2004 年 3 月 10 日 星期三 【晴】

今日DAY OFF呀~~約左小麟,阿聰同筒哥哥打牌,
八點幾要到荃灣喇...好早........
之前同小麟&超哥去食早餐先,
小麟又有D煩惱丫,真係唔知點.......
MEET左佢地之後就去左一間新既聯誼會,
哇~~~勁靚~~~而且亦都好抵~~~~~
打左8圈,本來我係WIN架,不過臨尾兩鋪出沖.....
最後埋單都要輸,唉~冇運行~~
打到4點左右筒哥哥要走啦,我同小麟去旺角行下,
買左衫啦,仲有去換DVD機,竟然撞到阿MOON哥~XDDD
佢PART-TIME係換信用卡禮品嘛~~~呵~~~得閒上去探佢啦~~
部機都幾重丫,我幫小麟拎好了,唔知點解總係想照顧佢架喎XDD
本來佢係去番學既,不過突然話唔番去行街XDD
是旦啦,夜晚我地再約超哥食飯咁~~
出左成日街好累啦......ZZzzzz

>>March 15, 2004 at 12:17:50 PM GMT+8

2004 年 3 月 8 日 星期一 【晴】

番晏啦,今日係家家LAST DAY呀,
所以夜晚會成班同事去食盤菜~~正~~
今日下午俾人問我咩料喎!!!!!!
頂你個死八婆,你過期還書唔俾錢仲大聲夾惡咁問候我!!!!!!
如果我唔係職員就即刻鬧鬼佢>_<
小麟又有D煩惱喎,都唔知點幫佢啦......
只可以同佢講順其自然啦~
夜晚自修室爆晒,太多人喇....
5月仲衰啦!!!!!
放工後我地更去MEET佢地啦,點知仲未有位....
成九點幾先有得食,今次有17個人好熱鬧啊XDD
個盤菜都幾多料丫,都幾好食~~
仲叫左其他野食,埋單都係八十幾好抵O者~
番屋企又打下機先XDD
成兩點先訓,可能今晚冇食飯啦,容易肚餓D~~XDD
聽日番7:30AM呀.......唉.....

>>March 10, 2004 at 12:07:49 PM GMT+8

2004 年 3 月 7 日 星期日 【晴】

又番早,好眼訓添....-_-
朝早好快就過喇,急不及待番屋企訓覺...Zzzz
訓左四個鐘精神晒~~~~
發現自己太多dvd碟喇,整番個list出來都好喎,
可以方便d借俾人嘛~~不過呢個大工程要多少時間搞一搞~
夜晚好多野搞.....
一兩日冇上網就咁啦XDD

>>March 8, 2004 at 12:33:28 PM GMT+8

2004 年 3 月 6 日 星期六 【晴】

中午食完飯就番香港啦,超哥番屋企放低D野先,
之後去睇花展,去到都好晏架喇,人都少左好多,
仲好~買左棵薰衣草種呀,好開心^^
之後行下銅鑼灣,去左拉麵街食飯,
講真,日本正宗拉麵都係不外如是,
食唔出有乜分別囉,不過要4-50蚊一碗真係貴.....
番到屋企即訓,累死人-_-

>>March 8, 2004 at 12:27:00 PM GMT+8

2004 年 3 月 5 日 星期五 【晴】

今日調左更番早啦,同對更番工都幾好~^^
早上都係咁多人啦,中午食完飯後就勁上書,
不過又唔係好多書咋喎,都係傾計既多XDD
放工後去上水會合超哥啦,我地番深圳玩兩日嘛~
過左關後去買碟先,家家託我買碟,再加埋我O個D....
又買左二百幾蚊....之後食完飯後就番酒店喇,
今日超累呀,可能尋晚唔夠訓啦.....
間酒店差左D喎,唉,一分錢一分貨......

>>March 8, 2004 at 12:22:16 PM GMT+8

2004 年 3 月 4 日 星期四 【晴】

今日都冇咩特別野發生丫,
放左工去同D舊同學食飯,佢地都變晒樣咁啦XDD
知道有另一個同學仔下年1月1 日結婚啊,太開心啦,
而另一個就上年已經生左個女添,哇~~時間過得真係快......XDD
傾下大家既近況啦,仲係好似以前咁大笑不止啦我地~~XDD
大家亦已經有bf 喇,真係幸福呢^^
之後散水後同shampoo坐晌公園平台傾多成粒鐘,
最近我既煩惱真係要搵個人傾下喇>_<
番到屋企仲係玩game,
已經玩得好差lu.....冇心機玩......

>>March 8, 2004 at 12:16:52 PM GMT+8

2004 年 3 月 3 日 星期三 【晴】

今日終於可以放假休息下啦........
朝早當然又係勁玩個ONLINE GAME啦...XDD
都冇咩進展咁......
下午又係訓教,之後出去搵超哥喇,拎左本工聯會既章程,
搵D野讀下先,希望唔似我讀韓文咁半途而廢XDD
去左葵芳食飯,去仲睇部足球GAME,都唔係好知點玩,
不過睇落都幾得意^^
行多陣就走LU,本來想搵筒哥哥既FRIEND打牌架下星期,
不過原來佢唔識架!?再約喇唯有.......
打俾KAREN傾一陣.......
哇~~知道D好搞笑既野~~XDD
傾左一陣咋,遲D搵佢詳細D傾先XDD
夜晚再玩game,幾時至玩完架..........

p.s. 聽晚約左d舊同學食飯,好耐都冇見佢地啦^^

>>March 5, 2004 at 2:46:25 AM GMT+8

2004 年 3 月 2 日 星期二 【颳風】

今日又凍左.....玩咩.......
個電腦開左超過廿四小時啦,冇計,個GAME要賺錢先有得玩.....=_=
朝早同小如傾開理財既問題,係啦,自己出來做野咁耐都有D錢,
要點做先會有多D錢駛呢.......?? 買股票?投資?我咩都唔識架.......
仲有下個月有幾日假期,想PLAN下去邊度玩好喇,.....去個台灣都得既....
不過睇下超哥同勇哥點喇...如果得我同小麟又危險D...
下午入ML學下野先,好似好煩,又好悶咁......唉......要捱半年......
同細MAY&小莉XDDD吹左兩個鐘水都好開心^_^
小麟做搞手幫小莉同小如做生日喎,BBQ......
好難得佢咁積極搞活動~~唔錯唔錯~~果然有愛情滋潤啦XDD
番到屋企又係玩O個樣野,眼見其他人玩得咁好,都唔知點搞......
又成兩點先訓......

>>March 4, 2004 at 4:04:59 AM GMT+8

2004 年 3 月 1 日 星期一 【晴】

尋日一時口快快講左D唔應該講既野啦,
搞到小麟好似好嬲咁......
中午打下俾佢先,我驚佢同小如冇朋友做呀>_<
不過番到去又OK喎,小麟果然係思想單純XDD
食TEA時傾左D野啦,我真係要改下我D思想先得.....-_-
同小麟關係好番D喇^^
下午要搞自修室啦,好鬼多人O者......
第二日咋,夜晚O個場都成90人入左去,恐怖.....
知道月底入ML啦,唔錯啦,唔駛搞自修室都好,
不過會好悶喇,呢個係自閉位丫嘛XDD
夜晚又沉迷玩個ONLINE GAME"戀愛盒子"
真係幾好玩O者~~~~XDD
玩到一兩點先走,慘啦,上癮添......

>>March 4, 2004 at 3:55:11 AM GMT+8

2004 年 2 月 29 日 星期日 【晴】

哇~~~成個幾星期冇寫過日記啦~~~~~
可想而知我幾忙呢XDDD
呢個星期最大件事都係小麟同勇哥拍拖O者~~XDDD
恭喜佢地啦^^
初初拍拖係好SWEET架~~~好懷念呢種感覺添XD
不過同時我亦都煩左好耐,始終我同小麟係朋友,勇哥同超哥又係朋友,
有好多事唔應該講,唔應該介入........講真,我同小麟既關係好似差左......
而我同超哥又成日鬧交,唉.......點解搞成咁架,今日又知道左D野唔開心.....
超哥都係勸我睇開D,不過真係好難......可能係我天生八婆啦...XD
我好想搞番好我地既關係啦,不過要點做....?>_<
今日要番自修室時間啦,番7:30AM,遲左少少添.......
上午都冇咩野發生丫,小如佢尋日去求簽啦,好似好準咁喎,
不過我唔會做呢D野,好既當然好啦,唔好既自己會唔開心,費事喇~
下午上書啦咁又好輕鬆咁過左,4:00PM放工番屋企訓一陣先,真係太累喇.....
夜晚好難得留晌屋企食飯,要休息下喇,呢幾日都出街太辛苦喇.....

>>March 1, 2004 at 12:26:27 PM GMT+8