2006 年 1 月 21 日 星期六 【晴】

海闊憑魚躍，天高任鳥飛。
吳承恩

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
無訓過
因為訓唔著
晨早一家人走去飲早茶
飲完就返屋企
訓覺

1030 訓到 1200
其間不斷望鐘
所以訓左 = 無訓
只係稍作休息了事

晏晝返 DB
今日要幫佢地練我隻歌
未試過齊人
今次亦唔例外
=.=

陸陸續續有人返
續到五點幾先完
同 Konnie 行落旺角
佢要等伯母 + 妹黎同佢會合
陪佢等到六點幾
等到伯母出現就離開

頂唔順, 加上遲左到
結果都係歸家了事
途中盈盈打電話畀我
我同佢講左我通左晚頂, 頂唔順去唔到開會

返到屋企
無即時訓覺
最後又係三點幾先訓
我係傻的....

>>January 24, 2006 at 3:31:16 PM GMT+8

2006 年 1 月 20 日 星期五 【晴】

善有善報，惡有惡報，不是不報，時辰未到。
元雜劇

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
迫自己起身
因為要出旺角拎野畀謝
早知唔約佢 1200 咁早啦.....

早到
佢同旗一齊黎
拎完講左陣野就走

上次發現左榆林書店既新地址, 但係無去
今日咁好出黎旺角
走左上去睇書
睇完仲順手走埋去同大厦既兩間書店
行左三間, 三間都搵到想要既書
但係淨係買左一本

點解？
咪又係無錢咯.....

返屋企
一個人都無
過左陣趙慶中打黎
同我講俞遜發逝世既事
唉.....
arm arm 先六十歲

儘管佢一向有病
但係唔到半年前先見過佢一面
估唔到咁快就去左

同趙講左半個鐘電話
內容當然係圍繞音樂野
講完無幾耐就走左去訓覺
訓醒仲以為係第二朝
擔心過左一點鐘, 過左同彈撥小組既約定時間
........

食晚飯
飯後上網
都仲係搵唔到俞遜發逝世既消息發佈
唉.....

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
俞遜發

俞遜發先生，中國國家一級演奏家，中國音樂家協會會員。
一九四六年生於上海，十六歲在第三屆上海音樂之春獲笛子第一名而初露頭角。
一九七四年以來曾在全國選拔中奪魁，參加中國藝術團
多次隨中國藝術團、中國音樂家小組、上海音樂家小組、上海民族樂團等
出訪美、法、東歐、非、亞、西德等二十餘國及地區。
一九八八年間單獨應邀參加新加坡第七屆藝術節，大獲好評。
九八年應中央音樂學院邀請任教並進修作曲。
俞氏的作品多首獲獎。
其中《秋湖月夜》榮獲全全國民族器樂作品評選一等獎。

他的演奏以音音色甜潤、醇厚、色彩變化豐富，以及深厚的氣息控制功底而見長
在音樂表演上追求樂曲的意境，富有神韻。
由於他對中樂發展的貢獻
其名字已被載入「音樂家辭典」、「音樂欣賞手冊」及「上海文化年鑑」

－－－－－－－－－－－－－－－－－－－－－－－－－－－－－－－－－－－－－－－
二毛錢決定了一生

俞遜發生長在一個貧窮的家庭。
兄弟姊妹七個，他排行老七。
俞遜發的首次啟蒙來自一座關帝廟，那是他小學時候念書的地方
在那兒時常可以聽到來自殿堂的木魚聲，唸經聲，做功德的鐘鼓齊鳴，笙簫高奏......
之後，他對音樂課的女老師所彈奏出來的音樂也著迷不已
他渴望有一件屬於他自己的樂器。
十一歲時，遇到一位賣竹笛的老頭，俞遜發用了他僅有的二毛錢，買來一支竹笛。
想不到，二毛錢決定了他的一生。

－－－－－－－－－－－－－－－－－－－－－－－－－－－－－－－－－－－－－－－
苦練基本功

十六歲時，俞遜發考進上海民族樂團，他的勤苦練笛在團裡是出了名的
他每天清晨四點即起，先練兩個小時身體，然後再練笛子
除了吃飯，睡覺，他平均一天吹十四個小時笛子！
吹到扁桃腺發炎，俞遜發說：
「想不到，從此以後我的扁桃腺再也沒發炎過，可能是當時年紀小，適應力特別強的緣故吧！ 」
至今，俞遜發仍保持每天練笛四，五小時的習慣。

－－－－－－－－－－－－－－－－－－－－－－－－－－－－－－－－－－－－－－－
幸得名師指導

俞遜發在學習的過程中一直認為自己非常幸運能得到南北四大竹笛名家的指導──
南派的陸春齡，趙松庭，北派的馮子存，劉管樂
他傳承了大師們的絕藝，汲取大師們的精華，再加上自己深厚的功底
所以，他不但能吹奏細膩深情的南北曲笛
對於吹奏高亢粗獷豪邁的北方笛也能清鬆應付自如，技術非常純熟。

－－－－－－－－－－－－－－－－－－－－－－－－－－－－－－－－－－－－－－－
深入民間尋根

俞遜發認為光是練笛子技巧是不夠的，是缺乏內涵的
因此，他開始深入民間尋根，學習各種地方戲曲，民歌，文化
例如崑曲，孜劇，紹劇等，俞氏說：
「藝術必須以民族魂為根基，才不容易被異化。」
因此，他的音樂保存著濃郁的民族風味
此外，他也學習西洋樂和理論，使的他的笛子藝術有著「現代中不失傳統」的特質。

－－－－－－－－－－－－－－－－－－－－－－－－－－－－－－－－－－－－－－－
藝術家必需有所創作

俞遜發認為藝術家若不從事創作，其藝術生命是不能長久的
因此，幾十年來他一直不停的創作，包括「口笛」的發明、樂曲創作、吹笛技巧的發明
所有的創作成果，一一獲得肯定！

－－－－－－－－－－－－－－－－－－－－－－－－－－－－－－－－－－－－－－－
發明口笛，吹出魔鬼之音

「口笛」是俞遜發發明的新樂器，它的長度不過三寸，小到可以放到嘴裡
他以口笛吹出神奇無比的樂音，震驚中外樂壇
並榮獲「首屆上海文學藝術獎」。
一位法國記者聽後驚歎道：「簡直像魔鬼一樣能變，使人著了魔！」
於是「魔笛」，「神笛」的美譽便一一加諸在他身上

－－－－－－－－－－－－－－－－－－－－－－－－－－－－－－－－－－－－－－－
作曲獲得全國一等獎

俞遜發的創作曲極多，其中《秋湖月夜》獲得全國民族樂器作曲一等獎
此曲意境極美，詩人評為是一首動人的詩，畫家稱是一幅迷人的畫。
其他創作曲如《匯流》、《瑯琊神韻》、《赤日》等
更表現出氣勢磅礡之氣韻、人文修養的氣習，以及道家的哲理
俞遜發在國樂樂壇已經成就了大師的風範！

－－－－－－－－－－－－－－－－－－－－－－－－－－－－－－－－－－－－－－－
發明了十六種笛子的技巧

俞遜發不斷的求新求變，發明了十六種新的笛子吹法，如彈吐音，唇擊音等
使笛子在表演技巧上注入了新的生命
這些多變化的吹奏法均一一應用在他的
創作曲上，使音樂風格大異其趣於傳統音樂。

>>January 21, 2006 at 6:04:48 PM GMT+8

2006 年 1 月 19 日 星期四 【晴】

丈夫有淚不輕彈，只因未到傷心處。
明，李開先

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
起身
有少少想走堂
橫掂第一個星期既堂唔上無乜緊要
尤其係 ELC
不過最後都係想聽下果科讀 D 乜
唔高興既隨時 drop 左佢

返到去, 遲左兩個字
唔肯定係咪果個課室上
個講師問我肯唔肯定無入錯房
諗左一諗, 見到係 ELC 陣勢
肯定！
（就算錯左都無所謂o者......）

當然無入錯房啦
上左兩個鐘
呢科野好有趣
叫 Getting critical with English
之前唔明佢點樣用英文批判野
原來係玩 debate......

除左 final 要做 debate 之外
無乜功課負擔
正！

講師係個老外國女人
佢拎著杯咖啡問我地點解佢會拎住杯咖啡
完全唔明點解佢咁問
有人答佢用黎解渴
佢話唔係
原來佢係糖尿病人, 要按時食野 + 食藥
所以佢會上堂食野 + 用咖啡送藥
=.=
鬼知你會咁做咩......

上上下堂收到 CCIV 老細電話
畀人掘著, cut 左老細線
之後打畀佢都無反應
唔係炒左我呀嘛......

上古代文學
可以一個人一組
正！（除左工作量稍增之外）
不過諗到唔會見到 D 粉人組員
唔會拖累自己既口頭 + 書面報告
真係輕鬆到彈起！

抽籤結果係要做唐人傳奇《虬髯客傳》
上完堂就去圖書館搵資料
搵完就影印晒所有有用既資料
仲借左兩本書返屋企

搞完一輪
返屋企又浪費時間
於是響圖書館打日記
卒之還清日本之旅 2006 既一切日記債
無債一身輕！！

打完 Tim 打邊我
問我同唔同佢一齊食野
約佢響九龍塘會合
然後過沙田食野

走去小巴黎食
食完吹水
吹到 1845 先返 YCO
改左陣法呀！！

一個人坐, 四周有好多空位
好突顯我附近無人
=.=
好彩吳家貝返黎同我解悶

練《節慶歡舞》同《冬》
《節》用五線譜寫
如果我用中阮 sight read 都仲得
用大阮......
放過我吧啦

畀大大佬叫左用大阮咸
輕 D, 不過好唔就手
弦又軟, 放響腳度既位又唔慣
> . <

練完
敲擊仝人又畀英輝鬧
仲話再係咁就第一次出警告信
第二次就再出多封警告信
第三次就踢出團
講下野 + 食下野o者, 查實又唔使咁既
不過佢地又真係無秩序得幾過份......

食飯
同 Tim 食左既關係, 去到 DG 齋坐
黎左既 Konnie 仲食得多野過我
講返日本之旅既事
Konnie 食完就走

送佢返完屋企
由千色店行出黎既時候
居然撞到等巴士中既謝
人生何處不相逢呢~~~~~~~~~~

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
隋煬帝之幸江都也，命司空楊素守西京。素驕貴，又以時亂，天下之權重望崇者莫我若也，奢
貴自奉，禮異人臣。每公卿入言，賓客上謁，未嘗不踞床而見，令美人捧出，侍婢羅列，頗僭
於上。末年益甚，無復知所負荷，有扶危持顛之心。

一日，衛公李靖以布衣來謁，獻奇策，素亦踞見之。靖前揖曰：「天下方亂，英雄競起，公以
帝室重臣，須以收羅豪傑為心，不宜踞見賓客。」素斂容而起，與語大悅，收其策而退。

當靖之騁辯也，一妓有殊色，執紅拂立於前，獨目靖，靖既去，而執拂妓臨軒指吏問曰：「去
者處士第幾？住何處？」吏具以對，妓誦而去。

靖歸逆旅，其夜五更初，忽聞叩門而聲低者，靖起問焉。乃紫衣戴帽人，杖揭一囊。靖問：
「誰？」曰：「妾，楊家之紅拂妓也。」靖遽延入。脫衣去帽，乃十八九佳麗人也。素面華衣
而拜。靖驚，答曰：「妾侍楊司空久，閱天下之人多矣，未有如公者。絲蘿非獨生，願託喬
木，故來奔耳。」靖曰：「楊司空權重京師如何？」曰：「彼屍居餘氣，不足畏也。諸妓知其
無成，去者眾矣。彼亦不甚逐也。計之詳矣。幸無疑焉。」問其姓，曰：「張。」問伯仲之
次，曰：「最長。」觀其肌膚、儀狀、言詞、氣性，真天人也。靖不自意獲之，愈喜懼，瞬
息，萬慮不安，而窺戶者足無停履。既數日，聞追訪之聲，意亦非峻，乃雄服乘馬，排闥而
去。將歸太原。

行次靈石旅舍，既設床，爐中烹肉且熟，張氏以髮長委地，立梳床前。靖方刷馬。忽有一人，
中形，赤髯而虬，乘蹇驢而來，投革囊於爐前，取枕敧臥，看張梳頭。靖怒甚，未決，猶刷
馬。張熟視其面，一手握髮，一手映身，搖示令勿怒。急急梳頭畢，斂衽前問其姓。臥客答
曰：「姓張。」對曰：「妾亦姓張，合是妹。」遽拜之。問：「第幾？」曰：「第三。」問：
「妹第幾？」曰：「最長。」遂喜曰：「今日幸逢一妹。」張氏遙呼曰：「李郎且來見三
兄！」靖驟拜之。遂環坐。曰：「煮者何肉？」曰：「羊肉，計已熟矣。」客曰：「飢甚！」
靖出市胡餅。客抽腰間匕首切肉共食。食竟，餘肉亂切送驢前食之，甚速。客曰：「觀李郎之
行，貧士也，何以致斯異人。」曰：「靖雖貧，亦有心者焉。他人見問固不言，兄之問，則無
隱耳。」具言其由。曰：「然則將何之？」曰：「將避地太原耳。」曰：「然，吾故謂非君所
能致也。」曰：「有酒乎?」曰：「主人西，則酒肆也。」靖取酒一斗。既巡，客曰：「吾有少
下酒物，李郎能同之乎？」靖曰：「不敢。」於是開革囊，取一人頭並心肝，卻收頭囊中，以
匕首切心肝，共食之。曰：「此人天下負心者，銜之十年，今始獲之，吾憾釋矣。」又曰：
「觀李郎儀形器宇，真丈夫也。亦知太原有異人乎？」曰：「嘗識一人，愚謂之真人也。其
餘，將相而已。」曰：「何姓？」曰：「靖之同姓。」曰：「年幾？」曰：「近二十。」曰：
「今何為？」曰：「州將之愛子也。」曰：「似矣，亦須見之，李郎能致吾一見否？」曰：
「靖之友劉文靜者，與之狎，因文靜見之可也。然兄欲何為？」曰：「望氣者言，太原有奇
氣，使吾訪之，李郎明發，何日到太原？」靖計之。曰：「某日當到。」曰：「達之，明日方
曙，候我於汾陽橋。」言訖，乘驢而去。其行若飛，回顧已遠。公與張氏且驚且喜，久之，
曰：「烈士不欺人，固無畏。」促鞭而行。

及期，入太原果復相見；大喜，偕詣劉氏。詐謂文靜曰：「有善相者，思見郎君，請迎之。」
文靜素奇其人，一旦聞有客善相，遽致酒延焉。既而太宗至，不衫不屨，裼裘而來，神氣揚
揚，貌與常異。虬髯默居坐末，見之心死，飲數巡，起招靖曰：「真天子也。」靖以告劉，劉
益喜，自負。既出，而虬髯曰：「吾得十八九矣。然須道兄見之。李郎宜與一妹復入京，某日
午時，訪我於馬行東酒樓下。下有此驢及一瘦騾，即我與道兄俱在其上矣。到即登焉。」又別
而去，公與張氏復應之。及期，訪焉，宛見二乘。攬衣登樓，虬髯與一道士方對飲，見靖驚
喜，召坐環飲。十數巡。曰：「樓下櫃中有錢十萬，擇一深隱處駐一妹畢，某日，復會我於汾
陽橋。」

如期至，道士與虬髯已先到矣。俱謁文靜。時方弈棋，起揖而語。少焉，文靜飛書迎文皇看
棋。道士對弈，虬髯與靖旁侍焉。俄而文皇來，精采驚人，長揖就坐，神氣清朗，滿坐風生，
顧盼暐如也。道士一見慘然，斂棋子曰：「此局全輸矣！於此失卻局，奇哉！救無路矣！復奚
言！」罷奕請去，既出，謂虬髯曰：「此世界非公世界也。他方可圖。勉之；勿以為念！」因
共入京。虬髯曰：「計李郎之程，某日方到。到之明曰，可與一妹同詣某坊曲小宅相訪。李郎
相從，一妹懸然如磬，欲令新婦祇謁，兼議從容，無前卻也。」言畢，吁嗟而去。

靖策馬遄征，即到京，遂與張氏同往，乃一小板門子，叩之，有應者，拜曰：「三郎令候李
郎、一娘子久矣。」延入重門，門益壯麗，婢四十人羅列庭前，奴二十人引靖入東廳。廳之陳
設，窮極珍異，箱中妝奩冠鏡首飾之盛，非人間之物。巾櫛妝飾畢，請更衣，衣又珍奇。既
畢，傳云：「三郎來！」乃虬髯紗帽裼裘而來，有龍虎之姿，相見歡然。催其妻出拜，蓋亦天
人也。遂延中堂，陳設盤宴之盛，雖王公家不侔也。四人對饌訖，陳女樂二十人，列奏於前。
飯食妓樂，若從天降，非人間之曲，食畢，行酒。家人自東堂舁出二十床，各以錦繡帕覆之，
既陳，盡去其帕，乃文簿鎖匙耳。虬髯謂曰：「此盡是寶貨泉貝之數，吾之所有，悉以充贈。
何者？某本欲於此世界求事，或當龍戰三二十載，建少功業。今既有主，住亦何為？太原李
氏，真英主也。三五年內，即當太平。李郎以英特之才，輔清平之主，竭心盡善，必極人臣。
一妹以天人之姿，蘊不世之藝，從夫而貴，榮極軒裳。非一妹不能識李郎，非李郎不能榮一
妹。聖賢起陸之漸，際會如期。虎嘯風生，龍吟雲萃，固非偶然也。將余之贈，以佐真主，贊
功業。勉之哉！此後十餘年，當東南數千里外有異事，是吾得志之秋也。一妹與李郎可瀝酒東
南相賀。」因命家童列拜曰：「李郎、一妹，是汝主也。」言訖，與其妻從一奴戎裝乘馬而
去；數步，遂不復見。靖據其宅，乃為豪家，得以助文皇締構之資，遂匡天下。

貞觀十年，靖位至左僕射平章事，適東南蠻入奏曰：「有海船千艘，甲兵十萬，入扶餘國，殺
其主自立。國已定矣。」靖心知虬髯得事也，歸告張氏，具禮相賀，瀝酒東南祝拜之。

乃知真人之興也，非英雄所冀，況非英雄者乎？人臣之謬思亂者，乃螳臂之拒走輪耳。我皇家
垂福萬葉，豈虛然哉！

或曰：「衛公之兵法，半是虬髯所傳也。」

>>January 20, 2006 at 6:54:26 PM GMT+8

2006 年 1 月 18 日 星期三 【晴】

疑則勿用，用則不疑。
陳亮

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
起身
不過仲未使返學
1330 先上堂嘛
好悠閒地響屋企食完晏先出門口

上堂
lecturer 講野好搞笑
好誇張既抑揚頓挫
好誇張既肢體語言
搞到個個都笑晒

今日係有史以來既多人
居然可以坐滿一個 lecture theatre
可怕

上完 Construction Management 就上古代文學
之前讀左現代文學
無理由唔揀埋古代文學架嘛

上完就去圖書館
搵左一輪野先走
原先諗住等埋 Konnie 架
不過佢又走左
-3-

聽日又要返 YCO 啦......

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
喀布爾：歷史名城的傳說

大多數的阿富汗城市都具有豐富的歷史遺產，具有五千年悠久歷史的喀布爾更是出類拔萃。

山巒間的天堂

關於喀布爾城市名稱的由來有著好幾個傳說。
其中最具浪漫色彩的解釋是，它是把波斯語中的「水」字嵌入「花」字當中而得來的。
喀布爾現在是一個伊斯蘭城市，然而，在它漫長的歷史中，有數個宗教曾在那裡興衰盛枯。
它曾經是瑣羅亞斯德教的中心，其後又一度成為佛教聖地。
喀布爾的名聲遠揚波斯、中亞、印度、中國和古希臘。
印度古曲"裡格維達"稱頌喀布爾是一個理想的城市，是天堂座落於山巒間的一個翻版。

喀布爾街頭一景

喀布爾城市最初是環繞著雄據於山顛之上的巴拉希薩爾古堡發展的。
它處於南北要道的交匯處，從這裡延伸出去的道路
東到印度，西抵坎大哈和伊朗，向北則可及撒馬爾罕以及中亞城市。
喀布爾的美麗曾被波斯和土耳其的詩人們交口稱讚；
在十六世紀，喀布爾更成為第一位蒙古帝國皇帝巴布爾所鍾愛的城市。
巴布爾在喀布爾建造了一系列的新宮殿、清真寺和花園
而他自己也就埋葬在他所心愛的花園中。

曾是文化大熔爐

第一位訪問喀布爾的歐洲人是18世紀的英國旅行家福斯特
他稱喀布爾是亞洲「最好和最乾淨的城市」。
福斯特驗證了巴布爾在回憶錄中所說的話：
喀布爾是個多民族、多語言的大熔爐，普什圖人、波斯人、土耳其人、印度人和睦相處。
巴布爾曾經寫道，在喀布爾，人們使用的語言達十三種之多。

喀布爾的這種大都市氛圍一直延續到現代。
普什圖人的杜拉尼王朝建立了阿富汗國家，並於1776年確立喀布爾為其首都
而沒有選擇他們自己的傳統城市坎大哈。

英國在19世紀曾經短暫佔領過喀布爾，但是，不久後英軍就被驅趕出去。

在19世紀和20世紀，特別是在阿富汗末代皇帝查希爾的統治下
喀布爾增添了不少現代建築，還建造了商店、辦公樓和學校等設施
城市人口迅速增加，達到一百多萬。

喀布爾保留著傳統色彩濃重的老街區
也有聚集了電影院、餐館等其它娛樂設施的現代街道和廣場。

曾在查希爾國王統治時期生活於喀布爾的阿富汗人稱
70年代內戰爆發以前的那段時光是金色年代
當時，不同種族的人們和睦共處，大家都是首先把自己看作是阿富汗人
不同種族間的通婚以及社會交往十分密切。

災難始於蘇聯入侵

但是，情況自從1978年發生親蘇聯的政變之後開始走下坡路。
第一次內戰中的對立雙方－－共產黨人以及伊斯蘭聖戰者都因派系分裂而瓦解。
聖戰力量按地區以及種族背景劃分為不同派別。
他們之間持續不斷的爭吵、多次戰鬥所導致的嚴重破壞、以及塔利班的嚴酷統治
已經使今天的喀布爾容顏大改。
近些年來，喀布爾已經成為一個緊張、多疑的地方
這種情形自從美國的空襲行動開始以來更為加劇了。

>>January 19, 2006 at 6:02:03 PM GMT+8

2006 年 1 月 17 日 星期二 【晴】

知無不言，言無不盡。
蘇洵

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
唔使上堂
所以十一點幾先起身
十二點半出門口
返到 DB 一點四
見到佢地練緊我隻歌
接手幫佢地練
個個都唔多熟
似乎下星期內錄音係奢望......

lunch 練完野
陪「無返過學」既 Aston 響國樂室 hae
hae 到三點四佢地放學
捉左鄭卓鏗去 SR5 練野

乜我寫既野真係咁難咩？
個個都好似好痛苦咁既！
不過我唔會嘗試玩我寫既野
因為我唔覺得我玩到
呵~~~

1700 離開 DB
落旺角榆林書坊睇書
卒之知道榆林搬左去邊

等到 Konnie 做完野黎搵我
佢話要黎旺角食野
去左炳記牛牛食
食完就送佢歸家

好悠閒既一個 sem
好似無乜壓力
但係自知要加倍努力
好驚......

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
幽默與心理學【三】研究報導
邱發忠撰

幽默和身體健康的關係

「笑」具有醫療效果的觀點已有一段很長的歷史，許多的証據指出幽默有助於疾病的恢復。
Goldstein 回顧了十三世紀到十九世紀的醫學和哲學家觀點
發現了幽默對身體健康價值的許多證據。
例如：他提出了十九世紀德國教授 Gottlied Hufeland的一段描述：

「我們發現在古代已有藉由小丑或滑稽演員來引人發笑的治療原則
　「笑」是幫助我們消化功能最重要的因素，笑也能助於營養吸收和產生健康的血液」

Cousins 提到當人們在因疾病而疼痛不堪的時候
大笑十分鐘便可讓病人在沒有麻醉藥物的控制下，安穩的沈睡二小時
此種現象意味著「笑」可能會引發大腦中endorphins或其它endogenous物質的效果。
研究指出笑能刺激橫隔膜、胸腔及內分泌系統，而且可促進臉部、手臂，腿和胃的活動
這些的生理活動對身體健康是有助益的。

近年來的研究也發現「笑」能防止心臟疾病、腦血管病變、癌症
及其它循環系統所致之病變。

幽默和負面情緒的關係

個體於生活中總會遇到不可預測的變化、困難事件，凡此種種都會對個體造成壓力（stress）。
Holmes & Rahe(1967)指出個體過去的壓力事件對生理及心理的功能有很大相關。
也有相當的文獻證實受試者在近期生活嚴重改變
與後續的身體健康、意外事件、沮喪心情（depressed moods）、焦慮（anxiiety ）
及心理的苦惱（distress）等方面是有相關的。
所以，如何減低個體對壓力刺激的負面心理反應是相當重要的。

「幽默」在壓力中介（stress-moderating）上扮演一個重要的角色
許多心理學家視幽默為適應的反應機制（ adaptive coping mechanism ）
就是說愈具幽默感的人，受壓力事件而致負面影響的程度愈小。
May(1953)謂幽默有保存自我感（sense of self）的功能
能夠將問題與自我保持距離，以減少壓力感。

Connell認為幽默感為一種快速轉換知覺－認知（perceptual-cognitive ）架構的技巧
這種對外界事物轉換視角的能力，讓個體可以從威脅的壓力情境下抽離
使個體減低焦慮和無助的麻痺感覺。
Dixon（1980）主張幽默的效用可產生認知的轉換，改變壓力事件伴隨的情感品質。
Veatch（ 1998）也認為幽默是個體採取較佳視角來看負面事件的方式
就是用幽默將原本致情緒痛苦的知覺方式破除，能夠重新在情緒、認知上歸類
以使負面事件成為可接受、正常的。

Lefcourt & Martin（1986）從事了一個實徵的研究
檢驗受試者在壓力情境下幽默策略的中介效果。
在實驗中讓受試者觀看具有壓力的影片，伴隨著三種的實驗處理
笫一組要求受試者在觀看壓力影片時，用幽默型式敘說影片內容，盡量使自己高興；
第二組是要求受試者用知性方式敘說影片內容；
第三組為控制組，只是單純的看影片，不做處理。
結果發現「幽默敘說組」有壓力中介的效果。

質言之，我們在日常生活中碰到的負面事件，它會占滿意識（conscious）
致使我們無法全力去處理外界事物，這對我們的生活影響甚深。
當我們面對負面事件時，較具幽默感的人可以有效的調適外界壓力，獲得生活的平衡。
所以，如果我們有一個自動化（automatic）的幽默因應負面事件模式
我們會生活的更快樂、平順。

幽默和團體、人際的關係

Martineau認為幽默在構成、促進社會關係上是相當重要的。

Sherman(1988)：
則謂幽默能降低或增加人際間的距離
因為幽默是一種人際溝通的行為，其能促進人際互動、增進友情、親密感及別人的贊同。
當然，它也可以用一種為社會可接受的方式與別人隔離（增加人際距離）
藉由幽默呈現向別人表達負面的情緒。

Lorenz(1963) 指出，若一群人能為同一件事開懷大笑
表示他們有共同的生活經驗、態度或信念。
依據人際吸引理論，人類會喜歡擁有相似態度或價值的人。
因此，同時為某件事而笑，是發展友誼的第一步。
再者，笑不但可形成人際鍵結，也能在人與人之間劃一界線。
這是因為，如果一個人無法和一個團體的其他人一起笑
則此人將會自覺是個外人，而與團體間有一道鴻溝（引自陳學志，民 80）。
幽默也具有社會控制的功能
Powell(1977)指出經由幽默的嘲笑，團體成員更能夠去接受團體規範（ group norm）且認同團體。
另一個團體動力的現象是：
幽默能夠控制內團體（ in-group）的行為，能使士氣低落或欲瓦解的團體提昇起來
同時，也可激起對外在團體（out-group）的敵意。

在生活上，幽默也是一種潤滑劑，對人際間可能發生的衝突和磨擦具有潤滑的功能。
適當的幽默也可以化解自己和別人的尷尬。

美國第三十四任總統艾森豪，於第二次大戰期間，有一次到前線視察並向官兵演說。
講罷，不小心摔了一跤，許多的官兵哄堂大笑，部隊指揮官嚇的臉色發青，忙得賠不是。
艾森豪面對這種窘境，沒有大發雷霆的喝令「不准笑」，而是和婉的說：
「沒關係，我相信這一跤比剛才的演說更能鼓舞士氣。」
一句話就維護了將軍身份的威嚴，也扭轉了窘境。

>>January 18, 2006 at 5:11:15 PM GMT+8

2006 年 1 月 16 日 星期一 【晴】

勤學如春起之苗，不見其增，日有所長；
輟學如磨刀之石，不見其損，日有所虧。
陶淵明

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
今日 1030 先有堂
所以 1000 先起身
與老媽子跟老姐一齊出門口
分道揚鑣後匆匆回校

去到課室
無人？
百思不得其解
走去路旁既電腦反覆 check 地點
無錯喎！！

check e-mail
又係晨早先 send e-mail 話取消左
仲要取消埋我 1230 果堂
要等到 1530 先至有堂上
> . <

諗住去 CSC print 野
走去 locker 諗住拎紙
行到 locker 面前, 搵鎖匙
發現自己無帶
-.-

無得 print 野
唯有走去圖書館搵書睇
借左好多本好重而又好大本既書
借完走去 locker 諗住放低 D 書
行到 locker 面前先再次記起自己無帶鎖匙
> . <

等到 Konnie 落堂先可以幫我解決困境（佢有後備匙嘛）
同佢走去 Taste 買飯過公園食
坐低準備食先發現自己唔記得拎餐具
唉.....

一路返 Taste 拎餐具一路聽電話
係馬可孛羅酒店打黎
話我係特選客戶, 可以有好多優惠
講左一大輪
之後卒之講每個月要畀幾多錢
仲問我將張會員咭寄去我 office 定屋企
完全唔問我想唔想要

最後話自己唔要
佢問點解
我答：「我下個星期移民....」
佢問我去邊
我就答我移民去加拿大（因為頭先買左兩個加拿大蘋果）
佢恭喜左我好一陣子先收線

拎完筷子食完飯
悠閒地坐響公園坐到 1400
走去 CSC print 野
去左兩間電腦房, 換左兩部電腦
依舊改變不了響 CSC print 野失敗既命運
成日都死機！！！

上堂
print 左 1/3 份 notes
剛剛好用左果一部份
都唔算浪費

1800 落堂
比原訂時間早左半個鐘
同 Konnie 行左一陣又一城
然後落地車站同 Tim 會合

途中搭 lift 既時候
Konnie 因為擋住出門口既人既前路
畀果個人大大聲同粗口問候
其實都唔關 Konnie 事
係果個人自己心急
不過就搞到 Konnie 好唔開心

會合 Tim
搭車去油麻地
去食上次推介 Tim 去既麵舖食米線
好食, 最緊要係平

食完行左陣廟街
然後行返旺角
途中撞到肥仔同佢班中學同學（即係我師弟, 都唔知點解要寫成咁, 好似佢中學同我無關咁...）
去朗豪坊 G 2000 睇左陣衫
陪 Tim 落 7 仔買完野飲就送 Konnie 歸家

返到屋企
搵左一陣先搵返鎖匙
我個腦到底去左邊？

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
幽默與心理學【二】研究報導

邱發忠撰

幽默的定義

當我們提問「幽默（humor）是什麼？」時，我們常常會聯想到的相關名詞，如：
笑話（joke）、機智（wit）、喜劇（comic）、笑（laugh）、好玩（playful）等等。
Saper（1987）認為幽默是屬於個体、刺激或事件的情感（affective）
以及認知（cognitive）、及美學（aesthetic）的層面。
Hallett & Derks(1998)視幽默為一人格特質，在風格及傾向上有很大的變異；
Veatch(1998)則視幽默為一種知覺現象。

Lefcourt & Martin(1986)認為幽默、微笑和笑
它們是無所不在的現象，但是要去精確定義它，卻是十分困難的。
Foot(1991)也是認為幽默是很難定義，乃因其為一個多向度的概念。
陳學志（民80）曾指出研究者依其研究興趣的不同，而有不同重點的強調
所以，對於幽默的定義會因研究者的觀點而有所差異。

Long & Graesser (1988)對幽默概念有三個層面的定義：

一、引起幽默
反應的刺激可為口語(verbal)、非口語（nonverbal）或結合兩者來呈現
刺激事件也應包含幽默事件的脈絡性質（situation）。

二、引發
幽默刺激的事件包含有意的（intentional）及無意的（unintentional）狀態。

三、幽默的引發反應是根據主觀的認知反應，而非可觀察到的外在反應。
Nazareth(1988)認為，幽默可從三個層面來分析：
第一是引起幽默的特定刺激型態；
第二是幽默刺激被個体感知後所產生的認知或情緒上的經驗；
第三則是幽默產生之后的外顯行為反應（引自陳學志，民80）。

吳佩雲（民79）認為幽默具有二個主要的面向：

一為：欣賞幽默的能力（The ability to appreciate humor）：
指的是能了解並享受幽默創造過程中的訊息，且此幽默創造情境中的不一致性不會具有威脅。

另一為：創造幽默的能力（The ability to create humor）：
是一種覺知人、物或概念間不一致（incongruity）的關係
且能將此原不相干的關係加以巧妙聯結，傳達給別人的能力
而以口語、文字，或其它的方式傳達，其結果能引起微笑或大笑。

Warnars-Kleverlaan & Oppenheimer & Sherman（1996）：
聲稱幽默除了有社會目標（social goal）的性質之外，還有下列幾個特質：

一、幽默的產生能力 ；
二、好玩的感覺；
三、辨認幽默的能力；
四、理解幽默（appreciation humor）的能力；
五、有能力去使用幽默，使成為適應的機制（adaptive mechanism）
就是說對問題、困難能使用幽默去中介，以消除個体對負面事件的不良反應。

由以上各家對幽默各持一言或交集的觀點，及本論文旨在探究幽默創造的技巧
側重幽默理解及創造歷程，所以，筆者認為幽默的定義應該包含下列幾個層面：

一、幽默是一組特定的刺激，能引起笑、好玩的性質。
二、幽默刺激被個体覺知之後，能產生認知或情緒上的經驗。
三、幽默產生之後，能有一些外在可觀察到的反應，如笑的次數或者是笑持續的時間。
四、幽默產生的能力：對環境的觀察具敏感度，能依情境的變化創造出好笑的幽默事件。
五、幽默的理解能力：對幽默刺激材料能夠認知，產生好笑的感覺。

由文獻得知，幽默與我們生活是息息相關的。

>>January 17, 2006 at 5:07:01 PM GMT+8

2006 年 1 月 15 日 星期日 【晴】

憂勞可以興國，逸豫可以亡身。
歐陽修

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
今日要返學
新 sem 既第一日就遲到
果然一如以往
-.-

響 Acadamic Exchange Building 上堂
第一次唔響本部大樓既 main building 上堂
個 lecture theatre 好大
設備亦較先進

第一日上堂就聽左好多野
呢科睇黎都幾 full
好彩我對風火水電都有 D 興趣
應該唔會死得好嚴重既....

落堂想打電話畀 Konnie
發現自己無帶電話
上 Department 諗住拎返 D assignment, 不果
之後拎紙想去 CSC print notes
又唔得
皆因唔記得帶學生證
> . <

無帶學生證
圖書館又去唔到
CSC 又去唔到
完全令我留響 city 既意欲摧毀
連電話都無帶
就算等到 Konnie 落堂搵唔到佢食飯
> . <

去左商務打書釘
三本簡體字書既價錢都未夠一本繁體字書既價錢
結果買左三本書走

返到屋企
第一時間搵電話, 不果
唔記得放左去邊
老姐同老媽子仲問我係咪唔記得帶返屋企
無理由呀！
尋日返屋企都有人打畀我架嘛....

搵左陣
放棄
橫掂部電話要出現既時候點都會出現既
於是走左去打日記

打打下聽到有 D 野震動既聲音
老姐話係電視機聲
細聽, 唔似
反而似自己部手機既震動聲
卒之響自己尋日著件褸度搵返部手機

原來唔單止唔記得放左部手機響邊
仲唔記得要熄電話
好彩無熄, 否則都唔知幾時先會搵到

趙慶中打畀我
問我打譜用乜 software 好
答左佢之後, 佢又同我講左陣佢遲 D 可能要作曲
讀 Master 真麻煩
不過又幾羨慕佢有份正當職業之餘, 又可以追求自己理想

打日記打到悶
變左打機
打到咁上下食飯
好似好耐無同屋企人食飯
有 D 唔自然添
=3=

霍碧蓮打電話黎
問我得唔得閒幫佢手三月玩科大中樂團表演
同尋晚朱哥哥問我玩唔玩中大中樂團一樣
我都係下星期先答到佢地

今個 sem 要努力！！

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
幽默與心理學【一】研究報導

邱發忠撰

人投於世界中，總會遭遇無數的痛苦、悲傷及困阨，當然也有歡笑。
當我們歡笑時，大多是人生道路上稱心如意
其實，還有一個可以令你開懷的管道，那就是「幽默」。

中國人是比較不重視幽默的民族
從小到大的教育裡，父母及老師都教導我們要「莊重」、「認真」；
這主要是中國傳統的禮教文化，強調「君子不重則不威」理想。
所以，在幽默的培養上，與西方社會比較起來就顯得缺乏一些。
美國人可以不在意別人罵他無賴、頑固、奸詐，但絕對無法忍受「沒有幽默感」的批評
在他們的眼中，「沒有幽默感」簡直代表著做人失敗，不受歡迎以及令人討厭。
美國麥克阿瑟將軍為他兒子所寫的祈禱文中
除了求神賜給兒子「堅強勇敢、心地善良、認清事實、接受磨練」等外
還祈求上蒼賜給他「充份的幽默感」，由此可見，西方社會對幽默的重視。

幽默有許多神奇的力量
如在1998年的六月柯林頓訪問大陸，在北京大學演講時
中共官方事先安排北大學生提問柯林頓許多尖銳的問題
但柯林頓都用幽默回應的方式，將雙方緊張敵對的氣氛化解。
中國的幽默大師林語堂曾經說：
「在第二次世界大戰前，如果各國都派幽默高手來談判
　那就可以避免第二次世界大戰的發生了；
　因為各國都在嘲笑自己國家的短處。」

幽默是一種智慧的表現，具幽默感的人到處都受歡迎
可以化解許多人際的衝突或尷尬的情境，往往能使人怒氣難生，化為豁達
亦可帶給別人快樂，所以Victor Borge說：
「笑是兩人間最短的距離」。

人生有許多無奈、愁苦與悲傷；在生活中，豈能盡如人意？
但是，「幽默」卻是雨過天晴、迎向陽光的人生態度。
一個有幽默感的人，能有「樂觀豁然」、「談笑風生」的性格
笑看天下古今愁、了卻人間許多事。

筆者在回顧幽默（humor）相關文獻後發現
過去有關幽默的研究大都著重於幽默理解（humor ）層面
其主要是探討個体在幽默理解的機制、幽默刺激特性、幽默理解的訊息處理歷程等等。
但對於幽默創造（creative humor）層面，則未見有系統的探究，更惶論幽默創造的訓練課程。

假如在生活當中，能夠主動的去創造幽默，那世界一定充滿了歡笑，亦可化解不少紛爭。
所以，只要有幽默創造的法則，我們可以成為歡笑的製造者，每個人都可以成為幽默大師。
職是之故，本研究的目的主要是在建立一個幽默創造模式
並依此模式，設計幽默訓練課程，並以實徵的研究，檢驗其有效性。

>>January 16, 2006 at 4:02:24 PM GMT+8

2006 年 1 月 14 日 星期六 【晴】

當斷不斷，必受其亂。
諸葛亮

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
過左十二點先落機
漲既生日就響飛機上面渡過
同佢講完生日快樂先走

出閘
一坐漲爸漲媽車走
丸自己走
之前響飛機上面有廣播話有免費穿梭巴士去全港各地
不過連荃灣地車站都有, 剩係無去彩虹
=.=
唯有坐巴士走

等 N26 等成個鐘都無車到
成條龍得我一個排隊
隔離 N29 好多人排隊
莫名其妙
最後 N29 有車到, 問司機
佢話無 N26 坐
無應
-.-

兩點幾坐到彩虹邨
拎著一個行李箱 + 一大袋野
背負一個大背囊 + 一個斜揹袋
單槍匹馬行返彩雲邨
行左半個鐘
實在太辛苦啦！！！

返到屋企即訓！！！！！！

從日本返黎既第一日
照樣都係十一點幾先起身
執執下野屋企人就返黎
分手信時間
卒之唔再係送健康球畀老爸了
新年老爸有新筷子用

分完食飯
無食
家庭影院播《教父》都無睇
食左少少野就出門口

響油麻地會合唱完野既 Konnie
去荃灣「乞」 order 外賣
先將一大個背囊放響佢屋企
然後落「乞」拎外賣走

食迷你批下午茶
分手信畀佢
又一大堆野堆響佢屋企咯
呵呵~~~

睇相
相到佢個妹響佢間房補習
睇到佢邊食飯邊睇
睇到我走都未睇完
兩隻幾乎滿既 DVD, 威力果然唔同 D

btw, 佢對漲影既相似乎唔多鍾意喎~~~

坐坐下地車有電話搵我
係 Musco 既人, 問我得唔得閒去周年大會
好似今年無參與過任何活動
咁就燒焦左 $100 會費, 似乎唔係咁好
所以話左去

返到屋企食飯
食完上網
太耐無上, 好似連部電腦都唔記得我
死都唔畀我開 icq 同 msn
-,-

聽日就係新一個 sem 咯.....

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
字謎

傳說，北宋大文學家蘇軾，有一次到妹夫秦觀家裡去作客。
蘇小妹見哥哥來了，大擺酒席，熱情招待。

飯後，秦觀陪蘇軾到書房小憩，忽然蘇軾看見桌上有一幅秦觀的字謎畫，上面寫著：
「我有一物生得巧，半邊鱗甲半邊毛，半邊離水難活命，半邊入手命難保。」
蘇軾看完以後，對秦觀說：「妙，妙，妙！」
於是隨手提起筆來，也寫了一個字謎：
「我有一物分兩旁，一旁好吃一旁香，一旁眉山去吃草，一旁岷江把身藏。」
寫畢，秦觀拍手道：「真妙，真妙！」
蘇小妹聽了，跑進書房，說：「什麼東西如此之妙？」
俯身看罷，信口說道：
「我有一物長得奇，半身生雙翅，半身長四蹄，長蹄的跑不快，長翅的飛不好。」
說完，蘇軾、秦觀異口同聲地說：「妙極了，妙極了！」

他們三個人說的是同一個字謎，請大家猜猜，這字謎的謎底是什麼字？

>>January 15, 2006 at 5:07:11 PM GMT+8

2006 年 1 月 13 日 星期五 【雷雨】

日本之旅第十日

卒之係最後一日啦........

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
今日係日本之旅最後一日
真係唔太想走
由於留戀日本既關係
特登同漲睇多次《Love Actually》
仲要睇睇 Commentary 版
痴線的

十二點左右執埋潔具同睡衣
五叔帶左我地去食韓國燒烤
本來佢想帶我地去另一間韓燒
不過遠得滯, 時間上唔許可（食飯果陣己經係 1300, 要 1415 離開目黑去機場）
結果近近地去左屋企附近既韓燒

幾大雨
希望我地正式搬行李既時候唔會咁大雨啦
實在多野到無手拎遮啦！！

好多好靚既牛肉
又係香港韓燒食唔到既水準
睇黎返到香港真係乜野都食唔到架咯~~~~

本來有 d 擔心唔識燒
不過有個侍應主動幫我地燒
原來佢係上海人黎架喎
仲有另一個侍應係蒙古人
大家都係中國人, 他鄉遇故知
難怪服務得咁好啦
今餐食左五叔 25000 yen
佢又面不改容地畀左錢啦.......

計落計落
今次旅程食左佢五餐
一餐居酒屋
一餐河豚
一餐豬扒
一餐壽司
一餐韓燒
五餐都貴到飛起
加埋都好似要成 70,000 yen
差唔多係我呢個行程既總資產（唔計機票）呀！！

貴人出門招風雨
有時都唔係幾想做貴人
落雨去搭火車好麻煩
尤其係要拖著行李, 又無手拎遮...
拎著一個行李箱 + 一大袋野
背負一個大背囊 + 一個斜揹袋
漲仲大鑊
要拖住兩個行李箱（其中一個係五叔借畀佢用, 因為佢多野到無位擺....）
仲有兩大袋野要用手拎
結果要五叔幫佢拎到火車站

尋日響淺草地車站買左把遮
無用過（因為無乜雨）
今日雨勢都幾大幾密
無手拎遮
結果又無用到
都唔知買黎做乜！
仲要我本身都帶左把遮去日本........

五叔送到我地入閘就走
坐最後一次山手線去日暮里站
轉京城線去成田機場
同黎既時候一樣

上左京城線火車
又係坐優先席
上次唔知頭唔知路坐錯
今次就係我地特登坐
點解？
唔係邊有位放行李箱呀............

自動 check in 既服務真係唔錯
起碼唔會雞同鴨講
不過漲就慘 d
佢行到去個自動 check in 機之後唔識用部機
又揀左繁體中文, 完全問唔到人

至於我.....當然係揀繁體中文啦
點解我又無問題？
因為一同丸都響我隔離
可以問佢地嘛
鬼叫漲一支箭衝左去 check in 唔等我地呀~~~

響機場閘內買左少少野
成功用晒所有既散銀
連上次用完唔完既 26 yen 都用埋呀
呵呵~~~~

上機
上機無耐就話機件故障, 要等45 分鐘
但係不停有人上機
擺明係之前有班機 delay 左, 要等埋果架機既人黎啦....

講完機件問題之後
機長就就話天氣問題, 要等十五分鐘
今次我又想真係關天氣事
一來無乜人再上機
二來真係好大雨

過左十五分鐘之後
機長又話我地架機排緊第十四
要等多十五分鐘先會到跑道
然後再等三十分鐘先起飛......
=.=

最後係遲左成差唔多兩個鐘
起飛既時候都己經八點幾
> . <
好肚餓呀！！！！！！

又係坐窗口位
漲隔離位係一個外國男人
個外國人無啦啦同我講野
實現漲想同外國人講野既心願

點解佢唔主動同外國人講野？
好簡單
因為淆底

響飛機不斷響醒與睡之間遊轉
醒少睡多
醒既原因, 不外有三：
1. 聽 iPod
2. 食飛機餐
3. 飲水
4. 去 toilet
所以基本上係訓足全程

睡咁多, 主要係因為眼訓（尋冕訓唔夠嘛）
仲有一個原因
就係我唔想不斷聽到漲同我講：
「點解你唔係吳慧璋呀？？？！！！」
=.="

起身發現 iPod 熄左
以為無電, 原來係己經聽完
唔係呀嘛！
我聽緊果個 folder 有成百隻歌架喎......

飛機卒之著地
趁架飛機行緊去預定位置既時候打畀 Konnie
佢問我響邊, 我話響飛機
跟著佢問：「架飛機未降落架？」
笨

漲成日都想響日本過生日
夢想雖然未能實現
不過落機之前己經過左十二點
差近實現佢夢想啦~~~

同 Konnie 講野
佢話佢自己醒
我問：「有乜野證明係醒呀？？」
隔左一陣, 佢答：「我對眼好乾呀.....」
九唔搭八？！！？

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
韓國食品

岑逸飛

韓國食品，港人不會感到陌生，因為本港的韓國館子甚多
但其菜色是否地道，遊漢城時就可作一比較。

泡菜可說是韓國最具代表性的食品。
最具代表性的韓國食品，自然是經加工後能夠長期保存的泡菜，已有上千年的歷史。
其主要材料，包括白菜、蘿蔔、黃瓜等
又可添加栗子、梨、大棗、魷魚、章魚、鮑魚、蝦、松子等佐料
還可加放蔥、薑、蒜、水芹菜、魚醬等調味料。

韓國固有的泡菜是韓人餐桌上不可之或缺的開胃菜。
經過發酵而能長期貯藏的泡菜，可以增進食慾，也可以提供無機物質和維他命。

地道韓國燒烤，與在香港的韓國館子吃到的略有不同。
由於泡菜的主料和製作方式不同，泡菜的味道也各有不同。
泡菜的主料約三百餘種，以韓國南方的泡菜為例，水分較少，魚露用得較多。
與此相比，北方泡菜的味道略為清淡。

韓國燒烤，也是港人經常在香港的韓國館子吃到的。
但我在漢城吃到的燒烤，不論是烤牛肉或烤牛排
雖然也是以佐料將肉鹵腌，切成薄片在鐵板上烤熟之外
更伴以大盤生菜，用生菜包著烤熟的肉而吃，有肉有菜，營養均衡。
但在香港的韓國館子，大多有肉無菜，可能是想節省工夫，減少成本了。

最後是韓國的拌冷麵，也是有名的，一般以辣醬調味。
最常見的麵，以蕎麥為主料製成，健康有益，是否好吃，則是見仁見智。
各餐廳的冷麵樣式皆有不同，上面覆蓋的配料大多以肉類、蔬菜或水煮蛋為主；
也有放生魚片的。吃冷麵可以用剪刀剪短後才享用。

>>January 20, 2006 at 9:14:05 AM GMT+8

2006 年 1 月 12 日 星期四 【晴】

日本之旅第九日

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
返來返來返來~~~~~~~!!!!!!!
konnie*

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
早早訓左覺
浸完溫泉, 焗完桑拿
儘管無暴斃, 不過身體不佳依舊
早訓會好 D

今日算係幾早起身
起碼早過佢三個
不過無用
等到佢地起身
又等埋玩完拳擊 game（我有份打最勁果個架, 一同漲打極都唔死, 淨係我成功擊倒）
12:00 pm 先出門

去左吉野家, 食左個咖哩飯權當早餐 + 午餐
坐山手線由目黑去上野, 再由上野轉地鐵（銀座線）去淺草
查實本來無定去邊度
大家商量之後, 我講左句：「不如去睇雷門啦~~」
結果就去雷門

去淺草係睇雷門同埋去淺草寺
影完雷門就行入大街
淺草寺正前方有條大街, 兩旁有好多舖頭
賣既野主要係人形餅 + 手信 + 鞋......
人形餅係用類似雞蛋仔既皮包著 D 紅豆餡既燒餅

有得試食, 仲要係一整個餅食
儘管唔太大個, 但係都可以幫補下個食得唔係好夠喉既午餐
成個即整即試食
好新鮮
一話好內疚, 唔願多食
但係查實我地每人都係食左兩個
香港人本色

途中見到隻鴿行街街
果度有好多鴿, 仲隻隻都唔太驚人
響條街好悠閒地散步
仲成日走入人地舖頭
我地覺得好得意, 不過當地舖位既人就唔太認同
見到鴿入黎就想趕佢地走

舖位好多野係東京限定, 淺草限定之類
日本仔屈錢既另一方法係成日整 D 某地點限定版
局你要買黎做手信
幾時香港會整 D 旺角限定, 九龍城限定出黎呢？

響附近影相
漲對丸幫人影相時唔用口數 123, 而係舉起隻左手伸手指數 123 不以為然
於是佢今日影我地既時候, 全部都舉左手伸手指示意
不過就亂咁伸手指
丸畀串至無應

入淺草寺
一因為宗教問題無入寺
於是就響街度食風
我同漲衝入去寺, 一來擋風, 二來參觀
佢仲奉獻左 2 yen 去祈福添

話漲畀 2 yen 去祈福好少
仲要係分兩次去祈
佢就話：「畀 5 yen 好凍呀！！！」
！？！？！？
原來佢想講：「畀 5 yen 唔抵呀！！！」

出黎之後響寺附近行街
睇左好多街舖, 不過無咩買
本來諗住快快手睇完就去池袋行下
不過由於時間關係（日本舖8:30pm 就幾乎閂晒門）
於是我地就約五叔去涉谷食壽司
佢話介紹一間正野畀我地嘛~~~

叫五叔介紹我地食
想佢請當然係其中既目的
不過如果要我畀錢都無妨
黎到日本, 唔試下魚生壽司又點得？

玩推公仔, 入左 700 yen 依舊失敗
即使漲出術搖機, 令到易玩左都無用
丸（小澤延既新名）大力踢左一下
搞到 hang 機, 要工作人員走埋黎叫我地唔好搖機
扮晒無做過, 又聽唔明佢講野

漲接手玩
用左200 yen, 靠搖機成功得到幾個毛巾
收左佢兩條毛巾
之後無乜野做
睇左阿婆玩好耐推金幣機
臨走搖左幾下個推公仔機
搞到部機響就拿拿聲走人~~

去左另一間舖玩推朱古力機
漲用左200 yen 又搞掂（無搖機）
不過收穫不豐
拎左四條大朱古力 bar
隨即一人一條分左

一用左成千 yen 黎玩推朱古力機都失敗
最後又靠漲出術
今次既收穫甚豐
十條大朱古力bar + 幾條小朱古力 bar + 幾盒小朱古力

見到間100 yen 店
買左幾件野
100 yen 一個手提電腦保護袋
超抵！
用左 300 yen（唔計稅）
漲買左成3000 yen 野, 總共29 件
佢好似想搬左間舖咁......

日本既 100 yen 店同香港既 10 蚊店好唔同
人地賣既野好靚, 質素又高
唔明點解可以賣咁平
入面所有日用品都可以買到
連有牌子既野都有得賣（e.g. disney, sanrio...）
如果響香港, 果 D 一定係冒牌貨

坐銀座線
由淺草總站坐到涉谷總站
唔識路去同五叔約定既 Mark City 商場
周街問人
果男人帶我地去搵警察, 幫我地問埋
香港搵到個咁既人, 可能要去還神咯~~~

去到五叔推介既「美登利」壽司店
好多人排隊
邊排邊等五叔黎
等左成個鐘先有位

壽司好好食
果度既三文魚好似唔係最高級
反而吞拿魚更加高級
淨係吞拿魚都分三級
包括 fatty tuna, extra fatty tuna, 以及 ultimate extra fatty tuna
又香又油, 油而不膩
極品呀！！

食完呢度既壽司
發覺香港既所謂壽司真係完全唔掂
新鮮 D 就係新鮮 D
種類多就係種類多
入口即知, 無須多說
呢餐又係五叔請
五個人食左一萬二千幾yen
五叔仲要不停話好抵食好平......

佢仲話上次響新宿食左二萬幾 yen 壽司
除左證明新宿既消費物價好高之外
仲證明左五叔真係好捨得駛錢......

返目黑
去左間 Natrual Lawson 便利店
買左個牛乳雪糕批
好味
今次旅程無飲過日本牛奶, 食返個牛奶雪榚批
聊勝於無

返五叔屋企之後就開始執野
執到最後既行裝如下：
一個行李箱 + 一個背囊 + 一個斜揹袋 + 一個好大既「無印良品」膠袋
不過唔夠漲勁
佢要揹一個背囊, 拖兩個行李Gip, 仲要兩大袋野

尋晚係秋葉原買左十隻 DVD-R
牌子係....super X....about 290 yen
好平（平時日本 DVD-R 大概10 隻1000 yen）
將呢幾日我地影既相燒入去
淨係漲一個人都用爆左一隻 DVD-R
佢影左成 4.6 GB, 多過我地三個加埋......

一同丸早左訓
同漲睇多次Love Actually, 今次係睇Commentary 版
漲睇埋 D delete 左既片段就訓
我就聽完 D 歌先訓
差唔多成五點鐘咯......

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
淺草

東京最古老也最具傳統色彩的地域－－淺草。
每次到淺草總會見著大批遊客
熙來攘往徘徊在雷門、仲見世商店街與淺草觀音寺。
每年7月份最後一個星期六的夜晚，當地居民都會在流經淺草的大河
－－隅田川上，舉行盛大的花火大會。
各種宣傳告示貼滿東京都內各大小車站、觀光飯店和百貨公司。
盛夏溽暑的7月裡，東京都內最大的盛事就屬這項從1713年開始燃放
至今已有200餘年歷史的隅田川花火大會了。

雷門是淺草寺的玄關，中央巨大的燈籠是許多外國遊客爭相攝影留念的的背景。
雷門是天慶5年（942年）時，為了祈願天下太平、五榖豐收所建
由於安置了風神和雷神，所以稱之為風雷神門。
但是人們卻在不知不覺中將之省略為「雷門」。

>>January 20, 2006 at 9:22:36 AM GMT+8