅程日日都坐火車
今次卒之第一次坐地車

到左後樂園
先係周圍行左一陣
之後就去 La qua Spa 度浸溫泉 + 焗桑拿

之前仲擔心無帶泳褲
入到去先發現唔使擔心
因為......
呢個溫泉係唔使著衫既
四個麻甩佬裸裎相見浸溫泉
之後仲要著面衫面褲（真空）焗桑拿
真開放

日本浸溫泉好乾淨
2880 yen 真係幾抵
直情可以響度過一整日黎嘆世界
仲有kanebo 同埋shiseido o既整套洗頭沖涼護膚set 頭用品任你用
浸完溫泉沖完涼真舒服

果度有幾間唔同 theme 既桑拿房
聲稱係用唔同既岩石 + 唔同溫度配合
好舒服
結果焗完又沖多次涼

一邊曬太陽, 一邊望著 D 人玩過山車
輕鬆, 過癮
尤其係可以慢慢享受呢個旅程難得既輕鬆
舒緩疲累既身軀
不過我不禁為之後行程擔心
離開都已經四點幾啦喎......

輕鬆完落左樓下一蘭食麵
上次食過, 漲同丸都讚好食
所以又去食多次
今次漲無再流鼻血
所以我可以輕輕鬆鬆食麵

響商場行左陣就坐丸「斜」內線去秋葉原
出地面第一個反應係：
「有冇搞錯！黎左鴨寮街......」
的確, 果度賣既野同鴨寮街無乜大分別
多數係電子儀器
所以除左漲要睇耳筒之外, 我地主要都係行玩具舖

好多漫畫動漫玩具睇
行左好幾間呢類型既舖頭
同埋去左 D 有夾公仔機既地方
無乜點消費
可能呢 D 地方唔太適合我掛

行左幾間機舖
香港既機舖多數好細間
日本絕對唔會有呢 D 事發生
D 機舖可以係幾層, 甚至係一幢大厦......
最搞笑既係入面既機種唔太多
行黎行去好似得果幾種機打

行過見到一部夾漲呢個旅程好鍾意既冬菇既 key holder
夾左兩次都失敗（第二次差少少就得）
於是佢成部機拎起咁滯
卒之成功跌左兩個公仔
真暴力

後來去左另一間夾公仔舖
有兩部超勁扭蛋機
一部係1000 yen, 一部係2000 yen
2000 yen 係抽 iPod 既扭蛋機
其中獎品包括：iPod, iPod nano, iPod shuffle, 同埋 質素唔高既底褲
賣點係有機會用 2000 yen 就拎到iPod
個人覺得係所有既扭蛋都只會令你扭到底褲.........

間舖有 ear phone 夾
不過 ear phone 上面有好大個小倉優子既肖像
有個人三兩下手勢就夾到
見佢成手都係小倉優子 ear phone
唔通佢係 fans？
想要 ear phone 既漲試玩一次
結果證實：
看似容易既野, 實際上可能做唔到

間野仲有好多超大隻公仔（成半個人咁高）
有隻人咁大既 Stitch 公仔可以夾（奬品o者, 唔係要夾果隻野）
佢地三個猛咁鼓動我去夾
Konnie 無錯係鍾意 Stitch
但係咁大隻公仔一來佢屋企無位再安置公仔, 二來無乜用
所以無夾既衝動
倒惹得同伴既責難......

繼續行電器舖
不過時間好快就到 2000
好多舖都收左
我地猛咁話走
搞到一心黎買 ear phone 既漲黑晒面
好彩大家行最後一轉既時候畀我買到
仲買左大約 300 yen 既DVD-R
準備用黎燒低呢幾日影左既相

漲又講錯野
今次佢想講有錢唱既時候
講錯左有錢摷
結果好快就畀我記錄低
欲撐不能
呵~~~

夜晚又食咖喱飯
呢個旅程好似食左好多餐咁
不過我鍾意
今次呢個咖喱飯唔太差
但係同涉谷果間野比, 實在係差得太遠啦~~~

最後一站係去目黑站隔離既 Starbucks
佢地就買野飲買野食
窮困既我都係留番 D 錢慢慢用
不過發現其實尋日可以唔使唱錢
因為我剩低既錢都夠我支持餘下既旅程..

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
日本風呂

溫泉 Onsen

大多數的人聽到溫泉兩字，便想起日本風呂，不錯日本溫泉真的是世界知名；
幾乎全日本都有溫泉旅館及酒店
所以遊日本有時間一定要浸浸溫泉，試一試日式風呂。

日本是全世界火山最多最密的島國
但同時又賜給日本無數不同種類，取之不盡的地下寶藏──溫泉。
溫泉不但提供熱能，更提供增進健康的好去處。
日本的溫泉因不同地區、有不同的水質及不同做成分
大致上可分為食鹽泉、硫磺泉、芒硝泉、放射能泉、明礬泉、碳酸泉、重曹硫化水素泉等。
據說浸溫泉有治療功效，例如腸胃病、皮膚病、婦女暗病、風濕、神經痛、糖尿病、外傷、蛇蟲咬傷、火傷、還可以美容等等。
日本人崇尚溫泉，在日本各地大約數千個溫泉鄉
而每年到溫泉鄉的人次多達億次，由此可見日本人對溫泉熱愛。

────────────────────────────────────
溫泉種類

日本各地溫泉鄉大部分的溫泉旅館、酒店變成為室內大浴場
不過仍有很多溫泉旅館、酒店是天然式浴場
一般溫泉旅館、酒店中的浴場大部分都是分開男用、女用的。

另外還有家族風呂式的小型浴室，供夫婦及其子女一同使用的。

只有小數溫泉旅館、酒店是入口分男女、浴池則共通的古典式混浴溫泉
而且多位於郊外區。

至於露天溫泉可分為二類，半露天溫泉及野外露天溫泉
半露天溫泉多數是旅館酒店範圍內，大部分一樣分開男用、女用的。

野外露天溫泉一看其名便知其意，是在野外或是在河邊圍成的風呂
不分男女老少，隨時可以入浴
間中會有比較開放的年青婦女使用，但大多數是較年長的女人及男人使用。

而在市區的溫泉全部都是浴場住宿欠奉，如時間緊迫不失為好地方。

────────────────────────────────────
溫泉常識

「一泊兩食」
一般溫泉旅館的宿費都包括早晚兩餐
只需在入住時說明用晚餐時間，到時間時女服務生便會送進你的房間。
要注意不是所有溫泉旅館包食的。

「自動購票機」
無論到公共浴場或溫泉旅館，大多數是以自動購票方式付款
拿票據到櫃面換毛巾和鎖匙。

「脫鞋換拖鞋」
所有公共浴場或溫泉旅館都是要脫鞋的，換上拖鞋才可入內。

「脫清光去泡湯」
無論到公共浴場或溫泉旅館（九十％），差不多全都要脫清光
連內衣，泳衣都不可以，只有小數的新式溫泉酒店才可以穿泳衣。
（可以用毛巾包身體）

「泡湯前洗白白」
大家在浸溫泉之前，請先洗澡洗頭
切勿未清潔就跳入溫泉，以免染污泉水，為人為己「泡湯前洗白白」。

「浸後不要冲身」
泡完湯，不宜馬上冲身，因為泉水內的礦物質要四至五小時才會被人體吸收。

「吃太飽勿下湯」
泡湯最好是飯後二小時才去泡，或是泡湯後才進食。

「浸後不要睡」
浸完溫泉不要睡覺，皆因體內血氣在急速運行令之背部出汗
最好是散散步或聊聊天，當血氣散後便可以睡一覺好的。

「早起去泡湯」
早上的空氣清新，是泡湯最好的時候，泡完再食早餐，人生一大享受。

「量力而浸」
每一個人因體質不同，泡湯的時間也不同
一般浸十至十五分鐘便足夠，泡太久會浸到暈。

>>January 19, 2006 at 7:47:23 PM GMT+8

2006 年 1 月 10 日 星期二 【晴】

日本之旅第七日

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
又再放榜
又再猛車邊

i need a shoulder
i need a hug....
快d返呀T^T

konnie

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
今日既鬧鐘鈴聲係：
仲鬧乜鬼野鐘呀
聽到鈴聲都係醒唔到
放棄左啦！！！

尋日響火車月台見到一間麵店
係呀, 真係響月台架
今日走左去食早餐
響門口對住部食券機望左好耐
最後都係揀左 D 有圖既食
不過不失

之後坐山手線去到新宿
再轉中央線去三鷹站
落車我地穿過 D 日本式既平房民居
漲話好有叮噹入面 D 屋既 feel

行左陣, 大家都唔太清楚有冇行錯方向
入左間便利店問路
響入面買左本有關日本史既雜誌
連稅要 1000 yen
一本色情雜誌 / 漫畫書都唔超過 500 yen
歷史既「代價」真係沉重.....

行多十幾分鐘
終於去到三鷹之森美術館
未入正門先興奮
興奮既原因係 reception 有一隻高過一個成年人既大龍貓公仔
仲只係用黎當裝飾
入到去咪仲多野睇
呵~~~~~

入場, 職員用蹩腳既英文同我地講室內嚴禁影相, 室外則無妨
原文為：「outside can, inside no」
蹩腳與否請自行判斷
不過聽到唔畀影相始終唔太過癮

入場券係隨機一套宮崎駿動畫既其中三格菲林
除左靚之外, 呢間館都表明左佢地既心思
貴 D 都係值得既！

行入門口就覺得好有宮崎駿特色
天花係個螺旋槳（宮崎駿動畫中飛機既螺旋槳）平放作裝飾之用
仲有 D 半面懸空既樓梯響牆上面
心思呀！！

入去睇第一個展覽館
講動畫放映原理
先係有好多層既背景
再響背景最表層配上最常郁既野

此外仲有好多唔同既模型
開頭睇唔出有乜分別
睇左陣先知係一連串既動作既模型
D 模型製作得好仔細

不過都未到高潮
最後望到一個轉轉模型
由上至下 fix 左好多唔同角色, 每個角色有好多個模型
一轉就見到每個角色做既不同動作
無懈可擊地屈機
淨係呢番心思已經值回票價！
無得影相, 偷映左 Video
不過質素不佳, 可惜

整個館共分三層
地面係迷你影院 + 第一展覽館
一樓係第二 + 三展覽館
二樓係手信部 + 餐廳

跟住去到館入面重點地方：
迷你影院
影院有三齣宮崎駿短片睇
其他地方無得睇架
影院係每個鐘既15, 35, 55 分都會播一套短片, 每套15 分鐘長

不過我地發現既時候已經好多人入場
淨係得企位
決定下一套（15 分果套）開始前十分鐘先再去排
所以我地就去左一樓睇野

先去第二展覽館
第二同第三展覽館由多間房間組成
一入去第一間房就見到宮崎駿既手稿
第二間房就係飄零燕（唔睇過都唔知原來飄零燕都關宮崎駿事）
之後有間模仿佢工作室既房
入面掛左好多佢既手稿
畫得好靚, 有幾張唔近睇真係覺得係相唔係畫......
然後有 D 佢既劇本手稿
每本手稿左邊係圖, 右邊係對白

漲睇到 D 野
好興奮地叫我地睇
佢話：「你睇下！叮噹呀！！」
叮噹？！？！！？
原來係龍貓......
仲以為我一直記錯野添

偷拍左幾張室內裝修相
不過影像模糊
可惜

行去睇第一套片
係講一隻水蜘蛛同一隻海底生物既故事
非常好睇
有一貫宮崎駿風格, 畫得好靚, 音樂又好聽
故事又幾有趣, 有幾個位搞到成場笑晒
最衰係有o的自私阿媽帶住個 BB 入黎
帶 BB 入黎唔係問題
問題係個 BB 喊到死咁佢都唔理
唔帶佢出去, 又唔理個 BB 做乜
搞到周不時都有喊聲.......

為左自己可以睇完套戲唔理 BB, 唔理其他觀眾
呢一代既日本媽媽係咪自私到咁呀......

睇完出黎諗住即刻排第二套
點知已經好多人排緊, 所以我地決定睇完第三套再睇第二套

又走返上一樓睇野
未睇完一個館又要返落去排隊......

第三套戲係講一個女仔帶左好多蘋果去野行（遠足）
之前唔明佢做乜帶咁多蘋果行
之後先知佢用黎賄賂周圍既奇怪野
e.g. 河怪, 樹林怪, 屋怪......
套戲最特別係佢全部聲效都係用人聲（兩個人）扮既
例如水聲, 風聲, 雨聲咁
好特別, 好好笑

又再上一樓去睇未睇完既野
又係未睇完就要返落去排隊

第二套戲係講有人送左粒水晶狀既種子畀一個男仔（好似千與千尋個白龍）
種左個地球出黎
套戲又係畫得好靚, 音樂又好好聽
不過今次好多日文對白, 又無字幕
完全唔明佢講乜
好可惜

呢三套短片係新作品
每個時期都有三套, 期期唔同
其中一套係講次子與小貓巴士
小貓巴士同次子差唔多大
只有一個座位 + 四隻腳
可愛

睇完晒之後就上第三展覽館睇野
又係一大堆手稿
真係好靚
唔睇過都唔知 D 動畫背後有咁大既學問

上左二樓手信部
入到去, 好多龍貓野賣
手工無迪士尼咁好, 價錢都低好多
好多都係外邊無得買既

行上天台影天空之城機械人
途中見到個好大既大貓巴士模型
仲有好多細路仔擒上去玩
個模型好扎實, 完全可以承受

睇完晒野離開, 諗住穿過井之頭公園行去吉祥寺
講錯做吉祥町, 畀尋日講錯野既漲串左好耐
個公園好靚, 日劇有用黎做背景架
不過我地迷路

結果問左一個嬸嬸點樣行
佢二話不說就帶我地去（可能有講, 不過聽唔明）
呢個導遊嬸嬸唔太識照顧團友
第一係佢行得好快, 第二係佢唔俾時間我地影相
去到最後得我同一兩個可以緊貼嬸嬸
漲同延完全行邊影邊跑先可以不致蕩失路

去到吉祥寺, 多謝完嬸嬸之後就食飯
食左間唔好食既咖哩飯同牛肉飯
鄰桌係一班去完三鷹既香港人

之後行街, 去左好多大商場
去左間99 yen 店, 超多野賣
之後去幫一搵袋, 一就搵唔到
但係途中竟然畀漲佢朋友托佢買既 agnes b 袋
真巧合

搵唔到 Nike shop 響邊
響東急百貨 information service counter 問路時
個職員擰轉面
以為佢唔幫手
過左陣先知佢幫我地搵電腦
仲 print 左張地圖出黎指示晒我地點去
日本人既服務態度真係好到呢~~~~

然後就去左 Nike shop
由於買左鞋, 行下就算
搵到一間賣廚具既 105 yen 店
幾平幾抵, 不過唔會買返香港

今日漲響不同舖頭拎左好多衫黎影相
包括好多波衫同埋o係一間小舖入面既得意圖案Tee
跟住行過一間衫舖, D 衫好抵
990 yen 至 1900 yen
又忍唔住買左兩件
不過無漲咁瘋狂

最後去食晚飯, 食返個好味 D 既牛肉飯同咖哩飯

返到目黑屋企
五叔返黎之後第一時間係同佢唱錢
漲唱左 25000 yen
我都唱左 $1000 港幣

之前同 Konnie 講我唱左 $8000 港幣
後來先記得我唱左 $6000
好似好節儉咁
呵~~~

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
宮崎駿之感官世界

前言

宮崎駿部分作品的精神分析很有意思。　

說是部分作品，因為我只看過部分，相互之間有相通的地方，也有差距。

說精神分析，是因為我是個現代派中的經典主義者
基本上在十九世紀西歐誕生的三種理論和分析方法中打轉：
一是經濟分析，就是馬恩的那套，講階級、需求和價值；
二是弗氏的對話實驗，也就是精神分析；
三是索緒爾奠基的現代語言分析，發展下來有結構主義、文本分析等。

宮崎駿的作品，分析起來，用不上傳統經濟理論，文本分析又非常龐大
我只好選擇精神分析。
這是謙詞。
反過來說，宮崎駿的作品精神偏差非常多
而且非常有日本國民性和我們這個時代的代表特徵。

在我們瞭解到的日本當代文藝作品中，宮崎駿的作品表面看來極為「正常」。
比如，大島渚的東西很多人看不慣，但看看大江健三郎就又覺得大島沒什麼；
三島由紀夫怪怪的，傳統「正派」的川端康成偏和這麼個另類人物關係非常好
還替他主持婚禮；
北野武的東西也有很多人斥為變態；
年輕一些的獨立作品潮流中，黑澤清、竹中直人等影片中的人物也怪怪的，玩催眠、靈異。
好像這幾年的日本名人中最正常的是巖井俊二，但他與宮崎駿一樣值得分析。

我們最好的文學和電影相結合的部分經常也如此。
比如被改編最多的之一蘇童，不少人指責腐朽陰暗。

相比之下，宮崎駿的作品正常得像咱們這裡二月河的小說。
除了一小撮知識分子，全社會沒有指責，大家都看得津津有味。

宮崎駿作品的中心是少女。
這一點，從《源氏物語》到川端康成是一致的。

重要的首先是年齡，其次是性別。

──────────────────────────────────────
性別

其次是性別問題。性別問題集中在個人能力上。

女性性別在宮崎駿的作品中非常突出。她們既非常女性，又不乏男性的所有優點。
但是男性就差很多，經常在為一個錯誤的理念做錯事，甚至是缺乏能力的代名詞。

這個觀點很像〈紅樓夢〉裡說的女人是水做的男人是泥做的。

單看〈幽靈公主〉。

日本動畫片對超能力（SUPER POWER）的幻想集中在男性身上
通俗的〈北斗神拳〉、〈四驅小子〉、〈灌籃高手〉等，高級的〈明(亞基拉)〉等。
女性有時候也有超能力，但更多是幻想型的，如〈櫻桃小丸子〉。

日本動畫對超能力的幻想，我看深層次的原因之一是軍國主義的覆滅。
任何民族都可能對力量產生崇拜
但在日本，由於社會體制和經濟在發展均以二戰後美國的佔領為前提
對力量的崇拜更接近幻想。

這包括了體格方面的原因。
比如所有黃種人籃球迷在電視裡看到美國黑人球員灌籃時的羨慕。

體格的原因由於少年題材的年齡問題而加劇：
少年人沒有成熟的體形，他們力量更小。

日本動畫片中對超能力的幻想一貫伴隨著恐懼
他們在明治、大正、昭和時代曾經嚮往以力量取勝卻徹底失敗
而且毀滅的最後象徵是原子彈。

所以就有了〈幽靈公主〉中男少年的形象：
由於殺戮，他偶爾得到超能力，但超能力還會帶來他自己的毀滅。
這是故事的引子，後面的全部內容是嘗試彌補殺戮這個過錯，放棄超能力以獲取新生。

這就是有關男性性別對於宮崎駿的意義：他們不斷在犯錯誤並缺乏糾正的能力。

〈幽靈公主〉中另兩個男性形象更具備父性的意義，被描畫成兩個極端。

一是矮胖和尚。
和尚被公眾認為無慾，但他是該片中最貪婪的人。
而且作為和尚，他也不可能做一個父親。

另一個是神鹿。
神鹿本身有佛教意味。
他的行為與殺戮相反，就是超度，不僅超度無辜者，而且超度剛剛放下屠刀的人和動物。
他或許是個幻想中的合格父親，因為他能治療一切傷痛。
但在他被殺戮的瞬間，他變為超能力的惡的具體代表，並毀滅一切。
他復活的瞬間也是他徹底蒸發的瞬間，他成為大地的父親。
大家通常說的是大地母親，漢族和周邊少數民族都這樣說
古代天圓地方天乾地坤也這樣說，其它民族的民間傳說（如古希臘的、俄羅斯的）也這樣說
可見神鹿與和尚一樣，雖然是男性 / 雄性，但已經喪失了性別。

〈幽靈公主〉的女性形象以剛烈果斷為特點。但造型都很美。
造型與性格能力的衝突與「美少女」系列的構思只有高低之差
在現實主義原則面前五十步笑百步。

她們的能力被「明治化」
就是放到日本開放之初、日西文化大衝突、日本還沒有徹底軍國主義化之前。
能力的依據在兩個女子身上有不同反應。

幽靈公主代表著自然混沌嗜血萬物和睦相處的年代
代表著萬物有靈，代表莽莽森林自衛的攻擊性，背後是日照大神上千年的傳統。
這些都很普通。但，不同尋常的是她的年齡，她與男主角相仿只有十多歲。
她的能力來自神秘時代的所有傳說，靈異的動物和肢體的敏捷。

女城堡主代表著理性、西方、武器至上，求發展、向地球做最大程度的索取。
她基本是男主角母親的年齡。她的力量來自有組織的人群（近似愚公移山和人定勝天）
科技進步和經濟學的效率觀點。好像是個母系氏族的孑遺。
其實正因為她在幾個主要人物中最現實，所以她的形象最離譜。

這種有明確歷史成因的個人能力不是超能力，與小男主角莫名的超能力截然相反。
明治時代的在位與昭和晚年的缺席，講述著日本人心頭的兩塊情節：
對明治的理想化和反思，昭和的隱痛和對昭和的寧願漠視。

如果〈幽靈公主〉中有一個人物一直沒有犯罪，那就是公主，一個少女。
雖然該片的唯一主角是少男，但中心英雄形象是標題中的幽靈公主。
少男因為超能力並不屬於他自己，在故事中更多扮演的是個紛爭的調停人
基本是個無能力的角色。
這就是宮崎駿一慣的男女角色的性別對換。

他不是唯一的。
咱們這裡的謝晉也一慣將最大的能力和政治正確安放在女性人物身上
而男性或者是無能力的、或者是有罪的。

能力是什麼？
日本動漫一向把能力分為兩類，一為四肢的延長線，二為腦子中轉動的能量。

能力的分析分為三部分：一是來源，二是大小（也就是是否超越自然），三是行使的理由。
這三個元素結合起來決定著結局。

少男的超能力無人能理解，集中於右前臂，來源不明，連他自己都不敢利用；
少女的能力來自她自己完全瞭解的地方，而且沒有任何超越她個人的東西。
這兩個人的能力到結局時不會給他們帶來災禍
因為他們拒絕使用超能力、或運用的是自己天生的柔弱力量。
也正因此，他們本是該片完美的一對。

女城堡主運用的是典型的日本式「手臂的延長線」。
手臂的延長線可以是一把軍刀，在該片中是毛瑟槍。
正像腿的延長線在別的日本動漫中可以是一輛摩托車。
她為此要把結局處付出代價，就是喪失一隻胳臂。

只有神鹿完全運用他腦中的能量，因此他與〈明〉中的主角亞基拉一樣
最後只能徹底蒸發掉。
這一點，在萬物有靈論與佛教的結合當中
至善和至惡對世界的貢獻是等價的，也很像太極的陰陽互生互滅。

──────────────────────────────────────
年齡

《源》男主角17歲玩遍花花世界。
《好色一代女》作為色情作品結構比《金瓶梅》或《發條橙》差一些
但年齡與色情的結合與《金》或《肉蒲團》相反
咱們的這兩部作品明確表示20-30歲之間是女性的花樣年華
中國其他大部分作品也是這樣表達的；
《好色一代女》雖然一直講到年老色衰在街邊乞討（像《祝福》和《駱駝祥子》）
但性愛的中心年齡是15-17歲。
它明確地講最好的年齡是15歲，到17歲就走下坡路了。

西方文學作品中現成的例子，杜拉在《情人》的開篇詞中感歎：
我十八歲的時候已經太老了。那是西方眼中的東方情調。

西方電影作品中，現成的例子起碼有兩個：
一是2000年獨聯體的《27個丟失的吻》，出了盜版碟，女主角說是14歲
故事對性的問題不迴避；
二是更有名的《萊昂：這個殺手不太冷》，女主角13歲，很曖昧。

中文作品中，這個問題最突出的，是我們最偉大的小說《紅樓夢》。
一堆紅學家討論過賈林薛的年齡。
比如黛玉到賈府的時候，有人說剛夠14歲還是虛歲，也有人說得有17歲了；
她籠統在賈府呆了不到兩年，按現在的「標準」，是早戀。

戀之為早，取決於事件主角的年齡，但更取決於社會背景。
如果大家都在16歲開始初戀，高中生就不算早戀。
如果在12歲就結婚了該怎麼算？

舊北京結婚的年齡偏小。有歷史學家說整個封建社會結婚的年齡一直的慢慢提前。
我們不用看歷史，看作品就可以。
《西廂記》的性愛比《紅樓夢》「正常」一點，男女主角都是成年人
鶯鶯即使沒二十也過了十八了，符合現在國際通行的成年人年齡標準，張生年齡更大一點。
但看舊北京的老照片，看當時人的自述，好些十二三歲結婚的。
溥儀大婚也就14歲。當時的吳佩孚15歲首婚，對他沒有任何影響，很快喪妻後，31歲再婚。

十二三就結婚，現在的人看來很難理解：
那年紀，能幹什麼？可是讓他們看我們會更奇怪：
憑什麼允許不結婚先做那事，就不能讓人家先結婚，再慢慢學做那事嗎？

況且還有別的說法。傳說清末遜帝在大婚之前就有那麼擋子事，宮裡的事情。
有一堆女人想做賈寶玉的秦可卿。
這也不奇怪，以前就有萬曆皇帝從少年時直到老年一直與比他大19歲的乳娘情深意長。

年齡如此重要，也因為我們相對來說生活在一個缺少禁忌的時代。
西方這一過程是60年代完成的，個別國家拖到70年代初。
當時他們的老文人感慨：
在拉馬丁、雨果的年代，一個少女可能為意外失去貞操而自殺
而1970年的巴黎，15歲的處女少得像大白天的星星。
我們這個過程還在繼續，中國非常大、地區差異很大。

禁忌的缺乏，來自上個世紀下半葉世界性的開放。電影只是個例子。
當暴力和色情並非禁忌之後，當網上小孩灌水也高呼SM之後，只有年齡的禁忌
分級制以年齡為依據，是娛樂產品與傳統倫理相互鬥爭和妥協的結果。
大島渚的作品和《索多瑪120日》已經把成年人的所有禁忌全部打破了
幾乎同時伍迪艾倫有搞笑版卻同樣深刻的《你一直想知道卻從來沒有敢問過的有關性的一切》
（《性愛寶典》）。

所以到了我們的年代，只有一個禁忌，就是成年人與未成年人性交。
網上禁止發佈18歲以下的模特的色情照片，各個國家嚴厲打擊兒童色情
發達國家的電影對這個問題諱莫如深
中國刑法規定任何成年人與14歲以下的人發生性關係前者犯強姦罪。

60-70年代解除禁忌，在電影中的標誌是六十年代的《洛麗塔（一樹梨花壓海棠）》。
《洛》來自文學，有著一個人在不同文化背景中連續生活後的恍惚
還有戰後氣氛也就是頹敗而不是吸毒之後的激越
是個體對全社會不恭敬與個人尊嚴至高無上的混合品。
《洛》在未成年人性生活的問題上走得最遠。

也就是說，暴力和成年人色情還可以玩很多花樣
未成年人的事情，後來不可能比《洛》更過分。

宮崎駿的作品，主角年齡很小。
他出品的作品中，《聽見浪濤》等基本還是個初戀的年齡
大概上高中或高中剛畢業，談起戀愛來大部分觀眾不會反感。
但他自己的作品年齡更尷尬
《魔女宅急便》和〈幽靈公主〉的女主角和男主角說不清楚多大
前者可能13、14歲，後者可能15、16歲。
這是個非常讓人猜疑的年齡。
〈千與千尋〉把問題簡單化了，因為涉及到父母，小女孩10歲左右，把任何猜疑排除在外。

年齡如此重要，因為日本動漫有將少年人年齡模糊化的一貫傾向。
這個傾向是藝術的一部分。
但在日本文化的其它方面，也有同樣做法，比如色情娛樂。
日本的通俗色情作品關注所謂「女學生」是大家都知道的。
再比如所謂「車站讀物」，就是在火車站或機場購買的很便宜的一次性讀物
即使不是動漫，內容也常涉及中年人與少年人不平凡的「純真」情感關係。

不僅模糊化，而且故意大齡化。
引起猜疑的方向是預先設定好的。
如果說美國電影整體上有幼稚化傾向，就是把觀眾都設定為6歲的文化和智力水平
日本動漫的整體傾向是以少年形象打動人
但將少年人的體格和能力盡量往成年人的方向靠攏。
這個影響非常大，有多少中國少年曾經在課桌、牆壁、書本裡描畫過「美少女」？
有多少日本男少年幻想著自己有一對「鐵拳」？

比如典型的「美少女」，看年齡大約為12歲，針對的觀眾可能以小學畢業到初中
講的是各種班級內部爭鬥的變形版本，可是身材是魔鬼式的。
擁有這樣的身材是女性對自己的幻想還是男性對性伴的幻想？

宮崎駿的作品好像不涉及性問題。巖井俊二是個旁證。
這兩個人都是純情派的高段位「電影藝術家」，功底深厚，影迷叫好，票房也很好。
《情書》把性問題都躲過去了，尤其是非常巧妙地把少年人的性問題躲閃過去
留下的都是純情話語和物證。

年齡的問題
在中國比較成熟的另一個旁證是從第一代到第六代的電影驚人一致地將談戀愛的人圈在25歲左右。
在中國的不成熟是所有作品在這個問題上都在導向瓊瑤：將初戀與婚前教育混為一談。
詳細說，就是：22歲第一次談戀愛，磨磨蹭蹭談個三四年（取決於連續劇的長度），然後結婚。
愛情導向婚姻，婚姻是愛情的結局。

這個問題好萊塢俗片比日本和中國電影更成熟一點，就是把初戀與婚前戀分得很清楚。
1990年以後好萊塢的初戀片頭號類型是恐怖片，《驚聲尖叫》等，主角年齡為18歲左右；
婚前戀的年齡翻一倍，35歲左右，已經經歷了無數情愛滄桑、只想找下半生的伴侶
這種人經常被設計為已經結過一次婚，找的是同齡人，類型基本可以算是浪漫現實主義
比如《西雅圖未眠夜》、《當哈里遇見薩莉》等。

中國35-40歲的戀愛戲多數在倒生活的苦水，向後看不向前看。
所以與這個年齡人不戀愛的戲差不多。

日本這個年齡的人在電影中佔據的地位，有一點很突出，就是男性比女性重要。
男性的統治地位還反映在這一類題材充斥著藝術化的
但與通俗色情讀物一致的中年男性對青年女性的幻想。
遠有〈追捕〉，近有〈談談情跳跳舞〉等。
日本電影的進步，在這兩部具體的影片中
是〈追捕〉將中年男性對青年女性的幻想強加在後者身上
還非要反過來說是青年女性對中年男性有性幻想；
而〈談談情跳跳舞〉已經承認支撐社會的
只不過是中年無聊男性永遠也實現不了的對青年女性的性幻想。

日本影片中近年的異數之一是青山真治的〈人造天堂〉。
結局落到一個中年男人（役所廣司）與一個十一二歲的小女孩共同面對以後的生活。
父親與孩子的感覺很濃，雖然他們不是一家人。
但拯救的方向還沒有變：成年人拯救未成年人。
　　〈千與千尋〉反過來，未成年人拯救成年人。小女主角的年齡比宮崎駿其它作品還要小。這個方向的拯救更加肯定這是一個家庭內部的故事，與性愛沒有關係。

因此唯一的疑問，是類似〈追捕〉讓人產生的疑慮：
到底是宮崎駿這個中老年男人幻想在無望的成人世界中只有兒童才有拯救的能力
還是兒童幻想以超能力拯救父母？
鑒於〈追捕〉在性幻想上的錯位可能過了一二十年別人才看清楚
〈千與千尋〉講述的是誰的幻想，恐怕也要過一些年。

──────────────────────────────────────
善惡

就像所有傳統作品一樣，宮崎駿一直在嘗試懲惡揚善。
他的聰明足夠使他非常委婉地講述善惡之爭，甚至有時候並不直接給出最明確的答案。
這也是明治思維，既充滿對西方理性 + 效率的景仰，又難以割捨傳統。

有關善與惡，如果我們脫離明治之前的時代，進入二十世紀，甚至進入21世紀
應該有什麼樣的理解？

以下是本文的精神分析型結論。

愛與恨的共生被美國影片〈獵人之夜〉表現為各寫在四個手指頭上的四個字母：
LOVE，HATE。
而那個男主角是個牧師，每當他禱告或布道時，手指交叉在胸前
別人能讀到的，就是八個混在一起的字母。

在二十世紀二十年代，弗洛伊德修正他的理論，將驅動人的行為的本能分為愛和恨。
集中體現這一思想的有他與愛因斯坦的通信，目前中文已經有了幾種譯本。
弗洛姆在他之後對恨有著更透徹的闡述。

弗洛伊德在信中說：
「我們認為人類的衝動(另一版本譯為「人的本能」)總共可分成兩類：
　第一類是想要保存和結合(另譯「統一」)，我們稱之為愛……這是日常用語「性」的延伸。
　第二類衝動想要破壞和屠殺；我們稱之為攻擊衝動或毀壞衝動。」

「可是我們千萬得留神不要急於把它引向「善」與「惡」概念。
　因為這些本能作為對立物是不可缺一的。
　這兩種本能既可對立，又可協力，正是通過它們的活動，人類的一切現象才得以產生。」

宮崎駿作品的愛恨交織不單在不同人物身上，也在同一個人物身上。

他的作品的現代性不僅在於非經濟化、泛文本化
而在於每一個結果都是由於愛與恨的共同努力。

他的作品的傳統性
就是成年男性幻想中或多或少將自己無法達到的幻想巧妙地附加在未成年女性身上
並將年齡和性別或者倒錯、或者模糊化。

>>January 19, 2006 at 5:21:04 PM GMT+8

2006 年 1 月 9 日 星期一 【晴】

日本之旅第六日

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
返來哦~~~!!!
konnie*

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
今日既鬧鐘鈴聲係：
《墨爾本的翡翠》以及《說說自己的故事》
點解有兩首？
因為第一首鬧唔醒我地
結果要轉歌先令到我地起身

上次去左一次迪士尼
諗住今次去迪士尼海洋
唔重覆嘛
結果都係去左迪士尼
原因係海洋果邊入場費同迪士尼一樣
細 D, 無咁色彩繽紛, 而且果邊會凍過迪士尼
所以都係去正式迪士尼

早餐食牡
見到好多好似無心向學既學生
不過無幾耐有個女仔行入黎
仲一邊食野一邊溫歷史
勤力呀！

坐火車出左少少意外
我地四個人衝左上一架藍色既特快車, 以為會到迪士尼坐落既舞濱站
諗住睇路線圖 confirm, 一同延兩個行左去另一邊
我同漲發現架車唔停舞濱
於是一邊叫一同延落車, 一邊飛奔落車
結果我同漲係關門前一刻衝左落車
但係阿一同延仲留左響火車上面
我同漲等左三分鐘, 坐下一架紅色快車去下一個站會合佢地

如果見唔返佢地
我都唔知點算好
唔知一既電話（問一, 佢自己都唔知）
即係一失散就唔會聯絡到
幾危險
好彩有驚無險

順利去到舞濱站
好快就行到迪士尼
入場費要 5500 yen, 好貴
入到去影左幾張相
第一個就玩「巴斯光年的星際歷險」
拎左fast pass, 但係都去排隊玩
無計, 上次覺得好好玩, 仲玩左三次

玩完就去玩 Space Mountain
四個人入去, 三個人一齊出黎
點解？
林澤丸淆底, 響臨尾一刻走左去......
三個人玩, 有一個人要單獨坐
猜包剪鎚, 漲輸左
結果佢要一個人坐車頭

佢第一次玩, 有 D 驚
但係都好勇敢地完成整個旅程
查實唔太恐怖
因為架車無直衝, 係咁不停跌落黎之嘛
全程睜大雙眼睇風景, 都唔係太可怕
所以其實係完全唔使驚架！

話就話唔恐怖, 不過漲就手痛痛（頭先捉著扶手用力得滯）
一有少少暈（佢本身開始唔太舒服）
我雙腳都有少少震（都係緊張之故）

出黎就行左過隔離睇劇場表演
休息下嘛
睇下人地表演, 幾好睇
又可以舒緩緊張既神經
同埋欣賞著咁少衫, 但係仲跳得好落力既 dancer
真係好專業
仲覺得佢地好凍

之後等漲買左爆谷食
買完去睇「微縮世界探險」
記得大部份內容
不過仲畀一開頭既地方嚇親

出黎 arm arm 好開始花車巡遊
坐響路邊睇
邊睇邊開餐
食左一大包偷運入去既薯片

之後用 fast past 玩多次「巴斯光年的星際歷險」
今次坐漲隔離
佢 130000 分, 仲多過我地三個加埋
搞到佢興奮到傻左

玩揸車仔
揸既係一架跟住路軌行既車
但係可以踩油門（即係控制加速減速）
當太接近前車會自動剎停架車, 免得相撞
車軌有左右兩條
人多既時候仲會開埋平時唔開既內線

上次黎玩既時候, 響一前面係咁剎車
搞到一好唔高興
今次佢地個個都唔畀我揸響佢地前面
上車個次序為：
左：一, 延
右：漲, 我

當架車行到咁上下
一同漲就停左架車係前面影相
搞到後面全部車都要停晒響度等
最後變成大塞車
佢地仲周不時停一停
我地坐後面既車就不斷窒機
> . <
報應呀！！！！

玩完車去左睇個講日文既米老鼠劇場
講迪士尼既發展史
完全聽唔明, 好在仲有 D 畫面睇下
不過一就好專心咁訓覺......
臨尾仲有個短短的模擬音樂會

玩愛麗斯的午茶派對（查實係S娟捍鄔@啡杯）
好好玩
同小澤延兩個猛咁轉
初時一好開心
不過過左一陣一就覺得頭暈

排隊玩小飛俠天空之旅
排排下隊, 望到一對情侶
只見男的雙手先放響女的腰上
然後向上......
女的反應竟是用手掩護男的行動
> . <
搞錯呀！響童話既世界做 D 咁既野！！！！

去灰姑娘城堡神祕之旅
上左個唔恐怖既「恐怖」城堡
成程係咁講日文, 完全被屈機
見到個職員好勤力地扮可怕
好專業

最後去食雞扒包 + 薯條 + 汽水
只係需要 680 yen
算係好平架啦
食完發現全部地方無晒人
連 D 舖頭都唔畀入
原來佢今日提早關門

原本係 2030 先收工
今日 1930 就唔做我地生意
唔放煙花o者, 使唔使早收工呀！！

結果被逼走人
不過漲響果度係咁影相, 話要賺多 D 先走喎~~
離開, 走左去出面既 Disney Resort
未收工, 好多去完迪士尼既人響入面補飛
我地就係咁幫迪士尼既商品影左好多好多相
買唔到都有得睇........

漲講「電筒」講左做「燈筒」
講完仲要死撐
不過我地個個都唔上當
所以佢衰左
呵呵~~~~

之後返目黑
聽日去宮崎駿既三鷹之森吉普力美術館

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
迪士尼的秘密

和很多公司一樣，美國科羅拉多大學附屬醫院在管理上遇到了問題，而決定向外界取經。
但是它選擇的師法對象，不是其他的醫院，而是迪士尼樂園。

醫院派遣高階主管到迪士尼上課，學習他們如何僱用、訓練、激勵員工。
雖然兩個組織的服務對象完全不同，但是醫院卻表示從中受益良多。
除了這家醫院之外，包括 BMW 、美國銀行等企業，也都曾繳過學費
想一窺迪士尼人力資源管理的秘密。

勞動力（Workforce）雜誌報導，迪士尼的人力資源政策，是造就樂園成功的一大主因。
這些其他公司急於學習的做法，包括應徵時把醜話說在前頭。
到迪士尼應徵時，求職者在還沒有填寫個人基本資料之前，就必須先看一卷錄影帶
錄影帶向求職者說明公司的文化及做法。

例如，迪士尼樂園全年無休，當別人在放假時，員工必須照常上班。
假日、週末、晚上工作，是身為迪士尼人的一部份。
又例如，樂園對員工的衣著要求嚴格，細節小至員工不能露出身上的刺青。
迪士尼一開始就對求職者說清楚、講明白，通常立刻就能篩選掉 10% 的求職者
這些人即使進了公司，也不適合，成了一道有效的求才關卡。

其他值得學習的做法還有，迪士尼遵守「先僱用態度，再訓練技巧」的原則。
即使是清潔人員的職缺，迪士尼也很重視，先尋找適合的人，然後再訓練他們
包括如何觀察遊客，在遊客開口前，就提供他們需要的協助
或者防止園區中出現虐待兒童的情況。

迪士尼負責訓練課程的一名主管表示
清潔人員與顧客的接觸次數，在員工中幾乎是最多的，他們是顧客滿意度的重要推手。
南加大的一項研究證實了迪士尼的說法。
研究發現，許多遊樂園不重視清潔人員
認為他們是較低階的員工，賦予他們的工作職責只是撿垃圾；
相較之下，迪士尼用心僱用及訓練清潔人員，給了樂園競爭優勢。

此外，迪士尼要求主管放下身段身體力行。
當假日人潮擁擠，第一線員工忙得不可開交時，主管也要加入揮汗工作的行列
例如賣爆米花、把貨品擺上貨架等。
迪士尼認為這麼做有幾個好處：
一、主管分擔了員工的工作量；
二、讓第一線員工知道，公司重視他們的工作；
三、提供主管與顧客面對面互動的重要機會。

科羅拉多大學醫院從迪士尼學到了，注意種種細節的重要性。
醫院相信，一連串的小事情，可以累積成大成功。
現在，如果有患者候診一段長時間，醫院會提供給他一杯咖啡。
在建造新的醫療中心時，醫院也採用了迪士尼上下舞台的概念
設計了一個員工專用休息室，讓他們在裡面可以真正放鬆，不用擔心病人會看到他們。

>>January 19, 2006 at 12:34:46 PM GMT+8

2006 年 1 月 8 日 星期日 【晴】

日本之旅第五日

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
病龜！！
快d好返呀!!
唔係我唔放過你!

konnie*

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
今日既鬧鐘鈴聲係：
《男人應該妒忌》

我地八點幾就出門
出左門口食埋早餐先到 0900
尋晚病病地早左訓, 不過訓唔著
結果都係無乜精神

坐左山手線去東京站, 然後轉京葉線去海濱幕張站
要坐九個字車
途中經過迪士尼
好多車泊響停車場
可能今日係日本公眾假期掛~~（成人禮）
十點幾先去到我地既目的地：海濱幕張 Outlet

第一間入既舖係 agnes b
佢班人睇到傻左咁
漲仲買左件衫, 算係補償返尋日買唔到既靚衫

望著佢地咁瘋狂既樣
有 D 把持不住
不過望到價錢, 就好似掂到尖刺咁立即縮手
總算無做名牌既奴隸

今次黎日本, 查實都想添置多對波鞋
始終對上次黎日本買既又平又靚既波鞋念念不忘
今日去 Nike outlet, 當然唔會放過呢個大好機會
最後買左一對好抵既波鞋 + 衫

今日可能係最後一日掃貨
事關今日係日本最後一日減價清貨
度度都係
之後要買, 都可能係貴野

午飯響車站食左個又貴、又無上次去果間咖喱專門店咁好食既食肆食咖喱飯
食緊既時候見到好多女仔著和服
應該係為左成人禮而著
之後再入去個商場
野就無買, 不過就四圍望女仔

大家都無力消費
加上疲累（尋日我地行百貨公司行到響 D 等候椅上訓左半個鐘）
所以就諗新行程
傾左一輪, 有提案係神田, 秋葉原, 東京
最後決定翻炒涉谷

去到涉谷, 返上次間好食既咖喱專門店買左一盒類似旺旺燒米餅既餅
跟住周圍 hae 行, 補返上次無行既地方
到咁上下諗食乜
五叔之前同我地可以返目黑食魚生
不過行行下, 我同一發現「一蘭」有間分店響涉谷
回想起上次黎日本, 響後樂園「一蘭」食既果碗拉麵
二話不說就帶埋漲同延去食
仲打畀五叔話遲 D 先食魚生

響門口排隊
諗左一輪, 決定今次加麵（替玉）
要成 150 yen 架, 連埋個麵本身既 750 yen
總計要 900 yen
貴, 不過好好食

加麵既方法係食完第一碗麵, 唔好飲晒o的湯
放個鐵兜響個 sensor 度示意加麵
一碗淨麵隨即送上
將第二碗麵倒入原本碗湯就可以繼續食

坐響漲隔離食（人多要分開坐, 延同一仲要一個人食呀）
一響我地食左第一碗麵, 等緊第二個麵黎既時候就走
佢唔係食得咁快呀嘛.....
我地食野都有咁上下速度架喎

個麵本身加左辣, 加埋日本天氣乾燥
漲食到第二碗麵最後一啖, D 流鼻血就猛咁流出黎
即刻借張紙巾畀佢按住個鼻
佢成手都係血, 桌面都有幾滴血
可能係個麵實在太好食, 佢一邊流鼻血一路仲要飲多兩啖湯
為食

食完出黎見到延同一拎住個Doner（土耳其夾餅, 用一個餅夾燒豬肉）
問一做乜食唔飽, 佢就話只係口痕
我同漲都算大食, 食完兩個麵都未塞得落其他野
細問之下先發現原來一唔知要加麵要點做
儘管佢入店之前已經買左飛畀左錢
佢都剩係食左第一個麵就走左

難怪我同漲遲佢咁多走
響門口既座位空位表都唔記一走左啦
我諗 D 店員都好唔明
點解叫左個麵, 都可以唔理個麵走左

串完佢一大輪之後去左 ABC Mart（專買波鞋既舖頭）
行波鞋店既原因係一同漲都想買多對Nike 鞋
儘管佢兩個響 outlet 都買左對鞋
漲搵到對 arm 心水既波鞋, 試完就買

跟住再去左另一間鞋舖 ABSEE
陪一睇佢想買, 而 outlet 又搵唔到既波鞋
佢買埋就完成今日既消費行動

入左Shibuya 109 商場搵 toilet
男洗手間響地庫第二層
去完睇左陣
原來果度係涉谷潮特

有一間女裝舖既sales 唔知做乜
全部唔夠錢買布整衫
D 衫少布到痴線
搞到我地走去睇左好多次
好似參觀珍禽異獸咁

行過幾間十八歲以上先入得既舖頭
唔知入面有咩, 亦無心機深究
離開涉谷返目黑
去100 yen 店入貨
又買 Toy 's Story 公仔

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
成人禮

一月九號是日本的成人節，各地舉行慶祝儀式
讓今年滿二十歲的年輕人，宣示自己轉大人了。

東京調布的成人禮，少了冗長的長官致詞
從頭到尾由今年滿20歲的未來主人翁，自己主持表演
這種方式不但吸引年輕人參加，也讓整個典禮熱鬧滾滾。
大阪的神社用敲鐘的方式，替成年新鮮人慶生。
透過清脆悅耳的鐘聲，每人敲20下，宣告自己滿二十歲了。
岐阜成人禮則古意盎然。
依照日本室町時代的習俗，只要滿十五歲就算成年
所以這幾位接受傳統洗禮的少男少女，也提早轉大人。

近年來日本舉行成人禮，成年新鮮人總是滋事頻傳。
盛岡市的典禮，就有人在市長致詞時搗亂
結果遭到戴面具的縣議員不滿，兩個人發生肢體衝突。

日本舉行成人禮，女孩照例穿上色彩鮮豔的和服。
許多人當天一大早就到和服店請師父幫忙裝扮。
而坊間也推出1985年釀造的葡萄酒，讓這一年出生的成年新鮮人，享受喝酒的樂趣。

>>January 17, 2006 at 5:59:44 PM GMT+8

2006 年 1 月 7 日 星期六 【晴】

日本之旅第四日

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
無寫日記好多日
容後再補

實在係太多野寫啦

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
是日既鬧鐘鈴聲係：
《外面的世界》

朝早九點話起身
1030 正式起身
1130 先出門口
又係唔明咁早起身做乜！！

今日我地去原宿
第一站係明治神宮
五叔遲少少先同我地會合
佢特別推介神宮橋呢個景點
因為佢話果條橋有好多豬扒等人同佢地影相
-.-

朝早無食早餐
因為五叔話帶我地去原宿食黑豚扒飯
又食豬扒, 又睇豬扒
所以今日係豬扒日
剩係食左少少香港奇華既餅乾就出發

坐山手線去原宿
好多 cosplay 人
多唔緊要, 核突先恐怖嘛！
果然係豬扒日......

先去明治神宮
行錯路, 領隊一畀人小
算啦, 又唔係佢錯既
睇地圖都唔會知點解行果邊無路架嘛~~

可能因為放假
所以好多人
明治神宮有「明治」兩個字, 仲以為可以睇到 D 明治天皇既歷史
點知行左一半, 全部都係 D 善信去祈福既地方
再唔係就係商業化左既結婚服務所
又或者係賣紀念品既地方
除左建築仲有少少野睇之外, 頗失望

之後五叔打電話黎就走
行左一半都唔夠
如果其餘果半同行左既地方差唔多
我諗我唔會覺得可惜

五叔帶我地遊左好耐花園
左穿右插左好耐
轉完橫街再轉橫街
行到差 D 蕩失路先去到果間食黑豚既飯店
好偏僻, 但係都不斷有人排隊
間野都應該幾出名

排左半個鐘先有得坐
好多日本人仲未排完
但係好有耐性咁等
畀著香港人, 一定拍枱走左啦~~~

入房食
除鞋坐塌塌米
又幾有傳統日本特色喎
打開餐牌, 除左寫左「黑豚」同「紅豚」幾個漢字之外
全部都係日本
幅幅圖都差唔多
都唔知點揀

最後五叔是但揀左兩種寫住「黑豚」而又係最貴（2900 yen）既吉列扒餐畀我地
上菜發現我同五叔個餐都少一塊豬扒, 但係價錢一樣
應該我個餐好食 D 掛~~
食落發現我地食既應該係黑豚既兩個唔同部位
一種肥 D, 一種瘦 D
兩種都好食
加埋該店特製既調味醬汁, 令豬肉變得不油不膩
直頭好食到想食多個

食完開始行原宿
先去剛才經過專賣筷子既舖頭
睇到 D 筷子上面有個人名
諗左諗先知果 D 係筷子 designers
我去 design 都得啦
使唔使賣到咁貴呀~~~

原宿好多衫賣, 但係 D 衫唔 arm 我地
好多間舖入到去都會講：「呢 D 係黃灝峰 D 衫黎架喎......」
成條街都係咁
見到好多個好似黃蜂既人
不過當然比佢更潮啦

好彩佢老媽子唔畀佢黎
唔係佢一定同小澤延鬥快破產

跟住萬叔走左, 我地自己行, 行左好多好多舖頭
例如新平衡（New Balance）, 「Blue」berry（Burberry）, Snoopyland, Beams 等等.....
響某間舖頭一同漲一齊見到一件 polo shirt
一齊鍾意, 但係又係無一 arm 既碼（佢要加大碼喎......）
漲試完又緊得滯
結果無人歡喜
呵~~~

日本舖頭唔知點解收好早
20:00 開始會收晒
不過個天都黑齊
大家又行到疲累死（響原宿兜圈兜左成日喎, 之前又行左幾日, 當然疲累啦）

睇完野去左食晚飯
行過見到一間叫 La Pausa 既意大利餐廳
問極個侍應都唔知我地講乜（卒之搵到個唔識英文既日本人......=.=）
好彩最後都問得明, 仲走左入去食
食左四個意粉 + 一個pizza + 一個薯條
位位 861 yen

行返 Snoopyland, 收左工
漲去之前間舖頭門口憑弔下佢睇中果件間條衫
就搭車返目黑
佢成日都話件衫係佢架喎
=.=

響目黑站 Starbucks 坐
佢地各自叫野飲 / 食
我疲累得滯, 佢地邊坐我邊訓
訓到佢地走先醒

行行下居然落冰雹
儘管只係唔夠 1mm 既小冰雹
不過都幾得意
匆匆行去五叔屋企附近既超級市場
無意發現上層竟然係 100 yen 店

好多野賣, 連Bra 都有....
佢地買左兩支麵粉棍當鼓棍用
兩枝加埋 200 yen, 仲平過排鼓棍
佢地仲話可以當手信送畀人喎~~

返到屋企
五叔帶我地上八樓
響人地間屋隔離既走廊可以望到東京鐵塔
漲捱住零下一度既氣溫影左幾張相就返落黎

聽日去outlet

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
矜貴黑豚肉

先旨聲明，黑豚肉跟海豚絕無任何親戚關係。

黑豚肉其實是日本黑豬肉的一種（日文豚者，豬也）
矜貴且肉味上乘，有人媲美為豬肉界的神戶牛柳，所以售價亦較本地豬肉高出四倍。
漂洋過海登陸香港，當然不是用來做梅菜蒸肉餅
九州市場的黑豚肉美食節，正是要將她的高貴發揚光大。

鹿兒島黑豚最著名

來自日本的黑豚肉是黑豬肉中最高級的品種，地位等同牛肉界的至尊——黑毛黃牛
因此每公斤售價高達200元，而當中亦以盛產於鹿兒島的黑豚肉最著名。

身價不菲，自然跟肉質最有關。
由於黑豚肉是經專人飼養，因此飼料亦經特別研製
致令黑豬本身的脂肪含量減至最低，但肉質仍可保持鬆軟。
而且據聞這些黑豬可在寬敞的草原上隨意奔跑
跟一般豬隻常被困在豬欄內的生活，根本不可同日而語。
待遇雖未及神戶牛般有專人按摩﹑有啤酒飲，但也可算是眾豬之首了
與本地豬及大陸豬相比，真可謂「同豬唔同命」了﹗

首選鬆嫩腩肉

九州市場副經理郭先生說：
「黑豚肉的肉質較為鬆化及多汁，因此口感會較為濕潤，不像本地豬肉般『鞋口』。
　肉質甚至較冲繩的壽豬更佳，而最佳部位則屬腩肉位置，嫩而不膩。」

由於黑豚肉在本地仍未普及，因此九州市場於六月開始舉行了黑豚肉美食節
從火鍋到汁燒到豚汁，逐一介紹，希望在神戶牛柳以外，為大家多添一種新選擇。
其中「汁燒豚滑滑」，用上黑豚的「面珠登」做材料
將帶有少許脂肪的黑豚肉以網燒牛肉的方式去煮
再加上芝麻，香口又嫩滑，是黑豚宴中的主角。

另一個甚富日本風情的「豚肉生薑燒」，主要靠日本醬料作調味。
日式醬料味道濃重，但配上了生薑及洋葱，卻令本來濃郁的黑豚肉，變得不油不膩。

但要數煮法最特別的，肯定是「豚角煮」。
貌似本地五花腩的黑豚肉，以清酒及日本醬汁調味，再加入冬菇、蔬菜一齊炆
雖然脂肪依然黏附在豚肉上，但入口即溶，非常鬆化。

>>January 16, 2006 at 5:24:40 PM GMT+8

2006 年 1 月 6 日 星期五 【晴】

日本之旅第三日

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
今天是hilda的鋼琴老師結婚的大日子
結束12年愛情長跑
多浪漫哦~~~

如果我要等12年先嫁得出....
我老到我唔駛生喇 =.=

p.s
我今日有得戴花花~~吉係心口果種
好漂亮呀~~^o^

konnie* (原來之前唔記得簽名)

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
前晚小澤延太遲訓
結果兩張舖響地下既床褥由我地三個瓜分左
佢要舖睡袋響隔離既廚房訓
尋晚四個人差唔多時間訓
卒之可以大被同眠成功
四個人平排訓覺

由於尋日太遲起身既關係
今日決定 set 鬧鐘起身
是日鬧鐘歌曲係：
《有心》

起身五叔拎左兩件褸畀漲同一
一件係 angus b, 一件係 Zara
兩件都係 D 貴到飛起既牌子
五叔豪氣程度可見一班

日本所有室內都開晒暖氣
所以外套既作用只係響室外使用
但係行街多數都入室內
於是佢地原本帶去既羽絨反而唔適用
有呢兩件褸就解決左佢地既麻煩
至於我, 一件尋日買既 Quiksilver 褸就夠咯

響 Wendy's 食早餐
不過係 1130 食早餐
查實九點幾醒架啦
但係大家都放慢晒手腳
可能係唔慣行咁耐街掛

拖左三個鐘先離開屋企
都唔知點解要 0900 咁早起身....

有個日本阿伯坐我地隔離
佢好健談地想同我地傾計
又坐響度望出面街行過既女仔

隔著落地玻璃看到有個盲人過馬路
佢去到一半時有人扶佢過去
過左一陣又見到個盲人返轉頭過馬路
今次到呢邊有人迎面過去扶佢過黎
但係扶佢既人其實唔使過馬路
唔順路都幫個盲人
香港人有幾多個會咁做？

自問都唔會
隔離位既阿伯又同我地講野
聽唔明, 不過見佢指下自己對腳
彷彿係講佢將來都係要靠呢 D 有心人佢先可以行街

今日既行程係去銀座
銀座係高級消費地區
名店林立
響度行街, 一定大出血

出火車後先入西武
入西武既原因好簡單
因為凍到痴線
> . <

然後去阪急既 sanrio 度睇
收到 Konnie 同肥仔既 msg, 話床單想託我幫佢買 PC 狗既產品
完全見唔到
最主要既原因應該係因為 PC 狗已經 outdated
所以都注定佢無手信收架啦
呵呵~~~

響 sanrio 見到一個賣 Hello Kitty 公仔既地方
觀賞文具同圖書其間
赫然發現隔離放左 D Hello Kitty 既內衣褲
真可愛
-,-

去 Sony Building
睇左部大容量既 mp3 機（NW-A3000）
香港宜家都有得賣
拎起手, 20 GB 既機仲重過 iPod 60 GB 機
除左個樣型 D 之外都無乜特別
結果我地都係入去睇女為主

今日銀座既主要街道──海晴通封左路畀行人行
沿著呢條路就可以行晒銀座 N 丁目
N 總共有八個
由銀座一丁目行去銀座八丁目, 完全唔停低睇野
我諗都要半個鐘
長度可想而知

映左一陣封路後既相
去左 Yamaha
先去敲擊及吹管部
一眾敲擊人大出血
一卒之一洗「消費」頹風
使左接近 20,000 yen
不過都係唔夠尋日小澤延響 Quiksilver 既 30,000 yen

再去樂譜部, 幫 Konnie 買左本宮崎駿既琴譜
一同漲望到, 係咁叫我借畀佢彈
我話本野買左就係 Konnie 既
漲就話：「咁你畀我影印左先啦~~」
=.=
不愧為盜版黃！

行完都無去結他部睇 pick
一見我無收穫, 就話去完玩具博品館再睇

再行四層樓高既玩具博品館
同上次放既野差唔多
不過都係好可愛
最特別既係圓形既骰
我同漲都以為唔 work
試一試, 又真係停到點數位置喎！！
諗一諗就知點解
諗到, 但係就唔會諗到要整出黎
呢 D 就係日本人掂既地方
為左紀念呢點, 同漲掃晒果度既圓形骰
不過都係五粒咁大把

響博品館影左好多相
上次同一黎, 佢都影左好多相
因為時間唔夠, 佢話影低慢慢睇喎
今次時間多左好多
不過佢地都係咁影, 舖頭既職員又無話唔畀
唔知會唔會有人影完走返大陸盜版？？

不過人地唔畀都無法架啦
影完職員都只會埋黎, 同我地講 No 同打手勢
又唔會鬧我地
幾大都影左先啦

都唔記得講點解度度 D 野都好似咁平咁
原來日本通常會趁呢段時間大減價賣野
因為日本舖頭通常會賣本季新貨
如果宜家唔賣, D 貨就只會響 oulet 見到
所以間間舖都有差唔多 50% 既減價
有 D 過份到一折都有
不過一折通常係我地折左都賣唔起既野......

午飯係吉野家
日本既吉野家賣野方式同香港唔同
我地坐響個 U 字形既高桌
職員響 U 字既凹位問我地食乜
然後廚房整完野食就由果個職員拎畀我地
食完先畀錢
食左 D 香港無既燒牛肉定食
味道同香港好唔同
不過都好好食

食完飯再戰 Yamaha
買左 N 個 pick
呵呵~~

四點幾個天就黑得七七八八
行去 apple 大樓
明明得果幾樣野賣, D 野又擺晒響地下果層
點解仲要咁多層呢？
搭左部無得按樓層, 層層停既升降機
卒之明白點解
人地又有影院, 又有其他外圍產品擺響上面
真係捨得駛錢！

響銀座度搵晚飯食
不過間間都好貴, 又唔想再食快餐
所以就打左俾五叔
五叔叫我地返去目黑搵佢, 帶我地去食河豚

坐火車返目黑
五叔帶左我地去一間好有日本 feel 既食店
佢同佢日本朋友伉儷坐響一邊
我地坐響另一邊

食左一個每位 4980 yen 既河豚全餐（當然係五叔請啦！）
頭盤係河豚魚皮
之後有河豚魚生
跟住就係河豚火鍋, 炸河豚
五叔響我地隔離不斷講解要點食
佢個識講少少英文既日本朋友就響佢對面猛咁笑

河豚既肉質有 D 似雞, 有 D 似蟹
無乜味道, 要靠調味搭夠
唔算太好食
不過都無佢地三個講得咁嚴重

點解無 D 「拚死食河豚」既感覺既？
同埋河豚都唔係想像中咁好食
點解 D 人寧願冒死都要食呢？

之後萬叔仲幫我地叫左河豚魚子
同埋有個用河豚火鍋食剩既湯加蛋整既飯
講真味道不俗
不過諗起自己食番自己既餘唾, 都幾係核突

最後就有牛奶雪糕食
連五叔都食唔到呀
鬼叫佢地咁早走咩~~~~

返屋企
又係晏一晏先訓
不過都係上唔到網
事關漲訓左都係要拎著隻 mouse
=.=

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
法律拒絕「拚死吃河豚」　北海銷售河豚案思考

被河豚送上法庭的人

深信「河豚食死人還難過買彩票中獎」的常樂人李仕軍自從被關進了看守所後
再也不敢說過去常常掛在嘴邊那句「拚死食河豚」的玩笑話了。
因為他想不到自己賣出的40公斤河豚釀造了陸川縣平樂鎮「11 - 10」食河豚中毒慘案
造成22人中毒，2人死亡。
他也於日前被檢察機關以「生產、銷售不符合衛生標準食品」罪提起公訴。

今年28歲的李仕軍，是個個體魚販，時常到北海收魚貨加工批發出售。
他看到許多北海人加工河豚出售，許多當地人敢吃河豚，便於去年8月起開始收購併制售河豚。
他把收購來的河豚切頭割皮，曬乾當鹹魚賣。

去年11月7日，時常找他做生意的玉林市個體魚販楊建輝來找他買魚
他便將加工好的40公斤河豚乾魚以每公斤9元的價格賣給了楊建輝。
這些被稱為「雞腿鹹魚」的河豚乾幾經轉手
兩天後流進了陸川縣平樂鎮和北流市塘岸街個體戶的零售點上
9日賣出後，次日當地醫院裡便陸續出現了中毒症狀的病人，經查為河豚中毒。
22名中毒者中，兩名嚴重者死亡。

4天後，陸川縣警方找到了李仕軍。
去年12月，他被陸川縣公安局正式逮捕。
此案最終由北海市海城區檢察院提起公訴。
這是北海市首例因出售河豚致人死亡而被提起公訴的案件。

河豚味美拚死要吃

河豚肉美、質嫩、營養豐富，一直是美食家的佳餚。
然而河豚又含有毒性很強的麻痺性神經毒素
人吃後會中毒，一般表現為肢體麻木無力，癱瘓
嚴重的會導致中樞麻痺引起呼吸衰竭而死亡。

早在1990年11月20日，國家衛生部頒布的《水產品衛生管理辦法》中明確規定：
河豚魚有毒，不得流入市場。
廣西區工商局和衛生廳也曾於2000年下發「關於查處非法制售河豚毒魚的通知」
嚴禁制售河豚。

然而在北海，本地人一直有吃河豚的習慣，市場上也常見河豚堂而皇之地擺在台面上賣。
與此同時，每年都有中毒事件發生，死亡案例也不少。
北海市人民醫院急診科醫生告訴記者：
河豚中毒的病例每年都有，中毒者多為北海本地人。
醫生介紹，其毒目前尚無特效解藥，發病後，治癒率極低。
食用者中毒後多則8小時，少則1小時即可死亡；
如搶救及時，可以挽回生命，但有可能留下關節疼痛的後遺症。

法律拒絕「拚死吃河豚」

「雖然並不是所有河豚都有毒，但為了群眾的生命安全
　我們執法時對河豚的態度是『格殺勿論』」。
北海市工商局和北海市衛生防疫站的執法人員都這樣說。
這兩個部門每年都查處收繳大量的河豚。
就在記者採訪的當天
食品衛生執法人員剛剛從北海市化肥廠附近和疏港大道旁收繳了1500公斤河豚乾
並把它們全部銷毀。

記者瞭解到，按照中國水產品生產有關法規規定
河豚魚因特殊情況需進行加工食用的，在有條件的地方，指定在允許生產的地方集中加工
這種特殊情況便是外貿出口。
加工企業必須持外貿訂單才能加工生產，然後通過嚴格的海關檢疫才能出口。

按法律規定，其它任何單位或個人均不許加工生產及出售河豚魚乾。
法律界人士告訴記者，李仕軍一案有很好的警示意義。
一般魚販和餐館偷偷賣河豚，都要事先告知顧客其毒性，要求食用者如果出事自行負責。
所以一般出事後顧客都不會找出售者的麻煩。
但這一案例告訴人們，在中國，法律明確規定這種行為是違法行為
那麼只要是出事，誰也無法用這種承諾來推卸法律責任。

>>January 16, 2006 at 7:24:07 AM GMT+8

2006 年 1 月 5 日 星期四 【晴】

物華天寶，人傑地靈。
王勃

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
日本之旅第二日

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
尋晚發夢
關於德
好可怕

起身時對眼腫咗,要戴眼鏡先睇到野
我諗我訓覺時喊得好激烈

konnie*

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
尋晚打拳打得太高興
加上行左一日
疲累到死
又無較鬧鐘
結果今日訓到 1030 先起身

出門口, 去左一間拉麵店度食早餐
食左個拉麵同埋餃子
個接麵麻麻地, 得醬 + 芽菜
餃子又唔太好食
470 yen, 咁既價錢, 都唔可以有咁高要求既.....

坐火車去涉谷
涉谷係一個好旺既區, 好多行人
最緊要係人雖然多, 但係好守交通規則
紅燈真係唔過馬路架喎！！
仲有日本十字路口好特別
除左橫直之外, 仲可以打斜行
事關條路係有打大交叉既過路線

日本街頭女仔唔算太靚
雖然偶有驚喜, 不過都係驚嚇既情況居多
好多好多短裙, 但係十個著短裙既有九個唔靚

漲講左兩樣野, 兩個都有 D 道理
1. 條裙愈短既女仔, 個樣愈差
2. 靚既女仔, 一係做明星, 一係做 AV 女優, 剩返既咪唔靚咯....
當然, 呢個係當時既感覺啦~~~
仲有, 係響日本 o者~~~

當我地著到成隻}x咁都仲覺得凍到甩肺既同時
D 日本女仔既裙仲可以短到痴線（短到郁一郁都走光既都有！！）
不得不說佢地既抗寒能力真係奇高

去左好多好多舖頭, 多到數唔盡
有賣衫,賣玩具, 賣日用品, 賣鞋, 賣精品, 大百貨公司, 細店仔..........
去到一叫GAP o既時裝舖（全日本最大GAP 分店, 有五層樓）
見到好多衫低過5 折
一, 漲, 小澤延睇到痴左線
漲買左一件褸 + 一條牛仔褲
件褸原價萬幾yen, 減到3900 ye
牛仔褲原價8900 yen, 減到2900 yen
好似好誇張咁
都唔知係咪 D 促鎖既茅招黎既....

本來一都好想買
但係佢咁肥仔, 完全搵唔到 arm 佢既 size
結果佢睇中既都畀漲同小澤延買左

午飯去左一間專門食咖喱飯既舖頭
D 咖喱既水準一流, 價錢亦唔高
成個咖喱豬排飯都係580 yen
物超所值呀！！！！！

之後去左好多地方, 好難記...
出名o既有兩層無印, PARCO, three minutes happiness, TOKYU HANDS
成人 DVD 舖
好奇落去睇下, 唔好睇
不過睇到某齣戲既封面女郎有 D 似床單
真弔詭

夜晚去左 Quiksilver
50% off！！
我地四個反轉左間舖, 幾乎睇晒佢所有男裝衫
平素不好名牌既我都忍唔住手買左一件褸 + 兩件衫 + 一條牛仔褲 + 一個袋
大出血呀！！！！

事實上五折後既價錢先至係合理既價錢
價錢合理 + 旅行效應
買得多唔出奇既
買完都真係有少少覺得自己係浪費金錢架
名牌都係多人地一個牌, 咁就賣貴人地一倍甚至數倍既價錢
質素可能同其他唔出名既牌子分別不大
追求名牌到底為乜？

阿一同樣睇中左好多野
但係全部無佢既碼
最後剩係買左一件 T-shirt 同冷帽

食五叔推薦既 MOS Burger 作晚餐
幾好食
五叔果然係對生活有要求
換作係我一定唔會諗到咁多野推薦人食

成日都係睇野, 行街, 消費....
有預感今個旅程都係購物團
不過都係一班人開心去旅行
無乜所謂

夜晚返去五叔屋企
戰利品舖響廳度
淹沒左半個廳
真可怕

原來係日本食野都唔一定係好貴
今日食幾餐都唔過1000 yen
最抵都係去咖喱店食野
又好食, 又抵食

不過呢 D 餐廳響香港實執笠
因為：
1. 座位唔多, 排隊排死
2. 獨沽一味咖喱, 香港人口味話轉就轉, 唔會咁專一
3. 日本人食完就走, 唔似香港人鍾意食完響店內吹水, 浪費店舖資源
4. 香港人太多選擇啦........

結論：
香港人無好野食係抵死的！

夜晚睇完《無間道 I》
仲好得閒地睇《無間道 II》
真係好似平時去 camp 咁.....

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
看各國公司怎樣養牛

傳統公司：

你有兩頭母牛。
你賣掉一頭，買了一頭公牛。
你的牛群增長，經濟效益增加。
最后你賣掉它們，靠這些收入退休。

－－－－－－－－－－－－－－－－－－－－－－－－－－－－－
美國公司：

你有兩頭母牛。
你賣掉一頭，強制剩下的一頭生產四頭母牛的奶。
當母牛累死的時候，你感到非常驚訝。

－－－－－－－－－－－－－－－－－－－－－－－－－－－－－
法國公司：

你有兩頭母牛。
你繼續罷工，因為你要三頭母牛。

－－－－－－－－－－－－－－－－－－－－－－－－－－－－－
日本公司：

你有兩頭母牛。
你重新設計了它們，結果它們是平常的十分之一大小，卻能生產二十倍的奶。
然後你創建卡通母牛形象，名叫 Cowkimon，再賣到全世界。

－－－－－－－－－－－－－－－－－－－－－－－－－－－－－
德國公司：

你有兩頭母牛。
你的工程師改進它們，它們能活100年，一個月才吃一次，還能自己給自己擠奶。

－－－－－－－－－－－－－－－－－－－－－－－－－－－－－
英國公司：

你有兩頭母牛。
不過都是瘋的。

－－－－－－－－－－－－－－－－－－－－－－－－－－－－－
意大利公司：

你有兩頭母牛。
但是你不知道它們在哪裡，於是你去吃午餐休息。

－－－－－－－－－－－－－－－－－－－－－－－－－－－－－
俄國公司：

你有兩頭母牛。
你數了數它們，發現自己有5頭母牛。
你再數一遍，發現是46頭母牛。
你又數一遍，發現其實隻有12頭母牛。
於是你煩了，停止計算母牛，打開了第三瓶伏特加。

>>January 15, 2006 at 5:10:06 PM GMT+8

2006 年 1 月 4 日 星期三 【晴】

日本之旅第一日

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
add科失敗

konnie*

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
今日係老姐生日
第一年佢生日我唔響香港
不過舊曆又慶祝過, 禮物又交割完畢
就算唔響香港都無乜關係

尋晚返到屋企先開始執行李
一直到十點幾先正式執完
完全無為意過剩下既時間係唔可以作曲與訓覺同時兼顧
好彩成隻歌早就響我個腦度
係一向手腳慢 + 懶先至拖到今日先作 o者

五點起貨
過得自己, 相信都過得人
send 畀 Aston 同第一阮
跟手上網查點樣可以凌晨時份坐車去機場
匆匆上路

坐 N 29 去機場
第一次唔係坐機鐵
平時因為方便 + 懶, 多數都坐機鐵
不過一來貴, 二來今日實在太早要到機場
所以坐巴士

發現巴士都好好坐
用既時間唔多, 又唔使轉車
下次要呢個時間去機場一定再坐

0530 出發
0615 到達
比約訂時間遲左三個字
一同漲到左一陣
等埋遲過我既小澤延黎先做寄艙

早早就入閘
入左就發現未唱錢
響 popeye 食完早餐先唱
閘內既找換店比市價貴 $ 0.2 / 100 yen
即係每唱 10,000 yen 就蝕 $ 200
> . <

坐西北航空到東京
漲坐響我隔離係咁映相
映映下仲要同我換位
畀佢坐窗口位慢慢映到夠
結果佢由起機到降落到成田機場呢段期間
一共映左過百幅相
=.=

坐京城線特急由成田機場去日暮里
1190 yen
特急係東京火車中最快既一種
會怒飛站架
無乜人坐低
可能係因為椅下面有暖氣, 加上架車少開門
又悶又焗, 唔多舒服
坐響度係就係暖, 但係坐得耐真係焗到想暈
O_o

不過其他人都有坐
剩係我地位附近無乜人坐
奇怪....

響日暮里轉 JR 山手線既火車去新宿
第一樣野唔係去一既五叔屋企放低行李
反而係去新宿 shopping
拎 D 行李行街？
唔係, 因為新宿站有 locker 可以寄存我地既行李
我地又唔想浪費等五叔（跟一咁講）放工既時間
所以先去新宿逛逛, 然後邊行邊等

行黎行去都搵唔到大 locker
大既 locker 要 800 yen, 不過可以塞一個大行李箱
細既只需要 300 yen, 不過裝得好少野
如果裝唔到行李, 我地就真係會響新宿呆等 + 看行李
> . <

漲去左問個保安員阿叔
問佢識唔識英文, 保安員答 no
隔左一陣都係無頭緒
漲再做埋手勢咁問佢有冇大 locker
個保安員就一路講日文, 一路指示我係向左落樓梯, 轉右, 再轉右......
照住行, 卒之搵到咯.....

點解咁多日本人都唔識英文架！！！
0 溝通能力
如果蕩失路就真係死得咯！！

行左好多地方
先行新宿西口
好凍
所以好快就走入小田急避風 + 買野
好快 D 人就有收獲

行左好耐
五叔都未打黎
打畀佢, 可能佢未放工
飢寒頹交迫
不過都無礙我地行街既意志

食左個響便利店買既不知名小食（唔知係乜黎架, 仲要行出便利店先準我地食, 凍死！）
再響機舖免費拎左罐淡檸檬味既檸茶
就係咁頂到差 D 虛脫~~~

頂到咁上下
一既手機（五叔聖誕假返香港既時候畀佢, 用作是次日本之旅聯絡之用）無電
唔係咁就聯絡唔到呀嘛！！！！
好彩一有寫低五叔既電話, 仲可以打街頭既公眾電話同五叔聯絡
約左佢響火車站會合

響火車站售票機附近撞到兩個流浪漢
第一次見到 D 咁真實既日本生寫照
漲見到就偷拍佢地
靜靜雞影左一張之後又唔收手, 再影
上得山多終遇虎, 卒之畀人發現左

其中一個走過黎
一邊指住漲一邊鬧, 仲動手想撩交打
聽就聽唔明佢鬧緊乜架啦
漲打就打得, 不過都只係可以向後走
走到佢唔追黎為止

五叔黎到同我地會合, 帶左我地去食日本地道野－－串燒
間舖好多煙, 真係個個都拎住支煙
原來日本好多煙民
仲要個個食飯都煲煙, 不過行街就少 D
事關日本有 D 地方全區嚴禁吸煙
話就咁話, 不過係咪真係講下就得就無人知咯~~~

叫野食, 五叔佢好似好勁咁叫野食
叫完同我地講：「其實我都唔知叫左乜架~~~~」
原來佢係日本做野都唔識日文架喎
仲以為佢 D 日文會好勁添
=.=

D 野好好食, 不過好熱氣
想飲茶, 五叔又叫個waitress 埋黎
講完一大輪之後又同我地講：「我唔知佢講乜架！我諗佢係話無煎茶, 之後唔知會拎咩黎」
最後黎既係──冰水.....
都好, 起碼飲得！

食完五叔就幫我地出左張JR 線o既八達通, 個名叫 Suica
中文名同佢個拼音一樣
叫西瓜咭
有隻企鵝做 logo

再搭火車返去目黑五叔屋企
佢屋企真係好得
個地板有煤氣暖水管裝置, 可以一直暖住個地板, 等對腳唔駛凍
一部HK$15000既LCD 大電視, 5.1 聲道喇叭
DVD 機等基本設備當然係唔少得啦

最值得注意既係佢有部電視遊戲機（XaviX）
部機 $ 800, 但係佢o的game 全部係運動game
個個game 都有配件, 有拳套, 有跳舞板, 每個game 賣$1400

間屋企有好多日用品
一個超大雪櫃, 入面有Haagan Daz
呵呵
個沖涼房仲有暖氣一直吹住, 沖涼唔會凍親
間屋好大, 大過我間屋幾倍左右啦

夜晚玩拳擊 & 跳舞 game
玩到咁上下佢五叔訓
我地開戲睇
睇左半套《無間道》就訓

>>January 16, 2006 at 7:35:57 AM GMT+8

2006 年 1 月 3 日 星期二 【晴】

世人謂我多偶然，偶然之中不偶然。
天下多少偶然事，汝等何不一偶然？
《偶然歌》其一

愧我一生多偶然，莫忘偶然有必然。
偶然乃是必然出，不是必然怎偶然？
《偶然歌》其二

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
01-01-2006 日記更正

當日朝早同屋企人飲茶
作為新一年滅頹既開始
居然咁都唔記得
> . <

查實係之前口快快應承左老媽子會去飲茶
老姐當日朝早不斷打擾我既美夢
逼於無奈要去飲茶 o者
飲完仲同老爸舖左陣草皮先歸家

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
晨早起身
不過都係晏左出門口
因為今日係響香港既 Last day
聽日就飛去日本
今朝用左黎將 D 歌過落電腦度
然後再過落 iPod

一點幾出到旺角
同寂寞既 Tim 睇戲
等左一陣 Tim 先到
佢第一眼望到我, 問我係咪換左眼鏡
第二眼就話我個頭剪得好差

都話左係差架啦~~~

畀佢老屈左睇多次《Harry Potter》
=.=

買完飛去食飯
去左一間叫「星加坡餐廳」既餐廳食晏
等左九個字, 追左兩次
兩個好易整既餐都未到
等到個餐黎, 好難食
服務態度差, 質素又唔高
都唔知間野可以生存到幾時！！

1430 先返到戲院
遲左兩個字, 好彩廣告做左兩個字
完全無損失
好忍得地完全無爆橋過佢聽

睇完戲 hae 行
行左去 poly
一條漆咸道南, 撞到兩個 GI 舊同學
真巧合

等 Konnie 從 city 過到黎 poly
Tim 同佢兩個交流左陣我個頭既評價
然後 Tim 卒先離開
無耐同 Konnie 坐地車走
臨走陪佢響街邊買左個腸粉食

入閘其間撞到 Hilda
真巧合
同佢一齊坐地車返屋企
不過係佢送我返屋企（佢住藍田, 我住彩虹嘛）
呵呵

途中問左佢好多關於佢學業既問題
覺得自己好老
-.-

回家
先執野, 後作曲
聽日去日本
日圓未唱, 又唔夠訓（要響出發前交貨畀班 DB 仔練嘛）
> . <

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
中國的經典神話－－后羿

在帝堯統治的時代，天上十個太陽一起出現
猛烈的陽光無情地燒焦了土地上的稻麥莊稼，曬死了樹木花草。
人們沒有食物，饑餓乏力。
而猛獸凶禽也由於環境惡化食物短缺四出為害，以人為食。
人間的帝王堯日日夜夜向上天禱告、呼救
於是天帝命令他最勇敢的一個神射手「羿」下界除害。
羿長得虎背狼腰，配上天帝所賜的彤弓素箭，十分威猛。
他與妻子嫦娥一起降臨人間。

羿來到原野上，輕舒猿臂，彎弓搭箭
對著天上的十個太陽，一連發出了九枝流星一般的利箭。
只聽得颼颼的風聲，箭箭中的，九個太陽紛紛墜地，天地間頓時清涼下來。
羿十分高興，正想鏟滅最後一個太陽，只見匆匆趕來的帝堯急忙向他擺手，堯說：
「萬物生長離不開太陽，留下一個吧！」
羿恍然大悟，收回了弓箭。
地上萬民感謝羿的巨大功德
但是十個太陽都是天帝的兒子，羿殺死了九個，也得罪了天帝，所以他只好留在人間了。

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
世界上最倒霉的人

美國加州有一位摩托車發燒友堪稱「世界上最倒霉的人」之一。

一天，這位發燒友把心愛的摩托車推進起居室，開始用抹布蘸汽油擦洗，顯得悠然自得。
擦完後，他騎上摩托車，決定啟動引擎。
不幸的是，摩托車正掛著擋，引擎啟動後，摩托車撞碎玻璃大門衝到了院子裡
他的手還緊緊地握著車把。

他妻子當時正在廚房做飯，聽到可怕的巨響後跑了出來
發現他如爛泥般躺在地上，身上被碎玻璃劃得遍體鱗傷。
她立即撥打急救電話「911」，兩名醫護人員把這個倒霉蛋送到急救室。

在醫院縫了幾十針後，回到家裡，妻子安頓他睡下
自己則清掃起居室裡的垃圾，還把擦車剩下的汽油倒進了馬桶。
不久他醒了，點了一支煙，來到衛生間。
蹲在馬桶上後，他把煙蒂丟進了馬桶，隨即響起了爆炸聲
原來他妻子把汽油倒進馬桶後沒有放水沖掉。
這個倒霉蛋被炸出了衛生間。

妻子聽到巨大的爆炸聲和丈夫的慘叫聲後，衝去一看，發現丈夫躺在地上。
妻子再次撥打了急救電話。還是那兩名醫護人員來了。
他們用擔架抬著那個倒霉蛋正往外走，一人問他妻子，他是怎麼受傷的，妻子如實相告。
他們大笑不已，結果把擔架掉在了地上，又把這個倒霉蛋的鎖骨摔斷了。

>>January 4, 2006 at 9:11:53 PM GMT+8

2006 年 1 月 2 日 星期一 【晴】

走自己的路，讓別人去說吧！
但丁

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
訓覺
訓醒就梳洗
Konnie 響我沖涼途中打黎
屋企無晒人
搞到我圍著條巾走出廳接電話
凍死

出門口
好快就到荃灣
響佢屋企睇卡通片
佢真係有好多 VCD......

今日主要任務係去佢屋企借野
拎左佢部相機 & 配件
最緊要係睡袋
無左個睡袋, 我去到日本都唔知訓邊

個頭再次犧牲響 Konnie 手上
畀佢剪左成個鐘
佢話好好睇
佢媽話無乜問題
返到屋企, 我老媽子第一句就話：
「你響邊度剪架？睇日去剪過啦~~~」

我應該信邊個好？

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
中國的經典神話－－精衞

女娃是炎帝的女兒。
有一次她到東海遊玩，海上忽然起了風濤，她不幸被淹死在海裏。
死後她的靈魂化作了一隻鳥
形狀像烏鴉，頭上有花紋，嘴白而腳紅，名叫「精衛」，住在北方的發鳩山上。
她悲恨年輕的生命被無情的海濤吞沒
因此常常口含西山的小石子、小樹枝，投到東海裏去，要想把大海填平。

一隻小鳥，含一些小石子，就想把大海填平，可見她是多麼的悲憤，又是多麼的壯烈。
誰不欽佩她堅韌的毅力？誰不傷念這美麗的生命？

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
經典陷害大全

1.
找一個朋友，讓他先說 10 遍「老鼠」，然後再說 10 遍「鼠老」
待他說完之後，立即問他「貓最怕什麼」，幾乎可以保證他會答「老鼠」
本人試過多次，屢試不爽。

2.
你問他：「一個三點水加一個來是什麼？」
他想了一想說：「不確定，淶（LAI)？」
你再問：「一個三點水加一個去呢？」
他八成會說：「...什麼字？有這個字嗎？去？」
其實應該是「法」......

3.
伸出1個手指，問別人「這是幾？」
再次伸出2個手指，問別人「這是幾？」
再次伸出3個手指，問別人「1＋1是幾？」
10人裡最多1人答對

4.
看看王朔的小說，《一半是火焰，一半是海水》裡面的遊戲很有意思。
就是手中夾硬幣然後回答問題的那一個
問比1大的數字有嗎？對方說有；
再問比10大的有沒有？對方說有；
直到說到100000－－
最後問比你傻的傻瓜的有沒有？對方會很警覺的說「沒有」！

5.
甲：除了人什麼動物最愛問「為什麼」？
乙：不知道。
甲：是豬！
乙：為什麼？
哈！！！

－－－－－－－－－－－－－－－－－－－－－－－－－－－－－－－－－－－－－
其他遊戲我唔知會唔會有人上當
起碼第一個我就見過人上當
詳情請參看 31-07-2004 以及 12-01-2005 的日記

>>January 3, 2006 at 5:26:04 PM GMT+8