2004 年 6 月 29 日 星期二 【清涼】

今日又係番早......出左門口已經勁熱喇>_<
番到去熱到成身濕晒,好憎呢d天氣,差d透唔到氣喇-_-
早上有電腦講座,所以sky過左來我呢面坐,
都幾好丫,傾下計^^
本來約左7號打波既,佢又話唔得閒喎,
嘿~算數,唔計佢都有4個人,好彩佢都肯幫我book場仲俾埋錢o者 XDDD
好快又過左一個早上啦,下午做OFFICE野同嘉慧傾下傾下又放工~YEAH~~~~~~~!!
夜晚都係覺得好熱喎,10點幾諗住上床抖下,點知訓到4點幾AM....

p.s. 幾時睇蜘蛛俠同harry potter好呢.......

>>July 1, 2004 at 3:19:33 AM GMT+8

2004 年 6 月 28 日 星期一 【清涼】

最近都冇咩時間寫日記添~~~~
呢個星期都冇咩特別野發生啦.......
做野方面都開始認識d summer helper啦,
而我地更既新同事做野都上手啦,佢叫Chris丫,靚女一名^^
多左人來圖書館啦,一來D人考完試得閒,二來天氣勁熱,
個個走來避暑.......>_<
而家決定晌7月底放長假啦,未知去邊玩好呀........
最近都成日睇戲添,幾期待蜘蛛俠同HARRY POTTER架~~~~
因為最近睇D港產戲太廢........

今日超哥佢SICK LEAVE留晌屋企呀,原因係佢尋晚飲酒太勁丫......
唉....唔得又學人飲.....擔心死人>_<
7月1日去唔去遊行好呢.......天氣勁熱喎........
早排第一次去左打網球,超難打喎..........冇咩心機打.......
又約左下星期三打波,YEAH~~~~~~


P.S. 買左個水樽好靚呀^^

>>June 29, 2004 at 2:13:42 PM GMT+8

2004 年 6 月 17 日 星期四 【晴】

我發覺呢度已經變左週記啦XDDD
講番上星期日先,又係DAY OFF,一早就出街啦,
同超哥先係電影博物館睇下,都冇咩野睇既~~
不過可以行下西灣河都幾新鮮啊XDD
下午就去數碼港睇戲,30蚊好平丫~~
以前超哥係晌呢度番工架喇,不過都冇咩野行既,
得個戲院同百佳.....今次睇大事件,冇咩特別既一套戲囉.........
不過間戲院都幾正,夠開揚~~行多一陣就番銅鑼灣行下啦~~
都冇咩野好買咁,之後去左一間裝修既靚,有和民FEEL既地方食野,
食左兩樣野都百幾蚊.......真係貴...........
約左KEVIN聽日打網球丫,未打過有D緊張添XD
第二日番半晝咋,中午出左去食客飯,我地有5個人可以有5個菜~呵~
下午番屋企訓下先啦當然,飯都未食就出去打波啦,
今次有超哥,夾仔同LOUISE,我要學下打先......
不過都幾難,成日都打高左,打到手都軟.......>_<
之後KEVIN來左.....哇......佢超勁啦!!!!!!!!球球都中晒架喎!!!!!!!
打到超哥呢個自大仔都冇野講XDDDDDD
之後去食少少野再還番塊拍俾小麟,
都係打羽毛球好玩XDD

>>July 3, 2004 at 11:13:52 AM GMT+8

2004 年 6 月 8 日 星期二 【晴】

原來係6月第一篇"日記"喎XDD
講番呢兩個星期D野先,上星期一同SHAMPOO & BENEDICT出來食飯,(話就話係幫BEN仔慶祝生日)
諗唔到去邊度都係打邊爐好了~係有D厭架喇~不過傾下大家近況都幾開心^^
之後既星期三又係全個月最辛苦既日子啦,頂唔順之下下午要早走回家休息.....>_<
星期四本來係約左超哥既,不過佢話要同佢個FRIEND買D爬石野,諗住佢都係買一陣架O者,
咪跟埋去囉,點知一買就去到十點幾.....可憐既我飯都冇得食....算啦,之後去食個遲飯.....
頂!!俾佢成杯水倒過來,下身濕晒啦,我終於知道咩叫欲哭無淚了-_-
我又唔係嬲既,係好無奈囉,唉.......
星期五就去上日文堂,不過好累咁冇咩心機,之後同小麟食飯,食O個碟菜有菜虫好恐怖>_<
星期日就同超哥去打羽毛球,始終同佢實力相差太遠,佢打D波又咁極端,真係走死人呀!!!!
不過佢都訓練到我打得大力左同有技巧左,不過右面身勁累!!!!!!!!!!!之後上我屋企整下部腦先,
DEL左D VIRUS咁啦,THEN行下街囉,我又買左兩條魚喇,呢次我一定要好好對佢地!!!!!XD

前日星期一放半,一起身右面身勁痛,唉..下次都係唔好同佢玩單打......
下午回家訓下覺,之後同STELLA睇野蠻師姐,觀眾唔多啦,所以間戲院勁凍.....
雖然d人覺得呢套片麻麻,不過我覺得ok喎,始終d人會將佢同野蠻女友比較啦,
咁講真一定冇野蠻女友咁好睇,但係我覺得都唔錯,起碼我都喊左兩次先啦XD
全智賢冇以前咁靚LU......都係孫藝珍靚女D^^之後食DINNER,再行一陣,
最近又留意番DC喇,不過都係唔知買邊部好添.....而家心水係NIKON COOLPIX 5200~
仲未的起心肝買喎....尋晚番自修室收10:00PM好累丫,搞到今日keep住眼訓添.......
聽日又放假~好野~~

p.s. 1 summer helper下個星期終於來喇,我地有得抖啦^_^
p.s.2 星期日又係off,happy again^o^

>>June 9, 2004 at 3:43:13 PM GMT+8

2004 年 5 月 30 日 星期日 【晴】

尋日同細may調左要番工呀~~
不過d時間都好快過o者,又唔係好多人添^^
放左工之後即刻去奧海城食飯,去到o岩o岩6:00pm,
都冇人到既...之後成6點幾先齊晒人,我地有8個人要大檯啦,
等成個鐘一檯人都未走....-_-....
第一次見KAREN個bf,好靚仔丫~XDDD
仲有係翠璋個gf,好斯文既一個女仔,同佢都好襯XD
佢地兩對D煙刃到丫............XDDDDDDDDD
我同超哥當然同CANDY&ANDY一齊啦~~~
終於8:00PM先有檯..差D唔記得講,我地呢次去金滿庭食飯,
以前D人排隊既人龍好長丫,D野食都幾好食呀,
最好玩個叉子燒餅,要將D菜入落去食架,佢地玩到塞晒所有野落去.................
之後勁有醬爆FEEL~~XDDD
都食左2個鐘(咁耐先等到,梗係坐耐D啦!!)
我成日俾佢地話係老人家.嗚..我個樣唔老就得啦!!!!!!!!
好耐未試過咁多人食飯,都幾happy~XD
10點幾先番屋企啦,好累喇~~~~
聽日又要番早~~咕!!!

>>June 1, 2004 at 4:37:46 AM GMT+8

2004 年 5 月 28 日 星期五 【晴】

呢個星期都冇咩特別野發生啦
我同超哥冷戰後又變得好好喎XDD
最近佢迷上爬石,呢D人成日都三分鐘熱度.......
睇下佢玩得幾耐XD
最近睇左兩套戲"旺角黑夜"同"明日之後"
前者比我想像中好睇,故事幾緊湊,
至於明日之後,完全係一套災難片,睇到我目定口呆....
都幾好睇呀,我諗我地都係時候要學識保護環境喇~~
仲有星期一買左兩條個肚好大既魚仔,因為我之前O個3條終於死左LU.....
好搞笑喎佢地個樣XD

星期日約左KAREN,CANDY佢地出來食飯,好耐未試過咁多人啦..
不過都未諗到邊度食添,仲有星期一又約左SHAMPOO同BENEDICT食飯...
好忙喎~~~XDD
聽日要番工添......唉....

P.S. 3-5月呢個艱難日子終於過去喇!!!!!!!
又係時候PLAN下D假要點拎......
超哥話唔去旅行喎....唔開心添....

>>May 29, 2004 at 1:18:58 PM GMT+8

2004 年 5 月 19 日 星期三 【陰】

對上一個星期好唔開心呀,
原因係我同超哥嘈大交......
主因都係佢既心態變左,可能男仔就係咁啦....
晌呢個冷靜期只可以用一個字形容我,就係"頹"
日日都喊,冇咩點食野,訓又訓得唔好....唉....
我好驚我地就咁就完喇...始終呢三年我地都無風無浪架嘛....
晌呢段時間好多謝關心我既朋友,令你地擔心sorry呢~
其實問題都係雙方面既,我都有諗過我同佢既相處有咩問題,
發覺我真係一個又任性又自私既人,我會嘗試去改!!!
直至今日我地終於都冇事啦^^
之後我地要努力d維持我地既關係,要識得體諒同包容呢~~
要紀念5月20日呢日呀,係我地既重光紀念日!! XDD

講番最近追睇緊下一站彩虹,不過得番臨尾一個星期先睇太遲添~
好鐘意陳敏之做ELLA個角色,雖然係奸,不過係現實迫成,有D無奈添....
之於尋晚同ANNIE同STELLA打波,得一個鐘咋,好過冇啦~
唔算好激烈,打得幾舒服~想KEEP住一個星期打一次,不過時間係個問題呢~
至於今晚約左SHAMPOO同筒哥哥食飯,傾下我呢個星期既非人生活啦......
隊下酒先,想知醉左係種咩感覺.......
而家我同超哥真係冇事啦,失而復得既感覺有D想喊,係開心既喊啊^_^
好希望可以永遠都係咁~~

>>May 20, 2004 at 5:46:06 AM GMT+8

2004 年 5 月 9 日 星期日 【晴】

足足病左成個禮拜啦,上星期既日文堂都冇上,
放左工要去睇多次醫生,第二日果然好左好多啦~~
喉嚨痛真係辛苦-_-食少左野啦,
搞到呢個禮拜瘦左幾磅喇,食自助餐o個日又食得唔係好多野,o徙鬼晒!!
連續番左三日7:30am,真係累喇~~每日放左工都要番屋企訓一陣啦~~
因為病既關係,多左時間留晌屋企,睇左套日劇"good luck!!"
唔錯丫~~搞到心思思想去搭飛機XDD
今日喉嚨仲有少少未好番,不過精神已經OK啦~
下晝冇王管做自己野XD
出左去COUNTER一陣唔係好慣,姐手姐腳咁....
好彩有排都未出番去XDD

P.S.1 家慧有得去馬安山圖書館呀,羨慕......
不過佢好似好苦惱呢.....

P.S.2 本來星期三去打波啦,不過唔夠人都搞唔成LU.......>_<

>>May 10, 2004 at 12:58:23 PM GMT+8

2004 年 5 月 4 日 星期二 【晴】

星期一番半晝.....有d唔舒服咁.....
本來想放工去睇醫生,不過之後又覺得冇咩野,
都係番屋企訓下算喇........
夜晚超哥又來搵我!?其實佢要來補牙o者,我地呢面 逄星期一都有架牙醫車來架,
收費平好多,架車未到之前都有好多人排隊等喇喎,好彩佢都排到個第二,
好快搞掂啦,只係補左一隻牙,3 mins咋!!可能太多人既關係,牙醫姐姐叫佢下次先洗牙xXDD
之後又行下咁,好似越來越病咁既我-_-
果然第二日起身就發燒喇,頂唔順要請假,呢次感冒好辛苦呀~~~~~
四肢無力,又頭重重頭暈暈咁....睇完醫生番屋企勁訓.........
可能D野既關係,訓極都仲係成身冇力咁......之後我至知小如都請左病假啦,
噢~~上頭會點諗我地呢.....我同小如星期一一齊食飯傾計咋喎,咁都互相傳染喎XD
今日都唔係好舒服架喇,不過都要頂硬上番工,都係番半日咋好彩.....
冇咩精神咁....喉嚨仲係好痛呀@_@
下午番到屋企又係訓啦,本來夜晚約左超哥佢地打網球都唔去得LU......
希望聽日去食自助餐可以好番D啦^^

>>May 5, 2004 at 2:28:05 PM GMT+8

2004 年 5 月 1 日 星期六 【晴】

講番呢幾日近況先
星期五放工後同小麟去學日文,時間都唔係好夠呀,,,,,,,
我諗之後都要遲到lu....我一早已經識日文架啦
都係陪下小麟咁o者,第一堂學左15音,呢個阿sir好著重個字既寫法架喎,
等我都由頭學起先XD
之後去食刀削麵,麻麻O地咋,成舊麵粉咁....食到十一點左右先走啦,
個胃有D頂住添,超哥今晚同D同事飲酒喎,飲到暈暈O地!?好心痛添XDD
第二日星期六仲約1佢打波添架,仲有ANNIE同STELLA一齊,
呢次打得HAPPY好多啦,一來冇規則限制,二來今日都幾在狀態,唔錯~~
打完波之後ANNIE走先啦,我地三個去左食LUNCH,傾下近況咁,
之後同超哥去左睇江湖,講真麻麻O地喎,都唔明佢講咩既..@_@
本來夜晚同同事一齊去慶祝發仔生日,不過自己有D喉嚨痛啦,唔係好食得D熱氣野,
SORRY啦~~最後都甩左底~~
到今日喇,要番工啦,尋日太累喇,今日仲要番最早更,哇~~~~~真係累到.....-_-
好彩今日都冇咩野發生~~
而且手又痛,又冇乜精神,頂到放工番屋企訓左一粒鐘,好D啦~~~
夜晚有D唔舒服添.....唉.....

>>May 2, 2004 at 12:40:23 PM GMT+8